مجد ـ أسيا عوفيها ورجعي لاتسويلنا مشكله

أسيا ـ هو رايحه لن الظاهر تريد تتعارك بس ما انزل لمستواها يله عيني روح يم الزلم ابتسم وراح وعفتها شكد حقيره طلعت مسمومه .

رجعت كعدت يم الحجيه وحست بيه انهانيت

الحجيه ـ شبيج أسيا وجهج مدخن توج جنتي تلعبين الهوا وشحلاتج جنج گمر ومضوي .

اسيا ـ ما بيه شي جده لايضل بالج سحبتني عليها وباستني من خدي ورجعت تغني وتلعب بجودي بعدها واسمع هديل تحجي ويه امها

هديل ـ رايحه اسحلها من الله ياخذها ان شاءالله بكل خطوبه مفشلتنا شتريد لعد بنتج .

أسيا ـ هاي شبيها اكو اخت تدعي على أختها بهيج يوم كبر حتّى كبر شهل النفسيه الخايسه راحت واني رضعت جود وتاخرت وعمتي حتمتت الا تصعدلها .
_____

أسيل ـ هالايام المرت صحتي تهورت بالزايد ومحد حاس بيه بس يگولولي تبهرزي تصيرين زينه اني جنت اسوي أكل لروحي امي جابتلي دبس وگالت كثري منه من كثرما اكلته هو والمربى لعبت روحي
ضليت عايشه على شوي بيتجانان والطماطه وشنو اكل معدتي تصير حصوه واضل مختنگه والقفص الصدري كله يوجعني عبالك مكسسره.
ما جاي يفيدني البهريز روحي جاي تذوب مثل الشمعه يوم عن يوم احس شيء يأكل بيه محد حاس بس اني حاسه بنفسي .

" مروان من يوم بلغني ما راسلني بعد وجنت مرتاحه بهل البعد عكس هذيج الايام الجنت ملتهفه وطايره بالدنيا عبالي كلشي راح يصير مثل ما أريد واركض ركض علمود أخلص شغلي واروح احجي وياه جانت مجرد بدايات

" لاحظت على أهلي صار عدهم علم لن وجوهم مستبشره بس ما بلغوني على الرغم أني ادري بس تمنيت أسمعها منهم .
امي فرحانه وتخابر بخالاتي مروان ابن كمال خطب اسيل خابرتهن وحده وحده بس تضحك وتبوس بيه وحارث طاير عبالك راح يناسب الوزير لن هو هواي يحبهم وجان رايد نسبهم من زمان ومن أنفصلت هديل هو حاربها وسسمها بعيشتها لما اجتها قسمه مهم تخلص وافقت بدون تفكير واحسسها متندمه بس ما تظهر هالشيء .

" عفتهم وصعدت غرفتي ولگيته دازلي .

مروان ـ اليوم خميس باجر الجمعه العصر اجي حضري روحج

أسيل ـ شفتها ما جاوبته

ـ ويامن أحجي اني

ـ ما موافقه

ـ مو على گيفج ما توافقين

ـ شتريد أنت شسوي بيه تتزوجني وأنت تعرف شصار بينا يعني أشوف الزواج مو ضروري زايده منك هالبطوله

ـ مو ضروري يعني ما تريديني

ـ لا

ـ وعــلىٰ أساس اني گاتل نفسي عليج شوفي لج الزواج يصير وافقتي او رضيتي بالطمرى التأخذج مو مهم عندي موافقتج واذا ما وافقتي ما يجرالج خير ويصير شيء لا يعجبج ولا يعجبني!!

ـ تهدد مروان

ـ كيفج شنو تفهمينها افهميها هذا العندي يله سلام

ـ فصل النت وراح وصار عندي وجع بصدري ومعدتي حيل اتضايقت افتر وابجي ادري تتزوجني تعذبني فوك عذابي ما كافي من يوم العرفتني مسسمني بكلامك مسوي حياتي جحيم لو اموت اشرفلي ولا اصير على ذمته وتحت رحمته.

" صعدتلي أمي واجت تبوس بيه دفعتها بقوه وصحت بيها واني ابجي كافي بس تبوسين هالبوسه هم ما اريدها هسه جايتني تبوسين بيه وانتِ كرهتيني بعيشتي عوفيني ما اريدج
وكفت مستغربه وضلت صافنه عليه بدون اي ردة فعل ودخلت هديل طشت جگليت وتهلهل بعلوا صوتها على شـــنو تهلهلين؟

هديل ـ على خطوبتج من مروان يالعوبه ولج وين يصحلج واحد مثل مروان رجال بي حظ محترم وعاقل ورزن نيال بختج عليه، يله يله كومي لبسي اخذج الصالون نحفلج ونرتبج باجر يعقدون الكم

أسيل ـ تدرين هسه يله عرفت يمه صارلج يومين تدرين وما اجيتي كلتي خل اشوف بنتي أحتمال ما توافق بالجذب ما بلغتوني وهسه جاياتني تاخذني تحفلي وترتبني بدون محد يأخذ رأيي ولا موافقتي
ليش اني بنت زنا لو يهوديه لو بنت شارع لو لكيتوني مشموره عند جامع لو يم بابكم حتّى لو جنت هيج رحمه ماكو بقلوبكم تكولون خل نسأل بنتنا؟

هديل ـ دنجبي شهل الحجي ليش مروان ينرفض

أسيل ـ لعد شعجب عصام أنرفض

هديل ـ انجبي عصام لوحد شجاب سيرته هسه يمه احجيلج كلمه ليش ساكته يمه يمه شبيج يمه ليش تبجين أسيل شحجيتي وياها.

أسيل ـ حجيت اللي حجيته شدخلج گبل تقربت ضربتني كف قوي ولزمتني من شعري تنفض بيه وأمي متخشبه وهديل قست عليه دفعتها بقوه وصحت بيها گافي بزعتوني خليتوني أتمنى الموت أنتوا مو أهل حرام تكونون أهل أنتوا عذبتوني لا ام حبتني ولا أحتوتني ولا ضمتني لصدرها ولا طيبت خاطري بلكلمه ولا يوم اجتني وسألتني بنيتي شنو محتاجه

هديل ـ انجبي وسكتي شتحتاجين قابل شو مدلله وين اكو مثل لبسسج وغرفتج لوحدج شتردين اكثر من هيج بنات اخر وكت شهل الصلافه واكفه تحاسبين امج

أسيل ـ أنتِ أكرميني بسگوتج ولا تتدخلين اي احاسبها لن من حقي اطالب بأممومتي تجاها ما عطفتي عليه سويتني خدامه لجنانييج ومكفخه بيد ولدج ومربيه وخدامه لحارث ومرته كلما اغلط حارث يجرني من شعري ياخذني وياه أسبوع اضل اكرف.وسخهم هو مرته وجهاله ومن اروح المدرسه محد يروح وياي ينطي عذر اضل اتحجج بالف جذبه

لو كلامج تذبينه مثل السم ما تسميني غير سليمه
وتدعين عليه وكلما تعبريني تكفخيني محد صار يحترمني وحقهم ما اجو اخذوا رأيي تدرين ليش لن أنتِ ما خليتي الي اي قيمه بين عائلتج همج الوحيد ولدج وجناينج وهديل تضمضين من الراتب الها ومن اجمدتلج واترس المجمده تشيلين وادزين وتخليني حايره بالعشه اني ما متعاجزه ولا اطالب بتعبي لن غصباً على راسي اشتغل واتعب بس جنت اريد اسمع كلمه حلوه منكم .

هديل ـ كافي تلوصين بكلامج يله فضينا عاد

أسيل ـ خليني محترمتج لا انزل عليج اغسلج غسل أنتِ اخر وحده ممكن تحجي ولاتخافين هسه أتحضر واروح وياجن للصالون لن ما راح ارفض الزواج من مروان هالمره اني موافقه بكامل إرادتي بلكي بيت عمو كمال يحنون عليه ويحبوني ويحترمني ويخلولي قيمه بينهم وعمو كمال يصيرلي أب ويعطف عليه ويحبني مثل ما يحب بنته ازهار بلكي عمتي وصال تصيرلي أم تعزني وتخاف عليه مثل بنتها بلكي ازهار تصيرلي أخت تسأل عني وافتحلها گلبي وتكون قريبه اليه بلكي عصام يصيرلي أخ يكون الي سند اشد ظهري بي بلكي أسيا تكون احن عليه من جناينج وبلكي مروان يطلع ارحم منكم عليه .

هديل ـ انجبي عاد هواي سگتنا الج واكلتي ** بسوالفج يله لبسي ونزلي ورانا يله يمه امشي ما عليج منها ختولي .

أسيل ـ جرتها هديل من كدامي وهي صافنه بوجهي ودموعها على خدها نزلت وهي تباوعلي كعدت بجيت الا طگيت ليش قسيت عليها بالكلام ليش .

" مر وقت وكمت لبست عباية عمتي وصال والشال ونزلت لكيت هديل كاشخه واطك بكعبها وامي كاعده ولابسه ومنزله رأسها وشافتني صفنت بوجهي
ومشينا لصالون وصلنا بلشت بيه حف وصبغتلي شعري أسود وسوتلي اظافري وعنايه كامله وهديل هم رتبت نفسها على الاخير
ورجعنا البيت واني صعدت بعد ما نزلت بقيت بغرفتي اريد اتقبل اللي راح يصير شلون راح اعيش وياه يا ترى هو تقبل اللي صار علمود يريدني زوجه اله شــنو برأسك مروان!!

" الثاني يوم كاعده بغرفتي ولابسه الفستان أبيض وشعري منثور على خصري على طوله بمكياج هادئ
وصافنه على الارضيه وهما وصلوا من وقت ويردوني أنزل واني اجتني الجمده وكومة أفكار ترن براسي وهو يدزلي برسائل مالته واقراهن واني ساكته

مروان ـ ما تنزلين عيني عروس ترى سألت عليج كالوا ما نازله لحد الان شعندج بالغرفه شتسوين؟ جاي تصورين بنفسج مو؟

ـ ما جاوبته

ـ تشوفين رسالتي وما تجاوبين يعني اني لحد الان جار وياج عدل ومطول خلگي وجاي اسويلج قدر وقيمه وأنتِ قندره ما تسوين
لج نعال لاتجبريني اصير موخوش ادامي والزلم الجايبها وياي اخلي الما يشتهي يتفرج وأنزع ثوب المستحى واصير كح** واصعدلج واسحلج واخذج وياي لا خطوبه ولا عقد ولا طركاعه برأسج واريد كواد يطلع وراج ويحاجيني افرغ قهر الله كله بيج وبي.

ـ ما جاوبته

ـ مو أصعدلج

ـ تعال هــلا بيك

ـ اي هذا المطلوب اوكفيلي جايج.

ـ ما جاوبته وفصلت النت ورجعت التلفون وصعدتلي هديل معصبه يمكن سوه هجوم عليها ادري علاقته قويه بيها ودزها عليه
هديل ـ ليش ما تنزلين تردين تفضحينا نزلي ترى مروان وصلت لخشمه لاتخبلينا وياج

أسيل ـ ليش افضحكم شمسويه

هديل ـ نعال على حلكج ادبسزز شو تحركي غصباً على رأسج توافقين مروان تاج راسج جابلج العشيره كلها اطلعي وشوفي أمة محمد كلها اجتي
نسوان وزلم لو الضيافه اللي نزلوها شتردين أكثر من هيج خطبه تعالي أكلي راسي تتبطرين على نعمتج ليش

أسيل ـ من انفصلتي من عصام اني صرت ضدج لو وياج

ـ مو وكته هالحجي

ـ لا عليج الله

ـ وياي

ـ الدنيا مواقف وهذا موقفج ما انساه كثر الله خيرج ما قصرتي خيتي عبرتها ونزلت ولكيت عمتي وصال وازهار توهن يردن يصعدن سلمت عليهن وعمتي تبوس بيه وتصلي على النبي كعدت وجديتي باستني ولبستني عقد ذهب كلش حلو
ويحجن بينهن وفرحانات وبالي مو يمهن مثل الجثة تتنظر موعد جنازتها ويصلون عليها وبعدها يدفنوها هيج جان حالي ما حسيت بشعور راح اصير عروس ولا فرحت مثل البنات بإي احساس أنسانه طافيه وخاليه من اي مشاعر ..

فزت روحي من گالوا

ـ يله جيبنها اجه السيد

وصال ـ يله اسيل حبيبتي

ـ لبستني برگع لونه ابيض غطتني وازهار واسيا غطن شعري وسترني وامي واختي واكفات على صفحه ومشيت ولازمه ايدي وازدادت رجفتي جانت عمتي وصال وياي بدال ما تكون أمي بمكانها بإصعب لحظات عمري لا هي وكفت على صفحه هي
وهديل كانما يگوللي أنتِ تخليتي عنا باوعتلهن والدمعه بطارف عيني گبل نزلت ࢪاسها يمكن حست بذنبها تجاهي ..

" أنفتح الباب ودخلت عادي لن ماكو غريب كلهم أهلي عمامي ولد عمامي وخوالي كعدت بصف بابا وعصام صار گبالي ابتسملي كانما يبث الطمأنينه لروحي ..

" أبتدئ الكلام وأني منزله ࢪاسي وعمتي لازمه أيدي
وطلبوا موافقتي بقيت هادئه واسترجعت ذاكرتي لأكبر اغلاطي وكلامه اليه اذا ما وافقتي ما يجرالج خير وهواي كلام گاله وگتها خوف الدنيا كله انزر؏ بروحي واني مغمضه وانفاسي تتسارع ويه طبول ودقات گلبي بلعت ريگي وگلت موافقه وهو كذلك وافق واتم العقد وصارت أسيل لـ مروان .

" أرتفعت اصوات المباركات وضحكة عصام ورافع نغماتها تردد بإذاني وسمعت صوته من گال

مروان ـ الله يبارك بعمركم مشكورين يابه ما قصرتوا نخدمكم بأفراحكم يارب ممنون منكم

أسيل ـ باستني عمتي من عيوني وگالتلي

وصال ـ مبروك حبيبتي شايفين كل الخير يله
سلمي على عمج كمال

أسيل ـ رفعت البرنص من وجهي كل ولد عمامي موجودين گبل نزلت راسي بخوف ومشيت ناحيته وباسني ويضحك وباركلي ومروان بصفه باوعلي بنظرات أنتصار وغمزلي وضحك بخبث يعني
صرتي الي .

كمال ـ الف مبروك والله يسعدكم ان شاءالله وصار عندي ثلاث بنات وغلاتج من غلات ازهار وأسيا .

أسيل ـ تسلم عمو الله يبارك بيك وربي يخليك النا

عصام ـ مبروك عيني واحلى من تكون جنتنا وبيناتنا
الف هلا بيج بعائلتنا والله يسعدكم أن شاءالله

اسيل ـ تسلملي ربي يبارك بعمرك ويحفظك وولد عمامي يحجون على مروان ورافع أبن عمي داوود
گاله

رافع ـ لك مروان تقدم بوس خطيبتك وباركلها شبيك يحظي ادك ثكل برأسنا يله مروان يله انت ذيب عليها شوفنا بطولاتك .

ناجح ـ هذا ما عنده بطولات يم النسوان يتراجف

مظفر ـ گلبه رهيف

عصام ـ دير بالك يهزنوك خليك جبل ما يهزك ريح

فاضل ـ عوفوا ولكم يستحي

أسيل ـ ضحكوا ونصبوا عليه واني مشيت وطلعنا ويه عمتي وهما ضلوا يسولفون واصوات ضحكهم واصل لعدنا

" جديتي تقدمت باستني وباركتلي وكالت

الحجيه نعيمه ـ مبروك والله يسعدكم واريد منج تخلين مروان بعيونج واديرين بالج عليه هذا عزيز گلبي وههو حنين وگلبه طيب يا بختج بي تستاهلينه

أسيل ـ الله يبارك بيج جده ان شاءالله، باركلي كلهم وازهار واسيا اخذن وياي صور والكل اخذن ما عدا امي وهديل حتّى نسوان اخواني الما ارضى عليهن الهن موقف حلو هاي اسماء شكد جانت حقيره تعدل بمكياجي وتقدم ضيافه وتهلهل واخذت
صور وتبوس وتباركلي يعني الها موقف حلو .

" ارتفعت صوت الاهازيج والاغاني ترمز لعز والفخر واصواتها كلش عاليه وصار صوت رمي طلقات كلش عالي واسيا فزت وشهكت بخوف وضربت على صدرها وگالت

اسيا ـ يمممممه هذا عصـــــام

اسيل ـ اسيا ركضت برا بخوف والكل طلعن ورراها واني وراهن ولد عمامي كلهم وأخواني وياهم فاتحين السيارات ومشغلين أغاني وعصام ورافع ابن عمي داوود هم عسكري يضربون بالرشاش بالسما ويضحكون عصام ورافع شمروا الرشاش بالسياره وجديتي كامت تحجي عليهم وهما عادي عدهم ويضحكون

الحجيه نعيمه ـ ليش ما تجوزن من هالسالفه شله داعي الرمي عمي والله درينا انتوا دوله بس لاتنجلبون هذا سلاح مو لعبه

رافع ـ اليحاجيج عسكري جده

الحجيه ـ درينا والله درينا والله يضرب بعد ما يلوم الا نفسسه وعمامكم ليش ما طلعوا عليكم جايزين منكم كومه زلوم

رافع ـ حصلنا موافقتهم والذيب قنعهم

الحجيه ـ فلا ينگدرلك امشي مريتك فحطت من الخوف وجهه صوفر الله يعينها عليك وعلى سوالفك

اسيل ـ اسيا طلعت وكفت وعصام اشرلها ترجع وخطيه رجعت خايفه عليه توني ردت ارجع جنت بظهر ازهار أندار علينا وصارت عيونه مثل لليزر بعيني وابتسم ضل مركز نظراته ناحيتي والشمس ضاربه بوجهه تجاهلته هو ونظراته ورجعت وياهن

" كعدت وياهن وطولوا الزلم حبوا الكعده لن صوتهم عالي وضحكهم واصل لعدنا أسيا گبالي تكتب سريع وازهار كذلك واجت هديل جابت جاي لن جديتي طلبت وقدمتلي أخذت منها وكالت

هديل ـ فضلتي الغريبه عليه تاخذين صور ويه أسسيا بس وياي ما تكلفين على نفسج تكولين تعالي ناخذ صوره مع الاسف عليج

أسيل ـ ما جاوبتها ورجعت تضيف الكل واسيا كامت قبل لاتوصلها هديل ودخل عصام حجه ويه جديتي دازين عليها لزم ايديها ودخلت يمهم واسيا رجعت كعدت بصف ازهار ويباعن بالتلفون ويضحكن وهديل حسيتها تريد تنفجر راحت المطبخ ولحكتها شبيج تخبلتي

هديل ـ شفتيها شسوت فدحقيره

أسيل ـ أشسوت قابل هي وحماتها يشوفن الصور وشعليج بيها خليج بنفسج أنتِ هم مو قصره

ـ شمسويتلها قابل وحده ما تحترم شيسموها اقدملها الجاي وتتكوم وتعوفني بس خل تصبرلي اذا ما كلت لرجلها على كل تصرفاتها خلي يعلمها اوادمها الخايسه .

ـ لا بالله أنتِ ما ناويه على خير بابا عوفيها لاتخلين عقلج وياها رجلها ومن حقها تغار ليش تجيبين الحجايه لنفسسج گوه .

ـ أكرمينا بسگوتج بعدج بيت اهلي وكمتي أدافعين الها لعد تسكنين يمهم شتصيرين يمكن بعد ما نشوفج تتبرين من عدنا .

ـ ما أجاوبج احسن عفتها ورجعت واسيا تحجي بكل لطافه هي وعمامتي وجديتي وحسيت جديتي هواي تحبها وتعزها وعماتي يقدرنها ويحترمنها فارضه وجودها وشخصيتها طاغيه عدها لباقه بالكلام ونفس الوقت أجتماعيه بلطافه وبينلي علاقتها كلش قويه بعمتي وصال وازهار عبالك أختها موو حماتها.

" شوي واجه مجد وگال

مجد ـ أسيا يمه دزوا عليجن علمود المهر

أسيل ـ كامن عمتي واسيا واجه عمي حجه وياهن واسيا طلعت من جنطتها علبه لونها احمر وانطتها لعمي كمال وعمتي وصال جابت صندوق عرفت جايبين مهري اخذوا ودخلوا الاستقبال .

" شوي وطلع حارث صاح لأمي انطاهن الها ورجع الهم ودزوا عليهن وصار الوقت يرحون كامن بوستهن وعمتي تبوس بيه وكالت

وصال ـ وجهج ليش اصفر كركم

أسيل ـ ردت احجي وهديل سبقتني وگالت

هديل ـ من الخوف عمه تعرفين عروس ومرتبكه

وصال ـ هاا اذا هيج عبالي مريضه يله يمه مع السلامه عود نتخابر علمود حفلة الخطوبه

هديل ـ ان شاءلله عمه انتوا فصلوا واحنه نلبس.

وصال ـ احنه أهل وأسيل بنيتنا .

أسيل ـ حسيت عمتي ما تريد قرب هديل طلعن واني ضليت بالصاله دايخه ونفسي مخنوگه .

" راحوا ودخلوا ابويه واخواني تقدمت بابا باسني

علوان ـ الله يسعدكم بنيتي وبيت عمج كمال صاروا حسبة أهلج صيري سباعيه ولاتقصرين وياهم .

أسيل ـ ان شاءلله تقرب حارث باسني وكال

حارث ـ هسه أطمئنيت عليج الله يسعدج خيتي جان بنفسي اثنيجن جنايين بيت عمي الكمال بس بعد قسمه عالعموم اريدج ترفعين ࢪاسي وراس اهلج كدامهم لاتفشليني يبعد أخوج

أسيل ـ أشكرك أن شاءلله من حجه هديل نزلت راسها وباركولي كلهم ونسوان أخواني هم الا أمي وأختي كأنما غريبات عفتهن وصعدت لغرفتي وفتحت جهازي ودخلت هديل گبل غلقته وگالت

هديل ـ عود دزيت رقمج لمروان يتواصل وياج لازم تتعرفون على بعض قبل الزواج وشويه انطي من نفسج احجي سولفي بمواضيع لاتبقين كابته اعرفي منه شيحب شيكرهه مو تبقين مثل الصنم وبعدين تتندمين من تزوجين وتكومين تحاولين تعرفين منه

ـ دزيتي رقمي؟

ـ أي مو صار خطيبج

ـ شدعوه هيج گاتله نفسج على مروان؟

ـ لن أعرفه أنسان واعي ومتفهم وفاهم الحياة رجال عقله راكز ومن زمان جنت أتمناج اله بس ما أحجيلج وبالأخير اجت القسمه وصرتي اله وعرفت هما رايدنج اله من زمان وحاجيين بموضوعج وياج؟

ـ رايديني اله منو گلج منين عرفتي؟

ـ عمتي زينب گالتلي وعمتي وصال هي رايدتج أكثر شيء وفهمت عصام هم ومادح منج هواي

ـ عصام ورده شگد صارت بينا خلافات وأنفصالج عنه هو ما تغير موقفه تجاهي حتى طلب الصداقه ما حذفه .

ـ أي يله اذا يراسلج جاوبي واحجي وياه تمام

ـ هزيت ࢪاسي وما جاوبتها شجاوبها أبقى ساكته احسن وبالاخص ما أعرف شـــنو منتظرني!

ـ وين صفنتي

ـ يمج وين صفنت قابل أمي هم حجت وياج

ـ أي گالت طلعنا ظالمينها ومحمله علينا ضيم وظلايم وطلعت اني الموخوش أم وكامت تبجي ليش هيج أسيل قسيتي عليها بكلامج مو أم وگلب والده ومن تنجرح الها حوبه .

ـ شيءأكبر من طاقتي وما لكيت نفسسسي الا أنفجرت بيها، أنتِ ما تعرفيين من شنو عانيت
فـ لاتتدخلين وتنغثين خليج أخت وصاحبة موقف.

ـ ماشي يله اني نازله الملم الهوسه صدك ما سالتي على مهرج

ـ شبي

ـ انطوه لـ أهلي ٢٠ وگالوا ٥ تعب أمها و ١٥ الج وعصام جايبلج تخم ذهب كلش حلو بحفلة الخطوبه لبسي نازك مو هوسه تفاصيله ناعمه والمؤخر ما اعرف والله ما سألت يله شتردين بعد صرتي جنتهم تعيشين مدلله عدهم

ـ اي هزت ࢪاسها وراحت فتحت تلفوني ولكيته كومه متصل عليه أخر شيء دازلي

مروان ـ وين موليه ليش غالقه المهجوم

أسيل ـ ما جاوبته وأتصل ضليت صافنه على الأتصال شحجي وياه يربي فتحت خط الو مروان

ـ مبروك صرتي من نسواني

ـ ما جاوبته

ـ كلشي راح يصير على أتم وجه بدون اي قصور خطوبه وحنه وعرس وغصباً على ࢪأسج تتصرفين طبيعية مثل اي عروس تتزوج وجهج اليلطم اشوهه الج اذا يضل هيج

ـ ماشي

ـ شنو أكول تكولين نعم حاضر وتأمر

ـ ماشي

ـ ديله ولي

ـ ما جاوبته وقطع الخط رجع نشر حالة على الواتساب كتابه انها اللعنه؟ تجاهلته لن هيج شخص التجاهل اله كلش كافي على حجمه .

" لليل جنت نايمه ومالي خلك صعدتلي هديل صايره نار شبيج شگوو

هديل ـ هاا زوجة عصام ما ناوية على خير أبداً

أسيل ـ شبيها انطتني التلفون وشفت كلامها وياها وليش جاوبتيها وكبرتي الموضو؏ وبعدين كلامها صدك شگوو تعلقين على منشوره زايده منج.

ـ دنجبي شـــنو زايده مني ترة أبن عمي وبعدين هو صديق وياي وناشر صور مالت خطوبة مروان ومسوي لـ أخواني ولد عمامي كلهم أشاره بالمنشور وطلعلي وعلقت حالي من حال بناتننا وين الغلط؟

ـ حتّى لو شگو تعلقين اله مو بس مرته لاحظت ترى هواي من أقاربننا راح يلاحظون وكلها تدري جان يحبج وخطيبته السابقه ف اشوفه أنتِ عايله وتتحرشين بـ أسيا الافضل حذفي تعليقاتج والغي الطلب

ـ ما احذف هي شعليها والطلب طلع هو لاغي ما اعرف من شوگت مبين عليه يرجف من عدها صاگرته ومسيطره عليه

ـ مرته أنتِ شگو بينهم

ـ وأني شحجيت قابل

ـ هاج تلفونج وصيري أدامي

ـ دنجبي شهل الحجي ليش شعندي وياه قابل

ـ نزلت مزعوجه والله ياهديل أنتِ غريبه عجيبه صرت ما أفهمج شتردين بالضبط الله يهديج .

" فتحت تلفوني ودخلت قريت التعليقات وشفت مروان راد على هديل وكاتب الها

مروان ـ حذفي تعليقاتج لاتسويلنا مشكله تعالي خاص وباركيلي؟ وهديل ما حاذفه التعليق ثواني وتعليقها طار انحذف!
ورجعت اقرأ التعليقات اسيا معلقه اله كاتبتله مبࢪوك عيني تستاهل كل الخير بالرفاه والبنين راد عليها ام كرم العلم ربي يبارك بعمرج تسلمين غلا

ازهار معلقه مبارك أخوي وحبيبي وسندي وروحي من الدنيا وربي يسعدكم تستاهلون كل الخير مروان راد عليها عيني وماي عيني حبيت الرد طلعت حنين! واني صافنه انطيت اعجاب لرد بدون ما أنتبه گبل لغيته وهو وگبل دزلي

مروان ـ شعندج نايمه بالفيسبوك؟

أسيل ـ شفت المنشور والتعليقات ليش حرام لو مننو؏

ـ وشعليج بالتعليقات

ـ هيج والله

ـ شوكت تنامين

ـ هسه

ـ ماشي يومين هيج اجي اخذج نعقد محكمه

ـ ماشي

ـ يله طفي الانترنت وعوفي التلفون

ـ ما عندي شيء والله

ـ طفي وبلا لغوه زايده

ـ ما جاوبته فصلت الانترنت وخليته على الشحن. وكمت غيرت ملابسي وگبل نمت حتّى ما تعشيت لن تعبانه نفسياً وجسسدياً حابة أرتاح واصفي ࢪاسي .
______

أسيا ـ رجعت البيت وطول الطريق ساكته حيل أنقهرت منها اريد احجيله شگالتلي دايسه بصاطي؟ بس اني وعدته ما اجيب طاريها وموضوعها ينقفل

عصام ـ حبيبي وين صافن

أسيا ـ هاا عيني

ـ وينج

ـ يمكم وين قابل

ـ لا مو يمنا جنتي صافنه شبيج

ـ ما بيه شي گلبي، لزمت أيده وأبتسملي ابتسامته هونت عليه گلشي وصلنا البيت هو شال كرم وأني جود دخلنا مملكتنا كعدت أغيرلها ملابس وهو استلم كرم غيرله ملابس وراحوا الاسواق يشترون
غيرتلها ورضعتها وكعدت انوم بيها ودخل شايل كرم خلاه بغرفته ورجع غير ملابسه شـــنو تطلع گلبي

عصام ـ اي والله رافع والولد يجون علينا خاف اتأخر نامي لاتتنظريني

ـ اتعشيت

ـ اي حبي وعشاج موجود ضميته الج على الكاونتر

ـ فدوه لروحك

ـ بوساتي يله فيمالاا .

ـ راح الله وياه وكمت غيرت ملابسي وطفيت الاضويه وفتحت تلفوني ودخلت الفيسبوك عصام ناشر منشور وكاتب مباركه طويله عن خطوبة الاخ ومن العمام كل وكل والعشيره والخ ..
ومسوي أشاره لكل عمامه ولد عمامه حتّى اخوان اسيل ضليت اباوع الصور الاخذوهن يم السيارات وبعدها بالمضيف ومن طلعوا وكلهن حلوات ومليانات جمال وفخامه ..

" دخلت أقرا التعليقات وعلقت ومروان رد عليه ودخلتله خاص صاير لطيف

مروان ـ مو بلطافتج عيني .

اسيا ـ الله يسعدك تستاهل

ـ تسلميلي غلا .

أسيا ـ رجعت اكمل قراءه التعليقات وانصدمت بوحده ركزت زين ودزيت حسابها لـ ازهار منو هاي

ازهار ـ ليش

اسيا ـ منو هاي

ـ يمعوده عوفيها

ـ هديل مو

ـ أي هديل بس عوفيها

ـ رجعت أقرأ بتعليقاتها مرتين معلقه

هديل ـ ولد عمي العلم منورين عيني ربي يحفظكم

اسيا ـ ايععع اللواكه ايععع انوب معلقه

هديل ـ الف الف الف مبروك ياعيني تستاهل كل الخير شايف خير ومستاهلها يا ورده .

اسيا ـ ايعع ايعع اوفر شگو تعلقين على منشوره هاي وين تريد توصل ما تحملت دخلت الها خاص
دزيت الها لايك ومرت نص ساعه وردت

هديل ـ منو أنتِ

اسيا ـ أنتِ صدك ما تستحين شگو تعلقين اله بإي حق من سمحلج

هديل ـ عفواً ومنو أنتِ بلا زحمه

ـ تسوين روحج ما تعرفين اني زوجة الضابط عصام

ـ أهاا وشتردين هسه

ـ اظن حجيت الج شريد مسحي تعليقاتج يله وبلا مطرود ما اريد اخلي راسي براسج لن الداخليه مانعتني مو لن علمود مشاعر حضرتج لا بس علمود لا يزعلني

ـ تدرين خوفتيني أنتِ والداخليه مالتج بابا شكد فارغه أنتِ واني ما فارغتلج

ـ والله حقج متخافين اذا مره متزوجه وتعلق لهذا وهذاك

ـ شبيج أنتِ ترة ولد عمي

ـ وزوجي اوك

ـ وابن عمي قبل لا يصير زوجج حبابه

ـ وين تردين توصلين أنتِ

ـ ههههه وين اوصل قابل وبعدين هو مسوي اشاره لـ اخواني وطلعلي وعلقت ليش لازم اخذ اذن منج لازم مخليج ضمن الحمايه مالته وتنبحين من يمج

ـ انقهرت من كلمتها گبل بجيت مشكلتي ما اعرف ارد هيج نماذج تافهه كتبت الها لا حبيبي اني الملكه مالته اميرته وأنتِ وامثالج الحمايه مالتي خوش

ـ امثالنا كلتي عرفت شنو اليوجعج ترى حبيبتي جان حبيبي وخطيبي السابق خاف ما عندج علم واني عفته الج من زمان ولو اريده جان اخذته ما بقيته والانفصال صار من قراري واذا تردين ترضين فضولج سألي وهو يجاوبج الانفصال جان قراري لو قراره اصلا هو ما راد ينفصل بس اني العفته الج يا حضرة الملكه؟

ـ صدك ما تستحين أنتِ وما تعرفين تحجين

ـ أنتِ تعلميني احجي بابا عقلج الوسخ نظفي وثقي بنفسج قبل لاتثقين برجلج اذا انت ثقتج بنفسج مهزوزه وكاعده بالتعليقات شسويلج اني

ـ ما جاوبتها بس احتركت

ـ وبعدين اني صديقه وياه وروحي تاكدي

ـ جذب لاتجذبين

ـ ههههه على شنو اجذب والله ما فارغه الج

ـ رحت شفت ماكو صداقه ليش تكذبين انتي مو صديقته ماكو صداقه بينكم

ـ احتمال لغه الطلب شدعوه هيج مخوفته عالعموم يله باي

أسيا ـ قريت كل كلامها واني ابجي وتلفوني بيدي واشهك ومروان گبل دخلي خاص

مروان ـ شگوو شصاير أسيا احجيلي

أسيا ـ ما صاير شيء

مروان ـ اذا علمود تعليقات هسه احذفهن لحظه

أسيا ـ ما فهمت عليه منين عرف بس توقعت هي حجتله بهل الاثناء اكتب وابجي ودخل عصام أستغرب شكلي

عصام ـ ليش تبجين شگــو منو وياج؟

يتبع ...

30





أسيا ـ عبرتي ترس صدري اريد احجي ما بيه بس دموعي تعبر عن حالي وهو يحاول يفهم مني شبيه

ـ شگوو فهميني شبيج ياعيني منو وياج

ـ ماكو شئ عيني

ـ لا اكو باعي نفسج راح تموتين شبي التلفون منو حاجاج شو جيبي

ـ ضميته وسحبه مني ودخل يقرا المحادثات!! ومطكك عيونه خفت يحجي عليه واني ابجي والله مو قصدي ادخل الها خاص بس هي تتحرش بي وتجاوزت حدودها وياي ومن شفتها معلقه على منشورك ما اعرف شلون دخلت الها وحجيت وياها ووو ..

ـ لاتكملين خليني اقرأ زين .

ـ ضل يقرأ المحادثات أكثر من مره ورجع باوعلي

ـ شحجت وياج أحجيلي گلشي

ـ هو بالمحادثه مو شفتهن

ـ لا قبلها شحاجيه وياج لن مروان اجاني وگالي اسيا متجاوزه على هديل بس ما صدگت بي ولا مروان مصدك لا عبالج ما ادري بس سگتت كلت يرحون ولد عمي واتفرغلها ف احجيلي گلشي يله .

ـ اني ومجد نحجي بينا وهي من كيفها نطت وگالت

عصام ـ أي شگالت أحجي شبيج خايفه ترى ما أذيج

أسيا ـ ما تعصب ولا تحجي عليه

عصام ـ أسيا أحجي وفضيني

أسيا ـ حجيتله گلشي وضل ساگت ورجع گال

عصام ـ وشنو جاوبتيها

اسيا ـ ما جاوبتها تعرفني بهيج مواقف ما اعرف ارد گتلها منو يمج ونطيتي وكالت رديني وأنتِ دايسه بصاط بيتي؟

عصام ـ هي هيج حجت وسگتيليها؟

ـ اي

ـ والله لا اشرب من دمها والله الا اسود عيشتها تهينج بيت عمي واني موجود اصبريلي عليها روحي غسلي وجهج بماي بارد واني اشوف شغلي وياها.

اسيا ـ فدوة عوفها ختولي

عصام ـ ويــــــن اعوفـــــــها هانتج وأنتِ دايسه بيت أهلها وأول مره تتدخلين بيتهم المفروض يشيلونج على روسهم ويقدرونج مو تسمعج حجي وتهينج لا والاكبـــــر منهــــــا كلامها ويـــــاج بالمحادثه بس اني اعلمها الا اطينها واطيح حظ حظها الحيوانه .

أسيا ـ طلع بالصاله يحجي وعصبي ومروان نزل هم وكفوا يحجون بينهم وعمو كمال وعمتي وصال هم وازهار نزلت سريع

ازهار ـ شگوو مروان يگول متعاركات بالتعليقات شصار
اسيا ـ حجيت الهن وعمتي لطمت على وجهه ومروان گبل اتصل عليها وكام يغلط ويفشر عليها

مروان ـ اكلي ** وانجبي منو أنتِ تقللين من قيمتها وتهينها بيت عمي وأنتِ شعليج يا اســــــلام شعليج اكليها ست هديــــــل عصــــــام راح يخابر حارث وعمي علوان اذا ما طينوا عيشتج وطيحوا حظج گتلج مسحي تعليقاتج عندتي وبوزتي نعال مكطع على حلكج ديله ولي .

وصال ـ تستاهل شدعوه مقهوره لن مجد كال شيخه الشيخات

مروان ـ وما مكذب مجد

كمال ـ عمي لاتزعلين احسبيها علينا

اسيا ـ لا عمي صدك جذب والله ما ردت السالفه تكبر بس هو واجه وشاف كلامها وانزعج وعصب

مروان ـ اي طبعاً ينزعج أني شفت كلامها أحتركت بس لا خلي يسويلها جرة اذن واني نبهتها بس ما فاد بيها والله جنت حاس ما تعدي على خير.

اسيا ـ مروان كام يراسل وعصام يحجي ويه حارث وعصبي ومزعوج واني انحرجت منهم كلهم

عصام ـ حارث شتحجي أنت مرتي تنهان بيتكم مره غريبه جايتكم وأول مره اطب بيتكم والافنديه اختك هيج وهيج تحجي وياها بدال ما تهلي وترحب بيها بعيداً عن الماضي لا تهينيها وبحضوري وكاعد على فراشكم ومرتي تنهان كرامتها واني ما عندي علم هسه يله دريت .
لعد شنو تگول الها دايسه بصاط بيتي يعني طردتها عينك عينك والله والله لو مرتي بساعتها جايتني وكايلتلي ما اضل ثانيه وحده لن كرامتي من كرامة زوجتي اختك مو هانتها لا هانتني اللي .

كمال ـ هدي ابني عصام هدي

عصام ـ ما كتلك روح كسرها بس خليتك كدام الامر خاف يصير حجي بعدين ولو عارف ومتقين ومتأكد زوجتي ما يطلع منها الغلط عالعموم هاي هي بعد
فيمالاا .

مروان ـ عاشت إيدك .

وصال ـ تستاهل مو أدامي خلي يربييها زين مره متزوجه اكعدي وانجبي واحترمي زواجج مو عيب هالحركات ادري مراهقه أنتِ جان أستحت .

أسيا ـ يحجون بينهم واني واكفه بقيت بموقف محرج منهم خاصه بعد ما أعتذروا مني وعمي وكف يحجي ويه عصام على صفحه ومروان غمزلي وأبتسم

مروان ـ الج ما يصير لغيرج ليش هالوجه يلطم

وصال ـ هو الها لعد المن عوزهن والله اشلع عيونهن اللي تباوعله بنص عين وبنت عمك زايده منها وعيب عليها هالتصرفات كلش عيب جان أستحت على عمرها اي والله.

مروان ـ يمه هاي هي سدي الموضوع ما بيها داعي نحجي بعد يله تصبحون على خير .

وصال ـ هم حجيت ويه أسيل

مروان ـ لا

وصال ـ ليش لا غير تحجون تتعرفون على بعض

مروان ـ ما يحتاج بنت عمي واعرفها شتعرف عليها قابل غريبه وما اعرف اطباعها والزواج ما يتأخر وماكو فترة خطوبه والصبح نحجي بهذا الموضوع

وصال ـ شو مستعجل انطيننا مجال يا امي خل أختك تتزوج وافضالك هسه ملتهيه بتجهيزات عرسها شلحك يا ابني

مروان ـ اريدها يمي ارتاحيتي يله رايح انام

أسيا ـ صعد لغرفته وعمتي ما مراضيه على قرارته هزت ࢪاسها ولحگت عمي وازهار تثاوث لازم نعستي

أزهار ـ لا وين انتظر هشام يله گلبي لاتهتمين تصبحين على خير

أسيا ـ وأنتِ من أهله الكل راحوا واني بقيت واكفه وأجه من بعيد فتحلي حضنه وحضني بقيت هادئه أسف خليتك بموقف صعب أنتَ أهلك وعمامك .

عصام ـ تعالي بغرفتنا نتفاهم يله .

أسيا ـ بحضنه وفتح الباب وقفله ودخلنا غرفتنا كعد وسحب تلفوني رجع يقرأ المحادثات البيني وبينها وصافن مقهور؟

عصام ـ مصدوم؟

ـ ليش

ـ هيج والله بس ما توقعت تنزل لهل المستوى بس علمود احاجيها؟

ـ تحاجيها شــــنو؟ ما فهمت يعني اكو بينكم علاقه

ـ لا شسالفه تخبلت على عمري

ـ لعد أحجيلي ولو المفروض منك من زمان تحجيلي من اليوم الشفتني بي وتعرفنا على بعض تفتحلي گلبك وتحجيلي عليها وعلى حبكم وخطوبتكم وشنو السبب خلاها تطلب الانفصال منك لن گالتلي اذا عندج فضول سألي وهو يجاوبج

ـ ماكو شي يسوى ينحجي بي

ـ لا أحجيلي هم جنت تبوسها وتحضنها

ـ هو أهنا ضيمج

ـ اي عفيه أحجيلي يله

ـ اني محترم وعلاقتي بيها جانت محترمه لن بنت عمي وما تجاوزت ولا عبرت حدودي وياها اني حتّى وياج جنت عاقل وما أستوكحت عليج الا خطبتج
يله شنيت هجوم واخذت شفايفج جانت اول واخر هجمه بحياتي ومسك الختام وكعدت وزن

ـ هو أنتَ محترم گلتها وصفن بوجهي گبل باسني من شفتي بهدوء

ـ اني ليش أحبج

ـ ليش

ـ لن صايره تفهميني

ـ أنتَ هم أفهمني وأحجيلي

ـ شحجيلج عن ماضي ما حابه ولا احب طاريه

ـ ليش شمسوي وياها

ـ شمسوي قابل شمحشيه مخج هالحيوانه

ـ السبب اللي خلاها تنفصل عنك

ـ سبب تفاهه والله وهسه من قريت كلامها ضحكت

ـ ليش ضحكت؟

ـ على كلامها

ـ عصام سولفلي عاد

ـ ما اسولف ولا اسولف يله خل نكوم انام

ـ ما اكوم الا تسولفلي

ـ جانت ما تغار وهواي تبالغ بشخصيتها المهم كومي يله ترة نعسان ومشتاق اخليج بحضني وانام

ـ اي كمل ليش تقطع الكلام عالنص وتعوفه

ـ لن ما تستاهل انطيها من وقتي ولو ثانيه

ـ ليش

ـ لا اله الا الله

ـ حبيبي امانه أحجيلي تضل تكرظ بگلبي

ـ طلبت أغير من نفسي وأغير اطباعي علمودها

ـ اي وليش ما تغيرت يمكن جانت تحبك بس ما تحب أطباعك ورادتك تتغير علمودها تقرب عليه وحضني من وجهي بإيده الاثنين وگال

ـ ليش أتغير اليحبني يحبني مثل ما أني بكل اطباعي وتصرفاتي ليش أنتِ من حبيتج ما طلبتي مني أتغير حبيتيني بدون مقابل بدون تطلبين مني اي شيء.

... لن بالمختصر أنتِ حبيتيني بگلشي بشخصيتي الطاغيه بقوانيني الصعبه بأعصابي بغيرتي بإنفعالاتي بتحكمي واللي حبيتي اكثر حبيتيني من فرضت حكمي وسيطرتي عليج وبالاخير أنتِ سيطرتي عليه شايفه هيج حب هذا الحب بس حب عصام لـ اسيا

ـ دمعت عيني ومسحي دمعتي وباسني من عيني

ـ حبج اللي هو جبرني اتغير علمودج تذكرين بداية زواجنا شكثر عانينا من مشاكل وابدا ما تفاهمنا وزعل كل فترة وهواي جرحنا بعض هذن كلهن أنتِ تحملتيهن مني.
صحيح صارت بعض أمور وسوالف ما راضي عنها وصلت لطلاك طبعاً جان طلبج مو طلبي وكل هالمشاكل والمعانات الصارت بحياتنا عادي وميخالف دام توصلنا للاحسن قابل وراضي بكلشي وياج .

ـ فدوة لكلبك يعني هي طلبت الأنفصال لن ما غيرت أطباعك احس سبب تافهه؟

ـ هاي هي هيج تگول

ـ يعني شــنو

ـ جان شغلي والتزاماتي هواي اجت فتره كلش ما عندي وقت احاجيها دك عمليات ولقاءات وأجتماعات ومن اجي ما الكاها ابتعدت من تلقاء نفسها كل ظنها اني عندي غيرها حجيت وياها ما جاوبتني تجاهلتني عافتني يعني بالمختصر ما تحملتني ولا قدرت تعبي كلمة الله يساعدك ما جنت اسمعها منها المهم ما اطولها عليج عفتها على راحتها وكلت هاي هي بعد كلشي ينتهي وانتهت من يمي بس ما جبت الها طاري بقيت مبتعد وساكت ورجعت تراسلني وتتوسل بيه ارجعلها ما جاوبتها

ـ رجعت تجاهلتها نفس ما تجاهلتك.

ـ بالضبط

ـ اي

ـ جايج بالحجي شبيج عيونج أنترسن دموع ترى اني الج هسه .

ـ كمل

ـ اي ضلت تحاول وياي وأني متجاهلها الى أن بيوم اجاني اخوها وبلغني بقرار الأنفصال وگال هديــــل تنفصل شتگول؟

ـ أي

ـ گتله هذا هو يجرالها

ـ لعد ليش هي گالت ما جان موافق على قرار الانفصال مني

ـ شوفي هو لازم أبين اني ما موافق والقرار الانفصال اجه منها مو مني بس من ترجعين على السطر الاول الانفصال جان قراري .

ـ ما فهمت

ـ هديل بنت عمي وعرضي وتنحسب وترجع عليه وما ردت أكسر بختها وبعدين يكولون ابن عمها وطلكها وصلوا الزواج وانفصلوا شنو السبب شبيها فالافضل تطلع مني مو منها اني رجال عادي أتحمل الكلام ما يأثر عليه بشيء ومية وحده توافق تتزوجني بس البنيه من ينكسر بختها ويطلع عليها كلام والناس خبرج كافيه محد يرحمها ويضلون يحجون بيها .

ـ اي

ـ أي أهلي من الناس ما رضوا خو أمي گلبت الدنيا والأتصالات ترگع ليش ابني شبي ما توافقين عليه ليش تتطلگين منه ومن هالحجي امي بعد

ـ حبيبي تعال أبوسك انوب ابوسك شو انوب

ـ بعد بعد كثري ولج كثري

ـ بعد من راسك هم

ـ من شفه عوفيلي رأسي شحابه بي

ـ فديت ࢪاسك هو الينباس مليان عقل الحكيم الفاهم عقلك عقل رجل دوله ابوسك أنت وعقلك الشايله

ـ خما زعلتي

ـ من شــنو ازعل

ـ لن حجيتلج عن الماضي

ـ أبداً بالعكس أزداد أعجابي بيك حتّى هديل بعد ما تهمني ولا اخلي بالي يمها دام عرفت الحقيقه منك

ـ أحبج من تفهميني

ـ ومحد يفهمك غيري حضنته وبادلني الحضن بكل حب بقيت بإحضانه وصافنه عليه عشقي الابدي أنت
بموت فيك ادغدغ وأتحرش بي وهو ساكت كرصته من خشمه بحبك انا

ـ تغزلي بس لا تستوكحين عليه

ـ ليش

ـ تعبان

ـ وباجر تلتحق

ـ لا عكب باجر التحق

ـ ما

ـ هاي الما المن

ـ الك

ـ وين رحتي شــو رجعي لمكانج لا اجيج

ـ تعال هلا بيك

ـ أجيت

ـ تعال بثواني لفني بحضنه ورفعني برجليه فوك عصام راح اوكع خرب عصام عصام لاااااا

ـ وجع بگلب عصام صوتج يجيب التايه سگتج ولج فضحتينا شيگولون علينا هسه ومروان خاطب وجه اليتم اطكينا على خشمه يبجي گلبه مفحم وين يولي بهل الليل .

ـ نزلني لعد

ـ ماكو هذا عقابج ليش عفتي مكانج

ـ خليت ايدي على خدي يله بعد احسن أصلاً كلش مرتاحه الاجواء من الاعلى لطيفه وانت كلش لطيف شلونك حبيبي هاااايي مرحبا يحلو كيفك .

ـ منيح كتير بس خل اشوفج اللطيف شيسوي

ـ وهذا المطلوب

ـ ما عليج عتب تربيتي بعد

ـ نزلني لحضنه ولفني بإيده وهجم على شفايفي وبادلته بكل جنون ونسيت هديل واهلها ...
________

اسيل ـ بعز نومي فزيت على صوت وصياح باوعت الساعه ١٢ بالليل شگوو يا ستار نزلت على السريع ابويه يحجي بالتلفون وعصبي وحسن يفتر وصاح

حسن ـ وينها ام المصايب وين مكبوره خل تطلعلي لا اجي اسحلها كدام جهالها الأدبسزز فضحتنا هديــــــل سليمه شمصخمه وين مأخذه عمرج بهاي تصرفاتج الطايشه تردين تهجمين بيتج .

اسيل ـ دفر الباب عليها وكام يصيح ويغلط وابويه عــلىٰ التلفون يتعذر ما فهمت شگوو بهل الاثناء باب الحوش يدك بكل قوته وابويه عاط بيه

علوان ـ ركضي فتحي الباب لـ اخوج من ورا اختج غضب الله على راسها بهل الليل اجه من بيته

اسيل ـ صوت حسن وهو يحاجيها بس ما فهمت ركضت حافيه فتحت الباب اله گبل دفعني وبيده حزام!!
دخل عصبي ركضت وراه دفر الباب بگل قوته وسحل هديل من شعرها وامي تصرخ وتتوسل بي

جنان ـ لا يمممممه على بختك لا يول خيتك خطيه غلطتك ومنكم السماح لا عيني انت لا يمممممه يول جهالها فزوا حـــــارث يمممممه لخاطري عوفها

حارث ـ وين اعوفهــــا ليش تدرين شمصخمه شحاجيه ولج خزيتينيييييي كـــــدام عمامي فضحتيني كـــدام ابن عمي سودتي وجهي من الله يطيح حظج ملاحكه مرته وتفلتين بسوالفج شعندج وياها وشعليج بيها

هديل ـ والله مو قصدي وهي هم ما قصرت

حارث ـ ما قصرت مو ولج أشسوتلج ولج المحترم محترم اسماء الما يعجبها احد اجتني بس تسولف بيها وزوجة عصام وزوجة عصام يعني البنيه محترمه نفسها وبنت الاوادم جايه ودايسه بصاطنا لاول مره مره غريبه بدال ما نهلي ونرحب بيها تجين حضرتج تهينيها وتسمعينها حجي مو عيب ولج مو عيب سويتني نمله كدام ابن عمي خابرني دمه محترك متشعوط على مرته ولج ما انطاني مجال احجي حرف تدرين ليش لن كرامته من كرامتها أنتِ ما هنتي مرته أنتِ هنتي ابن عمج
... الله ياخذج ويخلصني منج ومن سوالفج الخايسه لا اخذتي وخلصتيني منج ولا تزوجتي ونسيتي بكل منشور الكاج معلقه واسكت واغلس اكول ميخالف احتمال مو متقصده وبكل تعليق يعلقه عصام وتصير ردود بيني وبينه تنطين اعجاب لتعليقه ترى شايف وعارف گلشي بس بالع موس واذا سيف عرف اني اطلكج منه واجيبج اسويج خدامه لنسواين يا ادبسزز .

أسيل ـ موتها من الكتل صبغها بالحزام وامي مرغلت نفسها وتبجي نامت عليها وجرتها منه وحارث شمر الحزام وكف ياخذ نفس ويحجي بغضب وجهه نار وتلهب .

حارث ـ شوفي ولج عصام اذا ما تشيلنه من رأسج اشيلج ࢪاسج والله وأسسويها واكول طك عليها التنور وماتت محترگه ما ناقص فضايح الرجال متزوج والله ساتر عليه تسوين مشاكل ليش تغلطين وتجاوزين على مرته ليش من الله ياخذج

وباجر من الفجريه تكعدين تطبخين كل الاكلات شگو اكله تطبخينها اعزمه هو ومرته واعتذر منه على اللي صار وأنتِ تتعذرين منهم وكدام عيني
وتصيرين أدامي وتلتفين على بيتج وزلمتج الفقير اللي يباوع عــلىٰ حلگج يا قندره من تروحليه فدوه
سيف تاج ࢪاسج يا حيوانه

أسيل ـ ابويه كاعد على الدرج وساكت وحارث لزم الحايط حيله انهد وحسن يطبطب على أكتافه .

علوان ـ خابر ابن عمك واعزمه هو مرته عيب

حارث ـ غير لو يجاوبني يمكن نام لن تاخر الوقت
يله اني رايح الصبح اجيكم أسيل تعالي سدي الباب وراي .

أسيل ـ اي مشيت وراه وطلع وگالي

حارث ـ هم شفتي التعليقات مالتها مسحتهن لو لا

أسيل ـ والله ما ادري جنت نايمه

حارث ـ طلعتي ادامي شوفي تلفونها وأنتِ حذفيهن

أسيل ـ ماشي راح وقفلت الباب وراه، ورجعت لكيتها تبجي وامي حاضنتها وتسكت بيها

جنان ـ شكد طلعت حقيره وسمانيه وسوتلنا مشكله على الخالي بلاش أنتِ جايه خطار لو تسوين مشاكل وهدت علينا زلمتها المخبل شگو تتصل على حارث وتبلغه مو عيب سوالف نسوان تحشر نفسك بالنص شگو شكد نزل من عيني واثاري صدك اسيا ساحتله وراها طاح حظك اي والله هي هيج الزلم.

أسيل ـ ليش شبي أظن ما غلط وتصرفه ما بي اي عيب رجال ما يرضى أحد يتجاوز ويهين مرته يعني اللي يدافعلها وما يرضى احد يحجي عليها ويهينها تكولون ساحتله وراها ومسيطره عليه والله عليكم تفكير جهنمي.

هديل ـ أنتِ انجبي أدافعين الهم لـ أسيا مو واكفه وياها وأني أختج من دمج ولحمج تصيرين ضدي وسفه عليج

أسيل ـ اظن ما دافعت لـ لأحد ولاتخافين أسيا ما تحتاج أحد يدافعلها ويصير وياها كافي عدها رجلها اللي من سؤء تصرفاتج وتعليقاتج الما بيها معنى اتصل على حارث ورجع عليج صبغ جلدج لو صايره ادامي ومحترمه روحج منو يگرب صوبج

هديل ـ يعني شلون ما أعلق لولد عمي من وره حضرة جنابها تغار على رجلها

ـ محد منعج تعلقين لولد عمج بس المنشور مو ولد عمج نشروا المنشور عصام ناشره شگو تعلقين اله؟
بس المحترم محترم وعصام لما شاف الغلط منج ما خابر حارث وابويه بهل الليل ودمه محترك جان رجع على مرته وحاسبها بس عصام انسان حكيم ويعرف شلون يتصرف والغلط غلطج أنتِ تحرشتي بيها وهنتيها بيتنا مره غريبه وأول مره تدخل بيتنا احترميها وسوي واجبج وسگتي والماضي ماضي راح وفضت وأنتِ تزوجتي هالتصرفات هاي شيسموها؟

ـ أمششي طلعي برا لا ابتلي بعمرج

ـ طالعه بس فكري بنفسج وعوفيلي الماضي وعيشي بالحاضر دام هيج كاتله نفسج عليه شگو عفتي؟

ـ شعليج أنتِ وعفته لن مو أدامي

ـ مو أدامي عوفي لمرته هي راضيه بي ومتحملته لاتتحرشين بيهم وتذبين سمج عليهم، بس أختي وأعرفج تجاوزتي حدودج ونسيتي أنتِ متزوجه وما احتىرمتي لا زواجج ولا زوجج سيف بس أكول الله يهديج .

ـ شو أنهديتي عليه شگالولج عليه اي عيني صرتي جنتهم واكيد مروان الحقير خابرج وكالج

ـ لا ما خابرني ولا گالي وبعدين ليش صار حقير على معلومي أنتِ وياه صداقتكم قويه لو حتى هو عرفج أنتِ مو أدامي

ـ گبل ركعتني بالشاحنه أجتي بوجهي وأذتني بخشمي صرخت بوجع وامي دفعتني وسدت الباب بوجهي وگالت

جنان ـ أمشي طلعي ما وراج بس المغثه اختج حال الضيم حالها وأنتِ أدفعين لعصام ومرته امشي ولي

أسيل ـ ضليت مصدومه والباب أنقفل بوجهي تالي صعدت غرفتي باوعت بالمرايا خشمي احمر دم اذتني الخبله طيرتلي خشمي .

" ما فتحت التلفون هسه يگولي شعندج فاتحه نت بقيت كاعده وخشمي يأذيني وجوعانه نزلت جوه
شفت تلفون هديل على الكاونتر مخليته على الشاحنه فتحته لن اعرف الرمز دخلت على التعليقات يا تعليقات كال عليهن حارث مسحهن مروان بلحظتها رجعت اقرا ولكيتها عايده تعليقاتها؟
هاي شكد كديش وتعاند مسحتهن كلهن ودخلت على حساب مروان ولكيتها حاظرته ياااا كبر ليش

" بلا خل اشوف شحاجي وياها كاتبلها

مروان ـ اني مو مسحت تعليقاتج شگو ترجعين تعيدين التعليق أنتِ ليش زمال؟

ـ لاتغلط وأحترم نفسك

ـ محترم نفسي بس صفنج مو مال أحترامات

ـ لا والله يا صنف تحترم أنتَ

ـ اللي محترم روحه مو بس أحترمه اخلي على ࢪاسي

ـ شو ما تحجي على زوجة أخوك من ما أحترمت نفسها ودخلتلي خاص تتجاوز بس نادر على بنت عمك.

ـ زوجة أخوي محترمه نفسها اكثر مني ومنج

ـ لا واضح تخرخر أحترامات

ـ أنجبي وأكلي ** مره وتغار على رجلها وتحبه وصاينته وما تريد احد يتقربله لا أنتِ ولا غيرج واذا مثلما تگولين بنت عمه أحترمي روحج أنتِ عمه وخلص ليش كلامج وياها جان حبيبي وخطيبي؟
هاا هديل هااا رجعنا لمربع الأول .

ـ طلعت حالك من حالهم

ـ الحق تزعلين منه بس أنتِ مو أدامي وأسيا ما تجاوزت بحق أحد واذا عرف عصام وصارت مشكله من وراج ما تلوميج الأ نفسج تنركعين بمية قندره على حلكج لن أستفلتي زايد .

ـ دتطير أنتِ ومرت أخوك

أسيل ـ بعدها حاظرته تشعوطت هاي شبيها متخبله والله ما جانت هيج بس الظاهر فعلاً مو أدامي طلعت من الماسنجر رحت على الواتساب ما محظور ونشط منذ ساعه الظاهر نايم ! وكلامهم عادي بس انتبهت على رسائل الأخيره لفت أنتباهي

مروان ـ أسيل وين

هديل ـ نامت ليش

ـ شوكت نامت

ـ من شوي صعدتلها نايمه

ـ هاا ماشي

ـ ليش ما حجيتوا

ـ وأنتِ شعليج؟

ـ شبيك ما تتحاجى ترى سألت وأسيل أختي

ـ ومرتي

ـ اي عيني صارت مرته

ـ أنجبي

ـ مروان امانه دير بالك عليها وطولك خلك عليها بعدها زعطوط ومراهقه وعقلها صغير هي شوي لسانها طويل وتعاند لازم توسع گلبك عليها علمود لاتصيرلكم مشاكل.

ـ ولازم أتعلم منج شلون أتعامل وياها؟

ـ اي فوك ما أكولك عليها

ـ ما يحتاج تكوليلي

ـ مو وجه نعمه

ـ مثل وجهج .

ـ صوجي والله يله روح

ـ ههههههههه تزعلين من تنلبسين

أسيل ـ ما مجاوبته انقهرت من كلامها عني كدامه ليش هيج تكسرين بي عفت التلفون وانقهرت حتى الجوعه راحت خليت وصعدت ونمت وافكر بكلامهم وتالي غفيت وكعدت على تلفوني هزاز رفعت الشاشه مروان يتصل جاوبته واني نايمه الو مروان

مروان ـ الو

أسيل ـ هاا مروان

ـ الو

ـ مروان يمعود الو أسمعك

ـ شـــنو نايمه

ـ أي والله

ـ كعدي يله

ـ خليني أنام شعندك من الصبح متصل عليه

ـ أغثج

ـ فدوة لهيج مغثه

ـ شگلتي لج

ـ تداركت نفسي وكمزت يله كعدت باي قطعت الخط ومسحت وجهي شعندك تتصل من الصباحيات ..

خليته على الشحن دزلي رساله

مروان ـ الخط لاتقطعينه بوجهي لا اقطع ࢪاسج.

أسيل ـ ما جاوبته لان هواي جاي يحمى عليه شاف روحه وتسلط بزايده ، فتحت الانترنت جاي أكلب ودخلت هديل بيدها تلفونها بس شگلها حزينه هاا

هديل ـ عصام

أسيل ـ شبي

ـ حظرني

ـ أي وليش ضايجه

ـ ما ردت توصل لهل الدرجه يضل أبن عمي وما عندي شيء وياه

ـ ما عندج شيء وياه بس ما أحترمتي زوجته شتدرين لعد يبقيج عادي أكيد أنقهر وشاف أنسب حل يحظرج

ـ يعني قصدج شوفته المحادثات اني وياها من دخلتلي خاص

ـ اذا مو هي شوفتهن هو شافهن ليش خما تجاوزتي حدودج بالكلام وجفصتي زايد نزلت دمعتها وتلفون بيدها سحبته ورجعت أقرا وانصدمت شنو مخليج ضمن الحمايه مالته وتنبحين؟ صدك هديل من كل عقلج شلون هيج تحجين وياها

ـ ما اعرف ما جنت بوعي انقهرت منها شنـــو هو بس رجلها يعني نقطع الصله التجمعنا لن حضرتها تغار ومو من حقها تأمرني احذف تعليقاتي سواء اله او للولد عمامي .

ـ وأنتِ ليش تبجين لن حظرج؟

ـ يعني حقد عليه وحظرني ما ردت اوصل لهل النقطه يضل أبن عمي وتضل علاقتنا بوديه وأحترام مو حقد وتجاهل .

ـ بعدج تحبينه

ـ لأ يا حب أنتِ الثانيه

ـ لعد ليش هيج سويتي

ـ شسويت متكوليلي والله ما سويت شيء أنتوا ركزتوا عليه وعفتوها الها محد ركز على تصرفاتها شلون تغيض بيه ومن قدمت الها الجاي عافتني وخلتهن كلهن يباعلي لو من خطوبة ازهار كلما اتقرب لبنت عمي تصير كدامي وتمنعني اتقربلها ولج حتّى كرم تصوري حجيت وياه وبسته اجت سحبته مني ومنعته

ـ ما أعرف شحجي

ـ ميخالف تغار على زوجها ما بيها شيء من حقها وما الومها رجلها وتحبه وكلنا نغار على زلمنا بس مو من حقنا نقطع الصله التجمعنا علمود مشاعرنا وغيرتنا
هي بتصرفها هذا راح تقطع علاقة بين عصام وإهلي

ـ تدرين لو باقيه على موقفج الأول هواي أحسن الج

ـ شلون يعني

ـ جنتي ما هلكد تحبين ينذكر طاريه ومن تشوفينه تتهربين وتتوترين ومحترمته وصاينه نفسج يعني هسه شحصلتي من دخلتي نفسج بهل المععه .

ـ ولحد الان اني أحترمه وصاينه نفسي وزوجي وعصام ما عندي شيء وياه بس بسبب مرته واللي صار وصلنا لهل النقطه وحيل انقهرت من كعدت من النوم لكيته حاظرني من كل المواقع حتّى من ارقامه .

ـ وزوجته

ـ لا ما حاظرتني

ـ ههههه مبقيتج علمود تشوفين

ـ انجبي هسه عوفينها منها

ـ شتردين لعد

ـ أعتذر من عصام والله بس اعتذر منه وهاي هي

ـ اللي جاي تسوينه غلط عوفي عصام ومرته وهل السالفه كلها يمعوده لاتوصل السالفه لرجلج وينهجم بيتج منو يفيدج بعد عصام او اسسيا.

ـ بس أعتذر شبيج مو الا جان خطيبي السابق اعتذر منه لن هو ابن عمي وما اريد خسارته هاي كل السالفه

ـ أنتِ مقهوره لن هو أبداً ما حظرج ولا لغه الطلب الصداقه وبقى گلشي مثل ما هو حتّى من تزوجتي ما حظرج لن المحترم محترم هو احترمج لن بنت عمه بغض النظر عن دگتج الناقصه بي من طلبتي الانفصال منه .

ـ هو أحسن مني

ـ وهسه شتسوين

ـ راسلي أنتِ من الواتساب مالتج أحجي وياه أتصال

ـ وليش أتصال

ـ اهوووو أسيل

ـ خو احجي رسائل والساعه بـ ٩ اكيد نايمين هسه

ـ شوفي هسه فاتح أنترنت؟

ـ دخلت الواتساب نشط منذ دقائق هاا وهسه

ـ دزيله رساله

ـ شدز خرب والله استحي منه ما مراسلته من زمان بس من انشر واتساب يصنف عليه ويضحك .

ـ كتبي صباح الخير شلونك عندي موضوع وياك

ـ كتبت اله ومر وقت وفتحها وكتب

عصام ـ هلا والله صباح الورد گولي يابه

أسيل ـ أكو احد يمك

ـ لحظه

ـ مرت دقايق واجه

ـ هاا أسيل صاير شيء

ـ زعلان من عدنا دزيتله سمايل حزين

ـ لا والله ليش أزعل على شـــنو

ـ علمود البارحه بالليل

ـ عادي تصير وأنتوا تضلون عمامي ما ألكم دخل

ـ ادري گلبك جبير بس جايتك بطلب

ـ وهو

ـ ما تزعل مني

ـ گولي

ـ أتصل

ـ أتصلي

ـ مروان خما يمك

ـ لا جاي يتريك گبالي

ـ يعني گبالك

ـ أي بس بعيد ليش شبي وياج أحجيلي

ـ ما بي شبي يله لعد راح أتصل عليك تمام

ـ أتصلي

ـ هديل كامت قفلت الباب وخلينا السماعات وأتصلت عليه وجاوب

ـ هاا أسيل

ـ لاتصيح اسمـــي يمعود

ـ ولج ليش تخافين منه لاتنطينه عين ترى ينجلب عليج مروان بس احد ينطي وجه يستجلب عليه

ـ هاا

ـ ههههههه لا بس حباب

ـ تمام هسه عوفنا من مروان

ـ اي

ـ احجي يله احجي شبيج جمدتي

ـ أسيـــل

هديل ـ عصام اني هديل لاتقطع الخط امان...

أسيل ـ قطع الأتصال

ـ أي اي الله يأخذني اي والله

ـ كعدت تبجي حضنتها خلص يمعوده رغم ضربتيني بالشاحنه على خشمي بس ميخالف اني احسن منج .

هديل ـ ليش قطع الأتصال ليش

أسيل ـ احسن ما بيها داعي وعصام يعرف الحلال والحرام وأنتِ على ذمة رجال ما يجوز هالشيء حتّى لو بنت عمه مو الا تجاوزتي حدودج عليهم لن من يوم أنفصالكم ما حجيتوا ولا حرف وأنتهى گلشي من زمان

ـ أي

ـ خلص كافي احسن ما حجيتوا

ـ ويفتح الحظر عليه

ـ ولا يفتحه كافي تقهرين بروحج ابن عمج وما تردين خسارته اتصلتي وقطع الاتصال اكيد راح يعرف تردين تعذرين منه وسويتي اللي عليج وهاي هي كافي هديل

ـ اي هذا هو اوي على شـــنو ابجي واقهر بروحي اكوم اريك جهالي واخابر على سيف

ـ اي عفيه بأختي مسحت دموعها ونزلت رجعت دزيتله عصام اني اسفه خليتك بموقف

عصام ـ لا عادي ولا يهمج

أسيل ـ شكراً لتفهمك

عصام ـ تدللي عيني .

أسيل ـ مسحت المحادثه ومروان فتح إنترنت عفته ونزلت تريگت بعدني جاي أكل اندك الباب منو؟

جنان ـ أسيل گومي فتحي الباب

أسيل ـ جريت شيله أمي ولبستها ورحت اشوف منو

مروان ـ زلمتج

ـ فتحت الباب أتفضل

ـ عمي موجود

ـ اي عبرني بدون كلام ولا نظره ودخل واني وراه وكف بالطرمه يحجي ويه أمي عفتهم وكعدت بالمطبخ أكمل أكلي وأجتني هديل معصبه

ـ شـــنو هالاستقبال لخطيبج

ـ شبي

ـ غير تكعدين وياه وگت أكل هسه گومي رتبي روحج

ـ ما جاوبتها

ـ أسيل ويامن أحجي .

ـ خليني أتزقنب

جنان ـ تزقنبي وكومي غيري ملابسج تروحين تسوين تحليل يله

ـ تحليل مال شنو

ـ تحليل دم علمود عقد المحكمه شبيج مثوله

ـ اي فهمنا عفتهن وصعدت غيرت ملابسي لبست قميص ابيض وبنطلون وسترة جوزي وخليت مكياج ورتبت شالي وصعدتلي هديل وتهز بيدها شگو شبيج.

ـ هذا لبس بشرفج لابسه جوزي وأنتِ عروس

ـ غير أنسق وياه هو لابس جوزي

ـ هاا علموده

ـ أي لعد البس اخضر

ـ دنزلي ام التنسيقات عفيه الخلك العنده كاعد ينتظرج

ـ هسه انزل وراج كملت وشلت تلفوني أستغربته ليش ما بلغني قبل لا يجي ولا عيط ولا فشر حتى ما باوعلي وهادئ!مو بالعاده الله يستر من هذا الهدوء

" لبست الحذاء وهديل خبلتني الا البس كعب يمعوده اوفر باعي الكعب شگد عالي ادري عندي حفله هو تحليل دم شسوي بي ما احبه

هديل ـ بس الزلم يحبون المره التلبس كعب وتبرز طولها وتصيرين أنتِ وياه نفس الطول

ـ واني البس والله الزلم يحبون؟ شو دوخري خليني البس براحتي لبست وبعدني جاي امشي وتلفوني بيدي وصاح أسمي لأول مره .

مروان ـ أسيل

أسيل ـ جانت أمنية حياتي أسمع أسمي منك .

هديل ـ شبيج تخشبتي امشي يصيحلج تاخرتي

أسيل ـ هاا أي من يروح ويانا

هديل ـ على أساس أمي بس هو كال بس أنتِ وياه

ـ شـــنو ووافقتوا عادي

ـ اي شگو بيها قابل غريب

ـ رخصوني بعد رخصوني ماشي اروح وحدي وياه بس بعدين تنحسب عليكم وأمي امومتها خل تتبرع بيها احسن الها .

أختنكت من تصرفات أهلي وطلعت لكيته واكف بالطرمه ويدخن شافني هزلي ࢪاسه يعني لحكيني .
مشيت وراه فتح باب الحوش سيارته طابگها يم الباب صعدت ليكدام وشغل وطلعنا المستشفى

" هدوء يعم المكان أرواحنا قريبه من بعض بس داخلنا حروب واصابات وجروح وجثثث واروح ما مستقره بسبب أخطاء أرتبكت من الطرفين .

هو يسوق طبيعي وأني نظراتي لشارع وسرقت نظراتي ناحيته ولفتني المحبس اللي لابسه جانت النيه اسرق نظره سريعه بس ضليت أتمعن بتفاصيله وهدوءه وأناقته أحسه طالع من الباكيت من كثرما يلمع وريحة عطره تارسه السياره ، غيرت نظرتي قبل لايحس عليه وينغر هو بدون شيء شالع گلبي

" طبگ السياره ونزل ونزلت وياه قفل السياره ومشه واني بصفه وگفت وانخبصت بالجنطه والتلفون اريد اخلي داخلها ومروان وجوده قريب مني حيل توترت وانفاسي تسارعت ويه نبضات گلبي وگلشي هدأ بلحظة لزم ايدي بيها وشد عليها رجفت روحي بلمسة أيده فصلت عن العالم بقربه وأيدي بإيده اريد أستوعب استوعبوني ...

نمشي واني وياه نفس المستوى بالخط النمشي بي حذاءه وحذاءي ورفعت عيني صافنه عليه باوعلي صفح بس نظراته جانت خاليه من الحب !

" وصلنا شاف البنات عاف أيدي واني جلبت بيها وهو استغرب ضغطت عليها والبنات ابتسموا على منظرنا واحد يباوع الثاني ما سحب ايده يحجي ويسأل على التحليل واخذتنا الممرضه ونمشي وراها باوعلي وگال

مروان ـ ترى ما أطير
أسيل ـ وطير منو لازمك ترى انت لزمت ايدي
ـ اي دسگتي هسه
ـ عاف ايدي وبهل الاثناء اجه حارث فرحت من شفته وتقدمت سلمت عليه هلا خويه
حارث ـ هلا عيني هاا أشسويتوا
مروان ـ گالت هسه أنتظروا امشي كعدي
أسيل ـ واكفه ويه أخويه
حارث ـ هههه عوفها شمسويه من هسه تتحكم بيها
أسيل ـ حسيته ضاج لن وگفت بصف حارث وگفوا يحجون علمود سالفة هديل وبعدها سوينا التحليل
ورجعنا وحارث ويانا الحمدلله وصلنا وراح بدون ما يحجي أي شيء ضليت مستغربه لسانه شمسويله وهيج صاير عاقل ما يفشر ومحترم نفسه معقوله تقبل الأمر الواقع؟

" أجيت أنام وصلتني رساله منه

مروان ـ أسيل؟

أسيل ـ بقيت صافنه على أسمي اكذب اذا ما اجاني شعور حلو فرح گلبي جاوبته نعم مروان

ـ عصام هم حاجي وياج؟

ـ بشــنو يحجي

ـ حاجي لو لا .. جاوبي على كد السؤال

ـ خفت أكوله علمود هديل وأنعلس اذا اكذب عليه وبعدين يكشفني وأني بدون شيء سمعتي عنده تلطش ياربي شحجي وياه

ـ ما تحجين شبيج صفنتي

ـ أي

ـ أي بشنو

ـ أني أتصلت عليه

ـ أنتِ اي وشحجيتوا؟

ـ مو أني حجيت علمود هديل طلبت تحجي وياه لن حظرها من كل المواقع بس اتصلت سمع صوتها قطع الاتصال وهاي هي .

ـ بس

ـ أي

ـ يعني علمود هديل

ـ أي

ـ ماشي

ـ ليش تسأل صاير شيء

ـ أي أهلي شاكين بيج مغصوبه عالزواج لن جهرتج جانت مگلوبه لابستها بالمگلوبي والنسوان ما تفوتهن هيج سوالف وتصرف أمج وأختج هم خلال العقد ما متقربات منج .

ـ لا ماكو هيج شي

ـ قابل جايب من جيبي شوفي أسيل تصرفي طبيعي مثل اي عروس خل هالزواج يعدي على خير .

ـ ماشي

ـ بعدين أنتِ صدك مغصوبه عليه؟

ـ أنت شتشوف

ـ لا موافقه بكامل أرادتج

ـ لا انت غصبتني عليك

ـ خلاص هاي هي تصرفي طبيعي تمام

ـ تمام بس مروان

ـ هاا

ـ عادي اسألك سؤال

ـ شنو

ـ بعد ما تأذيني؟

ـ ما أذيج بشنو

ـ علمود اللي صار يعني ..

ـ وليش تفتحين مواضيع قديمه

ـ تمام راح وعفت التلفون ومر الايام واجه من الصبح بلغني بالليل نروح نعقد ولازم بابا يروح ويانا لن بعدني صغيره وامي هم تروح وعمتي وصال اجتي وياه جنت بالغرفه ألبس بشالي وصعدتلي ركضت سلمت عليها هلا عمه شلونج.

وصال ـ الحمدلله بخير حبيبتي أنتِ شلونج أشوفج أحسن وجهج زين

أسيل ـ الحمدلله عيني عمه

ـ فدوة لعينج هاج هذن اشتريتهن الج مكياجات وعطورات وكم قطعه ملابس وداخليات بعد ما اعرف يعجبنج لا من رحنا جهزنا لـ أزهار ذكرتج
أنتِ ومرت حماج أنتِ هم حسبة بناتي .

ـ أخذتهن منها شنو هالزحمه عمه گبل حضنتها وبادلتني الحضن وتبوس بيه تسلمين عمه

ـ عليج بالف عافيه يله لبسي علمود نتوكل اني راح انزل عفت مروان كاعد ويه أبوج .

ـ تمام نزلت وفتحت الاكياس واجت هديل واباوعلهن يخبلن وكلشي ماركه هديل صفنت بوجهي.

هديل ـ شدعوه هلكد فرحتي بيهن قابل ما جايبيلج

ـ لا ليش

ـ ما أدري حسيتج فرحانه بيهن عبالك ما عندج وأنتِ كنتورج ما ينسد من الملابس العندج

ـ لا بس أجتي حلوة منها ذكرتني

ـ غصباً عليها تذكرج زوجة أبنها بعد ولا تبالغين بأي شيء يجيبوا ويذكرونج بي وتبيين أنتِ بحاجة هالاهتمام

ـ هو فعلاً أني بحاجة هالاهتمام

ـ أسيل صيري أدامي لاتنطينهن وجه ويركبنج اني عايشه بنص العيال وأعرف كلشي

ـ بس

ـ لا بس ولا هم يحزنون سوي مثلما گتلج عليه يله نزلي الكل متحضرون بس أنتِ باقيه.

ـ نزلت وشفت الشال الجابته عمتي كلت خل البسه وفعلاً لبسته وكلش طلع حلو علىٰ وجهي وكملت وشلت جنطتي وتلفوني ونزلت شافوني لن گبالي وباب الأستقبال مفتوح على الصاله هو باوعلي وعمتي أبتسمتلي وكاموا وتقدمت باستني .

وصال ـ لو ادري الشال هيج يلوگج ما اجيبلج كل ألوانه وتدللي من ارجع خلي ازهار توصيلج من عنوان المحل وادزهن الج .

هديل ـ لا عمه تكلفين على نفسج

وصال ـ تستاهل عيني هي هاي بنتي .

أسيل ـ مروان جان صافن علينا وشال السويج وطلع قبلنا وطلعنا وراه وأجتي أمي وكامت تسولف هي وأمي علمود الجهاز مالتي لن زواجنا بعد ما ازهار تتزوج احنه نتزوج .

" وصلنا المحكمه وعمتي وصال دفعتني امشي بصفه مشيت وراه وهو يحجي ويه ابويه وحرك ايده ولامست ايدي گبل أندار شافني وراه وأجتي عينه بنص عيني نظراته طافيه من اي نظره ما جنت احس بيهن بالامان !

" كملنا العقد وثبتنا زواجنا بالمحكمه وتغدينا بمطعم وحيل منحرجه منه شعور ما أكدر اوصفه نظره ما أكدر انظرله وبعدين يفسرها بعقله لهذا تجنبت كلشي يخصه وأحترمت نفسي وتجاهلته .

" وصلنا البيت وقبل لا ننزل گالتلي .

وصال ـ صدك نسيت جبت الج غسل طبيعي انطيته لهديل اكلي منه علمود وجهج ينشنش على العرس

أسيل ـ أن شاءالله عمه نزلت اخر وحده وهي هم نزلت وصعدت بالصدر يم مروان وشغل وراحوا .

" روحي أنشرحت بقرب وأهتمام عمتي وصال بيه لدرجه مو طبيعيه ودخلت البيت فتحت الثلاجه وشفت العسل واجتي هديل.

هديل ـ صدك جابولج عسل موصينه الج شتردين بعد وهم زين لابو صفار بسرعه ينزل وجهج يرجع طبيعي ويورد .

أسيل ـ اي گالتلي

ـ هم عزمتج على حنة ازهار

ـ لا ما جابت طاري ليش شوگت عرسها.

ـ يوم أحد هذا الاربعاء حنتها بس شو گالت بالبيت شعجب ما رجلها حجزلها بالقاعه أول وحده من اقاربنا حنتها بالبيت حتى اني حنتي جانت بالقاعه

ـ شگوو بيها وبيتهم جيبر اجعلي قاعة القاعات ما شفتي بالخطوبه شلون طلع فخم وأحلى من القاعه بقاطات ونظافه وعاملات يفترن وبوفي للأكل وطاقم للاغاني وگلشي من أحسنه

ـ أي شفت بس أعتقد زوجها مو نفس الطبقه هسه جنت احجي ويه امي يمكن رجلها سايق تكسي.

ـ وشگو بي مهم خوش رجال ويحبها ويقدرها ويصونها هذا كافي وبعدين أنتِ سيف مو أخذتي حاله على گده ليش أحسج صايره تحجين بالطبقات

ـ لا شحجيت قابل بس لن بيت عمي گمال أكثر عمامي متمكن مادياًّ وكلهم بالدوله وتهمهم المكانه والمستويات والطبقات شعجب وافقوا ينطون ازهار لواحد أقل منهم

ـ قسمه ونصيب يله صاعده أغير ملابسي

ـ ماشي صدك شتلبسين بالحنه

ـ ما أعرف بعدني ما مفكره

ـ هسه عمتج أدزلج كولي هديل ما كالت

ـ ما ادري والله يله صاعده صعدت غيرت ملابسي وفتحت تلفوني دخلت الفيسبوك وشفت منشور
لـ ازهار أيدها هي وخطيبها وكاتبه كلام حلو وكل اقاربنا معلقين الها ومن ضمنهم هديل؟ ههههه ضحكت همزين ما تعاركن بتعليقات لاحظت أسيا أول تعليق واني علقت الها الف مبروك حبيبتي وردت عليه الله يبارك بعمرج حبيبه گلبي منورتني

" ضليت أكلب وأخذتني أيديه لحسابه ما ناشر أي شيء والمنشورات القديمه كلها محذوفه ! صفنت وتذكرت أيامنا وخطر على بالي اللي صار بينا غمضت عيوني أتهرت وانفض بࢪاسي وفزيت على أتصال ازهار الو حبيبتي

ازهار ـ هاا عيني شلونج شخبارج

أسيل ـ الحمدلله تمام عيني وأنتِ

ـ تمام التمام أسيل عيني بس علمود فساتين الحنه والعرس مالتي لاتاخذين وصينا الج باجر يوصلن ومروان عود يجيبهن الج .

ـ شـــنو هالزحمه عيني

ـ لا حبيبتي أنتي زوجة مروان بعد وصرتي بنيتنا مو بس جنتنا واي شيء تحتاجينه خاف تستحين من مروان كوليلي او ماما او حتّى أسيا ماكو فرق تمام

ـ تمام عيني تسلميلي

ـ الله يسلمج حبيبتي يله أترخص منج ونتشاوف بالحنه وابلغ مروان من يوصلنا الصالون اللي نروحله نمر نأخذج ويانا

ـ تمام عيني

ـ باي حبيبي

ـ الله وياج نهيت المحادثه ونزلت وحجيت لـ امي وهديل وما رضن وأمي كامت تحجي عليه

جنان ـ شو طلعتي ما مصدگه ومن اجو أنفجرتي علينا ليش شگالولج علينا ما مودينج صالونات لو ما نندل دربهم شو بكل مناسبة اخذج صالون شسويلج بعد علمود حضرتج ترضين على امج التعبت عليج
صدك لو كالوا البنيه ما يوكف بعينها كلشي .

أسيل ـ بقيت ساكته ما عرفت شجاوبها ومشت زعلانه مني وهديل گالت..

هديل ـ روحي بعد عزمتج بس اخر مره لاتضلين ساحله نفسج وراهم وترخصين بروحج من هسه

أسيل ـ لحگت أمي وضليت صافنه بگلامها وقررت اروح وياهن عيب وامي احاول اراضيها خطيه تضل امي ميخالف والله يحنن القلوب .

.. كعدت من الصبح على الأتصال وتذكرت يمرون عليه رفعت الشاشه رقم غريب ما جاوبته رجع أتصل مره لخ رفعت خط بس بقيت ساكته واجاني صوته

مروان ـ فديت المستشرف!

أسيل ـ جاوبته بفهاوه مـــروان

ـ بنفس النبره أي مـــروان

ـ ليش تتنعوص

ـ نجبي لج اتنعوص شـــنو هذا رقم السياده والقانون حفظي يمج

ـ رقم منو ما فهمت

ـ والدتي

ـ هاا عمتي وصال

ـ أي عمتج وصال ديله عوفيلي النوم جنج دب قطبي كلما اخابرج حاضنه المخده درينا معوزه حنــــان

ـ عزا مروان

ـ العزا ما اريدها ضمن المصطلحات مالتج عقلي يطير منها مالت ناس فاهييين اني اسيا مأكله گلبي بيها عزاااا مروان عزاااا عصام .

ـ ماشي

ـ اي هيج أريدج اوكفيلي استعداد حتى على الاتصال اريد احس بنشاطج لن ما جاب ࢪاسي غير فهاوتج ولسانج الرخي بسرعه توكعين بالشبچه!

ـ ترى بالغت گافي عاد مو وضعيه قسم بالله هم رجعنا لنفس السالفه

ـ نجبي لج دتعالي يمي واشوفج المبالغه قول وفعل اذا ما اخليج ادكيلي تحيه صباحاً ومساءاً اغير اسمي من مروان الى تيسير العراقيه .

ـ يعني راح اطيح حظي فوك ما هو طايح

ـ لا

ـ هاا

ـ اي

ـ يله انزل أتريك وأتجهز مو اليوم أربعاء حنة ازهار

ـ أي

ـ شبيك سگتت

ـ وياج

ـ هم تمرون تأخذوني لو اروح ويه أمي وهديل

ـ بعصبيه وين وين تروحيـــــــن؟

ـ لـ الصالون غير

ـ وشعندج موليه لصالون المن تلمعين بجهرتج الزفره ترى شايفها اكثر من شگلي ما شاءالله أنتِ سويتلي بروفا قبل بوقت .

ـ ترى حقي وكلهن يروحن وأختك عزمتني گالتلي نمرلج نأخذج ويانا يعني اني ما لطشت لأحد واذا على أهلي يعني لازم أروح وياهن تكول اي او تكول لا بعدني يم أهلي واخذ الموافقه منهم؟

ـ لازم ما تارس عينج زين يصير خير على ذمتي ولسانج بطولي يصير خير تعالي يمي واخليج تحلمين بالشمس من يا صوب تطلع سهله .

ـ مروان قطع الأتصال وزعل اني شبيه أنهديت عليه راح يوگلني طن وحل مبين شراح اعاني وياه كمت نزلت جوه لكيتهن يتحضرن وأسماء لكيتها موجوده سلمت عليها

أسماء ـ هلا بالعروس شو لحد الان ما مغيره ملابسج شـــنو ما تروحين ويانا.

أسيل ـ لا

ـ ليش ولج أكو عروس متروح صالون وحنة حماتج وامه محمد كلها تحضر وأنتِ مخطوبة لأخوها وكل العيون عليج امشي يمعوده صدك تحجين .

ـ هيج احسن

ـ ليش أحسن مروان ما يقبل مو

ـ لا ما گال

ـ لا ما يقبل كلهم هيج الزلم حببيتي بفترة الخطوبه يطلعون عضلاتهم علينا ويتحكمون بينا وتعالي قدمي عريضه طويله وين رحتي وشسويتي اوووه متخلص سوالفهم دمشي يمعوده واني اخابر حارث يفهمه الوضع ما عليج منه .

هديل ـ ليش مو على أساس ازهار وأسيا يمرن عليج لو ضربنج دبه تستاهلين والله كلتلج لاتسحلين نفسج الهن وترخصين بروحج ما فاد بيج حيل أكليها دتضلي لعد صبغي جهرتج بالبيت

أسماء ـ هديل شو هيج

هديل ـ ولج علت گلبي أمشي اغير ملابسي نولي تأخرنا يمه وين صرتي

أسيل ـ راحن الغرفه ونظفت المطبخ وضليت حايره وبهل الاثناء رن تلفوني مروان يتصل رجفت روحي من أسمه جاوبته الو مروان .

مروان ـ تجهزي راح اجي أخذج

أسيل ـ ماشي أزهار وأسيا وياك.

مروان ـ لا بالصالون جايج لوحدي نص ساعه واوصل

يتبع ..

31






أزهار ـ وصلنا البيت اني گبل طفرت لغرفتي وعفتهم بالصاله يحجون عــلىٰ الخطوبه وشــنو يسون أول ما دخلت أتصلت عليه ما يجاوبني زعلان عليه!
.. دزيتله رساله ليش زعلان عليه اني ما الي دخل بكل الي صار وبعدين تعرف أهلي وكل العواقب الي مرينا بيها وشكثر عانيننا وصارت أمور وزعل أخواني يله وافقوا عــلىٰ زواجنا المفروض متوقع منهم هالتصرف وتكون متفهم وما تزعل وتتحسس وتلومني؟ شافها وما جاوبني شويه وأتصل عليه

هشام ـ منو گالج زعلان من عندج

أزهار ـ لعد شيسموها أراسلك متجاوبني

ـ جان عندي شغل اي رجعتوا لو بعدكم

ـ رجعنا قبل شوي

ـ عــلىٰ الخير يستاهل أخوج مأخذين من گرايبكم

ـ أي بنت عمي

ـ أي شگو بيها هسه هم أخوج عصام نشر وذاكر اسماء كل عمامج ولد عمامج ونسابتكم مفصلهم تفصال ومقدم دعوه شكر للكل ومجموعه صور بالمضيف وبالخارج يم السيارات ومن سألتج نسابت عمج فاضل هم يحضرون گلتي لا وحتّى نسيب عمج علوان اسمه سيف اعتقد هم موجود ضمن الصور

ـ أي

ـ مبارك الله يقدم البي خير يستاهل مروان

ـ الله يبارك بعمرك

ـ حبيبي خلصت كلشي الغرفه والترتيبات وهالامور
ضلتلي بس القاعات اليوم اروح اشوفهن

ـ حبيبي عوفهن

ـ ليش گلبي

ـ مو ضروريات ومصاريف زايده كنسلها وگافي عليك مصاريف العرس

ـ لا حبيبي أني وعدتج وما أخلف بوعدي وياج اللي تردينه يمج ويجرالج والعرس مره بالعمر من حقج تفرحين بكل تفاصيله واجبي احققلج وأوفرلج كل اللي تحتاجينه .

ـ ما أريد گلشي بس أريدك وتفاصيل العرس أعيشها وياك بساطه مو شرط تكون فخمه وقاعه وهوسه ومعازيم ومصاريف وبعدين تضل مديون وتضل بس تفكر ومهموم هيج عرس ما اريده

ـ أزهار

ـ روحها وعيونها وگلبها ودنيتها الحلوه لـ أزهار

ـ أعشقج

ـ مو بگدي، يله تمام أتفقنا

ـ وأهلج خاف ما يوافقون يعني لازم عرسج او حنتج تكون بقاعه .

ـ لا أبداً والله ولا تدخلوا اني فاتحت ماما بالموضوع وبابا سمعنا وگال احسن قرار زين سويتي لاتكلفين على خطيبج يعني ما عدهم اي مانع .

ـ ماشي لعد بس احجز العرس بالقاعه اريد اركص وياج من بعدني مراهق احلم بيها

ـ دمعت عيني تمام على راحتك

ـ ما ضل شي اخليج بحضني

ـ أستحيت وحتى صوتي راح

ـ أموت على خجلج غصباً على ࢪاسي احترم حياءج وعفتج واخلاقج تجين يمي وجه لوجه وأتغزل بيج براحتي وتسقط كل الحواجز

ـ كيفك

ـ تخافين مني

ـ مو مسأله خوف بس ما اعرف

ـ تخجلين

ـ هشام

ـ روحه التريد حضنج يبعد أسمي الما يحلى بس من تنطقينه بشفايفج

ـ يأخذ نفس ويحجي واني هيمانه بنبرات وتناغم صوته وبقينا نسولف بس ما يعبر حدوده نهائي حتى واني حلاله ضل نفس ماهو ومن اخر مره اجانا بعد ما اجه بس اتصالات علاقتنا جانت على خط الاحترام اني جنت خجوله وأستحي منه وهو احترم هالشيء وكبر بعيني اكثر ماهو كبير.

رايحين لسوك نجهز اني وأمي واسيا وعفنا الجهال على مروان وكل شوي يخابرنا يعيط ويلطم واتصل واسيا جاوبته

أسيا ـ هاا مروان

مروان ـ أسسيا راح اهج كرهت الجهال من ورا جهالج تعالي عليهم هاي بنتج فد عرمه بس تعصر بروحها وتجيبها بعيطه تخلينا نتطافر اني ومجد فضحتنا يمكن تريد رجال الا ازوجها

أسيا ـ يااا عزااا

مروان ـ عزاااا عاله كلبي بالعزا مالتج دتعالي عيني سندس بنتج زر** بحالي

ـ شبيك ياعيني أنت هم عمهم واجبك تتحملهم
وبعدنا ما واصلين فد اربع ساعات واحنه يمك

ـ شنــو شگلتي عيني اربع ساعات لو اربع دقائق؟

ـ أربع ساعات

ـ لا والله شگالولج عليه مفتح روضه الجن ضابط ورتبه وسلاح وخابص روحي وتالي حاط الجهال وكاعد بالله عليجن هاي سوايه سوايتجن.

ـ يله حباب

ـ هو ما مطيح حظي غير كلمة حباب ديلة ولي واذا تأخرتي جهالج اتبرع بيهم لناس محتاجين خلفه واكسب بيهم ثواب لن اليحاجيج ما يشم ريحة
الجنه ف جهالج اجوي بوكتهم

ـ يماااا عزاااا

ـ عزا العزاج وعزا مروان وياج .

أسيا ـ قطع الخط عمه خاف يعوفهم هذا ابنج مو صاحي وعصام نبهني وگالي لاتبقيهم يمه

وصال ـ لا وين يعوفهم لعد وين نوديهم غصباً عليه يتحملهم والا ما اقدم عرسه وابقي يتحرمص هو ما متحملهم لسواد عيوننه بس يريد يقدم العرس واني كلت لابوه الا ازهار تزوج واذا يضل يلح عليه اشتله لصيف وسمع بيها لصيف تخبل يگولي ادبك الزك عليها ادري اسبحك بدبس وراشي .

أسيا ـ خطيه مبين عليه مستعجل يله بس تزوج ازهار خل يتزوجون

وصال ـ هو هم هيج بس الا اشلع گلبه بلكي يعقل

أسيا ـ شيعقل عمه ليش هو خبل والله مروان ورده بس هالايام حيل متغير ولا عبالك مروان النعرفه الهادئ السكوتي والعاقل حتّى صاير سرسري هههه

وصال ـ هو من عاف هناسه تخبل على وگته جانت بس هي گادرتله يله بلكي أسيل تسيطر عليه ..

ازهار ـ يمه هو عافها صدك

وصال ـ يگول هي عافتني!

أسيا ـ كذب شلون هيج يگول على نفسه وهي عافتني؟ هذا شبي

وصال ـ والله لحيت عليه گالي هي عافتني ما ادري بعد ما ينعرف صدكه من جذبه الله يهدي ويثبت عقله ويوفقه وينسعد هو وأسيل

أسيا ـ امين .

ازهار ـ امين، وصلنا السوك وافترينا كل المحلات والمولات واشترينا ولليل يله رجعنا هلكانين من تعب وبعدنا باب الحوش ونسمع صوت اناشيد اطفال؟

أسيا ـ يمممه جهالي مــــروان

ازهار ـ ركضت قبلنا ودخلنا البيت مروان مخليهم وراه التخم وكالب الصاله مخربط التخم مسويلهم مثل السجن حاصرهم بالزاويه ومشغل التلفزيون على أفلام كارتون بعلوا صوته يعني حتى صوت جهال ما ينسمع؟ منتحر بيهم
وصاعد على التخم ورافع ردان التراكسواد ورجليه طالعات وحده فوك الثانيه ولابس كاسكيته ولازم التلفون والممه والحفاظه بحضنه منظره والوضع سينما ويتصراخون هو شافنه صار حنين

مروان ـ هاا عمي وبعد عمي

أسيا ـ عزاااا جهالي ليش هيج حابسهم مروان

مروان ـ تعالي انتِ هم احبسج وياهم على الواهس مو طلعوا ***جهالج مو جهال صركاعه ما شاءالله الام والاب شكد عقال عليمن يطلعون ولا واحد طالع عليه امداكم .

ازهار ـ خطيه كامت ادفع بالتخم وثكيل وتصيح عليه

اسيا ـ مروان تعال اني انثى ويني وين ارفع تخم

مروان ـ توازيني عالغلط شلون اكوم اعدلج بالهندي أنتِ والانثى شو دوخري بس بيج حيل ترفعين صوتج باليل جنج رئاصه .

ازهار ـ سكتنا واسيا خلت ايديها على شفايفها فشلانه وتضحك سحبت نفسها من كدامه وهو دفع التخم وطلع كرم سوده عليه عركان ويبجي حضن امه وجودي شالها ويبوس بيها

مروان ـ تريد رجال زوجوها خطيه

اسيا ـ يا رجال يمعود سوده عليه ليش هيج مروان باوع الكريكوت مالتها شصاير بي تعالي عمه شوفي الضيم عززا

مروان ـ والله بعد شوفي شغلج

وصال ـ يله ميخالف موزين تحملهم

مروان ـ حكومتنا الموقره مو تنسين اتفاقنه

وصال ـ لا ما انساه وين تروح

مروان ـ اديح

وصال ـ هو انت صاير دايح شتصير

مروان ـ دياح بصيغة الجمع

ازهار ـ راح واسيا اخذت جهالها وامي غيرت ملابسها واستلمت التنظيف واني صعدت اغراضي وباليل وصلن الجنط مروان استلمهن وصعدهن شكراً عيني

مروان ـ تدللي

ازهار ـ دخلتهن واجت اسيا ساعدتني ورتبنا كل اغراضي وملابسي بالجنط سيت متكامل امي جهزتلي كلشي حتّى فراش وفرشات نوم اخذتلي حتّى الحلويات والكرزات كلشي متكامل والنقوصات وصينا توصيل لن ما نكدر نطلع واسيا لوحدها مروان توبنا نعوف جهال يمه كل اساليب تعذيب يمارسها عليهم وعصام بالدوام لهذا التوصيل جان انقاذ النا .

" كاعده بالغرفه ارتب النواقص وراسلته موجود حبيبي

هشام ـ اي گلبي وياج

ازهار ـ أتصلت عليه حبيبي

ـ عيونه امريني

ـ ما يأمر عليك عدو بس الجنط وأغراضي تجي تأخذهن

ـ لا بقيهن من اجي اخذج جيبيهن وياج

ـ ليش غير يترتبن قبل بوقت

ـ لا هيج أحسن ومن تجين أنتِ رتبيهن على كيفج لن البيت هوسه وكل كرايبنا اهنا واخواتي مخبوصات ماكو احد يرتبهن

ـ ماشي

ـ حجزتلج صالون باجر الصبح اجيب اختي واوصلكم

ـ ماشي گلبي بس يا صالون حجزتلي

ـ صالونكم

ـ يا فدوه وليش حجزتلي يم صالونا؟

ـ عندي بي ذكرى تجمعني بيج وأقدس كل الاماكن الجمعتني بيج مو بس الصالون حتّى الشوراع اللي افترينا بيها وعيوني تراقب كل تفاصيلج ونظراتج الاحبهن وخجلج رمز مخلي لحبي الج

ـ هشام طگ گلبي على شوفتك لاتتغزل بيه هسه

ـ هواي ضاملج لاتخافين هشامج عاشگج عشك التعبان ولكه راحته

ـ أعشقك حبيبي لعد ابلغها اني العروس

ـ هو أنتِ بكل الاوقات عروس ميحتاج تبلغينها

ـ خجلتني

ـ هو أنتِ خجوله شتصيرين دتعالي يمي اتفنن بهذا خجلج شيجيب الخميس ساعاته صارن اطول من عمري .

ـ كلها يومين وننجمع اصبر شويه

ـ هو صبرت وتحملت أهلج ومغثة أخوانج وجرعتهن كلهن ما اصبر هاليومين

ـ فدوة

ـ تدرين فرحتي ما انطيها لاحد مو لن اريدج ومشتاقلج وعبالج النيه غير شيء بس يكفيني وزايد عليه من طولج يفتر بيتي وتمايلن بخصرج كدامي حتى شهر ابقيج كدامي ما اجيسج عادي عندي مهم صرتي حلالي وتسجلتي بإسمي

ـ دمعت عيني

ـ الغريزه تجي وتروح بثواني ما تنحسب ضمن الاوقات ولا الها قيمه ثمينه بس الثمن الحقيقي من تلكي إنسان يحبك ويفهمك وشايف الدنيا بعيونه وتحبه وتقدس تفاصيله وروحك ترتاحله وكل الصفات التحبهن والجماعهن من طفولتك من لحظة الشبيت بيها وتتخيلهن وراسمهن بمخيلتك تلگيهن بإنسانه بنظره وحدة تمردت واحتلت موطن گلبي وهالتمرد والاحتلال علنت حرب علمود أنتصرت بحبها وأقدسها وما افرط بيها
زهرتي لكيتج بكومة هموم وتعب سنيني ما أخسࢪج لو كلفني ماي عيني،هشامج شايفج أنتِ الحبيبه والموطن والأهل والعزوه والسند وكلشي بدنيتي

ـ اسيا واكفه تسمعه وتمسح بدموعي حبيبي

ـ هاا يعيون حبيبج

ـ هيج ماكو شي

ـ الماكو شيء بيها شيء واني فهمتها

ـ هو أنتَ تفهمني بدون ما احجي

ـ حبيتج بنظره وأفهمج بنره.

اسيا ـ الله على الأحساس الله عليك يالقيصر؟ اكول سيد هشام خف على عروستنا ما يصير هيج ترة وضعيتها صارت مزريه الدموع والوجه صار الوان عاطفتها تكلب خلقتها دير بالك عليها يمعود هاي العزيزه والغاليه ترى احنه وياك بالتفك حتى اني اهد عليك

هشام ـ كلامج على ࢪاسي وازهار بعيوني

اسيا ـ تسلم ربي يحفظكم

هشام ـ تسلمين ام كرم يله ازهار لازم اروح دزوا عليه احاجيج بعدين .

ازهار ـ تمام أنتهى الاتصال وحضنت اسيا وتبوس بيه

اسيا ـ تستاهلين يروحي يله گومي ام الصالون تتنظرنا جلسة تنظيف وعنايه وترتيب وصبغ من الاظافر والاقدام والشعر والخ ... .

" لبسنا ونزلنا اني وياها وعصام جان موجود نازل فدوه لطولك شوكت اجه

أسيا ـ قبل شويه متشوفينه لحد الان ما مبدل ملابسه واني عفته واجيتج شايفه هيج تضحيه لعد اني اعوف عصام علمود احد بس علمودج ها

ـ فديتج وين اكو منج جنت واكفه على الدرج بس شفته دمعت عيوني وهو ضل صافن عليه نزلنا سلمت عليه الحمدلله على سلامتك عيني

عصام ـ الله يسلمج شلونج

ازهار ـ الحمدلله زينه بشوفتك

عصام ـ الله يسلمج منو يوصلكم

أسيا ـ كالعاده السايق مالتنا

عصام ـ مروان

اسيا ـ اي

عصام ـ سگتي ولج شـــنو سايق مالتنا ما ارضاها أحترمي عيب .

أسيا ـ أتشاقه والله

عصام ـ حتى لو ما يصير ياعيني بس الصدك هو يرادلنا سايق بس سيادته ميوافق .

أسيا ـ ليش شگو بيها

ـ تردين سايق مو

ـ يمه شبيك عصبت

ـ ماكو سايق

ـ منو طالب منك سايق عمي ما نريد

ـ وين

ـ نروح اضل واكفه اسمع سيرة السايق؟

ـ اي ليش ما تعجبج سيرته

ـ لا محد يعجبني بالكون بس سيادته الواكف كدامي بقيافته

ـ صايره تبدعين بفنون الرد

ـ شخصك وحضورك ورجولتك يخلقن مني فن شـــنو بس أنت عندك فن .

ـ دمشي وبعدين نتفاهم على الفن والفنون.

ـ ما أطول عليك أكمل واجباتي تجاه تؤامي وارجعلك وأعوضك .

ـ فديتج أنتِ وتؤامج أصيل وبالاصاله نمبر ون

ـ كثرلي منها هاي بطعم الشكولا.

ـ حاضر على هالخشم

ـ ابوسه

ـ دمشي عاد انفضحنا وتطشرت الأسرار العسكريه

ازهار ـ مبتسمه على سوالفهم وغمزتله واجتني وخلته وراها يباوع على طولها وشلون تمشي شسويتله ولج شنو هالكلام عمي مخبله اخويه

أسيا ـ يتخبل يمي ولا يتخبل يم غيري كلشي يريد اسويله يتفنن بيه اتفنن عليه يتمرد عليه برجولته اطغى عليه بإنثوتي ودلعي يتغزل اتغزل بي وأغرگه
بـ بحري هو وغزله هاا شلوني

ازهار ـ طلقه

أسيا ـ دمشي لا ارجع اطلق ناري على أخوج ترى طاگ كلبي عليه متشعوطه الله وگيلج بالكوه لزمت روحي ما نتفته بوسه وشلعت خده انوب ضعفان سلب عافيتي بطوله .

ـ ضحكت عليها طلعتي ناريه

ـ اي اخوج ورثني .

ـ مشينا ومروان يحجي أتصال شافنه قطع الاتصال

مروان ـ هلا

اسيا ـ بالمهلي شيخنا

مروان ـ عايف الشيخه الج ولرجلج متبرع بيها الكم

ـ اي والله شفت مو صُدك احنه شيوخ ما ادري ليش مضغوطين من عدنا

ـ اي والله بس يراد الكم سبحه ودله وديوان .

ـ لا شنو هالتكلفه الشيخ بإفعاله مو بالمجلسه
مو صحيح

ـ أصبتِ عداج العيب .

ازهار ـ اسيا صعدت بالصدر واني ليورا وشغل وطلعنا باوعتلي وگالت

اسيا ـ اكولج لاتزعلين لن كعدت بالصدر المفروض أنتِ تكعدين لن اخته بس تعرفين اني شيخه ومن الواجب اكعد كدام يعني ما يصير شيخ ويكعد ليورا وين صايره هاي شيخ نص ردن

مروان ـ هم صح

أزهار ـ ههههه دكعدي منو حاجي وياج وكايلج ضحكنا حتى مروان ضحك وصلنا نزلت واسيا ضلت تحجي وياه شفت فتح محفظته طلع فلوس

اسيا ـ لا بقيهن اني شايله

مروان ـ دخذيهن موو الج لاختي

ـ مو اعرفك جلد دجيبهن لعد

ـ عود من تخلصين خابريني

ـ ماشي عيني مشكور على المصاري

ـ بالعافيه يابه

ازهار ـ دخلنا الصالون وسلمنا عليها وكتلها اني العروس وفرحت

سوسن ـ دام أنتِ العروس صالون حنتج هديه مني الج ولا تناقشيني أبداً .

اسيا ـ لا حبيبتي ليش اناقشج هاي هي

سوسن ـ خو أنتِ ما تكولين باطل

ـ نحبج ونمون عليج غير يله حبيبي استلمينا غسل وتشحيم واني هم حالي من حالها لن زلمتي اليوم نزل واريد اعرس وياه ضبطيني على اخر حبه .

سوسن ـ أنتِ اطلعج أحلى من العروس

أسيا ـ حبيبي اللطيف متقصرين .

ازهار ـ وبلشتنا شغل اني وأسيا من كلشي وخلصنا وانطتها تعبها وتشكرت منها واسيا طلعت نار تشتعل مكياج وصبغ وعدسات شطلعتي الا بشده

اسيا ـ فديتني هذا مروان وين صار عمتي تخابر خبصتني سوده عليه عفت جهال عليها يله ابو الغيره

مروان ـ اطلعي عيني سندس

اسيا ـ اجينا باشا

ازهار ـ طلعنا وتوجهنا للبيت وصلنا لكينا رافع ابن عمي داوود موجود ونزلنا وعصام اشرلنا مشينا وحده بصف الثانيه ولكينه امي مخبوصه خطيه

وصال ـ تاخرتن تعالي اخذيهم اريد اكمل العشه

ازهار ـ اخذت جهال وراحت واني غيرت ملابسي واجيت اساعدها واجتنا اسيا وكملنا العشه وتعشوا وغسلنا المواعين واجه مروان اخذلهم الجاي وكال لامي