Jamoadoshlarimiz jo'natishibdi. Qanchalik o'xshagan?

Endi shu qomatga erishish uchun harakat qilishim kerak :)

Ishga olamiz!

Do'stlar, xullas AI yo'nalishida video, foto va kreativ yaratishga alohida loyiha qilayapmiz. Hozirda bizda bu yo'nalishda kichik jamoa ishlayapti. Endi bu yo'nalishga yanada ko'proq e'tibor berib, uni mustaqil qilishni reja qilayapmiz. Siz ham shu sohaga qiziqsangiz, menga quyidagilarni jo'nating:

1. CV
2. AI orqali qilingan ijodiy ish (Video, foto va boshqalar)

Oylik: 5-10 mlngacha (tajribaga qarab kelishiladi)

Bu postni AI sohasiga qiziqadiganlarga jo'natib qo'ying.

Bir necha kundan beri biroz tobim yo‘q. Qiladigan ishim dorilarni vaqtida ichish, yotish va kino ko‘rish. Anchadan beri bunga vaqt bo‘lmayotgan edi. 

Kecha “The Physician” (Tabib) filmini maza qilib ko‘rdim. Aktyorlar mahorati, kadrlar, sahnalar, musiqa va o‘sha davrni ruhiyatini beruvchi barcha detallar ajoyib ko‘rsatilgan ekan.

Bir o‘zbekistonlik sifatida, buyuk alloma Abu Ali ibn Sino bobomizning hayotini ekran orqali ko‘rish meni rosti juda xursand qildi. To‘g‘ri bu kinoda biroz mubolag‘alar va badiiylik bor. Menimcha bu ok.

Filmda Ibn Sino rolini mashhur aktyor Ben Kingsley ijro etgan. Filmni tomosha qilar ekanman, shuni his qildimki, bundan ming yil avval Buxoro yaqinida tug‘ilgan insonning yozgan asarlari yuzlab yillar davomida Yevropa universitetlarida o‘qitilgan. 

Agar hali "The Physician" (Tabib) filmini ko‘rmagan bo‘lsangiz, albatta tomosha qiling.

YC uchun ariza topshirishni boshladim.

Hamkorlikdagi ulush (equity) taqsimoti va hamkorlar o‘rtasidagi munosabatlar haqida ajoyib video. Asosiy g'oyalarni yozib chiqaman:

Ulushda saxiy bo‘lish

Dastlabki, eng og‘ir yillarda jamoani motivatsiya qilish muhim. Adolatli va saxiy ulush taqsimoti jamoaning sadoqatini oshiradi va sog‘lom madaniyat yaratadi.

Vesting va Cliff tizimini qo‘llash

Standart shakl: 4 yillik vesting, 1 yillik cliff bilan. Bu tizim kompaniyani erta tark etganlardan himoya qiladi. Har kim ulushini o‘z hissasi bilan topishi kerak faqat ishtirok etishni o'zi yetarli emas.

Faqat muhim hamkorlarni tanlash

Faqat MVP (minimum viable product) ni yaratish uchun zarur odamlarni qo‘shing. Juda ko‘p hamkor bo'lishi murakkab muhit va nizolarni keltirib chiqaradi. “Co-founder” unvoni osonlikcha berilmasligi kerak.

O‘tgan ishni emas, kelajakdagi hissani mukofotlash

Ulush kelajakdagi ishga motivatsiya berishi kerak, o‘tgan mehnatni emas. CEO sust ishlayotgan hamkorlarga nisbatan chora ko‘ra olishi zarur.

Hamkorlikdan chiqish (breakup) qoidalari

Agar hamkor 1 yillik cliffga yetmasdan ketadigan bo‘lsa → odatda 2–5% ulush oladi. Kutilmagan vaziyatlar uchun ulushni saqlash va kengashdagi rol borasida aniq qoidalar belgilang.

Keng tarqalgan xatolar:

- Fikr (idea) ni ijrodan (execution) ortiq qadrlamang.
- Tajriba yoki maosh asosida tengsiz taqsimot xato bo‘lishi mumkin.
- Qisqa muddatli adolat emas, uzoq muddatli barqarorlikni o‘ylang.
- Vaqtinchalik (part-time) hamkorlarga yo‘q deyish kerak
- Part-time hamkorlar odatda muvaffaqiyatli startaplar qurmaydi.
- “Natijaga qarab ulush berish” (performance-based equity) yaxshi eshitiladi, lekin startaplardagi maqsadlar juda o‘zgaruvchan.

Qizim hafta oxiri intiqlik bilan kutadi. Ikkimiz bozorga boramiz, oʻyinchoq, qatiq va sirok olamiz. Uyga qaytib, Dev va qizaloq, Nonni bosgan qizaloq, Qunduz amaki va boshqa klassik multiklarni tomosha qilamiz. U multfilmlardagi gʻoyalar ajoyib, ranglar koʻzni charchatmaydi, tezlik ham yuqori emas.

Shovqin joylar, bolalar maydonchasida yurishdan koʻra uyda hotirjam oʻynab oʻtirishni afzal koʻrayapti. Bu esa menga juda maqul. Endi otasini qizi boʻlayapti. Qatiq ichib, hotirjam, hech qayerga shoshmasdan, uyda yonboshlab dam olish kunini oʻtkazish = baxt. Bu ham bir ajoyib davr menimcha.

Bu yerda juda qiziq ishlar boshlanibdi. Albatta kirib koʻring va qatnashing.

Biror bilmni oʻqish - tahsinga sazovor ish. Oʻqigan narsasini tahlil qilish insonni olim qilishi mumkin. Oʻqib, tahlil qilib yana uni hayotga tadbiq qilish muvaffaqiyat garovi boʻlsa kerak.

Bunday zoʻr tashabbusdan qolib ketmang.

Sizning oruzyingiz nima?

Sal kam 1 oydirki “Ko’rinmas dunyo” nomli badiiy-publistik filmimizni bitirdik.

Montaj jarayoni juda ko’p vaqt oldi. Oldin bunday narsalarni montaj qilmaganim uchun, aynan nimadan boshlash kerakligini tushunib yetish qiyin bo’ldi.

Boshlab olish har doyim qiyin bo’lgan, lekin start olgandan so’ng toxtatish qiyin bo’ladi.

Oyni oxiriga borib yana bir asarga film olamiz!

Zerikish foydali!

Bizni chag'itadigan shunchalik ko'p narsa borki biz zerikmay qo'ydik. Bugun qiziq bir videoni ko'rib qoldim. Artur Bruks qiziq fikrni aytayapti, zerikish hayotda ma’no topish, tushkunlik va xavotir hissini yengishda muhim omil hisoblanar ekan.

Bundan tashqari zerikish ruhiy salomatlik uchun zarur, chunki u chuqur fikrlash va o‘zini tahlil qilishga undaydi, bu esa hayotga ko‘proq ma’no bag‘ishlaydi. Zerikish miyani o'ylashga, hayot mazmuni haqida fikrlashga majbur qiladi, bu esa juda noqulay shuning uchun biz bundan qochamiz.

Bugungi kunda, ayniqsa smartfonlar tufayli, odamlar doimiy chalg‘ituvchi omillar ta’sirida qolib, bu muhim savollar ustida fikr yuritishdan uzoqlashmoqda. Kundalik zerikarli mashg‘ulotlar vaqtida, qurilmalaridan kamroq foydalanishga undaydi. Bu ijodkorlikni oshiradi va umumiy baxt hissini kuchaytiradi.

Bugun telefonimni odatdagigan kam ishlatdim. Ko'proq o'ylashga, reja qilishga, kitob o'qishga va zerikishga urundim. Man endi kechasi bilan uyqu yo'q. O'ylashni to'xtata olmayapman 🙂 Xullas do'stlar ora-orada zerikib turish foydali ekan.

Bugun soat 18:30 da Yoshlar Ijod Saroyida Oʻzbek tili bayramiga bagʻishlangan katta bayram dasturi boʻladi. Mutolaadagi yangiliklar boʻyicha ajoyib taqdimot boʻladi. Hammani taklif qilamiz!

Yusuf (In Chi Jang) oʻzbekchani juda yaxshi oʻrganib olibdi.

“Bugun siz bilan gaplashgan Mutolaa ilovasidan foydalangan xitoylik talaba Yusuf(In Chi Jang)man” deb telegramdan ham xabarlarni joʻnatib qoʻydilar doʻstimiz.

Qoyil qolmay ilojim yoʻq.