شور

انه لله وانه للحسين

انا لله غدا بعد الممات
ونا لحسين لطم نگضي الحياة
ولنه بل دنيه جثيره الامنيات
عل منابر كون تحظرنه الوفات

واليحبك كبر
لازم اعله المنبر
انذبح وتوذر. حسين
سيدي مااكدر
اندعي وتعذر
مجلسك بيه تحظر. حسين
امك الزهره تحظر بل مجالس



انه لله عبيدن والعباد
عشگت حسين عليه لبست سواد
بسمه ومنصوب لحسين الحداد
بل ارض عشك الحسين بگلبي زاد

بدمه ثابت ديني
شلون اعوف حسيني
أو هوه المسويني. بشر

لجله فدوه جروحي
كون ابطل نوحي
مااحسن روحي. بشر
طگت اضلوعه الخيل من سحكتهن


انه لله وانه للسراط
تنحط اليوم حروف اعلى نقاط
عاشگك حتى الرضيع البل
گماط
صوره الك وسط الكلب مولانه حاط
عايش انت ولازم
تعتنيك الوادم
واليفهمك فاهم. حسين

من طلع بالرايه
للله صار امرايه
عالي شانه هوايه حسين
حسين غالينه عند الله شغلاته

محمود رحيل

شور

لوخدمتك راح اصير
خادم امير
يامجملك
محي كلشي البل حياة
حتى الفرات
اتوسلك
يامولاي من الازل
ذكرولي اسمك غزل
و الاجمل رب العباد
يهواكم عزه وجل
@@@@@@@@@@@@@

الخادم ينول الشرف
طش ونعرف
من خدمتك
يكفيه باجر بل گبر
نور الصدر
من لطمتك

لكل خادم باچر سجل
لايقلق من ينسئل
مكتوبه شگد خدمته
وخطواته بدرب العدل
،@@@@@@@@@@@@@


امي لولت بل مهد
گالت عهد
وانه سمعت
تحچي عن حب الحسين
وعل يقين
وفرفحت
لولتلي شي مختصر
عن خيمة وعن الگمر
وعن جربه فاضت عشك
يحسدهه گام النهر

@@@@@@@@@@@@

گلبي مغرم بل عشگ
وضل يدگ
شوگ وهيام
خدمتك نور وشرف
الكلمن عرف
معنه الامام

يارازق روحي الهيام
يارب الحب وسلام

يامكرم كل البشر
ومضيف حتى الحمام
@@@@@@@@@@@@@


محمود رحيل

بل دمعه. ولطمه
بل لوعه. والهضمه

اجو مثل النجم
طفل حرمه وزلم
زوارك
______
يدمعت فاطمه
نزلت من السمه
النجوم محزمه
تنوح ابمئتمه

خبر عاجل مايلي
بحظرتك گاعدعلي. يل كاظم

يمملكت السلام
يمعشوك الحمام يل كاظم
بديارك تتبارك. متعنيه زوارك
********
ابوالموكب يصيح
يمشاي استريح
احلفك بالذبيح
ادعيلي بالضريح

من تطوفون الغريب
ادعي والله المستجيب. بل كاظم

يزوار السجين
وصلتو لليقين. بل كاظم
انصارك لديارك متعنيه زوارك
********
خبر بس مايسر
جنازه اعله الجسر
بگلبنه المنكسر
نطوف وننتصر

من تعناك الضرير
شافك ابگلبه امير. يل كاظم
يشانك مانزل
نعي اقرالك غزل. يل كاظم
اخبارك نقراها ياموسى الزوارك

(الشاعر محمود رحيل

بويه علي ارتاح

ياعيني لتكفي الدمع راح الشمع لالي

مالومه اليكثر سهر ينطر بشر غالي

حال اليتم ابلايه ابووينطر دفو حالي

رجع راح ورجع ومخضبه الحيته
وگع ون ولطم ضل يعتلي ابيته
صار اضحه صياح
بويه علي رتاح
#######№#########№
ملتمه كلهه يل حسن سوو درب ليه

ماگدر اكثر انتظر نار وجمر بيه

خلوني اطب الغرفته جاهامته شويه

صدگ شگال الطبيب احواله عافيته
اخذ سيف الغدر من هامته صيته
موهينه الجراح
بويه علي رتاح
########№########
صدگته موتك من شفت امشي بله خيالي

ماتحله اله بلمتك ياجلست اعيالي

عالي متت بويه وعشت طول العمر عالي

القدر تبجي القدر هيه ونوافلهه
الغدر غيرالغدر هل وادم اشعدهه
دفنوها الافراح بويه علي ارتاح
محمود رحيل

فهمني ياخويه شكو
بيت اهلي خالي من الدفو
سمعني كلشي ومااهم
بس لا خبر موت الابو

صحت انه ويصيح الكلب
ياخويه وشعندك خبر
بيت اهلي طافي من الضوه
متعوده اشوفن بيه كمر
وجهك تغير يل حسن
جاي انه اشم ريحت خطر
خبرني يا خويه تره
روحي اعله ابوي موجره
كلي بعدوكته السفر
اقسم عليك بحيدره

لاتبقه ساكت يل اخو
فهمني ياخويه شكو

طب الطبيب وماطلع
جرحه عميق اواخره
كون الحسن بيه من شغل
ياهو اليخبرني اشجره
مابيه اتحمل بعد
صيحولي سبع الكنطره
عباس يل وجهك ضوه
وحسين يل جنك هوه
معقوله خويه الوالدي
ماحصليتو كل دوه

مالازم ايموت الدفو
لاتبقه ساكت يلاخو

ياخويه من يرضاها إلي
يوميه اختكم تنفجع
لجمولي جرحي بهامته
وليهسه يوجعني الضلع
ثق فطرت حتى الحجر
ونت الكلب لوتنسمع
ما يسوه من دونه العمر
خبروني مأبيه انتظر
مودله اختكم يخوتي
خاطرتضل اعله الجمر

يبعدني عن حيدر منو
خبرني ياخويه شكو


ياخويه وضعك مختلف
وعيونك تسولف حزن
جنك قريت الفاتحه
وبرسومك مبين تون
بس لا فگدنه البسمله
ودكلي رايح لدفن
خيمتنه جنه استشهدت
والكعبه احسه اتهزهزت
صح ساكت انت وماكلت
لاكنهه عينك سولفت

يا للاسف مات الكفو
خبرني ياخويه شكو
محمود رحيل

ياعلي رد للسمه؛؛؛
والتقي انت و فاطمة
طولت والزهرة جاي اتناطرك
ياعلي اهل لارض كسرو خاطرك
هامتك تمطر دمه
ياعلي رد للسمه

هامته طبروها نزفت
قل هو الله احد
واعد الزهرة يجيها
وهسه حل وكت الوعد
فاطمه بالسمه سكنت
للسمه حيدر صعد
ياشمس فرعي وطلعي
راح اليردج بعد
من صعد زينب بقت بيه هايمه
فطرت بدمعة اعلبوها الصايمه
حاله كلش مؤلمه
ياعلي رد للسمه

جرحك المايرضى يلتم
بشوفت الزهراء يطيب
وهي منتظره تكلّك
هلا بجيتك يل حبيب
حيدر انته وتبقى حيدر
حتى لو شفتك خضيب
يوم زينب ياضوه اهلي
إخلافك ايعدي عصيب
احچيلي عن زينب عفتها شلونها
شيء اكيد عليك تبچي عيونها
هامتك تنزف دمه
ياعلي رد لسمه

النبي يتلگه حيدر
ركض يركض حافي
أيضمه بحضانه ويگله
خويه حظنك دافي
يا علي اهل الارض يمكن
تعبوك إخلافي
هذا طبع الناس قله
والقليل اي وافي
انا گبلك يا علي جرحوني
بظلع بنتي وهامتك فجعوني
وادم اشگد واهمه
ياعلي رد لسمه

فاطمه الزهراء وابوها
گلو الغاليهم
باچر العيد اويتامه
چفك الينطيهم
انه خليت ابمكاني
يعادي اليعاديهم
الحسن وصيته گتله
يبني تهتم بيهم
والوصيه وليد راح يصونها
وزينب اشما تزعل ايواسونهه
هاذي حسن الخاتمه
ياعلي رد لسمه
محمود رحيل

بويه وينك
عمري خلصته بواجي وذبلت العين
بويه وينك
والله مدري شلون بعدك تمشي الاسنين
@@@@@@@@@@@@@
فطرت ابدمعتي ايامي الصمتهه
اون وگلوب اخوتي تعبتهه
زينب يابو زينب من عفتهه

چله وانه بلادفو
امي. راحت ولابو
صبرأ ناداني الاخو
بويه وينك
@@@@@@@@@@@@@
اشوفنك گمت حتى بصفنتي
بشرماتفتهم باگت فرحتي
والخضر يحترك لوهد حصرتي

وينك. يانسمت هوى
بيتك. شح منه الضوى
شوفي. منك ماروى
بويه وينك
@@@@@@@@@@@@

بعدمات السلم مامش سلامه
طبرو هامتك يابو اليتامه
وليد الكعبه ماكمل صيامه

بويه. دمعاتي الحچت
بويه زينبكم بچت
بعدك حيل اتئلمت
وبويه وينك

محمود رحيل

راح ابوي الغالي ظلمة صارت دنيتي
راح ابوي الغالي
كبل هام الوالي ريت طبرو هامتي
كبل هام الوالي
……….

البين شد وياي مدري شماله
ماخله ابوي يعيد ويه عياله
لحظات الفراك شكثر جتاله
ياعيد هذا المات ابويحلاله

ياناس ابوي اليوم نعشه اليوم ينشال
موهينه جلمة مات ابوها بوجهي تنكال
البال شت من عندي طبرو هامت البال


ساجد ابوي وهامته طبروها
تبجي أعلى جرحه ارض وسمه خلوها
وي نعشه روحي امن الجسد شالوها
زينب يتيمه بلايه ابوخلوها

يادمعي صب وجوي خدي جوي خدي بنار الفراك
اگبال عني وانه يمه وهوو ه يمي وگلبي مشتاك
اصرخ كمت محتركه بويه بنار الفراك



تبجي القدر عل مايكمل اصيامه
تنزف صور مودم يناس الهامه
كل الدروب اتعرفه من اجدامه
مايوم فاطر والجياعه ايتامه


حامي الزغار وحامي دين وحامي الاكبار
اقسم قسيم الجنه ابوي وقاسم النار
جبريل هل يوم الفجر حل يمه خطار

محمود رحيل

نعي بحق علي ع س


كون الدموع اترجع اليموت
چابوالحسن ماشاله تابوت
صلي اعله حيدر سامع الصوت
مبخوت عاش ومات مبخوت


كاسرنضام اهل السياسات
اول خليفه بلا حراسات
عشت بكلبنه وغيرك المات
گالو عليك ابلاعشه يبات


تعرف اجدامك كل ال ادروب
ميت عدل بوحسين متعوب
من حگهه اذا تهواك الگلوب
شاطر الكعبه وقالع البوب


جفنك بليله لحضه مانام
ترتاح اذا مرتاحه الايتام
تنطي ابوحسين ولاف الثام
مافكرت تطلع للعلام

محمود رحيل التميمي

بل مگلوب يل محبوب كامت تمشي دنيانه

شفت الويل
ماضل حيل
خويه الخيل
فزعت واليتامه اتنوح
يل غالين
تبجي العين
راس حسين
شالو عل رمح مذبوح
تهزني الريح
جدمي يطيح
كلبي ايصيح
بيه جروح موش اجروح
تدري الناس
عل عباس
خزن كلبي بحزانه
========================

نتنخاك
شيل الواك
جي بجفاك
ماواحد يحامينه
العطشان
ول وليان
عل تربان
نزلت دمعت اسكينه
وين انام
ماكو اخيام
والضلام
خلافك فزعو اعلينه
كوم وياي
يل وفاي
افراكك خويه بجانه،
==========================

شفت الويل
ماضل حيل
طول الليل
ابجي وانعه لخواني
العلويات
مسبيات
والجلمات
الشامت بيهن اذاني
حكي احتار
ناس اشرار
شفت النار
سعرت بطراف صيواني
ماضل بال
والجتال
بدرب الخطر مشانه



محمود رحيل التميمي

دخلها وعثرت الخيل
هلا بشيخ المراجل
اليطيح گباله شيصيح
دخيلك يا ابو فاضل
بشر لكنه بركان
غضب من الله نازي
سولفت نينوى طبها مثل الهوى
واحد انعد بلف
فدوه لعيون الكلف
================

دگ بنينوى انذار
خبر للناس عاجل يموت الراكب الخيل
يدوس اليمشي راجل گضاهم گضيه عباس
بده العد التنازل

كافل اخته الشهم .طگ ركبهه الزلم
يصطر بجفه الترف
فدوه لعيون الكلف
=================

حسين اتبشر وكال
هلا بضهري وجماله
التكفل زينب وصاح
انه الگد الكفاله
هجم عل جيش زعلان
گضه جيوش النذاله

ردعلى خته البحر يمشي شايل نهر
بكلشي احسن يختلف
فدوه لعيون الكلف

محمود رحيل التميمي

ريشاتك فوك الراس يابوغيره
خوفي يحسدوك الناس يابوغيره
خوانك ذبو رباط
من شافو حل بيهه زماط
حسين ابشر وحنه خوانك

منو مركضهم والحاله
منو المايسلم چتاله
منو الحط حسين اباله
ويضحيله بعمر
خبروله امه وخل تتباها
بل طف ضل يصول ارباها
زينب تعطش ماخلاها
صبر يم الصبر
لعيون زينب طشراها الحومه
لودخن الطف كولو هاي اعلومه
يوم الطبهم عباس يبو غيره
خوفي يحسدوك الناس يابوغيره



وصل قائد جيش حسينه
وصل وين العسكروينه
وصل صاحوماضلينه
بشرلاكن جمر
قالع باب الحومه بچفه
هل عباس وكفه وفه
الجيش ابچفه وهوه بچفه
ايرد اومنتصر
وبياكتيبه احتارو ايلاگونه
اربع جهات ايقاتل ايشوفونه
صاب العسكر وهواس يابوغيره
خوفي يحسدوك الناس يابوغيره



فزع شال الجيش ودگه
فزع ماخذ منهم حگه
فزع حار بيوم الملگه
يكر اومايفر
تنفع كون الحيف وسفه
صاحو بيش انريد انحلفه
حسين ايطفنه بعيد امكلفه
واخذ منه الأمر
صاحوله اوگف فدوه لذبحنه
ورطنه خالك وانت متسامحنه
بينه اطك راس ابراس يابوغيره
خوفي يحسدوك الناس يابوغيره

الشاعر محمود رحيل التميمي

الطم على الخوه ومابطل الدمع
لايهل المروه ذبت مثل الشمع

حتى الماي شب من نار حسراتي
عافوني ومشو خاوتني دمعاتي
فز البل كبر من صوت وناتي

ابجي عليه بيه ومابيه
كل هذه وعندي انه شويه
لوردت اقراله الطميه
ما احجي الكلمه المحجيه
وبحالتي سوه الراح ومارجع
لايهل المروه ذبت مثل الشمع

وين اهل المروه الخوه خوتهه
يحرمنه القدر مووكته من عدهه
كون ادري الدمع وكفتكم ايردهه

جافاض الكون من ادموعي
يل صرتو قصدتي وموضوعي
كلبي يدك ضل بين اضلوعي
فركتهم نار اعله اشموعي
وبنارها اجوه وكاتني الوجع
لايهل المروه ذبت مثل الشمع

مكفوله من اجيت حسين يعيوني
هسه بلا كفاله ردت اضعوني
موبس مره وحده اهواي ذبحوني

زينبكم يا خويه تعاني
وينه الدك صدره وجاباني
ولدي ويا جانو وخواني
مايرضه ازعل شوبجاني
جي فاكده الخوه يوميه انفجع
لايهل المروه ذبت مثل الشمع

الشاعر محمود رحيل التميمي

مهضومه كلب امكم ناده
عفتوني وانه ام الساده

أنه أم البنين ولدي اشوفنهم
تحضرو للسفر علكو بيارغهم
خافن لوبجيت ابدمعي اعطلهم
شدو حيلكم كمت انه اصيحلهم
مهيوبه المخلفه القاده

دكو صدوركم زينب وكفلوها
تمشي ويه الضعن مهيوبه خلوها
امكم هاي اختم يمه شوفوها
يرضه الله الرضاها لاتزعلوها
كصوله راسه اليتماده
مهيوبه المخلفه القاده

حك ارباي اريده اليوم وكفتكم
ارفع راسي بيهه اكبال زهرتكم
احرسو زينب انتم والله يحرسكم
ماتدرون يمكن راح اكللكم
يتباها حيدر بولاده
مهيوبه المخلفه القاده

رايتكم بعد للغيم شيلوها
سوايه المحد امسويهه سوها
حي الله النشامه من تسمعوها
شيلوها الزلم ونوب دكوها
ول عاند ايفيده اعناده
مهيوبه المخلفه القاده

الشاعر محمود رحيل التميمي

فقدان اب

لوبس منتظر ياموت
هذه الشايله التابوت
بيه ريحت علي ومبخوت
بعز او خير رباني
شويه اتئخرولي بيه
مو المكبره امشيعيه
يحج بيت الله انوديه
امنيتي انه وخواني
صدك جذب مات وماتت احلامي
طحت شفت يمشي النعش كدامي
مات وماتت الطيبه تركلي الوحشه بدياري
قبل كلمت هله بضيف عليه ينشدني خطاري

ابوي اذكره انه جان
ايكظي الليل الي سهران
يغطيني ويضل بردان
يبرد هوه وانه ادفه
يبو حجي السمح يل زين
يمعلمني حب حسين
ابوسك لازم من العين
ومن جفينك الترفه
سهر قهر عشت بيه من رحت عني
انهدم الجم حيلي وجرحي من وني
اه ياريحت الساده جنت بيك انه اشمنهه
عنبر ريحتك بالبيت ابدماينشبع منهه


باجر سنتك من ادير
اكلك حجتك عل خير
حجه وبل نيابه تصير
الك يابويه حجينه
الك يابويه اشتاكيت
بكدمابصور شميت
طلعت ريحتك بالبيت
كرم من عدهه شمينه
احن اون كل لحظه انه الك يابه
صعب الكلب بسرعه يفارك احبابه
من كد ماحنين اوياي ازعلنه ويراضيني
احجي والصور ياناس ماتقبل تحاجيني

الشاعر محمود رحيل التميمي

بعد ياموت كلي شعندك وياي
ملتني المكابر رايح وجاي
بكثر ماروح جناز
خلصو كل الاعزاز
بخور اشعل وارش فوك الكبر ماي


يوميه عزيز اجتافنه اتشيله
عداد الجنايز ما وكف ميله
وين الگه ابوصالح خاطراحجيله
عل جلاب ضلت تلطم الشيله
ماضل غالي بل بيت
ولك ياموت مليت
صاحبت التوابيت
بس للمهدي راح ايصير شكواي
ملتني المكابر رايح اوجاي


يوميه نجيج ابحيد جنازين
شمالج يل مكابر منه شتريدين
مو مدفون بيج اليسوه ماي العين
غفه بگاعج علي المفروض تقتنعين
انطيج اوبعد تردين
اخذتي اهواي غالين
وتون النساوين
اشكم ام اعله ابنهه فاكده الراي
ملتني المكابر رايح اوجاي


بسندانه الورد الازم يخلونه
حتى بكل مسيه اهله يشمونه
بس عدنه المثل معكوس مضمونه
الورد برض النجف كامو يدفنونه
كلشي اختلف بينه
ضحكتنه حزينه
من كدمابجينه
اظن لوسمع ونتي يسكت الناي
ملتني المكابر رايح اوجاي

الشاعر محمود رحيل التميمي

واعلياه واعلياه

علي صومي وصلاتي
علي حبي وحياتي.
علي باجر نجاتي
اذا حلت وفاتي.


يمحبوب الفؤادي.
اذا موت ابقى انادي
عليك انه اعتمادي .
يمنقذني ومرادي


علي اول خليفه
قصر عنده الصريفه
على عناد السقيفه
والعقول الخفيفه.

: علي شاغلني حبك
: يدرب الجنه دربك
يزمزم كون اشربك
خسر كلمن يعبرك.


هله بجيتك يبوحسين
يمعشوك الملاين
لگينه بنهجك الدين
يآذان المصلين.

محمود رحيل التميمي

ياصحبتك حياهم
بالطف حله ممشاهم
درع ورمح تلكاهم
اصحابك اصحابك
@@@@@@@@@@@@@

نسمة هوه طبوها
نجوم الظهر شوفوها
بسيف الركب جوها بل حومه بل حومه

رب العرش وياهم
يرعد رعد ملكاهم
وانت الصحت حياهم. بل حومه بل حومه

تأمرهم امر
يفدوك بعمر. اصحابك اصحابك

@@@@@@@@@@@@
صاحو تحزم بينه
للحومه من طبينه
لجل الحسين ودينه نكلبهه نكلبهه

شايبنه بعده بحيله
واليدنه الك ياويله
واحنه النرد العيله. تامرنه تامرنه

رحنالك فدى
يل جنك نده. اصحابك اصحابك
@@@@@@@@@@@@@@

دركه ورمح تلكانه
عزمك يهد ويانه
الناس الاجت خسرانه. بذن الله بذن الله

حسين الله يهوه انفاسه
شيخ وعگيد الناسه
نفدي الركاب الراسه. بذن الله بذن الله

صاحو بل حرب
يهواك الكلب. اصحابك اصحابك

محمود رحيل