Tyutorlarning qanday huquq va majburiyatlari bor?

Bularning barchasi 17.10.2025 yilda tasdiqlangan “Oliy ta’lim tashkilotlarida tyutorlik faoliyatini tashkil etish tartibi to‘g‘risida”gi nizomda ko‘rsatilgan.

@namdu309

⚡️Har yili Alisher Navoiy nomidagi xalqaro oʻzbek tili olimpiadasi oʻtkaziladi, gʻoliblar davlat granti asosida oʻqishga qabul qilinadi

✅ Oʻzbekiston Respublikasi Prezidentining “Davlat tilini yanada rivojlantirishga oid qoʻshimcha chora-tadbirlar toʻgʻrisida”gi qarori qabul qilindi. Unga koʻra:

👉 2026-yildan boshlab:

➖ taʼlim qardosh tillarda olib boriladigan umumiy oʻrta taʼlim tashkilotlari uchun oʻzbek tilini oʻrgatish boʻyicha darsliklarning yangi avlodi yaratiladi;

➖ maktabgacha taʼlim tashkilotlarida oʻzbek tilini oʻrgatish boʻyicha pedagoglar uchun oʻquv qoʻllanmalar ishlab chiqiladi;

➖ maktabgacha taʼlim yoshidagi bolalar uchun “Mening ilk izohli lugʻatcham” rasmli lugʻat kitobi yaratiladi;

➖ bolalarga oʻzbek tilini oʻrgatish boʻyicha zamonaviy animatsion video va audio mahsulotlar ishlab chiqiladi;

👉 Qarorga asosan:

➖ umumtaʼlim maktablari oʻquvchilari oʻrtasida oʻzbek tili mavzusida insholar tanlovi;

➖ oʻzbek tili fani oʻqituvchilari oʻrtasida “Yilning eng yaxshi oʻzbek tili oʻqituvchisi” respublika tanlovi oʻtkaziladi;

➖ Maktabgacha va maktab taʼlimi vazirligi hamda boshqa vazirlik va tashkilotlar hamkorligida har yili Alisher Navoiy nomidagi xalqaro oʻzbek tili olimpiadasi oʻtkazib boriladi;

➖ Mazkur olimpiada gʻoliblari respublika oliy taʼlim muassasalarining “filologiya va tillarni oʻqitish: oʻzbek tili va adabiyoti” taʼlim yoʻnalishiga umumiy qabul kvotasidan tashqari davlat granti asosida oʻqishga qabul qilinadi.

@namdu309

⚡️Oʻzmilliybank sirtqi va super-kontrakt uchun taʼlim kredit ajratmoqda

Bakalavriatga qabul qilingan talabalar uchun taʼlim krediti foiz stavkasi:
— 36 oygacha boʻlgan muddatga yillik 22%;
— 60 oygacha boʻlgan muddatga yillik 24%.

Magistraturaga oʻqishga qabul qilingan talabalarga:
36 oygacha boʻlgan muddatga yillik 22% beriladi.

Kredit miqdori – toʻlov shartnomasi summasi miqdorida (bazaviy hisoblash miqdorining 100 barobarigacha boʻlgan kreditlar uchinchi shaxs kafilligi yoki kredit qaytmaslik xatarini sugurta polisi, undan yuqori miqdordagi kreditlar mol-mulk garovi bilan ajratiladi).

✅ Ushbu kredit oliy, oʻrta maxsus va kasb-hunar taʼlim muassasalarining kunduzgi, kechki, sirtqi boʻlimlariga bakalavriat va magistraturaga, shu jumladan tabaqalashtirilgan toʻlov-kontrakt (super kontrakt) asosida oʻqishga qabul qilingan talabalar, shuningdek oʻqishini koʻchirgan talabalar uchun ajratiladi

@namdu309

⚡️ Musiqa madaniyati hamda jismoniy tarbiya fani o‘qituvchilariga sertifikat berish tartibi belgilandi

Bu haqda Hukumat qarori asosida Nizom qabul qilindi.

Sertifikat Bilim va malakalarni baholash agentligi tomonidan 3 yil muddatga elektron shaklda beriladi.

Musiqa madaniyati fani va jismoniy tarbiya fanini bilish darajasini aniqlash bo‘yicha A+, A, B+, B, C+, C darajali sertifikatlar beriladi.

Amaliy (ijodiy) imtihon hamda test sinovlarining o‘rtacha natijasiga ko‘ra:

➖ 70 va undan yuqori ball olgan talabgorga — A+ darajali;
➖ 65 — 69,9 ballga — A darajali;
➖ 60 — 64,9 ballga — B+ darajali;
➖ 55 — 59,9 ballga — B darajali;
➖ 50 — 54,9 ballga — C+ darajali;
➖ 46 — 49,9 ball olgan talabgorga — C darajali sertifikat beriladi.

B+ va undan yuqori darajali sertifikat olgan o‘qituvchiga qonunchilik hujjatlarida belgilangan tartibda oylik maoshiga ustama beriladi.

@namdu309

“Mutolaa” ўзбек тилидаги энг катта электрон китоблар манбасига айланмоқда!

Лойиҳа доирасида бир ярим йил ичида 220 000 саҳифа сифатли электрон китоб, 6000 соат сифатли аудиокитоб яратилди.

Иловада 3 млн дан ортиқ фойдаланувчи ўзбек ва жаҳон адабиётининг 3000 дан зиёд шоҳ асарларини 10 000 000 мартадан кўпроқ мутолаа қилди!

Мутолаа вақти келди!

Манба / Мутолаа иловасини юклаб олинг👍

@namdu309

#qonunchilik_yangiliklari

⚡️Tyutorlar faoliyati samaradorligini baholash tizimi (KPI) joriy etiladi

Vazirlar Mahkamasining 656-son (17.10.2025-y.) qarori bilan oliy ta’lim tashkilotlarida tyutorlik faoliyatini tashkil etish tartibi to‘g‘risida Nizom va tyutorlik faoliyatini takomillashtirish bo‘yicha chora-tadbirlar rejasi tasdiqlandi.

Nizom bilan:

➖tyutorlik faoliyatining maqsad va vazifalari;

➖tyutorlarning huquq va majburiyatlari;

➖tyutorlik faoliyatini tashkil etish va boshqarish hamda tyutorlarga qo‘yiladigan malaka talablari;

➖hamda tyutorlik faoliyatini muvofiqlashtirish tartibi belgilab qo‘yildi.

Shuningdek, Chora-tadbirlar rejasiga ko‘ra oliy ta’lim tashkilotlarida quyidagilar amalga oshiriladi.

2025-yilda:
➖har bir kurs vakillaridan iborat “Kurs qo‘mitalari” faoliyatini tashkil etish orqali talabalarning muammolari va qiziqishlari doimiy o‘rganiladi;

➖talabalarning bildirgan fikrlari asosida “Muammolarni bartaraf etish dasturi” ishlab chiqiladi;

➖talabalar uchun maxsus ijtimoiy platforma va mobil ilovalar yaratiladi;

➖medialaboratoriyalar faoliyati tashkil etiladi;

➖“Yetakchi va faol talabalar maktabi” tashkil etiladi;

➖“Bir ziyoli — 10 talabaga ma’naviy ustoz” tizimi joriy etiladi;

➖musiqa va raqs ansambllari faoliyati yo‘lga qo‘yiladi;

➖2025/2026-o‘quv yili davomida “O‘zbekiston Qahramonlari” darslari tashkil etiladi

2026-yilda:

🟢“Amir Temur vorislari” sport ko‘rik-tanlovini o‘tkazish nizomi ishlab chiqiladi

🟢har bir hududdagi bitta OTMda “Harbiy sport maydonchalari” tashkil etiladi;

🟢tyutorlar faoliyati samaradorligini baholash indikatorlari ishlab chiqilib, reyting tizimi joriy etiladi;

🟢eng yuqori reytingga ega tyutorlarni rag‘batlantirish, eng past ko‘rsatkichli tyutorlarga jazo choralarini qo‘llash mexanizmi joriy etiladi;

🟢eng samarali faoliyat yuritgan tyutorlar xorijga tajriba almashish uchun yuboriladi;

🟢tyutorlar faoliyatini monitoring qilish imkoniyatini beruvchi raqamli platforma yaratiladi.

Bundan tashqari, har yili “Eng yaxshi tyutor” tanlovi o‘tkaziladi.

Bizni kuzating

Facebook | Instagram | YouTube | Telegram

⚡️ Talabalar ijara to‘lovining bir qismini qaytarish uchun my.gov.uz orqali ariza berishi mumkin bo’ladi

1-noyabrdan boshlab talabalar uchun ijara to‘lovining bir qismini my.gov.uz portali orqali (hozirda kontrakt.edu.uz orqali amalga oshiriladi) qaytarish imkoniyati yaratiladi.

Shuningdek:

🗓 2025-yil 1-noyabrdan: transportga gaz balloni o‘rnatilganligiga oid ma’lumotlarni elektron shaklda yuritish orqali transport vositasini ro‘yxatdan o‘tkazish guvohnomasini qayta rasmiylashtirish tartibi bekor qilinadi.

🗓 2026-yil 1-yanvardan: o‘rta maxsus, kasbiy va oliy ta’lim tashkilotlarida ta’lim jarayoni bilan bog‘liq davlat xizmatlari Yagona portal orqali ko‘rsatiladi.

🗓 2026-yil 1-maydan: nogironlikni belgilash bo‘yicha davlat xizmatini ko‘rsatishda fuqarolarga tibbiyot muassasalariga imtiyozli davolanish uchun beriladigan yo‘llanmani shakllantirish va elektron navbatga qo‘yish kompozit shaklda amalga oshiriladi.

🗓 2026-yil yakunigacha: tibbiy ko‘rik jarayonida shifokor nutqini avtomatik bayonlashtiruvchi ovozli yordamchi hamda bemorlarga tashxis qo‘yishda ko‘maklashuvchi sun’iy intellektga asoslangan “Shifokorning raqamli yordamchisi” dasturi ishga tushiriladi.

@namdu309

#tonggi_motivatsiya

❗️Menda biznes boshlash uchun yetarli mablag‘ yo‘q!
☑️Fhil Knight Nike'ni $50 bilan boshlagan.

❗️Menda ofis yo‘q!
☑️Stiv Jobs Apple'ni ota-onasining garajida boshlagan.

❗️Men bir necha hafta ishladim, lekin natija yo‘q!
☑️Mr.Beast tanilishi uchun 5 yil va 100 dan ortiq videolar kerak bo‘ldi.

❗️Lekin, men charchadim!
☑️Ilon Mask Tesla ustida ishlayotganida zavodda uxlagan va haftasiga 100 soatdan ortiq ishlagan.

❗️Lekin, hech kim menga ishonmayapti!
☑️Hovard Shultz Starbacksga budjet yig‘ish uchun 242 marta rad javobini olgan.

Bahonalarni to‘xtating. Sizni to‘xtatadigan yagona narsa bu – o‘zingiz!!!

@namdu309

#38_son

Hurmatli davlat xizmatchilari, haftaning har juma kuni taqdim etilayotgan siyosiy ma'rifat soatining bu galgi sonida:

— mamlakatimizda va xorijdagi yangiliklar;

— ma’naviy-ma’rifiy, mahalla tizimidagi xabarlar;

— mutolaa;

— qonun doirasida;

— “Hayrat”, “Jadid” gazetasi sharhi;

— rasmiy hujjat yozish usullari;

— psixologik maslahatlar

— ijtimoiy rolik va boshqa lavhalar o‘rin olgan.

https://www.tg-me.com/siyosiy_marifat_soati

#NamDU_ilmiy_axborotnomasi

Namangan davlat universiteti Ilmiy-tadqiqotlar, innovatsiyalar va ilmiy-pedagogik kadrlar tayyorlash bo’limi tomonidan "Namangan davlat universiteti Ilmiy axborotnomasi" jurnalining 2025-yil 9-sonini (sentabr) e'tiboringizga havola etamiz.

#ilmiy_axborotnoma #oak_jurnali #9_son

@namdu309

#qabul2025 #super_kontrakt

Diqqat!!! Eʼlon!!!

Namangan davlat universiteti tomonidan qabul chegarasiga 4,05 balldan ortiq ball yetmagan abituriyentlar va o'qishini ko'chirish bo'yicha hujjat topshirib yetarli ball to'play olmagan talabgorlar uchun tabaqalashtirilgan toʻlov-kontrakt miqdorlari belgilangan.

2025/2026-oʻquv yili qabulida tabaqalashtirilgan toʻlov-kontrakt asosida tahsil olish istagini bildirgan abituriyentlar va talabgorlarga bir yillik oʻqitish qiymatining 50 foizini 2025-yil 31-oktyabrga qadar (shu kuni ham) toʻlashlari so'raladi.

@namdu309

❗️Kontrakt toʻlovining 12%ni qaytarib olishda 26 yosh chegarasi bekor qilindi

Professional va oliy taʼlim tashkilotlarida taʼlim olish uchun yoʻnaltiriladigan mablagʻlarga jismoniy shaxslardan olinadigan daromad soligʻi boʻyicha imtiyozni qoʻllash tartibi toʻgʻrisidagi nizomga oʻzgartirishlar kiritildi.

Avvalgi tartibda, ota-onalar oʻzlarining 26 yoshga toʻlmagan farzandlarining kontraktlari uchun pul toʻlaganda, toʻlangan qismidan 12 foizlik daromad soligʻi hisoblanmasdi va qaytarib berilar edi. Endi bu yosh bu yosh chegarasi bekor qilindi.

@namdu309

"KELAJAKKA QADAM" dasturi doirasida universitet bitiruvchilari uchun kredit mahsulotlari:

1⃣ "Kelajakka birinchi qadam"
Ijtimoiy soliq to'lab, o'zini-o'zi band qilgan bitiruvchilar uchun

• Kredit summasi - 10 mln. so'mgacha
• Foiz stavkasi - 21%
• Kredit muddati - 18 oygacha
• Imtiyozli davr - 3 oygacha

❗️Sug'urta polisi uchun to'lov kredit summasidan chegirib qolinadi

2⃣ "Kelajak uchun start"
Yakka tartibdagi tadbirkorlar yoki yuridik shaxs tashkil etgan bitiruvchilar uchun

• Kredit summasi - 300 mln. so'mgacha
• Foiz stavkasi - MB asosiy stavkasi +4%
• Kredit muddati - 7 yilgacha (aylanma mablag'lar uchun 36 oygacha)
• Imtiyozli davr - 2 yilgacha (aylanma mablag'lar uchun 6 oygacha)

❗️Kredit oluvchi direktor yoki ta'sischi bo'lishi talab etiladi;
❗️Garov ta'minoti talab etiladi (50 mln. so'mgacha - sug'urta polisi asosida);
❗️Salbiy kredit tarixiga ega bo'lmasligi kerak;
❗️Muddati o'tgan qarzdorligi bo'lmasligi talab etiladi

3⃣ "Yorqin kelajak sari"
Yakka tartibdagi tadbirkorlar yoki yuridik shaxs tashkil etgan bitiruvchilar uchun

• Kredit summasi - 1 mlrd. so'mgacha
• Foiz stavkasi - MB asosiy stavkasi +4%
• Kredit muddati - 7 yilgacha (aylanma mablag'lar uchun 36 oygacha)
• Imtiyozli davr - 2 yilgacha (aylanma mablag'lar uchun 6 oygacha)

❗️ Kredit oluvchi direktor yoki ta'sischi bo'lishi talab etiladi
Garov ta'minoti talab etiladi
❗️ Kamida 4 ta ish o'rni yaratilishi zarur
❗️Salbiy kredit tarixiga ega bo'lmasligi kerak
❗️Muddati o'tgan qarzdorligi bo'lmasligi talab etiladi

Biznes g'oyasi borlar💡 va kredit olish istagidagilar 💰"Kelajakka qadam" markaziga yoki oliy ta'lim tashkiloti mas'ul xodimiga murojaat qilishlari mumkin.

@namdu309