⚖️👨‍💻👩‍💻💬

Tarix fakultetining 90 yilligiga bag‘ishlangan xalqaro ilmiy-amaliy anjuman o‘tkazildi

⏺17-oktyabr kuni O‘zbekiston Milliy universitetida Tarix fakultet yubileyi munosabati bilan “O‘zbekiston Milliy universiteti tarix fakultetiga 90 yil: ta’lim va fan markazi” mavzusidagi xalqaro ilmiy-amaliy anjuman tashkil etildi.

⏺Nufuzli konferensiyada O'zbekiston Milliy universiteti rektori, professor Inom MADJIDOV, O‘zbekiston Respublikasi Oliy Majlisi Senatining Fan, taʼlim va sog‘liqni saqlash masalalari qo‘mitasi raisi Bahrom ABDULLAYEV qatnashib, yig‘ilganlarni sana munosabati bilan tabriklashdi. Shuningdek, fakultetning ilmiy salohiyati, shu kunga qadar erishilgan yutuqlari e’tirof etildi.

⏺Anjumanda 10 dan ortiq mamlakatdan taniqli tarixchilar, olimlar, tadqiqotchilar, sohaviy ilmiy tadqiqot muassasalari va oliy ta’lim muassasalari rahbarlari ishtirok etdi. Ular tomonidan turli mavzularda qiziqarli ma’ruzalar taqdimot qilindi.

⏺Anjuman oldidan fakultet shonli tarixini yoritishga bag‘ishlangan kino-foto-fono hujjatlar ko‘rgazmasi tashkil etildi. Yubiley doirasida Tarix fakultetida Arxeologiya kafedrasida zamonaviy o‘quv xonasining ham tantanali ochilish marosimi bo‘lib o‘tdi.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

“Xalqaro oq xassa kuni” munosabati bilan ijtimoiy-ma’rifiy tadbir tashkil etildi

⏺Ijtimoiy fanlar fakulteti Ijtimoiy ish kafedrasi tomonidan “Xalqaro oq xassa kuni” munosabati bilan tadbir tashkil etildi. Unda kafedra professor-o‘qituvchilari hamda "Ijtimoiy ish" yo‘nalishi talabalari ishtirok etdi.

⏺Tadbirni kafedra mudiri, professor N.Latipova ochib berar ekan, “Xalqaro oq xassa kuni”ning mazmun-mohiyati, ko‘zi ojiz insonlar hayotidagi o‘rni va jamiyatda ularga nisbatan hurmat-e’tiborni kuchaytirish zarurligi haqida so‘z yuritdi. Shuningdek, kafedra dotsenti A.Abduxalilov oq xassa timsolining tarixiy va ramziy ma’nolari xususida batafsil ma’lumot berdi.

Tadbir davomida talabalarning ko‘zlari bog‘langan holda turli interaktiv mashg‘ulotlar o‘tkazildi. Ularga kundalik hayotda ko‘zi ojiz insonlar duch keladigan vaziyatlarni his qilish imkonini beruvchi topshiriqlar taklif etildi.

⏺Talabalar orasida insoniylik, empatiya va inklyuzivlik tamoyillariga asoslangan sog‘lom ijtimoiy qarashlar shakllanishiga xizmat qiluvchi muhim xulosalar qilindi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

#Tarix_90 #Yubiley

Tarix fakulteti faoliyatiga bag‘ishlangan ko‘rgazma tashkil etildi

⏺Anjuman boshlanishidan avval Tarix fakultetining shonli tarixini yoritishga bag‘ishlangan arxiv hujjatlari ko‘rgazmasi tashkil etildi. Mazkur ko‘rgazma Arxivshunoslik va manbashunoslik kafedrasining yosh o‘qituvchilari hamda iqtidorli talabalari tashabbusi bilan tayyorlandi.

⏺Ko‘rgazmada mamlakatning yetakchi arxivlaridan aniqlangan noyob materiallar asosida fakultetning tashkil topishi, shakllanishi va rivojlanish bosqichlari keng yoritilgan.

⏺Taqdim etilgan manbalar fakultetning murakkab, biroq sharafli va natijador yo‘lini ko‘rsatibgina qolmay, yosh avlod qalbida tarixiy xotira va faxr tuyg‘usini mustahkamlashga xizmat qildi. Ko‘rgazma mehmonlarda katta qiziqish uyg‘otdi hamda fakultetning boy ilmiy-ma’naviy merosini chuqur anglashga zamin yaratdi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin