دكتور يمكن متصدگ قبل لايجيبون الاسئلة قريت الفاتحة للروح والدك الله يرحمة واجت الاسئلة من الدرستة وجاوبت الحمد لله أن شاء الله الله يرحمه ويغفر له ويسكنه فسيح جناته 🤲🤍

والله ماعرف شكول وشرد ❤️ ربي يوفقكم

استاذ والله الاسئله من مࢪاجعتك نصاً حتى حرت ماعرف شنو اترك ࢪبي يحفظك ويسعدك ويوفقك 🌚🤍

اول شي
الف رحمة على روح والدك
والله استاذ مستحي منك بس شسوي بعد هية صارت
صح الاسئلة اجت كلها من الملزمة مال المراجعة وقريتهن نصاً ، بس مو كلش جاوبت والخطأ مو منك استاذ
رحم الله والديك ماقصرت ويانة والله يجازيك بكلشي سويته ، الخطأ مني لان هواي اشياء ما قريتهن او نسيتهن ورحت للامتحان 😞 الحمدلله ع كل حال + ارجع واشكرك ع كل شي
وقبل ما اروح …( مثانة بولية ، حالب حوض الكلية🥲😂)

حبايبي طلاب الدور ٢ عمري انتو ،اعرف انتو كدها والدور ٢ فرصة متكررون الأخطاء وان شاء الله تعبرونها وتفرحونه شدو همتكم وركزو بقية المواد

---

"إلى أستاذي الفاضل أبو الفضل الساعدي 🌟"
جزاك الله عنا كل خير يا أستاذنا الغالي، والله إنك نِعم المعلم والمربي. أسلوبك الرائع في الشرح، وحرصك الكبير على توصيل المعلومة بكل وضوح وبساطة، خلاك قدوة حقيقية لكل من يريد أن يتعلم بصدق.

والله لو مو الشرح مالك جان المسألة الوراثية راحت عليه

،فأحب أقول لك:
"أنت فخر للعلم والتعليم، وصدقة جارية بكل حرف تنطقه."

الله يوفقك ويزيدك علمًا ونورًا، ويجعل كل جهودك في ميزان حسناتك يا تاج الراس 🌿✨

هنيالي بيكم والله ❤️ اسأل الله يوفقكم ياحبايبي

استاذ الف الحمدلله اني عرفتك بوقت الضائع وكلت صح مجنت اعرفه ومدارسة علي بس راح اكمل كولشي عليك وقريت الفصل الثالث والرابع والفصل الثاني لدرجة واني دا احل دا اتذكر حتى من تصير تشاقه وتشرح حتى النُكات والمواقف تذكرته والف الحمد لله جاوبت
واكيد مراح انسى والدك بالدعاء أو قراءة القرآن الشي الوحيد الي اكدر أقدمه الك
شكرا دكتورنا ع الي قدمته النه🤍

ادرسوا على ابو الفضل وانتوا مطمئنين لان الشرح صراحة يجنن والله احسن أستاذ يوصل مادة الاحياء بطريقة فهمية مو حفظ وكلة على الرسم واهم شي تلتزمون ب الملاحضات الساعدية كلشش مهمة واعتمدوا نصيحةةة🤍

السلام عليكم
استاذ الف الحمدلله والشكر ان شاء الله مية طالب يوتيوب مراجعة مكثفه فقط وكتاب

استاذ ابشرك اعتمد ع المراجعه وجاوبت الحمدلله

استاذ اني الكتروني يمك
تدري بالامتحان واتذكرت محاضراتك مال منهج ع المنصه

ولله استاذ تعبك هذا لو مو انت ما اوصل لهنا

السلام عليكم استاذ حبيت ابشرك انو امتحنت وجاوبت والفضل يرجع من بعد رب العالمين الك وحبيت اشكرك على المحاظرات اللي باليوتيوب اللي تجنن ولو ما انته ما اكدر اضبط الاحياء رغم جنت اعاني منه هواي💕✨

استاذ الحمدلله صح مو سهلة ومركزة بس جاوبت الي اعرفة واعتمدت ع طريقة الهكر مالتك بالمسألة ضليت ادعيلك بنص الامتحان الله يوفقك استاذ ويارب تجي درجات تفرحنة وميضيع تعبنة🥹🤍

السلام عليكم به نبدء الامور الحمدلله الي الله عرفني عليك استاذي الغالي ربي يحفظك او يبارك بيك بل القران كلمه شكر قليله ابحقك ابفضل الله ثم ابفضلك حنجيب اباذن الله درجه عاليه 🌷

مرحبا دكتور
دكتور الف رحمه على روح والدك
الحمد لله جتي اسئله سهله ومنهجيه
وحبيت اشكرك على طريقة شرحك طريقه حلوه ولطيقه

شكرًا أستاذ الاسئلة اكثرها من مراجعتكك نمبر🥇بالأحياءءء 💪🏼❤️‍🔥❤️‍🔥❤️‍🔥

مرحبا استاذي
شكراً لتعبك وشرحك ملاحظاتك الي مراحت من بالي ابداً الحمدلله جاوبت رغم صعوبتها شوي وقبل لا امتحن قريت الفاتحة لروح والدك الطاهرة
اقل شي ممكن نقدمة الك 💗