⚡️O'tgan hafta davomida eng ko'p izoh qoldirib faol bo'lgan obunachilar rag'batlantirildi

Xabaringiz bor, "Nodavlat oliy ta'lim muassasalari" telegram kanalidagi postlar muhokamasida faol bo'lgan yoshlar har hafta rag'batlantirilishini e'lon qilgan edik. Har yakshanba kuni haftada davomida faol bo'lgan obunachilarimizni statistika yordamida aniqlab moddiy rag'batlantirilmoqda.

1-hafta: https://www.tg-me.com/nodavlattalim/2829&comment=696060
2-hafta: https://www.tg-me.com/nodavlattalim/2856&comment=707621
3-hafta: https://www.tg-me.com/nodavlattalim/2884&comment=726378

Siz ham izohlarda faol bo'ling! Keyingisi siz bo'lishingiz mumkin!

❌ Telba-teskari yozilgan izohlar hisobga olinmaydi.
✅ Faqat kanaldagi post izohlariga yozilgan koment hisoblanadi.
😀 Eng ko'p kontakt qo'shgan obunachilar ham g'olib deb topiladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️1-maydan Yangi O'zbekistonda qanday o'zgarishlar bo'ldi?

● Elektr energiyasining bazaviy tarifi 33% oshdi;
● Tabiiy gaz narxi 54% ko'tarildi;
● Avtomobillar uchun metan narxi 21% ga oshdi;
● Taksi narxlari ham oshdi;
● Propan narxi 15% ga ko'tarildi;
● Jismoniy shaxslar xorijdan olib kiradigan tovar bo'yicha cheklov va yangi narxlar kiritildi;
● Elektrmobillar uchun utilizatsiya 4 barobarga qimmatlashdi;
● Gibrid avtomashinalar uchun ekologik boj joriy qilindi;
● Oziq-ovqat narxlari ko'tarildi;
● Inflatsiya ko'rsatkichi oshgan;
● Aviachiptalar narxi 74% ga oshib ketdi;
● Xalqaro aviaqatnovlar esa 12% gacha qimmatlashdi;
■ Oylik maoshlar esa o'rtacha 300$ ni tashkil etmoqda.

👨‍🎓 Ta'lim sohasida qanday o'zgarishlar sodir bo'ldi (bo'lmoqda)

● Xususiy oliygohlarga yangi talablar qo'yilmoqda;
● Kontraktlar narxi oshish ehtimoli mavjud;
● Stipendiya miqdori oshirilmaydi;
● Kredit (to'lov) tizimi joriy qilindi;
● Grant faqat bir yillik bo'ldi;
● Keyingi yil grant olish uchun bir qancha talablar qo'yildi;
● Sirtqi ta'lim tugatildi;
● Bepul kollejlar tugatilib, pullik texnikumga aylantirildi;
● Baholarga qarab beriladigan stipendiyalar bekor qilinib, ozroq summadagi faqat a'lochilar uchun stipendiya joriy qilindi;
● Darslar soati qisqarib, tadbir soni oshib bormoqda va h.k.

Yashash qiyinlashib borayotgan shunday bir vaqtda ijtimoiy tarmoqlarda behuda vaqt o'tkazmay, kuchli bo'lib yashab qolishga majbursiz.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

#Qabul2025

— Bakalavriat ta’lim yo‘nalishlariga qabul (5-iyundan 25-iyunga qadar)
👉 my.uzbmb.uz

— Magistratura mutaxassisliklariga qabul (1-yuldan 30-iyulga qadar)
👉 magistr.edu.uz

— Ikkinchi mutaxassislikka qabul (10-iyuldan 10-avgustga qadar)
👉 my.edu.uz

— O‘qishni ko‘chirish (15-iyuldan 5-avgustga qadar)
👉 transfer.edu.uz — davlat OTMning biridan boshqasiga;
👉 my.uzbmb.uz — xorijiy mamlakatlarda yoki respublikada faoliyat yuritayotgan xorijiy va nodavlat OTMdan davlat OTMlariga.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

Endi orzular xorijda emas, o‘z yurtimizda ushaladi!

Bu yil nodavlat oliy ta’lim muassasalari hayotida tarixiy bosqich kuzatilmoqda — abituriyentlar va talabalar uchun keng ko‘lamli grant dasturlari estafetasi boshlab yuborildi.

Mazkur tashabbus, avvalo, sog‘lom raqobat muhitini shakllantirib, nodavlat oliygohlarda ta’lim sifati va samaradorligini oshirishga xizmat qilmoqda. Eng quvonarlisi — bu grant loyihalari yoshlarning xorijga chiqmasdan, aynan o‘z yurtida zamonaviy va sifatli ta’lim olish imkoniyatini kengaytirmoqda.

Nodavlat oliygohlar bugun bemalol davlat oliy ta’lim muassasalari bilan sog‘lom va shaffof raqobatlashmoqda. Hatto ayrim yo‘nalishlarda ta’lim samaradorligi bo‘yicha ustunlikni ko‘rsatmoqda.

Jumladan, so‘nggi yillarda Prezidentimizning tashabbuslari bilan yoshlarning ta’limga qamrovi kengayib, tadbirkorlik va xizmat ko‘rsatish sohalarida keng imkoniyatlar yaratildi.

O‘zbekiston yoshlari umumjahon assotsiatsiyasining Qirg‘izistondagi vakili Boburmirzo Abdusamadov

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️15-maydan boshlab "Work and travel" dasturida qatnashish uchun ssuda (qarz) ajratiladi

Bu bo‘yicha Vazirlar Mahkamasining qarori qabul qilindi.

❓Ssuda kimlarga beriladi?

➖ 16 yoshga to‘lgan va 30 yoshdan oshmagan;
➖ O‘zbekistondagi oliy ta’lim tashkilotining kunduzgi, kechki (smenali) yoki sirtqi (maxsus sirtqi) ta’lim shakli bo‘yicha tahsil olayotgan (bitiruvchi kurs talabalari bundan mustasno) O‘zbekiston fuqarolari;
➖ O‘zbekistonda doimiy yashovchi fuqaroligi bo‘lmagan jismoniy shaxslar.

❓Necha kishiga va qancha miqdorda ssuda ajratiladi?

Har yili 2 ming nafargacha talaba yoshlarga bazaviy hisoblash miqdorining 40 baravari (15 mln so‘m) miqdorida ssuda ajratiladi.

Mablag‘lar talabalar tomonidan dasturda ishtirok etish uchun borish va kelish aviachiptasi sotib olishga ishlatiladi.

❓Ssuda olish uchun ariza qanday yuboriladi?

Ssuda ajratish haqidagi arizalar Davlat xizmatlari markazi yoki Yagona interaktiv davlat xizmatlari portali (my.gov.uz) orqali qabul qilinadi.

❓Ssuda qancha muddatda qaytariladi?

Talaba yoshlar ajratilgan ssudani ishlash va sayohat qilish huquqini tasdiqlovchi vizada qayd etilgan xorijiy davlatda bo‘lishning so‘nggi sanasidan boshlab 1 oy muddatda Yoshlar ishlari agentligiga to‘liq qaytarish majburiyatini oladi.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Sirtqi ta’limga qabul butunlay yopildi. Hamma yo’nalishda. Joriy o’quv yilidan. Hozirgi sirtqi talabalar o’qishini davom ettiraveradi

• Prezident farmoniga ko’ra, 2025/2026-o’quv yilidan boshlab ta’limning sirtqi shakliga qabul tugatildi. Ya’ni joriy yilda sirtqiga hech kim olinmaydi. Boshqacha aytganda, 1 yarim oydan keyin boshlanadigan qabul jarayonlarida sirtqiga kvota berilmaydi;

• mazkur talab davlat oliygohlari uchun ham, nodavlat (xususiy) oliygohlar uchun ham birdek amal qiladi;

• bunda sirtqi ta’limga qabul barcha yo’nalishlarda tugatiladi. Ya’ni falon yo’nalishda sirtqi bor, piston yo’nalishda sirtqi yopildi, degan gap yo’q. Endi hech qaysi yo’nalishga sirtqi uchun talaba qabul qilib bo’lmaydi;

• hozir o’qiyotgan yuqori bosqich talabalari o’qishini sirtqida davom ettiraveradi. Ya’ni sirtqi uchun qabul to’xtatildi, sirtqiga boshqa yangi talaba olinmaydi, ammo sirtqilarning o’zi yopilgani yo’q;

• sirtqining o’rniga kunduzgi ta’limdan boshqa muqobil ta’lim shakllari bo’yicha qabul kvotalari bosqichma-bosqich oshirib boriladi. Bu ko’proq masofaviy ta’lim shakli bo’lishi mumkin. Shuningdek, maqbullashtirilgan kunduzgi ta’lim shakli (part-time education) bo’yicha o’qitishga ruxsat beriladi;

• oliygohlarda muqobil ta’lim shakllari bo’yicha umumiy qabul kvotasini kunduzgi ta’lim shakli qabul natijasining 50 foizidan oshirishga yo’l qo’yilmaydi. Ya’ni kunduzgiga 100 kishi qabul qilsa, unda muqobil ta’lim shakliga 50 kishidan ko’p qabul qila olmaydi. Bu avvalgidek, faqat kvota e’lon qilish bilan o’lchanmaydi, balki avval kunduzgining qabulini tugatib, olgan talabalari sonidan kelib chiqib, keyin 50% muqobilga olishi mumkin bo’ladi;

• magistratura bosqichida muqobil ta’lim shaklida o’qitishga ruxsat beriladi. Bungacha faqat kunduzgiga ruxsat edi. Endilikda, masalan, magistraturada masofaviy ham o’qitsa bo’ladi. — Xushnudbek

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Rasman: Sirtqi ta’lim shakliga qabul tugatildi

Prezident farmoniga ko’ra, 2025/2026-o’quv yilidan boshlab ta’limning sirtqi shakliga qabul amalga oshirilmaydi.

Mazkur talab davlat oliygohlari uchun ham, nodavlat (xususiy) oliygohlar uchun ham birdek amal qiladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Nodavlat ta'lim tashkilotlarida ta'lim sifatini nazorat qilish vakolati yangi agentlikka o‘tdi

Prezidentining Farmoniga ko'ra, Prezidenti Administratsiyasi huzurida Taʼlim sifatini taʼminlash milliy agentligi tashkil etildi

Tashkilotning asosiy vakolatlardan biri— davlat akkreditatsiyasidan o'tkazish.

P/S. Xususiy oliygohlar faoliyatiga ta'siri ulkan qarorlar qabul qilindi

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Qabul me’yorlarini buzgan nodavlat oliygohlar litsenziyasi bekor qilinadi

👉 2025/2026-o‘quv yilidan boshlab oliy ta’lim tashkilotlarining muqobil ta’lim shakllari bo‘yicha umumiy qabul kvotasini kunduzgi ta’lim shakli qabul natijasining 50 foizidan oshirishga yo‘l qo‘yilmaydi;

👉 oliy ta’lim tashkilotlarida muqobil ta’limning kredit- modul tizimiga asoslangan maqbullashtirilgan kunduzgi ta’lim shakli (part-time education) bo‘yicha o‘qitishni yo‘lga qo‘yishga ruxsat beriladi;

👉 muqobil ta’lim shakllariga talabalarni belgilangan me’yordan ortiqcha qabul qilish litsenziya talab va shartlarini qo‘pol ravishda buzish deb baholanadi hamda litsenziyani bekor qilish uchun asos hisoblanadi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Oʻzbekistonda bir vaqtning oʻzida ikkita OTMda oʻqishga ruxsat berilishi mumkin.

Senator Oliy taʼlim vaziriga bir vaqtning oʻzida ham davlat, ham xususiy OTMlarda turli shakllarda oʻqishga ruxsat berish masalasi boʻyicha soʻrov yubordi.

Taʼkidlanishicha, ayni paytda bunday imkoniyat yoʻq: abituriyent faqat bir OTMga asl hujjatini topshirishi mumkin, HEMIS tizimi esa boshqa OTMda qayta roʻyxatdan oʻtishga yoʻl qoʻymaydi.

Senator Bahrom Abdullayev bu cheklovlar AQSh, Yevropa, Rossiya va Qozogʻistonda yoʻqligini taʼkidlab, Oʻzbekistonda ham talabalarga bir vaqtning oʻzida ikki oliygohda oʻqish huquqini berishni soʻradi.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Poliklinikalar oilaviy shifokorining bazaviy oyligi 500 dollar, hamshiraniki 300 dollar boʻladi — Prezident

Bu poliklinikalarda oilaviy shifokorning bazaviy oyligi 500 dollar, hamshiraniki 300 dollar boʻladi. Oilaviy shifokor va hamshira malaka sertifikati olsa, yana shuncha ustama toʻlanadi.

Agar ular mahallada yurib, surunkali kasali borlarga vaqt ajratsa, ularni kasallik bilan yashash va uni boshqarishga oʻrgatsa, onkologik, diabet, insult, infarkt kabi kasalliklarni erta aniqlab, ogʻir asoratlarning oldini olsa, bularning hisobiga tez yordam va statsionarga murojaatni qisqartirsa, shifokorga yana 500 dollar, hamshiraga esa qoʻshimcha 300 dollar beriladi.

“Bir soʻz bilan aytganda, oilaviy shifokorlar 1,5 ming dollar, hamshiralar esa 600-800 dollar oylik oladigan tizim qilamiz. Bu orqali biz shunchaki oylikni emas – inson qadrini oshirgan boʻlamiz. Lekin, natija ham shunga yarasha boʻlishi kerak”,
- dedi prezident.

Endi mahallada bitta boʻlsa ham infarkt, insult, onalar va bolalar erta oʻlimi, surunkali kasallik tufayli orttirilgan nogironlik favqulodda holat deb qabul qilinishi lozimligi qayd etildi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Tibbiyot yo‘nalishidagi OTMlar bitiruvchilaridan imtihon olish tizimi o‘zgaradi

Prezident yig‘ilishida ma’lum qilinishicha, so‘nggi yetti yilda tibbiyot oliygohlariga qabul 4,5 barobar ko‘payib, yiliga 25 ming nafar yoshlar o‘qishga kirmoqda. Ularning 40 foizi xususiy oliygohlarda o‘qimoqda.

Bitiruv imtihonini oliygohning o‘zi olishi, bilim va ko‘nikmalarni baholovchi shaffof tizim yo‘qligi oqibatida mutaxassislar yetarli bilim va amaliy ko‘nikmasiz mehnat bozoriga kirib kelayotgani qayd etildi.

Endilikda tibbiyot oliygohlari va texnikum bitiruvchilarining zamonaviy diagnostika va davolash usullarini o‘zlashtirishi shaffof tizim asosida alohida baholanadi. Bu tizim ishlayotgan vrach va hamshiralarga ham tatbiq etiladi.

Shu maqsadda Tibbiyot sohasini baholash milliy markazi tashkil qilinadi. Ushbu markazga xalqaro tan olingan xorijiy tashkilot jalb qilinadi. Davlat va xususiy klinikalar esa akkreditatsiyadan o‘tadi.

Tibbiyot xodimlari malakasini oshirish vazifasi davlat va xususiy tibbiyot oliygohlari, ixtisoslashgan markazlar va viloyat muassasalariga beriladi.

Mutasaddilarga shifokor va hamshiralarni tayyorlash bo‘yicha yagona malaka talablarini ishlab chiqish topshirildi.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

#Tayinlov

O‘zbekiston Respublikasi Prezidentining farmoni bilan Adham Yusupovich Xudoyqulov O‘zbekiston Respublikasi Prezidenti Administratsiyasi huzuridagi Ta’lim sifatini ta’minlash milliy agentligi direktori lavozimiga tayinlandi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

#Tayinlov

Nizomiy nomidagi Toshkent davlat pedagogika universiteti rektori lavozimida ishlab kelgan Kirgʻizbayev Abdugʻaffor Karimjonovich Namangan davlat universiteti rektori lavozimiga tayinlandi.

Karimova Eʻzoza Gapirjanovna Maktabgacha va maktab taʻlimi vaziri oʻrinbosari — Nizomiy nomidagi Oʻzbekiston milliy pedagogika universiteti rektori lavozimiga tayinlandi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️O‘zbekistonda yangi texnika universiteti tashkil etiladi

Bu haqda prezident yordamchisi Saida Mirziyoyeva o‘zining Telegram-kanali orqali ma’lum qildi.

Unga ko‘ra, yangi TASHKENT TECH nomli universitet bosqichma-bosqich Toshkent davlat texnika universiteti negizida, Boston Consulting Group ko‘magida tashkil etiladi.

"Ushbu keng ko‘lamli loyiha O‘zbekiston Respublikasi prezidenti topshirig‘iga muvofiq amalga oshirilmoqda va yoshlar o‘rtasida texnik ta’lim nufuzini oshirishga qaratilgan" — dedi prezident yordamchisi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!