يعجبني طبع الشـــمع .. يتوضّــــــه بدمـوعه
وآعشك الدمعه التجي .. مـــــن عين ممنوعه
يامــــا جرحني الزمن .. بس كَصتي مرفوعه
جروح غيري ســـطر .. وجروحي موسـوعه
#عبدالكريم_القصاب
وآعشك الدمعه التجي .. مـــــن عين ممنوعه
يامــــا جرحني الزمن .. بس كَصتي مرفوعه
جروح غيري ســـطر .. وجروحي موسـوعه
#عبدالكريم_القصاب
................. رمـدة الـروازيـن ...................
صفنه خذتني وصـــرت عطّاب
..........................وآفـتــرّن بـراســــي الدرابـيـن
مــن ياهي منهن كَمــر ما غاب
..........................ونجماته فضّـــــه آثيابهن طين ؟
عَط البخــــور ، الصفنه محراب
..........................شـيـبَـخِّـر آكَْـذَلْـكم يـحـلـويـــن ؟
حيطان آكو ومــامـــش ولا بـاب
............................وعيونــي تنبش بالحــياطــين
هلبت أشــمّن ريحــــــــــة آحباب
............................وتـورّد بـروحــــي السـناديـن
ظلمــــه البيوت آبســاطها آتـراب
...........................مامش ضوه ورمـده الروازين
مــــــا مـش بـروده وخلكَي لبلاب
............................ولا ســـالفه آتـهـفّـي بدواويـن
لهبه الغُباشــي والحـلم غـــــــــاب
............................ومـاعت آنجــوم آمن الفساتين
ما جنها غبشــــــــه ، الندى جذاب
............................ادمـوع هـاي آمـــن البســاتين
بشفافي جمـرة شــــــــــهكَة آعتاب
.............................عالمـاي منهـا آتـظل نياشــين
زعلان جرحي ، آشــلون ما طاب
............................وســـنين ، دلْـةِ آكَْـهَـوَه آمتانين
وج الحـنـين ، وكـلــــهـا غــــيّاب
............................اِمـنـيـن آجـيـبـنـهـم ؟ بعـيديـــن
#عبدالكريم_القصاب
صفنه خذتني وصـــرت عطّاب
..........................وآفـتــرّن بـراســــي الدرابـيـن
مــن ياهي منهن كَمــر ما غاب
..........................ونجماته فضّـــــه آثيابهن طين ؟
عَط البخــــور ، الصفنه محراب
..........................شـيـبَـخِّـر آكَْـذَلْـكم يـحـلـويـــن ؟
حيطان آكو ومــامـــش ولا بـاب
............................وعيونــي تنبش بالحــياطــين
هلبت أشــمّن ريحــــــــــة آحباب
............................وتـورّد بـروحــــي السـناديـن
ظلمــــه البيوت آبســاطها آتـراب
...........................مامش ضوه ورمـده الروازين
مــــــا مـش بـروده وخلكَي لبلاب
............................ولا ســـالفه آتـهـفّـي بدواويـن
لهبه الغُباشــي والحـلم غـــــــــاب
............................ومـاعت آنجــوم آمن الفساتين
ما جنها غبشــــــــه ، الندى جذاب
............................ادمـوع هـاي آمـــن البســاتين
بشفافي جمـرة شــــــــــهكَة آعتاب
.............................عالمـاي منهـا آتـظل نياشــين
زعلان جرحي ، آشــلون ما طاب
............................وســـنين ، دلْـةِ آكَْـهَـوَه آمتانين
وج الحـنـين ، وكـلــــهـا غــــيّاب
............................اِمـنـيـن آجـيـبـنـهـم ؟ بعـيديـــن
#عبدالكريم_القصاب
.......... كلبدون الدمع ............
بناء على طلب بعض الاصدقاء ، انشر القصيدة كاملة
.......... الى ولدي محمد في ذمة الابديه
وآنتظرتك ،........
عالك آشموع الخضر .....
لمراية الماي اليجي .....
وثوبي شرار .
وانتظرتك ،..........
عرك شجره ورمل اسود وآنكسار .
وبمحطات انتظار الماي ،.....
مثل الماي ........
جف الانتظار .
عودتني .......
آتوضه من الوان طيفك .
وآسجد آبمحراب فيّك ،....
بيك آطوف ،
ودورة عيونك مدار .
عودتني ،.....
وخذت محرابك بعيد ،
ومااجيت ،
وتيهت قبلة الروح ......
وراسي دار .
ضاج خلك الواهس .....
ومل من قميصي ،
واختنك ،
حل الزرار.
دخّّنِت غيمة بجي وجدحن عيوني ،
وثكَل راسي ،.....
ودنجت من الدوار .
فوك اصابيعي بجيت ،
وحط على الجفين عطشان الهزار .
صارن آجفوفي مزار .
فوك اصابيعي بجيت ،.....
وخيط من دمعي كلبدون الدمع ......
والخد بهار .
بيّه مطفيه شمعتين الوجه ،.....
وبعيد ،.......
يم الله النهار .
علّكَت صفناتي رازونة ضوه ......
وماجه النهار .
وآنتظرتك ،
وبمحطات انتظار الماي ،
ماواحد آوياي .
وحدي ، والدنيا مثل صفنة الغار .
إمنين هذا الصوت الاخرس ؟
مر على آعصابي ......
وكَطع حزن الربابه ،.....
والخيال الوردي طار .
غير صوتك .......
مايطوّل للبجي خلك الربابه ،
آمنين هذا اليدوي بيّه ؟.......
آمنين جاي ؟........
وماكو صوت آطراد مهره ،
ولا نفس روجه ولا دوية قطار .
غير صوتك ......
مايطوّل للنعي خلك الربابه ،
لغير طيفك .....
مااكَل لحّد يلحبيّب ييابه .
آمنين هذا الصوت الاخرس ؟
آمنين هذا اليدوي بيّه ؟........
آمنين جاي ؟
راسي ملعب للصفير ......
وشهكَتي قوس القزح ......
يضوي الدرب ......
والشوك حار .
بلجي ويْ روجة ضوه آيجيبك الماي ،
بلجن آيجيبك ولو ساعه القطار ،
بلجن آيد الله تهد خيط النهار ،
يل غبت ويّه الشمس اترف شعاع ،
يل مشيت ،......
وشهكَة آنفاسك يلمدلل ، متاع .
ليش يبني .....
رحت ويّه المايردك للعب ويّه الزغار ؟
والمثل عمرك آيغار .
ليش يبني .......
لوّنت جوري الشفايف للبهار ،
وجرّدت شجرة البيت آمن الخضار ؟
ليش يبني آستعجلت ،.......
سديت شباج الضوه .......
ودفتر آسنينك ، وآنطفن ،.....
والخفت منه آيصير، صار ؟
جان كلشي البيك ماي آمرايتي ،
كل شي من شباجك آمعطر يجيني ،
حتى لهبة غيظك .....
وثلج الزعل ، ........
حتى الغبار .
ليش يبني ........
رحت ويّه المايردك للعب ويّه الزغار ؟
ليش يبني .........
لوّنِت جوري الشفايف بالبهار ،
وجّردت شجرة البيت آمن الخضار ؟
ليش يبني ؟
ليش يبني ؟
#عبدالكريم_القصاب
بناء على طلب بعض الاصدقاء ، انشر القصيدة كاملة
.......... الى ولدي محمد في ذمة الابديه
وآنتظرتك ،........
عالك آشموع الخضر .....
لمراية الماي اليجي .....
وثوبي شرار .
وانتظرتك ،..........
عرك شجره ورمل اسود وآنكسار .
وبمحطات انتظار الماي ،.....
مثل الماي ........
جف الانتظار .
عودتني .......
آتوضه من الوان طيفك .
وآسجد آبمحراب فيّك ،....
بيك آطوف ،
ودورة عيونك مدار .
عودتني ،.....
وخذت محرابك بعيد ،
ومااجيت ،
وتيهت قبلة الروح ......
وراسي دار .
ضاج خلك الواهس .....
ومل من قميصي ،
واختنك ،
حل الزرار.
دخّّنِت غيمة بجي وجدحن عيوني ،
وثكَل راسي ،.....
ودنجت من الدوار .
فوك اصابيعي بجيت ،
وحط على الجفين عطشان الهزار .
صارن آجفوفي مزار .
فوك اصابيعي بجيت ،.....
وخيط من دمعي كلبدون الدمع ......
والخد بهار .
بيّه مطفيه شمعتين الوجه ،.....
وبعيد ،.......
يم الله النهار .
علّكَت صفناتي رازونة ضوه ......
وماجه النهار .
وآنتظرتك ،
وبمحطات انتظار الماي ،
ماواحد آوياي .
وحدي ، والدنيا مثل صفنة الغار .
إمنين هذا الصوت الاخرس ؟
مر على آعصابي ......
وكَطع حزن الربابه ،.....
والخيال الوردي طار .
غير صوتك .......
مايطوّل للبجي خلك الربابه ،
آمنين هذا اليدوي بيّه ؟.......
آمنين جاي ؟........
وماكو صوت آطراد مهره ،
ولا نفس روجه ولا دوية قطار .
غير صوتك ......
مايطوّل للنعي خلك الربابه ،
لغير طيفك .....
مااكَل لحّد يلحبيّب ييابه .
آمنين هذا الصوت الاخرس ؟
آمنين هذا اليدوي بيّه ؟........
آمنين جاي ؟
راسي ملعب للصفير ......
وشهكَتي قوس القزح ......
يضوي الدرب ......
والشوك حار .
بلجي ويْ روجة ضوه آيجيبك الماي ،
بلجن آيجيبك ولو ساعه القطار ،
بلجن آيد الله تهد خيط النهار ،
يل غبت ويّه الشمس اترف شعاع ،
يل مشيت ،......
وشهكَة آنفاسك يلمدلل ، متاع .
ليش يبني .....
رحت ويّه المايردك للعب ويّه الزغار ؟
والمثل عمرك آيغار .
ليش يبني .......
لوّنت جوري الشفايف للبهار ،
وجرّدت شجرة البيت آمن الخضار ؟
ليش يبني آستعجلت ،.......
سديت شباج الضوه .......
ودفتر آسنينك ، وآنطفن ،.....
والخفت منه آيصير، صار ؟
جان كلشي البيك ماي آمرايتي ،
كل شي من شباجك آمعطر يجيني ،
حتى لهبة غيظك .....
وثلج الزعل ، ........
حتى الغبار .
ليش يبني ........
رحت ويّه المايردك للعب ويّه الزغار ؟
ليش يبني .........
لوّنِت جوري الشفايف بالبهار ،
وجّردت شجرة البيت آمن الخضار ؟
ليش يبني ؟
ليش يبني ؟
#عبدالكريم_القصاب
..من قصيدة هلاهل للشمس ...
**************************
ايخسون الما عليهم لون حنطتكم .
غريب الما مهفيه بوجهه سعفتكم .
غربه الما تبجّيهم نعاوي آمكم ،
الما دكَّت بذنهم رنّة الفنجان .
غريب الما تسكره بحّة دويخل ،
ولا سوده آشلهاني بحنجرة مسعود ،
ولا نخل السماوه وشاتل العودين .
يا دخانكم ، جرّة كحل للعين .
#عبدالكريم_القصاب
**************************
ايخسون الما عليهم لون حنطتكم .
غريب الما مهفيه بوجهه سعفتكم .
غربه الما تبجّيهم نعاوي آمكم ،
الما دكَّت بذنهم رنّة الفنجان .
غريب الما تسكره بحّة دويخل ،
ولا سوده آشلهاني بحنجرة مسعود ،
ولا نخل السماوه وشاتل العودين .
يا دخانكم ، جرّة كحل للعين .
#عبدالكريم_القصاب
........ صور وطيوف .........
ليليّه يهزني الشوك ،
ويلمعن سوليفك صور وطيوف .
تعط كل سالفة حضره ،
ونا كلّي كَلب ملهوف ،
ما يدري آعلى ياهي يطوف .
ليليّه يطعم الليل ،
أطيح آببير صفناتي ...
وتلاكَيني بوجه مخطوف ،
وآكَلّك ليش خايف ،
غير هذا آنا .
شجاك ، آشصايبك متشوف .
يمدري شبيك ، يا مطفي ،
آنا بكل مغربيّه ....
أوديلك شمس تنسل ضفايرها ....
على عيونك .
عجب لسّاع ،
ما جاس الضوه شباجك المكفوف
يخيط آرويحتي وحسني وضحك سني ...
ولمس بعده خدر بجفوف .
رحت وغيار البوجهي يبجّيني .
يمرجوحة هوه وزلوف ،
كون الله يماشيني على نيتي ،
كون تصير ،
أدزلك وجهي بمرايه ...
وآكَلّك شوف .
#عبدالكريم_القصاب
ليليّه يهزني الشوك ،
ويلمعن سوليفك صور وطيوف .
تعط كل سالفة حضره ،
ونا كلّي كَلب ملهوف ،
ما يدري آعلى ياهي يطوف .
ليليّه يطعم الليل ،
أطيح آببير صفناتي ...
وتلاكَيني بوجه مخطوف ،
وآكَلّك ليش خايف ،
غير هذا آنا .
شجاك ، آشصايبك متشوف .
يمدري شبيك ، يا مطفي ،
آنا بكل مغربيّه ....
أوديلك شمس تنسل ضفايرها ....
على عيونك .
عجب لسّاع ،
ما جاس الضوه شباجك المكفوف
يخيط آرويحتي وحسني وضحك سني ...
ولمس بعده خدر بجفوف .
رحت وغيار البوجهي يبجّيني .
يمرجوحة هوه وزلوف ،
كون الله يماشيني على نيتي ،
كون تصير ،
أدزلك وجهي بمرايه ...
وآكَلّك شوف .
#عبدالكريم_القصاب
..... دورة محبس ......
لا يمشمس ،
لهنانه وبس .
حابس كَلبي بدورة محبس ،
وآصبع من لجماتي آمحنّه .
كلّش خنكَه ،
ولا خيط يفوت آمن الشهكَه ،
وتتضاحك وتكَلّي آتنفس .
يل تتونس ،
لهنانه وبس .
فكيت آمن المحبس كَلبي ،
وطارت روحي لشباج الله ،
وراح آتنفس .
#عبدالكريم_القصاب
لا يمشمس ،
لهنانه وبس .
حابس كَلبي بدورة محبس ،
وآصبع من لجماتي آمحنّه .
كلّش خنكَه ،
ولا خيط يفوت آمن الشهكَه ،
وتتضاحك وتكَلّي آتنفس .
يل تتونس ،
لهنانه وبس .
فكيت آمن المحبس كَلبي ،
وطارت روحي لشباج الله ،
وراح آتنفس .
#عبدالكريم_القصاب
... أضحك عطر ...
كَالوا بعد ما يجي .
أفّيش ، طاح الندى ...
بارد وفززني .
أفّيش ، بيّه أحس ...
عيد وكَلايد ضوه ...
ومرجوحته تهزني .
أضحك عطر للهوه ،
كلّش برد حزني .
والمشكله المشكله ،
بالكَلب مدري شني ،
بس أصفن يبزني .
#عبدالكريم_القصاب
كَالوا بعد ما يجي .
أفّيش ، طاح الندى ...
بارد وفززني .
أفّيش ، بيّه أحس ...
عيد وكَلايد ضوه ...
ومرجوحته تهزني .
أضحك عطر للهوه ،
كلّش برد حزني .
والمشكله المشكله ،
بالكَلب مدري شني ،
بس أصفن يبزني .
#عبدالكريم_القصاب
...... صينية شمع ......
يلّي روحك غيمه سوده ...
وروحي صينية شمع ،
أضحك بوجهك ضوه ،
ومطر أسود منك آيطفيني ...
وشوغتي ما تنسمع .
وطالت وياما طفيت ،
وآنت كلما أطفه تحله .
سما ولا شباج بيها ،
وشوغتي ما تنسمع .
اشكَد بجيت وما كو حوبه .
صدك ثاري الموش لله ،
ما يشوّر بيْه دمع .
#عبدالكريم_القصاب
يلّي روحك غيمه سوده ...
وروحي صينية شمع ،
أضحك بوجهك ضوه ،
ومطر أسود منك آيطفيني ...
وشوغتي ما تنسمع .
وطالت وياما طفيت ،
وآنت كلما أطفه تحله .
سما ولا شباج بيها ،
وشوغتي ما تنسمع .
اشكَد بجيت وما كو حوبه .
صدك ثاري الموش لله ،
ما يشوّر بيْه دمع .
#عبدالكريم_القصاب