#Kiberxavfsizlik #YoshlarOgohlik

Talabalar orasida diniy oqimlarga qarshi mafkuraviy immunitetni kuchaytirish masalalari muhokama qilindi

⏺O‘zbekiston Milliy universitetida ijtimoiy tarmoqlarda turli diniy oqimlar ta’siriga tushib qolmaslik, kiberxavfsizlik, kiberhujumlar va ularga qarshi ko‘rilayotgan choralar yuzasidan davra suhbati bo‘lib o‘tdi.

⏺Tadbirda Yoshlar masalalari va ma’naviy-ma’rifiy ishlar bo‘yicha birinchi prorektor Jabbor Muhammadiyev, Ijtimoiy va ma’naviy muhitni barqarorlashtirish bo‘yicha rektor maslahatchisi Jahongir Jabborov, Din ishlari bo‘yicha qo‘mita vakillari, shuningdek, tegishli bo‘lim boshliqlari, fakultetlarning yoshlar bilan ishlash bo‘yicha dekan o‘rinbosarlari hamda tyutorlar ishtirok etdilar.

⏺Suhbat davomida yoshlar ongiga zararli g‘oyalar singdirilishining oldini olish, diniy ekstremizm va radikalizmning internet orqali tarqalishiga qarshi immunitetni kuchaytirish hamda axborot makonida xavfsizlik madaniyatini oshirish masalalari atroflicha muhokama qilindi.

⏺Tadbir yakunida mutaxassislar tomonidan talabalar uchun foydali tavsiyalar berilib, mazkur yo‘nalishda profilaktik ishlarni kuchaytirish zarurligi ta’kidlandi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

#XalqaroMaʼruza #IlmiyHamkorlik

Xorijiy professor raqamli iqtisodiyot bo‘yicha ma’ruza o‘qidi

⏺O‘zbekiston Milliy universitetining Iqtisodiyot fakultetida xalqaro ilmiy hamkorlik doirasida navbatdagi muhim uchrashuv tashkil etildi. Unda iqtisodiyot sohasining dolzarb masalalariga bag‘ishlangan ma’ruza tinglandi.

⏺Buyuk Petr nomidagi Sankt-Peterburg politexnika universiteti huzuridagi Muhandis-iqtisodiyot oliy maktabining Sanoat menejmenti, iqtisodiyoti va savdo instituti professori, doktor Aleksandr Babkin “Zamonaviy sharoitda raqamli iqtisodiyotning holati, bosqichlari va rivojlanish tendensiyalari” mavzusida ma’ruza o‘qidi.

⏺Ma’ruza davomida professor Babkin raqamli iqtisodiyotning jahon miqyosidagi rivojlanish bosqichlari, uning iqtisodiy tizimlarga ta’siri hamda turli mamlakatlar tajribasi haqida batafsil so‘z yuritdi. U, shuningdek, raqamli texnologiyalar orqali ishlab chiqarish samaradorligini oshirish, innovatsion boshqaruv yondashuvlarini qo‘llash va iqtisodiy barqarorlikni ta’minlash yo‘llarini tahlil qildi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

#RaxmatulinO‘qishlari #XalqaroSimpozium

O‘zMUda “Raxmatulin o‘qishlari” xalqaro simpoziumi bo‘lib o‘tmoqda

⏺O‘zbekiston Milliy universitetida joriy yilning 23–25-oktabr kunlari elastik-plastik deformatsiya nazariyasi, ko‘p fazali suyuqliklar mexanikasi va eksperimental aerodinamika yo‘nalishlariga bag‘ishlangan “Raxmatulin o‘qishlari” xalqaro simpoziumi bo‘lib o‘tmoqda.

⏺Mazkur ilmiy anjuman O‘zbekistonda ilm-fanni rivojlantirish, mexanika sohasidagi tadqiqotlarni yangi bosqichga ko‘tarish, xalqaro miqyosdagi innovatsion yutuqlardan samarali foydalanish hamda sohaga oid hamkorlik aloqalarini yanada mustahkamlashga xizmat qilmoqda.

⏺Simpoziumda Rossiya, Hindiston, Qozog‘iston, Tojikiston va Qirg‘iziston kabi davlatlardan 40 dan ortiq yetakchi olimlar ishtirok etmoqda.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin