#AkademikAloqalar #IlmChegarasiz

Qozog‘istonlik olimalar universitet magistrantlariga ma’ruza o‘qimoqda

🇺🇿🇰🇿 Ayni kunlarda Qozog‘istonning Turon universiteti (Almati) professor-o‘qituvchilari Laura Baytenova va Saule Tusupovalar O‘zbekiston Milliy universitetida bo‘lib turibdi. Mehmonlar Jurnalistika va o‘zbek filologiyasi fakultetida Kompyuter lingvistikasi va amaliy tilshunoslik kafedrasining magistratura bosqichi talabalari uchun ma’ruzalar o‘qimoqda.

🗣“Mashinali tarjima texnologiyalari” hamda “Tabiiy tilni qayta ishlash (NLP)” fanlaridan tashkil etilayotgan darslar joriy yilning 23-oktyabr sanasidan 23-dekabr kuniga qadar davom etadi. Bugun olimalarning dastlabki ma’ruzalari bo‘lib o‘tdi.

🗣Shuningdek, fakultet bilan hamkorlikda ilmiy, o‘quv va xalqaro hamkorlikni rivojlantirish yuzasidan o‘zaro anglashuv memorandumini imzolash va kelgusidagi qo‘shma loyihalarni amalga oshirish bo‘yicha kelishuvga erishildi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

“Islohotlar bilimdoni” tanlovining universitet bosqichi g‘oliblari aniqlandi

🇺🇿 O‘zbekiston Milliy universitetida professor-o‘qituvchilar, pedagog xodimlar va talabalar ishtirokida “Islohotlar bilimdoni” Respublika ko‘rik-tanlovining universitet bosqichi bo‘lib o‘tdi.

🗣 Tanlov ishtirokchilari mamlakatda amalga oshirilayotgan islohotlarni chuqur anglash, ularning mazmun-mohiyatini targ‘ib etish hamda ma’naviy-ma’rifiy faoliyatda faollik ko‘rsatish bo‘yicha bilim va tajribalarini namoyish etdilar.

Tanlov quyidagi nominatsiyalar bo‘yicha tashkil etildi:

⏺“Eng faol milliy g‘oya va ma’naviyat targ‘ibotchisi”;
⏺ “Ma’naviy-ma’rifiy ishlar bo‘yicha eng yaxshi kafedra”;
⏺ “Eng yaxshi tyutor”;
⏺ “Eng faol xotin-qizlar maslahat kengashi raisi”;
⏺ “Eng faol islohotlar targ‘ibotchisi”.

Birinchi prorektor rahbarligidagi hay’at a’zolari ishtirokchilarning chiqishlarini baholab, g‘oliblarni aniqladilar. Tanlov natijalariga ko‘ra, o‘z fidoiyligi, tashabbuskorligi va islohotlarga daxldor faoliyati bilan ajralib turgan universitet jamoasi vakillari g‘olib deb topildi.

👉 Tanlov natijalari

Birinchi o'rinni qo'lga kiritgan ishtirokchilar Respublika bosqichida universitet sha’nini himoya qilishadi. Ularga keyingi bosqichda omad tilaymiz.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

#Kiberxavfsizlik #YoshlarOgohlik

Talabalar orasida diniy oqimlarga qarshi mafkuraviy immunitetni kuchaytirish masalalari muhokama qilindi

⏺O‘zbekiston Milliy universitetida ijtimoiy tarmoqlarda turli diniy oqimlar ta’siriga tushib qolmaslik, kiberxavfsizlik, kiberhujumlar va ularga qarshi ko‘rilayotgan choralar yuzasidan davra suhbati bo‘lib o‘tdi.

⏺Tadbirda Yoshlar masalalari va ma’naviy-ma’rifiy ishlar bo‘yicha birinchi prorektor Jabbor Muhammadiyev, Ijtimoiy va ma’naviy muhitni barqarorlashtirish bo‘yicha rektor maslahatchisi Jahongir Jabborov, Din ishlari bo‘yicha qo‘mita vakillari, shuningdek, tegishli bo‘lim boshliqlari, fakultetlarning yoshlar bilan ishlash bo‘yicha dekan o‘rinbosarlari hamda tyutorlar ishtirok etdilar.

⏺Suhbat davomida yoshlar ongiga zararli g‘oyalar singdirilishining oldini olish, diniy ekstremizm va radikalizmning internet orqali tarqalishiga qarshi immunitetni kuchaytirish hamda axborot makonida xavfsizlik madaniyatini oshirish masalalari atroflicha muhokama qilindi.

⏺Tadbir yakunida mutaxassislar tomonidan talabalar uchun foydali tavsiyalar berilib, mazkur yo‘nalishda profilaktik ishlarni kuchaytirish zarurligi ta’kidlandi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin