شنسئ مِنك وانتَ نسيَانك صَعب

وارد اصيحن تايب امن الشوگ ما ظل عمر يسـوه

أباوعلك غفل
واندار من تندار خاطر
ماتكول بدوني مايگدر

عودتني انتظر وارسم على ايام موعد

جنت أحتار شلبس من الأكيك
هسة صرت البسك من أشوفك .

صَح كُلشي إنتَهى،
و ما يَرجع الـراح !
و يمكن هالفراگ يجيب أجَلنا
و يمكن فَترة شوگ ونرجع أحباب
كُلشي يصير لا نَگطع أملنا ...

مو طَبعك تَره
مخربينك هواي
چنت ماترضه اروحن
واني زَعلان
لا راضيتني ولابيه اراضيك
وبقينة افلان رايد
شوفة افلان .

كل هذا السهر
والنوح والغربهَ
وتگلي يجوز نتوالم
چَا وين المجازه
بهاي يـَبنادم .

اني البالغت وانطيتك هُواي
اني انطيت كُلشي بغير حسبَان
چنت تريد گطره اشلعلك البير
ومِن تريد ورده انطيك بُستان
ومِن تطيح دمعه بخَدك بيوم
اني اول بشَر يفزعلك ردان
هذن هِنه السَبب بس مادرت بال
شمدريني اليحب من گلبه ينهان .

وآنتهيـَنا ..
وأنتهى المَا ينتهي ..

يجي اليل وخساره تجر خساره
انام وبيدي مشتعله الجكاره .