#savol_javob

❔ Мен дорихонада ишлайман. Дори олиш учун келган мижозлар “Мана бу дори яхши тузатадими?” каби сўзларни айтишади. Мана шундай дейиш ширк бўлиб қолмайдими?

🎙 Шайх Нуриддин Холиқназар ҳазратлари

🚀@muminauz 🌺

#mutolaa

🤲 Тақво - Аллоҳга муҳаббат

🔂Биласизми, Қуръонда тақво - “تَقْوَى” сўзи 300 мартадан ортиқ келади.
Бу шунчаки “қўрқиш” эмас, балки Аллоҳни ҳис этиш, Унинг олдида юракни эҳтиёт қилишдир.

🗣Имом Ҳасани Басрий айтганлар:
“Тақво — бу Аллоҳ тақиқлаган нарсалардан сақланиб, Унинг амрига итоат қилишдир".

🤲 Аллоҳ “тақво”ни Қуръоннинг энг биринчи оятларида эслатган:

ذَٰلِكَ الْكِتَابُ لَا رَيْبَ فِيهِ هُدًى لِّلْمُتَّقِينَ

📖 “Бу Китоб — унда шак-шубҳа йўқ — тақводорлар учун ҳидоятдир.” (Бақара сураси, 2-оят).

Демак, Қуръонни тўлиқ ҳис этиш учун тақво – калит.
Қуръон ҳам айнан тақводор кишига йўл кўрсатади.

Тақволи инсон қандай бўлишини Аллоҳ таоло шундай сифатлайди:

الَّذِينَ يُنفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ

📖 “Улар кенгчиликда ҳам, қийинчиликда ҳам инфоқ қилувчилар, ғазабларини ютувчилар ва одамларни афв этувчилардир.” (Оли Имрон сураси, 134-оят).

✅️Демак, тақво — фақат ташқи ибодат эмас, балки ички хулқ, сабр ва кечиримдир.
Агар оила аъзолар тақволи бўлса, уйингизда раҳмат, тинчлик ва ҳурмат доимий бўлади.

📿 Расулуллоҳ соллаллоҳу алайҳи васаллам айтганлар:
“Энг тақводорларингиз — ўз оиласига энг яхшиларидир.”
Шунинг учун тақво – бу турмушда ҳар куни бир-бирига нисбатан юмшоқлик, кечирим ва ҳалолликда намоён бўлади.

Тақво — бу юракдаги сезгирлик, “Аллоҳ мени ҳозир кўриб турибди” деган ҳис билан яшаш.
Шунда ҳар сўз, ҳар қарор, ҳар ният нурли бўлади.

Тақво — бу қўрқув эмас, Аллоҳга бўлган муҳаббатдир.

🖋 Юнус Ашраф,
Ҳадис илми мактабининг талабаси

🚀@muminauz 🌺

#тақвим

🕰 Тошкент вақтига кўра намоз вақтлари

🌹Ассаламу алайкум ва роҳматуллоҳ!
Кунингиз хайрли ва барокатли бўлсин 🌷

🚀@muminauz 🌺

#duo_zikr

🤲 АЛЛОҲДАН СЎРАЛСА, ИЖОБАТ ҚИЛАДИГАН ДУО

اللَّهُمَّ إِنِّي أَسْأَلُكَ أَنِّي أَشْهَدُ أَنَّكَ أَنْتَ اللَّهُ لاَ إِلَهَ إِلاَّ أَنْتَ الأَحَدُ الصَّمَدُ الَّذِي لَمْ يَلِدْ وَلَمْ يُولَدْ وَلَمْ يَكُنْ لَهُ كُفُوًا أَحَدٌ

 
📖 Ўқилиши: Аллоҳумма инний асалука анний ашҳаду аннака анталлоху, лаа илааҳа иллаа антал аҳадус сомадуллазий лам йалид, ва лам йуулад, ва лам якун лаҳу куфуван аҳад.

🌺Маъноси: «Аллоҳим! Мен сендан сўрайман. Албатта, мен Сенинг Аллоҳ эканлигингга, Сендан ўзга илоҳи маъбуд йўқлигига, Сенинг Аҳаду Сомадлигингга, туғмаган ва туғилмаган ҳамда тенги йўқ зот эканлигингга шаҳодат келтираман».
 
✨ Абдуллоҳ ибн Бурайдадан, у киши оталаридан (розияллоҳу анҳумо) бундай ривоят қиладилар:
📿 «Расулуллоҳ соллаллоҳу алайҳи васаллам бир кишининг: «Аллоҳумма инний асалука анний ашҳаду аннака анталлоху, лаа илааҳа иллаа антал аҳадус сомадуллазий лам йалид, ва лам йуулад, ва лам якун лаҳу куфуван аҳад», деганини эшитиб: «Батаҳқиқ, Аллоҳдан у билан сўралса берадиган ва дуо қилинса, ижобат қиладиган исм ила сўрадинг», дедилар».
(Сунан эгалари ривоятлари)

🚀@muminauz💐

#mutolaa

🤲 "АЛҲАМДУЛИЛЛАҲ" ДЕБ АЙТИНГ!

Бисмиллаҳир Роҳманир Роҳийм

🗣 Муҳаммад Мутаваллий Шаъровий раҳимаҳуллоҳ айтадилар:

⏺Аллоҳ таоло бандаларига:
لا تقنطوا
"ноумид бўлманглар" деган.

⏺Яъқуб алайҳиссалом ўғилларига:
لا تياسوا
"ноумид бўлмангиз" деган.

⏺Юсуф алайҳиссалом укасига:
لا تبتئس
"ташвиш чекма" деган.

⏺Шуайб алайҳиссалом Мусо алайҳиссаломга:
لا تخف
"қўрқма" деган.

⏺Пайғамбаримиз Муҳаммад алайҳиссалом Абу Бакр Сиддиқ разияллоҳу анҳуга:
لا تحزن
"маҳзун бўлманг" деганлар.

🗣 Ташвишли дамларда инсон қалбига хотиржамлик солиш илоҳий манҳаждур. Бас, шундай экан, доимо "алҳамду лиллаҳ" денг.

📝 Ҳомиджон домла Ишматбеков

🚀 @muminauz 🌺

#savol_javob

❔ Бувим раҳматли одамларни қамчи ва нон билан даволар эдилар. Бир табиб менга “Сен бу ишни бўйнингга олишинг керак”, деди. Айтингчи, бу қанчалик тўғри?

🎙 Шайх Нуриддин Холиқназар ҳазратлари

🚀@muminauz 🌺

#ayollar_fiqhi

🥰АЁЛ ОДАТИНИНГ ЧЎЗИЛИБ КЕТИШИ

❔САВОЛ: Мен одатда ҳар ой етти кун ҳайз кўрардим. Кейинги пайтларда ўзгариб, ўн уч кун келадиган бўлиб қолди. Бу ҳолатда қандай йўл тутай?

💬 ЖАВОБ: Бисмиллаҳир Роҳманир Роҳим. Бундай ҳолатда, яъни еттинчи кундан кейин ҳам қон келаётган бўлса, ўнинчи кунгача намоз ўқимай турилади. Чунки ўнинчи ёки ундан аввал ҳам тўхтаб қолиши мумкин. Агар саккизинчи ё тўққизинчи ёки ўнинчи кунларнинг бирида тўхтаб қолса, одат ана шу кунга ўзгарган ҳисобланади. Агар ўнинчи кундан кейин ҳам келаверса, дарҳол ғусл қилиб, намозларни бошлайди ва еттинчи кундан кейин ўқилмай қолган уч кундаги намозларнинг қазосини ўқиб қўйилади. Агар бу ҳолат Рамазон ойида содир бўлса, ўша кунлар рўзасининг қазосини ҳам тутиб берилади. Чунки қон кўриш ўн кундан ошиб кетганда одати етти кундан ўзгармаган бўлиб, кейинги кунлар истеҳоза қони ҳисобланади.

🤔 Демак, сиз шу кунгача ўн уч куннинг ҳаммасини ҳайз деб ўйлаб, намозларни тарк қилиб келган бўлсангиз, ўша ойларнинг олти кундаги намозлари қазосини ўқиб қўйинг. Валлоҳу аълам.

✅ Ўзбекистон мусулмонлари идораси Фатво маркази.

🚀@muminauz 🌺

#kun_hikmati

💐 АЁЛ БАРДОШИ

🚀@muminauz 🌺

#тақвим

🕰 Тошкент вақтига кўра намоз вақтлари

🌹Ассаламу алайкум ва роҳматуллоҳ!
Кунингиз хайрли ва барокатли бўлсин 🌷

🚀@muminauz 🌺

#zikr_duo

🌙АЛЛОҲДАН МАҒФИРАТ ВА РАҲМАТ СЎРАШ ДУОСИ

رَبَّنَا آمَنَّا فَاغْفِرْ لَنَا وَارْحَمْنَا وَأَنتَ خَيْرُ الرَّاحِمِينَ

 
📖Ўқилиши: Роббана ааманна фағфирланаа варҳамнаа ва анта хойрур-роҳимийн

✨Маъноси: "Роббимиз, биз иймон келтирдик. Бизни мағфират қилгин. Бизга раҳм қилгин. Сен раҳм қилувчиларнинг яхшисисан".

🚀@muminauz 🌺