أزهار ـ هسه أجييت باوع عـــلىٰ التلفون گبل كلبته لن جان مفتوح عـــلىٰ سجل المكالمات خله وطلع شلت جنطتي واغراضي ونزلت متوتره وعصام يفتر عنده صفاره انذار من صباحيات الله

عصام ـ فضيناااا عاااد

أزهار ـ اي مشه كدامي عزا هو يوصلني فتح الباب وخنزر بوجه هشام مشيت وصعدت ورا هشام جان عصام يگلب عينه عليه كمت نزلت صعدت من ذيج الصفحه وهو سلم عليه من ورا خشمه عبالك گاتل اهله

عصام ـ شعندك من الصباحيات الله واكف بالباب

هشام ـ شــــــــــنو شعندي غير انتظر اختك

ـ احجي عدل

ـ ما حاجي شيء اني، اشتغل خط وطالع عـــلىٰ رزقي مو بس هي وراي موظفين غيرها

ـ وشگو تجي علينا بالاول اخذ الموظفين الوياها وبعدين تعال

أزهار ـ ما جاوبه شغل ومشه سريع بس حسيت عصام انفجرر وراي والله ما راح يعديها اليه عـــلىٰ خير من ارجع الكاه ناصبلي حفله ويهلهل عليه، باوعت على هشام ساگت حبيبي خوما ضجت

هشام ـ لا عادي ليش اضوج

ازهار ـ أني صوجي تأخرت عليك

ـ ما صار شيء عيني لاتخلينها أبالج

ـ يسوق وأني عيوني عليه شگله رجولي وشخصيته ملفته لنظر بـ طيبة گلبه بتصرفاته وهدوءه وتعامله ويه الناس لطف أخلاقه عقله الرزن حبه وحنيته وخوفه عليه گلشي بي خلاني احبه وأتعلق بي بوقت قصير خلال شهرين وهالفتره عرض عليه الزواج يعني لو نيته مو شريفه جان طولنا بالعلاقه فززني من صفنتي

هشام ـ وين بالج حبيبي

ازهار ـ بالي يمك

ـ فدوه لهل العيون لاتنزلين عيونج خليهن اتمعن شوف بيهن مو عيون خشف سابيات گلبي سبي .

ـ نزلت رأسي مستحيه غركني بهدومي بغزله وحنيته وطبك السياره واخذنا احمد ورقيه ووتوجهنا الدائره نفس الروتين وأني كاعده أشتغل اجت وحده ويانا اسمها انفال هاا انفال محتاجه شيء

أنفال ـ اي والله اريد اخابر على امي بالي يمها عفتها مريضه ومالي واهس أشتغل واريد اخابرها ورصيد ما عندي وما على احد غيرج من البنات

ازهار ـ أي يمعوده صدك جذب هسه اخابرلج واحولج كارت والف سلامه ما بيها غير العافيه

ـ تسلمين حبيبتي لا لا تحولين كارت مو حاجه اني اشد كارت بس هسه شغل وملتهيه تعرفين ف كلت اخابرها بس وبلكي تنطيني تلفونج دقايق بس اطمئن عليها وارجعه الج

ـ لا شسالفه حبيبي خل اشوفلج اذا عندي رصيد احولج علمود تحجين وياها براحتج

ـ لا حبابه دتخجليني بكرمج بس اخابرها وهاي هيه

ـ تمام على راحتج فتحت الرمز وانطيته الها هاج گلبي اخذته

ـ تسلمين حبيبتي ما تقصرين هسه ارجعه الج

ـ اخذته وراحت عيني عليها بس اجه موظف طلب ملف والتهيت وياه وسالفه التلفون شغلت بالي شوي واجت انطته اليه هاا خلصتي شلونها الوالده

ـ تسلمين حبيبتي اي خلصت الحمدلله زينه وكلتلها عليج هواي دزتلج سلام مشكوره ازهار يله اني اروح اخذي راحتج

ـ الله وياج رجعت اكمل شغلي باوعتلها وشفت رشا لحكتها خلصت مصلتحها يمي ورافگت انفال يربي الواحد صاير ما يأمن ولا يثق بهل البشريه من اصفن واتذكر علاقتنا ولسانها اكول مستحيل يطلع منها هالشيء

" اشتغل بواهس واجاني مسج منه فتحته

هشام ـ شتاقيتلج يبنيه

ازهار ـ واني هم والله وين أنتَ هسه

ـ بالشغل والله أنتظر واحد يريد ياخذ عائلته لبيت اهله
وكلت احاجيج لن شتاقيتلج ينيتي.

ـ تمام عيني دير بالك على نفسك لاتسوق بسرعه من توصلهم حاجيني

ـ ماشي حبيبتي

ـ راح وبالي يمه ونفس الوقت انقهر عليه حياته كلها شغل يطلع من الصبح ما يرجع غير المغرب حتى من يوصلنا ما يرجع البيت يضل يشتغل وهالشي شاغل بالي يا ترى من نتزوج هم هيج يضل طول الوقت يشتغل وغايب عني شيء اكيد والمسؤوليه تكبر اكثر عليه لا هيج ما ترهم لازم اشوفله وظيفه بس نتزوج احاجي بابا يلكيلي تعيين مرتب ويرتاح بحياته واني هم ارتاح من ناحيته .

" خلص الدوام وهو ما موجود اتصلت عليه وهوسه يمه حبيبي وين أنتَ

هشام ـ بالمستشفى أمي تخربطت وخابروني ورحت البيت اخذتها وديتها ادعيلها ازهار فدواتج

ازهار ـ لاتخاف عيني ما بيها شي ان شاءلله صحه وعافيه

ـ بس اطمئن عـــلىٰ وضعها ويجي أبن عمي واجيكم

ـ ماشي على راحتك قطع الخط وطلعت برا انتظره واسمع احمد يحجي وياه بس اني گلبي مثل النار عليه مر وقت واجه سريع وطبك سيارته صعدنا وسلمنا وعيوني تباوعلها بلهفه وخوف

احمد ـ الوالده شلون صارت ان شاءلله احسسن

هشام ـ الحمدلله

ازهار ـ وصل أستاذ احمد بالطريق يتصلون عليه ومخبوص ومن خلال كلامه يدلي اخته عـــلىٰ الفلوس وين ضامهن

هشام ـ موجودات بالبوفيه مالت امي دوريهن زين ياعيني هاا لكيتهن ماشي راح يمرلكم بارق وروحوا وياه هسه اجي اني هاااي شبيها تبجي شكوو ياعيني ما بيها شي والله هسه يسولها فحوصات و؏ العلاجات يرجع وضعها طبيعي يله سكتيها الله وياج

ازهار ـ باوعلي بلهفه شلون صارت خاله

هشام ـ عـــلىٰ الله لزمتها رجفه ما جانت عدها ابداً كامت ما تسيطر عـــلىٰ ايديها، انشلع كلبج يا يمه عمت عيني

ازهار ـ أختنك وجاوبته الله كريم حبيبي ما بيها شي ان شاءلله كله قدر ومكتوب والانسان لازم يكون مؤمن وصبور ومهيأ لكلشي خليك قوي اهلك واخواتك بامس الحاجه الك وبالاخص بهل الوقت نهائي لاتضعف كدامهم شده وتزول

ـ ان شاءالله

ـ وصلنا وطبك السياره عود طمني عليها انتظرك

ـ ماشي عيني

ـ نزلت وعيوني عليه وشغل بكل سرعته وراح بالي يمه منين طلعتله هالسالفه دخلت البيت وهدوء وامي وجهه طافي حسيت صاير شيء خير ماما شــــــــــبيج

وصال ـ عصام وأسسيا تعارگوا واخذها لبيت أهلها

أزهار ـ ليش شصارلهم انوب ما تخلص مشاكلهم

ـ سگتي وخليها عمج فاضل جان أهنا واسيا فضحت اخوج كدامه سوالف ما تنحجي امشي بدلي ونزلي داروح والحكهم راحت وگلبي ما مرتاح اخاف وصلت للموزينه ويطلگها لن وصلت بيناتهم لشيطان الرجيم الله يستر

أزهار ـ ماشي وعمو بعده اهنا لو راح

وصال ـ بعده موجود كاعدين بالاستقبال هو وابوج ومروان ومجد أنوب ابوج تخبل وحالف ما يلفي اخوج للبيت بس يرجع يطرده من البيت يكول بنات الناس موولعبه عنده وهي حامل وضعها مخطر والله دخت من وراه راح يجلطنا اخوج .

أزهار ـ الله يصلح حالهم احسن شي ماشي ابدل ملابسي واجيج صعدت گبل اتصلت عليها مغلق لا السالفه مليوصه فدمره اخ يالقهر لا سكتت وارتاحت ولا حجت ارتاحت شتعذبت هالبنيه الله يريح گلبج يا اسيا .
________

أسيا

ـ تمر الايام من عمري عايشه بس بدون روح مثل الوحده بيها مرض خبيث وتناز؏ الموت عـــلىٰ البطيﮱ جارعه المر وساكته ومنتظرته يصحى عـــلىٰ وكته ونفس الوقت ما اصارحه بخيانته الا عندي دليل ملموس لن بس اكوله راح ينكر ويسوي روحه نبي ومستحيل يغلط ويطلع اغلاطه بيه ويذب للوم عليه لهذا فضلت السكوت والصمت عـــلىٰ حساب اذيتي ونار گلبي.
"محد حاس بنار گلبي غير اللي رجلها خانها وحست بخيانته وصارت مهوسه بكل تصرفاته وتشك بكل حركه يسويها صعب من تنفقد الثقه صعب ترجع مثل الاول" الكل كالوا عليه مريضه وعقلها مو صاحي بإذني سمعتهم يحجون وبلعت الغصه وعديتها وسگتت وكلت ميخالف أسيا ميخالف تحملي وعديها

" بس سبحانه مستحيل يجي الشعور عبث مستحيل گلبي ما نغزني من دون سبب والكاتلني قهر ما مقصره وياه بگلشي بكل الاوقات عروس واحبه اكثر من امه الحملت بي تسع شهوࢪ دايرته بماي عيوني .

" ياريت البجي يطفي النار السكنت گلبي شيء بداخلي مذبوح وينزف وجع بگلبي الحامل وتجيب مو مثله خنگه وحسره وكسره .

" صادف عيد ميلاد كرم باقيله كم يوم وصلوني التجهيزات وكاعده ارتب الحلويات بعلب مزينه كلت اعزم جهال جوارينه يلعبون وياه بالفرع جنت أحاول اشغل نفسي علمود اطلع من الكم الهائل من افكاري الساكنه عقلي بلكي اكدر امد روحي بالقوه والصبر واتصرف طبيعي گبل لأ انفجر بوجهه بدون دليل ملموس عـــلىٰ خيانته .

" كاعده على الجربايه واسوي بيهن وكرم كاعد يمي يساعدني وفرحان فدوه لعيونه وابوه بالدوام حتّى ما متبعه ايام نزوله ولا اتصلت عليه ولا سألت وهو كذلك لابس الوضع ب تجاهل ومعيشني بالصمت العقابي .

" سمعت صوته يحجي ويه أهله لن ما شـــــاء الله دخوله للبيت مدرعه عسكريه صوته صار قريب ويضحك وضحكته شگت طبله أذني تضحك وعادي عندك الوضع ولا مهتم ولا سأل عني شــــــگو عليك الله على گلبج اسيا محد محترك غيرج .

" انفتح الباب وهبت علينا ريحة عطره غمضت عيوني اتلافه هو وجوده حوالينا سلم بصوت خشن

عصام ـ الله يساعدهم

أسيا ـ جاوبته وأني منزله رأسي وأشتغل هــلا ويساعدك
شال أبنه من الجربايه ويبوس بيه وحاضنه من ركبته ويسولف اله عـــلىٰ عيد ميلاده وابوه يستمع اله بكل اذن صاغيه

عصام ـ من عمري على عمرك يابه جبتلك شلون هديه بالصاله اركض شوفها اركض دير بالك لاتوكع خل عمك يساعدك .

ـ رفعت ࢪأسي واجت عيوني بعيونه وأبتسملي گبل نزلت رأسي تهربت من نظراته اباو؏ ؏ رجليه مشه وتقرب ناحيتي ودنك باسني من ࢪاسي غمضت عيوني ونفسي لعبانه منه هيج كاتمه الدم بعلومي رفع حنجي وصفن بوجهي واني منزله عيوني ما اريد اباوعله ما اريد انفجر بوجهه مو هسه اسيا خليج قويه تحملي وعديها

ـ گافي زعل هالمره طولنا هواي هسه لو بيت أهلج بيها مجال مو كدام عيني وأنزل والتحق ونفس الشي تعبت أسسيا عوفي الزعل عـــلىٰ صفحه .

ـ ليش منــــــــو الزعلان ، أنتَ زعلت مو أني أنت اللي ابتعدت وطول هالفتره طابلك البعد ولا عبالك متزوجين وببيناتنا عشرة عمر وطفل

ـ أبتعدت لن تعبت من النك والمشاكل وياج ردتج تفكرين بحالنا وعلاقتنا وتفكرين بيه وتعوفين الشك والغيره لن هذا مرض وهوس أكثر ما يكون حب .

ـ ضحكت وجاوبته مرض كثر الله خيرك كمت ولزمني من ايدي وقربني لصدره حضني بقوه ويمسح عـــلىٰ اطراف شعري بحنيته المعتاده بالكوه ثابته بين ايديه جاوبته عصام عوفنيي عـــلىٰ شــــــــــنو جاي وتريدنا نتراضى
رفع حنجي وباسني من خشمي

ـ كرهت البعد وساعته ولج روحي تريدج ميت عليج ومحترك بناري واعد الساعات ساعه ساعه اراضيج واللي تريدنا يجرالج أسيا الزعل والبعد مو حل لمشاكلنا .

ـ أبتسمت وجاوبته اي صحيح لن الشوق اقوى منك ومني

ـ وأنتِ كلتيها شتاقيتلج مريتي الأحبها رغم كلشي صار بينا أحبج ولا عبالج كارهه تصرفاتج وغيرتج عليه لا بالعكس هالشي اله قيمه كلش جبيره عندي وغلاتج بگلبي هي هيه ما نزلت لو بگد ذره .

ـ يحجي واحاول أصدكه بس ما اكدر هايم ومشتاق ولهفته تارسته يباو؏ بعيوني ويكذب حتى بالكلام يخون الواكف كدامي ما احسه عصام لا قطعه دم وغركانه بيها

" باسني من ࢪاسي وأعتذر مني ولمني بحضنه بجيت وكتمت بداخلي شگوو غصه ياربي مدني بالصبر والقوه
رفع وجهي ومسح دموعي وقرب شفايفه وأخذ شفايفي بعالمه موو عالمي اني عالمي طافي ومهجور ومكسور

" بحدود الساعه هو يطبع اثار الشوك والبعد ويلعن ويسب لن تزاعلنا قاومته وتحملته بحيث شفايفي صارن نفاخه وركبتي تلوثت بألوانه يحير شلون يتمرد عليه الشوك عنيف من بين انفاسه وذبوله وانهيار رجولته حجه بصوت ذايب

ـ راح اضرب كلام الدكتوره بعرض الحايط ما اتحمل بعد اريدج اسسيا

ـ ما جاوبته بقيت هادئه ومجرده من كل المشاعر والاحاسيس أخذني اله وتفنن براحته بس حسيته انزعج لن لاحظ برودي بالعلاقه ما انسجمت وياه رفع ايديه وعيونه بعيوني .

ـ ليش تبجين ياعيني

ـ مسحت دموعي اللي ما اعرف شوكت نزلن سحب كف ايدي وباسه من الباطن ومغض عيونه وثبت ايديه عـــلىٰ رگبته

ـ احضنيني وخل نتراضى يله حبيبي

ـ سويت مثل ما گال جنت لعبه مخدره بين ايديه نفض نفسه بإنزعاج أرتاح بس حاس بيه ما مرتاحه وتمدد بصفي انطيته ظهري وسحبت نفسي وحضنت بطني وتلمستها بحزن ورجع حضني من ظهري ورأسه بين خصلات شعري خدران ومهوس ثبت ايده عـــلىٰ ايدي وايدينا احتضنت طفلتنا بقيت هادئه الى أن سكنت روحه وأنفاسه خفت غفه بنص شعري وهو حاضني ومتمسك بيه ردت ارفع ايدي شد عليها بقوه منعني اتحرك وقيدني بين اضلا؏ صدره .

" بقيت ابجي بصمت وتالي غلبني النعاس وغفيت ما اعرف شكثر مر وقت كعدت رأسي مصد؏ أنداريت هو على نومته ضليت صافنه بوجهه وتململ وكعد صديت وجهي عنه ورفع نفسه لزمني من كتفي وبوسني وكال

عصام ـ اشوف كرم وارجعلج ونحجي انتظريني

أسيا ـ ما حجيت طلع وكمت اخذت ملابسي وسبحت جوه الدوش اغسل بشعري وابجي وسمعت صوت ازهار خلصت وطلعت خطيه جانت تريد نحجي حسيتها محتاجه تفضفض بس مالي خلك لاي بشر مشاكلي حايره بيها اشوف تاليها وين تصفى سولفنا شويه واجه هو عاد هي راحت وهو تقرب مسح عـــلىٰ خدي وگال

عصام ـ حبيبي ليش سبحتي مو گتلج أنتظريني

أسيا ـ الصلح ما ينتهي بالفراش فاهم الموضوع غلط

ـ منو گال الفراش يهمني بكثرج

ـ گول لنفسك هالحجي

ـ أسيا لاتطلعينها من عيني شسويلج علمود ترضين نضل هيج مد وجزر وعلاقتنا بصراع دائم ما يمر يوم اذا مو مشاكل مشاكل ترى والله بزعت من هالوضع حسسسي ياعيني أنتِ

ـ ماشي

ـ بس ماشي شــــــــــو صايره هادئه مو بالعاده وأني ما متعود عـــلىٰ هدوئج هالشكل

ـ مو هيج أحسن واريحلك علمود تخلص من النگ مالتي اخاف اموتك ناقص عمر وأبتلي بيك

ـ ويا احلى من موته

ـ گلبي وجعني بكلمته لا اسم الله على عمرك

ـ نگول رضيتي

ـ أبتسمت حضني بقوه باسني وكرصني من خشمي

ـ ينكسر گلبي ولا ينكسر خاطرج عندي أنتِ بالدنيا كلها
وأسف هوووواي هووواي أسف واعرف زعلت روحي بالدنيا وحقج عـــلىٰ هالخشم

بخصوص هذاك الموضوع اقصد هديل لو ألها اهميه جانت حجيتلج عنها بس نهيت قاموسها وكلمن كمل حياته وأني شفت حياتي وياج أنتِ لونتيها أنتِ خليتني أحبها أسيا أني مو بس أحبج أني أعشقج أحس هل الكلمتين ممتكفي تعبير عن شعوري تجاهج

ـ كمل كلامه وصفن بوجهي يقرأ ملامحي وهدوئي ما حجيت شيء او بالاحرى ماكو كلام بعد ينحجي اللي أنكسر صعب يتصلح واحسه جاي يمثل وضابط الدور كلش زين عگد حواجبه بإنزعاج

ـ شــــــــــبيچ ساكته أسسيا حاجيني هذا سگوتج ما مرتاحله !

ـ ما بيه شيء هذا هو تصافينا

ـ منو يگول مبين بگلبج هواي حجي احجي لاتضمين شيء خلص راضي ومتحمل بس مال تبقين ساكته وهادئه ما متعود عليج هيج

ـ بعدين نحجي اروح اشوف كرم

ـ عوفيلي كرم هسه التهي بأبوه

ـ صفنت بوجهه أريد احجي واسأله بس متردده تقربت وبسته من خده بعمق وبقيت مغمضه عيوني وأستنشق انفاسه أنفي عـــلىٰ انفه ولازمه وجهه بإيده الأثنين وهو بلحظه جنون لزمني من وجهي وعصره وثبتني كدامه وصفن بعيوني

ـ لج أعشششششقج أمووووت عـــلىٰ الخلقج

ـ بجنون عنيف اخذ شفايفي وبادلته بنفس جنونه ولهفته
أعشقك كلتها وبجيت گبل خله رأسي بركبته ورصني بصدره بقوه ويمسح بدموعي وهو سببهن حسس راح يخسرني والله حسس

ـ أطيب خاطرج وعد وزعل ماكو بعد خل نتفق وننهي هالمشكله خوش

ـ هزيت رأسي خوش

ـ يروحي أنتِ شعندي غيرج أني

ـ بحضنه وابجي والكلام البداخلي كتمته وكلت ميخالف يمكن نزوه وتندم عليها او يمكن اني سببها ميخالف أسيا سامحي هالمره وأن شــــــــــاء الله متنعاد.
أبتعدت عن حضنه لن الباب يدك كرم يصيح وهو راح يفتحه اله وشاله بحضنه ويبوس بي هاللحظه قررت اتجاهل وأستمر بحياتي وياه بسسسلام .

" مر أسبو؏ حياتنا طبيعيه وجنت مراقبته ما شفت عليه اي شيء يمكن عافها يمكن تندم
" وقبل لا يلتحق بيوم كاعدين بالصاله والتلفزيون مشتغل عـــلىٰ إفلام كارتون وكرم كاعد يباو؏ وفرحان بالعاب الجابهن أله أبوه فدوه لطوله

" هما بالصاله وأني بالغرفه جاي احضر ملابسي وأكوي البدله مالته وصاحني

عصام ـ حبيبي ماعون فواكهه وكرزات أذا اكو

أسيا ـ أي حبيبي أجيت سويتله هو جان يتصفح بالفيسبوك وما خليت بالي يمه ودام أعتذرلي وحجالي عن حبه ما يغدر بيه.

" خليت ماعون الفواكهه والكرزات تريد شيء بعد لن فايته أسبح غمزلي وضحك

عصام ـ لا حبيبي سلامتج

أسيا ـ تمام رجعت الغرفه أكمل الكوي كملتهن واخذت ملابسي أريد اروح أسبح وكرم عاط رحت عليه لكيته واكع وابوه شايله ويسكت بي شبي

عصام ـ وكع وتعور

أسيا ـ غير تتنبه يا ماما يله ميخالف اطيب ماما حبيبي
أحجي وياه ورن التلفون باوعت رقم غريب وتذكرتها
بس هو ملامحه تغيرت وبلع ريك انتهى الاتصال والشاشه مفتوحه عـــلىٰ المحادثه وكفت اقرأها هو گبل عاف كرم واجه يريد ياخذه من ايدي

عصام ـ اسسسسيا عوفي التلفون

أسيا ـ ليش اعوفه ليش شبي

ـ ما بي شيء بس جيبي

ـ خليته ورا ظهري ما انطي صرخ بوجهي الا كرم سد أذانه

ـ اسيييييا كتلج جيبي تلفونييي

ـ اكسسسسره والله احرك روحييي كدامك هسه وما انطي ليش خايف

ـ ما خايف بس جيبي وبطلي خبال

ـ ترى كاشفتك من زمان واعرف بيك دتخونييي وسمعت صوتها بأذني تكولك حبيبي وتحملت وسگتت وضميت بگلبي وكلت ميخالف تحملي وعديها يمكن تندم لن اعتذرلج وبين حبج بگلبه شكثر جبير بس طلع وهممممم اي وهمممم ابجيييي واكلب بالمحادثه وأقرأ كلامهم وابجي وهو واكف صافن بوجهييي تسألها اليوم افتقدتج تسألها اليوم ليشششش مختفيه مهتم لامرها بس ما اهتميت اليه من كعدت تخرطلي حجي جذب واوهام تضحك بيها عـــلىٰ عقلي تكولها شلونج وأنت تباو؏ بعيوني وتتغزلي جذب تسألها باجر التحق وأنت تنام وياي بكل وقاحه وتأخذ حقوقك المشروعه مني ليششششش عصااااام ليشششش ليششش خنتني ليشششش

عصام ـ ما خنتج والله ما عندي شي وياها بس خل افهمج

ـ شتفهمنييييي كوليييي شتفهمنييي تكعد تبررلي خيانتك يا تبرير هذا يغفرلك غلط تجاه گلبي اللي حبك بگل خليه نابته بي من حبييييي الك خنكتك بتصرفاتي من غيرتي عليك اضل انك عليك تعرف شــــــــــنو يعني أحبك وأنت بشنو تجازينيييي عـــلىٰ حبي الك تروح تخونييي وتتنقم مني هيججج تاليها عصام هذا الجزه من وراك ومن حبي الك وغيرتي الطايح حظي بسببها

ـ والله ما عندي شي وياها مجرد صديقه وسوالف عاديه لاتسويلنا سالفه ما تسوى ختولييي

ـ صديقه وين اكو صداقه بين الرجال والمره هسه تقبل اني اصادق رجال عاط بيه

ـ انجبيييي أسياااااا

ـ اي أنجب ليش لا شحصلت من حبك غير المغثه حتى أهلك كالوا عليه ناقصه عقل وخبله بس لحظه اشوفهم
واثبت الهم اني خبله فتحت الباب وطلعت وهو وراي يصيح بعلوا صوته

ـ أسياااا رجعي لاتتخبلين مشكلتنا نحلها بينا رجعي رحمه لابوج

ـ لزمني يريد يسحب التلفون مني ما يكدر يقسى يخاف يأذيني لن بطني واصله خشمي

ـ أسسسسسيا جيبي التلفون لاتخلينيي امد ايدي عليج وضعج تعبان راح توكعييين من طولج يل لاسلام عوفييي الصخام هسسه خل نكعد ونحجي ونتفاهمممم وين موليه

ـ فتحت الباب وكلهم كاعدين عمي عندي كلمتين اكولهن وبعدها اروح لبيت اهلي ابنكم ما ضلتلي خبزه وياه

عصام ـ اسسسسيا كسررري الشر واتعوذي من أبليس ورجعي الغرفه عمي كاعد فضحتينا يالكعبه

اسيا ـ مووتكولون عليه عقلها طگه ونص مو صاحيه لن شگوكيه وأغار وخانكه ابنكم هاك شوف شكي طلع بمحله ابنكم المصون عـــلىٰ علاقه بوحده وكاظيها سوالف مكسره جاي يراهق وهو متزوج وعنده طفل وبنته بالطريق ، راد يضربني بس عمي منعه وكع شالي ومروان كام وغمض عيونه وكاله

مروان ـ أخذ مرتك وحلوا مشكلتكم بغرفتهم امشي غطي ركبتها فضحتوناااا وعمييي كاعد ما نخلص من مشاكلكم

فاضل ـ احنه طالعين عصام حل مشكلتك بغرفتك أبني

كمال ـ عصام شــــــــــنو هالحجي مو عيب ولك ابني

أسيا ـ گبل سحبني من ورا عمي وجر تلفونه من ايده ولف الشال عـــلىٰ ركبتي واخذني سحل للغرفه دفعني عـــلىٰ التخم ونسى اني حامل وقفل الباب شمر التلفون ورفعني تقرب ضربني راجدي

عصام ـ دومممممج فاضحتني ومطلع سري ولج ليشششش صخمتي وجهي كدام اهلي وانوب عمييي موجود شيكولون عليه لا والقهرررر الركبه طالعه ومزروكه شسويلج هسسسه شسويلج تردين تموتينيييي

ـ گول لنفسك هالحجي جان أستحيت من اهلك قبل لاتفكرررر تخووون جاي تراهققق وعايفني وملتهي بست الحسن مالتك بس اريد اعرف شنو من طينه طينتك مسوي روحك شريف وأنت مبدع لزمني من شعري بقوه

ـ شوفي لج اني شريف غصباً عـــلىٰ سلالتج كلها تجاوزتي حدودج هواي وسككتلج هوااااي وفشلتني وفضحتيني بين اهلج كلت ميخالف انوب أهلي وكدام عمي لا اني بعد ما اتحملج فركس گلبي منج ومن تصرفاتج الما تنطاق

ـ دفعته اني فركس ورم گلبي منك ورايحه لاهلي وعايفتلك كلشي بعد ما اريدك كرهتتتتك كره الدم امووووت منك الله يأخذك ويخلصنيييي منك
" كلتها بعصبيه وهو بهتت ملامحه وارتخت ايده من بعد الرجفه وگال

ـ هو الله ماخذني ومخلصني من هالعيشه الزقنبوت

ـ عافني وراح لغرفه كرم لكاه يبجي وحاضن المخده أخذه بحضنه ويسكته شاله وطلع وقفل الباب وراه صحت عليه عصام افتح الباب وين عايفنيييي عصاااام لزمت بطني لن صار عندي وجع غمضت عيوني كاتمه الالم الله ياخذني شلون دعيت عليه وكدامه .

كمت بتعب ولازمه بطني لزمت التلفون واتصلت عليه رفضني رجعت دزيتله تعال وديني لاهلي ما اكدر ابقى بعد شافها وما رد عليه رجعت كتبت راح احضر ملابسنا وانتظرك واذا ما توديني اخابر اخواني يجون ياخذوني شافها وكتب

عصام ـ عوفي أخوانج اني اوديج بس اشتري لـ كرم واجي

أسياـ هالمره اروح بعد ما ارجع

ـ تهدئين وتبرد أعصابج واجي اخذكم

ـ مستحيل عصام ما أكدر أتقبلك بعد أنت خنتني وكذبت عليه شلون اصدكك واثق بيك بعد

ـ كيفج

ـ بس هاي كيفج شافها وما رد عليه كمت حضرت ملابسي اني وجهالي كلهن بالجنط خليتهن بالصاله ولبست وكعدت لازمه بطني تعصر بيه سمعت صوت المفاتيح فتح الباب باوعلي وصديت وجهي عنه دخل كرم مشتري باوع عـــلىٰ الجنط وباوع عـــلىٰ ابوه

ـ يله امشي

ـ لزمت ايد كرم وطلعنا وراه هو شايل الجنط تمنيت يكولي لاتروحين خليج بس ضل ساكت عمتي باوعتلي وهزت رأسها ما راضيه عليه طلعنا صعدت بالصدر وكرم ليورا بس الوجع كام يزيد ما يقل وهو لاحظ. عليه

عصام ـ شــــــــــبيچ

أسيا ـ ما اعرف عندي وجع بطني

ـ امشي اخذج المستشفى

ـ لا لا ما يحتاج اخذني لاهلي هسه أتمدد وارتاح ويروح

ـ واني امشي على كلامج خل أشوف امي

ـ راد ينزل لزمته من ايده لاتروح ما يحتاج اخذني لاهلي

ـ صفن عـــلىٰ إيدي وكبل سحبتها يله خل نمشي رجع شغل السياره وطلعنا بس هو ما مرتاح طول الطريق مراقبني واني اصد وجهي عنه وصلني لبيت أهلي ردت أنزل ولف السياره وين

ـ ارجعج للبيت ماكو طلعه وسالفتنا اليوم تنحل المن مخليج حظ الكواد علمود سالفتنا تصير بحلك نسوان اخوانج

ـ وكف السياره خل انزل وصلنا وين مرجعنا شــــــــــنو جاي نلعب احنه

ـ اي جاي نلعب

ـ يارب منك الصبر عـــلىٰ هالرجال لف السياره ورجعنا البيت نزلت وهو نزل الجنط ويمشي سريع

ـ سويتنا مزق ومضحكه كدام الرايح الجاي

ـ دخل الجنط كلهن وكال لكرم

ـ روح يم اجدادك يله بابا

ـ راح عليهم ودخلت الغرفه وهو كعد عـــلىٰ التخم وصافن وصاحني

ـ أسيا تعالي احاجيج

ـ ما عندي حجي وياك كام من مكانه وقفلت الباب بوجهه

ـ أسيا فتحي الباب وبطلي تصرفات مال مزعطه أنتِ مو صغيره فتحي خل نتفاهم فتحي الباب وضعج تعبان لايروح يصيرلج شيء فتحي الباب يالخبله

ـ انوب سويتني خبله

ـ عمييي اني الخبل بس فتحي وضعج تعبان

ـ ما افتحه عفته يصيح وتمددت بملابسي لن حيل تعبت بس اريد اتمدد وهو ضل يدك بالباب وبعدها راح وكمت اتكلب بفراشي منين ما اندار الوجع يزيد يربي شجاني زاد الوجع وكع ماي شــــــــــنو هذا اني عمليات مو طبيعي هالماي منين اجه ورجليه ما عاد اكدر ارفعهن شفت الدم وصار وجع فضيع تخبلت يمممممه بنتي ماتتت عصااااام الحكييييي راح اموووووت عصاااااام..

يتبع ...

16






اسيا

ـ عصااااام راح امووووت الحكيليييي بنتك ماااااتت

عصام ـ فتحيييي الباب رحمه لابوج بس كوليلي ليش قافلته عـــلىٰ نفسج شيكسررره متكوليلي ياربي فدواتك شمسوووي بدنياييي اسياااا حاجينيييي اسياااا بس فتحيلي خرب بعقلج ليش قافلته

اسيا ـ ما اكدرررر عصااااام ما اكدرررر اتحرك رجليه ما يحملنييي راح اموووت راح اموووت يضرب بالباب ما ينفتح الباب قوي عشر زلم ما تكسره واني عيوني غوشت كمت ما اميز بالاثاث الغرفه بس اسمعه يصييح واهله يمه يعيط عياط ما صاير تخبل بـ لحلظات اندفع الباب بقوه وكع عـــلىٰ وجهه ولازم كتفه بوجع وعمتي وازهار ركضوا عليه وهو لازم كتفه ويفتر بالغرفه غاشت روحه ومروان يحجي عليه

مروان ـ خبل أنت شلون تدفعه هالقوه كتفك انخلع مو كتلك اصبررر بينما اجيب شي ونكسسره

اسيا ـ ما جاوبه مروان طلع لبرا هو وعمي واكفين يم الباب وعمتي وازهار غيرولي ملابسي وهو جابلي عبايه لبسني ورفعني من الكاع وعمتي تصيح عليه لن كتفه متاذي

وصال ـ ولك يمه عوفها نمشيها انت كتفك ما ادري شصارله ليش تشيلها

عصام ـ عوفينيييي يممممه عوفينيييي هي ريشه

اسيا ـ صعدني بالصدر ليكدام وشغل السياره وطلع حتّى ما انتظر احد بالطريق خابروا يحجون عليه لن ما انتظر عمتي صاح بيهم بخبال

عصام ـ خل مروان يجييبهن مكسسسر

اسيا ـ تعبت وباوعتله نظرات أخيره مثل الوداع عصام

عصام ـ هاا عيني اتحملي گلبي تحملي هسه نوصل

اسيا ـ غمضت عيوني وبعدها ما اذكر گلشي .

" فتحت عيوني وصوت أمي يم رأسي تتحمد وتشكر رب العالمين بس ماكو صوت طفل تلمست بطني فارغه وصار صوت امي بعيد

فوزيه ـ ولك عصام يمممه اسيا كعدت

أسيا ـ بنتي وينها بنتي خوما ماتت حسيت بلمسات ايده حاوطت كف ايدي وانباس وتقرب باسني من رأسي وعيونه وجهه ذبلان

عصام ـ كسرتي ظهري بغيابج أسبو؏ يا ظالمه النفس

أسيا ـ بنتي وينها بنتي وين

عصام ـ لاتخافين ما بيها شي سباعيه مثل امها بس مخلينها بالخدج الف الحمدلله على سلامتج حبيبتي

أسيا ـ ليش أسبو؏

ـ جنتي فاقده الوعي دخلتي بغيبوبه لن دمج صفر وحالتج تازمت وصلتي الموت ورجعتيلي الف الحمدلله

ـ عليك الله خوما بيها شي خوما ماتت

وصال ـ شــــــــــبيج ما تصدكينه والله بالخدج وگلشي ما بيها صحتها مثل الورد وازهار يمها ترضعها هسه تجي وساليها واطمئني أكثر

فوزيه ـ يمه عصام مو لازم نبلغ دكتورها كعدت

عصام ـ اي رايح اشوفها عيونجن عليها

اسيا ـ امي تبوس بيه وتبجي وتمسسح على رأسي لاتبجين مو هياتني يمج

فوزيه ـ اخذتي حيلي متت وعدلت كالوا ما تعيش أنتِ بدون شيء وضعج مخطر انوب نزفتي وتعبتي الحمدلله رجعتيلنا بالسلامه حبالتج صعبه شلج بي يا امي

وصال ـ سباعيه اسيا عفيه بنيتي شده وزالت الحمدلله على سلامتج اروح ابلغ عمج خطيه گلبه مثل النارعليج

اسيا ـ الله يسلمج عمه طلعت وامي حاضنه جف ايدي وتبوس بي ودخلوا اخواني وياهم دره وكلهم يبجوون بالاخص ابراهيم كام يشهك وصوته على تقرب حضنيي ويبجي بصوت مسمو؏ فدوه لعيونك لاتبجي دموعكم غاليه عليه

ابراهيم ـ كسرتي ظهورنا بس الف الحمدلله عدت سلامات

منذر ـ الف الحمدلله على سلامتج خيتي

محمد ـ إشسويتي بينا خيتي الغاليه

اسيا ـ الله يسلمكم ويخليكم اليه ضلوا واكفين يمي وعيونهم عليه وأبراهيم دمعته ما نشفت تقرب مسح دموعي وباسني من كصتي ودخل عصام وراه الدكتوره ابتسمت وحجت

شيماء ـ لا لا يمعودين كولوا يالله اسيا سباعيه ما ينخاف عليها وهسه بلا زحمه عليكم لازم افحصها

أسيا ـ طلعوا كلهم ضلت بس أمي ودره وعمتي وصال ودكتوره فحصتني وابتسمت وياها ممرضه خلولي علاجات وضربوني ابر وشويه ودخل عصام هو وازهار تقدمت بوستني

أزهار ـ شتاقيتلج ولج الحمدلله على سلامتج

أسيا ـ الله يسلمج عيني

شيماء ـ اكثر مريضه قويه وسباعيه مرت عليه هو أنتِ الحمدلله تجاوزتي مرحله الخطر وعبرناها ودام زوجج موجود ف الافضل ابلغكم اثنينكم ماما اسيا الحمل ممنو؏ عليج نهائي واذا حملتي مره لخ اسم عـــلىٰ عمرج تموتين لن وضعج صعب ورحمج ما يستقبل حمل نهائي والله رزقج بنوته مثل الگمر وكگافي المهم سلامتج قبل هم عندج ولد لو بنت

عصام ـ ولد كرم

شيماء ـ ما شاءالله صاروا كرم وجود الله يحفظهم الكم

وصال ـ تسلمين عيوني دكتوره تعبناج ويانا

شيماء ـ لا امي تعبكم راحه هذا واجبي والمهم عندي اسيا والف الحمدلله على سلامتها ومُبارك عليكم البنوته جود

"وبخصوص تسجيل خروج اليوم خميس خلوها على الاحد هم تخلص علاجاتها وهم كدام عيني وأتاكد على وضعها وصحتها

عصام ـ والطفله دكتوره

شيماء ـ هسه أخصائية دكتورة الاطفال تشوفها وتقرر يله عيني تضل يمكم العافيه اسيا ديري بالج وانتبهي على نفسج مع السلامه

اسيا ـ الله يسلمج حياتي طلعت وباوعت لامي سميتوها جود

فوزيه ـ اي ابوها سماها

اسيا ـ مووحلو ما اريده غيروا اني ردتها سالي

عصام ـ ليش عيني عـــلىٰ وزن اسم اخوها كرم وجود ويصحولي ابو الكرم والجود اكو احلى من هالاسم

اسيا ـ لا انت گافي عليك ساقط ابو النسوان احسة هذا اكثر لقب يلوكلك سگت ونزل رأسه وطلع وامي كامت تحجي عليه وعمتي هزت رأسها بقهر مو راضيه طبعاً ما تنطي بإبنها

فوزيه ـ وكته هالحجي ما تعرفين تضبين لسانج اخ من رأسج اليابس موو عيب هالحجي دماغ زز فشلتي الرجال كدام امه واخته ومرت اخوج ما تجوزين من طبعج هذا

ـ شمسويتله قابل يستاهل

دره ـ اسيا عيب امه واخته واكفات مو وكته هالحجي أنتِ طالعه من الموت تحمدي ربج وعوفي هالسوالف بعدين كلشي واله وقته

فوزيه ـ والله عـــلىٰ هاي تصرفاتج لو ياخذ عليج مره فلا الومه لا والله فلا الومه تبطين الجبد

ـ خل ياخذ بالجنهم هو مرته

وصال ـ شو كعدتي مستجلبه لازم تكولين امه واخته واكفات ترى ابني هذا ما جايزه منه والصار بينكم ينحل بالتفاهم يا امي لا بالصوت العالي ولا بالحجي الماله معنى بس تغثثون نفسكم وماكو حال يبقى عـــلىٰ حاله عدكم جهال اثنين مصيركم تتراضون وهذا رأسج لاتبقين ميبسته

فوزيه ـ لا يبووو بنتي قشمر كل أحترامات ما عدها صيري ادامي لا اكول لـ أخوانج عليج تراهم ما يرضون وداري نعمتج ، ولج بس رتبته تسواچ يالغمه

وصال ـ گافي ام ابراهيم خفي عليها بعدها مريضه وتعبانه ميخالف تصير مشاكل بين كل وجال ومره واسيا ورده وين اكو منها والله غلاتج بغلات ازهار اخذتي حيلنا والحمدلله من رجعتلينا والباقي مو مهم تنحل .

اسيا ـ ما حجيت شيء بس هزيت رأسي ودخل عصام باوع لعمتي وصال وگال

عصام ـ هاا محتاجين راح اروح السوك

فوزيه ـ لا أبني سلامة عمرك

وصال ـ يمه عصام روح شوف ايدك اخر مره شافوها بعد ما شفتها

عصام ـ ما يحتاج

وصال ـ بس يمه

عصام ـ ما يحتاج وخلص حجيه، رايح لسوك اذا احتاجيتوا شي مروان موجود بس خابروا يجيكم

وصال ـ لعد اني اروح وياكم وصلني البيت اغير ملابسي واجيب ملابس لجود خاف يخرجونها من الخدج وملابس لـ أسيا

أسيا ـ هز رأسه وطلع بدون ما يباوعلي وامي تعض بشفتها وازهار لحكت عمتي وصال وضلت بس امي يمي وقررت اذا اطلع اروح لبيت اهلي مستحيل ارجع وياه جان متت منو يفيدني بعد كله من ورا من وراه سوالفه وخيانته سگتت وضميت الغصه بصدري المهم تجازوت مرحله الخطر والباقي الله كريم
_____

أزهار ـ هالايام المرت جانت حيل صعبه علينا كلنا وولاده اسيا ما خلت بينا حيل الحمدلله عدت على خير وأجتنا حفيده مثل الكمر وصار أسمها جود وشحلاته من أسم

" صارلي أسبو؏ ما شايفته ولا سامعه صوته ولا اعرف اي شيء عنه ودوامي بابا ماخذلي اجازه وتلفوني بغرفتي نسيته المشكله ما يخلوني اروح عصام عاف الطفله بمسؤوليتي واذا اغير ملابسي واسبح ياخذني بيت جدي رحت قبل يومين سبحت ولبست من ملابس عمه زينب ورجعني لن بيتهم اقرب المستشفى من بيتنا وامي كالتله خل تروح خطيه وظيفتها كامت يغلط ويفشر وخلينا وسگتنا
" بس گلبي مثل النار وما اكدر اخابره من الفون ماما اخاف انلكف وعصام ما يفارك خيالنا لا اني ولا أمي كلما تصحلي فرصه واسحب جنطه امي الكاه فوك رأسي واسكت ونار شبت بگلبي تعلعلت عليه مشتاقتله مووت

" عرفت عصام راح يروح وامي تروح وياه كلت خل اكولها تجيب تلفوني وياها طلعوا ولحكتهم تمشي وراه وصحت ماما اوكفي واندروا عليه شسمه

عصام ـ شعندج شسمه سالفتج دومها معلوسه

وصال ـ روح السياره هسه اجي وراك

عصام ـ لا تتأخرين لعد

أزهار ـ راح وتقربت عـــلىٰ امي يمه اطلب منج طلب

وصال ـ گولي يمه

ـ تلفوني جيببي وياج فدوه

ـ شتسوين بي وين أجيبه

ـ شــــــــــنو شسوي بي ترى موظّفه وعندي صديقات وضايجه صارلي أسبو؏ وياكم امانه جيبي وياج

ـ ما اجيبه اخوج يضل بس يباوعلج هو بدون شيء مخلي راسه برأسج عوفي اذا ما محتاجته كلها يومين ونروح البيت

ـ ماشي لعد قفلي وضمي

ـ ليش اقفله

ـ يمه بعدين اذا لكيتي مكالمات او رسائل قفلي وضمي ولاتساليني هسه بعدين أحجيلج

ـ ماشي

ـ مشت وجلبت بيها لعد انطيني تلفونج

ـ أزهار مو وكته لاتسويلنا سالفه وتجيبين العين علينا

ـ يمه امانه

ـ من شوكت ولج

ـ هسه الا تسألين عود بعدين اكولج والله

ـ ما انطي اخوج بالسوك ومن يرجع ارجع وياه اذا خابر عليه ولكاه عندج شيخلصنا من لسانه

ـ هسه هو شمدري كوليله نسيت جنطتي اهناك وهاي هي

ـ قبل لا اولي كوليلي منو هالمصخم

ـ شسمه

ـ شسمه اريد اولي هسه اخوج يعلكها على رأسي

ـ هشام

ـ ابو التكسي الخط اليوديج ويجيبج

ـ اي هو

ـ غضب عـــلىٰ رأسج اليابس يمصخمه بعدين نحجي

ـ عوفي جنطتج حبابه

ـ ما اعوفها امشي ولي رجعي يم مرت أخوج يله

ـ جلبت بيها فدوه رحتلج ابوس راسج

ـ أخ منج أزهار هاج ديري بالج اخوج مروان مثل الذيب يفتر بالمستشفى

ـ بستها من خدها قوي وضربتني عـــلىٰ راسي وراحت اخذت جنطتها ورحت الحمامات مستعجله دخلت الحمامات وطلعت التلفون كتبت رقمه لن ناقشته بگلبي واتصلت رن وجاوبني اجاني صوته مليان تعب امر من حالي

هشام ـ الو نعم

أزهار ـ حبيبي

هشام ـ أزهار يا ويلي يا يابه يا روح حبيبچ

ـ شتاقيتلك مووت

ـ مو بگدي والله مو بگدي وينج أختفيتي صاير عدكم ظرف مو

ـ سولفتله مختصر

ـ الحمدلله على سلامتها ومُبارك ما اجاكم

ـ الله يسلمك شلونك خاله شلون صارت

ـ الحمدلله على الله شلوني طايح حظي وأنوب أنتِ ماكو مثل الضايع الله وكيلج ادري تلفونج ليش ما اخذتي وياج
عايفتني مشتول ودايخ بدنياي ولج أعشقج مااتحمل غيابج هالكثر

ـ يروحي والله نسيته بغرفتي على السريع طلعنا وهسه جاي اخابرك من تلفون امي

ـ ماشي حبيبي ديري بالج على نفسج

ـ تمام گلبي الاحد نطلع بلكي الاثنين اداوم ونتشاوف

ـ ان شاءالله لن متمرر طاك گلبي عليج

ـ واني هم يلا لازم أروح ما اكدر اطول

ـ ماشي حبيبي الله وياج ديري بالج على نفسج

ـ تمام نهيت الاتصال وطلعت ماكو أحد جان مستشفى خاص مشيت بسرعه ورن تلفوني عصام يمه گلبي راح يوكف ايديه يرجفون جاوبته هاا عصام

عصام ـ وجعااا التوجعج تلفون امي شيسوووي يمج صار ساعه اتصل وأنتظار

أزهار ـ نست جنطتها اهنا وعمه زينب اتصلت وجاوبتها

ـ مااااششي

ـ قطع الخط حذفت المكالمه ويه هشام وگبل اتصلت على عمتي جاوبتني خطيه عمه شلونج

زينب ـ هلا حبيبتي ازهار زينه الحمدلله وأنتو شلونكم اسيا شلون صارت

ازهار ـ كلنا زينين عمه طالبتج بطلب حبابه

ـ كولي عيوني الج ليش صوتج سريع أزهار شـــــــــبيج

ـ عمه خاف عصام يتصل ويسالج أنتِ اتصلتي عـــلىٰ تلفون امي كوليلي اي اتصلت اسال عليكم خوش

ـ ماشي اكوله

ـ فدوه اروحلج عمه

ـ تدللين حبيبتي يله وروحي ولاتخافين خليها عليه اني هسه راح اطلع من البيت جايتكم

ـ تمام انتظرج قطعت الخط وميته خوف الرجفه لزمتني خرب راح انفضح ضميته بالجنطه ودخلت يمهن وكلهن صفنن بوجهي حتى اسيا

اسيا ـ أزهار شـــــــــبيج وجهج اصفر وترجفين

أزهار ـ لا هيج ما بيه شي يمكن لن تعبانه كلش وبين عـــلىٰ وجهي اثار التعب

فوزيه ـ أي خطيه هواي تعبت

اسيا ـ أزهار حبيبتي روحي البيت ارتاحي خل واحد من الولد يوصلج لن مبين عليج شكثر تعبانه وبعدين امي ودره موجودات يمي ما حاجه تبقين تعبناج ويانا

أزهار ـ لا يمعوده شگو قابل وتعبكم راحه تدللين علينا اسيا حست بيه وضعي موتمام شگت بيه غمزتلي واخذت نفس وبهل الاثناء دخلت علينا عمتي زينب ياروحي ياعمه بوستها وتقدمت تبوس بـ أسيا وتباركلها كعدت وگلبي مثل الطبل ما مرتاحه كعدت وباوعتلي وابتسمت عمه لعد منو جابج

زينب ـ مروان جان يمنا وجابني امج وين لعد عبالي اشوفها

أزهار ـ راحت للبيت تجيب ملابس لـ اسيا ولطفله هسه عـــلىٰ جيه سگتت ويحجن بينهم وعمه تريد تشوف الطفله ومر وقت ودخل علينا عصام گبل صوب عينه عليه وابتسم ! خله العلاكيك عـــلىٰ التخم وسلم عـــلىٰ عمتي

عصام ـ شلونج عمه اخبارج

زينب ـ زينه بشوفتك يروح عمتك ومبارك ما اجاك تتربى بعزك ودلالك ان شاءلله

عصام ـ اشكرج

زينب ـ امك لعد وين مو عـــلىٰ أساس تجي وياك

عصام ـ ما مريت من السوك اجيت گبل ، يله من رخصتكم أزهار لحكيني

أزهار ـ كمت وعيون اسيا وعمتي والخوف يسري بدمي لحكته لكيته واكف وعينه بالتلفون هاا عصام

عصام ـ هاا عيني يله امشي أخذج للبيت گافي تعبتي ويانا ما يصير الله ما يراضاها وجهج مصوفر وأنت نازكه بسرعه تذبلين ويبين عليج التعب شيخلصنا من سيادة الوالد .

أزهار ـ هاا، لا عيني عادي صدك جذب شمسويتلكم قابل خليني يم البنوته هي كلها يومين ونطلع سوا

عصام ـ لا تروحين البيت وما حاجه تبقين كلهن موجودات يله جيبي جنطة امي وتعالي وراي ! .

أزهار ـ ماشي دخلت اخذت جنطة امي يله اني اروح لبيت ودعتهن بوست اسيا ديري بالج على نفسج

أسيا ـ من توصلين خابريني اوك انتظرج

ازهار ـ ماشي يله عمه نتشاوف عود

زينب ـ ماشي حبيبتي سلمي على امج

أزهار ـ يوصل مع السلامه طلعت وبيدي جنطة أمي لكيته هو ومروان واكفين ويسولفون شافوني وسكتوا وابتسموا اليه ورديت الابتسامه وعصام شغل السياره ومروان اجه ويانا صعد بالصدر واني ليورا .

يحجون بينهم واني فكري شارد صافنه عـــلىٰ الشار؏ وبالي يم هشام فزيت من صفنتي عـــلىٰ صوت مروان

مروان ـ اوكف يم هاي الاسواق

عصام ـ ماشي لعد أخذ أزهار وياك اعرفها تحب الحبشكلات يله نزلي

مروان ـ خل تجي يله

أزهار ـ لا ما يحتاج أنزل انت اشتريلي عـــلىٰ ذوقك

عصام ـ دتنزلي يمعوده فوك ما جاي ندللج وخدمات وجايتج بلاش عـــلىٰ شــــــــــنو تتعززين

مروان ـ أدك ثكل برأسنا نزلي يمعوده

أزهار ـ ضحكوا وابتسمت ردت اخذ الجنطه وعصام كال

عصام ـ وين مأخذتها وياج عوفيها الدفع عـــلىٰ مروان بردي خاطرج مستلم راتب وجيبه مليان

مروان ـ خليت عينك عوذا وبعدين ازهار تدلل علينا كم أخت عدنا

ازهار ـ متقصرون فدوه اروحلكم عفتها ونزلت وياه ودخلنا الاسواق ضلينا نفتر اخذتلي عصائر ونساتل وجبس إنوا؏ وكرزات وبسكت لريوك وهو هم أخذ وانطه الحساب وطلعنا انطه علاكه لعصام

مروان ـ هاي الك الوصيتني عليهن

عصام ـ مشكور

أزهار ـ صعدت وعصام طلع چگاره يدخن مو بالعاده يدخن وصوب عينه عليه ابتسمت ورد الابتسامه صاير ادخن

عصام ـ البال مو صافي

أزهار ـ ما جاوبته ومشينا وهو خلص جگارتين عمانا بالدخان وصلنا نزلت قبلهم وهما ضلوا بالسياره يحجون دخلت البيت شكثر مشتاقه لبيتنا لكيت امي بالمطبخ هاا رجعتي لمطبخج جنتي خلصانه

وصال ـ شجابج

ازهار ـ اجيت ويه ولدج هما جابوني ودللوني شوفي

ـ بالعافيه

ـ حاجتني من ورا خشمها ما ارتاحيت لبرودها وخفت منها يمكن تسرعت ساعة الحجيت الها عن علاقتي بهشام بس لا تشد وياي واطيح حظي .
" خليتهن عـــلىٰ الميز وكعدت واجوو هما مروان خله شغلاته بالثلاجه وقسم للغرفه

عصام ـ هاا يمه نمشي لو تتأخرين

وصال ـ لا ما عندي شي بس تكمل الشوربه سويتها لـ أسيا
والجنطه مالت الملابس لا ننساها خليتها يم الباب بس تعال يمه شو خابرتني عـــلىٰ تلفون مجد تكولي جيبلي كل ملابسي

عصام ـ ما عليج منها عوفيها اخذي بس الـ تحتاجه

ـ تريد تمشي ويه أهلها من المستشفى مو

ـ يصير خير

ـ أبني حل مشكلتهم وراكم أطفال أثنين يتجهلون وراها والجو برد وهي والبنيه انفاس عـــلىٰ أقل اهنا بغرفتها
ملممه وحمام داخلي كلشي يمها حاجيها وقنعها تكظي اربعينها اهنا عود وراها خل تروحلهم زياره مو زعلانه ما اريدها تمشي لاهلها زعلانه ابوك متحلف الكم ومتحمل عليكم هوواي كافي مشاكل

ـ الله كريم حجيه يله لعد اروح أسبح بينما تخلصين

ـ ماشي إبني .

أزهار ـ راح ومروان يكتب وشكله مزعوج وجهه مدخن شبيك

مروان ـ ما بيه شي يله اني طالع

ازهار ـ راح وكمت اني اريد اصعد لغرفتي ماما جنطتج بالسياره بقيتها

وصال ـ مااااشي

ـ ماما تلفوني يمج

ـ انسي التلفون هسه

ـ ليش

ـ شــــــــــنو ليش تغشمين نفسج

ـ يعني جاي تحاربيني

ـ شتسميها سميها واخوانج بالبيت خل اشوف وضع اخوج ومرته ونحجي بسالفتج عوفيلي التلفون هسه ما ناقصه تجيني سالفتج صفح خو اخوانج شلون يتفاهمون

ـ لا حبابه

ـ أزهار لاتاخذين وجه زايد مو معناها عرفت تنجلبين عليه يله صعدي لغرفتج

ـ تلفوني

ـ كتلج انسي وخلاص لاتناقشيني

ـ اوووف

ـ وجعوو يله روحيي وسدي الموضوع گبل لايجي اخوج
ويسمعنا

ـ بس ماماااا

ـ شلون بيها هالبنيه تمشين لا اطرج اربع وصل

ـ خلص ماااااشيه صعدت الغرفه مزعوجه وروحي طافره جبت الوجع الراس النفسي كوه هسه شـــــگو حجيتلها
أنجبي وسگتي وصبري هل اليومين هيج احسن أخذت تلفوني وحرمتني منه عاد شلون راح تشد وياي شده تكرهني بعيشتي خرب بعقلي ما يعرف يفكرر دومي متسرعه اووووف طااار واهسسي ولهفتي اسمع صوته

" سبحت وطلعت لافه شعري واندك الباب منو

وصال ـ اني

أزهار ـ فوتي شعجب ما دخلتي گبل

ـ بكيفي يله اني رايحه ويه اخوج المستشفى عود صبي العشه لابوج وأخوانج وغسلي المواعين مو تعوفيهن بالسنك والكاه جايف.
وملابس مروان غسليهن وأكوي بدلته وعطريها وحضري جنطته يلتحق .

ـ وتلفوني

ـ ماكو تلفون انسسي

ـ يربي يعني ليش تخليني اتندم احجيلي شيء انتِ امي المفروض تكونين صديقتي وصندوق اسرار موو تعاديني وتحاربيني بالتلفون

ـ صديقتج بـ امور الحياة ومواضيع ثانيه مو بسوالف العشك وصخام الوجه تردين تصخمين وجوهنا شــــــــــنو ناسيه ابوج واخوانج زقنبوت أنتِ بدون شيء شادين وياج اذا لكفوج شيصير بيج عـــلىٰ قبلة الكفار گبل

" وهذا هشام تنسينه وتنهين علاقتج وياه انوب عليه الخطوط شبساع حبيتي من لكف لكفج ادبسزز

ـ ماما

ـ وجعة ابوي التوجع امج انجبي وسگتي ولا تفتحين سالفته بعد ومن ارجع انطيج التلفون وتخابرينه وتنهين علاقتج وياه وخل يشوفله درب غيرج بالاساس محد ينطيج أله لو يطلخ راسه بمية حايط !

ـ ليش محد ينطي شبي

ـ ما بي شيء بس شلون تعقلينها ينطوج اله وتروحين وتجين وياه بسيارته يعني تردين تفوت اخوانج هيج على البارد والمستريح واحدهم مثل الذيب يلكفها وهي طايره تردين تعبرينها عليهم

ـ بس اني احبه واريده

ـ حبتج حيه شو ما تستحين واني امج شوفي ازهار اذا ما تجرين عدل ابهذلج واكرهچ بالعيشه العايشتها وأطلع دلال ابوج من عينج فوك ما وثق بيج وظفج وتروحين وتجين ولبس وطلعات وطبات ومحد كايلج عـــلىٰ عينج حاجب تكومين تحبين وتمعشكين وما تحسسبين حساب لا لـ ابوج ولا أخوانج واحدهم زقنبوت ولسانه اذا انهد عليج وخلاج برأسه مو يدفونج والله ينهونج .

ـ كمت ابوس بيها حبابه فدوه اروحلج حسسي بيه والله احبه صفنت بوجهي وضربتني كف بحيث خربطت نظري لزمت خدي مصدومه بيها

ـ قسماً بالله لوما اخوج ينتظرني الزمج الصونده وين اليوجعج أربيج من جديد واكعدلج گلب ما مدشن ياأزهار
رايحه وهذا عقلچ شغلي .

ـ لعد ليش بالمستشفى انطيتني تلفونچ اخابره ليش عاملتيني صديقه وأم وهسه گلبتي عليه وتردين مني إعوفه شجاج .

ـ ردت أشوفج تخافين طلع الخوف مو يمج ولا كرباچ ولا حاسبه حساب لأي احد وتحاجيني بصلافه وتردين مني تلفونج بس منا وهيج أني أعلمج واربيج من جديد

ـ ضربتني عـــلىٰ رأسي ونزلت رجعت كعدت مصدومه إشسويت بعمري وبحبي المن حجيت لأمي اني ما اتعض من سالفة شاهين إشسوت بيه كرهتني بعيشتي سممتني ما خلصت من هالسالفه الأ بطلعان الروح انوب هشام اخ يالقهر .

" بقيت كاعده وأبجي والله حبيته وحبه اليه نظيف ونقي
إنسان بسيط ومتواضع وراضيه بي هو وظروفه بس المن احجي ليش منو يحسس كلمن حايرلي بروحه يمه اطك روحي عليه شلون اعوفه اني ما حبيته علمود نص الطريق واتخلى عنه .

" ما أعرف شكثر مر وقت وأسمع صوت مروان يصيح عليه مسحت دموعي ونزلت لكيتهم كاعدين وصبيتلهم العشه وبابا باوعلي حسس بيه شي هو الوحيد يحسس بيه

كمال ـ بابا أزهار حبيبتي شــــــــــبيج

أزهار ـ هاا بابا ما بيه شي بس تعبانه تعرف جنت بالمستشفى

كمال ـ حقج بابا وأني كتلهم خل ترجع البيت شو اخوج عند كال علمود البنيه مبقيج يله ارتاحي بابا وعوفي المواعين واصعدي نامي

أزهار ـ فدوه اروحلك بسته من خده وكعدت وياهم مالي نفس بس لخاطره كابلتهم على الأكل مروان حسيته ما مرتاح وكل شويه تجي رسائل ويباوعلها ويگلب التلفون تالي عاف الأكل وكام يغسل

" كملوا وسويتلهم جاي وغسلت المواعين وحضرت جنطة مروان وكويت البدله كملت شغلي ورجعت لغرفتي ماكو نوم بس تفكير وقلق هسه كاعد هسه باله يمي هسه ينتظرني سوده بوجهج ازهار .

" يوم السبت والمفروض باجر دوام هاي اذا خلتني اروح اذا ما سوتلي سالفه وعصام يأدها وتنهي وظيفتي امي طلعتي صفح ما جنت مخليتها على بالي أمنت وثقت بيها ونسيت أمي بنت شيوخ وعشائر وتحكمها عادات وتقاليد ما ترضى بهيج مواضيع حسساسه وأنوب علاقه وتواصل عـــلىٰ التلفون طين برأسسي عـــلىٰ كل اللي سويته بعمري.

" واكفه بالمطبخ أغسل مواعين الريوك بس بابا تريك وراح ومروان التحق الله وياه بقيت بس اني ومجد بالبيت

" نظفت البيت وغسلت المغاسل والغرف هم كذلك كلت بلكي من تجي تشوف البيت نظيف يحن گلبها عليه وتنطيني التلفون بس ماأظن امي تفكيرها عميق .

" سويتلي فنجان كهوه مره وكعدت اشربها بالمطبخ وأسمع صوتهم ودخل عصام وراه أمي مزعوجه هو گبل توجه لغرفته وأمي جرت الكرسي وكابلتني بالكوه تأخذ نفس شـــــگو شــــصاير

وصال ـ گومي جييلي كلاص ماي

أزهار ـ كمت انطيتها وصاحت عـــلىٰ عصام بعصبيه

وصال ـ وينك يمه مثلما يبست رأسها عليك أنتَ هم
مو احاجيك عصااام يمه

عصام ـ يمه مو وكته هسه تعبان واريد انام

أزهار ـ شـبيكم

وصال ـ أسيا افندي ما تحمد ربها عـــلىٰ نعمتها تريد تتطلك هسه جنتي حامل هرمونات ونفسيتج تعبانه هسه شجاج تخبلتي

أزهار ـ لهل الدرجه وصلت بينهم

ـ من ورا تصرفاتها الارعنه ردت منها تجي البيت تكظي اربعينها بغرفتها أشسوت شعملت واني مو يداريني واني واني صايره كديش ما تحترم كله لن اخوج ساكتلها ومتحملها عـــلىٰ كل جفصاتها دخل يحمر عينه عليها ويلبسها شلون تجر عدل مثل خوش ادامي ترجع البيت وتلم جهالها .

ـ اذا على اربعينها خلوها تضل يم أهلها امها واخواتها يدارنها وهم تأخذ راحتها ماما بهاي مو من حقج

ـ اني مانعتها خل تكظي اربعينها ميخالف عمي راضين بس ما تريد ترجع ميبسه راسها الا تتطلك اني شحصل من وراهم بس شلعان الگلب وأحفادي يرحون بين الرجلين عاد يوميه بمكان دام أنتِ مو كفوا تتحملين سوالف رجلج شكوو تزوجتي وخلفتي المره كلشي تتحمل ياما تحملنا وماكو رجال ما يدور نسوان بس النسوان يغطن ويضضمن ويغطن عـــلىٰ زلمهن ما يردن يهجمن بيوتهم ويشمتن الشامت بيهن لا يبووو جنتي يا بنت كولي لامج ما خلت ما سولفت .

ـ شـــطالع بيدنا عليهم الله يهديهم ويصلح حالهم

ـ حرگت دمي فلا تصير أدامي انوب أخوج خبلني بسگوته ليش فتح حلكه بكلمه وياها أبداً بس سأكت وهي رطنت الا كالت بس وكل كلمه والثانيه ابنج شگد شريف بطت جبدي .

ـ عوفيها بعد توها والده ونفسيتها تعبانه هم الله يساعدها وعصام ضل ساكت لن اعرفه يحبها وما يريد يخسرها لو يجرحها بكلمه، وأنتي لاتضلين تحركين بدمج لا انوب ضغطج يصعد كومي سبحي وأرتاحي

ـ هو هم هيج اهلج ما موجودين مو

ـ اي بس اني ومجد

ـ زين منظفه البيت يلمع لمع طلعتي ام بيت من أخذت هالمهجوم منج أستعدلتي وجريتي عدل

ـ هو شعليه

ـ سالفتج ماناسيتها ارجعلج بعدين اروح اسبح

ـ راحت وتخوز بيه اكلتني بعيونها شلون قهر صعدت لغرفتي وما نزلت للغده وكلبت عيونها عليه كامت اشك بيه بأقل تصرف راح تطلع روحي بنظراتها

" تغدينا وعصام أكل لكمتين وكام

كمال ـ وين ما أكلت

عصام ـ رايح أشوف الجهال وأخذلهم مسواك

وصال ـ شحجيت اني مو كلت ما توصلها

عصام ـ من كل عقلج يمه اذا هي ميبسه رأسها وأني ايبس رأسي وأعند واكطع رجلي عنهم والجهال شلون حليبهم وحفاظاتهم ومصرفهم وحال أهلها عـــلىٰ كدهم ما مجبورين لا بيها ولا بجهالي اني الوحيد المسؤول عنهم

وصال ـ ومشاگلگم

عصام ـ رحمه الله والديج أنتِ كلتيها مشاگلنا مو مشاكل احد ثاني لهذا أني وياها نحلها ونتوصل لحل يعني بدون زعل لاحد يتدخل عسا ما مشاكلي تطلع من الكوكب محد اله شغل زوجتي وأني اعرف شلون اتصرف وياها واتعامل ويه المشكله .

كمال ـ روح أبني وما عليك من إمك ولاتقصر وياهم بأي شيء اخذ مسواك كامل لاهلها هم ولاتحجي ولاتغث احد من أهلها

عصام ـ ان شاء الله يابه يله فيمالاا

كمال ـ وصال أني كم مره منبه عليج بين الرجال ومرته ما تتدخلين ولاتحشرين نفسج ، نتدخل اذا وصلت بينهم للموزينه ليش تخششين گلب ابنج عـــلىٰ مرته هي هيج الأصول

ـ أني من ورا تصرفاتها

ـ حتّى لو لاتتدخلين بينهم وتصرفاتها ما اجت من دون سبب ابنج هم مو خوش ادامي لو جار أدامي بنت الناس تتحمله وتخلي عـــلىٰ رأسها، سحبي نفسج وخليج محضر خير لاتكرهين بنفسج كلامي مفهموم

ـ اي مفهوم هذا هو مثل ما تريد

ـ مو مثل مااريد لن هذا اللازم يصير

ـ أن شــــاء الله

ـ خوش أزهار بابا تلفونج وين الصبح اتصلت عليج مغلق !

ـ سگتت ما عرفت شجاوبه عاد امي جاوبته

وصال ـ غسلت الملابس وكعته بالغساله وطافي

كمال ـ شوداه بالغساله يعني عطل يله المغرب اجيبلج واحد لن خابروني من الدائره باجر تروحين اداومين خلصت اجازتج خوش بنيتي .

أزهار ـ ان شاءالله بابا

وصال ـ لاتجيبلها تلفونها جديد خل اشوفه احتمال يشتغل شعندك يوميه جايبلها تلفون جديد هواي تدلل بيها كمال

كمال ـ شمدلل منها يا مره هو تلفون يسمعج يكول مخلفتلي عشر بنات، يله رايح اني اذا ما اشتغل بلغوني التلفون ضروري وهي موظفه وعدها ألتزامات .

وصال ـ ان شاءالله .

أزهار ـ شال السويج وطلع وباوعتلي بحقد وراحت جابت التلفون وجرتني من شعري وصعدتني الغرفه وفتحت التلفون

وصال ـ شوفي ازهار هسه تخابرينه كدامي وتنهين علاقتج بي يله خابري بسرعه دام ماكو احد بالبيت

أزهار ـ بجيت ودموعي هي تعبر عن حالي ماما فدوه رحتلج لاتوكفين ضدي انطينا مجال نتفاهم

ـ عـــلىٰ شــــــــــنو نتفاهم ازهار خاتون تحبين وتعشگين كدام امج ولج اني كاسر ظهري وايدي ورجلي ثقة ابوج بيج لازم يوكف بعينج هالشيء تعرفين شنو أسم وسمعه تعرفين ابوج وأخوانج شكثر تعبانين عـــلىٰ نفسهم والكل يعرفهم وتهابهم وتحترمهم وتقدرهم تردين تصخمين وجهي يكولون وصال تربيتها سكط .

ـ أنتِ خايفه يكولون عليج تربيه سكط بس ما خايفه عـــلىٰ مشاعر بنتج شراح يصير بيها

ـ بالجهنم محد گالج حبي وعشگي يله خابري اريد اولي أغسل ملابس ابوج

ـ خليني عـــلىٰ راحتي خوما گبل ابلغه وأصدمه ادري ميكولي شنو شفتي لو عرفتي عني اكيد راح يفكرر بالمستويات وهيج اكون جرحته وطعنت بحبه اليه حرام عليج ماما اللي جاي تسوينا بيه

ـ حرمت لشتج شو ما تستحين شوفي اذا ما تخابرينه احرش عصام عليج وأخليج حتّى من الوظيفه يبطلج يله خابري يله ازهاااار

ـ مسحت دموعي حتّى الرقم كوه اشوفه طلعته وايدي ترجف وگلبي مثل النار اتصلت عليه وگبل جاوب عبالك كاعد ينتظرني حجيت الو هشام

هشام ـ هاا يعيون هشام

أزهار ـ هشام شسمه بعدني ما حاجيه ضربتني عـــلىٰ رأسي وتگولي هيج احجي وهي كوليله بصوت همس

ـ أزهار يحيلي شــــــــــبيج أكو أحد يمج؟

ـ لا لا محد ماكو بس عندي موضوع اريد احاجيك بي

ـ گولي بنيتي شــــــــــنو الموضوع ووينج مختفيه

ـ أختفيت وفكرت بالگوه تطلع الكلمه بس مجبوره غصباً عني

ـ حبي شــــــبيج وبشنو فگرتي حاجيني عدل يرحم موتاج ترى قلقتيني عليج صاير شيء وياج أبويه أنتِ

ـ هشام أني وياك ما نرهم لبعض وكلمن يروح بطريق مااريدك بعد

ـ ما تريدني شــــــــــنو تحجين من عقلج

ـ أي

ـ تشاقين مو

ـ لا ما اتشاقه احجي الصدك اني وياك ننفصل أحسسن

ـ ليش

ـ ماكو ليش هيج أحسن

ـ شــــــــــنو ماكو ليش شنو هيج أحسسن غير اكوو سبب ما ننفصل اذا مااعرف ليش اني ما حبيتج مو علمود أسمع منج هالكلمتين گلبي مو لعبه بيدج أزهاراحجيلي لاتبقين ساكته أحد عرف بعلاقتنا انكشفتي احجيلي لاتخبليني وتخلينييي عـــلىٰ عمى عيوني

ـ عصب وأنزعج وامي ثولتني تريد انهي الاتصال وخلي ينكز وراي رجعت اخذ نفس جاوبته بكلام ماما اني وياك ما نتوالم صعب اثنينا مختلفين

ـ مختلفين بشنو !! بالماده قصدج من الصبح اروح أكود لو اسلب وانهب واترسلج بيتي فلوس وأشتريلج قصر وسيارات ازهار اني من حبيتج ما فكرت بالماده اني خبزتي خبزه حلال لو الفقير ما اله خبزه عدكم .

ـ شقصدك بهذا كلامك

ـ وروح الابويه ما قصدي شيء لاتأخذين عـــلىٰ نفسج وأهلج بس من حرگت گلبي حجيت هيج افهميني يا بنت الناس اني رايدج ومشتريج بدم گلبي وحبيتج من ساعه الشفتج بيها حبيت ثكلج ورزانتج وأسلوبج وتعاملج ويه الناس والحدود المخليتها اني ما وكعني عـــلىٰ وجهي غير ثگلج وخشمج وأثبتلج أني حبيتج من کل گلبي

ـ اني ما اريدك بعد كلتها واحس روحي شبه راح افقد الوعي امي رادت جرت التلفون مني وسدته بوجهه

" ليش هيج سويتييي فوك ما خليتني اعوفه غصب وجبرتيني أكوله كلام واجرحه الله يدري هسه شيفكر عباله عفته علمود المستويات كسرتي خاطره تدرين لو لا
ضلت صافنه بوجهي جاوبتها وگلبي محترك

تقبلين احد يكسر خاطر ولدج گلتها وضربتني ونفضتني من شعري بقوه واني ابجي وكاتمه عبرتي بصدري موتنيني وخلصيني منج ومن ظلمج من يوم رفضت ابن اخوج كرهتيني بعيشتي سسمتيني اني هالوحده عندج لو عندج عشر بنات جان أشسويتي

ـ أنتِ وحده وشلعتي گلبي مشگلتج ما تفكرين بعقل مأخذه الدنيا بس ألج وعبالج اذا تزوجتي هشام راح ترتاحين بحياتج لا والخلقج ما تشوفين الراحه ومثل ما ابوج شاف نفسه ورفع خشمه عليه وعلى أهلي نفس الشي ينعاد وياج وأخوانج بالقندره بعد ما يشترونج
بابج محد يفتحه عليج تبقين مثل الجلبه مكطوعه

ـ بس أني أحبه

ـ وأهلج تكولين الهم احبه وهو ابو الخط مالتج شلون تضحكين عليهم أطكينهم بسحر وتلعبين بعقولهم منو يرضاها ؏ نفسه علمود هما يرضون ترى مو غشمه بس ادري بيج تردين تكسرين عيونهم وتاخذينه

ـ ليش ماما ليش ما دا اصدك أنتِ أمي مستحيل تكونين أم مستحيل الأم ما أدمر بنتها هالشكل أنتِ دمرتنيني موتنيني بالحياة .

ـ شوفي ولج علاقتج بهشام تنسينها خلاص والتلفون أعوفه يمج مو لسواد عيونج بس أبوج وأخوانج يشگون أكو شيء وبالاخص أخوج عصام هذا يشتري المشاكل شرايه والخط هالايام اقنع ابوج خل يرجعلج سيارتج وتعوفينه وكلمن بطريق

" وأذا دريت بيج راجعتله ما تلومين الا نفسج اذا أنكشفتي وأنلكفتي وكعتي بيد اخوانج ما الي شغله بيج لن اللي ما تسمع حجايتي طبها ستين مرض .

ـ ليش هيج تسووين وأنتِ بإذنج سمعتي كلامه وصدق نيته وشكثر يحبني ورايدني وأول ما صارحني بحبه فتح وياي موضوع الزواج يعني هشام نيته شريفه معقوله أنتِ أمي ترفضين واحد مشتري بنتج بدم گلبه ورايدها بالحلال معقوله ما ترديلي السعاده

ـ بعدين تصفنين بگلامي وتعرفين أني اريد مصلحتج .

ـ شمرت التلفون بوجهي ونزلت وكعت عـــلىٰ فراشي بجيت الا رأسي فرغ روحي طگت لعد لو حابتك سنه سنتين جان متت جريت التلفون وباوعت رقمه ياربي شكثر جرحته اكيد هسه گلبه مثل النار اسفه حبيبي
______

يتبع .... ....

17







أسيل

ـ كل هالايام المرت أني مبتعده حتى التلفون عايفته غثوني بكلامهم هو وحبيبته وصفنت عليه يعني واحد مثلك يحب وحده اخلاقها زز تفشر وتغلط ولسانها وسخ ششترجى منها انصدمت بي وبذوقه
"
لا والقهر حاجيلها عني اي طبعاً تحجيلها اكيد العلاقه قويه بينهم واني باقيه احبك لوحدي انوب القهر هالحب تضاعف من حجيت وياه حبيته غصب هالگلب حبه مو بيدي والله .

" مسحت دموعي وأحس نار تلجع بصدري اشتاقيتله ابن الحلو فتحت معرض الصور مخزنه كل صوره صافنه بيهم وتفاصيل وجهه أخذت عقلي وگلبي ما كدرت اتحمل دخلت على حسابه من حسابي الاصلي بس اشوفه شــــــــــنو ناشر لكيته ناشر صورته شگد ينشر صور هذا مبين يحب نفسه ويقدس تفاصيله من منشوراته ولبسه والكشخه مالته الغرور يقرأ تريليون بس حقك عمي نيالها عمتي وصال من خلفت هيج جمال وشخصيه بس لسانه متبري منه ومع ذلك أحبه

" دخلت التعليقات ما شفت حسابها ولا معلقه اله أستغربت شعجب بالعاده هي أول وحده بالتعليقات ! ليكون عافته بسببي يله بعد احسن زين ما سويتي أصلاً أنتِ مو من مستواه شجابج عليه صحيح هو لسانه متبري منه بس مع ذلك الرجال يختلف عن البنت لازم تكون اخلاقها اسلوبها أرقىٰ .

" طلعت ورجعت أكلب بدون واهس وطلع كدامي أخوي حارث راد عـــلىٰ تعليق مروان عـــلىٰ منشور ويحجون بينهم ومختلفين بالاراء حول المنشور وهو مصمم عـــلىٰ رأيه ولاحظت عصام معلق فقط بـ لايك ومروان راد عليه علم ابو كرم وعلاقتهم حلوه صفنت بكلامه وأسلوبه والرد مالته ثكيل ثكيل گبل حفظت المنشور واجت أبالي فكره بخصوص المنشور .

" جنت مسويه حساب جديد من فتره سويته بس غالقته وصايره هواي اسوي حسابات وهذا الشي ما احبه كلهن حذفتهن بسببه وهذا اخر حساب ونشوف تاليتها وياك يا مروان !!.
دخلت عليه وخليت صوره حلوه كلش ومُلفته لنظر بنت فاتحه شعرها وركبتها طالعه وعيونها گبار شكلها قويه ونفس الوقت و؏ ملامحها حزن وفرح تمثلني رتبت حسابي وسجلت خروج وبقيت فتره طويله هادئه ومراقبه ادق تفاصيله نايمه بحساباته ماجان أبالي اي فكره غير أنه احبه وبس مو مهم الباقي .

" واكفه اغسل المواعين وأبالي اليوم اراسله وحسابي صار زمان من سويته علمود لا يطلع اله حساب جديد ويشك ويعرفني مستحيل هالمره اخلي يعرفني لازم اكون فطنه وأنتبه لـ أقل تصرف وكلامي يكون دقيق وموزون وياه لن عرفت طبيعته شيحب .

جنان ـ ما صارن مواعين ادري نمتي عـــلىٰ السنك خلصيهن عاد

أسيل ـ فوك ما أغسلج المواعين وما راضيه

ـ غصبًا عليج بيت ابوج قابل بيت الغريب يله كملي من أيدج وروحي غسلي ملابسنا وملابس جهال اخوج حارث ضلن غسليهن مو الكاج شامرتهن

ـ ليش ما خليتهن بالسياره من اجه حارث اخذهم ليش تبقين ملابسهم اهنا مو عدهم ام هي مجبوره بيهم ما كافي متحملتهم النهار كله هما وسخهم وهوستهم طبخي وكليهم وسبحيهم ودرسيهم شو كله براسسي امهم الها الحاضر حتى من يرجعون من المدرسه اني ادرسهم ترى مو وضعيه .

ـ جهال اخوج مال الوجع شصار عليج تموتين شگد نحسه

ـ جهال أخويه عـــلىٰ عيني ورأسي بس شويه خافوا الله بيه ما يصير كله عليه وامهاتهم بس وظائفهن ورجالهن وعايفات جهالهن عليه ما وكعت بس برأسي مستقبلي ابنج حرمني منه ومرته تروح وتجي اداوم عادي عنده بس عليه صار رجال وبطلني من المدرسه

ـ رجال وغصبا عـــلىٰ رأسج كافي عاد ذبحتيني غضب عـــلىٰ راسج ودراستج من ورا لسانج ما تحترمين وما قدرتي نعمتج ضليتي تتبطرين وتحجين ليل ونهار واستلمي ما اجاج

ـ اي گافي هذه أنتِ من يوم يومج راضخه رأسج لجنايين

ـ شتردين اسوي اشد وياهن ومشاكلهن متخلص ويوميه وحده زعلانه لبيت اهلها واخوانج ينشلع گلبهم على اقل أنتِ بنتي امون واحجي عليج ودام هيج ماله من الوضع بس تجيج قسمتج ازوجج واخلص منج ومن لسانج الأكشر

ـ منو كلج أريد أتزوج وعاد شلون راح تزوجيني غير مثل سيف وهديل شابعه ضيم خلف عليج تجمعين الها كم فلس مدبره وضعها لا عيني زواج عـــلىٰ ذوقج ما اتزوج

ـ انجبي لعد واشتغلي وأنتِ ساكته باجر عكبه تروحين بيت زلمتج يكفخ بالنعال تسكتين اله بس امج لسانج متر عليها خلفة أخر وكت شالعه گلبي بس تنگين عبالك جهال غرب مو جهال أخوانج مأكله راسي من وراهم

ـ زعلت ومشت لغرفتها واجه ابويه معصب وعاط بيه

علوان ـ شلون تعلين صوتج عـــلىٰ أمج صايره ما تحترمين ومستجلبه تف عـــلىٰ هالوجه دماغ زز رأسج اكسره أذا سمعتلج صوت يله شوفي شغلج لا أنعنع عظامج أدبسزز يلااااا تحرگيي .

ـ حاضر يابه مشه ومسحت وجهي ورحت غسلت وبجيت عبالهم ماله من شغل البيت لو زاهكه من خدامتهم ما يدرون مليت خدامه الجنايين وجهالهن منو يراضاها ؏نفسه بس اني وانوب هما الما راضيين وقهرني اكثر ابويه هو السكوتي والهادئ جرحني بكلامه .

" كملت شغلي ونشرت الملابس ما خليت ما سويت وصعدت لغرفتي نظفتها لو اخيس محد يصعدلي منو بحالي ومنو سأل عليه عبالك متبنيني من الميتم أستغفر الله ربي واتوب اليه شهل التفكير الخايس ضحكت وكفت أباوع المرايا صفنت عـــلىٰ روحي وجريت التلفون ورحت على المنشور الحفظته گلبت التعليقات ولكيت تعليقه أنطيته اعجاب لتعليقه وعفته خل هالمره اصير ثكيله برأسه ما يدري شكد قريت واخذت معلومات شلون الوحده تصير ثكيله ههه شعندي سوالف كلها علمود مروان .

عفت التلفون وجبت خيط وحفيت وجهي ورتبت حواجبي شيء بسيط لن حارث ينتفهن شعره شعره شيخلصني منه، كملت وباوعت الساعه انام احسن واجواء الغرفه اساعدك عـــلىٰ النوم تمددت وتذكرته خرب بيومك روح من بالي اريد انطمر .

" كعدت المغرب رأسي صاير طبل روحي لعبانه عزا شگد نمت ولا ادري بروحي خو ولا واحد صعدلي كال خل اشوفها ماتت عدلتت .
صوتهم وهوستهم الظاهر بيت حارث يمنا ونزلي اسيل سوي عشه اووف منخلص من هالسالفه .

" جريت تلفوني من الشحن لكيته دازلي طلب كمزت من فراشي وحاضنه التلفون وافتر بالغرفه دزلييي دزلييي كسر غروره وخشمه اليابس ودزلي طلب
اوافق لا ما اوافق ضحكت واكل بأظافري وصورته گبالي ما وافقت خليته معلك الا اشعوطك اصبرلي عبالك اخليك تكشفني لا والله هالمره كاعدتلك ومفتحتلك وبعدين شعندك دزيت طلب ما صدكت وحده انعجبت بتعليقك

عفت التلفون ونزلت كلت الهي روحي ما استخف بسرعه سويت عشه بواهس مخلمه ومقليات وكملت كلشي وتعشوا وغسلت المواعين حتى عشه ما تعشيت لن بالي يمه وعيني على الساعه جاي اغسل الكوابه ودخلت اسماء

اسماء ـ شلونج أسيل شخبارج

أسيل ـ الحمدلله

ـ مشتاقين شدعوه عليج تعالي فديوم لبيتنا هم تغيرين جو هسه جنت احجي ويه حارث ناخذج ويانا ف كلت اسألج

ـ بلعت ريگ بگلبي اذا رحت وياج يعني أنسى شيء اسمه تلفون ومروان شلون وصورته اذا ما اباوعلها ولا اكدر انام
جاوبتها تشتاقلج العافيه عيني سؤالج عني كافي لا يمعوده وين اطلع ملتهيه بشغل البيت وهوسة الجهال

ـ اي والله حقج اني علمودج بس ما عرفتج صايره حبابه

ـ هو اني حبابه ابتسمت وگلبي نار من عدها كمزت عليهم ياربي ما يأخذوني تريدني اخدمها لو عدها حملة تنظيف اعرف هالسوالف مالتها مو حابتني هيج لله .

" رحت كعدت يمهم وأمي ما تباوعلي عود زعلانه كاموا وحارث باوعلي وگال

حارث ـ أمشي ويانا تغيرين جو والجهال يردونج

أسيل ـ سگتت عاد أمي جاوبته

جنان ـ لا ما تروح اني لوحدي وما بيه ومرت اخوك حبله منو يطبخ وينظف نديح وراها خليها غير مره عود ادزها

حارث ـ ماشي يله تصبحون على خير

أسيل ـ ماي بارد ونزل عـــلىٰ گلبي راحوا ولملمت الهوسه وعيني على الساعه بالعشره كملت شغلي وصعدت شفت التلفون ما دازلي شيء دخلت حسابه وأنطيت أعجاب عـــلىٰ صوره الناشرها وكلت خل اعلق اله اتحرش بيه هذا شافني غلست عنه ورجع لبسني ما ينرل راسه ابن الحلو .

عقلت عـــلىٰ كلامه الناشره فوك صورته وكتبت الحياة حلوة ومره ولازم نعيشها بالاثنين رد عليه يضحك إثنين لو ثلاثاء !
خاب فشلني عوذه صخونه شعندك كاعد بالتعليقات ما جاوبته بس انطيته لايك وعفته ورجعت اكلب عادي عود ثكيله وكذا واني اتحرمص مية الف مره اشوف التعليق ودخلت اشوفه لكيته ماسح الرد مالته يااا ليش مسحه عفته ورجعت أكلب بس كلبي يكرظ بيه روحي راسلي عوفي الثكل هسه يبووه يگلبي.
گبل قفلت التلفون ونمت ثگلي برأسه لاتنطينه وجه هو شيطان يكشفج بسرعه عـــلىٰ اقل ما يشك بيه لن هو معلق على منشور عام واني وحده عابره شفت التعليقات ولفت نظري تعليقه وجه نظره حول المنشور وهيج اضمن ما راح يعرفني واتعرف عليه من جد وجديد بس كون ما يفشر ويحترم روحه لن هالمره كوه متحمله عليه من بعد اخر مراسله كلما أتذكر أشبع قهر .

" مر أسبو؏ بس طگ گلبي والطلب معلق ما وافقت وتعليقي موجود ما حاذفه مو مال اتحرش بي يكشفني ويطلع قهره كله بيه لا خل افكرلي بسالفه تخلي ما يشك بيه بس شلون دخت والدوخه دوخه .

" كاعدين نتغدا كلنا واني رايحه مسلوسه سل من الضعف شهيتي مسدوده بالگوه أكل هيج مجامله وانفتح موضو؏

جنان ـ ابو حارث بيت كمال جنتهم جابت مو لازم اروحلهم عيب

علوان ـ اي لازم اذا ما عندج شي روحي العصر وحسن انت وصلهم منو تاخذين وياج

جنان ـ اسماء ما ظنتي تروح حارث ما يقبل نسرين يمه تروحين وياي

نسرين ـ لا عمه اني الطلعه عليه شثكلها وراي جهال يشلعون الگلب أعفيني منها

جنان ـ لعد شلون هم اخذج وياي تجين

اسيل ـ وياي تحجين

علوان ـ أخذيها وياج روحي ويه إمج لبسي لبس مستور

أسيل ـ ان شاءلله يابه بداخلي فرحت يا محلاها من طلعه كملنا وغسلت المواعين بنشاط وامي تحضر بملابسها خوما هسه نروح

ـ اي الجو بارد والنهار كصير نروح ساعة زمان روحي لبسي بينما اشوف ابوج

ـ ماشي صعدت فرحانه طلعت فستان اسود مستور ولبست شال جوزي ونسقت الجنطه والجوزي شگ گلبي وطلع فديتني شلت تلفوني ماكو شي منه غلقته ونزلت لكيت أمي جاهزه وحسن شغل سيارته وتوجهنا لبيتهم أكذب اذا كلت ما خايفه هيج گلبي يريد يشگ صدري ويطلع شعور حلو ومخيف نفس الوقت او احتمال ما الكاه بالبيت يجوز بالدوام يارب الكاه نازل وأشوفه احس الصوره ما تترس العين وما تروي الروح اذا مو وجه لوجه بس متاكده ما راح يباوعلي وارجع شبعانه قهرر من وراه

" وصلنا بيتهم واخذت نفس وحسن أتصل ويحجي بالتلفون

حسن ـ يم الباب واكفين الاهل اجو عليكم هاا وين أنت يله بلغهم لعد خوش خوش

أسيل ـ قطع الاتصال وكال لأمي

حسن ـ عصام يم أهل مرته ومروان بالطريق الظاهر جنتهم مو بالبيت يم اهلها جان خابرتي قبل لاتجين

جنان ـ شمدريني كلت تكظي اربعينها بيت عيالها وهسه شلون خوما نضل واكفين

ـ لا مروان گال هسه اخابرهم يفتحون الكم الباب هو بالطريق جاي اذا اجه اكعد ما اجه ارجع عود ساعه واجي اخذكم

أسيل ـ يحجون وشويه وانفتح الباب يعني بالطريق جاي يمه هلا بيك دخلنا البيت وأستقبلتنا عمه وصال وتهلي وترحب بينا وتبوس بيه اكلتني أكل مدري اني بالغت لن احب ابنها .

وصال ـ يا هلا يا هلا الف هلا بجيتكم عيوني اتفضلوا ولج اسيل صايره تكطعين صلاوات عـــلىٰ محمد نياله اليأخذج نياله سعيد وعنده حظ وبخت

اسيل ـ خجلت وارمش بعيوني وامي شاگه الحك وغمزتلي يبوووه امي رسمت احلام ورديه نفس احلامي
دخلنا وراها وحسن ويانا كعدنا بالاستقبال ومجد جاب الضيافه وكعدت وتحجي ويه امي ومباركات واني عيني على الباب سمعت صوت هورن لو گلبي يريد يوگف روحي ساحت وماعت مثل الزبده وانفتح الباب وهبت علينا ريحة عطره دخل بملابسه العسكريه توه نازل سوده عليه اكيد تعبان تسلاموا هو وحسن وسلام حارر وضرب حسن بيده صفكه قوي وحضن ومباوس

مروان ـ الله بالخير يابه هلا بيكم شلونك شخبارك.

حسن ـ الحمدلله بخير انت شلونك اخبارك

مروان ـ بخير الله يسلمك ويعزك عمه شلونج شلون حالج الصحه الاحوال عمي شلونه صحته عافيته الكل منكم

أسيل ـ يصلي صلي انطي مجال حتى امي كامت تممت ما كدرت ارفع عيني واباوعله استحيت متت والله وخوف سگن گلبي بحضوره عـــلىٰ الرغم هو طبيعي وصوته خشن ويسولف ويه حسن وسأل عـــلىٰ حارث

مروان ـ من رخصتكم شويه وأرجعلكم وحسن ما تروحون عشاكم يمنا عمه ابقي ماكو روحه

حسن ـ لا يمعود مو مال عشه وعشاك واصل قابل جاي نجربكم

مروان ـ لا والله ماكو روحه يله من رخصتكم

أسيل ـ اتفقوا نبقى عـــلىٰ العشه يحجون بينهم واني اباوع نظرات خطف وعلى السريع ضحك بصوته الحلو وضحكته حلوه طلع تلفونه گلب بي وحسن غمزله وضحك

مروان ـ ماكو شي يمعود

حسن ـ شوكت تزوج

مروان ـ بعد ما مستعجلين يله من رخصتك اغير ملابسي واجي نطلع برا

حسن ـ اخذ راحتك ابن العم

مروان ـ كام وترخص وبيده تلفونه وعبر من يمي بينا مسافه قليله تفصلنا بس هالمسافه من مر خطف روحي من صدري صرت بعالم ثاني دخت وانثولت بقربه اريد اخذ نفس ما اكدر اووف لو تدري حبك شمسوي بيه ناعل اهل اهلي ادردم عليه پگلبي .
" انفتح الباب وطلع وسمعت صوت ركضته عـــلىٰ الدرج عـــلىٰ كيفك لاتوكع واموت اذا صارلك شيء يا ابن روحي رفعت عيوني ولكيت عمتي وصال صافنه عليه ابتسمت وكامت شالت جنطته وطلعت صاحت ازهار

وصال ـ ازهار نزلي

ازهار ـ اجيت .

أسيل ـ صرت ماكو أعقل مني امي تسولف ويه حسن وبالها يم الجهال وين ما تروح يضل بالها يمهم خل نضل ونشوف خلقة الله

جنان ـ خابر نسرين وكول الها عينها عليهم من نقط كهرباء والماطور عفته مشتغل

حسن ـ يمه ترى امهم اكيد عينها عليهم لاتضلين توهسسن وبالج يمهم ارتاحي وعود ميخالف اخابرها تدللي .

أسيل ـ مر وقت واجه لابس تراك اسود خله تلفونه عـــلىٰ الشحن وطلعوا هو وحسن بس شبعت قهر ولا باوعلي ولا شايفني من كاعي ضجت حيل وباوعت عـــلىٰ تلفونه وقررت من ارجع احجي وياه وشيصير خل يصير .

" اجت ازهار بس وجهه طافي عكس اخر مره شفتها بس صافنه لاحظت عليها حزينه وما الها مزاج كعدت شويه وراحت ومر وقت بين سوالف امي وعمتي وصال واجه وكت العشه احنه كمنا وهما الزلم بالاستقبال صبوا العشه واجه عصام سلم علينا وباوعلي وابتسلملي عيني هو الحنين امداج هديل ليش عفتي

عصام ـ هاا اسيل شلونج ولج اخبارج صايره مره شكبرج صايره بكد البعير

اسيل ـ اي اخذني لابنك

ـ عوذه تصيرين جنتي لا ربحنا يومين وتكتلين ابني لن ابني فقير ما اله خبزه وياج لا عمي شسوي بيج اشيل خطية ابني

وصال ـ تخبل شحلاتها جنها ورد جوري ومفتحه

عصام ـ هي من يومها ورده خايسه

اسيل ـ عابت

عصام ـ جهرتج غير، يله من رخصتكم عود دوسي بالماعون لاتخلين شيء بردي خاطرج

اسيل ـ تدلل ضحكنا كلنا وهو مشه لغرفته تذكرت ايامنا من جان يتزعلوون هو وهديل اني جنت خط وصل بينهم وصارت بينا صداقه قويه وحلوه هو حباب ومحترم نفسه

ازهار اجت جابت السفره تشتغل بدون واهسس واجه عصام حاجاها

عصام ـ عبالي نطلع نتعشى اني وياج

ازهار ـ هاا

عصام ـ يله على باجر

ازهار ـ على راحتك

اسيل ـ يحجون بينهم وحبيت خوتهم يطلعها مطعم ويتعشون خوما مثلي اذا عدهم اخت هم ناسين بلعت عبرتي وسگتت وجابوا العشه وتعشينا وشربنا جاي ازهار ما كعدت بس غسلت المواعين وصعدت غرفتها .

جنان ـ لعد ازهار ما شفناها

وصال ـ صعدت تغسل ملابس مروان هسه تجي

أسيل ـ مر وقت بين سوالف وعصام اجانا حسن يروح وكمنا وطلعنا بس عصام يمشي ويه حسن ويسولفون ومروان ماكو وين راح هذا ضلت عيوني ادور عليه ماكو وباوعت الكراج سيارته ما موجوده طالع ليش طلعت عبالي اشوفك قبل لا اروح .

" طلعنا وبالطريق الهدوء سكن روحي وصلنا وامي ضلت تسولف لابويه عن أستقبالهم وتقديرهم لن بابا بعده متحسس من سالفه هديل راد يقطع العلاقه بس ما انقطعت لن الدم واحد .

" صعدت غرفتي غيرت ملابسي وطلعت تلفوني ووافقت عـــلىٰ الطلب مالته خل اوافق كافي طكت مرارتي انوب شفته اويلي يا يمه.

" وتمددت وبهل الاثناء وصلتني رساله منه

مروان ـ بعد وكت

أسيل ـ اخذت نفس بقيت صافنه عـــلىٰ الرساله جن هو كاعد بالمحادثه ومكابله خلقته الحلوه

ـ ليش تشوفين الرساله وما تجاوبين هاي شيسموها

ـ يربي شبيك مستعجل شكتب خرب انه شكتب توترت حظ الكواد بالكوه كتبت اعذرني ما قصدي بس هسه فتحت الرساله العفو منك

ـ لا غلا ولا يهمج

ـ يمه حبيبي اللطيف اجتني الصفنه واعلس بأظافري والتوتر فول

ـ مشغوله

ـ لا

ـ عبالي كلت اخاف راسلت بوقت مو مناسب

ـ لا بس العفو منك محتاج شي دزيتها وجن جفصت غميت روحي شيحتاج مثلاً كبر كبرج اسيل شافها وضحك ضحكه مطوله جاوبته العفو ما عرفت شرد عليك

ـ لا عادي عيني ولا يهمج تصير ومبين عليج انسانه بنت اودام

ـ يمه يمه فديت باع اللطافه عسل يربي عسل شكتبلك هسه رب الحلو اكوله انت ابن الحلو واجفص بالسالفه واكوله احبك لا اسيل شسالفه لزمي روحج احم .
جاوبته شكراً كلك ذوق هذا من حسن ظنك وطيب اصلك جن ضبطت الرد بويا فديتني ورسلتها شافها لن الحلو كاعد بالمحادثه

ـ تسلميلي غلا

ـ يمه فديتك ما جاوبته بس انتظره هو يكتبلي

ـ ما جاوبتي

ـ عـــلىٰ شنو

ـ ليش وافقتي ؏ الطلب فوك كتبتلج بعد وگت

ـ اهاا ما لاحظت

ـ ما لاحظتي الطلب لو الرساله

ـ الرساله يمه صرت ثكيله وعاقله ابوسني

ـ اهاا تمام والطلب

ـ شجلبت بالطلب

ـ ههههه هم صدك عبالك لحيت هواي

ـ لا عادي وسگتت وصافنه على كلامه ما اريد استخف

ـ شو سگتي

ـ شحجي مثلاً أنتَ راسلت وأنت تحجي

ـ هههه يعني اليراسل الاول الحجي عليه خوش والله عجبتيني

ـ اعجب منو

ـ العفوا اقصد طريقه كلامج

ـ اهاا عبالي

ـ اي غلا

ـ تمام لازم اروح

ـ اهاا اخذي راحتج بس عبالي نحجي

ـ بشنو نحجي شو طولتها عليه

ـ عـــلىٰ كيفج اعصابج ترى محترمج اني

ـ واني هم محترمتك

ـ ماشي اخذي راحتج .

ـ راح وحسيته زعل اييي بردت گلبي بيك اخخ شلون خليته يرجع يحترمني وضبط لسانه ما فششر رجعت اعيد الكلام واضحك عـــلىٰ روحي ما مصدكه بروحي والله وهو الحلو لطيف نكع بكلبي بلطافه كلامه بعد گلبي سامحني غير احبك ولازم نتعادل تجاوزت عليه واخذ حقي منك فديت هالطول حضنت التلفون وكلني فرررح
___

أسيا

ـ من طلعنا من المستشفى عمتي عندت الا اروح لبيت وياها وضلت تحجي ومعصبه بالگوه ساكته تالي انفجرت بوجهه وين اروح وياج منو يداريني والمن اروح اكابل ابنج الشريف ابو النسوان خلي الحجي مضمم عمه ابنج محد جرعه وتحمله غيري وجايتني تكوليلي روحيي ما اروح

ـ شو صايره ما تحترمين أحد ومستجلبه ولسانج شطوله ضيعتي مالات الاوادم وتخبلتي كلمه والثانيه ابنج وابنج ليش مو رجلج وابو جهالج بس الصوج مو منج الصوج بإبني ما ضابج عدل ومرخي الحبل ابقي بهذا راسج اليابس ابقي

ـ والله عمه لاتزعلين هذا العندي وبعد ما ارجعله وياريت يستعجل بالطلاك هاي هي كلشي ينتهي كرامتي ما تسمحلي بعد اعيش وياه

ـ شــــــــــنو بكيفج هي ما وراج احد ام أبراهيم احجيلج حجايه شو ساكته وبنتج حرگت دمي

فوزيه ـ خليها خليها نروح للبيت وأني اعلمها لعب جهال هي يوميه زعلانه وتعال طلك وهذول الجهال شنو ذنبهم يضيعون بينكم لو بهاي ما فكرتي بس مفكرتلي بالكرامه

أسيا ـ والله جهاله ما يبعد عليهم طريق اي افكر بكرامتي بشنو مقصره وياه يروح يخوني ويه كح*** مثله بس هو ساقط وهذا مستواه واني بعد ما اصيرله مره ودرب المحاكم يندله حجي ثاني ما عندي .

" سگتت وبهل الاثناء انفتح الباب بقوه حسيته جان يسمعنا باوعلي وضل مركز نظراته ما نزلت عيني طبيت بنص عينه باوع على عمتي وكال لأمي

عصام ـ يله نمشي

وصال ـ مرتك الخاتونه ما تريد تروح ويانا للبيت تريد لبيت أهلها

عصام ـ هذا هو يجرالها يلا عمه اوصلكم هذن الجنط مو

وصال ـ يجرالها هو هذا كلامك الله كدرك عليه

عصام ـ شسويلها يعني الزلمها الصونده عوفيها على راحتها ولحد يتدخل

أسيا ـ سگتت وغمتني ومشت وراها وأمي تستغفر وشالت البنيه وطلعنا وعمتي تحجي بعصبيه ما متعوده عليها هيج ضلت تدردم وراه واخر شيء عاط ما تحمل

عصام ـ يمممممه گافي رحمه لـ لأهلج

أسيا ـ سگتت وأني لازم اصعد بالصدر لن علمود العمليه أمي فتحتلي الباب وساعدتني وهو صعد الجنط والبنيه عمتي شمرتها عليه وعصام خزرها درت وجهي ولميتها بحضني وشغل وطلعنا للبيت بالطريق رن تلفونه گبل باوعلي صديت وجهي وفتح خط عمي يسأل علينا حجه وياه وانتهت المكالمه وصلنا دك هورن وطلع محمد فتح الباب دخل سيارته داخل الحوش فتحت الباب وامي اخذت البنيه وبقيت اني بالسياره وعمتي ما تحركت ولا نزلت

" اجه سندني ونزلني لزمت خصره وحسيت جسمه تشنج وتوتر غمضت عيوني واخذت نفس اتغاضى هالشعور خرب بيومه گلبي بسرعه يحن اله
دخلني الاستقبال سحبت ايدي وهو صار قريب مني فدمره ثولته ثول ادري بي يدوخ من قربي بس اخ لوما خيانتك هسه احضنك واكلك أكل بالبوس انوب وجهه مبين عليه التعب وذبلان عود مكسور بغيابج عشتوا هواي مكسور .

" ابتعد وراح على أمي انطاها فلوس وهي تتعذر منه وهو باسها من ايدها ورأسها مشه وكلتله عود جيبلي كرم ما جاوبني مشه بدون ما يباو؏ وراه بقيت كاعده وامي خلت البنيه بحضني ولحكتهم اجن نسوان اخواني ويباركن واخذ البنيه يشوفنها عاد دره ساعدتني رحت الغرفه محضرتلي سرير ابو النفر تمددت تعبانه

دره ـ ارتاحي بينما يحمى الحمام وتسبحين علمود ترضعين بنتج خطيه حتى لو بس الصمغه

أسيا ـ ماشي عيني راحت وجابت الجنط ورتبت ملابسي والاغراض كلها خلت تلفوني يمي وامي اخذت جود من رواء وجابت الماي وكعدت سبحتها ورضعتها ممه ونامت

" لليل جنت سابحه وكاعده أحاول ارضعها معنده متأخذ وما حسيت غير صوته صار قريب وأمي تهلي وترحب بي گبل غطيت صدري ودخل كرم يمه فدوه لوليدي حضنته ابوس بي وهو يبجي ويشگيلي وعصام صافن على بنته ومبتسم

فوزيه ـ ما تروح وليدي تضل على العشه

عصام ـ لا عمه عيوني عشاج واصل بس ما اكدر لازم ارجع وتعبان اعذريني غير مره أن شاء الله.

فوزيه ـ ماشي يمه على راحتك

أسيا ـ غمزتلي وراحت وهو صافن على بنته ومبتسم بوجهه وكرم يسولف وياه ويحجون ومندمجين صفنت عليهم وتأثرت ولكيته صافن عليه گبل صديت وجهي عنه

عصام ـ يله اني رايح وهذا المصرف اني جبت حليب وحفاظات كميه واذا تحتاجين شيء خابروني يله بابا كرم صير عاقل ودير بالك على امك واختك خوش زلمتي

أسيا ـ خلاهن بحضني وشال ابنه يبوس بي وطلع ما باوع وراه خليتهن بالجنطه ودخلت دره اخذت جود من حضني واجت رواء عصبيه شبيج

رواء ـ هذا رجلج صدك ما يستحي شــــــــــنو جايب طلي كامل ومكطع ومسواك بالصناديق شــــــــــنو شايفنا جوعانين لو واكفين بابا نجدي اللكمه عيب عليه هذا التصرف

دره ـ أستهدي بالرحمٰن وگولي يالله على كيفج على الرجال شمسوي قابل خوما جايبه لحلكج ترى مرته انفاس وتريد تغذيه وابنه معلم على الاكل الزين والدلال وبعدين شگوو بيها اذا ذكر اهل مرته نسيبهم مو غريب لو الا تخلين بيها وتشيشين مرته عليه صدك لو كالوا سوي خير وذب بالشط

رواء ـ على گيفج عيني انهديتي عليه وأدفعين للغريب شنو نسيتي أشسوى بـ أسيا لو عادي عدجن يجفصنا بالكلام والفعل بس لن عنده راكضات وراه وادافعن اله وهو واحدشايف نفسه ومكروه امداج شحبيتي منه

فوزيه ـ رواء گافي عيب شنو هالحجي يله گومي ساعدي أختج وعزلي المسواك يله تحركي

أسيا ـ راحت ودره هزت رأسها وشوي ومحمد دخل سرير للغرفه عرفت عصام جايبه ودره جهزته ورتبت فراشها وخلتها واني حاطه كرم بحضني وابوس بي وهو ما فاركني مشتاقلي سوده عليه .

" مر يومين وهو ما بين لا اتصل ولا سأل ولا اني خابرت لا هو ولاعيالي وملتهيه بجهالي وجود مسهرتنا الليل كله لوجه الصبح يله تنام .

" بالليل ساعه ٢ ونص امي نايمه يمي بالكاع وبصفها جود بالسرير مالتها كامت تبجي انطتها اليه رضعتها ونامت ورجعتها لسريرها وكرم نايم بحضني شوي صار هدوء ورأسي ارتاح يمه شــــــــــنو هالتعب تمددت ارتاح وتلفوني على الشاحن يم رأسي سحبته ولكيته دازلي رساله من ساعه فتحتها وكاتب

عصام ـ شلونچ الجهال شلونهم .

أسيا ـ زينين دزيتها وصلت بس ما فتحها لن مو نشط
مرت تقريبا دقايق وجاوب

ـ غفيت كلت يجوز ناموا وهسه كعدت على صوت الأشعار

ـ لا كاعده بس جهالك هسه ناموا

ـ عيني هما نوم العوافي وأنتِ شوكت تنامين

ـ شعليك

ـ أسيا

ـ هاا

ـ وجعاا الغرفه من دونچ تخنك

ـ ليش تخنگ اكو من يسد مكاني

ـ مكانج محد يسده لاتكومين تجفصين

ـ هاا هواي صدكتك ابو النسوان

ـ خوش سمعه

ـ اي تلوكلك

ـ أسيا سدي حلكج واحجي عدل

ـ شتريد مني روح الها مو كاعد لهل الوقت اكيد سهران وياها اي اسيا سهرانه وتربيلك جهال وانت بكيفك مأخذ راحتك

ـ سسدي حلگج لا اكسره الج والحسين لو تحجين مثل البشريه لو تنجبين وتسكتين

ـ ما اريدك بعد وياريت تطلك وتخلصني منك دزيتها وصلت فقط تم الارسال معقوله طفه النت عافني وراح

" رجعت دزيتله هاا تتهرب من مواجهتي بحقيقتك طبعاً ما تكدر تعترف وتكول اي اني خنتها تخاف تصغر بعيون اهلك واهلي لن موخوش سمعه تلطش بيك وانت الك اسمك ووزونك دزيتها وصلت ما بس فاتح نت هذا قفله ونام خلاني انكز قهررر
" طلعت من المحادثه وقفلت التلفون ورجعت احاول انام انوب شبعت قهر لو ما محاجيه وياه احسن شگوو جاوبته بس قهررني وعافني احجي لوحدي اخ منك عصام ولا تبدل اطباعك محد يحملك غيري الله يعين بس.
____

أزهار

ـ الليل كله ما نمته ولا ثانيه كظيته ابجي وافكر وصورته ما طلعت من ࢪࢪاسي هسه شــــــــــنو ذنبنا حبينا بعضنا اوف يا يمه أشسويتي بينا دمرتينا بقرارتج .

" أذن الفجر وأني كاعده كمت صليت وسحبت التلفون باوعت على رقمه وحساباته ما فاتح نت واقرا بالرسائل وابجي الا ان اندك الباب مسحت دموعي اي كاعده

وصال ـ يله كعدي مو عندج دوام لوما تروحين

أزهار ـ لا أروح كمت غسلت وبدلت ونزلت وخايفه من مواجهته مشيت بدون ريوك وأمي لحكتني

وصال ـ شو طالعه وحدج ما اخذتي مجد شهل الصلافه العندج

أزهار ـ ترى انتهى گلشي عوفيني بحالي طلعت وهي وياي لكيته واكف ولاحظت أستاذ احمد ورقيه وياه اول مره يسويها أمي باوعتلي واشرتلي صعدت وشغل وطلعنا هدوء وأستاذ احمد يحجي وياه هو ساكت .

" وصلنا الدائره نزلوا وتوني ردت انزل

هشام ـ أوكفي احاجيج

أزهار ـ نعم

هشام ـ ليش هيج سويتي

ـ ما سويت شي سويت اللي لازم يصير

ـ يعني الرفض منج أنتِ ما تريديني

ـ اريد أكوله لا مو مني من امي جبرتني بقيت ساكته وهو مراقبني بالكوه طلعت اي الرفض مني

ـ خير أن شاء الله .

أزهار ـ نزلت روحي طلعت اختنكت حيل وبدخولي صادفتني رشا وأبتسمت عبرتها كلشش مالي خلگها كعدت مالي واهس مزاجي صفر بالشغل ما خلص الدوام الا بطفران الروح .

" طلعنا للبيت هو بعالم وأني بعالم انفصلنا بس قريبين من بعض الامكان تجمعنا بس بدون روح واهسسنا طافي

" وصلني قبلهم نزلت گبل حتى بدون ما أباو؏ وراي أحس اريد اموووت تعلّقت بي هواي عبالك سحرني حبيته من كل گلبي اخ يممممه وأني امشي انضربت بشخص رفعت رأسي شاهين باوعلي مبتسم أستغربت تواجده وانتقلت عيونه على السياره هشام بعده واكف انداريت باوعلي وشغلها سريع رجعت على صوت شاهين

شاهين ـ منو هذا !

يتبع
_'