للإمام الباقر عليه السلام
مهيمن يوسف الموسوي ١٤٤٤هـ ٢٠٢٣م

يا إمامي الباقر و عمرك مصاعب
يا إمامي شاهدت كل المصايب
يا إمامي اشصبـّرك و بهالنوايب
*١*
باقر اعلوم النبي أحسن صفاتك
يا صبر عندك حمل كل نايباتك
والرازيه شاهدت باول حياتك
واستمرت سيدي الساعة مماتك

باقي صابر وبرغم كل الأذيه
باقي صابر والجِره من آل اميه
باقي صابر يا ابن نسل الاطايب يا إمامي
*٢*
بيمن ابدي سيدي والله عجيبه
أربع سنين و شفت اعظم مصيبه
بالطفوف بكربله قصـة رهيبه
گلبك بحسره صـُبح حاله كئيبه
شاهدتها كربله و شنهو الجرالك
شاهدتها بس حزن والهم بقالك
شاهدتها كل عدوّك و الكتايب يا إمامي



*٣*
شاهدت بدر الهواشم عالشريعه
كل چفوفه امن العـِده صارت گطيعه
ساعد الله گلبك بهاي الفجيعه
جسمه شفته مؤذّر و جثه صريعه

يجري دمّـه بالسهام و من تصوّب
يجري دمّـه والجسد بالدم تخضـّب
يجري دمّـه سال دمعك تراقب يا إمامي


*٤*
شفته بالطف الولي بين آل أميّه
ظل وحيد حسين بس بالغاضريه
كلها ضدّه و حاطته كل الاذيّـه
والجيوش اتحاربه مو سهله هيـه

لا بوفاضل بالحرب لحسين يَمّه
لا بوفاضل ينصره و يروح هَمّه
لا بوفاضل منذبح فوگ الترايب يا إمامي


*٥*
والحـُسين بكربله و بلا مـُناصر
شفته كلها حاطته كل العساكر
صار بين اسيوف هوّ بيوم عاشر
يا عجبيه تحملت و شلون صابر

من تأذّه والشمر رايد يقتله
من تأذّه شاهدت لمـّن وصلّه
من تأذّه گلبك بكل حسره ذايب إمامي


*٦*
‏سيدي حالك فلا يوصفه كلامي
منگضي عمرك مصايب يا إمامي
اصعب اعليك الولي المذبوح ضامي
و نذبح راسه و صـُبح كل جسمه دامي

عالوطيّـه جثـّته و صارت خضيبه
عالوطيّـه وأصبحت وسفه سليبه
عالوطيّـه والاعادي كلشي ناهب إمامي




*٧*
وِنـْعـَرف منهو العده و شنهو كيانه
چانوا ايذوّك كثره بكل زمانه
تالي عمرك تقتلك اهل الخيانه
والعِده بسَمّك كِثر من لوّعانه

كل حياتك بس قهر شفت بسنينك
كل حياتك يالولي الله يعينك
كل حياتك ونملت بس المتاعب يا إمامي


مهيمن يوسف الموسوي
٢٠٢٣/٦/٢٧م
٨ ذو الحجة ١٤٤٤هـ يوم الثلاثاء ١:٢٧ص

شوط كربلائي بحق الامام محمد الباقر "عليه السلام"
مهيمن يوسف الموسوي ١٤٤٥هـ ٢٠٢٤م



يا باقر علوم الدين إمامي الناصر الاسلام
حياتك بس قهر جانت حملت اهموم و الآلام
*١*
علوم و معرفه عندك إمام و خامس العتره
و هموم بگلبك و تقهر عليها الروح متحسره
مصايب شاهدت عينك دليلك حيل و تقهره
إمامي و الاشد عندك
تشوفه منذبح جدك
لاجن حيف شيسندك
تشوف بكربله العدوان فلا الها تصل صمصام
*٢*
تشاهد عاشر امحرّم من ظل السبط وحده
فلا أنصاره موجودين ولا عباس لي سنده
تشاهد بالحرب باقي الكتايب وبكثر ضده
عن غاية بقى صامد
ضد كل العده الحاقد
رغم يدري بقه واحد
يموت و ينصر الثوره ودينه يرتفع و احكام
*٣*
گلبك يا إمامي شبيه و شلون اصبرت عالصار
سبط طه النبي حاطوا عدوّه بالغدر و اشرار
شرهم عالحسين انصب كتايب ضدته بابتار
كل هاي الجيوش اعداه
ضده حيف مو وياه
حسافه هالبشر جازاه
تشوفه حسين هالموقف ما بين العده الظلام
*٤*
موقف مو سهل يمك إمامي الباقر شصبرك
تشوف الناس ضد الحق صعوبه هواي كل أمرك
صبرت اعله القهر و الهم يمولاي شكبر أمرك
وبطف كربله الحسره
على لحسين و بأمره
تحوّط من عده و شره
رايد دينه وينصره حقيقه كون مو اوهام
*٥*
طفل وبهالعمر تنظر يالباقر على المظلوم
الامام احسين و تحوّط جنود ومن جثير الكوم
يضحي بدمه و بعمره لجل الخالق القيوم
يعله يريد كل دينه
ولو هالناس ماذينه
دينه يكون تبينه
ضد كل الظلم و الجور والضده ابد ما دام
*٦*
يالباقر اشد موقف تشوفه شلون بي تصبر
رماح وكل سهام هواي سيوف امن العده تكثر
على احسين و تصوبنّه آميه هواي من تغدر
جسد شبل الوصي مضرب
من كل سيف و مصوّب
تريده يموت بس ترغب
فلا هابت غضب ربها اجت لحسين و بإقدام
*٧*
شفت شمر اللعين وحيف على صدر الولي واگف
يريده يذبحه بنحره وگلبه ما يرد راجف
عجيبه بهالعمر تصبر گلبك سيدي جازف
تشوفه حسين من ذبحوه
من كل الگفه نحروه
حسافه شلون من جازوه
وهو ابن النبي المرسول وابوه المرتضى الضرغام
*٨*
شفت راس الحسين الصار من عن الجسد فصلوه
امام و مفترض طاعه عجيبه شلون من قتلوه
بدل ما همّه و ينصروه البشر وسفه الذي غدروه
الجسد شفته يوذرونه
رغم كلهم يعرفونه
ميّت هم يعرّونه
بقه عاري على التربان مطعون بكثر لاسهام
*٩*
حگك يا إمامي تكون روحك بس قهر و احزان
منهو بهالعمر شايف مصايب من بشر عدوان
مصيبة كربله كبرى حِزن الها الخلق و اكوان
بيها تروي و تفصّل
جرم هاي العده تنقل
تتركها فلا تقبل
تبيّن كل جرم منهم كسبوا بس ذنب و آثام
*١٠*
بمصابك يا إمامي اليوم ذكرنه كربله شبيها
روحك و الگلب عندك مصيبه هواي تاذيها
على هاي الرزيّه تهل دموعك ساچبه ليها
رزيّه اعله الگلب تصعب
وعليها كل دمع يسچب
بيها كل شخص يعجب
يخونون العده المعصوم يقتلونه وعكس ذمّام



مهيمن يوسف الموسوي
٥ ذو الحجة ١٤٤٥هـ
٢٠٢٤/٦/١٢م يوم الاربعاء ٦:٢٥م

مقدمة للعليلة 
مهيمن يوسف الموسوي ١٤٤٦هـ  ٢٠٢٤م

شحال العليله فاطمه
غاب الأبو و متألّمه
*١*
طفله وبدأ عدها الحزن
لحسين ابوها و بس تون
ولشوفته بنته تحن
بعده الحياة و مظلمه
*٢*
راح و ترك عدها القهر
يصعب عليها تنتظر
بعّدها عنها هالقدر
ايحارب يريد الظالمه
*٣*
روح العليله امكدّره
عنها الابو رايح تره
مشتاكه بنته و تذكره
بشوگ و حنينه و هايمه
*٤*
للفرگه ما تگدر أبد
عنها الابو من ابتعد
بغيابه لا ما تنسعد
يرجع تشوفه واهمه
*٥*
ظلّت حزينه بكل وكت
ومنها الدمع لجله تكت
بس بالقهر و الهم بقت
ولهل الأمر متفهّمه
*٦*
تفهم ابوها بكربله
لاچن كثر حنّت إله
طوّل ابويه سائله
يم الاعادي المجرمه
*٧*
ليل و مسه اتهلّ الدمع
بعد الابو باصعب وضع
وبغيبته ما تقتنع
شوك و حنان الحاكمه
*٨*
تحكمها طفله بهالعمر
بس عاطفه بيها كثر
للفرگه صعبه بالصبر
بكل السنين القادمه
*٩*
طول الليالي مسهره
منها الدمع وشكد جره
لحسين ابوها و صابره
وبهالشدد متحزّمه
*١٠*
مو يم ابوها تنوجد
منهو المكانه ما يسد
مثله فلا ماكو بعد
بهاي القضيه جازمه


مهيمن يوسف الموسوي
٣ ذو الحجة ١٤٤٥
٢٠٢٤/٦/١١م يوم الثلاثاء    ٣:٥٤م

بحق العليلة فاطمة بنت الحسين عليهم السلام
مهيمن يوسف الموسوي ١٤٤٦هـ ٢٠٢٤م


رحلتك طويله   شصبر العليله
بغيابك يبويه     دمع عيني اسيله
صعوبه عليه       الحزن و الاذيه    شصبر العليله
*١*
عتابي يالابو و أدري العتب يقهر
طفله وابعدت وبغيبتك شگدر
على افراگك دليلي شلون من يصبر
بعيد و عن نظر عيني ولا انظر
فلا موجود يمي و گلبي يتحسر
حسرته لشوفتك مقهور متكدر

حياتي حزينه      ودليلي بأنينه
افكّر و أتاني         ترد للمدينه
ترد روح اليه     الحزن و الاذيه    شصبر العليله
*٢*
من بارض المدينه و الضعن راحل
عليك العين تربي ومدمعي هامل
وحسرتي بالگلب بويه القهر حاصل
الزمان ابعدني عنك هالأمر جاعل
جعلني بشوگ گلبي و القهر حامل
وحمل كلّ الهموم و بالأذه فاعل

يأذي عدونه        بقهر من أجونه
يبعدك علينه            يبويه ولونه
على الغاضرية  الحزن و الاذيه    شصبر العليله
*٣*
وبشهكة حزن عندي الكلام احچيه
گلبي  من رحت عني القهر يأذيه
حالي بويه منهو الي يصد ليه
هموم هواي موجوده بدليلي بيه
حالي بويه تدري منهو الي واسيه
العده وبفركتك بس الاذه ايسويه

تطول المناحه         ابد ماكو راحه
حياتي حزينه          دليلي بجراحه
دمعتي سريه    الحزن و الاذيه    شصبر العليله
*٤*
حالي من غبت راح الفرح وياك
ترد لأرض المدينه بويه و اتمناك
مثل وكت المضه آنه اظل بحماك
لاكن والزمن بعّدنه ما خلاك
گلبي شيقتنع يصبر على فرگاك
اريدك ما تطوّل و آنه اتلگاك

يبويه تجيني     فلا يظل ونيني
يبن طه يمته      تجمّل سنيني
همومي سويه     الحزن و الاذيه    شصبر العليله
*٥*
تدري بويه حالي شصار من بعدك
يصعب عالعليله هواي كل فكدك
خذت روحي و رحت فكري بقه عندك
اتاني وانتظر يبن النبي وعدك
صبري بغيبتك صعبه وحگ جدك
من گاصد تحارب هالعده الضدك

يريت و مماتي     فلا تظل حياتي
حزن بويه تدري       صفت كل صفاتي 
وحگ الزچيّه    الحزن و الاذيه    شصبر العليله
*٦*
المدينه بغيبتك ظلمه يبن حيدر
وكلبي بس حزن و الهم عليك اصبر
لاكن رحلتك تدري شكثر تقهر
طفله بهالوضع بويه فلا اگدر
وضعي من رحت عني تره تغيّر
بحالة رأفه كلمن حالتي ينظر

كثر كل حنيني        بداية سنيني
عشت عمري غربه      مناحه بأنيني
ادزلك تحيه    الحزن و الاذيه    شصبر العليله
*٧*
شعتب و العتب زيّد دليلي هموم
من هاي العده بويه شكثر مالوم
حزني اوي الكلب ويه القهر ملزوم
بغيابك حيل يقهر هالحزن معلوم
منّ اعداك بويه يالولي مظلوم
لجل دين الجلاله الخالق القيوم

لجل هالديانه      تزول الخيانه
عدونه يخونك        فلا بي أمانه
اشد من منيّه    الحزن و الاذيه    شصبر العليله


مهيمن يوسف الموسوي
١٠ ذو الحجة ١٤٤٥هـ
٢٠٢٤/٦/١٧م يوم الاثنين ١١:٥٥م

أنا أتشارك 'شصبر العليله' معك

نزلة بحق العليلة فاطمة بنت الحسين "عليهم السلام"
مهيمن يوسف الموسوي ١٤٤٦هـ ٢٠٢٤م


فاطمه وبغيبتي صبري شكثر
كربله بيها مماتي و الگبر
وا ويلاه    يا فاطمه المهمومة
*١*
آه يا حال الزمن بينه شعمل
وابتعد عن المدينه بهالفعل
لاچن النصر الديانه وكل اصل
افدي روحي بهالأمر آنه افتخر
وا ويلاه    يا فاطمه المهمومة
*٢*
انصر الاسلام رايد غايتي
يعله لاصلاح و احقق ثورتي
ارفض الظلام كلها بفكرتي
ديني و افكاره اريده ينتصر
وا ويلاه    يا فاطمه المهمومة

*٣*
فاطمه حگج علينه بهالرحيل
لو اغيبن دمعتج منج تسيل
من تعرفين الابو بالطف قتيل
وما تشوفينه و تكحلين النظر
وا ويلاه    يا فاطمه المهمومة
*٤*
فكري يمج لو رحت لأرض الغرب
آه يا بنتي على حالج صعب
من اتركج وآنه رايح للحرب
هم عليله و هم زغيره بالعمر
وا ويلاه    يا فاطمه المهمومة
*٥*
رحلتي اتطول و بعيده عالوطن
رايح و ضد العده اهل الفتن
والشريعه تنتصر طول الزمن
لاكن و حالج عليه ينكسر
وا ويلاه    يا فاطمه المهمومة
*٦*
اترك الدار و اروحن و بألم
بحالتج الها دليلي و بس يهم
صبري ورضي بهالقدر وبهالحكم
حكمة المعبود رب كل البشر
وا ويلاه    يا فاطمه المهمومة
*٧*
بغيبتي وشلون صبرج يا وضع
عالحسين العين همٌاله الدمع
فاطمه لجلي تقهرين و جزع
يصعب اعليج الفراگ بهالأمر
وا ويلاه    يا فاطمه المهمومة
*٨*
امودّعه بالله يبت ثالث امام
رايح الطف كربله لجل السلام
كلمة الحق تعتلي بكل الانام
و اليضدّه ما يظل عنده أثر
وا ويلاه    يا فاطمه المهمومة



مهيمن يوسف الموسوي
١٣ ذو الحجة ١٤٤٥هـ
٢٠٢٤/٦/٢٠م يوم الخميس   ٠١:٥٠ص

أنا أتشارك 'يا فاطمة المهمومة' معك

شوط كربلائي لام البنين عليها السلام


وفيتي و النعم منچ يا ام البنين الزود 
عطائج للولي يبقى الفعل بين الخلق مشهود
...........
فضلج و المقام هواي يا ام اربعه الاقمار 
مثال التضحيه صرتي عطائج مستمر تذكار
لابن المصطفى طه ضحيتي إله أنصار 
لجل دين النبي و نصره
الحسين و خالد بفكره 
تنصر عالعده الثوره 
مقامج وشكثر عندج فلا قله ولا محدود 
...........
لحسين الولي بالطف كواكب اربعه اتضحين 
لجل ابن النبي الهادي ردتي ينتصر هالدين 
فده اولادج و لجله دماهم من اجل لحسين 
امام و لازم تنصريه
وحيد شلون و تخليه 
بالغالي بفخر تفديه
الجهاد و بالحرب لازم وكل هذا الامر مريود
...........
رفع رب الصمد ربنه مقامج وشكثر سواه 
اقل من فاطمه الزهره صرتي بهالوضع خلاه 
نصرج للحسين تكون مقامج حيل من علاه
وفائج والنعم منه 
فلا نلكه وادورنّه 
الاذيه تبتعد عنه 
وبذهنج لأمر باقي وبطول الزمن معگود
...........
منو مثلج ولد اربع نطيتي بالحرب دمهم
ضحو للولي و نصره ثورته تنتصر همهم 
سنين من العمر للدين ولو كل العده ذمهم
ثلاثه امن الزلم ابطال
وگمر هاشم ابو الافعال
شجاعه اعله العده لو نال 
كتايب يرعب و كل جيش من رب الصمد مسنود
...........
فاطم والنعم منج وفيتي و هالوفه عالي
نطيتي بكل فخر اولاد لجل ابن النبي الغالي
گالوا بالحرب نفدي بعمرنه يكون كل حالي
افضل هالوصف موصوف 
من احسن بشر معروف
لا عدهم رعب لا خوف 
اراده و العزم بيهم شجاعه و الفخر موجود 
...........
يا أم البنين هواي ذكرج باقي و بكل يوم 
مضرب بالمثل صرتي بعطائج هالفخر معلوم 
منو مثلج يضحي بزود ولا گلبه بقهر مهموم 
اهم شي والنصر لحسين 
ثورته باقيه لسنين 
تعله رايته و الدين 
ضد كل الظلم و الجور قضيّه و الامر مقصود 
...........
شهدلج بالحرب عباس فلا مثله اخو لحسين 
فده روحه بفخر گاصد عده الغدار معروفين 
مثل حيدر يحاربهم كلهم منّه مرعوبين
ومِله الگربه يريد الماي
ابو فاضل بطل وفاي
گصده للخيم عناي
لاكن و العده يضرب گربته الماي بي مفگود
...........
يبت اشرف نسب معروف ابنج بالحرب عباس
چفه اتكطعت و سيوف تضربه هالعده الارجاس
يغدرونه و يكيدونه اميّه بيها هذا الساس
ضحّه وحس فلا قدّم 
الكمر بحسين بس مهتم 
نصره رايده و يعم
يا ام البنين و تدريه الگمر مثل الجبل كالطود 
...........
نذكرج كل سنه و كل عام يا ام اربعه ابطال 
عجب كلمن عرف قصتج يصير و مختلف احوال
ترخصينه الضنه كلهم لو جاهم عده جتال
المهم ابن النبي و نصره 
يظل سالم مدى عمره 
نصر ضد العده الثوره 
كلامه اعله الملا كلها لازم ينتشر و يسود 
...........
شرف من خالقج ونطاج مقام و هالفضل و الجاه 
الريحانة نبي الأمه ضحيتي الرضا اللّٰه 
ابو فاضل وخوته تكون لحسين الولي يمناه 
يا اعظم مقام البيه 
لحسين السبط تنطيه
تريدينه بكثر توفيه
والشاهد ابو فاضل راسه منضرب عامود 


 
مهيمن يوسف الموسوي 
٢٣ ذو الحجة ١٤٤٥هـ  
٢٠٢٤/٦/٣٠م يوم الأحد  ١٠:٠١م 

أنا أتشارك 'يا ام البنين الزود' معك

بحق السيدة أم البنين "عليها السلام"
مهيمن يوسف الموسوي ١٤٤٦هـ ٢٠٢٤م


ضحيتي ولدچ اربعه   بالطف جثث متوزعه
لجل الحُسين و ثورته   يمه بعطائج قانعه
*١*
يا يمه يا ام الوفه ولدچ يضحون بفخر
بالطف فلا قصرو ابد انطو عمرهم للنصر
ننصر اخونه بثورته لجله ننفذ كل أمر
كل الظلم من العده لا ما نريده ينتشر

يرخص دمانه الغايته    لحسين اخويه و ثورته
نحقق قصدنه حاجته     نور القضيه الساطعه
*٢*
آنه ابو فاضل صرت لجل الولي وبكربله
بعمري نطيته و افتخر حتى الاذه ما يوصله
ورايد نصر ابن النبي دمي اقدمنه إله
بروحي الشجاعه و الهمم وافضل صفات الحامله

وچفوفي كلها تكطعت     من آل اميه و اعتنت
وعيوني بسهام انصبت       من ناس لا مو وراعه
*٣*
يم البنين اتلث ولد خواني ما قصرو أبد
لحسين اخوهم و اعتنو نفذو حجيهم و العهد
رخصو عمرهم من اجل ما تبقى لحسين الشدد
يفدون اله بسوح الحرب بالطف يضحون الجسد

لجله ينفذون الأمر   لابن النبي ضحو عمر
منهم تخاذل ما يمر    كل الاوامر سامعه
*٤*
يا يمه و بهالتضحيه وفيتي عهدج للولي
لمن نذرتينه إله وفدوه لابن حيدر علي
همچ على نصره شكثر لا بد ييمه ينجلي
صح احنه مو يمج نظل لا مو بالمدينه يم هلي

كلنه ضحايه بالحرب    كل واحد و بينه رغب
ضد العده بسيفه رعب    قاتلنه كل الخانعه
*٥*
يا يمه عباس شكثر اوصل سلامي بكل ألم
اربع بنين بكربله انطو عمرهم و بهمم
لاجن ييمه و الولي بالطف يضده اهل الظلم
لا قربه آني و اخوتي لا اهله و أنصاره الزلم

ظل الحُسين بكربله    محد بقه يمه إله
نحره نذبح و بمقتله     هاي البشر مو وراعه
*٦*
بولدج مقامج يرتفع عد خالقج رب السمه
و المصطفى خير الرسل والمرتضه وي فاطمه
يرخص دمانه و العمر لمن نضدّ الظالمه
لحسين اخونه و ثورته كل فكرته تظل سالمه

ضد آل اميه الجائره     قاتلنه احنه بمفخره
واعله الاعادي قادره     ولدج ييمه خاشعه
*٧*
آخر كلامي و غايتي بهاي الرساله امن الحرب
يمه بوكت نوح و قهر دمعج لامامي بس يصب
بس الحسين اليستحق ظل عالترب نحره نضرب
راسه نفصل من الجسد وبلا ذنب عنده و سبب

يا فاطمه بيج شكثر    هذا الولاء لابن الطهر
واعله المصيبه شكد صبر    روحج حزينه واسعه



مهيمن يوسف الموسوي
٢٨ ذو الحجة ١٤٤٥هـ
٢٠٢٤/٧/٥م يوم الجمعة    ٣:٢٧م

بحق مسلم بن عقيل عليه السلام

يمسلم أمرك نعرفه سفير حسين بالثوره
وعدوك بالغدر وصفه فلا موجود كل ذكره
تبث افكار على الأحرار

يمسلم غايتك نعرف تنصره حسين و اهدافه
سفيره من رحت لجله تبين حيل اوصافه
ثورته ليا سبب صارت على هالناس واعرافه
نهض لصلاح كل امته ظلم و هواي من شافه

على درب الولي و فكره رحت للكوفه و بهمه
لجل و بثورته تنصره تقلده بفكرته و عزمه
تضد لاشرار على الأحرار


يظل طول الدهر ذكرك قضيتك كل زمن عدنه
يمن لجل الصلح تنهض مسارك من يوحدنه
تأيدك عالنصر كثره تصيح بصوت قائدنه
يمسلم قائد و نفخر على نصرك تعادهنه

لجن كلهم يغدرونك فلا وياك اي واحد
وعلى الثوره يعرفونك تضد كل جور من حاقد
ظلمهم صار على الأحرار


يمسلم موقفك يصعب على كل الملا بالكون
اجيت و مستند بيهم لجن هذا الامر ميكون
خيانه والغدر من كل بشر ضدك عده و ملعون
تعوفك ما ينصرونك جيوش آلاف ويغدرون

وحيد ابين عدوانك فلا وياك لينصرك
لجن لحسين ايمانك تنصره تريد و بعمرك
تريد الثار على الأحرار

بقيت شلون يا مسلم وحيد بلا جيوش اوياك
وابن مرجانه بجيوشه يضدك بالحرب عاداك
فلا عدهم ابد نخوه وطبعهم بس حقد وياك
وعجيبه وكلها مختلفه البشر ها كد وسف جازاك

واجيت انته على امره تنصره وما يظل ظالم
اشو هاي البشر كثره طلعت ناصره الحاكم
صعب الاقدار على الأحرار

صفاتك من تقاتلهم شجاعه البيك موجوده
بميادين الحرب تشهد بساله هواي مريوده
لجن طبع العده خاين خيانه البيه مقصوده
مثل ما اغدرو حيدر الغدر موجود مشهوده

رموك امن القصر وسفه طبعهم بالقتل تغدر
فلا عدهم ابد رأفه شرور و بس حقد و الشر
الاذه جرار على الأحرار


اليضدك وين كل ذكره سلطته ما بقت راحت
قضيتك باقيه عدنه شعار لكل محب صارت
عليها الوادم وتتبع مسارك بالعمر سارت
العقول بنصرك الباقي على ضد العده الجارت

فرق بين الظلم و الحگ فلا نكدر نساويها
تمثله احسين و بدينه الشريعه تريد تعليها
تظل محتار على الأحرار

بزمنه مسلم أهدافك تمثل واقع و نشهد
وعدوك و الظلم نفسه تكرر سيدي و ازيد
وصرت قدوه و فكر النه بمسارك نبقى نتعهد
فلا رايح ابد ذكرك يظل موجود ما ينحد

سفير الحك على الضدك تمثل احسين و افكاره
صفاته بثورته عندك يمن يهجم على اشراره
بطل مغوار على الأحرار


مهيمن يوسف الموسوي
٤ محرم ١٤٤٦هـ
٢٠٢٤/٧/١١م يوم الخميس ١:٢٥م

أنا أتشارك 'يمسلم أمرك نعرفه' معك