يل جنت ويّاي ...
لكن موش كلّك .
يل جنت تجبرني آملّك .
شعوطتني ، آبعيد خَلّك .
صرت آخافن حتى ظلّك .
بعد ما أمشي بطريقك ،
خاف نتلاكَه ...
وتكَلّي شلون كيفك .
وانا منك مالي كيف ....
شراح آكَلّك ؟
خاف آسولفهن وآزعلك .
#عبدالكريم_القصاب
لكن موش كلّك .
يل جنت تجبرني آملّك .
شعوطتني ، آبعيد خَلّك .
صرت آخافن حتى ظلّك .
بعد ما أمشي بطريقك ،
خاف نتلاكَه ...
وتكَلّي شلون كيفك .
وانا منك مالي كيف ....
شراح آكَلّك ؟
خاف آسولفهن وآزعلك .
#عبدالكريم_القصاب
سمّي بالله ولا يهمك .
لا تعاين ساعتك ....
آنا آحترك لو برد دمك .
خايف وكَلبك يكَلّك وين رايح ، .
وانا أسمع ،
أسمع ومن غير ما أدري أضمك .
شما أشمن بيك تعرك مستحه ،
مستحه يشهيني من آجديد آشمك .
أنت تعرك وانا آشمك .
وين حدها ؟
ليش بالخوف آنتلاكَه ؟
مو كَلت لك من كَبل خليني يمّك .
#عبدالكريم_القصاب
لا تعاين ساعتك ....
آنا آحترك لو برد دمك .
خايف وكَلبك يكَلّك وين رايح ، .
وانا أسمع ،
أسمع ومن غير ما أدري أضمك .
شما أشمن بيك تعرك مستحه ،
مستحه يشهيني من آجديد آشمك .
أنت تعرك وانا آشمك .
وين حدها ؟
ليش بالخوف آنتلاكَه ؟
مو كَلت لك من كَبل خليني يمّك .
#عبدالكريم_القصاب
....... كون الليلة .......
كون الليله الشوك يجيبك ...
وتوعّي بصوتك شباجي ،
جا ماعت لك رزّة بابي ...
وجا كَتلك ميخالف ، ماشي .
جا كَتلك مغسوله ذنوبك ،
لا تعرك ، سامحتك ، ماشي .
كون الليله الشوك يجيبك ،
جان تشوف شكَد رمادي ،
وتوكَع مكسور آعلى جتافي ...
وتعاين لي ودمعك دافي ،
وجا كَتلك سامحتك ، كافي .
جا كَتلك ميخالف ، ماشي .
كون الليله الشوك يجيبك ،
أشعل بيك مراية ليلي ،
حتى بصفنه تجيس جروحي ...
ويفوح القداح بروحي ...
وآفرح وآنكَز فوك فراشي .
أفتر ويْ طولك فرّاره ...
وآركَص زيبك فوك الكاشي .
أخدر وآغفه ومامش وحشه ،
ومن تندهني خيوط الغبشه ...
أوكَف فوك العتبه مرايه ،
والبوس آمورّد بخدودي ،
وشبكَاتك تلمع بزنودي .
تتلفت لي عيون الماشي ،
وينط آمن الحركَه الواشي .
#عبدالكريم_القصاب
كون الليله الشوك يجيبك ...
وتوعّي بصوتك شباجي ،
جا ماعت لك رزّة بابي ...
وجا كَتلك ميخالف ، ماشي .
جا كَتلك مغسوله ذنوبك ،
لا تعرك ، سامحتك ، ماشي .
كون الليله الشوك يجيبك ،
جان تشوف شكَد رمادي ،
وتوكَع مكسور آعلى جتافي ...
وتعاين لي ودمعك دافي ،
وجا كَتلك سامحتك ، كافي .
جا كَتلك ميخالف ، ماشي .
كون الليله الشوك يجيبك ،
أشعل بيك مراية ليلي ،
حتى بصفنه تجيس جروحي ...
ويفوح القداح بروحي ...
وآفرح وآنكَز فوك فراشي .
أفتر ويْ طولك فرّاره ...
وآركَص زيبك فوك الكاشي .
أخدر وآغفه ومامش وحشه ،
ومن تندهني خيوط الغبشه ...
أوكَف فوك العتبه مرايه ،
والبوس آمورّد بخدودي ،
وشبكَاتك تلمع بزنودي .
تتلفت لي عيون الماشي ،
وينط آمن الحركَه الواشي .
#عبدالكريم_القصاب
الأجن والمـا اِجن والرايحات
..........اللي تسـكَيهن بمــــاي عيونك
كلهن بأوّل عشكَهن ناصحات
..........تالي مــــا وحده تكَول شلونك
#عبدالكريم_القصاب
..........اللي تسـكَيهن بمــــاي عيونك
كلهن بأوّل عشكَهن ناصحات
..........تالي مــــا وحده تكَول شلونك
#عبدالكريم_القصاب
ليليَـه بعيونــــــي آيتخـطّه
وما ماخذ آمـن النوم غطّه
كل صفنه تشمرني بمحطه
بردان كَلبي ومـــــــا تغطّه
#عبدالكريم_القصاب
وما ماخذ آمـن النوم غطّه
كل صفنه تشمرني بمحطه
بردان كَلبي ومـــــــا تغطّه
#عبدالكريم_القصاب
******* شمع الطقوس *******
يا ندى الما قاسمه الله ،
الطاح مدري بيا جزيره ...
وماتت الورده عروس .
يا كَمر صفصافتي الما قاسمه الله ،
ماشي للما يدري وين .
لا يكظك مستحه ولا تلتغت لي .
اخذ خيط الكَمره وآمشي .
دوس عاليوجعني دوس .
غيب عني بكل ضواك ...
بكل خضارك ،
عوفني كومة سبوس .
حيل يبّسني بغيابك ،
ما يهمني .
طفي محراب الهوى وشمع الطقوس .
ما يهمني .
أنت بمرايات صفناتي ضوه ...
ومن أشتهيك ،
توكَف كَبالي كَمر ، وبكيفي ،
منين ما يعجبني آبوس .
#عبدالكريم_القصاب
يا ندى الما قاسمه الله ،
الطاح مدري بيا جزيره ...
وماتت الورده عروس .
يا كَمر صفصافتي الما قاسمه الله ،
ماشي للما يدري وين .
لا يكظك مستحه ولا تلتغت لي .
اخذ خيط الكَمره وآمشي .
دوس عاليوجعني دوس .
غيب عني بكل ضواك ...
بكل خضارك ،
عوفني كومة سبوس .
حيل يبّسني بغيابك ،
ما يهمني .
طفي محراب الهوى وشمع الطقوس .
ما يهمني .
أنت بمرايات صفناتي ضوه ...
ومن أشتهيك ،
توكَف كَبالي كَمر ، وبكيفي ،
منين ما يعجبني آبوس .
#عبدالكريم_القصاب
***** هم ترهم ؟ *****
يبعد المشوا والظلوا
هم ترهم يجيلك يوم
يصحّيك الندى وتكَوم
تفك شباجك المسدود
وتسولف
وآسمعك بلبل بروحي ،
أعطّر واهسي بصوتك
وآطير آويا الدعه لله
وكَول آفيش ،
غركَان ولزمت الكَيش ؟
يبعد رويحتي شتكَول ؟
هم ترهم ؟
#عبدالكريم_القصاب
يبعد المشوا والظلوا
هم ترهم يجيلك يوم
يصحّيك الندى وتكَوم
تفك شباجك المسدود
وتسولف
وآسمعك بلبل بروحي ،
أعطّر واهسي بصوتك
وآطير آويا الدعه لله
وكَول آفيش ،
غركَان ولزمت الكَيش ؟
يبعد رويحتي شتكَول ؟
هم ترهم ؟
#عبدالكريم_القصاب
****** شلّي بيك ******
آنا كَتلك لا تجيني .
ليش جاي وشلّي بيك ؟
بيش جاي تشوفني ...
بيا وجه أسود ؟
شلون آشوفك ...
وانا بيّه آمن الزعل ...
عمرين وآزود ؟
حتى باب البيت مثلي ،
حتى شباجي مثل شباج كَلبي ،
من يشوفك جاي ، ينسد .
شلّي بيك ؟
#عبدالكريم_القصاب
آنا كَتلك لا تجيني .
ليش جاي وشلّي بيك ؟
بيش جاي تشوفني ...
بيا وجه أسود ؟
شلون آشوفك ...
وانا بيّه آمن الزعل ...
عمرين وآزود ؟
حتى باب البيت مثلي ،
حتى شباجي مثل شباج كَلبي ،
من يشوفك جاي ، ينسد .
شلّي بيك ؟
#عبدالكريم_القصاب
كَلبي أبيض ،
ما تجي آببالي غلطتك .
يجي آببالي شكَد جنت خايف عليّه
تجي آببالي دموعك ورجفة اِديك
وآحزن وآبجي عليك .
#عبدالكريم_القصاب
ما تجي آببالي غلطتك .
يجي آببالي شكَد جنت خايف عليّه
تجي آببالي دموعك ورجفة اِديك
وآحزن وآبجي عليك .
#عبدالكريم_القصاب
****** هم فد يوم ؟ ******
ترف يابعد هاي وهاي ،
يصار سنين ما شوفك ،
لوين آبقى آمن آغمّض عود ....
أتمازح آويا طيوفك ؟
هم فد يوم ،
كسرة خاطري تشوفك ؟
تجي بواهس ....
وآعيّد كَبل عيد الله وآغنيلك ،
لحدما تنسى وين آنت ،
وآحنّي آببوستي زلوفك .
هم فد يوم ،
تجي وآفرش لك الكَمره بحديقه ...
وتكَعد كَبالي ،
وعطر روحي الحنينه يصير نفنوفك .
تتثنى وتدنج مستحه ...
ومغمّض تكظني ...
وجذب تدفعني بجفوفك .
وآكَلّك لا تواخذني ،
أخاف آمن الحرير آعليك .
ترف ، شفّاف شيروفك ؟
يصار سنين ما شوفك ،
هم فد يوم ...
كسرة خاطري تشوفك ؟
#عبدالكريم_القصاب
ترف يابعد هاي وهاي ،
يصار سنين ما شوفك ،
لوين آبقى آمن آغمّض عود ....
أتمازح آويا طيوفك ؟
هم فد يوم ،
كسرة خاطري تشوفك ؟
تجي بواهس ....
وآعيّد كَبل عيد الله وآغنيلك ،
لحدما تنسى وين آنت ،
وآحنّي آببوستي زلوفك .
هم فد يوم ،
تجي وآفرش لك الكَمره بحديقه ...
وتكَعد كَبالي ،
وعطر روحي الحنينه يصير نفنوفك .
تتثنى وتدنج مستحه ...
ومغمّض تكظني ...
وجذب تدفعني بجفوفك .
وآكَلّك لا تواخذني ،
أخاف آمن الحرير آعليك .
ترف ، شفّاف شيروفك ؟
يصار سنين ما شوفك ،
هم فد يوم ...
كسرة خاطري تشوفك ؟
#عبدالكريم_القصاب
***** مثل عصفور *****
يطاير ، يا عطية الله ،
يمحبس جبتك آمن البير ،
زقّيتك نبض كَلبي ،
لَمَن ريّش جناحك ...
وآشتهيت تطير .
جنح لبلاب بعدك ،
جنت آخاف آعليك ...
ومفرفح أطير آوياك ،
آحط آوياك ،
علمتك شلون تطير
طرت لكن بعد ما جيت .
يا ريتك بقيت آزغيْر .
#عبدالكريم_القصاب
يطاير ، يا عطية الله ،
يمحبس جبتك آمن البير ،
زقّيتك نبض كَلبي ،
لَمَن ريّش جناحك ...
وآشتهيت تطير .
جنح لبلاب بعدك ،
جنت آخاف آعليك ...
ومفرفح أطير آوياك ،
آحط آوياك ،
علمتك شلون تطير
طرت لكن بعد ما جيت .
يا ريتك بقيت آزغيْر .
#عبدالكريم_القصاب
***** أسعد غريق *****
من عرفتك
ضيعت كل آتجاه ،
وما بقى لعيني طريق .
بس طريق .
أمشي بيْه لفياي روحك ،
لبحر عينك ،
هناك آعيش آسعد غريق .
اِي يكائن من رحيق ،
يا خمر روحي يمايع يا رقيق ،
أنت من تلمس خيالي ...
يشتعل بيّه حريق ،
دافي ويموع الثلج .
#عبدالكريم_القصاب
من عرفتك
ضيعت كل آتجاه ،
وما بقى لعيني طريق .
بس طريق .
أمشي بيْه لفياي روحك ،
لبحر عينك ،
هناك آعيش آسعد غريق .
اِي يكائن من رحيق ،
يا خمر روحي يمايع يا رقيق ،
أنت من تلمس خيالي ...
يشتعل بيّه حريق ،
دافي ويموع الثلج .
#عبدالكريم_القصاب
***** ******* *****
بكَلبي شوك لمدري آلمن .
كَلبي عش بلا حمامه .
ما كو شي ، بس جويه سوده ...
من حبيب آسود كَلب ...
حاسبها شامه .
ناس راحوا من زمان ،
وبقت جويتهم علامه .
ناس ، عبرة وكت حبهم ،
راحوا وعطّب بنفسج روحي ،
ولسّه آكَلهم بالسلامه .
كَلوب ما بيها أمان ،
وكَلبي يحلم ،
جنّه ناسي !
كَلبي رف ، ما أدري اِلمن .
مدري وين يريد بيّه .
فوك يا شجره يحطني ،
بيا سما ، بيا نجمه سوده ،
بيا جزيره ، بيا غمامه ؟
شوك حار وموج بارد ،
هوه عالي وما كو مرسى ،
وكَلبي يحلم ،
عود يلكَاله بجرف دافي آبتسامه !
مدري لله ،
مدري للشيطان يلكَه الابتسامه .
اِي يكَلبي ،
ما يهم ، ويّاك آخذني ،
شفلة الحب يا نصيب .
بلجي نطلع بالسلامه .
#عبدالكريم_القصاب
بكَلبي شوك لمدري آلمن .
كَلبي عش بلا حمامه .
ما كو شي ، بس جويه سوده ...
من حبيب آسود كَلب ...
حاسبها شامه .
ناس راحوا من زمان ،
وبقت جويتهم علامه .
ناس ، عبرة وكت حبهم ،
راحوا وعطّب بنفسج روحي ،
ولسّه آكَلهم بالسلامه .
كَلوب ما بيها أمان ،
وكَلبي يحلم ،
جنّه ناسي !
كَلبي رف ، ما أدري اِلمن .
مدري وين يريد بيّه .
فوك يا شجره يحطني ،
بيا سما ، بيا نجمه سوده ،
بيا جزيره ، بيا غمامه ؟
شوك حار وموج بارد ،
هوه عالي وما كو مرسى ،
وكَلبي يحلم ،
عود يلكَاله بجرف دافي آبتسامه !
مدري لله ،
مدري للشيطان يلكَه الابتسامه .
اِي يكَلبي ،
ما يهم ، ويّاك آخذني ،
شفلة الحب يا نصيب .
بلجي نطلع بالسلامه .
#عبدالكريم_القصاب