Эсингизда бўлса наркотик модда таъсирида ЙПХ ходимидан қочиб, кўплаб машиналарни уриб кетган йигит ва қизни видеоси чиққанди. Шуларга ҳукм ўқилибди

Йигит 5 йил 6 ой қамағда. Қиз эса 4 йил кечпайт уйида ухлайди.

Мени дойим ҳайрон қолдирадиган нарсалардан бири шунақа кўплаб ходисаларни иштирокчиси асосан қора Жентрада бўлади. Водийдан Тошкентга келишдаги постда ҳам дойим ГАИ акалар асосан қора Жентраларни тўсиб, машинасини тафтиш қилишади. Бирар марта ўша ерда оддий оқ машинани тўхтаб турганини шахсан мен кўрмаганман. Машина ранги одамни ичига урвормаса керак жа... Балки ичи машинага урворар.

Хуллас қизлар леопард принтли кийим кийманглар, йигитлар қора Жентра минманглар.

🌟@nurbekalimov

“Ўзбекистон почтаси”га 26 млрд сўм қўшимча солиқ белгиланибди. Ташкилот буни “ноқонуний” деб атаган

Менга шахсан машнақа давлатни ўзини ташкилотлари ичидаги судлашувлар ёқади. Чўнтагимиз, томиримиз биру деб юрормасдан ўз манфаатлари учун судлашиш керак тинмей😁

Мақолада айтилишича, “Ўзбекистон почтаси” АЖ унга Йирик солиқ тўловчилар бўйича ҳудудлараро солиқ инспекцияси томонидан қўйилаётган 26 миллиард сўмлик қўшимча қиймат солиғи сабаб катта йўқотишга учраши мумкин. Ташкилот бош ҳисобчисининг тахминига кўра, бу маблағ ҚҚС сифатида тўланса ташкилот ишчилари камида уч ой маошсиз қолади, ташкилот техникалари эса ёнилғисиз қолиб, иш тўхтайди. (Ўзимдан: Почтадаги опалар янада қўполроқ муносабатда бўла бошлайди мижозларга, хозиргидан ортиғини тасаввур қилишам қийин ўзи)

Мен ўйлайманки, бу яна ўша гапга, яъни почтани кимгадир сотворишга қаратилган шахмат партиясидаги навбатдаги юрувлардан бири бўлса керак. Яна билмадим, кузатаверайликчи.

🌟@nurbekalimov

Ўзбекистонлик ҳайдовчилар БААга ишга жўнатилиши мумкин

БААдаги такси корхонаси ўзбекистонлик малакали ҳайдовчиларни БААда қонуний равишда ишга олишни кўриб чиқмоқда экан.

Дастлабки босқичда корхонамизга 200га яқин Ўзбекистон фуқароларини такси ҳайдовчиси сифатида ишга жалб қилиш учун имкониятимиз бор. Агар уларнинг меҳнат самарадорлиги юқори бўлса, яна қўшимча равишда 500 га яқин ўзбекистонлик такси ҳайдовчиларини ишга жалб қилиш мумкин"
– депти "Dubai Taxi Company PJSC" корхонаси раҳбари Сайид Амин Абдулраҳман.

Мен бу хабардан жуда хурсанд бўлдим. Бошида. Кейин ўйланиб қолдим...

🌟@nurbekalimov

Қорақалпоғистонда 75 миллион йиллик динозавр суяклари топилди

Қорақалпоғистонда жуда қизиқ ва илмий жиҳатдан катта аҳамиятга эга топилма — тахминан 75 миллион йил аввал яшаган динозаврнинг тошқотган суяклари топилди. Айтишларича, у Султон Увайс тоғ тизмаларидаги Хўжакўл ҳудудида геологик қидирув ишлари давомида аниқланган. 3 метр чуқурликдаги суяклар бўр даврида яшаган йирик динозаврга тегишли бўлиши мумкин. Топилмалар орасида умуртқа, оёқ ва қовурға суяклари бор.

Бунақа топилмалар Ўзбекистон ва умуман минтақанинг геологик ва палеонтологик тарихи, илмий салоҳиятини оширишда жуда керак.

Биласизми, дунёдаги кўп давлатларда айнан шундай динозавр излари топилганидан кейин палеонтологик туризм шаклланган. Шунингдек, топилмалар асосида маҳаллий музейлар ва экспозициялар яратилиб, ҳар йили минглаб сайёҳлар ташриф буюришади.

Туризм вазирлиги, сизларга текин лайфхак: "Ўзбекистон - динозаврлар юрти" деганга ўхшаш бирнарса пиарлар қилиб босворадиган ери. Демади деманглар.

🌟@nurbekalimov

Самарқандда хотинини тириклайин кўмган шахсга ҳукм ўқилди

Каттақўрғон туманида одамни ақлига сиғмас даражадаги шафқатсиз жиноят содир бўлди. Аввал ҳам уч марта судланган, 1995 йилда туғилган эркак 7 ойлик ҳомиладор хотинини тириклайин чуқурга кўмиб, устини автомобиль билан ёпиб қўйган.

Маълум бўлишича, эр-хотин орасида доимий жанжаллар бўлиб турган. 2021 йилда маст эр аввал хотинини урган, кейин унга белкурак бериб, 2 метрли чуқур қазишга мажбурлаган. Ҳомиладор аёл соатлаб азоб чекиб, чуқур қазиган. Кейин эр уни чуқурга тириклайин кўмиб, устини Жигули машинаси билан ёпган.

Аёл уч кун овқат ва сувсиз қолиб, ҳушини йўқотган. Шундаям тирик қолган аёлни эр яна уриб таҳқирлаган. Кейин ўз итини пичоқлаб, “сениям шундай аҳволга соламан” деб қўрқитган.

Суд уни Жиноят кодексининг 138-моддаси 2-қисми “а, б” бандлари ва 112-моддаси 1-қисми бўйича айбдор деб топиб, 3 йил 3 ой муддатга озодликдан маҳрум қилибди.

Бунақа разил жиноятни қилган кимса учун 3 йил 3 ой? Жуда кўп муддатмасми мабодо?! Бунчалик вахшийлик учун узоқ ва оғир жазо керак. Бу воқеа нафақат биздаги адолат ва қонуннинг номутаносиблиги, балки жамиятнинг зўравонликка тоқатсизлик даражаси ҳақида ҳам ўйлантириб қўйди мени.

🌟@nurbekalimov

Бугун тонги пиёда юрув пайтида бир одам билан паралель келиб қолдим. Истамасамда у телефонда гапираётган гапларини эшитдим.

"Узр досм, тўйга айтолмадим, ўғилчани уйладик. Қонун чиқибди, кўпчиликни айталмадик. Одамлар кўчада қопкетмасин дедик..." Ўтиб кетдим мен. Қулоғим ҳам ўзим билан бирга кетди.

Так вот, аслида маши тўйларни ихчамлаштириш қонуни одамларни ўзигаям жуда керак. Нега мингта одам айтмадинг деса айбни давлатга тўнкаб хижолатчиликдан қутулиш инструменти. Давлатга жинам урмайди. Одамлар эса хижолатчиликдан қутулади. Так вижу.

🌟@nurbekalimov

Телефонга уч килолик ғилоф?

АҚШлик Логан Айви ўзини телефондан “ҳимоя қилишнинг” ўзига хос усулини топибди. У смартфони учун деярли 3 кг оғирликдаги чехол яратди. Унинг айтишича, энди телефонни қўлга олишнинг ўзи машаққат бўлгани учун кун давомида экранга қараш соати икки соатга камайган.

Айви аввалига телефонни гантелга скотч билан ёпиштириб қўйган, кейин эса 3D-принтерда металл пластиналар ва винтлар билан ҳарбий рацияга ўхшайдиган чехол ясаган.

Унинг сўзларига кўра, бунда қулайлик йўқ, лекин натижа бор. Энди телефонни қўлга олишнинг ўзига ҳам эринчоқлик пайдо бўлади. Логан энди бу “прокрастинацияга қарши чехол”ни оммавий ишлаб чиқариш учун Kickstarter’га ариза берибди.

Тўғрисини айтсам, жуда оригинал ва кулгили ғоя. Бир тарафдан, йигитча ўзининг муаммосини шунақа кескин усул билан ҳал қиляпти. Лекин иккинчи тарафдан, бу ҳолат ҳозирги одамларнинг экранга қай даражада боғланиб қолганини ҳам кўрсатади.

Сенга буни фойдаси йўқ. Качоклашиб кетганинг қолади))

🌟@nurbekalimov

Тошкент метросида эркакларга шилқимлик қилган қозоғистонлик блогер қизга маъмурий иш очилибди

Маълумотларга кўра, қиз метрода кетаётган пайтда видеотасвирга олиб, йўловчиларга гўёки “шилқимлик” қилган ва бу ҳолатни ижтимоий тармоқларда эълон қилган.

Аниқланишича, полиция блогерни аввал ҳам шундай ишлари учун профилактик суҳбатдан ўтказган, лекин у хулоса чиқармаган кўринади. Эндиликда унга нисбатан майда безорилик моддаси бўйича маъмурий иш қўзғатилиб, материаллар судга юборилган.

Энг қизиғи у қиз бу ишларини Тошкентда ҳам қилган. Лекин бизда меҳмон деб индашмаган шекилли. Лекин, Олмаота полицияси бундай ҳаракатлар ижтимоий ахлоққа ҳурматсизлик ва хулқ-атвор меъёрларини бузиш деб баҳоланишини таъкидлаб, ҳар қандай ахлоқсиз ёки провокацион хатти-ҳаракатлар қонун олдида жавобгарликка сабаб бўлишини айтди.

Видеоконтент яратиш баҳонаси билан қилинган шилқимлик блогернинг ўзига “лайк” ўрнига ташвиш олиб келди. Ўзи ҳар қандай жамиятда эркинлик масъулият билан чегараланади. Аёл бўладими, эркакми, бошқаларнинг шахсий ҳудудига аралашиш, уларни ноқулай ҳолатга қўйишни шунчаки ҳазил эди, деб хаспўшлаб бўлмайди.

Умуман олганда, харрасмент фақат аёллармас, эркакларга нисбатан ҳам бўлиши мумкин ва қонун олдида жинснинг фарқи йўқ. Қонун ҳаммага баробар. Метродами, кўчадами, контент учунми ё ҳазилми — ҳурматсизликнинг оқибати бир.

🌟@nurbekalimov

“Гул деб ўйлабман” – Ургутда томорқасида 229 туп каннабис етиштирган аёл буни шундай тушунтирибди

43 ёшли аёл гиёҳванд ўсимликни ўз хонадонидаги маккажўхори орасига эккан. У судда ўсимлик уруғини деҳқон бозорида нотаниш аёлдан гул уруғи деб сотиб олганини айтган. “Униб чиққанидан сўнг гулламади, аммо каттароқ бўлгач гуллаши мумкин деб парваришлаб келдим”, деган аёл. Суд уни 3 йил 8 ойга озодликдан маҳрум қилди.

🌟@nurbekalimov

Паркентда 9 ёшли болани машина уриб судраб кетди

Ижтимоий тармоқларда тарқалган видеоларда Cobalt 9 ёшли болани уриб, судраб кетгани акс этган. Маълумотларга кўра, бу 18 октябрь куни соат 11:00 ларда (D-015 Қизилтоғ – Паркент – Янги бозор йўлида) содир бўлган.

1986 йилда туғилган ҳайдовчи бошқарган автомобиль пиёдалар ўтиш жойидан югуриб ўтаётган 2016 йилда туғилган болани уриб юборган. У тан жароҳати олиб, шифохонага ётқизилган ва ҳозир аҳволи барқарорлиги айтиляпти.

Йўлдаги масъулиятсизлик, эътиборсизлик, шошқалоқлик инсон ҳаётига ўта лоқайдлик билан қараш дегани. 9 ёшли бола ҳали ҳаётни энди кўраётган бир гўдак, ота-онасининг юраги, жамиятнинг бир бўлаги. Биргина қаттиқ босилган газ педали кимнингдир орзуларини, оиланинг осойишталигини чилпарчин қилиб юборяпти.

Йўл ўйинчоқмас. Ҳар бир ҳайдовчи рулга ўтирганда, нафақат ўзи, балки бошқаларнинг ҳаёти учунам жавобгар. Боланинг аҳволи яхшилиги бир омадли тасодиф. Лекин бу доим шундай бўлади деганимас.

Болалар, аёллар, кексалар, умуман пиёдаларнинг йўлда қўрқмай, бемалол юриши учун ҳаммамиз жавобгармиз. Ҳар бир ҳайдовчида виждон бўлсин.
Қўлимиздаги рул кимнингдир ҳаётига зарар етказмасин.

Р.С. Видеода кўнгилни хира қилувчи тасвирлар бор.

🌟@nurbekalimov

Sky News қизиқарли суриштирув натижаларини эълон қилди. Унга кўра, Исроил Ғазода ҲАМАСга қарши курашаётган тўртта қуролли гуруҳни қўллаб-қувватламоқда экан.

Бу қадам АҚШ томонидан ишлаб чиқилган, ҲАМАСга алоқадор бўлмаган кучлар бошқарувидаги "Янги Ғазо"ни яратиш режасига мос келади. Материалда Исроил назоратидаги "сариқ чизиқ" яқинидаги секторнинг жанубий қисмида фаолият юритаётган шундай гуруҳлардан бирининг раҳбари Хоссам ал-Асталнинг шахсияти батафсил таҳлил қилинади.

Суҳбатда у ўз жангчилари автомобилларни ЦАХАЛ орқали, ўқ-дориларни эса Керем-Шалом чегара пункти орқали ЦАХАЛ билан келишилган ҳолда олишини тасдиқлади. Уларнинг базаси "сариқ чизиқ" яқинидаги ЦАХАЛ базасидан 700 метр нарида жойлашган.

Қизиқ томони шундаки, улар ўқотар қуролларни собиқ ҲАМАСчилардан "қора бозор"да харид қилишларини айтди. Маълум бўлишича, айрим техникалар БААдан келтирилган.

Ал-Астал ҲАМАС бартараф этилганидан сўнг Ғазонинг янги раҳбариятини шакллантиришга интилаётган ҳамкорлари - Ёсир Абу Шабоб, Рами Халас ва Ашраф ал-Мансийни тилга олди. (расмда тўрталаси)

Унинг таъкидлашича, милиция ва Исроил ўртасида ўзаро ҳужум қилмаслик тўғрисида келишув мавжуд. Бу гуруҳлар худудда инсонпарварлик ёрдам юкларини ҳам тақсимламоқда.

🌟@nurbekalimov