أسيل ـ ماشي عيني عمه صعدت غرفتي ورتبتها وغسلت ملابسنا بالغساله وطلعت وصفنت على ملابسه وهنا بإيدي جانت ابسط امنياتي اتلمس قطعه تخصك وفزيت على صفنتي بصوته وبتوقيت مو مناسب أبداً

مروان ـ يمتى تفض صفناتج

أسيل ـ شلتهن ومشيت

ـ لبسي أزار صلاة ونشريهن عالسطح اكو حبل وداخلياتج غطيهن مو تعرضيهن!!

ـ مشه لغرفة وعافني أتشعوط وراه رحت نشرتهن ورجعت الغرفه ما لكيته رتبت شگلي ونزلت ما جان موجود بس عمتي كعدت يمها ومستحيه ما اعرف شسوي بس افر بعيوني واجه وكت الغده وعمتي راحت تصلي واسيا اجتي كلبت جدر الدولمه واجه من برى وباوعلي

مروان ـ ما تمشين تصلين

أسيل ـ ما جاوبته وصعد الغرفه ما ردت أصعد وراه رحت بغرفة عمتي لبست ازرار مالتها وصليت وتوني كملت لكيته واكفلي يم الباب مشيت لعنده سحبني من ايدي وضغط عليها لا عفيه مروان

مروان ـ شيسموها عايفه غرفتج وتصلين بغرفة أمي تردين تجيبين العين علينا هاا مشتريه الفضاحه مو

ـ لا والله مو قصدي

ـ بعدين نحجي

ـ مشه لن عمتي صاحتنا مشيت وراه وكلهم كاعدين بالكاع كعدت بصفه وتغدينا سوه وشربنا جاي وبقينا نسولف بس اني ساكته استمع الهم واسيا منطلقه ويه الكل إجتماعيه وعصام يشاركها الرأي هم يجي يوم واتعود هيج باوعتله ساكت وكام واشرلي ترخصنا وصعدنا الغرفتنا بس خايفه منه لايعيد اللي صار كلبي قبضني ودخلت وراه وقفل الباب وتمدد ونمت بصفه بس بعيده عنه ضلينا ساكتين ومر وقت حسيته أستسلم لنوم حاولت انام ما كدرت باوعت الساعه ثلاثه عصراً .

وحسيت بقلبه يخفق قريباً من قلبي، وجسمه يلتصق بخصري، بهدوء لمساته وأنا أرتعش من الاقتراب ونبضاتي تتسارع، وروحي تتأرجح بين الخوف والحب همس بصوت هايم

ـ التفتي عليه ديري وجهج لوجهي

ـ أنفاسه ريحتة لمساته قربه الملاصق لجسدي انداريت والتقت وجوهنا وعيوني تناظر عيونه نعسان مسح على وجهي ونزع قراصتي وفتح شعري وصفن بوجهي

ـ شتاقيتلج

ـ خله ࢪاسه بشعري ويشم ونزل على رقبتي قبلني كل النواحي وترك أثاره بعمق وتحركت أحاسيسي وثارت نفسي في معركة بين الشوق والعناد، بين الكبرياء والمكابرة وأنا أتأرجح بين حبي واستسلامي وبين رغبتي في الابتعاد هل أندمج معه وأختفي في أحضانه؟ أم أبقى جثتي هامدة بين يديه، وأحتفظ بقلبي في قفص من حديد؟ ماذا أفعل؟

" رفع نفسه وقربني لوجه واخذ شفايفي بعمق وضل مستمر وگلبي صار يريده بادلته برغبه وحضنته من وجهه وهو ازداد بشكل اسرع وتمسكت من رقبته واتلمس ظهره بإصابعي وتجرأت وبسته من رقبته وعشقتها أدمنتها ريحته دمار انسلب عقلي فقدت وفصلت عن العالم بإكمله ونسيت كلشي صار فقط اني بين احضانه وتحت رجولته رجعت بسته بعمق وهو تملل ونايم برقبتي وهمس بصوت ذايب .

مروان ـ أسيل عوفي رگبتي رحمه لأهلج اشسويتي بيه راح تموتيني أسيل لاتخليني اقسي اسيل .

أسيل ـ يروحها ونفسها أحبك مروان أعشقك اموت بيك مجنونه بتفاصيلك اني مو مصدكه اني بحلم تعرف شنو يعني أسيل تحبك يعني امك داعيتلك
ما خلاني اكمل اخذ شفايفي وسكتني ما عافهن الا ان ابتعد بس هالبعد جان صادم بكل معنى الكلام من گال بغضب وحقد .

ـ هالمره رخصتي بعين نفسج قبل لاترخصين بعيني
لن أنتِ من زمان رخيصه حتى الرخصيه ما تنزل لهل المستوى من دنائه النفس تفاعلتي بإرادتج وصرتي نار وتلهب بيدي هاي بدال ما تعزين نفسج وترزينها لا تنزلين نفسج للأسوء كل ثانيه اكتشف شيء بيج .

ـ فزيت من أنركع الباب الغرفه خليت ࢪاسي بالمخده وصرخت بصوت مكتوم أنت املتني أنت بثيت الأمل بگلبي ليش هيج ليش لعبت بگلبي وبعقلي وأفكاري وجسمي وتفاصيلي ليش مروان ليش الف نعلة على حبك والساعة الحبيتك بيها .

" بقيت نايمه بفراشي ما تحركت بجيت الا طگت روحي وشكثر أستحرقت روحي وگرهتها اني شلون تفاعلت وياه وبادلته الحب بالعلاقه شلون يربي بعد كل الاذيه الشفتها منه من كلام وفعل شكد غبيه اسيل عاطفتج طيحت حظج وعزة نفسي وكرامتي بالحضيض ...

" ما نزلت والا اذن المغرب أنفتح الباب ورفع الغطا عني وصاح بيه بعصبيه وإنزعاج وقلة صبر .

مروان ـ شعندج نايمه لهل الوكت الدنيا مغرب عيني ست الحسن أكعدي تغسلي كبي ماي على جسمج تنظفي وصلي لو متعرفين الصلاة شلونها لو عادي عندج تبقين بالجنابه والنجاسه شنو محد معلمج المره لازم تتنظف بعد العلاقه لو شنو بالضبط فهميني يا مره .

ـ ما جاوبته كمت ولزمني وضغط على أيدي

ـ من أحاجيج تجاوبيني

ـ باوعت بعيونه ولزمني من شعري بقوة ولوه رگبتي بإيده مروان رگبتي تأذيني

ـ اذا ما متعلمه الاحترام اني اعلمجيها وهذا العقل الله يثبته بࢪاسج عود يوحيلج تشيلين نفسج وخشمج تتصنعين الكرامه على مروان اطلعه واغسله واعيد تركيبته بيدي

ـ دفعني وعثرت ردت أوكع على وجهي بس تلاحكت روحي طلعت ملابسي ورحت الحمام سبحت وبجيت شويه ودك الباب اجييت

ـ نمتي بالحمام

ـ راح اطلع مسحت وجهي عالسريع لبست بخبال ولفيت المنشفه على شعري وطلعت صفن بوجهي
عبرته رحت الغرفه لكيته شامر الجرجف بالكاع ودخل هو

ـ خلي جرجف جديد

ـ ليش هذا شبي

ـ وسخ

ـ نظيف ما بي شيء

ـ أسيل كلت وسخ وخلص وساخه بابا عقلج شبي يعني متعرفين هاي السالفه تتغابين بࢪاسي علمود اكول غبيه وما تعرف واستخطيج تريدين اتعاطف وياج مو!! عليــــمن ولج العابيج على مروان؟

ـ لا ما أريدك تعطف عليه سگت وعبرته وطلعت جرجف جديد ولبسته الدوشك والشلته القديم غسسلته هو والملابس ونشرتهم بالصاله عالمنشر ودخلت ملابس الصبح رتبتهم وهو كاعد على التلفزيون يياوع لعبه ريالي لنخاع .

" للعشه ما حجينا بعد ونزلنا تعشينا ولكيت ازهار رايحه لبيتها كعدونا ومروان كاعد گبالي بس عينه على التلفزيون وعمي يحجي إتصلالات مهمه وشويه وصعدت ظهري يوجعني تمددت وسمعت الباب انقفل تمدد بصفي وإثنينا ساكتين وكسر الصمت وگال .

ـ كومي حضري بدلتي والجنطة الملابس مالتي باجر التحق .

ـ كمت واني ساكته حضرت ملابسه شخلي الك مثلاً كم قطعه شنو تحتاج نهض وكام يطلع كدامي ويخليهن بالجنطه وشغلات نواعم ومعطرات وكمل وخلاها بصف الجربايه ورجع نام وبقيت واكفه وصافنه على تصرفاته هسه اني شمعرفني متزوجه عسكري قبل ياربي شيكظي العمر وياه شيخلصه .

ـ أروح واحذرج وراي ما تطلعين وتصيرين أدامي وتجرين عدل ترى تخلين ࢪاسج براسي اطيح حظ حظج ف صيري ادامي وكعدي وسكتي

ـ ماشي بعدها سكتنا تمددت ونمت واني تعبانه وظهري حيل يأذيني وكل شوي انكلب على جهه وانكلبت على جهته صار گبالي وحجه .
ـ يله نامي ولاتضلين تحوصين لو تردين بعد أتقربلج عجبتج السالفه مو وبالواقع أحلى وأمتع يعني طفيت نارج ريحتج .

ـ ضليت صافنه عليه وما مستغربه أذيته بالكلام والفعل ورجع صاح بيه الا كمزت وفزت روحي

ـ نزلي عيونج ولا هيج تباوعيلي بصلافه لما الفجر كسرتلج عينج بس أنتِ ما تنكسر عينج صلفه مو بيدج والنظرات مو مقياسج

ـ ما جاوبته وانطاني ظهره واني كذلك أستسلمت لنوم وعلى نومه لصبح كعدت الشمس داخله الغرفه باوعت الساعه بالعشره فزيت وانداريت فراشه فارغ

" التحق صفنت على مكانه وملابسه كمت شلتهن ورتبت الغرفه ونزلت لكيت اسيا تطبخ صباح الخير

أسيا ـ هلا عيني صباح النور شلونج .

اسيل ـ الحمدلله عيني عمه لعد وين

ـ راحت الاسواق محتاجين كم شغله واليوم لوحدنا عصام دزوا عليه بشغله وعمي هم طلع .

ـ مروان هم

ـ ليش التحق

ـ اي

ـ هاا اي احتمال عنده التزامات لن بفترة العرس تماهن بالدوام مالته عادي تتعودين هسه يومين وينزل ما يصبر على الفراك .

ـ اي ابتسمت وبگلبي يا فراك هذا كعدت ساعدتها بشيء بسيط ما قبلت بس خما اضل كاعده واضوج لوحدي وعمتي كعدت يمي حسيتها تريد تحجي وياي

وصال ـ أسيل أنتِ هم بنتي اريد احجي وياج

ـ اي عمه كولي

ـ مروان ليش التحق

ـ عنده دوام ما يكدر خابروا

ـ هاا اكيد

ـ اي عمه لايضل بالج

ـ تفاهمتوا بينكم على هذيج يعني تمت الحمدلله

ـ اي ماكو مشكله

ـ خوما صار عندج نزيف

ـ اي بس أول يوم وهسه زينه

ـ يعني شسمه

ـ شنو عمه

ـ تردون طفل من اول يوم لو يعني ما ادري شلون اشرحلج

ـ يا طفل عمه

ـ هيج مو وكته هسه

ـ ما فهمت عن شنو تحجي وتغديت وصعدت وبقيت بغرفتي اباوعله لمكانه فارغ وارجع اصد وجهي واغمض عيوني وابجي وابجي وتذكرت أهلي محد وصلني ولا سألوا عليه على أقل كدام عيالي شصار لو أتصلتن على عمتي وصال وسألتن عليه .

" مرت ثلاث أيام وعمار سافر رجع للخارج وكمت انزل اساعد عمتي واطبخ وياها على الرغم متخليني بالكوه ومن اكمل الشغله تفداني وتبوسني وتضل تسألني شنو احتاج والظهر متخليني اصعد الغرفتي تفرشلي انام يمها لن عمي ما موجود وما اصعد الا الكل ينامون واشغل التلفزيون واضل اباوع مسلسلات واتذكره واتذكر كلامه وأذيته .

" أطخ بࢪاسي اخابر أهلي واروح بس واكفه وتصيرلي سالفه شكدها شكبرها وهو وصاني وحذرني من هالخبالات لا اكعد واسكت لما تفرج عليه والله كريم

العصر بغرفتي جنت طالعه من الحمام لابسه ثوب قصير وشعري ناثرته وكاعده أباوع مسلسل واندك الباب لن قافلته كمت وصحت منو

مروان ـ اني شعندج قافلته فتحي يله

أسيل ـ فتحته على السريع دخل بدون كلام وهادئ ذب جنطته ونزع بدلته

ـ حضريلي ملابسي

ـ اخذ المنشفه وراح حضرتهن ودخل لاف المنشفه وكف على المرايا يخلي معطرات جسم واني احير وين اضم روحي منه .

ـ نزلي جيبلي الغده

ـ نزلت باقي من الظهر مرگه وتمن ولحم حميته وصبيتله وخضروات وسلطه سويتله وقوطية بيبسي وماي اكو فوك بالثلاجه صعدت الاكل لكيته كاعد بالكاع كدام التلفزيون خليته كدامي وكال .

ـ كعدي كابليني ما أعرف أكل لوحدي

ـ متغديه أكل أنت بالعافيه

ـ كعدي ميخالف

ـ كعدت بصفه بس اللكمه ما تنبلع وجسمي يرجف منه ومن قربه اتوتر وادوخ واثول اكوم دربي ما اندله بلعت كم لكمه كوه غصيت وكمت شربت ماي من الثلاجه وهو خلص وكام يغسل شلت الصينيه نزلت غسلت المواعين وسويتله الجاي وصعدت ولكيته كاعد على الجربايه وبيده الحزام يطبك بي !!

" حاجيته بحزن ودمعتي بطارف عيني لا مروان الله يخليك لاتضربني وتأذيني والله بعد يومين لموعد شهريتي وأني اعاني منها والله اموت واعدل الله يخليك عوفنـــي وارحمني .

ـ لا تعالي مشتهي اضربج وابرد واطفي نار گلبي بيج هاي النار البداخلي منو يطفيها غيرج اعصابي الفايره والمقبطه بيمن افرغها اذا مو بيج تعالي وعوفيلي الجاي هذا شغله بعدين مو وكته هسه لازم أربيج على طريقتي .

ـ تقرب قفل الباب وسحب الكوب من ايدي ودفعني وأول ضربه اجتي على خلفيتي شاغت روحي رجع كررها على رجليه وأفخاذي وأيدي مروان امانه

ـ ولا صوت ما اسمعلج حرف

ـ ضربني الا تعب شمر الحزام وكعد على الجربايه يباوعلي وحالتي يرثى لها انعزلت بالزاويه ولامه رجليه لبطني شعري نازل على وجهي ودموعي تجري وامسح بيهن بطارف ايدي وجهي احمر عيوني ورمن من البجي وهو صافن على حالي ويدخن طفه الجكاره بالنفاضه واشرلي بإيده

ـ تعالي يمي يلا عيني

ـ ما ما اجي

ـ تجين لا تحبين اني اجيج يله ميخالف اجيج تدللي

ـ لميت نفسي تقربلي رفعني من الكاع نترت عوفني

ـ لاتزوملين اوكفي

ـ عوفني مروان

ـ كامت تنعوصلي امشي غسلي وجهج

ـ اخذني جوه ايده للحمام فتح المغسله وغسلي وجهي بإيده ونشفه بالخاولي ورجعنا الغرفه كعدني وجاب القراصه لف شعري واني صافنه على تصرفاته

ـ تحبين الحنان سوده عليه تعالي نامي يمي

ـ سحبني نومني بحضنه ويلعب بشعري واني مخليه ايدي على صدره وغركانه بحضنه قرب وجهه لوجهي

ـ يله ميخالف تكبرين وتنسين لعد بيمن افرغ قهري غير بيج

ـ باسني من رگبتي على الخفيف استمر واني احاول ما اضعف وياه ولا استسلم اله بس لماساته وحركاته واخذ شفايفي وتعمق حاولت وحاولت وضعفت وبادلته بشوك وحنيه مفرطه وهو تمتع على الاخير
وابتعد عني وصار أنسان ثاني ورجع مروان الأعرفه

"وعرفت عنده شخصيتين: شخصيه قويه ومتجبره في رجولته وطغيانه بإذيتي ، وشخصيه رومانسيه وحنونه يمارس بيها كل فنون الأغراء والاغواء والحب، بفراش واحد يجمعنا اني وياه، نتفاعل ونبتادل القبل، في لحظات الحنين والشوق واللهفه والرومانسيه العميقه .

" بقيت هادئه وشعور يأكل بيه هم بجيت مثل كل مره اعاني وأتعذب واكل بلحمي واسب والعن گلبي عرفت حبي اله هو نقطه ضعفي وهو استغل هالشي لصالحه لإرضاء نفسه وأفراغ شهوته وغريزته وبعدها يرجع مروان اللي يغلط ويجرح ويأذي .

" أنداريت وباوعتله نايم وحتى نومته هادئه خليت ࢪاسي على المخده وصفنت على ملامحه يالله شكثر جنت اتمنى أباوعلك واروي نظري من ملامحك وصارت وتحقق الأمنيه بس بظروف ما يحملهن الگلب بوجع وأذيه وكومة اغلاط تقربت وتلمست شعر لمسات خفيفه ودموعي تجري تلمست أصابعه وطخ أصبعي بحلقته!!

.. بعدت الغطا ورفعت إيده ونمت بحضنه وعلى صدره وحضنته ودمعتي على خدي خليت ࢪأسي برگبته شميت عطره وكاتمه عبرتي وهو تملل بإنزعاج هدأت وغمضت عيوني وأستقرت أنفاسي واستقريت بإحضان معذبي ...

" فزيت على صوت التلفون يتصل وكعد باوعلي مستغرب واني هم أستغربت روحي مجرده من ملابسي وبحضنه طاح حظي أنجرفت ورا مشاعري وعاطفتي أبتعدت وغطيت نفسي وهو فتح الخط وجاوب .

مروان ـ هاا هديل شتردين منها نايمه يمعوده أكولج نايمه شكد تلحين هاج اختج تريدج .

أسيل ـ اخذته وجاوبتها هاا هديل ها عيني شلونج

هديل ـ زينه الحمدلله أنتِ شلونج شخبارج .

ـ الحمدلله عيني زينه أنتِ شلونج أهلي شلونهم بعدج يمهم لو رحتي لبيتج

ـ لا بعدني اكولج هسه عوفيني من أهلي

ـ خير حجيت ومروان باوعلي بشك اي جهالج شلونهم .

مروان ـ حضريلي ملابسي

هديل ـ ما يحضر مكسرات إيديه اووي شكد اكرهه هاي الفقره حضري ملابسي ويتأمر ادري هنا شنو ملابسك قابل شتلبس يعني

أسيل ـ اي هسه احضرهن اخذ المنشفه وطلع ورجعت صحت بيها شبيج أنتِ متعرفين تحجين جان يمي لو سامعج شحجيتي يعني من كل عقلج صاحيه أنتِ .

ـ اي حبيبتي واصحى منج ليش عالخير هم ناويه تصيرين عبده لحضرة السلطان سليمان مثلج مثل العبوديه والراضخه حماتج التسس الحيه الصفره تلدغ وتضم ࢪاسها

ـ منو تقصدين

ـ منو قابل ليش أكو أنسانه راضخه وعبده لرجال وممسحه لقنادرهم تلحس ممشاهم وتقدس وتمجد تفاصيلهم الرجوليه الطاغيه الزوجه المثاليه والنادره اسيا ؟

ـ شـــنو هالحجي عيب عليج يمج كرباج هديل أحترمي وصيري أدامي وعوفي أسيا وعصام وجفي شرج عن البشريه لاتسوين مشاكل يمعوده عيب .

ـ أحترم لا والله ما أحترم ولج أسيا هاي الحيه التس الحقيره الجلبه السرسريه الساقطه الناقصه الدك والنس منها النهار والليل كله تحش براس رجلها هي تحفر جواه يا كالت هديل يا كالت هديل خلتني على كل لسان سوتني حديث كل اثنين
وبعدين واني شمسويتلها كوليلي شمسويتلها والله حبيبته وخطيبته السابقه اي وشنو يعني شسويلج آذا هو متأثر بيه وما حجالج يخاف على مشاعرج تنجرح وتثورين مثل الثور .

ـ هديل استحي على نفسج لاتفضحينه .

ـ بس اني موو هديل اذا ما فينت حظج يا اسيا اذا ما رجعتج لجحر الطلعتي منه للخيسه الجنتي عايشه بيها بنت الفكر لج أنتِ رجلج سيادته المحترم عيرج بفقرج ولبسج برجله وهسه صايره خوش مره وشيخة الشيخات ومرت الضابط وادامي وام البيت ولبس ماركات والتوصيل شغال والصغيره والجبيره بيدها وتأمر وتنهي .

ـ بصوت ناصي وأنتِ شعليج بيها صخامج وطين بࢪاسج شنو هالحجي

ـ تردين أسكت على الأهانه اكلتها بسببها أنجرحت أحساسها الشيخه من كلت المعدان ومسته الحجايه واجه دخل عرض وكام يغلط عليه وجرحني لعد اني عصام يغلط عليه ويهيني كدام الكل اني يكولي لاتأكلين ** اني هديل بس اسمي كافي عليه يذكره

ـ اجه وسگتت وكف يلبس وهي سگتت

ـ أجه الشفيه زلمتج

ـ أي حارث شلونهم والجهال شغل التلفزيون وكعد واني رحت بعد مسافه عالجربايه هديل كعدي عاقله

ـ لا والله لو اعرف بيتي ينهجم أسيا وحده قذره انسانه خاضعه (منحطه راضخه) النهار كله تمسحين قنادر يله انسحل وراج وصار سايق مرته .
وعصام ليش عافني لن اني ما ارضخ إمراه الي شخصيتي وكياني ولا انطيته أهميه ولا بالغت بي ولا غرت عليه ولا كبرت ࢪاسه ولا مجدت وقدست رجولته هو عربانه بس تدفعه يندفع هو هاي شخصيته اني انطيته حجمه وعافني اني ليش عفته اني ما ارضخ اله وشخصيتي ما تناسب ويه هيج شخصيه مسحوله
ولا ما صرت عبده جوه ايده يكفخ بيه ويسب ويلعن بإهلي وعشيرتي ماخذ الدنيا حوض عباله الرجوله بالعياط والصياح والفشار وهي تحب هيج رجال وتنغرم بي وبصفاته وحده رخيصه خزي على نفسها وعلى اهلها شابعين سب من وراها عديمه كرامه .

ـ اباوعله يباوع احم بعدين احجي وياج ديري بالج تلعبين وتسوين مشاكل .

ـ ابقي ابقي صيري اسيا نمبر تو يله باي روحي قدسي

ـ قطعت الاتصال واجه اخذ التلفون مني

ـ هديل شتريد منج

ـ هيج سألت عليه

ـ بس هيج

ـ اي

ـ منو هاي تحجون عليها

ـ على مرت اخويه سوالف نسوان وكف گبالي وحجه

ـ شوفي أسيل أسحبي نفسج من علاقتج بإختج هديل وأهلج اوتوماتيكاً وعلاقتج تكون محدوده بالكل سؤاء أهلي او اهلج
على كد شغلتج تكملين شغلتج وترجعين لغرفتج منا منا كال وكلت أتخبل من هاي السالفه عقلي يطير منها اختي على كد السلام اساليها شلونج اخبارج وهاي هي لاتتعمقين بالعلاقات شصار بين عصام واسيا ما ادري شيصير بين امي وابويه ما ادري شتحجيلج اسيا ما عليج شتحجيلج هديل ما عليج .
ومن اني بالدوام لا تضلين دايحه كملي شغلتج ورجعي لغرفتج وكعدي على تليفزيونج أخذي وانطي كسري وجبري وما عليج بإحد نهائياً ولاتتدخلين بالصغيره والجبيره وتحشرين روحج بكل سالفه وتنبصين روحج وحجايتي على كدي نفعتني احجيها وما نفعتني اخليها بكلبي وعززي نفسج ارفعي من قيمة نفسج عزيز النفس كلها ادور وراه ارفعي من شأنج بين الكل ولا تنزلين وترضخين لاحد وتصيرين خوش مره كدام الكل سوي اللي عليج وبس كلام زايد ناقص ما اريد فاهمه عليه

ـ أي فهمت

ـ يله كومي سبحي .

ـ هزيت ࢪاسي ورحت سبحت وتذكرت كلام هديل وأنشغل بالي يعني اني ناقصه كافي عليه البيه وزايد منين طلعتي بسوالفج الما تخلص والله شكلج ما ناويه على خير وراح تسويلنه سالفه .

" سبحت ورجعت رتبت شكلي والغرفه ونزلت وراه لكيته مخلي سماعات ويسوي اندومي كمل وخله قوطيه البيبسي وكعد يأكل سويت ماعون فواكهه وأتصل تلفونه وفتح خط

مروان ـ هاا هديل أنوب ماشي هاج أختج

اسيل ـ أخذته منه هاا هديل

هديل ـ راح اجي اني وامي عليج بس قبل لا اجي اسألج عصام موجود بالبيت

ـ ليش

ـ جاوبي على كد السؤال

ـ لا

ـ حرامات

ـ هديل

ـ يله راح اجي باي

ـ قطعت الاتصال ورجعته اله باوعلي بشك

ـ شتريد منج؟

ـ تريد تجي هي وامي وبلغتني

ـ بس هيج

ـ أي .

ـ خير أن شاءالله .

ـ كمل وطلع برا اريد احجي وياها وخل تجي بقيت افتر واسيا بابها مفتوح بس لا عصام نازل يربي شلون سالفه طلعت اشوف سيارته ولكيتها موجوده يعني موجود وكتلها لا يا صخام شراح يفضها على ࢪاسج أسيل بقيت احوص لوحدي بالمطبخ حضرت الضيافه ومروان طلع باوعت الكاميرات صحت يربي وصلوا ..

عصام ـ منو وصلوا؟

أسيل ـ...

يتبع ....

38







أزهار ـ طول العرس هو غالق تلفونه كلما أتصل مغلق حتى حساباته فاصل النت هذا ليش هيج يتصرف ضجت وطلعت الدنيا من عيني وعفته ..

ورجعنا البيت وصارت مشكله بين هديل وعصام بالكوه فضت وهديل ما ناويه على خير اخذناها لداخل وتحجي ما تسكت صحت بيها خلص سكتي تردين مشاكل دواره تردين يرجع يخلص عليج شعليج انتِ ياخذها فندق او البيت شيء خاص بي وبعدين شبي البيت بالعكس انظف وياخذون راحتهم أنتِ هم كلامج مو منطقي وسالفتج مو مقبوله بحق احد وعيب عليج .

هديل ـ عيب عليه بس مو عيب على أخوج من يغلط ويتجاوز عليه كدامكم واني مره وهو رجال وبعدين هو شكو دخل عرض منو طالب رأيه لو الكلام مس حضرته وجرحت احساسه وهيج انفعل

أزهار ـ ما منج خلاص تردين تسوين مشاكل گوه

اسماء ـ عيب هديل شـنو هالحجي سگتي يمعوده خل يفض العرس ونولي ببيتنا لاتسويلنا سالفه واصلا تتدخل زايد منج مالت الفندق وعيب هم

هديل ـ أنوب عليه أنتِ ما تسكتين لخاطر الله .

أسماء ـ سگتي أنتِ بالأول بعدين أني أسكت بله ذبيتلج حجايه وأنتِ عصبيه وفات الاستقبال وقضى عليج شنو يكون موقفج كدام زوجج سيف مو عيب..

هديل ـ ليش يابه يقضي عليه شنو ما وراي رجال يكسره وأهل أخوان يقضون على حياته مو هي خريطي كلمن اله

ازهار ـ طلعت من يمهن ما منها خلاص ورمت گلبي وهشام يتصل أستغربت وعفته ورجع اتصل اكثر من مره ما جاوبته لن تجاهلني وشويه ودزلي رساله

هشام ـ اطلعي يم الباب

ازهار ـ ماشي صعدت غرفتي جمعت ملابسي وأغراضي ونزلت ولكيت عصام وبابا يحجون بس عصام مزعوج باوعلي وگال

عصام ـ وين

ازهار ـ اروح هشام اجه يأخذني

ـ ماكو روحه رجعي

ـ بس خويه ينتظرني بالباب

ـ وشكو عليه خل ينتظرج خابري خل يروح ما تروحين بهل الليل شعدنا دازينج هسه تعبانه وما تعشيتي هسه وصيت من المطعم ويوصل واتعشي وارتاحي عود خل باجر العصر يجي ياخذج .

ـ بس

كمال ـ هذا هو بابا لاتناقشين امشي بلغي خل يرجع

عصام ـ لا ما يحتاج مجد اطلعله كوله ازهار متروح

ازهار ـ عصام والله يزعل

ـ على شــنو يزعل مجد امشي اطلعله

ـ مجد راح واني أباوعلهم وامي هزتلي ࢪاسها وما حجت صعدت جنطتي وشويه وأتصل وجاوبته هاا

هشام ـ ابقي يم أهلج خل أخوانج يفيدونج بعد ما اريدج !!! دازتلي مجد يگولي اختي متروح هسه نص رجال هم مو واحد من أخوانج هذولاك كل واحد بكد الثور يستنكفون يطلعون عليه ويكولولي اختنا متروح وياك شدعوه عليهم ناهب ماليتهم بس هاي هي ابقي يمهم .

ازهار ـ هشام صدك تحجي انقطع الخط بوجهي رجعت أتصلت عليه مغلق كعدت مصدومه هيج هشام بهل السهوله تكولها ما أريدج بعد!!! وتغلق جهازك هانت عليك زهرتك .

" غلقت تلفوني وضميته بالجرار واخذت ملابسي ودخلت سبحت وشسورت شعري ورتبت شكلي ونزلت لكيت الاكل واصل وكاعدين بالكاع كعدت بصف اسيا وحست بيه

اسيا ـ شبيج

ازهار ـ ما بيه شيء تعبانه مديت أيدي واكلنا وكمت ساعدت اسيا تغسل المواعين واني اصبلهم الجاي وامي تحجي على التلفون مزعوجه شكو شبيها أمي .

أسيا ـ العرسان ما طلعوا وأسماء وهديل زعلن ومشن بدون عشه لو تشوفينها إشسوت بس تصيح وتذب بسامير وعمي طلب منها تتعشى تصوري ما قدرته وبقت ولا اهتمت لاحد .

ـ ختولي مو أدامي صايره حيوانه صبيت الجاي وقدمتلهم الجاي واجت امي اخذت الجاي
منو جان عالخط

وصال ـ خابرت جنان وحجيتلها تصرفات هديل شـنو قلة الأحترامات هاي عمها يحجي وياها ويقنع تبقى لن عيب يطلعن بدون عشه واختها بعدها ما طالعه يمعوده ابقي خطيه اخاف تطلع تسأل عليج أختج تحتاجج بهيج يوم يمه أشسوت وصوتها عالي .

عصام ـ يمه گافي سدي سالفتها ترى كبرتي ࢪأسها من خابرتي عمتي جنان منو هي تبالغين بإهميتها واذا ما تعشت بالطكاك لاتتعشى .

وصال ـ أني علمود أسيل

عصام ـ وشكو عليها أسيل ومروان مو جاهل خايفين عليها منه أنسان جبير وواعي بعد شگو .

وصال ـ لا يبوي عاد شرمنها وياها هسه عوفنا ما تتصل على مروان اصبلهم العشه خوما يضلون بدون عشه

عصام ـ مغلق لحد الان

ازهار ـ صعدت امي ونزلت ماكو ما يطلعون وراها بلشنا تنظيف وتعزيل بس من الداخل والخارج والحوش بابا كال عوفوا تعبتن وخطيه أسيا اخذت جهالها وراحت وعصام جان يحجي أتصالات ولحك عائلته واني صعدت غرفتي وشويه وأجتي امي .

وصال ـ شصار شگالج .

ازهار ـ حجيت إلها

ـ خيولي لاتهتمين لكلامه ابقي ارتاحي وبعدين كسري عينه واستحقري وخابري كوليله تعال اخذني صيري أعقل منه وخلي يحس بذنبه ومن ترجعين لاتنطينه عين تجاهلي توبي خل يعرف قيمة زعلج ويتوب يعيد هالتصرف مره ثانيه هاي من أولها هيج

ـ ماشي

ـ يله نامي وارتاحي حبيبتي .

ـ راحت وكملت نومتي واني مقهوره ومصدومه بي
ما توقعتها منه لعصر يله كعدت فتحت تلفوني لكيته منه مكالمات ورساله .

ـ ما تكلفين على نفسج تتعذرين ينقص من عمرج وكبريائج تنزل قيمتة؟

ـ ما جاوبته عفته على الشحن ونزلت اكلت كم لكمه مالي نفس وصعدت ما لكيت منه شيء وفاتح نت دزيتله رساله تعال اخذني أنتظرك شافها وكتبلي.

ـ جايج حبيبي .

ـ ما جاوبته دزلي

ـ احبج عافيتي

ـ ما فتحتها عفت رسالته معلقه رحت لبست بنطلون وقميص طويل وخليت مكياج ورتبته وكشخت كشخه فول ولبست كعب ونزلت أغراضي وبلغت ماما وراحت لبست جبتها وراحت الأسواق جابتلي فواكهه وكرزات وحلوايات واتصل وجاوبته نعم

ـ يم الباب حبيبي .

ـ اوك نهيت الاتصال ماما بيت عصام كاعدين اودعهم

ـ لا والله نايمين عصام ما موجود بس هي وجهالها

ـ ماشي عود بوسيهم يله ينتظر وطلعت وياي أمي نزل سلم على أمي ويحجي وياها واني خليت الأغراض بالسيارة وهو يباوعلي ما باوعتله أبداً ودعت أمي وصعدت وتوجهنا للبيت طول الطريق ساكته وكسر الصمت وگال

هشام ـ شلونج عيني .

ازهار ـ الحمدلله زينه

ـ شبيج

ـ ما بيه شيء وصلنا وأخته فتحت الباب ونزلت أغراضي خليتهن على الكاونتر وباوست ايمان شلونج أشتاقيتلكم وأشتاقيت للبيت احجي واضحك وهو صافن عليه ودخلنا كلهن بوستهم واخر شيء افراح وتقدمت باوستها شلون افراح .

أفراح ـ الحمدلله تمام وأنتِ

ازهار ـ زينه بشوفتكم حبيبتي عمه وين اشتاقيتلها مشيت من كدامها رحتلها كاعده بالاستقبال بستها من ࢪاسها شلونج صحتج شلونها

الحجيه ـ زينه على الله فدوة لهل الوجه هسه البيت نور بيج اهلج شلونهم مبارك عليكم يمه .

ـ الله يبارك بعمرج ويخليج النا دخل وكعد گبالي يله اني اترخص منج اروح اغير ملابسي أبتسمتلي ومشيت من كدامه الحلويات والكرزات قسمتها بالنص والفواكهه كذلك كلها غسلتها بالمصافي على الكاونتر بقيتها واخذت الباقي بثلاجتي ولكيتها فارغه تجاهلت وكلت ميخالف عليهم بالف عافيه

.. وغيرت ملابسي وفرغت الجنط ورتبت الغرفه ورحت سويت العشه وصبيت وانجمعنا كلنا هو اكل لكمه وحده وكام حتى أخواته أستغربن تجاهلته وكملت الأكل طماطمه حمس وبيض وجاي ومجموعين صحيح قليل يسولفن وياي بس اني افتح سالفه واحجي ويه جهال ايمان ويباوعلي بحب وكل واحد بحضنه حلوياته وايمان باوعتلي بنظره رضا وابتستملي .

" رحت صليت وغيرت ملابسي بملابس نوم وطفيت الاضويه وتمددت وراسلت أسيا سألتها على أسيل

أسيا ـ ما أعرف زواج مروان عبالك مغصوب حتى عمتي ملاحظه عليهم .

ازهار ـ شلون عرفتوا .

أسيا ـ امانه لاتكولين لأحد بيني وبينج

ـ شنو كولي

ـ شفت أثار ضرب على إيدها رفعت ردان وبسرعه نزلتهن ما اعرف غيري لاحظ لو بس اني ومستفقره بشكل ما اكدر اوصفه الج شكلها يبجي ذبلانه مثل الورده واستحيت اتدخل لن مو من حقي بس انتي سألتيني وجاوبتج حتى لـ عصام ما حجيت .

ـ يمه گلبي ليش يضربها تنكسر ايده

ـ أنقهرت عليها

ـ گلبي أحترك ما معقوله يضربها هيج بس اذا اكو اسباب تخلي ينجبر يقسي وتوصل بي يضرب .

ـ مهما كانت الأسباب مو توصل بي يضربها أول ليلة عرسها حرام هالاذيه بحقها وهو الاكبر منها وهي طفله نص من رجله متصير ما اعرف شگول والله

ـ ولج خاف هذا مروان نرجسي يستلذذ بالأذيه

ـ أنتِ قبل على عصام گلتي نرجسي

ـ لا عمي عصام العقل والرزانه كلها ما ادري مروان لن سكوتي وهادئ اخاف منه واللي يحجي ويصيح أبداً لاتخافين منه اللي بگلبه على لسانه خوفج من البارد ويكتم داخله هذا مصيبه .

ـ الله يهدي عليها خطيه ما تستاهل والله

ـ أبوسك قلبك الحنين يحن ويعطف على الكل

ـ نادرة الوجود عيني بس نسخه وحده واخوج حظها بيها شيريد بعد

ـ فدوة ربي يحفظكم جاي احجي ودخل هو يله حبي اترخص المكان أنحظر

ـ روحي اليوم يعنفج

ـ صايره سخيفه مثل اخواني ضحكنا وراحت عفت التلفون واجه نام بصفي وصافن انطيته ظهري ونمت والفجر لكيت نفسي بحضنه أبتعدت ورجعني غصب هشام عوفني

ـ ما أعوفج

ـ عوفني خليني براحتي ما اريد اغثك واجرحك

ـ اكعدي خل نحجي ونتفاهم

ـ ماكو شيء نحجي بي ونتفاهم عليه

ـ ليش ولعد على شـــنو زعلانه

ـ زعلانه وليش أزعل والموضوع كله مو بࢪأسي

ـ يعني ما زعلانه

ـ ليش يهمك زعلي

ـ طبعاً .

ـ إذا يهمك زعلي اللي صار ما ينعاد مره ثانيه

ـ تتأمرين يعني

ـ ما أمر بس هذا شيء مو حلو بحقك أني ما يأثر عليه وياريت تفكر بعقلانيه وتلفت على علاقتنا ونجاح زواجنا ، عفته ونمت ولصبح كعدت قبله صليت وخليت القوري على نار وجهزتله الريوك واخذته الغرفه لكيته كاعد يغير ملابسه كعدت بالكاع كمل واجه كعد بصفي وصافن عليه سم بالله

هشام ـ عاشت أيدج من زمان ما متريك مثل الاوادم

ازهار ـ بالعافيه أكلت وياه وشال السويج وطلع وشويه ورجع باوعلي صديت وجهي وشلت الصينيه وعبرته وكفت اغسل بيهن وهو وراي وتالي مشه لسيارته وطلع وكملتهن وسويت الغده من الصبح

" لظهر اجه تغدينا وعفت المواعين ورحت الغرفتي وهو ضل كاعد يمهن أيمان خليتها تصب جاي فتحت تلفوني دزيت رساله لـ أسيا شلونكم واجه اخذ محفظته والسويج وطلع باوعتله ورجع واندار وراه گبل صديت وجهي بس گلبي يرجف توترت رجع وكف باب الغرفه وعيونه مليانات شوك

هشام ـ محتاجه شيء اجيبلج وياي

ازهار ـ لا سلامتك

ـ الله يسلمج يبعد أسمي

ـ شكراً

ـ العفو يله اني رايح اذا اشتاقيتلي خابريني .

ـ ماشي مشه وهو يباوعلي وتالي راح وكمت رديت الباب وراه ولكيت اسيا مراسلتني

أسيا ـ لو تعرفين منو اجه

ازهار ـ منو

ـ هديل

ـ هاا وخوما صارت مشاكل

ـ ازهار والله اني ما عندي شيء وياها بس گلبي ما مرتاحلها يعني خوما من كيفي هالاحساس يجيني

ـ لا طبعاً

ـ نظراتها وحركاتها وتصرفاتها مالت وحده جاي تراهق حتى أحترامات لزواجها وزوجها ما مخليه وين اكو ميانه زايده بين ابن العم وبنت العم شو اني ولد عمامي وخوالي ارقامهم ما اعرفها بالمناسبات لو اشوفهم لو ما اشوفهم والحدود واجبه .

ـ اني هم ملاحظه عليها مو بس أنتِ

ـ وأخوج ما حجه شيء

ـ خوما حجيتي وياه وتعاركتوا من وراها .

ـ اي كلتله ماله داعي جيتها كالي أختها مو من حقج تمنعيها تجي تشوفها كبري عقلج وشيليها من ࢪاسج وكبرت عقلي وسگتت بس يا أختي تصرفاتها ادق وتجلط .

ـ ميخالف تجاهليها علاج الجاهل التجاهل

ـ هو هم هيج يله حبي أخذي راحتج بعدين نحجي

ـ باي حب بعد تلفوني بيدي وأنفتح الباب بكل قوته افراح وصبا وسجى!! خير صاير شئ؟

أفراح ـ اي كل الخير اغاتي أحد كلج احنه خدم لحضرة جنابج شنو شايفه نفسج بنت السلطان درينا ابوج رجل دوله واخوانج ضباط درينا أنتوا دوله وسيارات وحمايات وخدم وحشم واكل من المطاعم والتوصيل شغال كله ندري بي واحنه مو من مستواج العالي والممورق
بس مال تأكلين وتمشين وشايفه نفسج علينا واحنه خدم الج لا هاي نحاسبج عليها تعالي ليكون الحلويات والكرزات الجبتيها علمود نخدمج مقابلها

سجى ـ اي هيج الظاهر تترس حلوكنا عبالها احنه مثلها نرضخ نعيش بالذل

صبا ـ يمكن خفتي ما تحجين .

ازهار ـ لا ليش اخاف وسويت اللي عليه وبس واظن طبخت وساعدت إيمان بالتنظيف والمواعين عليجن وأنتن ثلاثه كل وحده تغسل ماعون يخلصن

افراح ـ لا والله

ازهار ـ اي والله واظن كلمن تعرف شغلها واللي عليها محد احسن من احد وأني من وافقت على زواجي من هشام قابله وراضيه بكل الظروف وكلامجن ما يهز شعره من ࢪاسي وياريت مره ثانيه قبل لاتتدخلن ادكن الباب وتحترمن الخصوصيه

افراح ـ تردين خصوصيه بنت الأكابر

ـ اي حبيبتي

ـ امشن ويصير خير يا ازهار

ـ خير اليصيبج طلعن وركعن الباب وراهن وكمت صحت بيها الباب لاتركعينه وراج فاهمه

افراح ـ المن هالكلام

ـ الج طبعاً وبدال ما تحشين براسج اخواتج نظفي گلبج وعقلج وتقبلي واقعج قبل لاتجين وتحاجيني لن اني ما عندي مشكله بالواقع ولا وياكم .

ايمان ـ شكو شبيجن صوتجن عالي امي نايمه ما تكولن مريضه وصحتها بالكوه ادفع بيها وكتجن هسه .

ازهار ـ ما حجن مشن الغرفه وأيمان باوعتلي وكالت

ايمان ـ ميخالف عيني طولي بالج عليهن بعدهن صغار تجاهليهن والله اني مشيبات گلبي بس ساكته لن عاذرتهن بنات ويشوفن صديقاتهن ويجن يشبعن قهر اكول هم خطيه .

ازهار ـ يعني هنا محتاجات شغلات

ـ لا هشام ما مقصر وياهن يله حبيبه اروح على امي

ـ راحت وصفنت على حالهن وانقهرت عليهن وقررت اتقرب منهن واصادقهن واني وحيده من يومي احب يكون عندي أخت وان شاءالله يفيد وياهن وما يخلن ࢪاسهن بࢪأسي ويشلعن گلبي .

لـ المغرب تأخر الوقت وهو ما أجه واتصلت عليه وين أنت تأخرت .

هشام ـ أنشغل بالج عليه

ازهار ـ اي طبعاً .

ـ أحبج

ـ شوكت تجي

ـ أحبج

ـ ننتظرك على العشه

ـ ما اجي اتأخر لـ ١١ هيج يله

ـ على راحتك باي

ـ الله وياج

ـ نهيت المكالمه ودزيتله لاتتأخر

ـ عندي شغل والله

ـ ليش لهل الوقت

ـ شغل ياعيني

ـ ماشي عفت التلفون وما تعشيت سويت اللي عليه وتجاهلتهن ودخلت غرفتي وضليت كاعده أتصفح وملل وأباوع الساعه تاخر هواي شطلعت هاي .

" نعست ونمت وما اعرف شكثر مر وقت كعدت على صوته يفتح بوب الكنتور كعدت شوكت اجيت

هشام ـ هسه

ازهار ـ أكوم أحضرلك العشه

ـ ما اريد أكلت لفه وجبتلج وياي لفه عالميز

ـ شفتها بعدها حاره شكراً

ـ العفوا

ـ اخذ ملابسه وراح الحمام وشفت قميصه عالجربايه شميته وضميته لصدري يمه ريحة عطرك عالم ثاني واني فاقده على ريحة عطره وانفتح الباب وفزيت

ـ عوفي القميص وباوعي لصاحبه

ـ عفته وتوترت ما اعرف وين انطي وجهي حس بيه وراح الحمام طلعت وراه دخل يسبح رجعت رتبت نفسي ولبست سيت نوم أغراء ولبست روب طويل ورششت عطورات ودخل هو كمت فتحت الثلاجه وحضرت حلويات وكرزات وماعون فواكهه خليتهم على الجريايه وهو يگلب بالتلفون وهو عالشحن .

ـ ما أكلتي اللفه ما عجبتج .

ـ لا أكلها وياك

ـ هاا اذا هيج بالنص

ـ ليش بعدك جوعان أكوم اسويلك عشه لعد

ـ لا أكعدي لاتسوين وأني من اشوفج اشبع بس احب المشاركه وياج

ـ عاف التلفون وتقربلي باسني من ࢪاسي

ـ نحصل مسامحه من الساحره الفاتنه

ـ خله خشمه على خشمي وحضني من وجهي وصفن بعيوني عبالك يحاول يقرا نظراتي وين وصلت

ـ ما وصلت اني واصل من زمان

ـ متعيديها بعد

ـ ما أعيدها

ـ أبداً

ـ أبداً ينكص لساني اذا اعيدها كافي عليه عقوبتج

ـ تستاهل علمود تعرف قيمتي عندك

ـ عارفها والله تسمحيلي اخذ بوسه من هالشفايف

ـ أسمحلك حبيبي

ـ أويلي على حبيبج خليتني ضايع من دونها نزلتي مكانتي من حبيبي الى هشام ليش يالظالمه

ـ اليغلط بحقي اغير رتبته ومكانته

ـ حابتني بعقلج مو بگلبج

ـ أحبك بگلبي واسيطر عليك بعقلي .

ـ اني المسيطر احفظيها هاي

ـ السيطره مو اكون القائد بدالك السيطره تكون بحبي الك فه لاتستعجل بالحكم

ـ تفتهمين

ـ أعجبك

ـ يوم عن يوم يزيد هل الأعجاب وعابر مرحله

ـ تقرب اخذ شفايفي بشوك وبادلته بلهفه عارمه يقسي ويلين شكلني مثل العجينه وأيديه تتجول حول انحاء خصري وعيونه تسترق النظر على مفاتني وأغرائي وعلى قطعه تغطي جسدي لاتسترني بكثر ما تشعل النار بصدره وتزيد رغبته بإحتضاني وأحتوائي .
لمني بحضنه ومتمسك بيه ومستمر يبوسني يعتذرلي بنظراته وحبه وأحتوائه بقيت حاضنته وهادئين بعد الحرب الجنونيه .

" مرت اشهر حياتي طبيعيه بس ما تخلى من المشاكل والمضايقات منهن بس مغلسه عنهن وحتى هو ما دخلته ضمن المشاكل يله يجي تعبان وكافي عليه الشغل وهوسة العالم الخارجي والتعب ووجع ࢪاسه ومن الصبح يطلع وما مقصر وياي ولا ويه أمه وأخواته يكفي متكفل هالايتام يكفيني علاكه الحلويات اليجيبها الهم ويتراكضون يبوسون بي ويتشكرونه يكفيني نظرات أيمان الحزينه والمكسوره تصير نظرات رضا وفرح يغمر صدرها .

... وجنت زياره يم أهلي وروحي لاعبه وامي جانت تطبخ دجاج واني ساده خشمي يله يمه خلصي عاد

وصال ـ شگو شبيج سادتلي خشمج وأنتِ روحج بالدجاج والفلفل الحار والاندومي

ازهار ـ كلهن اكرههن اموت منهن

وصال ـ هاا

ـ اي يمه معدتي تگلب

ـ شكثر صارلها

ـ شنو هي

ـ الشهريه مالتج .

ـ مو هواي كم يوم تقريباً بس عادي هم مرات تتأخر طبيعي متعوده عليها

ـ لا مو طبيعي لن أنتِ متزوجه أحتمال تكونين حامل

ـ حامل!

ـ أي ليش ما تردين

ـ لا أريد بس بعد وكت اني من هشام ما شبعانه ولا شايفته انوب طفل

ـ هذا رزق مو كيفج وكيف هشام وبعدين هذا شغله ورزقه وبركبته كومه لحم مو يجيج بالليل بعد شگو

ـ ما جاي تفهميني

ـ لا أفهمج تردينه طول الوقت يمج بس هذا الشيء ما يصير كل الزلم مكانهم شغلهم بس الما بي خير لاهله ومرته واهل بيته كاعد وياكل وينام هذا غسلي ايدج منه تحملي وصبري على زلمتج يمه

ـ ماشي هسه اني حامل

ـ أخذج أسويلج تحليل ونتأكد بالدم يبين اذا اكو حمل .

ـ بقيت صافنه ردت ابلغه بعدين كلت لا الا يطلع التحليل وأتاكد وفعلاً العصر اخذتني أمي ويانا مجد وسويت وكعدنا ننتظر وطلع التحليل

ـ مبروك حامل .

ازهار ـ فرحت وامي حضنتنلي وباركتلي واباوع التحليل يعني هسه بطني طفل من هشام

وصال ـ اي يروح امج اي بطنج طفل هذا حفيدي هذا مدلل بيت جده وخواله .

ـ هذا ثمرة حُبنا اني وهشام يمه اريده مثل هشام هيج حنين وگلبه طيب حتى لو مرات يعند ويبس خشمه ميخالف احلاهن هذن .

ـ خل يجي بالسلامه يله امشي أخذج دكتوره نطمئن على صحته وضعه وكم عمره .

ـ بس ما مبلغه هشام ما جايبه فلوس

ـ يا فلوس امشي امشي

ـ اخذتني ومجد يضحك وناصب عليه وخربان ضحك

مجد ـ يعني تصيرين ام شو احس اوفر هههههه

ازهار ـ يمه كوليله خل يسكت

وصال ـ عاد هو شلونه من يصير اب

ازهار ـ أمم ضحكنا وصلنا العياده وحجزتلي ودخلت وسويت تحاليل وفحوصات وثبت الحمل وانطتني علاجات وتعليمات وطلعنا فرحانين وقررت ما اكوله الا تخلص أجازتي ومن اروح ابشره ورجعت البيت وبلغت أسيا وحاضتني وتبوس بيه وكل شوي تلمس بطني ولج كافي يالخبله

اسيا ـ ولج ابوسه اضمه بگلبي هذا ابنج قطعه من روحج يروحي حبيب خالته ولك اني تؤام امك تكولي خاله اموتك اذا تكولي عمه كولي خالتوا أسيا

وصال ـ الله يثبت عقلج ولج عوفي مردتي

ازهار ـ ضحكنا ونزلت أسيل وجهه أصفر وشالها نازل وشفت اثار بركبتها وغمزت لـ أسيا حست كبل غطتها وضبطت شالها وعرفت من خلال حديثنا

أسيل ـ مبروك عيني ربي يكومج بالسلامه

ازهار ـ تسلميلي حبيبي يوم الألج تغيرت ملامحها لحزن وابتسمت مجامله

وصال ـ مروان شو دوامه مخربط هم خابرتي بعد

أسيل ـ لا عمه الصبح خابرته

وصال ـ شگالج

ـ على أساس باجر ينزل عدهم دوام والتزامات

ـ الله كريم .

ازهار ـ كعدت يمنا تشتغل بواهس وعلاقتها بإمي حيل قويه وحنينه ما الها علاقه بإحد على كد شغلتها تكملها وتصعد

بالليل كاعدين اني واسيا وامي نسولف وكرزات وفواكهه وكعده مرتبه وأسيل صعدت تنظف فوك لن مروان باجر ينزل يمه اريد اسألج

وصال ـ سألي يمه

ازهار ـ الملابس الزايده بعدج تنطينها لـ الجميعه الخيريه .

اسيا ـ ليش شسوين بيها

وصال ـ لا انطيهن لام شامل ليش يمه

ازهار ـ عادي الملابس ما ملبوسه او كم لبسه اخذهن وياي

وصال ـ الج شسوين بيهن محتاجه اوصيلج هسه طبي على البيجات واختاري اليعجبج علمود باجر يوصلجن لن السوك ابوج ما يقبل هالايام نطلع منعنه .

ـ لا ماما مو اليه عادي أخذهن لـ اخوات هشام

ـ منو يكولج عفيه ويتشكرج جوزي ماما جوزي عوفي هالسالفه

اسيا ـ يمعوده بعدين يرجعن عليج شلج بيها

ازهار ـ لا شكو بيها بس الجديد وأنتِ ملابسج مال الطلعه يخبلن وكلهن ماركات شتكولين يمه .

اسيا ـ عندي وجبه عزلت الكنتور كيفج شوفي عمتي

وصال ـ ما مرتاحه اخاف يأخذنها بغير نظره بس شوفي بالاول خل نكول لابوج ويوافق ونروح لسوك واخذلهن داخليات ومكياجات وخلي وياهن الملابس من أسيا ومالاتج بالكنتور مال الطلعه والجنط واسيل هم كومه نزلتلي مروان شايفهن وكلهن شامرهن ما يقبل عليهن ما ملبوسات أبداً

ازهار ـ تمام خوش فكره وفعلاً بلغنا بابا وبالكوه وافق ورحنا اني وامي واخذنا الهن ورجعنا وكعدنا نعزل الهن الملابس والجنط وصارت كميه كلش جبيره وخابرني العصر يجي ياخذني وامي تسوكت اليه من كلشي فواكهه وكرزات وحلويات وخلت بيدي مصروفي واجه وامي طلعت وياي وجان مزعوج حتى سلم على امي بدون ما ينزل

.... وصلنا البيت وعافني بالحوش ونزل ونزلتهم بالطرمه عزلت كلشي مثل كل مره وصحت لايمان شوفتها وباستني وتشكر مني واخذتهن الهن وما رحت وياها خفت ينحرجن ومشيت لغرفتي لكيته كاعد يدخن شبيك حبيبي شصايرلك .

هشام ـ ما بيه

ـ لا بيك شيء

ـ گتلج ما بيه لاتلحين

ـ ماشي عفته ورتبت ملابسي واجاه اتصال وطلع برا لحكته مو لن گلبي لعب منه لا بالعكس واثقه ميسويها طلعت وراه اريد افهم شبي ضايج واكف يم السياره والاضويه طافيه وكفت أسمع شنو يحجي

هشام ـ خويه اصبرلي بس هالكم يوم استلم مبلغ وأنطيك دينك جاي اكولك اهملني كم يوم شبيك متفاهم على كيفك لاتعيط يابه دتطير .

ازهار ـ اجه وصرت بوجهه مديون

ـ لا

ـ مشه ولحكته بلي مديون سمعتك تحجي

ـ گتلج لا على شنو اندان

ـ هشام لاتحاول تخفي

ـ اهووو شكد تلحين

ـ عافني ونام وبقيت مقهوره منه وعليه وضل أسبوع طبيعي بس دائماً يفكر وبعدين عرفت الغرفه على اساس هديه من ابن عمه بعدين ساحب نفسه والفلوس محد دافعهن وضالات مبلغ عليه كمت جمعت الفلوس كلهن خليتهن بيده بس ما اخذهن حاولت وياه رفض رفض قطعي ودام هيج متأخذهن اكولك خبر بلكي تخف ضوجتك .

هشام ـ شنو خبرج

ازهار ـ حامل أبتسم وتلمس بطني فرحت

ـ شلون ما افرح شوكت عرفتي

ـ من رحت لاهلي

ـ وهسه يله تحجين

ـ أنتَ جنت ضايج وما تتحاجى

ـ عليج الله لو كايلتلي بوكتها تدرين شرحتي صدري بهل الخبر الحلو لج تعالي اريد بوسه من هالخد تكول تفاح واعضض بي تعالي يروحه لهشام يمه مريتي راح تصير ام يمه مريتي راح تصير ام .

ـ خلاني بحضنه ويبوس بيه وطاير من الفرحه وبشر امه واخواته وجاب بقلاوه وبيبسي وحبيت خوفه عليه وحرصه مو لن حامل بطفله لن خايف عليه ولفه من بعدني ما حامل يجيبها ومن حملت كام يجييلي لفتين وعصير وحده اللي وحده لابنه وهيج أستمرت حياتنا واني حامل بطفلي الأول وثمرة حُبنا
________

أسيل ـ انداريت أهلي وصلوا .

عصام ـ اي هلا بيهم

أسيل ـ بهل الاثناء طلعت اسيا واني رحت فتحت الباب حارث وصلهن من الباب وراح ما سلم عليه انقهرت وباوستهن ليش ما سلم

جنان ـ يستحي صعبه عليه بعدين من تجين زياره ويمر كم شهر يتعودون عادي .

هديل ـ يله نضل واكفين يم الباب وبعدين عيالج ولا واحد منهم طلع يستقبلنا هي هاي مالات الاوادم شنو على ࢪأسهم ريشه

جنان ـ هديل تعوذي الشيطان شو عبالك جايه تعاركين امشن هسه عمتج نايمه كاعده منو يمكم

أسيل ـ موجودين تفضلوا مشن وهديل باوعت الكراج وأبتسمت وكرصتني وجع شبيج.

بصوت ناصي ـ ليش گلتي ما موجود سيارته شنو شغلها؟

ـ مو وكتج بعدين نتحاسب دخلن البيت وعصام واسيا وعمتي وصال كاعدين كاموا عصام سلم على امي واسيا وعمتي هم سلمن عادي والامور طبيعيه بس هديل خربتها من گالت

هديل ـ عصام شلونك أبن عمي .

أسيل ـ أسيا جاوبتها

أسيا ـ الحمدلله زينين .

عصام ـ يله اني أترخص .

أسيل ـ عصام راح الغرفته وكعدنا بالصاله وأسيا جابت الضيافه وكعدن يسولفن بينهم عمتي وصال وامي .

هديل ـ اي دبرت

أسيل ـ شنو هي

ـ عود تسوين نفسج غبيه ما شاءالله عليجن هالجيل كلشي يعرف الا هالسالفه ما يعرفها شنو قابل ليلة دخلتج غير وسألتج دبرت لو لا عدت سلامات

ـ سوالفج يمعوده

ـ شگوو مستحيه

ـ شلون ما أستحي شيء خاص بيني وبينه عيب

ـ كلتيلي خاص ليش هذول عدهم خصوصيه سگتي تاريخ عصام منشور على الحبل مرته مسويته العربيه حدث .

ـ هم رجعتي عليها بابا عوفيها

ـ أمشي نصعد بغرفتج

ـ كاعدين هسه اصبري

جنان ـ يمه اسيل وصلة بياضج وين

أسيل ـ ليش

وصال ـ ضميتيها

أسيل ـ لا ذبيتها بالوساخه

جنان ـ كبر الكبرج شلون تذبينها

وصال ـ على كيفج وياها جنان يمه أسيـــل وين ذبيتها

أسيل ـ بالوساخه

وصال ـ من يمتى فرغتيها

اسيل ـ بالحاويه عالسطح فرغتها ليش شسون بيها

جنان ـ امشي نصعد ندورها يالثوله .

أسيل ـ فشلتني كدام عمتي صعدت هي وهديل قبلي واني وراهم وعمتي ضلت كاعده رحت ادور بالحاويه ولكيتها وتذكرت الي صار شلتها بجيس وعمتي من فوك صاحت عليه .

وصال ـ لكيتيها

أسيل ـ اي عمه

ـ شمريها عليه اضمها يمي لاتضيع منج ويسولج عمل ويطحين حظج وحظ ابني وياج .

ـ نزلتها وانطيتها الها ما شافتها على لفتها ضمتها ورجعت يمهن وضبطت شالي ورداني خفت يلاحظن
لكيتهن كاعدات وهديل تكلب بملابسي وعارضه ملابس النوم وكامت تحجي .

ـ شو ما لابسه ولا بدله لعد المن مشتريتهن

ـ لا لبست

ـ وين كلهن جدد

جنان ـ ولج بعدها عروس تلحك تلبسهن

هديل ـ لا الظاهر زلمتها حار بحار .

أسيل ـ شكد سخيفه

ـ ماكو ملابس مو كوليلي عادي اثنينا متزوجات

ـ شيء خاص بينا عوفي من ايدج قفلت الكنتور وكعدت تباوع وتحجي..

ـ ما جان يسويلج مثل اسيا بيت كامل بس مطبخ لا تاكلين وياهم ميخالف ليش بس أسيا لو هذيج بنت الباشا .

جنان ـ خلي الله ساتر عليها لاتضلين تفلتين بسوالفج شعليج بيهم كلمن على كده يله اني أنزل يم وصال عيب ضلت كاعده لوحدها .

أسيل ـ نزلت ولا سألتني ولا گالتلي شلونج شلون مرت ليلتج خوما نزفتي توجعتي أبداً ولا عبالك أم وتهتم لبنتها وتسأل عنها هذن كلهن مو بإمي وفزيت على صوت هديل

هديل ـ أسيل اريد منج خدمه

أسيل ـ بشنو اخدمج

ـ اريد منج رقم عصام الثاني ؟

ـ حجت والباب أنفتح مروان كمزت بخوف وهو سلم على هديل

مروان ـ هاا شلونج اخبارج ليش حاظرتني

ـ بخير كلش زينه والله لن مو أدمي وحظرتك

ـ مو أنتِ مو أدمي فه توكعين بالموخوش اوادم والطيور على اشكالها تقع غراب يكول لغراب وجهك اسود .

ـ عابتلك

ـ لجهرتج أي منو وصلكم

ـ حارث

ـ وشعجب ما ضل

ـ عنده شغل

ـ ها وأنتِ شعندج جايه

ـ أجيت اشوفك وجهك يجيب العافيه

ـ الله يعافيج وشافج عزارئيل وخلصني منج

ـ وأنت هم على الواهس

أسيل ـ بدون وعي اسم الله خفت حلكج حجيتها بعصبيه وتداركت الوضع وفشلت وهو فتح المجر أخذ تلفونه الثاني وطلع .

هديل ـ مبقي تلفونه بالمجر ليش؟

أسيل ـ ليش شكو قابل وين يبقي

ـ ما ادري ما مرتاحه هذا مروان داهيه .

ـ يله ننزل هسه

ـ ورقم عصام

ـ صدك على طاري الرقم شتسوين بي

ـ شعليج أنتِ .

ـ وراج مصيبه عوفي الرجال ومرته بحال سبيلهم ليش تخلقين مشاكل من جوه الكاع العالم ناقصه وجع ࢪأس وزعل وروح وتعال .

ـ شكد خوافه

ـ أذا أنتِ دخلتي على حياتي طبعاً أخاف

ـ اني أختج مو عدوتج

ـ عوفيهن وصيري أختي الاعرفج بدون هاي السوالف والحجي الما بي معنى وتعوذي الشيطان هديل لاتسويلنا مشاكل عوفي عصام وأبتعدي عنه لاتصيرين حقوده وگلبج الوسخ ما ينسىٰ .

ـ ولج صدكتي اخلي ࢪأسي بࢪاسهم شبيه خبله بس ردت أشوف ردة فعلج توكفين ضدي لو وياي طلعلتي بكل الأحوال ضدي .

ـ وياج بالزين مو بهجمان البيوت والمشاكل

ـ لا ولج شبيه تخبلت مجرد سوالف يله ننزل .

ـ ماشي الله يهديج وطلعنا مروان جان واكف عالسطح شافنه واجه ناحيتنا وهديل ضحكت وهو استغرب .

ـ شكو ووجع على شنو تضحكين

ـ خل مرتك تگولك سالفه ما تنحجي يله اني انزل

أسيل ـ نزلت وباوعتله وشفت قطعه حمره بركبته

ـ شكو شبيج تباوعين ما شبعتي .

ـ لا هيج اني نازله نزلت وهو ضل ولكيتهن يردن يرحن وعصام دخل اجه من برا وهديل تباوعله كدام اسيا كرصت غمز اهمز ولا يفيد جانت متقصده .

" وطلعن ودعتهن ورجعت لكيت مروان وعصام واكفين يحجون ويگوله

عصام ـ عيب ولك غير تتنبه حاول تخفيها كم يوم وتختفي متطول .

أسيل ـ عرفت كاله گبل طفرت لغرفة عمتي لحكتها خفت منه وبهل الاثناء اجاني صوته يعيط عليه انثولت وركضت وانضربت بالباب

مروان ـ أسيـــــــــل أسيـــــــل أسيـــــــــل .

وصال ـ شعنده يصيح عليج جان وكعتي على وجهج على كيفج بنيتي شجاج انثولتي انطيها مجال تشوف دربها خبصتها وثولتها بصياحك .

أسيــــــــــــــل ـ صعدت ركض عالدرج والباب جان مفتوح اول ما دخلت قفله ولزمني من شعري قوي
مـــروان الله يخليك ࢪگبتي راح تنكسر مــروان

مروان ـ وكسرتهم مكسوره وكابرج وخلصان من عارج وشكلج وجهرتج الناقصه ولج ادبسزز شمسويه بركبتي شنو هاي الانجازات ست الحسن والاثاره والأغراء والاغواء هاا شنو هاي .

ـ كلماته مثل السم مثل السهم ينبت بنص گلبي دفعني وكعت بالكاع دفرني بطني قوي ولزمني ورفعني من ركبتي نبت أصابعه وكمت اكح اكح

ـ گلشي تسوينه أنتِ متعمده تسوينه قصداً تخليني أتذكر ما جاي تنطين فرصه لنفسج تتغيرين ما جاي اشوف تغير عليج بإي شكل من أشكالج الزفره ولا قابتلي ربج بإخطائج ولج ما جاي اشوف احساسج بالذنب وذنبج جبير هذا كله ما جاي اشوفه الاشوفه صلافتج ونظراتج وتفاعلج بالفراش جني عاشكج من عمر واني وياج دهن ودبس مو سوالفنا ما تسولف والخيسه مالتنا واصله لنخاع .

ـ الذنب ذنبي عوفني اني وربي يحاسبني عليه عوفني

ـ أعوفج تردين أعوفج

ـ ضربني كف وصحت بوجهه خلص گافي محسسني بس اني الوحيده الغلطت لاتنسى نفسك انت هم شريك وياي بهل الذنب والغلط منك مو مني اني كلت هيج لو حكمت على نفسي بالاعدام

ـ ذنبي وأعرفه بس مال تكولين الغلط منك لا هاي ما مقبوله منج ما أستهضمها انجرح احساسي كلش انجرحت تأذيت گلبي كام يوجعني .

ـ يتقربلي واني أبتعد وما حسيت غير طفر عليه وفتح الكنتور وجر الحزام لااااااا مروان لاااااا حضني وصم حلكي ويهمس بإذاني وانفاسه عاليه .

ـ ولج اني الغلط مني تحبين أذكرج واكولج عادي في الإعاده إفاده تذكرين من جنتي تسوين حسابات مجهوله وتعلقين على منشوراتي وهناس دخلتلج خاص وتهجمتي عليها وادعيتي اني حبيبج وعلى علاقه اني وياج هم كولي كذب كولي كذب كولي

ـ بصوت مكتوم أمممم

ـ تعجبيني وبعدها غسلتج غسل وانطيتج حجمج وقدرج وطردتج بالقنادر بس انتي كرامتج بال** صفر كرامه صفر شخصيه صفر من كلهن رجعتيلي بغير درب وعارفه ومتأكده اني مرتبط بوحده تسواج

.... عود صارت بينا صداقه والامانه حبيتج وأنتِ صديقتي هبه!! وراسمج بخيالي بنيه بالعفه والأخلاق ووثقت وأمنت بيج وفتحتلج گلبي وحجيتلج كل أسراري وين اطلع وين اجي الا اني اجه يوم واعترفتي بحبج اليه وصدمتيني بعدني ما متقبل الصدمه وحده ورا الثانيه مره حب مره صداقه

... أنتِ بهل الأثناء والوقت إشسويتي كمتي ادزيلي صورج فاضحه ومغريه بدون حجاب وتفتحين كاميرا وتلبين الطلبات بدون اي مانع والشغله اقل من العاديه عندج سلطه عود تجذبيني وتخليني أحبج بس عمره الحب ما أنبنى على الصور الصوره مو أساس الحب يالخبيره الحب والمشاعر الجياشه والعنيفه ..

ـ دفعني وضربني بالحزام مره وحده على ايدي ومشه وصحت وراه بس اني حبيتك من گل گلبي والخلقك اني حبيتك حب نظيف غير عن النيه الراسمها بخيالك اني ولا شئ من الافكار اللي بࢪاسك .

تقربلي وجهي بنص وجهه وحجه وهو مركز عليه

ـ وأني أكرهج كرهه وسخ وقذر ما اطيقج ولا عبالج حببيتج وتتأملين بيوم أحبج واتقبلج بحياتي ولا كأنما صار شيء بينا وامارس وياج الحياة طبيعي لا أفهمج وأكولج من هسه وجودج بحياتي لـ أسباب

لـ أربعة أسباب فقط أولاً أسترج ثانياً أغسل دماغج وأنظفه واعيد تركيبته بيدي وثالثاً أربيج من جد وجديد ورابعاً والأهم بالنسبه اللي وبالاخص هو حلال النومه وياج أستلذذ بيها بيها طعم خيالي أشعر بالرضا تجاه نفسي أتمتع ومرتضي وياج بفراش بس لا غير وأنتِ لهيب تشتعلين تخليني مثل قالب ثلج وتذوبيني بين إيديج وتفاعلج وياي مو بس يريحيني يبصملج بالسواد والرخص .

ـ كمل كلامه واني صافنه عليه نزلت دموعي بغزاره وفزيت على صوت الباب أنركع قوي وكعدت حيلي بهت ما بيه اضل واكفه صافنه على الأرضيه ودموعي تجري مثل الشلاح وكل كلامه مخزن بخلاياه دماغي مثل الشريط أنعادن كلهن كلمه كلمه اني ما انسى

" فزيت من فتح الباب بقوه وكف كدام المرايا يكلب بالمجرات يدور على كريم اساس طلع علبه وسخ تيشرته وصاح بيه

ـ تعالي اخفيلي قذارتج .

ـ قذارتج!!! مسحت دمعتي وكمت وصلت لعنده طلعت خافي العيوب وايدي ترتجف تقربلي والتصق بيه بشكل قوي نزلت الياخه وخليت وبديت اخفي وهو نظراته بوجهي صارت عيني بعينه كملت ورجعت المكياج وهو باوع زين .

ـ فضحتيني خفت شگلج .

ـ رش عطر ونزل وقبل لا ينزل أندار باوعلي

ـ أختج شتريد منج

ـ ما تريد شيء

ـ متأكده

ـ اي

ـ ماشي لبسي شالي ضبطي ونزلي وراي ومن اني اصعد تعوفين البيدج وتلحكيني

ـ ما جاوبته

ـ ويامن احجي اني

ـ ماشي نزلت وياه وتعشينا بس حسيت اسيا متعاركه لن ضايجه كوه تحجي وعصام ما عجبه وضعها وطلع ومروان صافن عليهم ورجع صفن بوجهي تهربت من نظراتها كلها شك وذنب .

لليل صعد وأشرلي اصعد وراه بس اخلص المواعين هزلي ࢪأسه يعني اذا تتأخرين تتعاقبين وعمتي حست بينا أخذت المواعين مني ورحت غسلت وصعدت وراه لكيته يسوي بالتليفزيون حجه وهو انتباهه على العبه .

ـ حضري روحج

ـ نطلع

ـ لا نركب الموجه أريدج حوريه البحر

ـ أسفه ما اكدر أصيرلك حورية البحر دام وجودي بحياتك لـ أسباب ومبقيني لراحتك انت بنفسك واني بنفسي لما تفرج علينا وننهي هالمهزله من اساسها

ـ طالعلج لسان عبالي ما عندج

ـ أني أنسانه من دم ولحم ونفسي الها عليه حقوق من حقي أدافع عليها وما أسمح لأحد يأذيها ويستحقرها بحجه أرضاء نفسه حتى لو كان حلال وبشرع الله بس بإستحقار واذيه اعذرني هذا الشي ما يصير وما مقبول .

ـ شوكت حسيتي على نفسج وعرفتي بروحج أنتِ أنسانه هاا شوكت انطيني التأريخ المضبوط .

ـ من يوم يومي أنسانه شسويلك أذا أنت تشوفني بغير نظره شمر الريمونت وتقربلي وقربني من خصري بإيد وحده حاوطني حاولت ابتعد شد عليها ونظراته تترقبني واني اتهرب منه

ـ أني انطيج التأريخ المضبوط من حجيتلج أنتِ شــنو أساســج وتركيبتج وموقعج بحياتي صرتي أنسانه والج حق وحقوق على مروانج مو هيج تكون صياغة الاسلوب يا ست أثاره الفتن!! .

ـ گافي مــــروان

ـ تردين كرامتج

ـ ليش مو من حقي

ـ اي يابه من حقج تدللي انطيها الج بالفراش بس بعدها امسح بيج الكاع يعني وقتيه والوقتي يمكن بيوم يصير اله ادامه شمدريج أنتِ تدرين شُـــــنو مكتوب بظهر الغيب حتى لو تصير ادامه تضلين بنظري الـ سويت وياج المنكر بكل حذافيره .

ـ كرهتك وكل كلمه تنطقها تخليني أكرهك أكثر.

ـ هو اني أريد تكرهيني وتحبين نفسج

ـ اكرهك أنتَ ونفسي أثنيكم ذنوب برگبتي .

ـ اريد أذنب بيج

ـ مــــروان تشتهيني بالحرام

ـ لا

ـ بلي

ـ گتلج لا فه لاتأكلين **

ـ لعد ليش گلت اريد أذنب بيج؟

ـ أنتِ مو شايفتني قاسي واذيج واذيتج ذنب هذا الاقصده مو اللي برأسج باقي متمدد وماثر بيج الظاهر حابته وما ناسيته مو .

ـ أستغفر الله

ـ لج باعيني وجهج لا ادرينه عن وجهي لا اشوهه الج

ـ شوهه وخلصني منه بلكي الكي سبب يخليك متحبني

ـ هسه عرفت مستحيل تكرهيني

ـ أموت منك

ـ هسه أنشوف

ـ شتشوف قبل لا اكمل كلامي قاطعني واخذ شفايفي بقساوه واني ادافع بي وهو اقوى مني ميقيدني ولا يخليني احجي وكعني وحاصرني بجسمه وقيدت حركتي وأستولى على كلشي يخصني بالقوة وضل مستمر واني ابجي وادفع بي اخر شي تعب وانزعج من تصرفي وعنادي .

ـ تفاعلي لج

ـ ما احبك اكرهك

ـ أسيـــل

ـ مروان عوفني ضل مستمر ويلح عليه اتفاعل وياه بالغصب ما بادلته وكام ودفعني وراح الحمام وبجيت بقهر ولطمت على وجهي الله ياخذني ساعة الحبيتك بيها الله ياخذني ..

" وبعدها التحق وما حجينا نهائياً وضليت عايشه بدوامه ما الها مخرج لا أهل بيهم خير لا أخ ينشد بي الظهر والاخت مو مال اشگيلها وتفهمني تنصحني وترشدني ولا عندي صديقه اكعد احجيلها وتنصحني ولا تلفون اقرأ واتطلع واسأل باقيه عايشه بين أربع الحياطين وبين أتصالته وسؤاله عني من تلفون عمتي وصال وهالفتره صاير شگاك بشكل مو معقول لن كمت ما اتفاعل واتبادل وياه بالعلاقه كام يشك والف شيطان يكمز برأسه وصاير اقسى من قبل لو ضال على قبل اهون وارحم بهواي ..

كاعده اغسل البيت وتلفون عمتي أتصل وهي جاوبت وفتحت سماعه وتحجي

وصال ـ هلا يمه هلا بيك

مروان ـ شلونكم

ـ كلنا زينين بس أسيـــل موزينه .

ـ ليش شبيها

ـ وجهه ذبلان ما عاجبتني أكول الها خل اوديج طبيب متفعل وعنادها لا يروح لا يجي

ـ هي ما تأكل الثلاجه تخيس ما تمد ايدها عاد بالعناد زمال شامخ .

ـ لا يمه على بختك شو هيج

ـ وينها فوك مو

ـ هاا اي

ـ شتسوي فوك

ـ شتسوي صعدت تنظف

ـ وشبي ** جلاب تنظف خل تنزل يمج صيحيها خل تجي احجي وياها .

ـ أسيـــل يا أسيـــل ياعيني يا أسيل

ـ غني بإسمها غني خلي الجيران يسمعونج يمه صوتج

ـ شبيك وكرص ادري كل شوي متصل ذبحتني شغل وعمل ما عندي اكعد احاجيك

ـ لاتحاجيني انطينياها

ـ تعالي يحاجيج .

ـ يمج هي

ـ لا هسه نزلت هاج

أسيـــل ـ اخذته وحجيت الو مروان

مروان ـ الو

ـ مروان

ـ يمعوده الو

ـ مروان تسمعني

ـ شتسوين فوك شعندج اني ما موجود المن منظفه لكواويد مالتي .

ـ هسه شتريد

ـ أريد أكسر ࢪأسج شريد أكثر من هيج

ـ مو كسࢪته ما كفاك شتريد بعد

ـ كسرت عينج وما أنكسرتي كسرت ࢪأسج وما انكسرتي كسرت جسمج وما انكسرتي عبالج هاي قوه وفرحانه بروحج
لج أني اشوف الصلافه ضعف شخصيه لن أنتِ من الداخل ضعيفه هشه أنفخ عليج توكعين بوسه وحده تخدرين وتذوبين .

ـ لازم أروح

ـ تبقين على الخط لما أكمل أكلان **

ـ كمل

ـ شكمل

ـ شمدريني

ـ أسيل جاي تحفرين گبرج بإيدج

ـ تعال موتني وخلصني حتى لا تتدفني بگبر ذبني بفد مزبله مو اني قذره وسخه هذا مكاني ليش اتعب روحك وايدك يوجعنك من حفر كبري اختصرتلك

ـ هم صح

ـ أنقهرت من رده وجاوبته ولاتنسى مكانك بصفي قطعت الخط ورجع اتصل ورفضته ويتصل وجاوبته هاا

ـ جايج واحسابج بكل كلمه كم حرف واحسبي بعد

ـ ترة أقصد بصفي يعني بالفراش تنام بصفي

ـ اي هواي واضح

ـ مروان تسمعني

ـ جايج حضريلي الصونده الحزام كام ما يشتغل عندي جايج واعيد امجادج وامجاد الخلفج يا ادبسز

أسيـــل ـ قطع الخط وارتعبت عفت التلفون وكعدت يم عمتي وجسمي يختض وكلت ابقى يمها ما اتحرك
ضليت كاعده واباوع الساعه ومر وقت وسمعنا هورن السياره قوي .

وصال ـ عصام اليوم ينزل بس هذا مو هورن سيارته اسيا باوعي الكاميرات من يمج منو

أسيا ـ هذا مروان

أسيل ـ ....



يتبع

39





أسيل ـ دخل علينا بدون كلام گبل تقدم سحبني من أيدي كدامهن وضاغط عليها واني الخوف مبين عليه وكل جسمي يختض واباوع لعمتي بتوسل وقبل لانصعد عمتي سحبتني منه وهو أستغرب تصرفها .

مروان ـ يمه فدوه رحتلج لا تتدخلين

وصال ـ لا أتدخل وغصباً على ࢪأسك شعندك جاينا ثاير وسمك يتطافر وتفوت تسحبها وراك مثل النعجه عوفها شتريد تسويلها ليكون تضربها ولك!!
أسيل أحجي يمه مروان يضربج .

أسيـــل ـ يباوعلي بغضب گبل جاوبتها لاعمه ما يضربني اسيا تعض بشفايفها كأنما تكولي أحجي اذا عندج شي لاتخافين الكل بظهرج بس ما كدرت خفت منه ذنبي وياه جبير أخاف انفضح خفت خوف بس الله يعلم بي .

مروان ـ ماشي بقيها يمج شبعي بيها وإذا صعدتي الغرفه رجليج أكسࢪهن من طابق الثالث أشمࢪج .

وصال ـ ولج شمسويه وهيج متخبل عليج خوما من حجيتي وياه على التلفون جفصتي بالكلام .

أسيا ـ حاولي قدر الامكان من هو بالدوام لاتجفصين مثلي جفصت الا كلت بس عادي تتعودين وتتونسين على الجفصات عشتوا عمه لعد بيمن نطلع قهرنا .

وصال ـ العندج مو مثل العندها هذا گلبه أسود وما ينسى والكلام يضل بࢪاسه عوفي ولاتصعدين وراه ابقي جوه وعمج اليوم ما يجي نامي بغرفتي .

أسيا ـ شعوطي تجاهلي وعاملي برود هذا علاجه

وصال ـ اي علمود يكوم ينفخ عليها نار أسيا هذا مو عصام بكلمتين يتسرسح بحضج ستري عليها لا يجينا يهف ويسحلها ويخلي وجهنا بارد لن هالايام صاير طبعه ما ينجرع مر علگم .

أسيل ـ ما حجيت شيء رجعت كملت شغلي وصبينا الغده ونزل تغده بس ما يباوعلي كعدت بصف عمتي وطلب من أسيا .

مروان ـ من يمج الخبز .

أسيا ـ هو يمي بس گال لـ أسيا تجاهلته وكملت ألاكل وبعدها أسيا غسلت المواعين وهو تقدم صب كوب جاي وصعد الغرفه .

وصال ـ أمشي بغرفتي والعصر ادزج لاهلج شعوطي خل يعرف قيمتج لاترجعين منا لـ أسبوع أني اعرف شلون اخلي يجر عدل .

أسيل ـ عمتي راحت الغرفه وبس اني وأسيا وبنتها كامت تبجي وكملت عنها المواعين واني أغسل حسيتها فوك ࢪأسي

أسيا ـ أسيل شنو هاي أيدج؟

ـ گبل نزلت رداني وارتبگت

ـ الى متى تضلين ساكته ترى ملاحظه عليج ما مرتاحه وياه رجفتج من تشوفينه وخوفج ولون وجهج يصير اصفر ومعاملته وياج بقساوه
.. ويوم عن يوم تذبلين مثل الورده اذا يوميه يضربج احجي ولاتبقين ساكته الأذيه ما ينسكت عنها لو مهما كان السبب الضرب مو حل .

ـ لا ماكو هيج شيء

ـ والأثار شــنو

ـ لا وكعت

ـ وين وكعتي تلعبون فاره وبزون عذراً تدخلت بس لمصلحتج وصدكيني كلنا نوكف وياج بالاخص عمي وعصام وخو عمتي الداعم الاساسي الج

ـ لا ماكو كلشي

ـ شوفي اني ما اريد اتدخل وبعدين يطلع العكس لو انتِ تنكرين وتوكع براسي اتبلى عليكم وكلها تكول لن أنتِ اخت هديل عبالهم اكرهج بس والله عازتج مثل ازهار وما عندي شيء وياج بس گلبي يوجعني عليج وأتمنى يكون كلامي مو صح وما يضربج يارب

ـ اي تسلمين عفتها ورحت ويه عمتي ونمت بصفها والم برداني وتغطيت وضليت صافنه عليها وسبحتها بيدها جنت حيل مخنوكه عمه

ـ هاا عيني شبيج ولج .

ـ عادي تنوميني بحضنج .

ـ فدوة لهل الوجه اي يمه تعالي .

ـ رحتلها ونومتني بحضنها تمسكت بيها وبجيت بقهر وهي تسكت بيه عمه فدوه خليني ابجي بحضج محتاجه هالحضن احب حنانج عمه .

ـ ولج يعيون عمتج بس باوعيلي وفهميني شبيج شنو متعبج هيج يخليج تبجين وبگلبج نار مشتعله احجيلي شصاير وياج مروان يضربج مأذيج احجي

ـ مسحت دموعي وبقيت ساكته وخفت منه شحجي يربي يعدمني لا ماكو شي هيج لن أشتاقيت لأمي وأنتِ بمقامها وردت أحضنج .

ـ عيني أنتِ شو كومي غسلي وجهج وارتاحي وتعالي واليوم احاجي خل يوديج الهم شوفيهم وشبعي من امج حقج البنت ما تحتاج احد بس امها مثل ازهار بالدقايق تخابرني وگلبي يمها وشاغله فكري .

ـ هزيت ࢪأسي وكمت رحت غسلت وجهي وفزيت من باوعت المرايا وهو وراي بلعت ريگي

مروان ـ حجيتي لـ امي مو

أسيل ـ لا والله .

ـ أكيد

ـ لاتخاف خلي گلبك مطمئن ما راح أكول لأحد وأفضحك واعيرك بغلطك وأسلفك بذنبي مثلما أنتَ سويت أني ما اشبهك واذا بيوم أني وياك أنتهينا فه النهايات اخلاق وراح أحفظلك البينك وبيني .

ـ شلون تحجين وياي بهل الطريقه

ـ شلون تحب احاجيك

ـ احجي عدل وياي ولاتنسين أنتِ بديتي بالغلط وأنتِ تتحملين النتائج

ـ وأنتِ

ـ أني طرف مظلوم لن بسببج خسرت حياتي الجنت عايشها بأمان الله خسرت حبيبتي حب حياتي وكسرت گلبها وحطمتها وما وفيت بوعدي الها والبسها حلقه أنتِ كسرتيلي ظهري دمرتنيني حطمتينا بغلطتج لوحدج وجرفتيني وياج ما انكر غلطت بس السبب الرئيسي منج مو مني

ـ ماشي اني أساس الغلطه ومتحمله النتائج وساكته شتريد بعد مني ضل صافن بوجهي وسحبني من ايدي بس بهدوء مو بعنف

ـ أمشي وياي

ـ ما امشي مروان عوفني الله يخليك

ـ گتلج امشي وياي ما اسويلج شيء شبيج خايفه

ـ ما خايفه بس ما امشي ما اريدك افهم مو كلت زواجنا لـ اسباب أنتَ خليتها واني السبب بدمارك وخراب حياتك خلص عوفني بحال سبيلي

ـ هسه تردين أعوفج وبعدين حلالي مو منكر هذا علمود تمانعين عود ما ترديني وتخافين مني

ـ مــــروان

ـ تنعوصي بعد

ـ أخذني الغرفه وكبل ضربها قفل بدون سابق أنذار ولا انطاني مجال احجي حرف اخذ شفايفي بهلفه عارمه حسيته يكابر ويحاول بس شيء داخله يمنعه ويستمر وما قسى نهائي بالعكس جان حنون وهادئ ومشاق للعلاقه واني توقعته يملخني ومع ذلك بقيت على موقفي ما بادلته ولا تفاعلت وياه وانتهينا واني هادئه وهو اهدئ مني والصمت سيد المكان .

ـ ما اريد أهلي يعرفون

ـ ماشي

ـ لأ امي ولا اختي ولا امج ولا أختج نهائي أسيل أعدمج .

ـ أي

ـ تكدرين تنزلين تنامين يم امي وتعززين بنفسج وكرامتج هاي هي خلص شغلج يمي .

ـ سكتت ما جاوبته بس نار بگلبي أنداريت لكيته نايم قرفت من الوضع اخذني يرضى نفسه وهاي هيه وبعدها ما يعترف بيه ولا بوجودي .

" بقيت متمدده وروحي ساكنه بس دموع تعبر عن حالي ومر وقت وكمت رحت سبحت ورجعت فرغت جنطته ملابسه كلهن وبدلته وغسلتهن ونشرتهن ورجعت مشطت شعري ورتبت شكلي بمكياج خفيف رغم السواد المخيم على عيوني ووجهي ما بي روح طافي محد أحتواني ونصفني كلها تنهش بلحمي وين ما اروح يتوالوني ما يقصرون بيه ..

" كملت كمت جبت ملابسه من السطح بس التحتاج كوي وبديت اكوي بيهن وحسيت بي كعد لن فتح الأنترنت وبدأت تجي إشعارات التطبيقات

.. أكوي بدلته بهدوء وأنحضنت من خصري وأستقر بثنايا رقبتي، وشفاهه تتجول على أنحاءها بلمسة خفيفة، ويداه تتلمس خصري بحرارة الشوق وحبه يعزف على أوتار قلبي بألحان رومانسية .

غَمَضَت عَيْنَيَ مُعلنةً عن رفضي الصريح والانفصال الكامل، الروحي والجسدي، بكل ما أوتيتُ من قوةً وإرادة لكل ما يتنافى من مَشاعري وأفكاري بهِ .

ومبين استقراره وسكونهُ بين رقبتي لفظ وهمس بهدوء مميت

مروان ـ ما اكتفيت ما جاي ارتوي منج بعدني أريدج

أسيل ـ سحبت نفسي منه وعلگت البدله بالكنتور الحمام وملابسك جاهزات بس فوت أسبح صفن بوجهي وبقيت مثبته نظري على ملابسه واني اكوي بيهن بكل أتقان وبعدها طلع وعفت الأتوي وكعدت وأيدي على گلبي وأخذت نفس اريد روحي تستقر واتحرر من قربه من لمساته من انفاسه وهي تحاوطني وتزرع الخوف بداخلي من السم الينثره على كل خليه بجسدي

صرت مثل الظل المظلم الذي يخطف الأضواء، مثل الليل الأسود الذي يبتلع النجوم، مثل البحر الهادر الذي يغمر السواحل. صرت مثل الكابوس الذي يراود النفوس، بعدما جنت الروح وسكانها .

" لليل نزلت لكيت عمي موجود وعصام هم كاعدين
يحجون سلمت عليهم بس نظرات عصام ناحيتي تهربت ورحت يمهن اساعدهن بالعشه وهو دخل اخذ بطل ماي ومشه يمهم صار گبالي نظراته تخترقني وتثب الرعب بداخلي حتى أنفاسي ما تستقر بحضوره وقربه

وصال ـ مروان ورا العشه ودي أسيل لبيت أهلها خطيه وجهه ذبلان من القهر على أمها ما يصير وتلفون ما عدها وين عايشين احنه

كمال ـ ليش تلفون ما عدها

وصال ـ والله ما ادري اسألهم كله يخابرون من تلفوني هو يتصل عليها وهي تتصل عليه

عصام ـ بس حساباتها موجوده لحد الان بس ما متواجده تلفونج وين أسيل؟

أسيـــل ـ ضليت ساكته شحجي هو جاوبه

مروان ـ قبل العرس عطل وبعد ما جبتلها

كمال ـ وليش متجيبلها فلوسك قليله يله عمي أني اجيبلج باجر وأخر إصدار .

مروان ـ ما يحتاج اني ما اريدها تشيل تلفون ومنعته عنها وماكو تلفون بعد وهذا قراري ومنتهين منه.

كمال ـ وليش هي بكيفك مو من حقك تحرمها من التلفون وين عايشين احنه ابني التلفون ضروري تخابر أهلها تحجي وياهم صوره وصوت وتتطلع على الأخبار وتستفاد من المعلومات وتجارب الأدبيه العلميه
مو على كيفك تمنع التلفون عنها لن واقعنا وزمننا يتطلب التلفون ترضى ما ترضى فه لاتطلع عقدك النفسيه وأفكارك بهل الطفله ترى ما يجرالك خير اني ما زوجتها الك علمود تفصلها عن العالم الخارجي طفله الحياة الها بفوحة شبابها .

مروان ـ سيادتك كلامك على عيني وࢪأسي بس زوجتي وأني المسؤول الأول عنها ياريت محد يتدخل

عصام ـ لك أحجي عدل ويه سيادته وأظن أسبابك وعقدك النفسيه أنت تتحملهن ما مجبوره تتحمل افكارك التعاني منها ولا جايبها من الشارع بنت عمك وأنتَ أعرف بيها وبتربيتها واليغلط لو تخلي بقفص يغلط فه صفي ذهنك واتحرر من الوساس البداخلك ورجعلها تلفونها وحساباتها .

مروان ـ ياريت ما تتدخل لن محد متدخل بحياتك ودومك تمنع احد يتدخل بحياتك الخاصه وقرارتك وأنت متدخل بحياة الكل وهذه حياتي الخاصه واني اعرف بيها والمسؤول عنها .

أسيـــل ـ تلاغوا واشتتد الكلام بينهم ومروان طلع وعمتي راحتلهم بقيت يم أسيا وصبينا العشه واجه هو مكانه بصفي مديت ايدي والماي قريب مني بالدولكه

مروان ـ كلاص ماي

أسيل ـ اي واني اصبله وكعت مني بالكاع لن عشانا على الميز وتكسرت والكزاز بكل مكان وهو كمز وصاح بيه وضربني بيده على ࢪأسي .

مروان ـ وثول يثولج من بين النسوان شبيج ما تتنبهين امشي ولي من خلقتي امشي .

وصال ـ دنطيها مجال أنت ثاولها بس تصيح عليها منين تشوف دربها شو عوفي من إيدج لاتنجرحين عوفي اني انضفه رجعي كملي عشاج

أسيل ـ لا عمه عليكم بالف عافيه صعدت وعمو كمال كام يحجي عليه صعدت گبل حضنت مخدتي وبجيت بقهر بقيت نايمه الى ان اجه وكام يصيح

مروان ـ أنتِ حاجيه الهم على تلفونج مو اي اكيد لعد من كيفهم يحجون كمتي تموتين لن ما عندج تلفون روحج كامت تنازع شيصبرج من دونه .

أسيل ـ ما حجيت شيء رجع صاح

ـ ما تحجين گبالج جلب وينبح ويامن أحجي أني كومي جيبلي الشريحه اريد اتلف حساباتج يله كومي بس نايمه كل خير ما بيج .

ـ كمت انطيته الشريحه خلاها بتلفونه وكعد يسجل دخول لحساباتي وحذفهن كلهن وكسر الشريحه وذبها واني الهدوء البيه ما يبشر احس الكلام تبخر من عندي وصرت أتخبل من اشوفه شياطين الكره الارضيه كلها تنكز بࢪاسي من يصير كدامي كلامه ضربه اذيته كلشي يتراود بدماغي ومخزن بكل خليه بعقلي ما اكدر انسى ولا حرف الك يا مروان ما اكدر

مروان ـ ذهبج وفلوس الافضال مالتج وين

أسيل ـ موجودات ليش

ـ كومي جيبيهن

ـ غير أعرف ليش

ـ گتلج جيبيهن أسئله زايده ناقصه لاتسألين

ـ كمت فتحت الجنطه وسحبها مني اخذ الذهب كله وكل الفلوس ما بقالي لو ربع وضمهن بالخزنه مالته قفل سري وكتها عرفت شنو نيته عباله اشتري تلفون سري من دون علمه عقله كام ينضحله أفكار وسخه وجهنميه ما يدري كرهت التلفونات وكلشي يخصهن

ـ الحلقه والتراجي والسنسنال والسوار عندي علم بيهن وحتى اشكالهن حافظها صار معلوم گلامي

ـ اي معلوم وفهمت نيتك؟

ـ أفهميها مثل ما تردين هذا العندي .

ـ سگتت وغصه بداخلي تزيد كل يوم وصرت اتمنى الموت ولا اعيش وياه ثانيه لن تعبت من كلشي يخصه صرت ما اطيق اتواجد وياه بنفس المكان ولا يجمعنا فراش ولا انفاسنا تتخالط ولا جسدي يتملل بلمساته وفنونه بالعلاقه الى متى يا مروان تفهمني .

" كعد على الجربايه من يم الباب ومنطيني ظهره ويدخن جكاير واني مرتجيه ࢪأسي على التاج وشوي وشال الباكيت وطلع برا وعاف الباب مفتوح تهويه لن الغرفه صارت عباره عن دخان وسمعت صوت عمتي تحجي وياه كمت باوعت لكيتها توها صاعده وشافتني وگالت

واصل ـ أمشي الغرفه احجي وياكم؟

مروان ـ بشنو تحجين

واصل ـ كل الخير يله تحرك لو خايف

مروان ـ لا ليش خايف شمسوي حتى أخاف

أسيل ـ اجتي ومروان وراها وكعدت بصفي وهو واكف يباوعلي كأنما يگولي حاجيه بعدت نظري عنه

واصل ـ عوفي وباوعيني ما يكدر يخوفج واحنه بظهرج يله احجيلي شمسويلج

أسيل ـ ما مسويلي شيء عمه

وصال ـ لا اكو شيء وما متفاهمين وتصير بينكم مشاكل واني ملاحظه ومو بس اني الكل ملاحظ ابوك وعصام وابوك هو دزني عليكم اريد افهم منكم وافهم منك لن معاملتك الها زفت عبالك بنت شارع حشى قدرها كل اسلوب ما عندك بس تصيح واشك بيك تضربها لن أسيل مرعوبه مو بس من شكلك من ذكر اسمك جسمها يختض وسالفة التلفون ليش ما عدها حالها حال البنات والمتزوجات

مروان ـ يعني هو تحقيق يمه أسيل زوجتي وكل زواج بي معانات واسرار ومشاكل واني المسؤول بكيفي اخلي بيدها تلفون او منعها شيءراجع اليه .

وصال ـ وبنت العالم المسؤول عنها وعادها زوجه وام بيت مو لازم تكون واثق منها ومأمن بيها لن باجر عكبه تخلفك طفل وتصيرله أب شلون تخلي بحضنها طفل وأنت هاي معاملتك إلها وتصرفاتك مال واحد عقله مو نظيف وسخ
.. ولك ابني صفي فكرك وذهنك ادري انت شايف وعايف بس لاتعكس تجاربك على زوجتك حرام عليك وهي المسكينه ما مجبوره تتحمل عقدك النفسيه .

مروان ـ يمه رحمه لأهلج لاتتدخلين بعلاقتي بيها واذا عندي مشكله اني أعالجها واتوقع اني حالي من حال عصام محد منكم يتدخل بحياته وعايفينه على راحته لن هو المسؤول عن زواجه من أسيا واني كذلك ..

وصال ـ ما نتدخل بس اذا أغلاط ومشاكل نعالجها من أولها وبدايتها احسن من نهايتها ما مستعدين نظلم بنات العالم وياك وفهمك كفايه

مروان ـ لا تخافين ولا يضل بالج ما ظالم احد واذا ما متأكده سأليها وهي تجاوبج .

وصال ـ أسيل حاجيني أمي

أسيل ـ باوعتلها عمه لايضل بالج ماكو شيء ماحجت شيءوطلعت وهو رجعلي

مروان ـ اي هيج أريدج عجبتيني ما انطيتي بمروانج

أسيل ـ تستاهل ابتسم ونزل وراها وضليت كاعده لو حاجيه وخلصانه من هل العبء هذا كله ولا اضل عايشه تحت رحمته وتسلطه وطغيانه وجبروته واذيته بالكلام والفعل وهو ما منه الرجا ..

" لثاني يوم أخذني للبيت أهلي بدون كلام وصلني ونزل سلم عليهم واني هم سلمت وعفتهم ودخلت واجوا جهال حارث وحسن فرحوا بيه حضنتهم وأبوس بيهم بعد روحي شلونكم

الكل ـ زينين عمه أنتِ شلونج .

أسيل ـ جريت حسره وجاوبتهم زينه يروح عمتكم
شويه وأجتني امي

جنان ـ زلمتج يريد يروح ويريد يحاجيج امشي عليه

أسيل ـ طلعت لكيته واكف بالطرمة يدخن ها داز عليه خير شتريد

مروان ـ طلعت عينج من اجيتي لبيت أهلج عبالك استقويتي هالقوه هاي ما أحبها ولا أرتاح إلها!!

أسيل ـ شتقصد

ـ ما اقصد شيء يله اني رايح وباجر العصر اجي اخذج .

ـ شو بهل السرعه ششفت منهم

ـ غير ما اكدر على فراگج فوك ما اريدج يمي وأنتِ الما عاجبج يله فيمالا

ـ فيمالا راح وگبل دخلت البيت وكعدت ويه امي وابويه تمنيت احجي لامي افضفض الها بس أحسها بعيده ماكو تقارب روحي بيني وبينها احساسي اني ضايعه وحيده بهل الدنيا يزداد يوم عن يوم وتراكم الاحداث بداخلي عبر حدوده الكتمان موت بطيء
بكتمان اللي صار بداخلي ما اعرف الى متى اضل هيج عايشه بطرف واحد ولوحدي ...
_______

أسيا ـ من يوم عرس مروان وأني ما تدخلت ولا حجيت اي كلمه تخص اللي صار ومواجهته الحاده بالكلام هو وهديل مصحوبه بعواطف قويه بالغضب والحزن معاً أما انا جنت فقط مشاهده بصمت!!

" دخلنا الصاله مالتنا وهو مزعوج شمر سترته وفتح دكم القميص بسرعه واني خليت جود بسريرها وهي تصرخ صبر يا بنتي انطيني مجال اسويلج ممه

عصام ـ سگتيها

اسيا ـ عصب وسويت ممه وكعدت ارضعها ودخلوا عمي كمال وعمتي وصال كعدوا بالصاله والباب مفتوح كلامهم يمي .

كمال ـ شنو هالتصرفات والكلام مو عيب عليك مهما يكون بنت عمك واجبك تحترمها حتى لو تحجي اختها ومن حقها تنطي ࢪأيها لا انت حضرة جنابك ما تحملت تشوفها تحجي وتفرض ࢪأيها لن انت هذا النوع مو من أعجابك كمت ودخلت نفسك وهنتها وتجاوزت عليها كدام الكل وفشلتها .

عصام ـ هي مو أدمي شسويلها يعني وتستاهل الأهانه .

وصال ـ كمال على كيفك وياه

كمال ـ من يومي وياه وساكتله بس من اشوف تقليل الأحترامات اني اول واحد اصير ضده وابنج متحمل عليها من زمان واجتي فرصه وانفجر عليها

أسيا ـ صار هدوء واجه سبح وتمدد واني غيرتلهم ملابسهم وسبحت وهو طلع وصه على عشه من المطعم وسمعت صوت طاري هشام اجه وبعدين عرفت منعوا ازهار تروح وضجت من تصرفاتهم لن ما استقبلوا ولا طلعوا اله وأنقهرت عليه وعلى ازهار بس شطالع بيدي اهلها بعد .

مرت الأيام وجنت خايفه وعايشه بقلق وابجي لن الشهريه ما اجتني وما خليت ما شربت ما نزلت وبالاخص بعدما التهيت بالعرس راحت عن بالي كلش والوقت اخذني انتبه لنفسي ولموعدها ..

.. مخليه الأختبار وكاعده انتظره وهذا ثالث مره اسويله أعاده وصاروا خطين حامل يربي حامل يا مصيبتج يا أسيا شگول شحجي انوب يرجع عليه شيخلصني من لسانه وحملي وحالتي ما تسمح للحمل معرضه للخطر شسوي ياربي شسوي .

وبعز صدمتي ومشكلتي وأنصدمت بجيتها للبيت ويه أمها والمصدومه بي أكثر تغيرها واضح بشكل ملحوظ! كشختها وعطرها السابق وعالن حضورها والمُلفت والمُغري والُمبالغ بهَ وتصرفاتها ما تحوي اله الاغراء وأحياء الماضي من خلال صياغة كلامها بإسلوب عميق وهل العمق اني فهمته وكعدت احلل بي بعقلي وأن شاءالله يطلع هالتحليل خطأ!!

..كأنما تحاول إعاده بناء علاقه بس بطريقه مختلفه وهالشعور تفسرلي من نظره وحده نظرتها لعصام وقتها حسيت بشيء غريب ومو مريح سكن دواخلي

" حاولت اكون طبيعيه بحضورها وسويت اللي عليه والمو عليه قدمت الضيافه بدون اي قصور كل كلمه تحجيها تنظرلي بنظره أستحقار تمالكت نفسي وأحترمتها واستحملتها لما صعدت غرفة أختها ..

" بالمطبخ اغسل المواعين الضيافه وسمعت صوته وهي كذلك من نزلت الدرج عفت من ايدي ومشيت واكف بالصاله شافني اجه ناحيتي وهو عبرتنا

هديل ـ يله عيني مع السلامه وشكراً أسيا على الضيافه وحسن الأستقبال .

أسيا ـ مشت بغرور وهو ما حجه شيء راح الغرفه ولحكته وعمتي تصيح وراي لاتخافين ما اسوي مشكله دخلت وراه ماله داعي جيتها

عصام ـ أختها مو من حقج تمنعيها تجي تشوفها كبري عقلج وشيليها من ࢪاسج .

ـ وأكبر عقلي وأسكت أشوفها وين توصل

ـ وين توصل يعني بابا خل أفكارج بالمعقول متزوجه لاتكومين تلطشين على كيفج هذا شغلي شغلي

ـ لاتخاف مشغلته

ـ أسيا أطلعي من ࢪاسي مو وكت النكد مالتج

ـ احسك صاير متحبني .

ـ يا طلابة الاحساس الما تخلص

ـ أخليك الظاهر محتاج تبقى لوحدك مشيت وصاح وراي

ـ شـنو هذا كلامج تعالي يابه وين رايحه مو احاجيج
شبيج

ـ ما بيه شيء مشيت وهو يحجي

ـ هم طنكرت هم زعلت رجعنا على أكلان ** يوميه نعيد ونصقل بهل الموضوع بس عمي انتَ عقل ما عندج ما تفكرين بعقلانيه وتأخذين الامور من كل الجوانب والاحتمالات اللي رسمهن وكونهن الج دماغج ما يفكر بس بالموزين .

ـ الأحساس ما ينزرع بداخل الانسان عبث بصيرة الانسان أحساسه الداخلي .

ـ دوختيني بحاجيتج .

ـ الله لا يدوخك عيني عفته ومشيت حجيت ويه ازهار بس ضليت عايشه بقلق بالاخص بعد جيتها علينا ما أرتاحيت ألها كلش واللي قلقني سگوته
اصفن واكول متزوجه شتريد تسويلي تهجم بيتي مثلاً شيطلع بيدها يحبني وأحبه وحُبنا قوي امثالها ما تهزنا ولا تفرقنا خل أشيل الافكار السوده من عقلي والتفت عليه وانعل هديل وشكلها واحير بمشكلتي وحملي .

" باجر يلتحق وقررت اروح لـ أهلي نفسيتي تعبانه وجسمي متكسر بالاخص هل الايام ومحتاجه اروح الدكتوره خل اشوفها شتكولي وبعدها ارجع ابلغه علمود لا اعيشه بخوف وقلق ..

.. انتظره يجي كالي عنده طلعه ويه رافع وأصدقائه وتأخر باوعت الساعة بـ ١١ .

" راسلته يمتى تجي؟

عصام ـ بعد وكت على سؤالج

ـ كلت يم أصدقائه وعيب اقلق راحته بإتصالتي ورسائلي لازم انطيك مساحتك مثل ما أنتَ منطيني مساحتي والحريه مطلوبه بس بحدود معقوله مو صح .

ـ المساحه تكون بقلة أهتمامج وبعدج عني ما أريدها كاعد بنصهم وعيني تباوع شاشة التلفون هسه تتصل هسه دزلي رساله وتتعارك واعوفهم واجيج بس كل هذا ما صار ممكن أعرف شبيج هل الأيام عايشه بعالم الموازي ومعتكفه على نفسسج؟

ـ أنتَ يتهألك هالشيء بالعكس ما بيه الأ العافيه مجرد تعب من فترة العرس ما ارتاحيت وقبلها عرس ازهار يعني مجرد تراكمات تعب .

ـ وأفكارج

ـ شبيها

ـ وين

ـ بعقلي

ـ هاا

ـ أي ليش عندك شك

ـ لا

ـ تمام أخذ راحتك

ـ وين

ـ أنام

ـ ما تتنظريني؟

ـ أنتظرتك هواي لو تريد تجي جان أجيت

ـ هاا

ـ أي

ـ ماشي .

ـ نهيت المراسله وفصلت النت ونمت وبعمق نومتي حسيت بلمساته وشفايفه تتجول على أنحاء رقبتي عصام

ـ نامي نامي

ـ احضني وصير عاقل

ـ بس حبشكلات لن مشتاقلج بس اذا تعبانه راحتي مو مهمه يم تعبج .

ـ أعشق حنيتك وخوفك عليه غَمضتُ عَينيَّ واقتربتُ منه، قربتُ شفايفي من شفايفه، وتبادلتُ معه نظراتٍ حارةٍ، أكثر من التي كان يملكها. احتضنتهُ بروحي، ودخلتهُ القفصَ الصدري، احتويتهُ بكل ما أوتيتُ من قوةٍ وتفاعلتُ معه بالحبِّ وقانونِ الجذبِ العاطفي.
أعلنتُ الشوقَ والأشتياقَ، ونثرتُ عاطفتي على رجولتهِ، وأعلنتُ استسلامَهُ الكاملَ لي بكل جوارحهِ وأسلحتهِ، وسكنَ بحضني. في تلك اللحظة، كنا نعتبر أنفسنا جزءًا واحدًا، متصلين بروحٍ واحدةٍ، ونفسٍ واحدةٍ.

" ࢪأسه بحضني وألعب بشعره وأتلمس شواربه دنگت طبعت بوسه عميقه على گصته وطولت بيها
وضليت افلي بشعراته وحواجبه وأمتع نظري من بعيونه وحواجبه وخشمه وشواربه واصابع أيديه وحلقته ومحابسه وأيدي احتضنت كف أيده
كلشي بي حلو زلمتي ابو كرم ملامحه الرجوليه الطاغيه عراقي بحت زلمه خشنه الكاع تهابه هيئته صدره مشيته طوله يمه طوله سلب عقلي من ساعة الدخل جامعتنا ونظرلي هذيج النظره وكعت على وجهي حبيته من اول ما شفته سكن روحي تربع واخذ مكانه وأستوطن گلبي مالتي ومحد يأخذه مني

.. حاولت أرفعه انومه على مخده ما كدرت خفت يكعد ويفز لن واضح التعب عليه حس بيه وكعد فتحلي حضنه ونمنا واحد حاضن الثاني ..

" عصام نمت

عصام ـ ها

ـ أريد أروح لـ أهلي

ـ ماشي من انزل امرلكم لو ترجعون قبلي

ـ لا من تنزل أنتَ من زمان ما رايحه وتعرف تجهيزات عرس ازهار ومروان والتهيت عنهم

ـ ماشي تدللي

ـ تسلم بسته من خده ونمت والصبح جهزت ملابسه وكل شغلاته شوكت تلتحق

ـ العصر

ـ تمام كملتهن وهاي البدله مالتك جاهزه

ـ عاشت ايدج

ـ رحت جهزت ملابسنا ووكع الاختبار الحمل كبل خفيته عنه ورجعت اكمل التجهيز ولبسنا اني والجهال وطلعنا وودعتهم وكرم فرحان طاير.

" بالطريق نزل تسوك فواكهه ومسواك بالصناديق وجاب علبة بقلاوه انطانياها وسيت قواطي بيبسي وشغل وصلنا ونزل سلم عليهم ونزل المسواك كعد ويه اخواني يسولفون عزموا على الغده تعذر وراح
اشرلي ولحكته ها روحي

عصام ـ ما ناسيه شيء

أسيا ـ لا مثل شـنو

ـ لا هيج

ـ مشه لزمته من ايده شبيك حبيبي أنت

ـ حزت بگلبي ما ودعتيني مثل كل مره من التحق طلعتي من البيت ناشفه ما متعود عليج هيج

ـ أعذرني حقك عليه بس هالفتره تعبانه ترجع واعوضك أحتضنك وابوسك بعيوني .

ـ ابوس عيونج اليحتضنني ويبوسني يله حبيبي ديري بالج على نفسج والجهال فيمالا

ـ الله وياك حبيبي بأمان الله ،راح الله وياه ولكيت امي رافعه أيديها وتدعيله بكل حب ونفس راضيه

فوزيه ـ شدعوه هالكثر جايب هواي جاي يكلف على نفسه عيني طوله

ـ هو يحب يذكركم من يجيبني الكم تجي حلوه

ـ هو مو بس من يجيبج يذكرنا لا كل ࢪأس شهر

ـ كل ࢪأس شهر صدك تحجين

ـ اي والله

ـ شو ما يگولي

ـ لن أصيل هذاك الشهر جاب وأخوانج ما رضوا وكالوا اله ما يصير كل شهر أنتَ هم عندك عائله كال الهم هذا لعمتي من تروحلك فدوه عمتك .

ـ عيني هو كعدت يمها وقسمت كلشي ودزت حصصهن واجن سلمت عليهم واخذت حصتهن

رواء ـ اليوم دلال ابو كرم عمي نيال بختج

دره ـ گولي ما شاءالله اي شلونج عيالج شلونهم