الرسوم ممكن هي الصدمة الاول من العام مهم لكن غير متوقع وبالاخص الرسم الثاني غير متوقع لكن وزاري قديم
وكذلك بالمراجعة موجود

موضوع الانقسام هالسنة فقط درجتين والطلاب والمدرسين ننخبص بي ! ويتعبون بي ... اعتراضي الوحيد هو طريقة توزيع الأسئلة من المواضيع

السؤال الي دا يتكرر بالخاص نعتمد ع مراجعة دور ٢ ي نعم تكدر تعتمد عليها
وبقت اخر كم نسخة عند مكتبة الربيعي
@maktabtalrubaie

استاذ اجيت ابشرك تعبك مراح ويانه الحمدلله جاوبت والاسئله صح مو سهله بس متوسطه وجاوبت والمسأله اكو فكره مثله بالمراجعه بس شويه مغيرين الصيغه بس الحمدلله جاوبت الي اعرفه الله يفرح كلبك ويوفقك ويسعدك شكرااااا كولشششش هوايةةةةةة 🥹🥹🥹🥹🤍

هواي رسائل حلوة اجتني مثل هاي ، فرحتوني رغم ضايج ع طلاب الي اجلو 😔 ان شاء الله تكمل فرحتنا بالدور ٢

السلام عليكم
شلونك استاذ إن شاء الله بخير
استاذ اني طالبة الكتروني عندك واليوم امتحنت والأسئلة بِـ النسبة اليَّ اعتبرها سهلة واجوبتي ممتازة رغم اغلب القاعة غياب واللي حضروا هم اغلبهم اجلوا وحرفيا عدد الطلاب اللي امتحنوا معدود والحمد لله اني منهم وكدرت اجاوب ، حتى بعض الأجوبة نصًا مثل ما موجودة بِـ الملزمة جاوبتها حتى نفس المصطلحات او الكلمات ، وبعض الأجوبة تذكرتك بيها وتذكرت الأمثلة اللي جنت تنطينا إياها او التشبيهات حتى نتذكر وبالفعل تذكرت اليوم الماشية مثلتها بِـ موكب هيج شي وجاوبت سيادة مواكبة او مشاركة ومن تذكرت هذا الجواب كلش فرحت ودعيت لوالدك بالرحمة واني بالقاعة ودا اجاوب ، فَـ حبيت اجي أبشرك واشكرك ما قصرت ويانا والمراجعة المركزة وحدها ضمنت الدرجة الكاملة ، إن شاء الله ربي يجزيك على تعبك ويانا وعلى كل شي قدمته النا ويرضى عنك ويرضيك ويرحم الوالد ويغفر له وينور قبره ويسكنه فسيح جناته ، الله يسعدك ويجبر بخاطرك مثل ما فرحت اليوم بِـ أجوبتي وانجبر خاطري وإن شاء الله كل هذا بميزان حسناتك وصدقة لِـ الوالد وإن شاء الله ما أنساه بالدعاء والذكر والأعمال ، اشكرك مرة ثانية استاذ وإن شاء الله ميصيبك الا الخير وإن شاء الله ربي يجزيك لان مهما نقدملك ما رح نكدر نجازيك الله ينطيك العافية استاذ ما قصرت

اني متأكد لو جان الوالد موجود جان فرح بجوابهم، جان كل سنة ينتظر طلابي ويتابع القناة والمراجعة شكد جابت 😞 ، اتمنى اليوم يفرح بنجاح طلابي والمراجعة وان شاء الله يفرح بنجاح الدور ٢ الابطال .. اتمنى متنسوه من الرحمة والدعاء والفاتحه

كلشي مرح احجي بس الف رحمة على روح الوالد
لحد هسة الهوسة مال مثانة بولية حالب حوض الكلية ببالي و اليوم جتي و اتذكرت و فرحت
استاذ مقصرت ويانة رحمة الله والديك

شكرا لكل طالب مانسى والدي من الرحمة والدعاء ❤️

دكتور يمكن متصدگ قبل لايجيبون الاسئلة قريت الفاتحة للروح والدك الله يرحمة واجت الاسئلة من الدرستة وجاوبت الحمد لله أن شاء الله الله يرحمه ويغفر له ويسكنه فسيح جناته 🤲🤍

والله ماعرف شكول وشرد ❤️ ربي يوفقكم

استاذ والله الاسئله من مࢪاجعتك نصاً حتى حرت ماعرف شنو اترك ࢪبي يحفظك ويسعدك ويوفقك 🌚🤍

اول شي
الف رحمة على روح والدك
والله استاذ مستحي منك بس شسوي بعد هية صارت
صح الاسئلة اجت كلها من الملزمة مال المراجعة وقريتهن نصاً ، بس مو كلش جاوبت والخطأ مو منك استاذ
رحم الله والديك ماقصرت ويانة والله يجازيك بكلشي سويته ، الخطأ مني لان هواي اشياء ما قريتهن او نسيتهن ورحت للامتحان 😞 الحمدلله ع كل حال + ارجع واشكرك ع كل شي
وقبل ما اروح …( مثانة بولية ، حالب حوض الكلية🥲😂)

حبايبي طلاب الدور ٢ عمري انتو ،اعرف انتو كدها والدور ٢ فرصة متكررون الأخطاء وان شاء الله تعبرونها وتفرحونه شدو همتكم وركزو بقية المواد

---

"إلى أستاذي الفاضل أبو الفضل الساعدي 🌟"
جزاك الله عنا كل خير يا أستاذنا الغالي، والله إنك نِعم المعلم والمربي. أسلوبك الرائع في الشرح، وحرصك الكبير على توصيل المعلومة بكل وضوح وبساطة، خلاك قدوة حقيقية لكل من يريد أن يتعلم بصدق.

والله لو مو الشرح مالك جان المسألة الوراثية راحت عليه

،فأحب أقول لك:
"أنت فخر للعلم والتعليم، وصدقة جارية بكل حرف تنطقه."

الله يوفقك ويزيدك علمًا ونورًا، ويجعل كل جهودك في ميزان حسناتك يا تاج الراس 🌿✨

هنيالي بيكم والله ❤️ اسأل الله يوفقكم ياحبايبي

استاذ الف الحمدلله اني عرفتك بوقت الضائع وكلت صح مجنت اعرفه ومدارسة علي بس راح اكمل كولشي عليك وقريت الفصل الثالث والرابع والفصل الثاني لدرجة واني دا احل دا اتذكر حتى من تصير تشاقه وتشرح حتى النُكات والمواقف تذكرته والف الحمد لله جاوبت
واكيد مراح انسى والدك بالدعاء أو قراءة القرآن الشي الوحيد الي اكدر أقدمه الك
شكرا دكتورنا ع الي قدمته النه🤍

ادرسوا على ابو الفضل وانتوا مطمئنين لان الشرح صراحة يجنن والله احسن أستاذ يوصل مادة الاحياء بطريقة فهمية مو حفظ وكلة على الرسم واهم شي تلتزمون ب الملاحضات الساعدية كلشش مهمة واعتمدوا نصيحةةة🤍