👉አልናፈቃችሁም በአሏህ⁉️

.....እስኪ አትነካኩኝ.....⁉️

👉#እሸት__።
--------------------------
ማኛና ሰርገኛ ነጭ ጤፍ ምስሩ፡
ሽንብራና ጓያ ባቄላና አተሩ፡
አረንጓደ ለብሶ ሲታዩት ማማሩ፡
ገጠር ሁሉም አለ ቀፎ ሞልቷል ማሩ፡
----------------------------------
ከዘንጋዳው መሀል ይመረጣል ጥንቅሽ፡
የትውልድ መንደሬ እስኪ ላስተዋውቅሽ፡
ገጠር ነሽ እያለ ማንም እንዳይንቅሽ፡
አዝመራሽን አይቶ ማንም እንዳልቅሽ፡
ሁሌ እሸት እንደሆንሽ ፈጣሪ ያዝልቅሽ፡
ከደግነትሽ ጋር ሰላም ላይ ያፅድቅሽ፡
------------------------------------
ከማሽሎች መሀል ጥንቅሽ ይመረጣል፡
ልጦ ለማላመጥ ሁሉም ይቋምጣል፡
ከገጠሩ ህዝቤ እሸት መች ይታጣል ፡
ባህሉ ነውና ሳትጠይቅ ይሰጣል፡

.....ገጠሬ ነኝ እሽ...

እናቴ ''ባለ አገር'' አባቴ ገበሬ፡
አንሸምትም እኛ ሽሮና በርበሬ፡
ሁሉም ከጓሮው ነው ፀጋ አለው ገጠሬ፡
እኔም ደስ ይለኛል እዚያ መፈጠሬ፡
---------------------------------

ተራራና ሜዳው አልባብ አልባብ ሲሸት፡
ገጠር ደስ ይለኛል ያለ ምንም ውሸት፡
መስከረም ጥቅምትን ይቀጠፋል እሸት፡
▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴
#በኑረዲን_አል_አረብ
▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴▴
http://www.tg-me.com/nuredinal_arebi
http://www.tg-me.com/nuredinal_arebi