موشح للزهراء عليها السلام


اليوم عالشفجه يرف دلالي
حملت والبيت صبح خالي


اليوم دلالي عله الشفجه يرف
مانشف دمع العيون ولايجف
صعب ماينراد فرگاها وكلف
دولباني افراگها وشل حالي


دولباني افراگها وماينحمل
ماالوم العين لوضلت تهل
النزل حزنان يوحشني النزل
ومن اصد للدار تشده بالي


من اصد للدار بالي تحيره
عگب عين امي حزينه امكدره
وين اشوفنها المشت للمگبره
شيعاها ورد يون الوالي


شيعاها ورد يون المرتضه
اضلوع والدتي الزچيه امرضرضه
فلت العشره والمسامر گضه
والسمر وي ام حسن يحلالي


اوياها يعجبني المسامر والبصر
اغله من الروح واغله امن العمر
والله لوبيدي اضل يم الگبر
واحط صورتها واسمها اگبالي


احط صورتها واعاتبها واگول
ليش عفتيني يتيمه يالبتول
باچر الخيل اعله صدر ابنچ تجول
ينذبح مظلوم بالطف تالي


ينذبح محروم من ماي العذب
ياهضيمه ايشيل ياشوغه الگلب
ادخل الديوان ظلام وغرب
واليسر والشام يتراوالي


الشاعرة
هجران الياسري
بنت المله ام هجران العمارچيه
غير مبري الذمه من يحذف الاسم او ينسب الرثاء لشخص اخر

لطميه للزهراء عليها السلام (نص الليل لاتمشين)


نص الليل لاتمشين             والوحدي تعوفيني
مااحمل يتم وافراگ           انتي امي وتعرفيني


مااحمل يتم وافراگ            يمه اثنينهن صعبات
من هسه انعصر گلبي          والبيت انترس ونات
ادري الياخذه التابوت         مايرجع بعد هيهات
من شفت النعش مطروح    ضلت عالنعش عيني


ضلت عالنعش عيني          سچابه وجمر تدمع
يمه امصوبه بگلبي            ويمچ گاعده اتلوع
ادري الياخذه التابوت        يروح وبعد مايرجع
اريد اوياچ اريد اوياچ       اصيح ولاتسمعيني


اصيح ولاتسمعيني             اريد اوياچ يايمه
اصد الحجرتچ مگدر           اشوفن حجرتچ ظلمه
روحي افراگ ماتحمل         لاعبره ولاهضمه
وانه امدلله واشلون            بفراگچ هضمتيني


بفراگچ هضمتيني              وچنت امدلله بجالچ
ارتاح وترد روحي              يمه امن اگعد اگبالچ
حملتي ومشيتي ابليل       حاچيني شتهيالچ
ماانساچ اون اعليچ            يالرحتي ونسيتيني


ماانساچ اون اعليچ             يمه اشلون مدري انساچ
عونه الرافگ اضعونچ          وهنياله اليروح اوياچ
عمت عينه التعده اعليچ       وسوطه اعله المتن لاحاچ
صابچ والصواب امچيد         فارگ بينچ وبيني


فارگ بينچ وبيني                 يمه الموت واصوابچ
مثل الجمر بجروحي             اشلون اتحمل اغيابچ
شدعي اعله الكسر ضلعچ      والسطراچ ماهابچ
قرآنچ حزين اليوم                يفجعني ويبچيني


الشاعرة المله
ام غصون العمارچيه
غير مبري الذمه من يمحي الاسم اويغيره

يا حسين:
: فزاعيه حول استشهاد الزهراء





*بكبر  امج يزينب    وين دلينه*
:
*عله الماعدهه حضره  اليوم ونينه*


شدينه الاحزام ونبجي لزهره
جي ضايع كبرها ومالهه حضره
تستاهل مناحه ام زينب الحره
وعالضايع كبرها كل بواجينه*


: ماعدهه صحن لا كبه مبنيه
ودلينه يزينب وين جا هيه
نقره الهه الزياره انريد يوميه
وبشباجهه جم علك شدينه



وين امج نريد اروح عنايه
وننصب فاتحه والحسين القرايه
ماتبجي الظلعهه وناحت الهايه
*لحسين ولابو فاضل وجفينه



تخذينه يزينب نعتني ليهه
انريد الجف ابو فاضل نواسيهه
والحسين الطم ودموع نجريهه
*ونكلهه يزهرا احزام شدينه*



بس ضايع كبرها وما لكيناها
حسافه ام الحسن لا شيعيناها
انريد انروح ليهه ونكعد احذاها
*والحسين وعضيده كل تعازينه*


*لخادمة الزهراء العلويه ام جعفر*
غير مبري الذمه من يحذف الاسم ويأخذ الكلام وينسبه له ج

لطميه للزهراء عليها السلام
        
============


اليوم  الزاچيه

من  بيتها  اتشيل

تعوف الدار وتعوف المداليل

============

عافت دارها  وعافت  الايتام

ياوسفه  الفرح  بلبيت  مادام

صدمه اليوم حلت على الاسلام

ياحيف الرجس بلعالمه ايعيل

££££££££££
 
اليوم تشيل وتعوف ابو الحسنين

بلفرگه يزهره  شلون ترضين

ابحيدر   وبناتچ   ماتحسبين

يومچ  يازچيه  يهدم  الحيل

£££££££££

هليوم الاولاد امهم يودعوها

لو جلجل الليل امهم يشيعوها

حيدر والحسن وحسين دفنوها

وسكانچ  يدنيه  بيهم  ايميل

££££££££££

خلوها  البنات  اليوم  يردنها

يشبعن شوف منها وخل يودعنها

فك  تابوتها  خلهن  يحاچنها

ويصيحن ييمه فراگچ اثگيل

£££££££££

مهظومه البنيه لو مشت امها

چاهو يحضنها وياهو ليشمها

تتطشر  خلافچ  محد يلمها

دمعتها عليچ بنيتچ ايسيل


===========
خادمة ال البيت وخادمتكم الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇


***

رابط قناة التلجرام  اضغط على رابط القناة يأتيك كل جديد 👇

:
محاضره



ضروره اصلاح المرأه



من اهم الصفات التي يجيب أن تتحلى بها المرأه هي صفه الاصلاح وذالك الان المرأة
ذا اصلحت فان الاسره تصلح وكذا المجتمع وذا كانت فاسده فأن أسرتها تفسد ويمتد أاثر الفاسد إلى المجتمع كذالك
عضمه المرأه الصالحه

ذا تحلت المرأه بصفه الإصلاح فأن الله تعالى يرفع من مكانتها بحيث راح تتفوق على الرجال ورد عن الأمام الصادق (ع)
إن قال المرأه الصالحه خير من الف رجل
غير صالح اكو نساء معدلات مؤمنات صاينات بيوتهن بسترهن بعفافهن
مثل اخلاق فاطمه الزهراء مثل زينب
والبعض لاللاسف تشوفها الزينه وتبرج
واهي تفتر بالمولات والأسواق وعدها شي طبيعي وتتزاحم بين الرجال لعد وين المراقبه وين الاهل تشوفه رايحه الاماكن
العامه واهي بكل الزينه وتبرج والمفاتن
واضحه وشباب تباوع الها بكل اريحيه.

عن عبدالله ابن سنان عن بعض أصحابنا
يكول سمعت ابا عبدالله يقول إنما المراه
قلاده فأنضر ماذا تتقلد
المراه المؤمنه الله يرفع من قدرها ويخليها في مكانه عاليه
مكانتها بالاخره فيعطيها مايعطي من الصالحين من عباده فيقول تعالى


إن الذين آمنوا وعملوا الصالحات يهديهم ربهم بايمانهم تجري من تحتهم الانهار
في جنات النعيم


وتحشر يوم القيامه في زمره الصالحين
والصالحات اكو حديث عن رسول الله
قال إن ثلاث نساء يرفع الله عنهن عذاب
القبر ويحشرهن مع الزهراء امراه صبرت
على عسر زوجها ومراه صبرت على سوء خلق زوجها ومراه وهبت صداقها


منهي المره الصالحه

الجواب ذكر القران الكريم صفتان للنساء
الصالحات وهي القنوت والحفض فقال تعالى

فالصالحات قانتات حافضات للغيب بما
حفض الله


والمراد من القانتات المطيعات عن طوع
وغربه ومحبه الامجرد الطاعه
ومن مضاهر القنوت الدعاء والمناجات
والذا قال تعالى
المريم.    يامريم اقنتي الربك وسجدي


نموذج المراه الصالحه  أبرز مثال
المراه الصالحه هي السيده مريم
بنت عمران فقد وصفها الله تعالى بأنها
كانت حافضه النفسها ومن القانتين
وفي المحاضره الابد إن نتعرف على السيده مريم ونحبه ونذكرها كما ذكرها القرآن الكريم فانگول أن الطابع العام الاانثى هوه العاطفه والحب ففي كل مرحله من مراحها تبرز العاطفه فيها
فكانت صغيره تتوجه عاطفتها الوالديها
وخصوصا الاب وعندما تتزوج تتوجه العاطفه الزوج وعندما تكبر تصير أم
ماتجسد العاطفه بكل مالها من معنى
والسيده مريم الديهة عاطفه شديده
والكنها وجهتها الله
تعالى نفرغت العباده وخدمه بيت المقدس
واللعلم فإن كلمه مريم بالغله تعني العابده

قال تعالى يامريم اقنتي الربك وسجدي واركعي مع الراكعين
وعن الامام الباقر كانت من اجمل النساء
تصلي فيضئ المحراب النورها
وعن ابن عباس لمابلغت تسع سنين
صامت النهار واقامت اليل وتبتلت حته غلب الاحبار
ومن هنا نتوجه إلى الاخوات الكريمات
النقول الهن لتكن عاطفتكم موجهة الله
ثم نحب من يحبه الله تعالى فالحب في الله والبغض في الله ولايصح إن تتوجه العاطفه إلى شاب من دون علاقه شرعيه
فإن الله تعالى يقول والمتخذات اخدان
أمضت السيده مريم حياتها في سبيل الله
ودفاعا عن والدها السيد المسيح
حتى نتقلت إلى ربها فغسلها والدها فهي صديقه لايغسلها الاالصديق وهكذا السيده الزهراء فهي صديقه لا   يغسلها الاالصديق وهو الامام علي فقد روى أن الإمام الصادق
سئل عمن غسل السيده الزهراء فقال ذاك امير المؤمنين فستغرب السائل فقال له الامام لاتضيقن فانها صديقه ولايغسلها
الاالصديق  اما علمت أن مريم لم يغسلها الاعيسى
ساعد الله قلب امير المؤمنين عندما غسل السيده الزهراء وضلعها مكسور


وكاني بزينب تكلهة يمه يايمه ياحبيببه

ضلمه ييمه البيت بحفاج
يمته تجين ونگعد وياج
الموت يا حبيبه مخلاج


انطيني وعد يمته تردين
ونگعد سوه وتشوفج العين
ماضنيت يايمه تغيبين



نگعد سوه ونشوفج ردود
يايمه نمتي بنص اللحود
ياحيف شخصج صبح مفگود



مفگود شخص الغاليه اليوم
وين اشكي بعدها أنه الهموم
گليبي عليج اليوم ملجوم



ملجوم گلبي يريد ملگاج
امي الغاليه والروح تهواج
اتفداج روحي اليوم تفداج



نريدج ييمه من يجي العيد
ملگاج يمه صبح بعيد
خلاني اصفگ ايد الاييد

:
:
:
:
:
:
:
:
:
:
:
:
:
تـــــمـت والحمـــــدللـــه
✍الشــــاعره ام حـــوراء الاسدی

واسالکم الدعاء🌷🌷🌷
شرعا"لایجوز حذف اسم خادمةاهل البیت علیـــــــهـم الســــــلامـــ
========================
. قناة الشاعرة ام حوراء
🌹🌟قصائد🌟🌹
الشاعرة✒ ام حوراء الاسدي
غیر مبری الذمه من یمسح اسم الشاعرة 🌹

فزاعيه لزهراء ع


لزهره خل النوح
كلنه اليله
➖➖➖➖➖

وزينب نعازيها
يازهره عفتيها
والهظم واليها
زينب صغيره والبعد ياويله

➖➖➖➖➖➖
وماتت الزهراه
بالكلب حسره
بعيونها السطره
ماتت حسافه وهيه حيل نحيله

➖➖➖➖➖➖
عافت ولايتها
الدمعه ابخدها
والحسره جرتها
ظلت وحيده والحزن شد حيله

➖➖➖➖➖➖
انكسر احنه اضلوع
نبجي بحزن ودموع
خل نعلكلها شموع
شعه احنه وما ننام اليله

➖➖➖➖➖➖
الزهره طكوها
بالباب عصروها
وسفه يشتموها
الحره محتاره وقهرها نشيله

➖➖➖➖➖➖
كومو نشيعها
شيعه ونودعها
رايات نرفعها
نلطم عالمتن والدمع كلنه انسيله
➖➖➖➖➖➖

تمت بقلم خادمة اهل البيت ع
الشاعره
هيلين الساعدي

قصيده مع هوسه الابا الفضل ع


يهذا منين هذا نسل السباع
يا رسم السبع وسفه حدر كاع

➖➖➖➖➖➖

هذا منين هذا ابن سادات
يطلبونه الفراضه يحل شدات
ابو فاضل سبع كله امروات
( معروف الكافل بفعاله)

➖➖➖➖➖➖

معروفه افعاله بيوم الطفوف
ياصكارهم مايعرف الخوف
يالمنطي العين ومنطي الجفوف
( اوخلاها تتراجف كلها)
➖➖➖➖➖➖

خليت العساكر مالها صفوف
جفك ياحلاته لازم سيوف
ابصولاتك يكافل انته معروف
( تاريخ ويشهد لفعاله)
➖➖➖➖➖➖

شهد تاريخنه بيامك الحلوه
يانسل الشجاعه وصاحب النخوه
معدل ياسبع يالتعرف الخوه
( مضحيها لحسين عيونه)

➖➖➖➖➖➖
ضحه للاخوه ثنين ذرعان
ياشيخ العشيره كمر عدنان
انته بالطفوف مخلي نيشان
( الطف ليهسه يسولف بفعال الهيبه)

➖➖➖➖➖➖
تمت بقلم خادمه اهل البيت
الشاعره
هيلين الساعدي

☘لاستشهاد الزهراء ع ☘

ودعتني امي العزيزه ودعتني
عذبتني من مشت عني وجفتني
من خذوها اتحيرت
ريت كون انه المتت
صدك ماترجع بعد ليه ونستني
🏴🏴🏴🏴🏴

سافرت ماظن ترد .. صعبه ايام البعد
اظلم وموحش صباحي شلون مصباح

اكعدت بالعتبه أون ...راح اموت من الحزن
غير كون تهيد روحي حتى ارتاح

ذبل اجفوني البچي... بعد ماينفع حچي
فرحت الشمات بيه والحمل طاح

ردي يايمه صحت
اليل كلّه مانمت

خل تجيني السافرت عني وعمتني
صدك ماترجع بعد ليه ونستني

✍☘ام فراس الساعدي ☘
🏴🏴🏴🏴🏴
شايله نبع الحنان…بدونها ضلمه الزمان
ندفنت بليله كــئيبه اعز ناسـي

صارت ايامي سراب.عشت عمري بالعذاب
عليها انعى من الالم شديت راسـي

ريت تلفيني بحلم..من البعد ضليت اهم
بعد ماضنهه تجي السكنت انفاســي

ضايعه يمه صرت
افكاري كلها اتشتت


الفركه صعبه يلحبيبه انه وسبتني
صدك ماترجع بعد ليه ونستني

✍🏻خـادمـة الزهـراءام احمد العبوديه زبير

🏴🏴🏴🏴🏴

شلون نامت بالگبر ..موتها صاير جبر
راحت الشفجه الحنينه وعيني متنام

زهره مشتاقه الچ.. أنام وگعد أفگدچ
وبالگبر مدفونه اذكرچ چني بحلام

انظر الحجره ونوح..گلبي مليان ابجروح
ازغار ضلينه بنزلها شلون ايام

يمه بعد المن اگول
جاوبيني يالبتول

ابدونچ الايام ظلمه ومرمرتني
صدگ ماترجع بعد ليه ونستني
✍️ام علي المالكي

🏴🏴🏴🏴🏴

دمع من عيني يهل..والبعد ما اضن سهل
صحت يمي يلحنينه ردي ليه

حاضنه الشيله عمر..ذكرياتج والسمر
بخدي يانيشان بعدج يالزجيه

ليلي خلصته
سهر..يومي بحسبه شهر
ريت كون اوياج تلفيني المنيه
راحت احلامي سراب
حضنج لوحده بتراب
صغيره يايمه المصايب لوعتني
صدك ما ترجع بعد ليه ونستني
✍طالبه الزهراء
🏴🏴🏴🏴🏴
اخط بذيالي ارجعت .. بيتها اظلم شفت
طافي نور الزاچيه وموحش عليه

شنهي حالي بهلوضع .. شاط من عيني الدمع
ذبت من فرگاهه بس اصفگ بديه

عسه لاعشت بهنه..شلون لوغابت سنه
والله يمه شوفتج عنت عليه

ردي مو حيلي رگد
شخصج الغالي انفگد

مامصدكه راحت امي وماخذتني
صدك ماترجع بعد ليه ونستني
✍️☘️ام فراس الساعدي ☘️
🏴🏴🏴🏴🏴

تمت بحول الله وقوته
باقلام ✍️✍️✍️شاعرات رابطة
ياجبل الصبر

لطميه للسيده أم البنين عليها السلام


من أرض العراق أعله السعوديه
وجينه الگبرچ أنزوره يبدويه
❥━──➸➽❥💔❥━──➸➽❥💔
هيبه أمعدله يم الگمر عباس
بسمچ تحلف أو تتباهه كل الناس
يا تاج الذهب يلمركزچ عالراس
أو ثابت منصبچ يم الكراميه
❥━──➸➽❥💔❥━──➸➽❥💔
جينه الگبرچ أو بعيونه الدمعه
أو نشعل يمچ أبهاليوم ألف شمعه
وصعبه من نروح أو گبرچ نودعه
وصعبه أنعوفچ أبين الوهابيه
❥━──➸➽❥💔❥━──➸➽❥💔
من عباس أجينه وجبنه الرايه
وگنالچ عليچ أيسلم أهوايه
يافخر النسه ويالبيچ الكفايه
وما عندچ صحن لا گبه مبنيه
❥━──➸➽❥💔❥━──➸➽❥💔
يا حره صحن ما عندچ أو گبه
وما مبني الگبر شفناه شگد صعبه
أو يأذينه الگلب والعين تتربه
وگبرچ بس رمل وسفه يعلويه
❥━──➸➽❥💔❥━──➸➽❥💔
من أرض العراق المرقدچ زوار
جينه أو ما تخوفنه العده الأشرار
ويه المهدي باچر كلنه ألچ أنصار
وبحيل الله من أعداچ محميه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأحد / ٩ من شهر جماد الأول
الموافق ٢٠٢٢/١٢/٤
                         

*ابوذيه ونعي للسيده الزهراء ع لسان حال السيده زينب ع*
ــــــــــــــــــــــــــــــــــــــــــــــــــ
بعد هيهات امي تگوم وطــــــــيب
دووه ماينفع ام حسين وطــــــيب
حسافه التحجي بالمعروف وطــــــيب
شبحت عينها ووصت عليـــــــــــــه
ــــــــــــــــــــــــ،،،،،، ـــــــــــــــــــــــــ
سمعتج عله بنيتج توصين
گلبي علمني ورفت العين
وشلون بيه من تموتين
ــــــــــــــــــــــــــــــــــــــــــ
وصت ابوي امي الحنينه
ساعات ويشيل الضعينه
ترحين واحنه شلون بينه
ـــــــــــــــــــــــــــــــــــــــــــ
يالوالده ياالكلف يومـــــــــج
بالمقبره طولين نومــــــج
كون الموت الي يمه يسومج
ـــــــــــــــــــــــــــــــــــــــ
يسومج يكون الموت وشريج
كسر الضلع ياالزهره ماذيج
يمعدله وتعجب محاجيج
ــــــــــــــــــــــــــــــــــــــــــــــ
يمعدله يم ضلع مصيوب
اسمع ونين يفلش الگلوب
تهمل دمعتي وكت الغروب
ـــــــــــــــــــــــــــــــــــــــــ
وحسين دمعاته عله خـــده
لو راح ضعن امي شيرده
بعازت ارباج زغير بعده
ـــــــــــــــــــــــــــــــــــ
مدري شحاجيه وشگله
ضليت دمع العين اهله
ياضيم من بعدج احمله
ـــــــــــــــــــــــــــــــــــــــــ
تونين هسه شلون باچر
لو صبحيتي بالمقابر
بيتج وحش من هسه صاير
ـــــــــــــــــــــــــــــــــــــــــ
تره الوالده ماكو مثله
لو حملت روحي تشلــه
موتج ييمه مو محله
ـــــــــــــــــــــــــــــــــــــــ
*تمت بقلم خادمة الحسين ع ام وليـــ✍️ــــد الموسوي لا اجيز. حذف الاسم شرعا الفاتحه الى روح والدي*

هوسات الی وفات ام البنین(س)



تستاهل ام عباس لطمة صدروالهامه
جابت اربعه اولادلجل حسین وهامه
عمرها انتهاالیوم خلص وخلصت ایامه
حضرتهاالزهراوحیدروالیهه




الهایشهدالتاریخ شوف اشکاتب علیها

یوم الرجعت الحراوسئلتهاعله ارباها

تگلهابس اخبرینی خوماقصرالعباس الکفاله اشعمل بیها

بس لاقصرواولادی یزینب بلله احچیها

تعب الی تعبته الهم خوماضاع تالیها

تگلهالایحراکفوبتربیتچ اولادچ الوفه امربیها

فدوارواحهم لحسین الشهاده لجله ماضیها

ریتچ حاضره اویانه ابکربله ووادیها

اولادچ رفعوالهامه




المنیه من ایجتهاودگت الباب
بچت ام عباس ومنهاالگلب انصاب
رادت للنعش جنازلاکن کل املهاخاب
نامت والموت یعازیها



دارام الوفه ظلمه طافی منهاالانوار
های الطاهره ام عباس زوجة حیدرالکرار
قمضة عینهاالیله ضلت مکدره الدار
عباس امک اتلگاها



تدری امذبحه الاولادلاکن تربی العنین
ساعت المنیه تنظرعله الباب تتانی جیت الحسین
بعداتانی العباس یجی ویجیب الچفین
رادتهم کون یحضروها



اشماله البین عاداهاوخذه اولادهامنهه
خلاهاحزینه دوم ومنهاماگطع ونهه
مابطلة دمع العین الحدماجتهامنیتهه
احویلبین وعملاته




تمت ابعون الله
خادمة الحسین الملایه ام داودالگرغولی
من مدینة معشور..الکورا

نوحیه الی وفات ام البنین(س)



خل ننصب عزه ام عباس ولطمه عزائیه
های الخلفت اولادشجعان وافائیه


ربت وسهرة اسنین
فدة التعب لجل حسین
یشیعه هملوالعنین
تستاهل البدویه
تستاهل دگ لودگینه



اولادالزهراخدمتهم
ابمای العین بارتهم
الهذه الیوم رادتهم
من فرگاهم مچویه
ونت للموت ماحضروها



وحشه دارهاالیله
کلفه علیهاالشیله
مدمعهادمه تسیله
عله الاولادمچویه
ماعدهااولادیشیعوها



های ام اربعه الاولاد
للموت الگلب ماهاد
حضرهابس علی السجاد
علیهاظلوعه مچویه
شیعهاویلطم علهامه



وینه الیخبرالعباس
امه گطعت الانفاس
یجیهاویلطم عله الراس
ساعات الوداعیه
یدفنهاویرجع للشاطی



تمت ابعون الله
خادمة الحسین الملایه ام داودالگرغولی
من مدینة معشور..الکورا

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة مربعة وفزاعية لوفاة السيدة معصومة ع 🌺
-------------------------------------------------------

غريبة اخت الرضا واتريد الاحباب
ما جوها النشامة و طال الاغياب


غريبة اليوم متعيني يمعصومة
كضيتي بالغرب والروح مندومة
وين البي محنة وروحه مهمومة
يجي يبجي عليها و دمعه سجاب

وين اللي يجي يحظرها ينعاها
هاي الطاهرة و الموت لافاها
واجب عالاخو لخته ايتعناها
جرح الگلب يدي وماضي الاصواب

مشتاگة الغريبة و گضت بالغربة
صعبة اوحيدة ضلت يالاهل صعبة
وعلى ادروب الرضا عيناها تتربة
و مخزنة بگلبها للولي اعتاب

اعتاب وبي محنة وشوگ للوالي
گضت واتصيح وين ابن امي الغالي
گطعت ادروب اشوفه وينظر لحالي
ابو محمد حنين الگاه عالباب

حنين الوالي و محلة محنيته
غالي اعلة الگلب ماينسة ابد خيته
اجاني الموت يم راسي تمنيته
هدب جفني عليه من البجي ذاب

يا عازة هلي يحظروني اريدنهم
و وكت الموت يم راسي اشوفنهم
ليش الوكت عن عيني يباعدهم
و گلبي من حنينه و البعد ذاب

-------------------------------------------------------
*تمت بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له

  【اللهم اغفـر للقارئ والسـامع والنــاشـر】

إلهي بفاطمةَ الزهراء ؏ـليها السلام ❤️‍🩹

آنه فاگد عافيه .. بالمگابر غافيه
جنة الله الوالده
**
الراح اگوله ما يفهمه بس المفارگله أُم
ينحرم من رحمة الله المن حضنها منحرم
الصخر لو شاهد هضمته تجري عينه وينهضم
يسلطن الصوت النواعي وعمره يخلص بس لطم

من تروح الخيمه .. عمره يصبح هيمه
روحه ما متواجده
رحمة الله الوالده
*
بيني وبين الزچيه قصة اضلوع وضمه
من تصيح حسين يمه چنها تضحكلي السمه
عدها ما اتعوض آنه اعليه امي معلمه
وآنه بس هالزهره عندي وبيش اعوض فاطمه

گمت احس بدموعي .. الخيل فوگ ضلوعي
گلبي فگدچ مارده
رحمة الله الوالده
*
الماله ام يا حال حاله گلبه موطن للجراح
وامي چانت كل شي عندي وكلشي عندي وياها راح
صوتها الينگط محنه چنه قرآن الصباح
راحت وهيهات اسمعه وبعد بيمن استراح

الصفنه تاخذ روحه  .. الينتچي اعله جروحه
بهايه الله يساعده
رحمة الله الوالده
*
مختصر ماهيتي امي نور من الله العلي
والحياة ابلا حضنها مثل جنه ابلا علي
امي وكت السهر چانت وسن بس اتلولي الي
وبالمرض ديرة عوافي اتشافي كلمن مبتلي

بنظره من عيونها .. ينترس ماعونها
حيل چانت زاهده
رحمة الله الوالده
*
الدار والدنيا عگبها بعيني صارن بس ضلام
كلشي متيتم بعدها وانذبح حلم السلام
اتجيب زادي ومنه تاخذ حصه تعزل للحمام
وعدنه جارتنه يتيمه اتبوسها يلا تنام

تمد سفرة جارنه .. گبل سفرة دارنه
اعليها زينب شاهده
رحمة الله الوالده
*
عالم الوحدها امي طيبه ما تعرف حقد
زرع من جنة محمد تنسگي مو تنحصد
اثمنطعش تسبيحه راحت من اثر سطرة عبد
والعصرها ابين حايط اسمه قتال الورد

وسفه تجري ادموعها .. من صليل اضلوعها
بيد گوم الجاحده
رحمة الله الوالده
*
من اريد اشبگ عطرها  الحنضي ما الگه صدر
الچانت اتضمني بگلبها هسه ضماها الگبر
يتمت حيدر بعدها ويتمت ناس شكثر
فاطمه چانت عمرنه وسافر وياها العمر

الكون فاگد امه .. وحشه صار وضلمه
والنسايم شارده
رحمة الله الوالده
*

هشام الشيباني

انه فاگد عافيه. بالمگابر غافيه

كلمات الشاعر / هشام الشيباني

بصوت. مسلم المطيري

ابوذيات بصوت. مسلم المطيري

زنـجـيـل أبـو ذيـات للـزهـراء (ع)
سـيــد عـــلاء الـحـيّـــدري


علي يـوم الـحشـر شـافـع ... وفـاطـم
ومن حــرّ الـدرك مـنّـجــه ... وفـاطـم
علي علـم الـنبـي المُـرسل ... وفـاطـم
فـخــر للـنـاس دنـيــا وآخـــريـّــه

فـخـــر للـنــاس أم حـسيــن ... وصّـلـه
وأبـد ما يـوم حـبهـه أنگـطع ... وصّـلـه
الـگـمــر من الـزچـيّـه صُـبـح ... وصّـلـه
نـــور الـنــور فـاطـمــة الـزچـــيّــــه

نــــور الــنــور كـــل الــنـــور ... مـنّهـه
جـلـيلـه وما شـفـت فد يـوم ... مـنّهـه
لـــون تـنّـهــانـي كـل الـنـاس ... مـنّهـه
فــلا عـوفــچ يـبـت سـيــد الـبـريّــه

فـلا عـوفـچ وأنـه مـحـبّتـچ ... شـرّيـان
يـنبـض الـگـلـب يـالبالگـلـب ... شـرّيـان
شـمـا جــاب الـبـغـض ويّــاه ... شـرّيـان
أمـيـــر الـجـان عـنـد الـحـيّـدريّـــه

أمـيــر الـجـان وأنّـســـه ... عدنه حيدر
وعـلى دروب الـشـهـاده ... عدنه حيدر
ألــــچ خـــــدّام كـلّـنـــه ... عدنه حيدر
نـطـب ويّــــاچ للـجـنّـــه ســويّـــه

ـــــــ ـــــــ ـــــــ ـــــــ ـــــــ ــــــ ــــــ ــــــ ــــــ

الـشـاعـر
ســيـد عـــلاء الـحـيّـــدري

بصوت. مسلم المطيري

فاطمه بالباب من عصروها
ابضلعها  عمداً  ايضربوها
1️⃣1️⃣1️⃣1️⃣1️⃣1️⃣1️⃣1️⃣1️⃣1️⃣1️⃣
فاطمه بالباب لاذت يا خلگ
اشگد ثگيل الباب وعليها انطبگ
بيتها الزهره الزچيه امن احترگ
نادت الكرار ويسمعوها
2️⃣2️⃣2️⃣2️⃣2️⃣2️⃣2️⃣2️⃣2️⃣2️⃣2️⃣
ذكره ظـلت للأبد مـا تنمـحـي
شلون باب الزهره كلي يندحي
بالسماء السابعه ينعى الوحي
ذكره تبقى وأبد ما يمحوها
3️⃣3️⃣3️⃣3️⃣3️⃣3️⃣3️⃣3️⃣3️⃣3️⃣3️⃣
نادت الزهره يفضه بالهجوم
النذل عالباب يا فضه يحوم
هجمت اعله الدار يا وسفه الخصوم
وعالارض ام الحسن طيحوها
4️⃣4️⃣4️⃣4️⃣4️⃣4️⃣4️⃣4️⃣4️⃣4️⃣4️⃣
ظلَّت الزهره تنادي وبألم
فضه الحگيلي الضلع مني انهشم
وعمري وي المحسن الليله انختم
دارها الزهره وسف حرگوها
5️⃣5️⃣5️⃣5️⃣5️⃣5️⃣5️⃣5️⃣5️⃣5️⃣5️⃣
ماتت الزهره بألم كسر الضلع
وعله محسنها الوگع حگ تنفجع
وصَدَّت الحيدر علي بذاك الوضع
ميته بس تبـﭼـي عليه شافوها

••••••••••••••••••••••••••••••••••••••••••••••••••
الى خادم الحسين وخادم الزهراء وابناء الزهراء

بعد عين ام الحسن
حيدر عيونه عمن    .    عالحبيبه
:::::-----:::::
عايش بنار المصيبه علي كالحظه التمر
اه يفراك  الحبيبه حنه ضلعين  الخبر
موضلع واحد كسرله علي دلاله انكسر
حنيت اضلوع الزجيه هيج محني الضهر
.
خنجر افراكج غفه
بصدر حيدر والكفه
اضلم بعينه الوطن   .   عالحبيبه
::::::------::::::
ضاكت بعينه الوسيعه دنيه صارت مضلمه
يشوف كلها الدنية ضلمه كمر مكسوفه ابسمه
گام مايمشي أعله طوله علي ابفكدچ فاطمه
يفرك ايساره  بيمينه و المصايب تألمه
.
علي رايح واهسه...
ابفكد سيدت النسه
اجتمعو اصحاب الفتن    .   عالحبيبه
:::::------::::::
علي رايح گلبه منه من مشه نعش الولف
ضاعت اسنينه الحسبهه كل سنه تنعد بالف
شالت الزهرة الزچيه وشال وياهه العطف
ماتت ازغير عمرها عذبوها اهل العنف

لوذكر يوم الضلع
يجري من عينه الدمع
من دمه عيونه بچن    .   عالحبيبه
::::::------:::::
من مشيتي يالزچيه راح من عيني الفرح
وانه وي وكتي يعالم دوم ماعندي صلح
اطلع اصورچ  وباوع  يالزچيه  لصبح
ينزف ادموم ومصايب بعد شيطبه الجرح
.
والجرح ينزف دمه
عله افراگچ فاطمه
يبچي وضلوعه انحنن    .   عالحبيبه
:::::-----:::::
ولدج متانين عينج والحضن دافي وحنان
اضلم البيت بغيابج يل زجيه و المكان
دنيه دون اعيون امهم ابد مابيها امان
الحسن ويه حسين اخذ امنه هل زمان
.
حسين وي زينب بجو
وره نعشج صيحو
اعيونهم بعدج طفن   .   عالحبيبه
:::::-----:::::
الشاعر حسن صالح العيساوي
والشاعر ابو ابراهيم الحلفي