باچر من ترد
وتخُونك
احلامَك
ترد تفرش ندم
وافرشلَك اسهامك!
واتعبك بالعّتب
كد ما برُوحي اعتاب
كد ماخيبتنيِ
لخاطر امالكَ

خلـ ينسَاني
ما ردلـه
لو يرجع طفل
ويچلب بقمصاني
إنه المعلمة المشي
ولمن رگض عافاني
والله لوصله لمَرحله
يتمنىٰ بس يلگاني

وحسبالي مِن أبتعد
تتعنى لدياري
تترسني وينك شو مختفي ظل بالي !
كُل ضني أهمك مِن صدك
وتهمك أخباري .

متغير وناسيني
يمكن طرف ثالِث
دخل يخصُمها بينهَ وبيني
ويكول افگدك لو غبت
بس !
وكتي مايكفيني
چذاب مايحچي الصدك
والله لعظيم من احترك
يستنكف يطفيني ..

هسه احنه كلشي انتهى
لا تحچي شِي ضدي
ع الأقل بس احترم
چنت اشتريلك ورد
وفلوس ما عندي .🖤

هسه انت بررلي الجذب
مو تبتعد
فتره وترد
وتكلي والله
اشتاكيت
حتى الجكاير
تعترف لمن تضر
تنكتب جوه الباكيت .

شايف من خساراتك تصير هواي
شايف من بعد مابيك تّندم
من يوكف وراك الموت ماتندار
واعز اشيائك من تروح ماتهتم

أخِر يوم اليه وياه
و اول يوم مِن دونَه
طلَعت من الحَرب خَسران
راحة بالي و عيونَه
اخاف الكاه كلش زِين
ماأريد اسأل شلونه

بسبب ذاك البرود البيَك
علاقتنا نهيناها مثل ما اني
ناسي الصار انت اتقوة وانساها
لدزلي رسايل حاچي بيها
هواي ماعندي خلك اگعد
واقراها .

جم مره كمت زعلان من عندك؟
وأرجع محد مراضيني بس راضي
بس بعد منا وكلمن يلتهي بروحه
أنا ليا وكت شايل قلق رسام؟
عين على الي يرسمه وعين ع اللوحه 🖤

طبينا الحرب وأحدنا
يطوي الڪاع ، ومِن شفناك
واڪف ايد ماشلنا ،
جمعنا سيوفنا وردينا
مو من الخوف
چي شفناك .
واڪف بـ الحرب
ضدنا ..

لو كسرة عظُم
چان العذر مقبول
بس كاسرلي خاطر بيش ترضيني ؟
العُمر ما بيه ضمان
شلون گلُب انسان
أدري و غلطة مني انطيتك سنيني

باخر فترة
كلش طبعك تغير
وبديت انسحب منك
حتى ما اخسر
جليد انتَ
شلون تريد
اظل فوگاك ؟
وانا اسمع بگاعك
جاي تتفطر .

لمّن اسألچ بيمن انتِ تفرحين
لتعددين وگولي بس بيك انتَ
ماريد احس بنفسي ممقدّم شي
خليني احس بقيمة القدمتة
اتمنى ميقل اهتمامچ وياي
واتمنى متكونين متصنعتة
احچيلي عنّي احتاج اسمعچ مرّات
البطل هم يحتاج يسمع قصتة

هالفترة اعيش احساس ماعشتة
اول مرة احسك مو مهم انتة
هو الانتصار الصدك من حسيت
"انعدمت رغبتي بـ الشي الادمنتة" 🖤

ماعدت بعدها الصدمه باولها
وهاي الطيحه كلش ما استاهلها
لو كل "فتـرة" يتغيرون ما مصدوم
بس فجأه ولكيت تغيرت كلها

چنها هالمرة صدگ متفارگين
اليوم أودي وين كُل هذا الحنين ؟
مرة فارگتك دقايق ومن اجيت
گتلك شعطلك كُل هاي السنين

وشعجب صاير مو حلو!
و شو بهاتات عيونك؟
و عضمك مبين بالوجه
ذبلانه حيل خدودك!
هوه انت صح هيجي صرت
لو هيج صرت بعيني
نظراتك الجانت دوه
بعد ما تغريني.

اتمنه اعرف شنو اليرضيك ويفرحك
وياك احذر لان شفاف
حته الهوا يأذيك ويجرحك
غير انت مامنتبه من گتلي
صاير حلو ليهسا جاي اضحك

قرارك مو مهم عندي
بس مو حلوة تتسرع
اصفن ، سَوي روحك
بالچذب خَسران
مو هيچ بسهولة
تبيعني وترجع 🖤