🚦 Yo‘lda xato qildingizmi? Endi darrov jarima emas, avval ogohlantirish olasiz

🏢 Qonunchilik palatasida yo‘l harakati qoidalariga oid muhim qonun loyihasi birinchi o‘qishda ma’qullandi. Bu qonun loyihasi fuqarolarni jazolash emas, tarbiyalashga yo‘naltirilgani bilan ahamiyatli.

❗️Eng katta yangilik:
Agar siz birinchi marta, ijtimoiy xavfliligi kam bo‘lgan qoidabuzarlikni sodir etsangiz — jarimaga tortilmaysiz. O‘rniga, rasmiy (elektron) ogohlantirish olasiz.

📌 O'zgartirishlar quyidagi holatlar uchun tadbiq qilinadi:

1️⃣ Transport vositalaridan foydalanish qoidalarini buzganda;
2️⃣ Transport vositasini boshqarish vaqtida haydovchilarning telefondan foydalanganda;
3️⃣ Transport vositasini boshqarish vaqtida tele-videodasturlarni tomosha qilish maqsadida monitordan (displeydan) foydalanganda;
4️⃣ Transport vositalari haydovchilarining to‘xtash yoki to‘xtab turish qoidalarini buzganda;
5️⃣ Transport vositalari egalarining fuqarolik javobgarligini majburiy sug‘urta qilish to‘g‘risidagi qonunchiligining talablarini buzganda;
6️⃣ Piyodalar va yo‘l harakati boshqa ishtirokchilarining yo‘l harakati qoidalarini buzganda.

👀 Ushbu yangilik — qonunchilikda jazodan oldin tushuntirishni, bosimdan ko‘ra ishonchni afzal ko‘rilayotganidan darak beradi.

#YangiTizim #QonunYangiTahrirda #YalpiMajlis

✈️ Bobur Ismoilov

🟦🟦🟦

"Parlament va yoshlar" anjumani – faol yoshlar va qonun ijodkorlari muloqot maydonida!

✅ "Ijtimoiy-huquqiy media markazi" NNT tashabbusi bilan "Kitob olami" markazida "Parlament va yoshlar" mavzusida ilmiy-amaliy anjuman bo‘lib o‘tgani haqda xabar bergandik.

📌Anjuman davomida:

🟢qizg‘in fikr almashinuvi;
🟢 yoshlarning tashabbuslari;
🟢 amaliy tavsiyalar jarayoni bilan kechdi.

✈️ Bobur Ismoilov

🇺🇳 Dunyoning nufuzli minbarida qadim qadriyatlar manzili – Mahalla tizimi taqdimot qilindi.

💬 @Kuranbayev_K
📹 Instagram.com/Kuranbayev_K

🇺🇳Birlashgan Millatlar Tashkilotining bosh qarorgohida "Mahalla instituti aholi bilan davlat o‘rtasida muhim ijtimoiy ko‘prik" mavzusida konferensiya o'tkazildi.

💬 @Kuranbayev_K
📹 Instagram.com/Kuranbayev_K

Pulli yo‘llar imkoniyatmi yoki to‘siq?

🔍 Bugun Oliy Majlis Qonunchilik palatasi fraksiyalarida muhokama etilayotgan “Avtomobil yo‘llari to‘g‘risida”gi yangi qonun loyihasida mamlakatimizda pulli yo‘llarni joriy etish imkoniyati nazarda tutilyapti.

📝 Loyiha doirasida ayrim yo‘llar xususiy investorlar mablag‘lari hisobidan qurilib, ulardan foydalanish belgilangan tartibda to‘lovli bo‘ladi. Bepul yo‘llar esa mavjud bo‘lib qoladi.

Loyiha rasmiy jihatdan davlat budjetini yengillashtirish, xususiy investitsiyalarni jalb etish va yo‘l infratuzilmasini zamonaviylashtirishdek muhim maqsadlarni ko‘zlashi mumkin.

⚠️ Ammo amalda qanday oqibatlarga olib kelishi mumkinligi jiddiy o‘ylab ko‘rilishi kerak. Partiyalarning fraksiya yig‘ilishlarida bildirilgan e’tirozlar, xususan o‘zimning ayrim fikrlarimga to‘xtalib o‘tmoqchiman.

1️⃣ Birinchidan, amalda “tanlov erkinligi” degan tushuncha so‘zda qolib ketmasligi zarur. Pulli yo‘l barpo etilishi fuqaro aynan shu yo‘ldan o‘tishga majbur qilinadigan holatni yaratmasligi, unga mos va sifatli bepul muqobil yo‘llar taklif etilishi lozim.

2️⃣ Ikkinchidan, pulli yo‘llar qurilishi uchun ajratiladigan yerlar, ularning marshrutlari va ustuvorliklarida shaffoflik bo‘lmasa, bu korrupsion tavakkalchiliklarga olib kelishi mumkin.

3️⃣ Uchinchidan, hozirda mavjud yo‘llarni saqlash va ta’mirlashda ko‘zga ko‘rinadigan natijalar yo‘q bo‘layotgan bir paytda yangi pulli yo‘llar sifati, xavfsizligi va adolatli to‘lov tizimiga jamoatchilik ishonchi hali to‘liq shakllanmagan.

❗️ Pulli yo‘llar joriy etilishini faqat moliyaviy raqamlar va budjet yuki orqali emas, balki fuqarolarning hayot sifati, ijtimoiy tenglik va iqtisodiy adolat nuqtayi nazaridan baholash lozim. Bunday loyihalar jamoatchilik fikri va manfaatlari bilan hamohang holda amalga oshirilishi kerak.

✈️ Bobur Ismoilov