O‘zMU delegatsiyasi Qirg‘iz Milliy universitetining 100 yillik yubiley tadbirlarida ishtirok etdi

2025-yilning 24–25-oktyabr kunlari Mirzo Ulug‘bek nomidagi O‘zbekiston Milliy universiteti rektori Inom Madjidov boshchiligidagi delegatsiya Bishkek shahrida bo‘lib o‘tgan Jusup Balasagin nomidagi Qirg‘iz Milliy universitetining 100 yillik yubileyiga bag‘ishlangan xalqaro forum va tantanali tadbirlarda ishtirok etdi.

Rektor I. Madjidov so‘zga chiqib, Qirg‘iz Milliy universiteti rahbariyati va jamoasini ushbu qutlug‘ sana bilan samimiy tabrikladi hamda ularning ilmiy-pedagogik faoliyatida, shuningdek, ikki oliy ta’lim muassasasi o‘rtasidagi hamkorlikni rivojlantirish yo‘lida muvaffaqiyatlar tiladi.

Forumda Qirg‘iziston Respublikasi Vazirlar Kabineti raisi Adilbek Kasimaliyev, Qirg‘iziston Respublikasi Ilm, oliy ta’lim va innovatsiyalar vaziri Baktiyar Orozov, Maorif vaziri Dogdorgul Kendirbayeva ham tabrik so‘zlari bilan ishtirok etdilar.

Eslatib o‘tamiz, joriy yilning 27-fevral kuni Qirg‘iz Milliy universiteti rektori Dogdurbek Chontoyev O‘zMUga tashrif buyurgan edi. Tashrif doirasida ikki universitet o‘rtasida o‘zaro hamkorlik memorandumi imzolandi. Shuningdek, D. Chontoyev O‘zMU rektorini o’z universitetining 100 yillik yubiley tantanalarida ishtirok etishga taklif etgan edi.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin