📊 So‘rovnoma natijalari:

Ko‘pchilikning fikricha, nodavlat OTM bitiruvchilarining atigi 15–30 foizi ish bilan ta’minlanadi. Bu raqamlar hali ham xususiy oliygoh bitiruvchilarining ish topishida muammo borligini ko‘rsatmoqda.

LEKIN...
Yaqinda bizga bir nodavlat oliy ta’lim muassasasi o‘z bitiruvchilarining 90 foizi ish bilan ta’minlangani, hatto bitiruvchi 4-5-kurs talabalarining 76 foizi hozirda mehnat faoliyati bilan shug‘ullanayotganini da’vo qilmoqda.

🤔 Siz bunga ishonasizmi?
Sizningcha, bu qaysi oliygoh bo‘lishi mumkin?

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Toshkent tibbiyot akademiyasi, Toshkent pediatriya tibbiyot instituti va Toshkent davlat stomatologiya instituti negizida Toshkent davlat tibbiyot universiteti tashkil etiladi

2025/2026-o‘quv yilidan Toshkent tibbiyot akademiyasi, Toshkent pediatriya tibbiyot instituti va Toshkent davlat stomatologiya institutida tahsil olayotgan barcha talabalar o‘qishini Toshkent davlat tibbiyot universitetida davom ettiradi hamda bitiruvchi kurs talabalariga belgilangan tartibda universitet diplomi beriladi. – Prezident qarori

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Toshkent tibbiyot akademiyasining Urganch filiali Urganch davlat tibbiyot instituti etib qayta tashkil etiladi;

Toshkent tibbiyot akademiyasining markaziy ilmiy-tekshirish laboratoriyasi negizida Tibbiyot ilmiy-innovatsion tadqiqot instituti faoliyati yo‘lga qo‘yiladi.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Yozda o'qishni ko'chirish imtihonidan yiqilsam, keyin nima qilsam bo'ladi?

✅1-variant: Hozir o'qiyotgan oliygohida o'qishini kelgan joyidan davom ettirishlari mumkin.
✅2-variant: Super-kontrakt asosida o'qishni ko'chirishlari mumkin.

Super kontrakt esa 2 xil toifaga bo'linadi:

✅1-toifa: O'tish baliga 4,05 ballgacha yetmay qolgan talabgorlar;

🔰Bunda quyidagi shkala asosida super-kontrakt narxi belgilanadi:

➖ 1,05 ballgacha yetmay qolganda – oddiy toʼlov-kontrakt miqdorining 1,5 barobari;
➖ 1,06 balldan 2,05 ballgacha — 2,0 barobari;
➖ 2,06 balldan 3,05 ballgacha — 2,5 barobari;
➖ 3,06 balldan 4,05 ballgacha — 3,0 barobari.

✅Masalan, matematika yoʼnalishida 1,5 ball yetmay qoldi deylik. Bunday vaziyatda oʼsha abiturient 2 barobar toʼlaydi. Matematika yo'nalishida kontrakt narxi taxminan 7 400 000 deylik. Demak, matematika yoʼnalishiga 1,5 ball yetmay qolgan abiturient 14 mln 800 ming soʼm super-kontrakt toʼlaydi (2x7 400 000).

✅ 2-toifa: o'tish baliga 4,05 balldan ortiq yetmay qolgan va oʼzi 56,7 dan koʼp ball toʼplaganlar:

👫 Bunday "perevodchilar" super-kontrakt uchun yoʼnalishiga qarab oddiy kontraktning minimum 8, 10, 12, 15, 17 yoki 25 barobarini toʼlaydi.

Masalan, iqtisod yoʼnalishiga o'tish bali 105 ball. Talaba 70 ball to'pladi. Demak, unga 4,05 balldan ortiq yetmay qolgan, oʼzi ham 56,7 balldan koʼproq toʼplagan. Iqtisod yo'nalishiga minimum super-kontrakt 10 barobar etib belgilangan. Stipendiyasiz oddiy kontrakt narxi esa taxminan 10 500 000 soʼm.

👆 Xulosa: iqtisod yoʼnalishining kunduzgi ta`lim shakli uchun super-kontrakt miqdori minimum 105 mln so'm (10 x 10 500 000).

❗️ BU MUHIM: oʼtish baliga 4,05 balldan koʼproq yetmay qolgan va 56,7 balldan koʼp toʼplaganlarning hammasiga bir xil narx boʼladi. Yaʼni 5 ball yetmagan ham, 50 ball yetmagan ham bir xil toʼlaydi. Oʼshanchun menga 10 ball yetmadi, menga 30 ball yetmadi, qancha boʼladi, deb soʼrashdan foyda yoʼq.

✅ 3-toifa: 56,7 balldan kam toʼplaganlar

Bunday perevodchilar super-muper kontraktda oʼqishi mumkin, faqat kamida 2-toifadagilar toʼlaydigan summaning 2 barobarini toʼlashadi. Masalan, talaba iqtisod yoʼnalishiga topshirib, 40 ball toʼplagan, yaʼni 56,7 balldan kam. Demak, u kamida 210 mln soʼm toʼlashi kerak (2 x 105 000 000).

⚠️Xullas, Siz toʼplagan balingiz asosida kamida taxminan qancha super-kontrakt toʼlashingizni bemalol oʼzingiz hisoblab koʼrishingiz mumkin.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Aytishlaricha, super kontrakt narxlari yana kamaytirilishi mumkin

Xabaringiz bor, 2024/2025 o'quv yilida abituriyent va o'qishini ko'chirganlar uchun super-kontrakt miqdori yaxshigina kamaytirildi. Masalan 8 barobarli yo'nalishlar, 6 barobarga tushirildi.

joriy yil uchun ham super-kontrakt miqdorida pasayish kuzatilishi mumkin. Sababi abituriyentlar super-kontraktdan ko'ra, oddiy kontrakt asosida nodavlat oliygohlarda o'qishni ko'proq afzal ko'rishmoqda.

Bu esa so'nggi yillarda davlat OTMlarida oshirilgan kontrakt asosida o'qish istagini bildirganlar soni keskin kamayib ketishiga sabab bo'lgan.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️“90% ish bilan ta’minlaganmiz” – shubhali raqamlar, katta va’dalar. Tekshirib ko‘ramizmi?

Avvalgi postimizda bir nodavlat oliy ta’lim muassasasi haqida so‘z borgandi. U yerda bitiruvchilarning 90 foizi ish bilan ta’minlangani, 4–5-kurs talabalarning esa 76 foizi hozirdanoq rasmiy ish joyiga ega ekani iddao qilingan edi.

Mazkur oliygoh bu ko‘rsatkichlarni gapda emas, amalda isbotlashga tayyorligini bildirib, muassasa faoliyati bilan bevosita tanishish uchun rasmiy taklif yo‘lladi.

"@nodavlattalim" jamoasi bu da’volarning asosli yoki asossizligini joyida o‘rganish, ma’lumotlarni bevosita manbalardan tekshirish maqsadida tez orada oliygohga tashrif buyuradi. Natijalarni albatta sizga yetkazamiz.

Siz bu raqamlarga ishonasizmi?

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Oliy ta’lim xizmatlariga litsenziya olish uchun talablar

O‘zbekistonda nodavlat oliy ta'lim muassasasi tashkil etish istagidagilar uchun quyidagi asosiy mezonlar belgilangan:

🔹 Moliyaviy barqarorlik – kamida 150 ming AQSh dollari miqdorida bankdagi mablag‘;
🔹 Axborot-resurs bazasi – elektron kutubxona, zamonaviy axborot markazi, o‘quv adabiyotlar ta’minoti;
🔹 Tashkiliy talablar – auditoriyalar, laboratoriyalar, stadion, yotoqxona, ma’muriy binolar;
🔹 O‘qituvchilar sifati – fan doktori, PhD va ilmiy unvonga ega bo‘lgan pedagoglar ulushi;
🔹 IT infratuzilma – 20 mbit/s internet, Wi-Fi zonalar, texnik jihozlangan o‘quv xonalar;
🔹 Tibbiyot, iqtisod, arxitektura va boshqa yo‘nalishlarga mos maydon talablari;
🔹 Tashkilot hududining sanitariya va xavfsizlik talablari.

📄 Ushbu hujjat xususiy OTM ochishni rejalayotgan har bir tashabbuskor uchun muhim yo‘l xaritasi bo‘lib xizmat qiladi.

📎 Fayl: PDF'ni ko‘rish

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

"Ta’lim tizimi Abduqodir Toshqulovdek vazirni ko‘rmadi, bundan keyin ham ko‘rmasa kerak. O‘z kasbiga sadoqatli va ta’lim rivoji yo‘lida ulkan ishlarni amalga oshirgan inson!"

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Buxoroda 20 yoshli talaba o‘z joniga qasd qildi

2005-yilda tug'ilgan Buxoro davlat texnika universiteti 1-kurs talabasi o‘zini osib, joniga qasd qilgan.

O‘limidan oldin talaba xat qoldirgan. Unda marhum o‘limi uchun hech kimni ayblamasligini yozib, ota-onasidan kechirim so‘ragan.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️O'tgan hafta davomida eng ko'p izoh qoldirib faol bo'lgan obunachilar rag'batlantirildi

Xabaringiz bor, "Nodavlat oliy ta'lim muassasalari" telegram kanalidagi postlar muhokamasida faol bo'lgan yoshlar har hafta rag'batlantirilishini e'lon qilgan edik. Har yakshanba kuni haftada davomida faol bo'lgan obunachilarimizni statistika yordamida aniqlab moddiy rag'batlantirilmoqda.

1-hafta: https://www.tg-me.com/nodavlattalim/2829&comment=696060
2-hafta: https://www.tg-me.com/nodavlattalim/2856&comment=707621

Siz ham izohlarda faol bo'ling! Keyingisi siz bo'lishingiz mumkin!

❌ Telba-teskari yozilgan izohlar hisobga olinmaydi.
✅ Faqat kanaldagi post izohlariga yozilgan koment hisoblanadi.
😀 Eng ko'p kontakt qo'shgan obunachilar ham g'olib deb topiladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

❓Nodavlat oliygohlarda ham davlat granti asosida o‘qish mumkinmi?

✅ Ha, albatta, mumkin. Faqat sharti: bitirgandan so‘ng ishlab berish kerak bo‘ladi. Talab esa grant olish uchun yuqori ball to'plash kerak.

Hukumat har yili xususiy va xorijiy OTMlar va ularning filiallarida o‘qiyotgan talabalar uchun mingta grant o‘rin ajratadi. Bu o‘rinlar xususiy va xorijiy universitetlar yo‘nalishlari bo‘yicha taqsimlanib, 1-iyulgacha Oliy ta’lim, fan va innovatsiyalar vazirligi saytida e’lon qilinadi.

📂 Xususiy universitetlar imtihonlari tugagach, eng yuqori ball to‘plab talaba bo‘lganlar orasidan grant olishni istagan shaxslar OTM va vazirlik bilan birgalikda 3 tomonlama shartnoma imzolaydi.

⚠️ Bu shartnoma asosida ular o‘qishni tugatib o‘z yo‘nalishi bo‘yicha ishlab berish majburiyatini oladi. Ishlash muddati yo‘nalish xususiyatiga qarab turlicha belgilanadi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️"Perevod"chilar 5 ta yo'nalish tanlay olmaydi

O'qishni ko'chirishda talabalar huddi abituriyentlar singari beshta ta'lim yo'nalishi tanlay olmaydilar. Faqatgina bitta ta'lim yo'nalish tanlash huquqi berilgan.

O'qishni ko'chirishda quyidagilar imtiyoz sifatida amal qilmaydi:

❌ 5 ta ta'lim yo'nalishiga topshirib bo'lmaydi;
❌ Avval test, keyin tanlov qilib bo'lmaydi;
❌ Har qanday imtiyozlar amal qilmaydi;
❌ Hech qanday til sertifikatlari imtiyoz bermaydi;
❌ Oilaviy sharoit inobatga olinmaydi;
❌ Har qanday xalqaro musobaqa yoki fan olimpiadasi ahamiyatsiz.


👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️2025-yil 1-may kunidan aholi uchun oshirilgan elektr energiyasi taʼriflari miqdori.

Aholiga biroz yengillik uchun yangi 800 soʻmlik limit ham kiritilgan.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Buxoro davlat texnika universitetining yana bir talabasi oʻz joniga qasd qilgani aytilmoqda

Bugun, 28-aprel kuni Buxoro davlat texnika universiteti talabasi oʻz joniga qasd qilgan. Maʼlumotlarga koʻra, talabaning jasadi universitet yotoqxonasidan osilgan holda topilgan.

Avvalroq yana bir talaba oʻz joniga qasd qilgani haqida xabar berilgan edi.

Hozirda tegishli organlar tomonidan tergov ishlari olib borilmoqda. Voqea sabablari hozircha maʼlum emas.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️2025-2026-oʻquv yilidan boshlab pedagog yo‘nalishlariga sirtqi taʼlim shakliga qabul amalga oshirilmaydi

Prezidentning “Pedagog kadrlar tayyorlash tizimini yanada takomillashtirish chora-tadbirlari toʻgʻrisida”gi Farmoni qabul qilindi.

Unga koʻra: 2025-2026-oʻquv yilidan boshlab:

➖ pedagog kadrlarni tayyorlash faqat kunduzgi va kechki taʼlim shakli boʻyicha tashkil etilib, sirtqi taʼlim shakliga qabul amalga oshirilmaydi;

➖ oliy pedagogik taʼlim yoʻnalishida nodavlat taʼlim xizmatlarini koʻrsatish sohasidagi faoliyatni litsenziyalash Maktabgacha va maktab taʼlimi vazirligi xulosasi asosida amalga oshiriladi.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Davlat va nodavlat OTMlardagi talabalar bilimi past boʻlgan pedagogika taʼlim yoʻnalishlari yopiladi

Prezidentning “Pedagog kadrlar tayyorlash tizimini yanada takomillashtirish chora-tadbirlari toʻgʻrisida”gi Farmoni qabul qilindi.

2026/2027 oʻquv yilidan boshlab:

Maktabgacha va maktab taʼlimi vazirligi tomonidan davlat va nodavlat oliy taʼlim tashkilotlarida pedagog kadrlar tayyorlash sifatini tahlil qilish maqsadida talabalarning bilimlarini tashqi diagnostika qilish tizimi joriy etiladi.

Bunda diagnostika natijasiga koʻra pedagog kadrlar tayyorlash sifati belgilangan talablarga javob bermaydigan taʼlim yoʻnalishlarida kadrlar tayyorlashni cheklash tartibi Vazirlar Mahkamasi tomonidan belgilanadi.

Pedagog kadrlar tayyorlashda davlat buyurtmalarini prognoz qilish va shakllantirishda Maktabgacha va maktab taʼlimi vazirligining maʼlumotlar almashinuvini avtomatlashtirish va boshqarish boʻyicha yagona dasturiy kompleksi (ERP) maʼlumotlari tahlil qilinadi va tegishli takliflar ishlab chiqiladi.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

Bu nima degani?

➖ Joriy yildan pedagogika ta'lim yo'nalishlarining sirtqi shakli davlat va nodavlat OTMlarda to'liq yopiladi. Endi faqat kunduzgi yoki kechkida o'qish mumkin.

➖ Endi nodavlat oliygohlar pedagogika yo'nalishiga litsenziya olish uchun Maktab va maktabgacha ta'lim vazirligining xulosasi kerak bo'ladi.

➖ Davlat va nodavlat OTMlarda bilim darajasi past bo'lgan pedagogik yo'nalishlar yopiladi, etibor bering, oliygoh emas, yo'nalishni o'zi yopiladi.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Nodavlat oliy ta'limni litsenziyalash vakolati boshqa tashkilotga o'tkaziladi

Aytishlaricha, 2025-yil uchinchi choragiga qadar nodavlat oliy ta'lim tashkilotlariga litsenziya berish hamda faoliyatini tartibga solish vakolati boshqa tashkilot (yangi tashkil etiladigan agentlik)ga o'tkaziladi.

Bundan tashqari, 2025-yilda Oliy ta'lim, fan va innoyatsiyalar vazirligi faoliyati tugatilishi yoki vakolatlari qisqartirilib yangi muassasa sifatida qayta tashkil etilishi ko'zda tutilmoqda.

Xabar rasman tasdiqlanmagan, lekin jarayonlar boshlangan.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Sirtqi ta'lim shakli tugatilgan ta'lim yo'nalishlar ro'yxati

Ushbu ro'yxatda ko'rsatilgan pedagogik ta'lim yo'nalishlari sirtqi ta'lim shakli tugatildi. Endilikda faqatgina kunduzgi va kechki ta'lim shakllarida qabul jarayonlari amalga oshiriladi.

Huquqiy asos: Prezidentning “Pedagog kadrlar tayyorlash tizimini yanada takomillashtirish chora-tadbirlari toʻgʻrisida”gi PF-73-sonli farmoni.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️13 ta pedagogika oliygohlari Maktabgacha va maktab taʼlimi vazirligi tizimiga oʻtkaziladi

Prezidentning “Pedagog kadrlar tayyorlash tizimini yanada takomillashtirish chora-tadbirlari toʻgʻrisida”gi farmoni qabul qilindi.

Unga koʻra yuqoridagi pedagogika sohasida kadrlarni tayyorlaydigan davlat oliygohlari Maktabgacha va maktab taʼlimi vazirligi tizimiga oʻtkaziladi. Ya'ni endi bu oliygohlar Oliy ta'lim vazirligi tasarrufida emas.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!