#21_октябрь #Ўзбек_тили

✅ Тил – халқнинг руҳи, унинг тарихий хотираси ва маънавий меросини ифодаловчи энг муҳим воситасидир

▫️ Тошкент ислом институтида 21 октябрь – Ўзбек тилига давлат тили мақоми берилган кун муносабати билан “Ўзбек тили – миллат ифтихори ва давлат мустақиллигининг руҳий пойдевори” мавзусида маънавий-маърифий давра суҳбати бўлиб ўтди. Тадбирда “Ижтимоий фанлар” кафедраси нутқ маданияти ўқитувчиси А.Исмоилов, Ёшлар билан ишлаш, маънавият ва маърифат бўлими бошлиғи Ш.Бадиев ҳамда талабалар иштирок этди.

▪️ Давра суҳбатида она тилининг инсон тафаккури ва маънавий оламини шакллантиришдаги ўрни, уни тўғри ва чиройли қўллашнинг муҳимлиги, устоз-шогирд анъаналари, тил ва маънавият ўртасидаги узвий боғлиқлик, ҳамда бадиий адабиёт ўқишнинг нутқ маданиятини ривожлантиришдаги ўрни ҳақида атрофлича сўз юритилди.

▫️ Тадбир давомида ўзбек тилининг бой имкониятларини чуқур ўрганиш, ёшлар орасида нутқ маданиятини юксалтириш ҳамда бадиий адабиётга бўлган қизиқишни ошириш борасида бир қатор таклиф ва мулоҳазалар билдирилди.

Батафсил: https://oliymahad.uz/45613

😎 www.tg-me.com/oliymahad – диний-маърифий канал!

🕸 Oliymahad.uz 😎 Youtube 😎 Facebook 😎 Instagram

#xabar #musobaqa
📢“Муфтий соврини – 2025” мусобақаси мутлақ ғолиби – Қорақалпоғистон жамоаси!

🗣Ваниҳоят кутилган финал ўйини бўлиб ўтди. “Муфтий соврини – 2025” мини-футбол мусобақаси якуний учрашувида Наманган вакиллиги ва Қорақалпоғистон мусулмонлари қозиёти жамоалари ўзаро беллашди. Иккала жамоа ҳам ушбу мусобақага жиддий тайёргарлик кўриб келишгани яққол намоён бўлди. Боиси уларнинг саралашлардан муваффақиятли ўтиб, юқори босқичгача етиб келгани ҳам бежис эмас.  

🎤Финал ўйинини таниқли футбол шарҳловчилари Мирзаҳаким Тўхтамирзаев ва Ориф Толипов шарҳлаб борди.

🎉Мусобақа якунига кўра:

⏺1-ўрин: Қорақалпоғистон мусулмонлари қозиёти жамоаси;
⏺2-ўрин: Наманган вакиллиги жамоаси;
⏺3-ўрин: Самарқанд вакиллиги жамоасига насиб этди.

🗣Муросасиз кечган ўйинни футбол шайдолари олқишлар ила кузатиб боришди. Асосий вақтда жамоалар 4:4 ҳисобида дуранг қайд этишди. Ғолиб жамоа пеналтилар серияси орқали аниқланди. Унда Қорақалпоғистон мусулмонлари қозиёти жамоаси 4:2 ҳисобда мустлақ чемпион бўлишди. 

🏆Мусобақадан сўнг тақдирлаш маросими бўлиб ўтди. Унда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, Дин ишлари бўйича қўмита раиси Содиқжон Тошбоев, Ўзбекистон футбол ассоциацияси биринчи вице-президенти Равшан Эрматов, Ўзбекистон миллий терма жамоаси ёрдамчи мураббийи Темур Кападзе, футбол афсонаси Миржалол Қосимов ва бир гуруҳ мутасаддилар бош кубокни финал ўйини ғолиби Қорақалпоғистон жамоасига тантанали тарзда топширди.

💻 Шунингдек, ғолиб жамоа аъзоларининг ҳар бирига биринчи ўрин медали ва ноутбук тақдим этилди.

🖥 Наманган жамоасига эса иккинчи ўрин медали ва замонавий телевизор, Самарқанд жамоасига учинчи ўрин медали ва планшет топширилди.

⚽️ Ҳакамлар, “Энг яхши дарвозабон”, “Энг кўп тўпурар”, “Энг яхши ўйинчи” номинацияларига сазовор бўлган ўйинчиларга ҳам қимматбаҳо совғалар топширилди. Шунингдек, барча ўрин соҳибларига пул мукофотлари ва эсдалик совғалари ҳам тақдим этилди.  

✅ Ўзбекистон мусулмонлари идораси
Матбуот хизмати

😄 MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook