#Ma'rifat_darsi

Yoshlar va islohotlar: O‘zbekiston Milliy universitetida “Ma’rifat darslari” o'tkazilmoqda

⏺Bugun, 15-oktyabr kuni O‘zbekiston Milliy universitetining barcha fakultetlarida talabalar uchun “Ma’rifat darslari” tashkil etildi. Unda tajribali professor-o'qituvchilar, atoqli olimlar jalb qilindi.

⏺Talabalar e’tiboriga mamlakatimizda amalga oshirilayotgan ijtimoiy-siyosiy, iqtisodiy hamda ma’naviy-ma’rifiy islohotlar haqida batafsil ma’lumotlar yetkazildi.

Jumladan, keng ko‘lamli islohotlarning mazmun-mohiyati, ularning xalq farovonligini ta’minlashdagi o‘rni va ahamiyati atroflicha tushuntirildi.

⏺Shuningdek, talabalarning bugungi murakkab global muhitda chuqur bilimga ega bo‘lishi, kasbiy mahoratini doimiy ravishda rivojlantirib borishi alohida ta’kidlandi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

O‘zbekiston Milliy universitetida “Premier Languages” tillar markazi tashkil etildi

⏺Bugun, 15-oktyabr kuni xorijiy tillarni puxta o‘rgatadigan “Premier Languages” tillar markazi rasmiy o‘z faoliyatini boshladi.

⏺O‘zbekiston Milliy universiteti rektori Inom Madjidov fakultet binosida universitet hamda xususiy sektor hamkorligida davlat xususiy sherikchiligi asosida tashkil etilgan ushbu markazga tashrif buyurib, sharoitlar bilan tanishdi.

⏺Mazkur zamonaviy markaz barcha qulayliklarga ega bo‘lib, respublikada joylashgan korxona va tashkilotlar xodimlari, maktab o‘quvchilari, abituriyentlar, talabalar hamda boshqa shaxslarga o‘zbek, rus va xorijiy tillarni (ingliz, fransuz, nemis, ispan, italyan, yapon, koreys, xitoy, turk) xalqaro metodik tizimlar asosida o‘qitishni rejalashtirgan.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

#Zakovat #TarixFakulteti_90_yoshda

O'zMU talabalari o'rtasida “Zakovat” intellektual o‘yini o'tkazildi

📰Bugun poytaxtimizdagi “Zakovat arena” majmuasida O‘zbekiston Milliy universiteti Tarix fakultetining 90 yilligi munosabati bilan “Tarixiy xotira, maʼnaviy va ruhiy tarbiya – Yangi O‘zbekiston poydevori” shiori ostida “Zakovat” intellektual o‘yini bo‘lib o‘tdi.

⏫ Mazkur bilim bellashuvida universitetning turli fakultetlaridan jami 107 ta jamoa ishtirok etdi. Qizg‘in va murosasiz ruhda o‘tgan bahslar yakuniga ko‘ra, g‘oliblar quyidagicha aniqlandi:

⏺ 1-o‘rin – “Oybek va uning jamoasi”
⏺ 2-o‘rin – “Oybekning jamoasi emas”
⏺ 3-o‘rin – “Fidelio”

🇺🇿 Tarix fakultetining “Oybek va uning jamoasi” a’zolari mutlaq g'olib bo'lib, Rektor Kubogini qo'lga kiritdi. Intellektual musobaqa barcha ishtirokchilar uchun nafaqat bilim sinovi, balki tarixiy xotirani yodga olish va ma’naviy ruhiy tarbiyani mustahkamlash yo‘lida muhim tadbir bo‘ldi.

1-o‘rinni egallagan jamoaga 6,5 million so‘m, 2-o‘rin sohibiga 5 million so‘m, 3-o‘ringa esa 3,5 million so‘m miqdorida pul mukofotlari topshiriladi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin