******* ترافة *******
يا خويط السما وأترف ،
عالترافه البيك ...
من تمشي أخاف ،
لا يهز طولك هوه
وتتبدّه كوثر .
لا تموع آمن الدفو ...
والشارع المجنون يسكر
لما تمشي ،
روحي تصعد غيمه بيضه
وكَلبي فوكَك طير يفتر ،
ودورة عيوني ....
شبكَتين آعلى خصرك ،
خاف تعثر .
#عبدالكريم_القصاب
يا خويط السما وأترف ،
عالترافه البيك ...
من تمشي أخاف ،
لا يهز طولك هوه
وتتبدّه كوثر .
لا تموع آمن الدفو ...
والشارع المجنون يسكر
لما تمشي ،
روحي تصعد غيمه بيضه
وكَلبي فوكَك طير يفتر ،
ودورة عيوني ....
شبكَتين آعلى خصرك ،
خاف تعثر .
#عبدالكريم_القصاب
*** ليش مغمّض ؟ ***
يربات العنبر والدهله
يل داك بكل ملعب ثايه
ليش مغمّض وآنت مرايه
وكل كَصبه بدم محنّايه ؟
عيب ينام الجرحه ولايه .
أدري بدمك حار آيشوّر
والسيف المشمور يزنجر
موعيب التاريخ يشوفك
عطشان ومبيوكَه جروفك ؟
ليش مغمّض ؟
ديره بعازة سيف ورايه
وخيّال ومهره محنّايه .
#عبدالكريم_القصاب
يربات العنبر والدهله
يل داك بكل ملعب ثايه
ليش مغمّض وآنت مرايه
وكل كَصبه بدم محنّايه ؟
عيب ينام الجرحه ولايه .
أدري بدمك حار آيشوّر
والسيف المشمور يزنجر
موعيب التاريخ يشوفك
عطشان ومبيوكَه جروفك ؟
ليش مغمّض ؟
ديره بعازة سيف ورايه
وخيّال ومهره محنّايه .
#عبدالكريم_القصاب
**** صوت الدفو ****
ثلّجت بجفاك روحي ،
وآنت بثياب الدفو ...
منعّس وره الدنيا وسعيد .
دمي صاك آمن البرد ،
وصوتك خيوط الشمس ...
وآشّاه ...
هلبت سالفه تكظني ...
وتدفيني وآذوب .
هلبت آيد ،
هلبت آصبع .
اصبع آمن آيدك وآموع ...
فوك ترجيّه وزلف .
فوك كَذله ،
فوك شفّه ،
فوك جيد .
فايضه الدنيا غنه ...
ودنياي صنطه .
صنطه ظلمه ،
ما يركَّصها وتر وآنت بعيد .
حتى حزني ،
دمي صاك آمن البرد ،
وحزني حار بلا نفع .
حزني بس مدفّي روحه ،
وانا وثيابي جليد .
#عبدالكريم_القصاب
ثلّجت بجفاك روحي ،
وآنت بثياب الدفو ...
منعّس وره الدنيا وسعيد .
دمي صاك آمن البرد ،
وصوتك خيوط الشمس ...
وآشّاه ...
هلبت سالفه تكظني ...
وتدفيني وآذوب .
هلبت آيد ،
هلبت آصبع .
اصبع آمن آيدك وآموع ...
فوك ترجيّه وزلف .
فوك كَذله ،
فوك شفّه ،
فوك جيد .
فايضه الدنيا غنه ...
ودنياي صنطه .
صنطه ظلمه ،
ما يركَّصها وتر وآنت بعيد .
حتى حزني ،
دمي صاك آمن البرد ،
وحزني حار بلا نفع .
حزني بس مدفّي روحه ،
وانا وثيابي جليد .
#عبدالكريم_القصاب
وتمر من يمنه بالبسكوت
تلبد وره الناس الماشيه وتفوت
خاف يشوفك الشباج ويكَلّي
ييابه ،
اشكَد خبيث آنت !!
#عبدالكريم_القصاب
تلبد وره الناس الماشيه وتفوت
خاف يشوفك الشباج ويكَلّي
ييابه ،
اشكَد خبيث آنت !!
#عبدالكريم_القصاب
**** كرنفال ****
يمعتّق خمر بالروح ،
يمهيّل ، ينشوة كاس ...
تصعد كرنفال براس ،
كَدما بيّه من غيره .
كَدما بيّه من وهواس ،
لو بيدي ،
أضم آخيالك الشفاف ،
لا ينشاف .
لو بيدي ،
ألم آخيالك آمن الكَاع ،
لا ينداس .
#عبدالكريم_القصاب
يمعتّق خمر بالروح ،
يمهيّل ، ينشوة كاس ...
تصعد كرنفال براس ،
كَدما بيّه من غيره .
كَدما بيّه من وهواس ،
لو بيدي ،
أضم آخيالك الشفاف ،
لا ينشاف .
لو بيدي ،
ألم آخيالك آمن الكَاع ،
لا ينداس .
#عبدالكريم_القصاب
للظلمه طعم الحزن ،
وبلا حزن وحشه .
خلّي الشمس تستحي ...
وبالليل تتغشه .
شيفيد خيط الضوه ؟
وآشتنفع الغبشه ،
من غير بخة ندى ...
وعصفور يتغنّه ؟
#عبدالكريم_القصاب
وبلا حزن وحشه .
خلّي الشمس تستحي ...
وبالليل تتغشه .
شيفيد خيط الضوه ؟
وآشتنفع الغبشه ،
من غير بخة ندى ...
وعصفور يتغنّه ؟
#عبدالكريم_القصاب
***** موعة مستحه *****
تجيني بكل بياض الله ،
وآلاكَيك بعطش عيني ،
وآجرّك للجفن كحله .
ألبْس رويحتي كَلادة سوالف ...
أطعم آمن النوم ،
وآترف من ذهب كَذله .
يموعة مستخه حديثات .
يموعة روح ، يمخدّر ،
ولو كلّك حلو بعيني ،
أشوفن مستحاك آحلى .
حياء يزوّك الدنيا وشوفنها ...
عروس بليلة الدخله .
أسلطن لآعلى من نجمه ،
وآكَلّك لا تودّعني .
#عبدالكريم_القصاب
تجيني بكل بياض الله ،
وآلاكَيك بعطش عيني ،
وآجرّك للجفن كحله .
ألبْس رويحتي كَلادة سوالف ...
أطعم آمن النوم ،
وآترف من ذهب كَذله .
يموعة مستخه حديثات .
يموعة روح ، يمخدّر ،
ولو كلّك حلو بعيني ،
أشوفن مستحاك آحلى .
حياء يزوّك الدنيا وشوفنها ...
عروس بليلة الدخله .
أسلطن لآعلى من نجمه ،
وآكَلّك لا تودّعني .
#عبدالكريم_القصاب
كون آلاكَيك ، ويمين الله ...
آلف هلهولتك غتره آعلى خصري ،
وآصعد آكَبالك ركَص نافوره .
#عبدالكريم_القصاب
آلف هلهولتك غتره آعلى خصري ،
وآصعد آكَبالك ركَص نافوره .
#عبدالكريم_القصاب