ЎЗБЕКИСТОН КУБОГИ НАМАНГАНДА ҚОЛДИ

Наманган вилоятида картинг бўйича Ўзбекистон очиқ кубоги финал босқичи юқори савияда ташкил этилди. Беллашув жорий йилнинг 10–12 октябрь кунлари Учқўрғон туманидаги «Ватанпарвар» ташкилоти ҳузуридаги замонавий картадромда бўлиб ўтди.

Мусобақа «Ватанпарвар» ташкилотининг Марказий кенгаши томонидан мамлакатда техник ва амалий спорт турларини ривожлантириш, ёшларни соғлом турмуш тарзи ва ватанпарварлик руҳида тарбиялаш мақсадида ўтказилди.

Беллашувларда Россия Федерацияси ва Тожикистон спортчилари, шунингдек, мамлакатимизнинг Хоразм, Бухоро, Сирдарё, Тошкент ва Наманган вилоятлари ҳамда Тошкент шаҳридан келган жами 85 нафар иштирокчи қатнашди. Спортчилар МИКРО, МИНИ, СУПЕРМИНИ, ОК-ЖУНИОР, ПАТРИОТ, КФ ва КЗ синфлари бўйича ғолиблик учун беллашдилар.

Мусобақа натижаларига кўра, умумжамоавий ҳисобда Наманган вилояти жамоаси мутлақ ғолиб деб топилиб, Ўзбекистон Кубогини қўлга киритди. Тошкент шаҳри жамоаси иккинчи, Тошкент вилояти жамоаси эса учинчи ўринни эгаллади.

Ғолиб ва совриндор жамоаларга «Ватанпарвар» ташкилотининг диплом ва қимматбаҳо совғалари ҳамда Ўзбекистон Кубоги топширилди.

📝 Namangantoday

➡️ Обуна бўлинг ➡️https://www.tg-me.com/namangantoday

UzAuto Motors янгиланган Damas ва Cobalt ишлаб чиқарилишини эълон қилди

Damas минивенининг Damas Move йўловчи версияси ва Damas Max юк-йўловчи версияси мавжуд бўлади. Янги Damas ўлчамлари катталашади, юк кўтариш қобилияти ва сиғими ошади, шунингдек, ҳайдовчи ҳамда йўловчилар қулайлиги яхшиланади. Янги модель айни пайтдаги жорий Damas версияси билан бир вақтда ишлаб чиқарилади.

Cobalt’нинг янгиланган версиясида илгари мавжуд бўлмаган 12 та янги опция билан жиҳозланишини маълум қилди. Модернизация жараёнида автомобилнинг двигатели янгиланган, ABS тизими такомиллаштирилган, шунингдек, двигатель ва унинг тизимларини бошқарувчи янги блок ўрнатилган.

Cobalt моделини ривожлантиришнинг кейинги босқичи эса автомобилнинг ташқи кўринишини (фейслифт) ўзгартириш бўлиб, UzAuto Motors мутахассислари бу йўналишда ишларни бошлашган.

📝 Namangantoday

➡️ Обуна бўлинг ➡️https://www.tg-me.com/namangantoday

Халқ депутатлари Наманган вилояти Кенгашининг навбатдаги ўн бешинчи сессияси бўлиб ўтди

Йиғилишда вилоятнинг ижтимоий-иқтисодий ривожланиши, тадбиркорликни қўллаб-қувватлаш, бюджет маблағларидан самарали фойдаланиш, ер муносабатларини такомиллаштириш ва энергетика соҳасида йирик инвестиция лойиҳаларини амалга ошириш каби муҳим масалалар муҳокама қилинди.

Шунингдек, ўзбошимчалик билан эгалланган ер участкаларига бўлган ҳуқуқларни расмийлаштириш, йўловчи ташиш тизимини такомиллаштириш ҳамда “Энг намунавий маҳаллий Кенгаш” танловини ташкил этиш масалалари кўриб чиқилди.

Сессия якунида тегишли қарорлар қабул қилинди.

📝 Namangantoday

➡️ Обуна бўлинг ➡️https://www.tg-me.com/namangantoday

Наманганда судьялар коррупцияга қарши курашиш масаласини муҳокама қилди

Наманган вилояти судида коррупцияга қарши курашишга бағишланган йиғилиш бўлиб ўтди. Тадбирда вилоят, туман ва шаҳар судьялари ҳамда суд аппарати ходимлари иштирок этдилар.

Видеоконференцалоқа орқали ўтган йиғилишда суд органларида коррупция ҳолатларини барвақт аниқлаш ва уларнинг олдини олиш, шунингдек, суд тизимида коррупцияга нисбатан тоқатсизлик муҳитини шакллантириш масалалари муҳокама қилинди.

Йиғилишда судьялар томонидан коррупциянинг келиб чиқиш сабаблари, унга қарши кураш чоралари ва Олий суд белгилаган вазифалар юзасидан маълумот берилди. Шунингдек, ишларни кўришда йўл қўйилаётган камчиликлар таҳлил қилиниб, фаолият самарадорлигини ошириш бўйича тегишли тавсиялар берилди.

📝 Namangantoday

➡️ Обуна бўлинг ➡️https://www.tg-me.com/namangantoday