اكض رگبة حمامة و اذبح السجين
بس كوّن الوكت ساعات يصفالي

سمير صبيح

بعد الشفتـه منّك طول هالفتـره
صرت هسه ابفلس ما اشتري العشره
و حتى الفاتحه لو مرّو ايشيعـوك
يجوز اقراها الك و ايجوز مااقره

سيف الحلفي

حَـسين علي ﭑلمطوري يڪول :
عن يا جرح روحُي ما حّچتلك
عمَت عيني اعله عيني شكِد بچتلك .

ولگيتك ضـاملي الشينـه
ويم غيري تـٰذب هنـاك
كِل زينك شبعد ويغـزر بعينك

احمد ابراهيم

انه ليلي بلايه واهس ما انام
شلون لوصرت انته واهس ليلي
شلون لو حبيت شكلك و الخصال
شلون لو باجر تروح وتعتذر
وترد لمن اكلك تعال
وتنتظر لمن اكلك انتظر

جبار رشيد

ماصيرن حبل بالراد بيه زماط
تخلص شدتي يسويني مرجوحه

سمير صبيح

اتعلمت كلشي في سبيل انساك
بس افراك وجهك ماتعلمته

ايهاب المالكي

انا المذبوح سكتة وگبري حدر الثوب

انا المذبوح يامكثر سچاچيني

كاظم خبط

رحتلها وشفتها
وروح حضنت روح
الحقيقه وي الحلم وثنينهن طبكن
العيون استراحن هودن بالشوف
والكلوب التقن وبشوكنه احتركن


سمير صبيح

جنه مرتاحين ماندري الخبز ياهو اليجيبه
وبطرك لعب الشوارع
لا سياسه
ولاجكاره
ولا حبيبه

الصكر من طاح
فوك الكاع هم تدري بهضمته عليش
لان سهم جناحه من جناحه

سمير صبيح

شحن شحزن شنوحن شون شبجي
شيفيد اشبج اشاجع شجن شبجي
وكع هذا الغزال ابشرك شبجي
وغده وذبني ابشرك شبج المنيه

ملا محمود المايود

وانته بـ لـمة
شفافك الورديات
مصلوب اثنعش شريان

علي الركابي

يشاطي الشوگ أحاچيك
يروجه بسد خصرها ياهو اليشبه الماي موجك لو شعرها

هاشم جويعد

تايهين
وسومر الشوف بدربنه
ابهيده تمشي ادموعنه وتخدر ونين
تايهين

كاظم الركابي

من اذكرك ينخطف لوني..
و اتطشر خرز ناعم..اي ناعم و بعد انعم..
و اذا منگاش الحديثات مايلگطني ما ألتم..
ياهذا انه ..بعد ونّه ويخلص الليل..
بعد سچه و يخلص الحيل..
وشالة عافيه معتاز أهرول بيهه صوب الريل..

يهلبت بيك زلّة شوگ ويحنن مراسيلك..
يهلبت طيف وتسيّر علي وتگلّي شدحيلك..
چا خضّرت من اجديد..
چا مشّيت المرايه و عزمت المشط و الحنّه..
چا نشّيت كل نورس بحجة عيد..
يل امتعّبني مامِلّك..
بذرّات الظباب تضيع
صم دخان ...
اجيك مغمض اندلّك..!!!

أنه العلّمت ريتي اعليك و أرتاح من اشهگنّك..
أنه اول سنبله تحب شفرة المنجل..
آنه اول امدلّل لاچن معلعل..
أنه المن داخل امبهذل صرت لعيونك امعدّل..

يحسوة كاس المحبين..
يلذة ليل المعرسين ..
احس بعيونك النشوه..
يكلما تنحچي تنراد يحچاية بخت حلوه..
من اشوفك تفزع الضحكه و تلم غرضانهه جروحي ...
من اشوفك يبرد اعتابي و تفرّع كل (هله) بروحي..
و يامه ويامه گلت اهواك..
گعدت وياك..گمت وياك..
كلّه و گلبي گارصني و أرد اردود و تمنّاك..

چم مره تزاعلنه و تحالفنه..
چم مره نوينه انعوف ماعفنه..
ماندري و عله ساعه القدر يذبح مواقفنه..
وتفارگنه..
وعرفت (الآه) ماترتاح الّه بصدر المفارگ..
و عرفت الليل مابي خير چي بس بي عله العاشگ..
ليليّه انشتل شمعه..
ليليّه ابچي و آنه ادريه كتّال الشمع دمعه..
ليليّه أجفل ابطرواك و الصفنه تجي تحبني..
ليليّه استكينة چاي يمي تصيح اشربني..
و انت ولاخبر منك..
ياهو استوطن احضانك..
عسا يبرد ولايدفه..
عساه ايموت بالرجفه..اليطب بدين ذرعانك..
آاااا يالبارحه الگشره..
گصدناك بحلم خطار آنه و گلبي و همومه..
و دخلنه الگلبك و شفنه الغريب معلّگ هدومه....

ع النسيم الشذري
ناعس مر هواها مشت
والحيطان سكرت من تراچيها ونداها
عافت البيبان كل ذاك الطرف كله
وبقت تمشي وراها.

رياض النعماني

حطني شذره بخنصرك وتباهه بيه
صوغني بأذنك تراجي
وسن ذهب حطني علبختك
حتى اذوب بشفتك ويه المحاجي
لاتخليني كحل برموش عينك
انته دمعاتك عزيزه
واخاف اطيح ويه المحاجي

كريم دخيل

يل تحرگ بگلبي وانت بارد
ما تصعدلي بس نازل لك هواي
المطر والگاع حب من طرف واحد

احمد ثجيل

ردتك يمي
من كالوا الحل تنسى

علي مهدي