📁 Ilmiy monitoring ishlari amalga oshirildi

Xalqaro Nordik universitetida maxsus komissiya tomonidan 2025-yilning III choragi uchun ilmiy monitoring ishlari o‘tkazildi.

Nazorat jarayonida doktorant va mustaqil izlanuvchilarning shaxsiy ish rejalari, dissertatsiya ishlari hamda ilmiy-tadqiqot faoliyati tahlil qilindi.

Sanoat iqtisodiyoti, Menejment, Moliya, pul muomalasi va kredit, Ta’lim va tarbiya nazariyasi va metodikasi (sohalar bo‘yicha), Pedagogika nazariyasi va pedagogik ta’limotlar tarixi ixtisosliklari kesimida o‘tkazilgan monitoring natijalari bo‘yicha tayyorlangan tahliliy hisobot Universitet Kengashi muhokamasiga taqdim etiladi.

Mazkur jarayon doktorantura tizimida ilmiy izlanishlar sifatini oshirish, ilmiy rahbarlik faoliyatini takomillashtirish va tadqiqotlarning amaliy ahamiyatini kuchaytirishga xizmat qiladi.

⏺ Nordik rasmiy kanali

🌸 Xon atlas — milliylik va go‘zallik bayrami!

💃 Xalqaro Nordik universitetida talaba-qizlar o‘rtasida “Xon atlas festivali” bo‘lib o‘tdi.

Latofatli qizlarimiz Nordik podiumida milliy atlas liboslarini zamonaviy talqinlarda namoyish etib, o‘z uslublari bilan barchani rom etdilar.

Har bir ishtirokchi milliy liboslarini ijodiy ta’riflab, moda va madaniyat elchisi sifatida yurtimiz qadriyatlarini targ‘ib etdilar. Eng yorqin, betakror obraz egalari esa "Sahnadagi eng jozibali chiqish", "Eng nafis atlas libos", "Eng ijodkor dizayner" hamda "Milliy ruh va zamonaviy uslub" nominatsiyalari bo‘yicha munosib taqdirlandilar.

👑 Atlas liboslar, go‘zallik, ishonch va kreativlik uyg‘unligida kechgan bu festival unutilmas lahzalarni taqdim etdi.

⏺ Nordik rasmiy kanali