Қашқадарё вилоят судининг фуқаролик ишлари бўйича судлов ҳайъати ташаббуси билан Қарши давлат университетида “Судья ва ёшлар” мавзусида учрашув бўлиб ўтди.
Тадбирни Қашқадарё вилоят судининг раиси Абдуқаюм Маҳкамов очиб, ёшлар ва хотин-қизларга яратилаётган кенг имкониятлар, уларнинг жамиятдаги фаоллигини ошириш, таълим ва касбий кўникмаларини мустаҳкамлаш, тадбиркорлик ташаббусларини қўллаб-қувватлаш борасида амалга оширилаётган ислоҳотлар ҳақида сўз юритди. Шунингдек, Президентимиз раҳнамолигида хотин-қизлар муаммоларини тизимли ўрганиш ва ҳал этиш, уларнинг ҳуқуқ ва манфаатларини ҳимоя қилиш бўйича қабул қилинган фармон ҳамда қарорларнинг аҳамиятини таъкидлади.
Шундан сўнг Қашқадарё вилоят суди раисининг ўринбосари – фуқаролик ишлари бўйича судлов ҳайъати раиси Камол Намозов маъруза билан чиқди. У 2024 ва 2025 йиллар давомида вилоят фуқаролик ишлари бўйича судлари томонидан кўриб чиқилган оилавий низолар статистикасини тақдим этди. Хусусан, 2024 йилда 9 991 та, 2025 йилнинг 9 ойи давомида эса 9 162 та иш кўриб чиқилгани маълум қилинди. Улардан тегишли ҳужжатлар етарли бўлмагани сабабли 2024 йилда 259 та, жорий йилнинг 9 ойида 256 та иш рад этилгани қайд этилди. Шу муносабат билан судья келгусида бундай ҳолатларнинг олдини олиш учун никоҳ шартномасини ихтиёрий тузиш ҳуқуқий маданиятни оширишга хизмат қилишини таъкидлади.
Учрашувда иштирок этган судьялар томонидан Оила кодексида белгиланган никоҳланувчи шахслар ҳамда эр-хотиннинг ҳуқуқ ва мажбуриятлари батафсил тушунтирилди.
Очиқ ва самимий мулоқот руҳида ўтган тадбирда талабалар ўзларини қизиқтирган саволларга атрофлича жавоб олди. Учрашув якунида судьялар томонидан никоҳ шартномаси тузиш бўйича тайёрланган ахборот буклетлари бўлажак оила соҳибларига тақдим этилди.
Сайт I Telegram I Facebook I YouTube I Instagram
Тадбирни Қашқадарё вилоят судининг раиси Абдуқаюм Маҳкамов очиб, ёшлар ва хотин-қизларга яратилаётган кенг имкониятлар, уларнинг жамиятдаги фаоллигини ошириш, таълим ва касбий кўникмаларини мустаҳкамлаш, тадбиркорлик ташаббусларини қўллаб-қувватлаш борасида амалга оширилаётган ислоҳотлар ҳақида сўз юритди. Шунингдек, Президентимиз раҳнамолигида хотин-қизлар муаммоларини тизимли ўрганиш ва ҳал этиш, уларнинг ҳуқуқ ва манфаатларини ҳимоя қилиш бўйича қабул қилинган фармон ҳамда қарорларнинг аҳамиятини таъкидлади.
Шундан сўнг Қашқадарё вилоят суди раисининг ўринбосари – фуқаролик ишлари бўйича судлов ҳайъати раиси Камол Намозов маъруза билан чиқди. У 2024 ва 2025 йиллар давомида вилоят фуқаролик ишлари бўйича судлари томонидан кўриб чиқилган оилавий низолар статистикасини тақдим этди. Хусусан, 2024 йилда 9 991 та, 2025 йилнинг 9 ойи давомида эса 9 162 та иш кўриб чиқилгани маълум қилинди. Улардан тегишли ҳужжатлар етарли бўлмагани сабабли 2024 йилда 259 та, жорий йилнинг 9 ойида 256 та иш рад этилгани қайд этилди. Шу муносабат билан судья келгусида бундай ҳолатларнинг олдини олиш учун никоҳ шартномасини ихтиёрий тузиш ҳуқуқий маданиятни оширишга хизмат қилишини таъкидлади.
Учрашувда иштирок этган судьялар томонидан Оила кодексида белгиланган никоҳланувчи шахслар ҳамда эр-хотиннинг ҳуқуқ ва мажбуриятлари батафсил тушунтирилди.
Очиқ ва самимий мулоқот руҳида ўтган тадбирда талабалар ўзларини қизиқтирган саволларга атрофлича жавоб олди. Учрашув якунида судьялар томонидан никоҳ шартномаси тузиш бўйича тайёрланган ахборот буклетлари бўлажак оила соҳибларига тақдим этилди.
Сайт I Telegram I Facebook I YouTube I Instagram
Нукус туманлараро иқтисодий судининг раиси С. Ниязов, жиноят ишлари бўйича Нукус шаҳар судининг раиси Ш. Шамамбетов ҳамда фуқаролик ишлари бўйича Нукус туманлараро судининг раиси М. Сапаев Нукус шаҳридаги “Жаңа заман”, “Бес тобе”, “Жийдели байсин” ва “Жайҳун” маҳаллаларида фуқаролар билан учрашув ўтказишди.
Учрашувлар давомида фуқаролар ўзларини қийнаб келаётган турли масалалар — ер ва уй-жой билан боғлиқ низолар, мерос, қарздорлик ва бошқа ҳуқуқий муаммолар юзасидан мурожаатлар билан чиқдилар. Суд раислари ҳар бир масалани алоҳида тинглаб, фуқароларга аниқ ҳуқуқий ечимлар ва амалий тавсиялар беришди.
— Бундай очиқ мулоқотлар фуқароларнинг суд тизимига бўлган ишончини мустаҳкамлайди. Энг муҳими, одамлар ўз муаммосига қонун доирасида ечим топиш мумкинлигини англаб етади, — деди Нукус туманлараро иқтисодий судининг раиси С. Ниязов.
Шунингдек, тадбирларда қонунчиликдаги сўнгги янгиликлар ҳақида ҳам атрофлича маълумот берилди. Жумладан, 2025 йил 26 сентябрда қабул қилинган “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонуннинг мазмун-моҳиятига тўхталиб ўтилди.
Мазкур қонун орқали фуқароларнинг ҳуқуқ ва манфаатларини ҳимоя қилишни кучайтириш, жиноятчиликнинг олдини олиш ҳамда қонун устуворлигини таъминлашга қаратилган муҳим ўзгартишлар амалга оширилгани таъкидланди. Шу билан бирга, экология ва атроф-муҳитни муҳофаза қилиш соҳасидаги ҳуқуқбузарликларнинг олдини олиш, оилавий (маиший) зўравонликка қарши курашиш ҳамда бу каби ҳолатларда жабрланувчиларни ҳимоя қилиш масалаларига алоҳида эътибор қаратилди.
— Оиладаги зўравонлик жамият барқарорлигига таҳдид солади. Шу боис, ҳар бир фуқаро ҳуқуқини билиши ва қонун асосида ўзини ҳимоя қила олиши лозим, — деди жиноят ишлари бўйича Нукус шаҳар судининг раиси Ш. Шамамбетов.
Фуқаролар бундай учрашувларнинг аҳамиятини юқори баҳолаб, суд тизими вакилларига ўз миннатдорликларини изҳор этишди.
Сайт I Telegram I Facebook I YouTube I Instagram
Учрашувлар давомида фуқаролар ўзларини қийнаб келаётган турли масалалар — ер ва уй-жой билан боғлиқ низолар, мерос, қарздорлик ва бошқа ҳуқуқий муаммолар юзасидан мурожаатлар билан чиқдилар. Суд раислари ҳар бир масалани алоҳида тинглаб, фуқароларга аниқ ҳуқуқий ечимлар ва амалий тавсиялар беришди.
— Бундай очиқ мулоқотлар фуқароларнинг суд тизимига бўлган ишончини мустаҳкамлайди. Энг муҳими, одамлар ўз муаммосига қонун доирасида ечим топиш мумкинлигини англаб етади, — деди Нукус туманлараро иқтисодий судининг раиси С. Ниязов.
Шунингдек, тадбирларда қонунчиликдаги сўнгги янгиликлар ҳақида ҳам атрофлича маълумот берилди. Жумладан, 2025 йил 26 сентябрда қабул қилинган “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонуннинг мазмун-моҳиятига тўхталиб ўтилди.
Мазкур қонун орқали фуқароларнинг ҳуқуқ ва манфаатларини ҳимоя қилишни кучайтириш, жиноятчиликнинг олдини олиш ҳамда қонун устуворлигини таъминлашга қаратилган муҳим ўзгартишлар амалга оширилгани таъкидланди. Шу билан бирга, экология ва атроф-муҳитни муҳофаза қилиш соҳасидаги ҳуқуқбузарликларнинг олдини олиш, оилавий (маиший) зўравонликка қарши курашиш ҳамда бу каби ҳолатларда жабрланувчиларни ҳимоя қилиш масалаларига алоҳида эътибор қаратилди.
— Оиладаги зўравонлик жамият барқарорлигига таҳдид солади. Шу боис, ҳар бир фуқаро ҳуқуқини билиши ва қонун асосида ўзини ҳимоя қила олиши лозим, — деди жиноят ишлари бўйича Нукус шаҳар судининг раиси Ш. Шамамбетов.
Фуқаролар бундай учрашувларнинг аҳамиятини юқори баҳолаб, суд тизими вакилларига ўз миннатдорликларини изҳор этишди.
Сайт I Telegram I Facebook I YouTube I Instagram
Бугун Олий судда жиноят ишлари бўйича ҳамда тергов судьялари, ички ишлар ва прокуратура органлари вакиллари, суриштирув, дастлабки тергов ходимлари ҳамда экспертлар иштирокида видеоконференцалоқа воситасида семинар-машғулоти ўтказилди.
Олий суд раисининг биринчи ўринбосари А. Усманов бошчилигида ўтказилган семинар-машғулотида суд-тергов фаолияти билан боғлиқ қатор долзарб масалалар муҳокама қилинди.
Тадбир иштирокчиларининг диққат-эътибори Олий суд Раёсатининг “Судлар томонидан айбга иқрорлик тўғрисидаги келишув институтининг қўлланилиши билан боғлиқ суд амалиётини умумлаштириш натижалари ҳақида”, “Судлар томонидан шаҳвоний шилқимлик ва оилавий зўравонлик билан боғлиқ кўрилган ишлар юзасидан суд амалиётини умумлаштириш натижалари ҳақида” ҳамда “Судлар томонидан экология ва атроф-муҳитни муҳофаза қилиш соҳасида кўрилган ишлар юзасидан суд амалиётини умумлаштириш натижалари ҳақида”ги қарорларида белгиланган вазифалар ижросига қаратилди.
Шунингдек, семинар-машғулотида суд экспертлари ҳамда экспертиза тайинлаш ваколатига эга бўлган мансабдор шахслар (судьялар)га идоралараро электрон ахборот тизимлари орқали маълумотларни электрон алмашиш тартиби билан боғлиқ масалалар ҳам атрофлича муҳокама этилди.
Кун тартибидан ўрин олган қамоққа олиш тарзидаги эҳтиёт чорасини қўллаш амалиёти таҳлили ҳам муҳокамалар остида ўтди.
Семинар-машғулоти давомида маъмурий ҳуқуқбузарлик ҳолатида жиноят аломатлари борлиги ҳақидаги хулоса билан материалларни прокурорга топширишга оид ягона суд амалиёти таҳлил қилиниб, қонунчиликка таклифлар билдирилди.
Бундан ташқари, иштирокчилар Жиноят-процессуал кодексининг 416 (судланувчини янги айблов бўйича жиноий жавобгарликка тортиш учун асослар аниқланганда суднинг ҳаракатлари) – 417 (жиноий жавобгарликка тортилмаган шахс томонидан жиноят содир этилганлигини кўрсатувчи ҳолатлар аниқланганда суднинг ҳаракатлари) моддалари тартибида ажрим чиқариш билан боғлиқ суд амалиётида йўл қўйилаётган хато-камчиликларни бартараф этиш ҳамда қонунчиликка таклифлар бериш масаласини кўриб чиқдилар.
Сайт I Telegram I Facebook I YouTube I Instagram
Олий суд раисининг биринчи ўринбосари А. Усманов бошчилигида ўтказилган семинар-машғулотида суд-тергов фаолияти билан боғлиқ қатор долзарб масалалар муҳокама қилинди.
Тадбир иштирокчиларининг диққат-эътибори Олий суд Раёсатининг “Судлар томонидан айбга иқрорлик тўғрисидаги келишув институтининг қўлланилиши билан боғлиқ суд амалиётини умумлаштириш натижалари ҳақида”, “Судлар томонидан шаҳвоний шилқимлик ва оилавий зўравонлик билан боғлиқ кўрилган ишлар юзасидан суд амалиётини умумлаштириш натижалари ҳақида” ҳамда “Судлар томонидан экология ва атроф-муҳитни муҳофаза қилиш соҳасида кўрилган ишлар юзасидан суд амалиётини умумлаштириш натижалари ҳақида”ги қарорларида белгиланган вазифалар ижросига қаратилди.
Шунингдек, семинар-машғулотида суд экспертлари ҳамда экспертиза тайинлаш ваколатига эга бўлган мансабдор шахслар (судьялар)га идоралараро электрон ахборот тизимлари орқали маълумотларни электрон алмашиш тартиби билан боғлиқ масалалар ҳам атрофлича муҳокама этилди.
Кун тартибидан ўрин олган қамоққа олиш тарзидаги эҳтиёт чорасини қўллаш амалиёти таҳлили ҳам муҳокамалар остида ўтди.
Семинар-машғулоти давомида маъмурий ҳуқуқбузарлик ҳолатида жиноят аломатлари борлиги ҳақидаги хулоса билан материалларни прокурорга топширишга оид ягона суд амалиёти таҳлил қилиниб, қонунчиликка таклифлар билдирилди.
Бундан ташқари, иштирокчилар Жиноят-процессуал кодексининг 416 (судланувчини янги айблов бўйича жиноий жавобгарликка тортиш учун асослар аниқланганда суднинг ҳаракатлари) – 417 (жиноий жавобгарликка тортилмаган шахс томонидан жиноят содир этилганлигини кўрсатувчи ҳолатлар аниқланганда суднинг ҳаракатлари) моддалари тартибида ажрим чиқариш билан боғлиқ суд амалиётида йўл қўйилаётган хато-камчиликларни бартараф этиш ҳамда қонунчиликка таклифлар бериш масаласини кўриб чиқдилар.
Сайт I Telegram I Facebook I YouTube I Instagram