⚡️Oktabr oyi uchun Uychi tumanida boʼsh ish oʼrinlari roʼyxati

@namdu309

⚡️Oktabr oyi uchun Davlatobod tumanidagi korxona tashkilotlardagi boʼsh ish oʼrinlari roʼyxati

@namdu309

Talabaga yoki magistrga 1-semestrda akademik ta’til berilmaydimi?

Vazirlar Mahkamasining 2021-yil 3-iyundagi 344-son qarori bilan tasdiqlangan nizomga ko‘ra (https://lex.uz/docs/5443081) quyidagi holatlarda talabaga akademik ta’til beriladi:

– harbiy xizmatni o‘tash uchun;
– salomatligini tiklash uchun;
– homiladorlik va tug‘ish uchun;
– bolalarni parvarish qilish uchun akademik ta’til beriladi

Ushbu nizom 3-bandiga ko‘ra akademik ta’til yuqoridagi asoslardan biri mavjud bo‘lganda o‘quv yilining har qanday qismida beriladi.
 
Shunday ekan talabadagi holat yuqoridagi bandlarga to‘g‘ri kelsa unga 1-semestrda bo‘lsa ham akademik ta’til berish mumkin.
 
Eslatib o‘tamiz, talabaga akademik taʼtil berilishi uni oliy taʼlim muassasasidan chetlashtirish deb hisoblanmaydi.
 
Talabalarga akademik taʼtil davrida stipendiyalar toʻlanmaydi.

@namdu309

#Kontrakt_miqdori

Namangan davlat universitetining 2024/2025 va 2025/2026 o‘quv yillarida bakalavriat ta’lim yo‘nalishlari va magistratura mutaxassisliklari bo‘yicha bir nafar talabani to‘lov-kontrakt shaklidagi bir yillik o‘qitish qiymati

@namdu309

⚡️Davlat oliy ta'lim muassasalarida kontraktni bo'lib to'lash muddatlari

Talabalikka tavsiya etilgan abituriyentlar:
— belgilangan to‘lov miqdorining kamida 25% ni uchun 15-sentabrgacha (yoki Davlat qabul komissiyasi belgilagan muddatgacha)

Ikkinchi va undan keyingi bosqich talabalari:
— 1-oktabrgacha (yoki OTM rahbariyati uzaytirgan muddatgacha);

Barcha kurs talabalari:
— belgilangan to‘lov miqdorining kamida 50% 1-yanvargacha;
— 75% 1-martgacha;
— 100% 1-maygacha (yoki OTM rahbariyati uzaytirgan muddatlargacha;

▶️xorijiy fuqarolar uchun OTM rahbariyati belgilagan muddatlargacha;

❗️Nodavlat oliygohlarda kontrakt to'lash muddatlari talaba va OTM o'rtasidagi shartnomaga asosan belgilanadi.

@namdu309

#Rasmiy_munosabat

Ijtimoiy tarmoqlarda ayrim oliy ta’lim muassasalari talabalariga stipendiya to‘lovlari o‘z vaqtida to‘lanmayotgani haqida tarqalgan xabarlar yuzasidan quyidagilarni ma’lum qilamiz.

Barcha oliy ta’lim muassasalarida yuqori kurs talabalariga stipendiyalar to‘lab berilgan. Ayrim oliygohlarda 1-bosqich talabalariga stipendiya tayinlash bo‘yicha tegishli buyruqlarni rasmiylashtirish va bank plastik kartalarini ochish jarayoni kechikkani sababli to‘lovlar amalga oshirilmasdan qolgani ma’lum bo‘ldi.

Hozirda mazkur buyruqlar to‘liq rasmiylashtirilmoqda va barcha oliy ta’lim muassasalari talabalariga stipendiya to‘lovlari joriy hafta yakuniga qadar amalga oshiriladi.

Oliy ta’lim, fan va innovatsiyalar vazirligi Axborot xizmati

Bizni kuzating

Facebook | Instagram | YouTube | Telegram

‼️Nodavlat va xorijiy oliy ta'lim muassasalaridan o'qishni ko'chirgan talabalarning to'lov shartnomalarini olish jarayoni ishga tushdi.‼️

Arizani tasdiqlash uchun arizachini hemisga qo'shish shart!!

- 56,7 dan past va umuman imtihonga kelmaganlar ariza bera olmaydi:
- tavsiya etilmagan arizachilar super kontraktga ariza bera olishadi.

@namdu309

#Super_kontrakt_Imkoniyat

Namangan davlat universitetiga nodavlat va xorijiy oliy ta'lim muassasalaridan o'qishni ko'chirish uchun hujjat topshirib, sinovlarda yetarli bal olmagan, tabaqalashtirilgan kontrakt asosida o'qish istagini bildirgan talabalar diqqatiga!!!

Ta’lim yo‘nalishlari va shakllari kesimida tabaqalashtirilgan to‘lov-kontrakt qiymatining minimal miqdori bilan tanishing

@namdu309

📌 Darsga kelmagan “akademik qarzdor talaba”ning kursdan qoldirilish tartibi

(kredit-modul tizimi boʻyicha)

✅ 1 ta fan uchun 6 kredit ajratilgan.
✅ 1 kredit 30 soatga teng.
✅ 1 ta fanning 6 krediti 180 soat
✅ 180 soatning 40 foizi (72 soat) auditoriya soatiga, qolgan 60 foizi (108 soat) esa mustaqil taʼlimga ajratilgan.

Talaba auditoriya uchun ajratilgan 72 soatning ¼ qismini (yaʼni 18 soatni) qoldirsa, yakuniy nazoratga kiritilmaydi.

Yakuniy nazoratga kiritilmagan talaba akademik qarzdor hisoblanadi. Akademik qarzdor talaba kursdan qoldiriladi. Mana shu tariqa bakalavriat yoʻnalishidagi talaba 8 yil oliy taʼlim muassasasida qolishi mumkin.

@namdu309

#Yil_talabasi2025

Uzoq kutilgan va har yili an’anaviy tarzda o‘tkaziladigan “Yil talabasi” tanlovining universitet bosqichiga start beramiz!

✅Tanlov jamiyatga, davlatga yetuk yosh, raqobatbardosh kadrlarni yetishtirib berish, yoshlarni vatanparvarlik ruhida tarbiyalash, intellektual salohiyatini oshirish, oliy o‘quv yurtlaridagi iqtidorli talabalarni aniqlash, ularning o‘z salohiyatlarini namoyon etishlariga imkoniyatlar yaratish, jamoatchilik, fidoyilik fazilatlarini shakllantirish, talabalik nufuzini oshirish hamda rag‘batlantirish maqsadida o‘tkazilmoqda.

☑️Tanlovda oliy ta’lim muassasasida uzluksiz (akademik ta’tilsiz) kunduzgi ta’lim shaklida o‘qib kelayotgan 2,3,4-bosqich talabalari ishtirok etishi mumkin.

💢 “Yil talabasi” tanlovi quyidagi nominatsiyalar bo‘yicha o‘tkaziladi:

📝 “Yilning eng faol bilimdon talabasi” — talabaning fanlarni o‘zlashtirishi va o‘quv jarayonlardagi ishtiroki va faolligi, chop etilgan maqola va tezislari hamda ularning mazmun-mohiyati, dolzarbligiga oid ishlar ko‘rib chiqiladi;

📣 “Yilning eng faol targ‘ibotchi talabasi” — talabaning oliy ta’lim muassasasi jamoat ishlaridagi va boshqa jamoat tashkilotlari faoliyatidagi amaliy ishtiroki, faollik darajasi, targ‘ibotchi sifatidagi namunaviy ishlari, tashkilotchilik qobiliyati va shu asosda o‘zi tashkil etgan tadbirlar mazmuni, erishgan yutuqlari ko‘rib chiqiladi;

🚀 “Yilning eng faol ixtirochi-innovator talabasi” — joriy yilda talaba tomonidan yaratilgan ilmiy ishlar, ixtirolar, innovatsion g‘oyalari, ratsionalizatorlik takliflari, ularning yangiligi, dolzarbligi va ilmiy ahamiyati ko‘rib chiqiladi;

🏆 “Yilning eng faol sportchi talabasi” — joriy yilda talabaning xalqaro va respublika miqyosidagi o‘tkazilgan sport musobaqalaridagi yutuqlari va erishgan natijalari ko‘rib chiqiladi;

🎨 “Yilning eng faol iqtidorli talabasi” (rangtasvir, grafika, dizayn, amaliy san’at, haykaltaroshlik bo‘yicha) — talabaning joriy yilda mustaqil ravishda yaratgan ijodiy asarlari, erishgan yutuqlari hamda turli tanlov va ko‘rgazmalardagi ishtiroki ko‘rib chiqiladi;

🕺💃 “Yilning eng faol ijodkor talabasi” — talabaning joriy yilda o‘z ijodiy badiiy asarlari, maqola, joriy yilda chop etilgan risola, kitob, musiqa, kino va teatr sohasidagi qiziqishlari hamda ma’naviy-ma’rifiy, ilmiy-ijodiy jarayonlardagi ishtiroki va erishgan natijalari ko‘rib chiqiladi;

🧮 “Yilning eng faol tadbirkor talabasi” (xotin-qizlar uchun) — joriy yilda mustaqil ravishda tadbirkorlik faoliyatini yo‘lga qo‘ygan talaba-qizlarning erishgan yutuqlari hamda yoshlarni ish bilan ta’minlaganlik darajasi ko‘rib chiqiladi.

⏳ Tanlovda ishtirok etish uchun ariza va hujjatlar to’plami joriy yilning 20-oktyabrgacha qabul qilinadi.

Tanlov 3 bosqichda o‘tkaziladi:

1-bosqich - Fakultet bosqichi;
2-bosqich - Universitet bosqichi;
3-bosqich - Respublika bosqichi

📆 Tanlovning fakultet bosqichi 23-24-oktabr kunlarida bo‘lib o‘tadi.

⬇️Tanlovning birinchi turi (fakultet bosqichi) da ishtirok etmoqchi bo‘lgan talabalar o‘zlari tahsil olayotgan fakultet yoshlar bilan ishlash bo‘yicha dekan o‘rinbosarlariga murojaat etishlari mumkin.

Tanlov nizomi

Namangan davlat universiteti Axborot xizmati

Bizni rasmiy sahifalarimizda kuzatib boring:

Veb-sayt| Facebook | Instagram | YouTube