العام من شهر الواحد للرابع چنت واصلة حَد من الأذى ' چنت أحتضر و أموت هواي ' ع مَدار هالفَترة مچنت أنام الله لا يچذبني يمكن ساعة و كل ١٠ دقايق أفز و آني أردد أذكار و آيات و أدعية و كُلشي حافظته ..

چنت يومية وية ما يبدأ يطلع الضوّة، أطلَع بالطرمة و أگعد أحچي بگلبي ويّة رّب العالمين اگُله يارَب انتَ أحَنّ عليّة حتى من أمي و انتَ شايف و عارف و تدري و شگد ما أحچي ع الوجع اللي دا أعيشه قليل و ما أعرف أوصفه بس انتَ تدري و آني أثق أنُ شايفني أتحمَل هالشيء، فـ ياربي مثل ما يطلع هالضوّة ع الكون كُله خلي الضوّة يطلع ع الظلمة اللي بروحي

ما مَليت و ما بَطلت و صارَت عادة، و بوقت ما تمطر أگُله يارب آني دا أحترگ و أدري ما أهوّن عليك و لا تهون روحي، بَرّد گلبي بقدرتَك مثل ما دتنزل هالمُطَر عليّة، چنت أطلَع و أتبَلل و ما أحس لا برد و لا بالمَيّ، و أستمريت، إلى أن بيوم شفت كُل دعوة إستجابها، و كُل حچاية مني سمعها، و چنت متأكدة يسمَعني بس هو يعرف الوَقت المُناسب ..

لحد هاليوم آني محچيت لأي بَشَر شنو الصار عدا القَريبات وية روحي، لأن حسيتها هَدية من رَب العالمين إلي، لدرجة آني بنَفسي بقيت مَصدومة شلون ؟ شلون هيچ فجأة شنو من أعجوبة مَرَّت عليّة، بحيث أختي بنَفسها متصدگ ..

الحاصل، هو يسمَعنا دائمًا و يكتبلنا الخير و يعرف الروح الخلقها، فـ كُل دعوة تُستجاب بس بوقتها، و رَبنا حَنيّن و يخاف علينا، و راح يجبر خاطركم بطَريقة ما تتوقعوها 🤍

🤍.

وتمسح ذكرياتك شجرةالصفصاف
خافن من ترد تشتاك للشجرة

تكون راضي بس جواتك زعله صغيره ويمكن مو صغيره وتطمن نفسك ان "ميخالف حاعديها مثل كل مره"
بس خليك متاكد ان الزعل مهما سيطر عليك بالتالي كلشي حيكون بخير ،لا تبعد الايمان بالخير عنك ،خلي يكون بگلبك زاوية تصدگ ان الجاي حيكون احن عليك وان اكو رحمة بزعلك اكبر مماتصور

بالنهاية حتلاگي الشخص الي تستقر جُمجُمة دماغك وياه ،مايستغل الصدمات الي تعرضت الها ولا عاطفة الي بگلبك، يعرف مخاوفك ومايعاملك بيهن ،ماتضطر تسأل اصدقائك شلون اعرفه يحبني،ولا تنجبر تخفي احزانك وتشوهاتك عنه ،يكون بمثابة الزاوية الي يختل بيها الطفل لما يكون حزين ...واذا ملگيته على الاقل خليك انت هل الشخص

نسمَع شِعر شوية ؟
- إي