⚡️Akademik qarzdorligi boʻlgan talabalarni oʻqishdan chetlatish taklif qilinyapti

Hukumatning “Oliy taʼlim muassasalarida taʼlim jarayonini tashkil etish bilan bogʻliq tizimni takomillashtirish chora-tadbirlari toʻgʻrisida”gi 2020-yil 31-dekabrdagi 824-son qaroriga tegishlicha oʻzgartirish kiritish taklif qilinyapti.

Oliy taʼlim, fan va innovatsiyalar vazirligi ishlab chiqqan Hukumat qarori loyihasiga koʻra, 824-son qaror bilan tasdiqlangan “Oliy taʼlim muassasalarida oʻquv jarayoniga kredit-modul tizimini joriy etish tartibi toʻgʻrisida”gi nizomning 42-bandidan “Semestr va oʻquv yili yakuni natijalari boʻyicha akademik qarzdorligi bor taʼlim oluvchilar oʻqishdan chetlashtirilmaydi.” soʻzlari chiqarib tashlanadi.

Yaʼni, talabalarni oʻqishdan chetlashtirish, qayta tiklash, kursdan kursga oʻtkazish mexanizmlarini nazarda tutuvchi amaldagi 42-band, jumladan, quyidagilarni nazarda tutadi:

“…GPA (taʼlim oluvchining dastur boʻyicha oʻzlashtirgan ballari oʻrtacha qiymati) oʻtish ballini toʻplay olmagan talaba qayta oʻqish uchun tegishli kursda qoldiriladi. Semestr va oʻquv yili yakuni natijalari boʻyicha akademik qarzdorligi bor taʼlim oluvchilar oʻqishdan chetlashtirilmaydi. Kursdan kursga qolgan talabalar faqat qarzdor boʻlgan fanlarni oʻzlashtirib ularga mos ravishda shartnoma mablagʻlarini toʻlaydi. Shartnoma asosida bir kursda qayta oʻqish soni chegaralanmaydi…”

Mazkur hujjat loyihasi matniga tegishli vazirlik va idoralar ham oʻz munosabatini bildirgan. Xususan, “Taʼlim sohasidagi loyihalar markazi” loyiha ofisi hujjatdagi akademik qarzdorligi boʻlgan talabalarni oʻqishdan chetlatish taklifiga qarshi chiqqan.

Loyiha ofisi vazirlikka taklif etilayotgan oʻzgarish kredit-modul tizimi konsepsiyasiga va xalqaro amaliyotga toʻgʻri kelmasligini taʼkidlab, akademik qarzdorlik yuzaga kelgan taqdirda, talabalarga oʻsha fanlarni qayta topshirish, boshqa semestrda oʻzlashtirish yoki fanning davriyligi tugab, uning oʻrniga kiritilgan yangi modulni oʻzlashtirish imkoniyatlarini berish bu kredit-modul tizimi mezoni hisoblanishini eslatmoqda.

Batafsil: https://talimxabarlari.uz/24601

🇺🇿 @nodavlattalim — nodavlat oliy ta’lim muassasalari haqida rasmiy xabarlar

#eslatma

⚡️Agar siz talaba, o‘qituvchi yoki muhandis bo‘lsangiz, Sizda tanlovda qatnashib elektromobil, xorijiy davlatlarga stajirovka yoki pul mukofotlarini yutib olish imkoni mavjud.

Oliy ta’lim, fan va innovatsiyalar vazirligi muhandislik sohasida “Eng yaxshi g‘oya”, “Eng yaxshi loyiha” va “Eng yaxshi ixtiro” yo‘nalishlarida tanlov e’lon qiladi.

Tanlov yuqoridagi yo‘nalishlar bo‘yicha alohida 3 ta kategoriya — 40 yoshdan oshmagan professor-o‘qituvchilar, talabalar hamda amaliyotchi muhandislar o‘rtasida o‘tkaziladi.

Har bir ishtirokchi Tanlovning faqatgina bir yo‘nalishida ishtirok etishi mumkin.

Tanlovda:
1⃣-o‘rinni qo‘lga kiritgan g‘oliblar elektromobil (9 ta),
2⃣-o‘rin g‘oliblari xorijiy davlatlarga stajirovka yo‘llanmasi,
3⃣-o‘rin g‘oliblari pul mukofotlari bilan taqdirlanadi.

Tanlov joriy yilning aprel-iyun oylarida 3 bosqichda o‘tkaziladi.

Tanlovga arizalar joriy yilning 31-mart kuniga qadar muhandis.edu.uz veb-sayti orqali qabul qilinadi.

💾 TANLOV NIZOMI

Qo‘shimcha ma’lumotlar uchun:
📞 (55) 520-08-08 (357), (90) 065-05-09.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️Imtiyozlik ta'lim krediti foizi ko'tarildi

Markaziy bank 20-mart kuni asosiy stavkani 0,5 foiz bandga oshirib, yillik 14 foiz darajasida belgilash to‘g‘risida qaror qabul qildi.

Qoidaga ko'ra, amaldagi kredit shartnomalar uchun foiz o‘zgarmaydi (yaʼni ko‘tarilmaydi).

Yangi ta'lim krediti olmoqchi bo‘lgan talabalar uchun esa Markaziy bankning asosiy stavkasi miqdorida (14%) ajratiladi.

❗️Ma'lumot o'rnida: Xotin-qizlar uchun ta'lim krediti (0%) foizsiz.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️AQSH Prezident Donald Tramp Taʼlim vazirligini tarqatib yuborish toʻgʻrisidagi farmonni imzolamoqchi.

Oq uy bu islohot taʼlim sifatini yaxshilashiga ishonch bildirmoqda.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Prezident Taʼlim vazirligini tugatish toʻgʻrisidagi hujjatni imzoladi

"Biz bu vazirlikni imkoni boricha tezroq yopamiz. U bizga hech qanday foyda keltirmayapti", — deya oʻz qaroriga izoh berdi AQSH prezidenti.

"Tramp va koʻpchilik respublikachilar Taʼlim vazirligini yopishni ancha vaqtdan beri talab qilib kelayotgan edi. Ammo uni toʻliq tugatish uchun Kongressning roziligi kerak boʻladi, bu esa juda qiyin", deb yozadi BBC.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

#hemis

⚡️HEMIS dasturi asosida faoliyat yurituvchi nodavlat OTMlar ro'yxati (21.03.2025 holatiga)

2023/2024 o‘quv yilidan boshlab mulkchilik shaklidan qat'iy nazar, barcha nodavlat oliygohlar (xususiy, xorijiy) HEMIS dasturiga o'tish majburiyati yuklangan. Dasturga kiritilmagan talabalarga esa diplom berilmaydi.

Ushbu faylda 21-mart holatiga ko'ra, HEMIS dasturi kirib borgan respublika hududida tegishli litsenziya asosida faoliyat yurituvchi nodavlat (xususiy, xorijiy) OTMlar ro'yxati keltirilgan.

❗️Tavsiya, oliygohingiz hemisga ulangan bo'lsa ham sizni tizimga kiritganligini dekanatdan aniqlashtirib oling.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️Kontraktni to’liq to’lamaganlarni yakuniy yoki oraliqlarga kiritmaslikka OTM mas’ullarining haqqi bormi?

❌ Yo’q bunga haqqi yo’q, yakuniy va oraliqlarga talabani kiritmaslik uchun kontraktni to’lamaslik asos bo’la olmaydi. Agar talaba umuman kontrakt to’lamagan bo’lsa uni talabalar safidan chetlatishi mumkin xolos.

Talabani oraliqqa yoki yakuniyga kiritmaslik, ataylab fandan yiqitish, darsga kiritmay nb qo’yib qo’yish, va boshqa g’ayriqonuniy harakatlar amalga oshirish umuman mumkin emas.

📑 Kontrakt to'lash muddatlari:

➖ Abituriyentlar uchun kontraktning 25 foizini – 15-sentabrgacha (yoki Davlat qabul komissiyasi belgilagan muddatgacha)
➖ ikkinchi va undan keyingi bosqich talabalar uchun – 1-oktabrgacha (yoki OTM rahbariyati uzaytirgan muddatgacha);
➖ To‘lov miqdorining kamida 50 foizi – 1 yanvargacha;
➖ Kontraktning 75 foizi – 1-aprelgacha;
➖ Kontraktning 100 foizi – 1-iyulgacha (yoki OTM rahbariyati uzaytirgan muddatlargacha);

✅ xorijiy fuqarolar uchun OTM rahbariyati belgilagan muddatlargacha.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️Rasman: joriy yilda Ramazon hayitining birinchi kuni 30-mart – yakshanba kuniga toʻgʻri keladi - prezident qarori

Ramazon hayiti 30-mart, yakshanba kuniga toʻgʻri kelishi munosabati bilan dam olish kunlari quyidagicha belgilandi:

➖ 29-mart (shanba) — 5 kunliklarga dam, 6 kunliklarga ish;
➖ 30-mart (yakshanba) — Ramazon hayiti;
➖ 31-mart (dushanba) — Ramazon hayiti munosabati bilan 30 mart kunidan koʻchirilgan barcha uchun dam olish kuni.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️Kambagʻal oilalar uchun foizsiz ssuda ajratiladi

➖ Kambagʻal oilalar reyestridagi fuqarolarga subsidiya oʻrniga foizsiz ssuda beriladi;
➖ 50 BHMgacha miqdorda, 6 oydan 3 yilgacha muddatga taqdim etiladi;
➖ Asbob-uskunalar Kambagʻallikni qisqartirish jamgʻarmasi orqali sotib olib beriladi.

☝️ Ariza berish uchun hokim yordamchisiga yoki Yagona interaktiv davlat xizmatlari portali va “Onlayn mahalla” platformasiga murojaat qilish mumkin.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️Xalqaro fan olimpiadasi g‘oliblariga salkam 1 mlrd so‘m pul mukofoti beriladi

Prezident farmoniga ko‘ra, 2025-yil 1-iyundan nufuzli xalqaro fan olimpiadalari g‘olib va sovrindorlariga to‘lanadigan bir martalik pul mukofotining amaldagi miqdorlari 5 baravarga oshiriladi.

Masalan, endi eng nufuzli 5 ta olimpiadada (IMO — matematika, IBO — biologiya, IChO — kimyo, IPhO — fizika, IOI — informatika) g‘olib va sovrindor bo‘lgan o‘quvchilarga quyidagicha mukofot pullari beriladi:

➖ 1-o’rin: 937 mln 500 ming so‘m (2500 baravar);

➖ 2-o’rin: 562 mln 500 ming so‘m (1500 baravar);

➖ 3-o‘rin: 375 mln so‘m (1000 baravar).

🇺🇿 @nodavlattalim — nodavlat oliy ta’lim muassasalari haqida rasmiy xabarlar

❓Nodavlat oliygohni bitirib davlat oliygohlarining magistraturasida o'qib bo'lmaydimi?

✅ JAVOB: Nodavlat oliygohlarning bakalavriat ta'lim yo'nalishini tamomlagandan so'ng davlat oliygohlarining magistraturasida yoki aksincha davlat oliygohlarining bakalavriatida o‘qib nodavlat oliygohlarning magistraturasida tahsil olish mumkin. Bu bo'yicha hech qanday cheklov va havotirlanishga asos yo'q.

📌 Eslatib o‘tamiz: tegishli litsenziyaga ega nodavlat oliy taʼlim tashkilotlari tomonidan berilgan diplomlar davlat oliy taʼlim muassasalari diplomlari bilan teng darajada qabul qilinadi.

☝️ Jumladan, nodavlat oliygohlarning magistratura bosqichini tamomlagan bitiruvchilar uchun berilgan diplomlar ham Respublika hududida tan olinadi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Samarqanddagi ayrim oliygohlarga ta’til beriladi

Samarqand shahrida xalqaro sammit o‘tkazilishi munosabati bilan shaharda harakatlanish cheklanadi (ayrim yo’llar yopiladi).

Shu sababli 2025-yil 1-5-aprel kunlari quyidagi oliy ta’lim muassasalariga yozgi ta’til hisobidan qisqa muddatli o‘quv ta’tili beriladi:

1. Sharof Rashidov nomidagi Samarqand davlat universiteti
2. Samarqand davlat chet tillar instituti
3. Samarqand iqtisodiyot va servis instituti
4. “Ipak yo‘li” turizm va madaniy meros xalqaro universiteti
5. Toshkent axborot texnologiyalari universiteti Samarqand filiali
6. Samarqand davlat tibbiyot universiteti
7. O‘zbekiston-Finlandiya pedagogika instituti

O’quv jarayonlari 7-aprel, dushanba kundan boshlanadi. Mazkur taʼtil yozgi taʼtil hisobidan olinadi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Buxoroda xususiy bogʻchada bolani tok urishi oqibatida vafot etdi

Buxoro shahridagi xususiy maktabgacha taʼlim muassasasida ikki yoshli bolakay Sh.Sh. ehtiyotsizlik oqibatida elektr simni ushlab, ogʻir jarohat olib vafot etgan.

Batafsil: https://www.tg-me.com/Talim24uz/48

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Nodavlat (xususiy) oliygohlardan davlat oliygohlariga imtihonsiz o‘qishni ko‘chirish mumkinligi haqida

Prezident qarori (15.06.2022-y, PQ-279-son)ga asosan Respublikada faoliyat yuritayotgan nodavlat (xususiy) va xorijiy OTM filiallaridan davlat oliy ta'lim muassasalariga 2 xil yo‘l bilan o'qishni ko'chirishi mumkin.

➖ Mos va turdosh ta'lim yo'nalishlariga o'qishni ko'chirganda alohida iqtidor talab etiladigan ta’lim yo‘nalishlari bo‘yicha kasbiy (ijodiy) imtihonlar, boshqa ta’lim yo‘nalishlari bo‘yicha test sinovlari asosida;

➖ Davlat oliy ta’lim muassasalarining mos va turdosh bo‘lmagan ta’lim yo‘nalishlariga ko‘chirish o‘rnatilgan tartibda, tegishli bakalavriat ta’lim yo‘nalishi uchun belgilangan tabaqalashtirilgan to‘lov-kontraktning minimal miqdoriga teng bo‘lgan bir martalik to‘lov (super kontrakt) asosida amalga oshiriladi:

✅ Ya'ni, nodavlat oliygohlardan davlat oliygohlarining noturdosh ta'lim yo'nalishlariga tabaqalashtirilgan to‘lov-kontraktning minimal miqdoriga teng bo‘lgan bir martalik to‘lov asosida imtihonsiz o‘qishni ko‘chirish mumkin.

Ushbu summa yo'nalishlarga qarab stipendiyasiz kontrakt summasining 6 barobaridan 20 barobarigacha tashkil etishi mumkin.

➡️ Imtihonsiz o'qishni ko'chirishda super kontrakt narxlari

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

Germaniyada kredit modul tizimi qanday ishlaydi?

Germaniyada hamma oliy ta‘lim dargohlari shunday tizimda tashkil etilganki, ya'ni hech qanday qat'iy ko‘rsatma yo‘q, talaba hamma narsani o‘zi tanlaydi, o‘z yo‘nalishidan kelib chiqib fanlarni ham o‘zi tanlaydi, bu yerda qachon qaysi ma'ruzaga borish, qachon qaysi fandan imtihon topshirish, bularni hammasini o‘zi tanlaydi. Bundan tashqari barcha professorlar, kafedradagi har bir o‘qituvchi xuddi instagramda blogerlar obunachilar uchun kurashgandek izlanishi kerak. Ma‘lum bir professorning ma'ruzasiga faqat uni eshitishni istagan talabalargina boradilar. Chunki odamlarni ma‘lum bir joyga borishga majburlab bo‘lmaydi! — "O‘zbekistonlik" filmidan parcha.

Haqiqiy kredit-modul tizimi mana shunday ishlaydi!

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

#Testlar

🔥 Majburiy fanlardan testlar to'plami

Majburiy blok (Ona tili, matematika va O'zbekiston tarixi) fanlaridan 600 talik testlar to'plami.

📝 O'qishga kirish va ko'chirish imtihonlarida shu va shu darajadagi savollar tushadi.

Izoh: Test javoblar ko'rsatilmagan!

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Ham perevod uchun, ham abituriyent bo'lib oliygohga hujjat topshirish mumkin

O'qishni ko'chirmoqchi bo'lgan talaba oliygohga abituriyent bo'lib ham hujjat topshirishi mumkin.

🖊 Buning uchun, 15-iyun va 15-iyul oralig'ida my.uzbmb.uz sayti orqali abituriyent sifatida oliy ta'lim muassasasiga hujjat topshirishi mumkin va saytga diplom yoki attestat raqamini kiritishi kifoya. Agarda ushbu hujjatni oliygohiga topshirgan bo'lsa raqamini bilmasa taxminan noto'g'ri raqam kiritsa ham bo'laveradi.

➡️15-iyul sanasidan boshlanadigan o'qishni ko'chirish uchun qabul jarayonida ham tegishli sayt orqali "perevod" uchun hujjat topshirishi imkoniyatiga ega. Bunda transkript yuklansa kifoya.

✅Abituriyent va "perevodchilar" uchun test bir xil vaqtda bo'lmasligi sababli bemalol imtihonga kirib chiqishi va muvaffaqqiyatli o'tganidan so'ng, keyinchalik o'z xoxshiga ko'ra birini tanlashiga to'g'ri keladi.

⚠️Bir vaqtda ikki xil jarayonga hujjat topshirish ta'qiqlanmagan va bu keyinchalik talabaga hech qanday muammo tug'dirmaydi. Ammo bir vaqtning o'zida ikkita oliy ta'limda o'qish imkoniyati mavjud emas.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!