صباح الخير . سوالف صباحية على الستوري عن قدراتنا الحدسية المطمورة 🥹

لتحصل على نتائج قوية مع اداة السؤال
اول و أهم نقطة هو السعي لا تتوقع انك ماتحرك شي و لا تغير اي شي و لا تفعل فعل مختلف و تحصل نتيجة مختلفة 🙄 مدامك عالق بمكانك يعني انك في شي محتاج تغيرة

ثانياً اطرحها بصدق و لا تبحث عن إجابة محددة قافل عليها براسك 😅 يعني خلي الامكانيات و الأحتمالات لا محدودة و استقبلها فقط و اسمح للمشاعر والرؤى و الادراك و الوعي بالظهور.

كررها يوميًا ، اختر سؤالًا أو اثنين لتركيز نيتك عليهما كل صباح في بداية الشهر لكن لا تتعلق بالنتيجة و شوكت تضهر ( مختصر الكلام اعتبر نفسك جالس تلعب لعبة و استمتع فيها فقط مثل الاطفال لمى يلعبون بدون توقعات و احكام فقط يلعبون 🤭
استمع إلى جسدك ، انتبه لأي أحاسيس (خفة، توسع، ارتعاش، دفء، تنهد) عند طرح السؤال، فهي مؤشرات على التحرر أو الاستقبال.
لا تتعلق بالإجابة , الاجابة لا تتعلق بيها . الغرض هو فتح المساحة والاحتمال، ليس بالضرورة الحصول على إجابة منطقية فورية فقط الثقة بأن الي تحتاجة سيظهر بطرق ربك يعرف شلون يدبرها فقط أمن و ثق بالله
اجعل اداة السؤال بطرق ايجابية كنمط يومي بحياتك بدل الاسئلة السلبية لأن لمى تسأل سؤال سلبي راح يجيك جواب سلبي مثل لمى تجي تسأل واحد ليش هيچ سمين و يجاوبك و انت شدخلك جسمي لو جسمك
اداة السؤال اداة رهيبة و سوتلي تغييرات كبيرة بحياتي لا تستخف بيها و اذا انت متابع جديد ارجع لمنشورات سابقة مليانة اسئلة و لا تنسى اللايك و التعليق 😁
#تموز #يوليو #شهر_جديد #اسئلة_الوصول_الى_الوعي #اسأل_تعط #اسئلة_فتح_الاحتمالات #تغيير #وعي #تطوير_الذات #علا_السعد #طاقة_إيجابية #أستشارات #لايف_كوتش #أكسس_بارز
https://www.instagram.com/p/DLj3d5UMqws/?igsh=MTBiM2c0M20yNzNqdg==

اسئلة بداية الشهر ☝🏻

اكتبي إجابتك بكل صراحة، حتى لو كانت موجعة. الهدف هو الوعي، مو جلد الذات
1. ما هو أكثر موقف مدحت فيه طفلي؟
هل كان فعلاً يستحق المدح؟ أم كنتِ تحاولين رفع معنوياته فقط؟
2. متى آخر مرة شجّعته على تقبّل الخسارة أو الفشل؟
وكيف كانت ردة فعلك تجاه إحباطه؟

3. هل أشرح له أهمية مشاعر الآخرين؟

متى آخر مرة قلت له: "تخيّل لو كنت مكانه؟

4. هل أعلّمه أن حبنا له لا يعني أنه فوق الخطأ؟

كيف أوصل له فكرة: "أحبك، لكن سلوكك هذا غير مقبول"؟

الجزء الثالث: نية الأسبوع

اختاري نية تربوية واحدة تلتزمين بها هذا الأسبوع. مثلاً:

سأمتنع عن المدح الفارغ، وسأركّز على مدح الجهد.
سأدع طفلي يواجه نتيجة قراره بدون إنقاذ فوري.

سأتحدث معه عن مشاعر أخوه لما ضربه أو تجاهله

راقبي تصرفات طفلك و ردود افعالك عليها و انتبهي من العلامات اعلاه

النرجسي ما ينولد نرجسي بل يتربى على النرجسية و مرات مو بس الدلال المبالغ يخلق نرجسي مرات الأهمال الزايد أيضا و راح اتحدث عنها مستقبلاً بمشنور أخر

لحجز جلسات الأستشاري الأسري و التربوي يرجى التواصل على الخاص
#تربية_الطفل #تربية #اطفال #الشخصية_النرجسية #أستشارات #استشاري_اسري #استشارات_اسريه #تطوير_الذات #لايف_كوتش #علا_السعد #صحة_نفسية #تحفيز #وعي
https://www.instagram.com/reel/DLut6d3IFEV/?igsh=dmY3NDcxN2RiNmlh

تنبيه حبايبي احنا كمدربين ما ندخل لكم خاص بدون سبب و لا نقدم عروض و اعلانات على الخاص و لا ندردش على الخاص . عن نفسي مرات ارسل للمشتركين الي دايماً يشتركون معي على الواتساب و يعرفون هم رقمي فالموضوع أمن . لكن هنا على التلكرام ما ندخل خاص عليكم الا اذا انتو راسلتوني . لأن كثير دتكرر حالات مع زملاء ينتحلون شخصيتهم و يدخلون خاص يدردشون بأمور مخلة او نصب واحتيال للأشتراك في الكورسات . قنواتي الرسمية هي المكان الوحيد الي تنزل فيه الاعلانات مع معرف الخاص في حال صار معكم تأكدو من هويته قبل لا تتفاعلون معه . انا سبق كم مرة دخلولي خاص بأسم مدربين اعرفهم و اكشفهم مباشرتاً . انتبهو و لا تحكموا على مدرب لأن غالباً هذا مو هو . ربي يبعد عنا و عنكم اولاد الحرام

لا تفوتكم الستوريات . تحدثت عن رحله التشافي و اسباب الانتكاسات و شلون نتعامل وياها

تدرون شنو الغريب؟
أكو أغاني أول ما نسمعها، نرجع للحظة معينة.
مو لحظة حلوة انما لحظة وجع.
يمكن صدمة، يمكن وداع، يمكن انهيار كنا نكتمه بصعوبة.
الأغنية مو بس لحن وكلمات
هي مثل مفتاح صغير، يفتح باب الذكرى بدون ما تستأذن.
نرجع نحس بنفس الوجع، بنفس الخوف، بنفس الارتباك.
وكأنه الزمن ما مشى، وكأننا بعدنا هناك.
بس تعرفون شنو؟
الوعي بهالشي هو أول خطوة نحرر نفسنا منه اذا اشتغلنا على تأثير الصدمة و تحررنه منها
مو نكره الأغنية…
بس نختار نعرف شنو تربطنا بيه.
هل نربطها بالضعف؟
أو نربطها بإنه إحنا عبرنا من هناك، وصرنا أقوى؟ بحيث من تسمعها بعد ما تتحررمن الصدمة ما عاد تأثر بيك، هنا اعرف انك تشافيت من الجرح
كل شي نختار شلون نعيشه حتى الذكريات

لحجز جلسات الأستشارة الخاص تواصل على الخاص
#أغاني #جرح_الاب #أستشارات_أسرية #جرح_الطفل_الداخلي #حب_الذات #تشافي #تطوير_الذات #تطوير_الشخصية #صدمات_الطفولة #صحة_نفسية #لايف_كوتشينج #ذكريات #علا_السعد #وعي #جلسات #جلسات_خاصه #معتقدات #معتقدات_خاطئة
https://www.instagram.com/reel/DL4oRC_stcd/?igsh=MTduOWJlOTRkZzJ6MA==

ما السجون التي تخلقوها لأنفسكم من خلال اختياركم لخلق المشاكل عندما لا تكون لديكم مشاكل 😁 ؟ كل ما استحضره ذلك هلا تنسفوه الأن رجاءا من نقطة نشأته و تكوينه بعدد لا يعلمه الا الله وافق بنعم لتحرر

و كم منكم قد قرر ان يحكم و يفسر قصص و احداث غير موجودة و غير حقيقة فقط ليخلق مشكلة من لاشيء لأنه اعتاد و ادمن حياة التوتر و الغضب و الألم ☺️

و كم منننننكم يرفض ان ينسى و يستمتع بتكرار دراما حياته حتى لو مر عليها تريلون سنة و الي عملوها يمكن ماتوا و انقرضوا 😂 لكن لا والله انا راح ابقى كل يوم احكي معاناتي كي ابقى عايش بسجن الالم و دور الضحية و كسب التعاطف بدل اختياركم للوعي و الامان و السلام الداخلي و استقبال الفرح و السهولة اليسر 😜

و مرات نرسم بخيالنه فكرة عن هذا الشخص و حياتنه معه و شكل العلاقة و لمى تكتشفي انه غير مهتم تنهار احلامك الي رسمتيها و يسببلك صدمة + رفض للواقع الي صار عكس خيالك ، رفض فكرة انك انرفضتي ايضا قد تعود اسبابها انك كنتِ تشعري انك مرفوضة من اهلك و ما عاد تتحملي رفض أخر ، تتعدد الاسباب و تختلف من شخص لأخر لكن الحل مو مستحيل ، الحل ببساطة انك تتعلمي تهتمي بنفسك( حب الذات ) بدل انتظار الاهتمام من مصدر خارجي يعني خلي نفكر بالمنطق انك غير مهتمة بنفسك كيف تتوقعي ان غيرك يهتم فيك 😅 فلما تفهمي كيف تهتمي بنفسك و لا اقصد هنا الخارج مثل لبس و مكياج و ملابس لا بل الاهتمام من داخل راح تلاحظي مباشرتاً اهتمام الناس فيك اختلف لأن راح تبدي تستقبلين الاهتمام ، فركزي على كل معيق يسبب عدم استقبالك للحب و الاهتمام ، اعرفي ايضا شنو الشعور او القيمة الي جالس يعطيها لك هذا الشخص و ابدي اعطياها لنفسك ،و ممكن تسألين السؤال التالي , شنو المشاعر الي تجاهله اوقضها بداخلي ؟ مثل قلة قيمة ، غير جميلة او كافية ، غير مرغوبة ؟ الخ .. و تحرري من الي طلع منك مع مختص . و ايضا اسألي لو توقفت عن انتظار قيمتي من الأخرين فما الذي سأقدمة لنفسي ؟ليش هذا الشخص مهم بالنسبة إلي؟
شنو كنت أتمنى يصير بينا؟
شنو أكثر شي جرحني؟
شنو أحس لما أفكر إنه مو مهتم؟
شنو أخاف يصير إذا نسيته؟ هاي الاسئلة تساعدچ تعرفين ذاتج و الاسباب
من الأخر ارجعلي لداخلك و عرفي الاسباب و تحرري منها و اهتمي بنفسچ راح الكون كله يهتم الچ بعدها 😁

لحجز استشاراتكم الخاصة يرجى التواصل على الخاص
#علا_السعد #تطوير_الذات #حب_الذات #اهتمام #حب #تشافي #وعي #استشارات #استشارات_اسريه #أكسس_بارز
https://www.instagram.com/reel/DMQJ4xaIfxF/?igsh=aG44N3RsZmRzdm9x

اعتقد اغلبنا تبرمجنة برمجة مو حلوة بحق رب العالمين خلانه نشوف جانب واحد بس منه ان هو المعذب و الي يحب يبتلينه حتى نثبت ايمانه لكن هل فعلاً هالافكار خلت ايمانه يزيد ؟ ام خلتنا نهرب من الايمان حتى ما نبتلى خلتنه نبعد كل البعد عن تواصلنه ويا حتى ما يشوفنه مؤمنين يبلينه فد بلوة خلونه حتى نخاف نفرح و نضحك و نتطور 😬 خلونة لمى يحمينا من شر بحياتنا نشوفة بلوة و عذاب النه مو رحمة و خلاص من شر احنا ما شايفي بس هو يشوفه، يعني بمكان ما يقربونة من الله بعدونة عنه بهاي برمجتهم

الله ما ينتقم منك لما تفرح.
الله ما يختبرك لأنك تضحك.
الله ما خلقك حتى بس يعذبك
الله يحبك، حتى وأنت تغلط.
الله يحتويك، حتى وأنت تتبعد.
مو كل “تأخير” غضب… أحيانًا هو ستر.

بس يحتاج ترجع لداخلك و تشوف شنو المغلوطات الي بداخلك عنه و ترفع وعيك و تشوف السلب من كل جوانبه و تكتشف الخير الي بي

شاركوني شنو كان بالنسبة الك مصيبه بوقتها لكن اكتشفت بعدين انها رحمة كانت الك

اذا تحس نفسك بعيد عنه فغالباً اكو برمجة بداخلك خلتك تنفر من التقرب اله حاول تكتشفها
https://www.instagram.com/reel/DMVcm1vsGrO/?igsh=NTBlMDMybjJoaDFm

لمى توصل المرحلة الي تحس حياتك ادمرت او كل الطرق مغلقة و خسرت خسارة كبيرة هي هل فعلا مرحلة دمار ام مرحلة خلق و انت غير مدرك تابع الستوريات حتى تعرف كيف تجعلها مرحلة خلق ،،👆

الاستنزاف الطاقي له عدة اسباب و هذه واحدة منها و هي الاشخاص المستنزفين

جربت هالطرق سابقاً و هم عندك مثل هالاشخاص ؟ و اذا عندك سؤال كتبة بالتعليقات
#تطوير_الذات #علا_السعد #وعي #طاقة_إيجابية #تنمية_بشرية #تعب #إرهاق #تحفيز #اسئلة_الوصول_الى_الوعي #أستشارات #ريكي #تحرر #حدود_صحية
https://www.instagram.com/reel/DMkk3qXI7Zz/?igsh=Z29rMzZsc2tsYXFz

مو لأنك كسلان و لا لأنك فاشل بس انت متعرض لموقف خذلان خلاك تخاف تحلم ، يمكن مرة و انت صغير حچيت بأحلامك و استهزئوا بك ، او جهازك العصبي خلاك تبطل تطلب شي حتى لو كان شي ترغب تملكه او احلامك و سعادتك و طموحاتك لأنك انخذلت سابقاً ، او ممكن فشلت مرة بتحقيق حلم او هدف و ما نجحت و لمت نفسك فقررت توقف تحلم حتى ما تخذل نفسك مرة ثانية . جهاز العصبي صار يگولك لا تطلب حتى ما ننصدم ، لا تطلب حتى ما تنخذل ، لا تطلب حتى ما تفشل

الحل

شوف وين و شوكت و من منو انخذلت و حرر هالصدمة الي زرعت كثير معتقدات سلبية في عقلك اللاوعي و ابدي برمج عقلك و جهازك العصبي برمجة جديدة

ممكن تطرح هالسؤال
من و متى قررت اطفي استقبالي و احلامي و طموحاتي و حقي في الطلب ؟ و هل انا مستعد الأن للتخلي عن كل مايعيق استعادتي لأحلامي و استقبالي ؟ كل ما يعيق ذلك هلا تنسفوه الأن رجاءا من نقطة نشأته و تكوينه بعدد لا يعلمه الا الله و لا تعيد خلقه مجددا ؟ وافق بنعم في التعليقات للتحرر و الاستقبال
https://www.instagram.com/reel/DMpzkMbtc5-/?igsh=MW04ZDV2c2N1ZmU5bQ==

كم منكم يخلق مشاكل في عالمه كي يتواصل ؟
https://www.instagram.com/reel/DNI-U0ZsKUA/?igsh=MWN2bXhlNjF1ZmR3MA==