📚 #ЯНГИ_НАШР

📖“КИТОБ АТ-ТАВҲИД” АСАРИ ХОРИЖДА НАШР ҚИЛИНДИ

✅Имом Мотуридий қаламига мансуб “Китоб ат-тавҳид” асарининг Имом Мотуридий халқаро илмий-тадқиқот маркази томонидан тайёрланган замонавий нашри Иорданиянинг “Мактабат ал-Ғоним” нашриётида чоп этилди.

📚“Китоб ат-тавҳид” Имом Мотуридийнинг эътиқод мусаффолигини таъминлаш мақсадида ёзган шоҳ асари бўлиб, мотуридийлик таълимотига оид бирламчи ва энг мўътабар манба ҳисобланади. Шунингдек, асардан адашган тарихий ва замонавий оқимларнинг бузғунчи ғояларига қарши илмий раддиялар ҳам ўрин олган.

📚Асарнинг замонавий нашри унинг Буюк Британияда сақланаётган дунёдаги ягона қўлёзма нусхаси ҳамда замонавий нашрларини қиёсий ўрганиш асосида амалга оширилган бўлиб, олдинги нашрларда учрайдиган айрим камчилик ва нуқсонлар бартараф этилгани билан ажралиб туради. Ушбу тадқиқот Имом Мотуридий илмий меросини ўрганиш бўйича амалга ошириладиган кейинги изланишлар учун асосий манба вазифасини ўтайди.

✅Мазкур нашр Миср Араб Республикасида бўлиб ўтган 55-Халқаро Қоҳира китоб ярмаркасида намойиш қилинди ва халқаро илмий жамоатчиликнинг эътиборига сазовор бўлди.

📌Таъкидлаш керакки, нашрнинг хорижда чоп этилиши ҳамда халқаро китоб кўргазмасида намойиш қилиниши Ўзбекистоннинг халқаро майдондаги нуфузининг янада юксалишига, жаҳон илмий жамоатчилиги ўртасида Марказ номининг кенг танилишига, юртимизнинг жаҳон илм-фани ва цивилизацияси маркази сифатидаги тарихий шуҳратининг қайта жонланишига сабаб бўлади.

Ижтимоий тармоқларда бизни кузатинг:👇👇👇

✅Telegram | ✅Facebook |
📷Instagram |📹Youtube|
🌐Tik Tok| 🌍moturidiy.uz