Норин туманида “Янги Наманган” маҳалласи барпо этилади — Президент

Президент Шавкат Мирзиёев Наманган вилоятига ташрифи давомида Норин тумани "Шўрариқ" маҳалласида кортежни тўхтатди ва одамлар билан мулоқот қилди.

📝 Namangantoday

➡️ Обуна бўлинг ➡️https://www.tg-me.com/namangantoday

Норин туманига ташриф чоғида қишлоқ хўжалигида қўлланилаётган илғор усуллар тақдимот қилинди.

📝 Namangantoday

➡️ Обуна бўлинг ➡️https://www.tg-me.com/namangantoday

Президентимиз "оғир" маҳалла аҳолиси билан мулоқот қилиб, муаммоларни ҳал қилиш ва намунали шароитлар яратишга топшириқ берди.

📝 Namangantoday

➡️ Обуна бўлинг ➡️https://www.tg-me.com/namangantoday

Айни пайтда Президент Шавкат Мирзиёев раислигида Наманган вилоятини ижтимоий-иқтисодий ривожлантириш юзасидан йиғилиш бўлиб ўтмоқда.

“Ҳар сафар бу вилоятга келганимда, одамлардаги кўтаринки кайфиятни, каттаю-кичик доимо ҳаракатда, изланишда юрганини кўриб қувонаман.

Бугун ҳам ҳудуддаги ижобий ўзгаришлар, янги ишга тушган корхоналар билан танишиб, ислоҳотларимиз тўғри йўлдан бораётганига яна бир бор амин бўлдим”,

- деди давлатимиз раҳбари йиғилиш аввалида.

Сўнгги йилларда Наманганда салмоқли ишлар амалга оширилгани таъкидланди.

Эртага бошланадиган камбағалликни қисқартириш бўйича халқаро форумга Наманган шаҳри мезбонлик қилаётгани бежиз эмаслиги қайд этилди.

Қисқа вақт ичида Наманганда камбағаллик 2,5 баробар камайди. Бу, энг аввало, яратилган шароит ва вилоят аҳолисининг машаққатли меҳнати билан бўлгани таъкидланди.

Сўнгги саккиз йилда вилоятга 7 миллиард доллар хорижий инвестиция кирди, 8 мингга яқин янги корхона ишга тушди. Экспорт қилинаётган маҳсулотлар тури 2 карра кўпайиб, 1 мингдан ошди. Аҳолининг реал ўртача даромади 3 баробар ошди. Меҳнатга лаёқатли аҳолининг 82 фоизи айнан кичик бизнес ва тадбиркорлик орқали даромад топмоқда.

📝 Namangantoday

➡️ Обуна бўлинг ➡️https://www.tg-me.com/namangantoday

Давлатимиз раҳбари вилоятда барча драйвер соҳаларни ривожлантириш учун ресурс ҳам, шароит ҳам етарли эканини кўрсатиб ўтди.

Вилоят ҳокими ва унинг ўринбосарлари, 14 та туман ва шаҳар ҳокимлари олдида йил якунигача 4 миллиард 200 миллион доллар инвестиция олиб келиш, экспортни 1 миллиард долларга етказиш, 323 минг одамни ишли қилиш, 26 минг оилани камбағалликдан чиқариш вазифаси тургани қайд этилди.

Норин туманидаги 5 мингдан зиёд аҳоли яшайдиган Шўрариқ маҳалласи мисолида “оғир” маҳаллалар қиёфасини тубдан ўзгартириб, шаҳар муҳитини олиб кириш чора-тадбирлари белгилаб олинди.

Хусусан, бундай маҳаллаларда замонавий маҳалла гузари қуриб берилади, болалар ва спорт майдончалари, сервис объектлари, кутубхона, касб ва тил ўргатиш маркази, банк шохобчаси ташкил этилади. Кўчалар асфальт қилинади ва ёритилади. Эскирган ва ҳосилдорлиги паст боғлар тўлиқ янгиланади.

Косонсой ва Норин туманларига 100 миллиард сўмдан, қолган туманларнинг иккитадан “оғир” маҳалласига эса 5 миллиард сўмдан, жами 320 миллиард сўм берилиб, улар намунали ҳудудга айлантирилади.

📝 Namangantoday

➡️ Обуна бўлинг ➡️https://www.tg-me.com/namangantoday

Бугун Президент Янги Наманганни Чортоқ билан боғловчи йўлдаги 13 километрлик туну-кун ишлайдиган сервис кўчаси билан танишди.

Косонсой, Наманган, Тўрақўрғон, Уйчи ва Янгиқўрғонда яна 8 та шундай кўча барпо этиш режа қилинган.

Косонсой маркази, Нориндаги дарё бўйлари, Чустнинг Ғова, Янгиқўрғоннинг Нанай, Попнинг Чодак қишлоқларида Бўстонлиқдан кам бўлмаган гўзал табиат, сўлим жойлар борлиги, бу жойларда тадбиркорликни йўлга қўйиш истагида юрган ташаббускорлар ҳам жуда кўплиги таъкидланди.

Шу муносабат билан вилоят Ислоҳотлар штабига тадбиркорлар билан ҳар бир туманда камида 2 тадан шундай жойларни танлаб, улар бўйича мастер-режа ишлаб чиқиш, амалга ошириладиган лойиҳалар ҳисобига кейинги йилда 50 минг одамни ишли ва даромадли қилиш топширилди.

Шунингдек, Поп, Тўрақўрғон, Уйчи, Учқўрғон ва Чустдан ўтган дарё ва сой ўзанларининг 40 километр қисмида ҳам 650 та сервис объектини қуриб, 10 минг одамни даромадли қилиш мумкинлиги кўрсатиб ўтилди. Мутасаддиларга бу ерларнинг муҳофаза зонаси ва контурини белгилаб, аукционга чиқаришни бошлаш топширилди.

📝 Namangantoday

➡️ Обуна бўлинг ➡️https://www.tg-me.com/namangantoday

Наманганда сўнгги беш йилда 39 минг гектар ер қайта фойдаланишга киритилди.

Президентимиз Тўрақўрғонда томчилаб суғориш орқали 5 минг гектар адир ерларни ўзлаштириш ишлари бошланганини маъқуллади. Ҳозиргача 2 минг гектар ўзлаштирилди, шундан 1,3 минг гектарида боғ ва узумзор ташкил этилди, 4 минг киши ишли бўлди.

Бу ишларни давом эттириб, Поп туманида 4 минг гектар, Косонсой, Чуст ва Мингбулоқ туманларида 1 минг гектардан ерни қайта фойдаланишга киритиш вазифаси қўйилди.

Норин туманида жойлашган балиқчилик кластеридаги ишлар юқори баҳоланди. Ўша ернинг ўзида маҳаллий аҳоли форель балиғи етиштиришга ўргатилмоқда.

Хўжа-қўрғонча маҳалласидаги 25 та хонадон кластер билан кооперация қилиб, йилига ҳар бири 150 миллион сўмгача даромад кўрмоқда.

Бу тизимни оммалаштириб, Учқўрғон ва Норин туманидаги 1 минг хонадонда форель етиштиришни йўлга қўйиш, 1 сотихли 350 та сунъий ҳовуз ўрнатиб, аҳолига бўлиб бериш муҳимлиги таъкидланди.

Нидерландиялик ҳамкорлар билан йилига 20 минг тонна балиқ озуқаси ишлаб чиқариш йўлга қўйилади.

📝 Namangantoday

➡️ Обуна бўлинг ➡️https://www.tg-me.com/namangantoday