ماتِسوه كل التَعب
والرجفه .. ودموعي
لهلّي أنه ماسولفت عنك
وانتَ شكثر....
كدام ياهو اليجي فاتحله موضوعي.

انه بلا وَعي من انطيتك الروح
وعقل ما چان عندي وهَسة فزيت
ما اچذب واگلك باجر انساك
عفتني وذكريات هواي خليت
وما گتلي الرواية آخرها مبتور
چا بأول مَشاهد ما انشديت
بما انك عفتني بكِل الاحوال
ما تفرق نسيتك لو تناسيت.

١٢:١٢

أكتب بيت وأمسح بيت
هجمت بيوت وماطلعت البگلبي.
ادافعلَك واقاتل وأحمِل الطلقات
واعرف بلنهايه هايه مو حربي.

جاوبني بصراحة وروح
أنتَ السبب لو أني؟
صار سنِين نتوادَع
واحد عايف الثاني
أجيتَك حتىٰ ترجعلي
رِجع بَس عُطرك وياية
أجيتَك يالچنت تگدر
وضعنا تحلة بحچاية
أبني بروحي صار سنين
يالهديتني بلحظة
غيرك چانت أُمنيتة أحبة
وأفتهم قصتْة
كامل چان مابي عيب
بَس مشكلتة مو أنتَ.

١٢:٠٢

الچانت تلح بطَلبها
عَفيه بَس بطل الجگارة
هَسه گالو من مشيت
تُطلب من امها على مَصرف
تكة السومَر تخلصها
جِگارة بصف جگارة
وانتَ قيس شهل الخسارة؟

من شفتك تِّغير مَوعد النوم
بِديت أسهر وأحِن وأشتاگ
وأبرَد وأغار وترجِف ايدي
وأبچي وأحتار وأشوفَك
وأرتبك وأبنيك وأنهَد
مُجَرد حُب كِسَر كُل القوانين
وخرج عَن سَيطرة گلبي وتُمرد
على حُكم المَذاهب والتقاليد
أحبك يَـ العيونَك مالهِن حَد.

١١:٢١

بديت اشهَك فراكك
والنفس مكطوع
اختنك دربَك بجدمي
وما قبل يكمَل
يُمر وجهَك عَلك وبوجهي
اشد شُباك
واشد وجهك بوجهي
بالسهل ينحل
خذت نظره ولِهسه
عيوني متوضيات
اذا صَلت لغيرك كل فرض يذبل.

كِلمة چانت
كِلمة وِحده تهدي وضعي وماگِلتها
كِلمة چانت تنهي زعلي
وتنهِي حِزني
وگلت كِلشي
وفقط هالكلمة عِفتها
حِزني صار سنين يمك
صِرت شاطر أعلى اغلاطي وطَلعتها
حَتى تِملي اعذارك انتَ
تريد تبعد ؟
رغم ماگايل اعَوفك
انهَ بعيونك شِفتها.

١١:٥٠

چِنت تدّري أنا أحَبك ؟
ودّرت وجهك مِن دّريت
گتَلك أُبقى گبّال عِيني
وعَمت عيّني ومِا بُقيت!

چان يريد يمشي
وحَسنّي مهضوم
وبديت احچيله عادي
و راح خوفه
بِحيث بغلطته ماچنت مصدوم
لان شجعته يحجيها بطَلاقه
وخاطر مايحس بذنبه وياي
قنعته غلط هاي العلاقه
لكن للأمانه حچايه تنگال
خسرته هَم حبيب وهَم صداقه.

فُدوة مِد جَفك عَلية لتهِدنيّ بهَذا حالي.