#Давра_суҳбати #Ислоҳотлар

📚 Тошкент ислом институтида давра суҳбати бўлиб ўтди

🕋 “Ўзбекистонда дин соҳасидаги ислоҳотларнинг янги босқичи” мавзусидаги давра суҳбати Имом Бухорий номидаги Тошкент ислом институтида ташкил этилди.

💬 Тадбирда Дин ишлари бўйича қўмитанинг Диний-маърифий ташкилотлар ва илмий марказлар фаолиятини мувофиқлаштириш бошқармаси бошлиғи Муҳиддин Ҳакимов, институт проректори Ёқуб домла Бухарбаев, Ёшлар билан ишлаш, маънавият ва маърифат бўлими бошлиғи Баҳриддин Парпиев ҳамда модул таълим шакли талабалари иштирок этдилар.

🕌 Суҳбатда мамлакатимизда дин соҳасида амалга оширилаётган ислоҳотлар, давлат ва дин муносабатларининг янги босқичдаги йўналишлари, шунингдек диний-маърифий соҳадаги устувор вазифалар ҳақида атрофлича маълумот берилди.

🎓 Суҳбат якунида талабалар ўзларини қизиқтирган саволлар билан мурожаат қилиб, мутахассислардан батафсил жавоб олдилар.

📖 www.tg-me.com/oliymahad – диний-маърифий тармоқ
Oliymahad.uz|Facebook|Instagram|YouTube

#Саёҳат #Ўзбек_тили

📅 “Ўзбек тилига давлат тили мақоми берилган кун” муносабати билан маънавий саёҳат ташкил этилди 🇺🇿

📍 Имом Бухорий номидаги Тошкент ислом институтида
“Ўзбек тилига давлат тили мақоми берилган кун” муносабати билан
“Адиблар хиёбони – маънавий бунёдкорлик рамзи” шиори остида маънавий саёҳат ташкил этилди. ✨

🎓 Тадбир доирасида Ёшлар билан ишлаш, маънавият ва маърифат бўлими ходими Рахматулло Олтинбоев ҳамда институт талабалари Ўзбекистон Ёзувчилар уюшмаси ва Адиблар хиёбонига ташриф буюрдилар.

📚 Улар ўзбек адабиёти тарихида муҳим ўрин тутган буюк адибларнинг ёдгорлик мажмуалари билан танишиб, уларнинг ҳаёти, ижоди ва миллий адабиёт тараққиётига қўшган ҳиссаси ҳақида батафсил маълумот олдилар.

🏛 Ташриф чоғида иштирокчилар Ўзбекистон Ёзувчилар уюшмаси фаолияти, ёш ижодкорларни қўллаб-қувватлаш, миллий адабий меросни тарғиб этиш ва замонавий адабиёт ривожига қўшилаётган ҳисса билан яқиндан танишдилар.

💬 Саёҳат давомида таъкидланишича, ўзбек тили – миллий ўзлигимизни ифодаловчи бебаҳо бойлик бўлиб, уни эъзозлаш ва келажак авлодга соф ҳолда етказиш – ҳар биримизнинг муқаддас бурчимиздир. 🇺🇿

🌿 Мазкур маънавий саёҳат талабалар қалбида она тилига муҳаббат, адабиёт ва маданиятимизга ҳурмат туйғуларини мустаҳкамлашга хизмат қилди. 💫

📖 www.tg-me.com/oliymahad – диний-маърифий тармоқ
Oliymahad.uz|Facebook|Instagram|YouTube