بحق الامام السجاد عليه السلام
الشاعر مهيمن يوسف الموسوي



ليش المعصوم ميّت مسموم
مات السجاد و متسمم من أرذل گوم


*١*
إمام اعلى البشر كلها علي السجاد
متميز عليهم بأفضل العُبّاد
بحياته بس ظلم و الجور هو ساد
نفس جده النبي و حيدر رجع و نعاد
مر بلوعات وكلبه بحسرات
كلها اتضده و حيف تأذه. منهم مظلوم






*٢*
ابن سيد البشر طه النبي المختار
وجده المرتضى حيدر علي الكرار
وبْن حسين يالمات بغدر لاشرار
معروف بصفاته وارث الاطهار

كل علمه هواي بدينه وفاي
قدم عمره و رايد نصره بأمر القيوم

*٣*
كتاب الله الجلاله من نزل عدهم
جبريل الملك هو هبط يمهم
هذولي اللي فلا أحد يماثلهم
عليل الطف ابو الباقر تره منهم

رابعهم صار من الاطهار
علمه و فكره يشبه جده علمه للدوم


*٤*
يعادونه علي السجاد يا وسفه
إمام اعلى المَلا كلها تره اتعرفه
ظلم و الجور و الباطل صبح ظرفه
عمره الي كضه ما نكدر انوصفه
حيف اتجازيه منّ اتعاديه
منهم متألّم كل گلبه صاير مهموم

*٥*
بحقد و بكل غدر سوّه العده الجائر
يكيده بغدرته و كره لابو الباقر
يسمونه و يقتلونه اببغض ظاهر
فضله و كل مقامه عالخلق ناكر

ميت مغدور من أهل الجور
جسمه اتلوع بالسم صاير ميت مالوم



*٦*
من مات الولي السجاد متسمم
المدينه بس حزن بيها و قهر خيم
الموالي بفكده أصبح هو متألًم
بحسره و مدمعه الهامل نصب مأتم

كلبه مجروح حزنه بالروح
بمصابه تبجي بكل حسره ويهلّ ادموم







مهيمن يوسف الموسوي
٤ صفر الخير ١٤٤٤هـ
٢٠٢٢/٩/١م يوم الخميس ١:١٠ص

بحق الامام علي السجاد "عليه السلام"
الشاعر مهيمن يوسف الموسوي


علي السجاد وصلتله المنيه
يچتلونه العده بسم آل اميه
عمره حزن و آلام من كربله و الشام
يجتلونه العده بسم آل اميه

*١*
خلّص حياته بالمصايب و هموم
لحسين ابوه المنذبح من الكوم
من آل اميه وبحياته مظلوم
وكلهم يعرفونه إمام و معصوم

روحه صابره والله عجيبه
وبعينه يشاهد كل مصيبه
ضده العده الظلام من كربله و الشام
يجتلونه العده بسم آل اميه

*٢*
بعينه يشوف اشجم مصيبه و احزان
وصعبه الابو ايشوفه انذبح عالتربان
حزنه بوكت جته المنيه كثران
وقهره شبه ارض و سمه و الاكوان

على فكره تظل حزن المصايب
من مات الابو اتضده الكتايب
من جور كل حكام من كربله و الشام
يجتلونه العده بسم آل اميه
*٣*
شحال العليل و من اجه ليه الموت
يذكر مصيبة كربله فعل و صوت
و سبي النسه واعله العده من اتفوت
حقد الوليد بكل اذيته منعوت

بأمر منه تسمم يا هظيمه
و رزيته بالگلب عدنه أليمه
شايف قهر لأيّام من كربله و الشام
يجتلونه العده بسم آل اميه
*٤*
من يحتظر دمعه لابوه و مسفوح
من هاجمه ضده الاعادي و مجروح
يذكر مصايب كربله و المذبوح
وحسين ظل فوك الوطيه مطروح

تأذه امن الغدر و شكد خيانه
اميه حاقده و بلا أمانه
لا ريب لا اوهام من كربله و الشام
يجتلونه العده بسم آل اميه
*٥*
امصاب العليل و مقتله ألمنه
لجله الموالي ظل ينوح ابونه
ذكره يظل ما يبتعد من يمنه
وشلون شايف جم حزن عذبنه

امامي و ثابته عدنه قضيته
يألمنه مماته و كل رزيته
حزنه و مناحه دام من كربله و الشام
يجتلونه العده بسم آل اميه
*٦*
شحاله ابو الباقر لَمَن يسبونه
بالجامعه امگيد وسف ياذونه
من آل اميه بالأذه يكيدونه
وجده النبي كلهم تره يعرفونه

تأذه أمن العده ذوله النواصب
سنينه و انتهت بيها العجايب
چنه الحزن أعوام من كربله و الشام
يجتلونه العده بسم آل اميه
*٧*
رابع إمام اعله الخلايق كلها
دمع الموالي بهالمصيبه هلها
بهاي الرزيه الفاجعه من خلها
يذكر امامه و بالدمع جاعلها

تأذّينه شكثر وبهالمصيبه
لمصابه المحب عالي نحيبه
ضده شكثر اقوام من كربله و الشام
يجتلونه العده بسم آل اميه





مهيمن يوسف الموسوي
٢٣ محرم ١٤٤٦هـ
٢٠٢٤/٧/٣٠م يوم الثلاثاء ١١:١٩م

بحق الامام علي السجاد عليه السلام


للبقيع ابعث سلامي يا علي السجاد إمامي
مُصابك ذاكرينه عزائك ناصبينه
يا مولاي يا مولاي


كل موالي اليوم يبچي و ينياحه
بالولاء نكول كلنه وبصراحه
بمقتله السجاد عدنه ماكو راحه
مات مسموم بغدر وبلا سماحه

وبمماته شكد خيانه كل مصابه لوّعانه
المجالس من اجينه عزائك ناصبينه
يا مولاي يا مولاي


يا إمامي و مقتلك من آل اميه
تدري مولاي شكثر بيه الأذيه
وبمصابك سيدي ننصب عزيه
ما نعوفك نبقى كلنه للمنيه

سيدي للدوم ذكرك بالذهن موجود امرك
المحب يفدي سنينه عزائك ناصبينه
يا مولاي يا مولاي


كل موالي اليوم يحزن عالمصيبه
بگلبه حزنان و قهر يبجي بنحيبه
والصبر ولمقتلك شنهو اليجيبه
هالرزيه سيدي صعبه و رهييه

تنتهي كلها حياتك وزاكيه علم و صفاتك
الك شيعي ونينه عزائك ناصبينه
يا مولاي يا مولاي

يا ابو الباقر الك مجلس نصبنه
نحي امرك نذكره بحسره رغبنه
من اجل نرضي الجلاله اللّٰه ربنه
ومن نبينه كل رضه منه كسبنه

وبقهر عدنه و ألمنه مقتلك جدا هضمنه
إمامي شكد فدينه عزائك ناصبينه
يا مولاي يا مولاي


سيدي من كربله حيل و يقهرك
والدك مذبوح تذكر دوم امرك
كل حياتك للولي موجود ذكرك
والاشد شفته ذبيح شلون صبرك

ومن اجاك الموت تذكر والولي مذبوح منحر
حزن عندك لكينه عزائك ناصبينه
يا مولاي يا مولاي


للبقيع اليوم نرسل كل دعانه
سيدي و موتك قهر لمن اجانه
والعمر عن مقتلك لا ما نسانه
شلون ننسه موتتك يا حمانه

بالقيامه تكون حامي سيدي لجلك غرامي
الاذيه مانعينه عزائك ناصبينه
يا مولاي يا مولاي



يم ضريحك بالكلب هاي امنياتي
من نزورك بالحزن بيها نجاتي
دوم و بطول العمر كلها صفاتي
هالمصيبه باقيه الساعة مماتي

بالسنين و كل ذكرها سيدي عالي أمرها
الگلب زايد حنينه عزائك ناصبينه
يا مولاي يا مولاي



مهيمن يوسف الموسوي
١ صفر ١٤٤٦هـ
٢٠٢٤/٨/٦م يوم الثلاثاء ٢:٠١ص

موشح بحق الامام الحسن المجتبى "عليه السلام" محرم ١٤٤٥هـ ٢٠٢٣م
مهيمن يوسف الموسوي

آه لمصاب الحسن بيه الجزع
أذّه كلها شيعته و هلّت دمع

*١*
يا عظيم امصاب مر اعلى المحب
يقهر الروح ويگطّع كل گلب
لو نذكره كل مدامعنه تصب
بالحزن كلمن مصابه يستمع

*٢*
للحسن وسفه الغدر لمّن اجاه
والعده باقرب شخص حين الولاه
وبنذاله وبخيانه وكت اللگاه
راد سمّه و ينقتل وبهالوضع
*٣*
سمّته جُعده بِنَت لاشعث وسف
زوجته عدها الگلب لا ما يرف
چان عدها يموت كل هذا الهدف
بهالقضيه باقيه ما تمتنع
*٤*
شلون عدها هالأمر جداً سهل
تقتل المعصوم وبهذا العمل
رادته يوصل اله كون الأجل
بموتته وبلا قهر لا تنفجع

*٥*
جبده بالسم نمله حيف الحسن
ظل يلوع امن الالم و شكد يون
عادته الاشرار كل اهل الفتن
ومن نسل جده النبي تقوى و ورع

*٦*
كل عدوه مع اله قوه و نزال
لو يجيله و يعتني حين القتال
بس خيانه عنده ويلي ولا محال
للغدر وشكد نذاله يندفع
*٧*
ليش مسموم الحسن وبلا ذنب
ضد ظلامة آل اميه هالسبب
كل حقيقه تنذكر لا ما تنحجب
ينقتل من العده أهل الطمع
*٨*
هالمصيبه و الرزيه الفاجعه
كل موالي امن الخلق هل مدمعه
تدري مظلوم الإمام و قانعه
تنذكر هاي المصيبه بكل جمع

*٩*
عادته الانذال كل اهل الغدر
كلها تدري والده فارس بدر
والنبي جده تره خير البشر
بهالامر كل العده ما يقتنع

*١٠*
باقيه هاي المصيبه والألم
نذكر الصار و جره واعلى الأمم
شلون سبط المصطفى شاف الظلم
ضدّته الاعداء ضد كل الشرع

مهيمن يوسف الموسوي
١ صفر ١٤٤٥هـ
٢٠٢٣/٨/١٨م يوم الجمعة ١١:١٣ص

اساسية بحق الامام الحسن المجتبى "عليه السلام" محرم ١٤٤٥هـ ٢٠٢٣م
مهيمن يوسف الموسوي

نصاب الحسن مسموم بگلبچ قهر وهموم
بهاي الرزيّه شفتي الاذيّه
*١*
يا فاطمه الزهره شكثر كل بلواچ
حزن وقهر باقي فلا ما خلّاچ
لمّن رحلتي فاطمه وتعناچ
هاي الرزايا باقيه دوم اوياچ

اول ابن مغدور من كل عده أهل الجور
من آل اميه شفتي الاذيّه
*٢*
مصاب الحسن يا فاطمه بيج الصار
ميته وعلمتي عادته حيف اشرار
عدهم طبع بس الخيانه و غدار
جان العده للمجتبى بوسط الدار

جعده تسمّه شلون لجله حزين الكون
بنوح و عزيه شفتي الاذيّه

*٣*
شحاله دليلج فاطمه وبيا حال
لمّن دريتي بالحسن دمعج سال
صابه العده بسم الخيانه الچتال
باقرب شخص منه حقد وشكد نال
کلب الحسن يا ويلاه حيف السموم الجاه
حيل التقيّه شفتي الاذيّه

*٤*
يم الحسن لجل الابن منقهره
حين الدريتي والدليل بحسره
منج دموعج هامله بكل عبره
ليش العده لابنج كثر وبغدره
عندج قهر واحزان بحسره وألم واشجان
آه الزجيّه شفتي الاذيّه
*٥*
چبد الحسن من العده متسمم
ابنج يزهره بهالوضع متألّم
لسبط النبي روح و گلب بيه الهم
جعده فلا عدها الگلب متندّم
سبط النبي المختار شاف الاذه واخطار
دمعج سريه شفتي الاذيّه
*٦*
بضعة نبينه المصطفى بهذا اليوم
سابع صفر بيه الحزن عندج دوم
لجل الحسن روح و دليلج مالوم
من الاعادي ضاهدينه مظلوم
مصابه بألم ذكراه حين العده من جاه
جتّه المنيّه شفتي الاذيّه

*٧*
وبكل سنه بهذا الحدث متألمه
وبمجلسه يا فاطمه متحزمه
گلبچ يلوع و منقهر وبهمّه
سم العده سار بجبدته و دمّه

ثاني أبن من راح صوت الرزايا ناح
روحج نقيّه شفتي الاذيّه


مهيمن يوسف الموسوي
٣ صفر ١٤٤٥هـ
٢٠٢٣/٨/٢٠م يوم الاحد ١٢:٠٣م

ميمر بحق الامام الحسن عليه السلام
الشاعر مهيمن يوسف الموسوي


الموت الحسن الشيعي يون
ولمقتله لجله الحزن
امصابه بگلبنه موجود موته شكثر ماذينه
.......................
ثاني إمام امن الائمه الاطهار
علم و معارف والده و المختار
طبع السماحه و العطف عالابرار
والله ونعم بيه الهمم
دينه نصر من كل نقم
ينشر تعاليم الدين لنصره يهم والينه
.......................
شاف المحن وشكد غدر من اعداه
من آل اميه الخاينه بس ويلاه
ضده اصبحو هاي البشر مو وياه
باشرف نسب من العرب
بدينه يهم النصره رغب
والحك يظل بين الناس ملتزمه و بكل دينه
.......................
والله ونعم من الحسن يا فضله
وصّه علي بالمجتبه من خلّه
بعده الخليفه اعله البشر و الملّه
لاجن وسف وكلشي انعرف
من العده منهم جحف
ضده الحسن هالاشرار لا مو اله و حامينه
.......................
من زوجته شاف الحسن بس احقاد
جعده تسمه بالغدر والسم ساد
يملي الجسد كلشي اله لا ما فاد

عاش بألم شاف النقم
ضده شكثر أهل الظلم
وحتى بدياره اعداء ضده فلا امراعينه
.......................
شحال الحسن وبهالألم و شعنده
سم العده فطر دليله و جبده
وبين عدوه شكد يبغضه و حقده

طبعه غدر لا مو فخر
تضد الحسن وشكد تضر
وحتى بمماته مسموم عمره انتهى و سنينه
.......................
بسابع صفر من كل سنه متألم
شحال الموالي بهالمصيبه و الهم
دمعات سالت عالوجن من يسجم
قهر المحب بنص الگلب
لجل الولي دمعه يصب
مات الامام و مغدور وجده النبي دارينه
.......................
ننصب مجالس للحسن وبآلام
تضد الامام و تقتله هالظلام
شاف المكايد و الاذه أمن الحكام

بين حقد ود منفكد
بس الاذه عدهم نجد
ونحي مصاب المعصوم بحزن و مناحه بينه
.......................
حگه الامام و نذكره بحاله الصار
من آل اميه الحاقده عالاطهار
ليش الغدر منهم حسافه الاشرار
ظلم البشر ضده كثر
بس الاذه منهم سدر
سبط الرسول و مظلوم حيف العده سامينه
.......................
آه الحسن ذكره يظل ما ننساه
قتله بغدر أذّه الموالي خلاه
من آل اميه بس خيانه من جاه
تغدر وسف وبلا شرف
كلمن يضد بحقده نوصف
الله يبغضه و للدوم الشيعي يهل كل عينه
.......................
مصابه يظل عند الموالي العتره
نذكر امامي المجتبه و بحسره
شلون العده يسمه بخيانه و غدره

من زوجته وسّمّته
بسم الحقد وشغدرته
وضعه صعب من سموه وسفه تره امخلينه



مهيمن يوسف الموسوي
٥ صفر ١٤٤٦هـ
٢٠٢٤/٨/١٠م يوم السبت ١:٤٢م

هوسات بحق الامام الحسن عليه السلام
لحن زينب أمن الخيمه اطلعت بيديها / حمزة الزغير



يالمنتظر الله يعظّم اجرك
شحالك على فكد الحسن و شأمرك
ولهاي المصيبه يا دليل يصبرك
ثاني معصوم و متسمم گلبك حزنان و متألّم


جعده تخون المجتبه يا ويلاه
بامر العده بحقده و ضغينه سماه
جبد الحسن باصعب وضع من خلاه
متأذّي امن السم متلوع وخله گلب الحره تروّع


تدري إمامي بالحسن من سموه
بسيف الخيانه منطعن وشأذّوه
وسبط الرسول و بالمكيده جازوه

من سمه الخاين و بحقده فضله تنكره حين اتضده


بموت الحسن يالمنتظر مولانه
بحالة قهر يا سيدي خلانه
بكلب الموالي هالأمر أذّانه
نذكر موته بونه و حسره گلب الشيعي زايد قهره


ننصب مجالس للحسن وبكل عام
بيها المصيبه بالگلب بالآلام
شلون الولي تضده الاعادي الظلام
بالدمعه ننصب مأتمنه ويبجي الشيعي بحسره و ونه


يمته البقيع الطاهره نوصلها
بيها المواكب للولي اندخّلها
مأتم نقيمه وبفخر نعملها
ونواسي الزهره و مهدينا مصابه المسموم و ماذينا


صبرك يمولاي شكثر متحمّل
غايب علينه و الدموع التهمل
بذكر الائمه سيدي تبقى تظل
وبموت المعصوم و حاله دمعاتك كثره همّاله






مهيمن يوسف الموسوي
٦ صفر الأغر ١٤٤٦هـ
٢٠٢٤/٨/١١م يوم الأحد ٦:٣٢م

فائزي للحسن عليه السلام


يا فاطمه مصاب الحسن من آل اميه
جعده تسمه و خاينه منها الاذيه


يالبضعه و شحال الحسن ضده العده صار
لنه إمام اعله الخلق وتضده الاشرار
من آل اميه الخاينه لا مو فلا ابرار
كلهم يضدونه بحقد وبلا حميه

سبط الرسول المصطفى و كلهم يعرفوه
وشلون اميه تغدره وسفه يخونوه
مضروب بالسيف بحقد من يمه سموه
وعدهم علم وبهالأمر امه الزجيه

يم الحسن ابنج تره بالسم يجتلوه
وفطر جبدته و بألم يا ويلي خلوه
والشيعه شافت حالته بالموت يلكوه
مات و تعذّب يا وسف وكت المنيّه


شاف الحسن من البشر و بكثره ظلام
تضده الاعادي و شكثر متحمل آلام
ومن آل اميه الخاينه باحقاد و اقدام
تكيده بنذاله و بغدر معروفه هيه


بموت الحسن يا فاطمه بالشيعي حسره
للمجتبه المات بظلم همال عبره
ولجله ينوحون بألم و بگلبه قهره
وبكل سنه ولمقتله ننصب عزيه


مصاب الحسن و بخاطري موجود حزنه
وحال الموالي يذكره و بعالي ونه
مقتول من السم العده مظلوم لنه
شاف الاذه بطول العمر والموت جيه


سبط النبي و ابن الوصي عالي مقامه
ليش العده منهم سدر هاي الظلامه
بجور و كره واعله الحسن كل انتقامه
بذكر الحسن كل شيعته تذكره سويه






مهيمن يوسف الموسوي
٨ صفر ١٤٤٦هـ
٢٠٢٤/٨/١٣م يوم الثلاثاء ٣:٥٨م

دارمي للاربعين

من كربله للشام زينب سبيه
رد الضعن يحسين واصوابي بيه

بيوم أربعينيك جيت يا خويه تدري
جبت الحرم و اطفال و الدمعه تسري
اروي شنو الي صار و بهذا امري
من آل اميه هواي شفت الاذيه

عفتك على التربان بارض الحرايب
و العايله عالنوك بين الكتايب
يسبينه حيف اعداك وشكد مصاعب
اتيسر اعله النوك صعبه عليه

تدري يخويه شلون رحنه سبايه
لا كافل الوياي شايله رايه
ولا عندي والي ايكون النه حمايه
بين العده الانذال وبلا حميه


ردن الضعن بهموم والحسره بينه
نزور الكبور اليوم لجلك اجينه
وكلب العقيله احزان من انسبينه
شافناه حيف اعداك ينظر اليه

ارجع يخويه شلون لارض المدينه
وبلا ولي و عباس يحدي الضعينه
بينه البشر شمات تنظر علينه
يشوف النسه عالنوك مجتوفه اديه


بالاربعين اليوم جبت الارامل
ترجب هزيله النوك وبلا محامل
وعالخد دموع تسيل وبحسره هامل
بون و ألم و اشجان صبح و مسيه


بدمعي و هموم اوياي يا خويه رديت
يم الكبر يحسين دمعاتي هليت
بحزني عليك هواي للطف تعنّيت
وراسك ندفنه اليوم جوه الوطيّه


ندفن نريد الراس ويه الجسد كون
ويصعب علينه هواي وهماله لعيون
لاجن امر اللّه منطيعه و شلون
امر الصمد مفروض بين البريه


همومي الذي وياي صعبه و هظيمه
يسبينه حيف اعداك وشكد أليمه
سبي الخدر بالشام والله عظيمه
وجدنه النبي المختار وامي الزجيه


لكبرك اجت وياي كل هاي العيال
تدري يخويه شلون متغيره الحال
واعله الوجن لدموع وبحسره من سال
لجلك متت مظلوم من آل اميه



مهيمن يوسف الموسوي
١٣ صفر ١٤٤٦ هـ ٢٠٢٤/٨/١٨م يوم الأحد ١:١٢م

تعزية إلى الامام محمد المهدي "عجل الله فرجه" في زيارة الأربعين
صفر ١٤٤٥هـ ٢٠٢٣م مهيمن يوسف الموسوي


يالمهدي يا مولاي الله يصبرك
يوم أربعين احسين گلبك يقهرك
شتذكر تصبر هنه المصايب يالولي بكثره

*١*
يوم بصفر عشرين بيه الرزيه
رد الضعن هاليوم لابن الزجيه
من اليسر و الشام للغاضريه
تذكر مصايب حيل وبحيرة أمرك
شتذكر تصبر هنه المصايب يالولي بكثره

*٢*
زينب اجت بهموم تذكر وضعها
لارض الطفوف تكون يهمل دمعها
تبچي بمناحه هواي تون ابجزعها
الها الگلب حزنان واعليها فكرك
شتذكر تصبر هنه المصايب يالولي بكثره


*٣*
لابن النبي المظلوم زينب تعنّت
يَم الکبر و تنوح والدمعه هلّت
بهذا الحدث واللّه حيل و تأذّت
شحالك عليها شلون زينب تحيرك
شتذكر تصبر هنه المصايب يالولي بكثره

*٤*
نوبه على العباس كافل خدرها
لگبره اجت بهموم عالي قهرها
هموم اليسر تشكيه عدها صبرها
بيك شجره مولاي يالعالي قدرك
شتذكر تصبر هنه المصايب يالولي بكثره

*٥*
ام الخدر وشلون شافت مصايب
ردت حزينه هواي مدمعها ساچب
للكافل المغوار ابن الاطايب
شحال العقيله اوياه وبحسره ذكرك
شتذكر تصبر هنه المصايب يالولي بكثره


*٦*
حين الاجت و تنوح هاي العقيله
صبرك عليها شلون دمعك تسيله
بس البچي بحسرات عندك وسيله
كلها حياتك دوم ولهذا عمرك
شتذكر تصبر هنه المصايب يالولي بكثره

*٧*
لابن النبي المظلوم يوم أربعينه
كل عيلته بيا حال كل الضعينه
ولهل الرزيه هاي روحك حزينه
بقهر ومناحه دوم گلبك يجبرك
شتذكر تصبر هنه المصايب يالولي بكثره

*٨*
وبكل سنه وكل عام يالمهدي باحزان
لمصيبة المظلوم وبلوعه واشجان
جرح الحزن ميطيب طول الزمن بان
بيك المناحه تكون وبكلّه دهرك
شتذكر تصبر هنه المصايب يالولي بكثره


*٩*
يوم أربعين شحال من دفنو الراس
راس الولي المظلوم هم راس عباس
وكل الهواشم بيه وشعندك احساس
بهاي المصيبه حيل مكسور ظهرك
شتذكر تصبر هنه المصايب يالولي بكثره

*١٠*
يوم بصفر عشرين يوم الزياره
تزور الولي لحسين دمعك تجاره
ويّه الاجه مشاي كل الحياره
موت السبط مذبوح حيل و يأثرك
شتذكر تصبر هنه المصايب يالولي بكثره






مهيمن يوسف الموسوي ٢١ صفر ١٤٤٥هـ ٢٠٢٣/٩/٧م يوم الخميس ١٢:٤٤م

موشح بحق النبي محمد"صلى الله عليه و آله و سلم" صفر ١٤٤٥هـ ٢٠٢٣م مهيمن يوسف الموسوي

يالرسول وأُمّتك كل حالها
من بعد موتك تَفرُّق نالها

*١*
يا رسول الله النبي الهادي الأمين
ريت حاضر هالزمن هاي السنين
شاهد الأُمّه شجره بالمسلمين
راحت الوحده بسبب افعالها

*٢*
ما بقت أُمتك مثل ذاك الزمن
كلها متوحده تِضِد كل الفتن
صار بس التفرقه وشگد مِحَن
ضد شريعه المُسلمة بأعمالها

*٣*
تركض اعلى الدنيا يالبيها حدود
تنسه يوم الآخره بيه الخلود
للكفر وبليس صارتله جنود
ما تحسّب بالقيامه اهوالها



*٤*
عدها هاي الأمّه واجبها و أمر
مال تاخذ لو حرام شما يضر
والطمع يا سيدي عدها كثر
رايده الدنيا تِحَصل اموالها

*٥*
يالنبي بعدك تغيّر هالبشر
بدنيته هَمّه يريد و يستقر
ناسي موته لو يجي ويوم الگبر
عادتك هاي البشر وانذالها

*٦*
بعدك الناس وصفت بيها الخداع
دنيا غرّتها وَسَف صِير ابضياع
عن تعاليمك فلا عدها اقتناع
الا قلّه امن المَلَه برجالها

*٧*
دين لاسلامي ويعاني امن العِده
رادو الاعداء كلها الحاقده
لاكن ودينك شريعه الخالده
وبسبب أهل العلم وابطالها



*٨*
عادو الأسلام رادو ما يظل
وبحقد حين التضدّه بكل عمل
ما تصير و هالقضيّه و هالفعل
باقي و بطول الأرض وشمالها

*٩*
يا نبينه وأُمتك بيها الخدع
كلمة الحگ سيدي ما تنسمع
قلّه من تلتزم عدها ورع
رحمه والدين بحياته شالها

*١٠*
سيدي طــٰه النبي سيّد المَلَه
بعدك الاسلام بيه المعضله
ما يتبعون الشرع كل مسأله
والشريعه قلّه من يدنالها






مهيمن يوسف الموسوي ٢٢ صفر ١٤٤٥هـ ٢٠٢٣/٩/٨م يوم الجمعة ٨:٣١م