📬 Минглаб таклиф, фикр ва мулоҳазаларни ўзида акс эттирган Конституциявий қонун лойиҳаси умумхалқ муҳокамасига қўйилди.

📄 Қонун лойиҳаси юзасидан ўз ташаббусларингизни meningkonstitutsiyam.uz электрон платформасида, 1341 қисқа рақамига қўнғироқ қилиш орқали ва Олий Мажлис Қонунчилик палатасига (Тошкент шаҳри, Бунёдкор шоҳ кўчаси, 1-уй) юборишингиз ёки бевосита келган ҳолда тақдим қилишингиз мумкин.

☝️ Азиз ватандошлар ушбу жараёнда фаол иштирок этишга чақирамиз!

Veb-sayt | Telegram | Instagram | Facebook

Байрам муборак, азиз дўстларим!

Бугун мен учун алоҳида аҳамиятга эга сана – Ўзбекистон Республикаси Ёшлар куни. Ҳар йили бу санини ўзгача кайфиятда кутиб оламан.

Ҳа, авлодлар алмашинаверади, ҳар бир авлод ўз сўзини тарихга муҳрлаб, навқирон ёшларга ўз ўрнини бўшатиб беради. Кўнглимдаги гап шуки, мен шу мантиқни сира тан олгим келмайди (🙈), ҳалиям ёшлар ташкилотида елиб-югуриб ишлаган кунларим, ажойиб жамоадошларим, биргаликда ўтказган серзавқ кунларимиз кўз ўнгимдан ўтаверади.

Ҳар бир давр ёшларнинг олдига муайян вазифа қўяди. Менинг қатъий фикримча, бугунги ёшларнинг тарихий миссияси – Учинчи ренессанснинг мустаҳкам пойдеворини қўйишдир. Бу ғоя замирида қандай буюк орзу ва мақсадимиз, ўзгариш ва янгиланишлар мужассам эканлигини изоҳлаш шарт эмас.

Энди, тан олгим келмаса ҳам ҳақиқат шуки, ёшлик билан хайрлашдик. Буёғи умрнинг авж палласи. Нималаргадир эришдим, нималаргадир улгурдим, яна нималарни қойил қилдим – буёғи билгичларга тан. Лекин, шу паллада туриб, ортимиздан келаётган ёш ва навқирон авлодга айтадиган икки оғиз сўзим бу:

– Мақсадларни катта олинг, токи вақти етиб кексалик эшик қоққанда ёшликни нималарга сарфлаганингизни ўйлаб фаромушхотир бўлманг! Безавол ҳақиқатлар, мақсадлар, ғояларга умрни сарфлашни ўрганиш бугун жудаям муҳим.

Байрам муборак, Ўзбекистон ёшлари!

👉 @odiljon_tojiyev

#ШахсийФикр #Муҳокама

Конституциявий комиссия ўз ишини юқори суръатларда олиб бораяпти, муҳокамаларда айтилаётган фикрларни диққат билан ўқиб, таҳлил қилиб чиқилаяпти.

Нимага фалон фикрга муносабат билдирмаяпсизлар, нимага бу масалага эътибор қаратмаяпсизлар, деган сўровларга икки оғиз муносабат билдирмоқчи эдим. Комиссия учун ҳар бир фуқаронинг фикри, таклифи тенг қийматга эга. Кимларнингдир мулоҳазаси айрича қадр-қиммат касб этмайди.

Муҳокама ўз номи билан муҳокама. Фикрлар қарама-қаршилиги ва жўшқин ёндашувлар бўлиши табиий ҳол, аммо ҳамма нарсада меъёр бўлиши керак. Бу ҳам мамлакат аҳолисининг жараёнларда ниҳоятда фаол эканлигини ифода қилади.

👉 @odiljon_tojiyev

#Менинг_конституциям #Муҳокама

Конституцияга ўзгартиш ва қўшимчалар киритиш бўйича қонун лойиҳаси матнининг умумхалқ муҳокамаси қизғин давом этаркан, мен ҳам ўз фикрларимни билдириб бормоқчиман.

Конституциямизнинг илк моддасига “ижтимоий давлат” тушунчаси киритилди. Бу нима дегани? Нега айнан ҳозир давлатнинг бош мақоми сирасига “ижтимоий” сўзи қўшилмоқда?

“Ижтимоий давлат” тушунчаси биринчи марта ХIХ аср ўрталарида Лоренс фон Штейн томонидан илгари сурилган. У давлат ғояси тенглик ва эркинликни тиклаш, кам таъминланган синфларни бой ва кучлилар даражасига кўтариш, давлат “барча аъзоларининг иқтисодий ва ижтимоий тараққиётини амалга ошириши, чунки бирининг ривожланиши бошқасининг ривожланишининг шарти ва натижасидир”.

Ижтимоий давлат – умумий тамойиллари (аралаш иқтисодиёт, ижтимоий муаммоларни ҳал қилишда иштирок этиш ва бошқалар) дунёнинг иқтисодий ривожланган аксарият мамлакатларида амалга оширилган модел.

Умуман, ижтимоий давлат – бу ҳар бир фуқаронинг муносиб турмуш сифати ва даражасига эришиш, ижтимоий тафовутларни юмшатиш ва муҳтожларга ёрдам бериш учун ижтимоий адолат тамойилларига мувофиқ моддий бойликларни адолатли тақсимлашга қаратилган давлат моделидир.

Ижтимоий давлатда таълим ва тиббиёт жуда катта аҳамиятга эга. Шу нуқтаи назардан қарасак, олий таълим билан қамров даражаси 9 фоиздан 40 фоизга оширилди. Олий таълим муассасалари сони 2 бараварга оширилди, 2017 йилда республикада 72 та олий таълим муассасалари фаолият кўрсатган бўлса, ҳозирда 167 тани ташкил этмоқда.

Умуман олганда, Ўзбекистонни ижтимоий давлат деб эълон қилишга асослар яратилди.

👉 @odiljon_tojiyev

#Қорақалпоғистонда_нима_бўлган_эди

Кеча барчамиз жондўст қорақалпоқ заминида рўй берган воқеалар ривожини кузатдик. Хусусан, Конституциявий комиссия аъзолари ҳам вазиятни диққат билан кузатди, тармоқда янграётган фикрларни таҳлил қилиб борди. Бир гуруҳ популистлар провакацион ҳаракатлар натижа беришидан умид қилиб, шиорбозликка берилиб, халқни кўчага чиқишга чорлади.

Таъкидлаймизки, Конституциявий комиссия томонидан тақдим қилинган қонун лойиҳаси охир-оқибат Ўзбекистон халқининг, жумладан, Қорақалпоқларнинг ҳам орзу-интилишлари ифодаси бўлади. Оммавий тартибсизлик келтириб чиқаришга уринган иғвогарлар қорақалпоқ халқининг умумий фикрини ифода қилмайди.

Ҳужжат тор доирада муҳокама қилинмаяпти, умумхалқ муҳокамаси ўтказилаяпти. Шу омилнинг ўзиёқ давлатнинг очиқлик сиёсати, ҳар бир ишда халқ фикри билан ҳисоблашишини кўрсатади. Демократия ва ошкораликни оммавий тартибсизликка айлантириш қандай оқибатларга олиб келганига ҳозир ўнлаб мисоллаб келтиришим мумкин. Лекин, шусиз ҳам ҳаммасини ҳис қилиб турибсиз, деб ўйлайман.

Комиссия ушбу ҳолатга доир расмий муносабатини беради. Ҳозир эса қисқача қилиб бир гапни айтишимиз мумкин: халқ фикрини ифода қиладиган минбарлар, муҳокама майдонлари – провакаторларнинг ресурслари эмас.
Биз бу вазиятга янада жиддий ёндашишимиз лозимлигини тобора равшанроқ тушунаяпмиз.

👉 @odiljon_tojiyev

#Live #Конституция

Олий Мажлис Қонунчилик палатасининг навбатдаги мажлиси бошланди. Унда депутатлар “Ўзбекистон Республикасининг Конституциясига ўзгартиш ва қўшимчалар киритиш тўғрисида”ги Конституциявий қонун лойиҳасининг умумхалқ муҳокамаси билан боғлиқ масалани кўриб чиқишяпти.

Тадбирни онлайн кўриш
____________________________________________

Очередное пленарное заседание Законодательной палаты Олий Мажлиса начало свою работу. В ходе заседания депутаты рассматривают вопрос, связанный с всенародным обсуждением проекта Конституционного закона «О внесении изменений и дополнений в Конституцию Республики Узбекистан».

Онлайн просмотр мероприятия 👇

👉 @odiljon_tojiyev

https://youtube.com/c/OliyMajlisQonunchilikpalatasi

#Менинг_Конституциям #Муҳокама

Олий Мажлис Қонунчилик палатасининг навбатдаги мажлиси бўлиб ўтди.

Унда депутатлар томонидан “Ўзбекистон Республикасининг Конституциясига ўзгартиш ва қўшимчалар киритиш тўғрисида”ги Конституциявий қонун лойиҳасининг умумхалқ муҳокамаси билан боғлиқ масалани кўриб чиқилди.

Йиғилишда конституциявий ислоҳотлар билан боғлиқ иккита муҳим масала кўриб чиқилди.

Мажлисда сўзга чиққанлар таъкидлаганидек, Конституциявий қонун лойиҳаси юзасидан фикр-мулоҳаза билдиришда фуқароларнинг фаоллиги ортиб бораётганлиги, келиб тушаётган таклифлар сони тобора ошаётганлиги умумхалқ муҳокамаси муддатини узайтириш заруратини юзага келтирмоқда.

Юқоридагилардан келиб чиқиб, Қонунчилик палатаси томонидан “Ўзбекистон Республикасининг Конституциясига ўзгартиш ва қўшимчалар киритиш тўғрисида”ги Конституциявий қонун лойиҳаси умумхалқ муҳокамасининг муддатини 2022 йил 15 июлгача узайтириш мақсадга мувофиқ деб топилди.

Депутатлар Ўзбекистон Республикасининг Президенти томонидан Қорақалпоғистон Республикаси Жўқорғи Кенгеси депутатлари ҳамда Қорақалпоғистон Республикаси фаоллари билан бўлиб ўтган учрашувда билдирилган таклифларни инобатга олиш зарур деб топдилар.

Яъни Ўзбекистон Республикаси Конституциясининг 70, 71, 72, 74 ва 75-моддалари ўзгаришсиз қолдирилиб, амалдаги нормаларни сақлаб қолиш мақсадга мувофиқ кўрилди.

Одилжон Тожиев,
Конституциявий комиссия Матбуот котиби

Oliy Majlis Nızamshılıq palatasınıń gezektegi májilisi bolıp ótti.

Onda deputatlar tárepinen “Ózbekstan Respublikasınıń Konstituciyasına ózgeris hám qosımshalar kirgiziw haqqında”ǵı Konstituciyalıq nızam joybarınıń ulıwmaxalıqlıq dodalawı menen baylanıslı másele kórip shıǵıldı.

Májiliste konstituciyalıq reformalar menen baylanıslı eki áhmiyetli másele kórip shıǵıldı.

Sózge shıqqanlar atap ótkenindey, Konstituciyalıq nızam joybarı boyınsha pikir bildiriwde puqaralardıń belsendiligi artıp, kelip túsip atırǵan usınıslar sanı barǵan sayın kóbeyip atırǵanlıǵı ulıwmaxalıqlıq dodalaw múddetin uzayttırıw zárúrligin júzege keltirmekte.

Joqarıdaǵılardan kelip shıǵıp, Nızamshılıq palatası tárepinen “Ózbekstan Respublikasınıń Konstituciyasına ózgeris hám qosımshalar kirgiziw haqqında”ǵı Konstituciyalıq nızam joybarı ulıwmaxalıqlıq dodalawınıń múddeti 2022-jıl 15-iyul sánesine shekem uzayttırıw haqqında qarar qabıl etildi.

Deputatlar Ózbekstan Respublikasınıń Prezidenti tárepinen Qaraqalpaqstan Respublikası Joqarǵı Keńesi deputatları hám de Qaraqalpaqstan Respublikası belsendileri menen bolıp ótken ushırasıwda bildirilgen usınısların inabatqa alıw zárúr ekeni atap ótildi.

Yaǵnıy Ózbekstan Respublikası Konstituciyasınıń 70, 71, 72, 74 hám 75-statyaları ózgerissiz qaldırılıp, ámeldegi normalardı saqlap qalıw maqsetke muwapıq dep tawıldı.

Odiljon Tojiev,
Konstituciyalıq komissiya Baspasóz xatkeri

#Сен #Менинг_конституциям
#Бирмиз #Бир_халқмиз

Юракда шундай буюк бир туйғу борки, у ҳақида баралла айтиб бўлмайди. Айтсанг, оҳори тўкиладигандек, қадри пасайгандек бўлади гўё!

Келажакка юзланиб айтгим келади:
СЕН омон бўл, кўзим қорачиғи!
СЕН боқийсан, буюклардан буюгим!
СЕН олтин остонамсан, умрим мазмунисан!
СЕН менинг Ватанимсан!

👉 @odiljon_tojiyev

#ХалқароҲаёт

Дўст синовли кунларда билинади, дейдилар. Қорақалпоғистонда нохуш воқеа рўй берганда, Ўзбекистон раҳбарияти олиб борган қатъий ва тезкор чораларни барча ҳамкорларимиз, қўшниларимиз қўллаб-қувватлашларини билдиришди.

Хусусан, Туркия Президенти жаноб Режеп Таййип Эрдоған бу вазиятда Ўзбекистон Президенти томонидан кўрилган барча чораларни қатъиян қўллаб-қуватлашини маълум қилди.

Бу – халқаро сиёсатда Ўзбекистонимизнинг обрўси, мавқеи мустаҳкам эканлиги ва мамлакатимизга нисбатан ишончли, дўстона муносабатлар шаклланганидан далолатдир.

👉 @odiljon_tojiyev

#ТинчликБўлсин #ВатанимизгаКўзТегмасин

Кейинги кунларда энг кўп дилимиздан ўтган сўз тинчлик сўзи бўлса керак. Қорақалпоғистон воқеалари, бугун Термизга келиб тушган снарядлар юракларимизда хавотир туйғусини уйғотди.

Лекин, менинг назаримда, бугун бу икки воқеадан ҳам оғирроқ, хавотирлироқ «порох тўлдирилган бочка» бор - нохолис ахборот.

Ҳа, аслида, ишламайдиган, реал ҳаётдан узоқ, мавжуд вазиятга тўғри баҳо бермайдиган қонунлар – энг катта мусибат. Бугун юзага келаётган жуда кўп муаммоларнинг илдизлари мана шу ерда, десам, ўйлайманки, фикримнинг тагзамирини яхши илғайсиз.

Янгиланадиган Конституциямиз – Ўзбекистон қонунчилиги моҳияти ва мазмунини янгилайдиган, мамлакатда мутлақ қонун устиворлиги даврини бошлаб берадиган, ўлкада ҳуқуқ фалсафасини ўзгартирадиган, мамлакатимизнинг ҳозирги умумий ижтимоий тафаккурини ўзида мужассам қиладиган олий ҳужжат бўлиши учун ишлаяпмиз. Программа максимум – шу.

👉 @odiljon_tojiyev

#Халқаро_ҳаёт #АҚШ #Нуқтаи_назар

АҚШ ва Россия бугун дунёда кучлар балансини белгилашга мойил мамлакатлар сирасига киради. Хусусан, қайсидир давлатда конфликт пайдо бўлса, сиёсий ориентр олиш учун бу икки давлат ва уларнинг тарафдорлари ўртасида ахборий кураш, позицион баҳслар бошланишини яхши биласиз.

Эътибор берган бўлсангиз, бу икки давлатнинг Қорақалпоғистон воқеаларига муносабати, нуқтаи назари деярли бир хил. Улар Ўзбекистоннинг суверенитети, ҳудудий яхлитлиги ва мустақиллигини қўллаб-қувватлашларини баён этишди. Бу – ўзбек дипломатиясининг ютуғи.

Мавзуга қайтиб, шуни айтишим мумкинки, бугунги кунда Конституциявий комиссия аъзолари ва Қонунчилик палатаси депутатлари давом этаётган умумхалқ муҳокамаси мобайнида келиб тушаётган таклифлар ва мулоҳазаларни фаоллик билан умумлаштириб, таҳлил қилиб боришмоқда. Қамровни тасаввур қилишингиз учун битта рақамни айтмоқчиман: шу кунга қадар, Конституциявий ислоҳотлар юзасидан интернетда эълон қилинган ахборот материаллари фойдаланувчилар томонидан 135 млн. мартадан ортиқ кўрилган ва 56 мингдан ортиқ изоҳлар қолдирилган.

👉 @odiljon_tojiyev

#МенингКонституциям #Муҳокама

Конституцияни такомиллаштириш бўйича таклиф ва мулоҳазаларни йўллаш давом этмоқда. Эслатиб ўтамиз, умумхалқ муҳокамаси 15 июлга қадар давом этади.

Сиз ҳам фаол бўлинг, фикрингизни баралла айтинг! Токи бош қонунимиз халқимизга тушунарли, энг муҳими халқона, инсон-жамият-давлатга хизмат қиладиган ростмана ҳужжат бўлсин.

Таклиф билдириш учун 👇

1. http://www.meningkonstitutsiyam.uz
2. 📞Қисқа рақам: 1341
3. 📩 Манзил: Ўзбекистон, 100035, Тошкент, Чилонзор тумани, Бунёдкор шох кўчаси, 1

👉 @odiljon_tojiyev

​​#Интервью #МенингКонституциям

Ўзбекистон Миллий ахборот агентлиги мухбири билан Коституциявий ислоҳотларнинг бориши юзасидан суҳбатлашдик.

Асосий мавзулар, айрим фактлар:

— Таклифлар сони ўсиши динамикасига эътибор қаратадиган бўлсак, қонун лойиҳаси ишлаб чиқилганида ҳам, унинг умумхалқ муҳокамасида ҳам халқимиз фикр, таклиф билдиришда ўз фаоллигини, юксак ҳуқуқий маданиятини намоён қилмоқда.

— Таклифлар Конституциявий қонун лойиҳасининг моддалари кесимида таснифланиб, таҳлил қилинмоқда. Келиб тушаётган таклифларнинг таҳлили шуни кўрсатмоқдаки, энг кўп таклифлар лойиҳанинг 1, 26, 40, 41, 90, 99, 100, 101 ва 102-моддалари бўйича келиб тушмоқда.

— Маълумот ўрнида айтиш керакки, таклифларни берган энг кичик ёш – 17 ёш бўлса, энг катта ёш – 95 ёшни ташкил этади. Конституциявий ислоҳотлар жараёнида жамиятимиздаги барча қатлам вакиллари Ватанимиз ва халқимиз тараққиётига бефарқ бўлмай, ўз ташаббусларини фаол равишда илгари суришаётганлиги қувонарли ҳолдир

— Ўрни келганда айтиш керак, Конституциявий комиссия аъзолари ҳамда Қонунчилик палатаси депутатлари ҳам Қорақалпоғистонда содир бўлган нохуш воқеалардан чуқур ташвишланди. Нукус шаҳрида юз берган тартиббузарликлар оқибатида ҳалок бўлган ҳамюртларимизнинг яқинларига ҳамдардлик билдирамиз.

👉 @odiljon_tojiyev

Тўлиқ ўқиш учун ҳавола қуйида: 👇
https://bit.ly/3nL7zMr

Муқаддас айёмингиз муборак бўлсин!!!

👉 @odiljon_tojiyev

#Ўзбекистон_Эрон #ПарламентларароҲамкорлик

Эрон нафақат сиёсий жабҳада, шунингдек, парламентаризм бўйича ҳам Ўзбекистоннинг муҳим ҳамкори ҳисобланади.

Бугун юртимизга келган Эрон Ислом Республикаси Исломий Кенгаш Мажлисининг раиси Муҳаммад Боқир Қолибоф бошчилигидаги делегация билан эртага муҳим мулоқот ўтказилади.

Ташриф давомида меҳмонлар Самарқанд ва Бухорода ҳам бўлишади.

👉 @odiljon_tojiyev

#Ўзбекистон_Эрон
#ПарламентларароҲамкорлик

Ўзбек ва форс халқлари ўртасидаги қон-қариндошлик, дўстона муносабатлар тарихи узоқ-узоқларга бориб тақалади.

Тарих шоҳидки, бу икки халқ ҳамиша бир дарахтнинг икки япроғи мисоли тотув, иноқ ҳаёт кечирган.

Айни пайтда мамлакатимизда бўлиб турган Эрон Исломий Кенгаш Мажлисининг раиси Муҳаммад Боқир Қолибоф бошчилигидаги делегация билан Қонунчилик палатасида ўтказилган учрашувда ҳам бу мулоҳаза такрор-такрор айтилди.

Мулоқотда Қонунчилик палатаси Спикери Нурдинжон Исмоилов парламентлараро ҳамкорлик истиқболлари борасида сўз юритди.

– Ўзаро алоқаларни янги даражага олиб чиқишга алоҳида эътибор қаратамиз. Тарихи, дини, урф-одати ва анъаналари яқин икки халқ ўртасидаги дўстлик ва ҳамкорликни мустаҳкамлашда парламентлараро ҳамкорликнинг ўрни беқиёс.

Нурдинжон Исмоилов мулоқот давомида меҳмонга Олий Мажлис Қонунчилик палатасининг қонунчилик фаолияти, норма ижодкорлиги, қўмита ва фракциялари иш услублари ҳамда парламентаризм соҳасидаги янгиликлар ҳақида сўзлаб берди.

Эрон парламенти делегациясининг юртимизга расмий ташрифи давом этмоқда.

👉 @odiljon_tojiyev

Конституциявий қонун лойиҳасининг умумхалқ муҳокамаси муддати
2022 йил 1 августгача узайтирилди

Олий Мажлис Қонунчилик палатаси қарори

👉 @odiljon_tojiyev

Хабар берганимиздек, Қонунчилик палатаси томонидан Конституциявий қонун лойиҳасининг умумхалқ муҳокамаси муддати 1 августгача узайтирилди.

Мажлисда қайд этилганидек, халқимиз қонун лойиҳасидаги нормалар бўйича таклифларни йўллашда, фаолликни намоён этишда давом этмоқда ва бу таклифларни ўрганиш, таҳлил қилиш, тегишли хулосани шакллантириш муҳокама муддатини узайтириш заруратини юзага келтирди.

Ўрни келганда айтиш керак, 20 кунлик умумхалқ муҳокамаси даврида 84 552 та таклиф келиб тушди.

Энг кўп таклифлар Конституциянинг “Маъмурий-ҳудудий ва давлат тузилиши” йўналиши бўйича 39 014 та;

Кейинги ўринда “Давлат ҳокимиятининг ташкил этилиши” йўналиши бўйича 24 427 та;

“Конституцияга ўзгартириш киритиш тартиби” йўналиши (2 767 та) ва “Инсон ва фуқароларнинг асосий ҳуқуқлари, эркинликлари ва бурчлари” йўналишидаги ( 2 641) бир қатор нормалар бўйича жами 6 мингга яқин таклифлар келиб тушди.

Қолган таклифлар ҳам “Умумий принциплар”, “Жамият ва шахс” ва “Муқаддима” даги нормаларга тегишли.

Таклифлар фуқаролар ва жамоатчилик томонидан қуйидаги воситалар орқали тақдим этилган:

“Meningkonstitutsiyam.uz” платформаси орқали – 18 650 та;
1341 колл-маркази орқали – 64 563 та;
фуқароларнинг бевосита қабули орқали – 1 090 та;
жамоавий таклифлар – 249 та.
Таклифларнинг таҳлили шуни кўрсатдики, 48 270 тасининг ташаббускори эркаклар, 31 267 таси эса аёллардир (5 015 таси аноним).


Яна бир гап. Барча таклифларни такомиллаштирилаётган Конституцияда акс эттиришнинг имкони йўқ. Аммо Бош қомусдан ўрин олмаган айрим таклифлар бошқа норматив-ҳуқуқий ҳужжатларда ўз аксини топиши мумкин.

Ҳалқимизни умумхалқ муҳокамасида янада фаол бўлиш, ўзининг фуқаролик позициясини намойишга чорлаб қоламиз!

👉 @odiljon_tojiyev

“Ҳар бир шахс ишсизликда, ногиронликда ижтимоий таъминот олиш ҳуқуқига эгалигини белгилаб қўйиш лозим…”

Гулнора Маҳкамова

👉 @odiljon_tojiyev