قصص💜✨

18

أزهار

ـ ردت ما أجاوبه بس نظراته خلتني ارده وأنتَ شعليك مشيت ولزمني من ايدي قوي باوعتله بغضب بابا شبيك عوفيلي أيدي

شاهين ـ شــــــــــنو شعليه أنتِ عرضي

ـ عرضك ! ليش ششايفني نازله من سياره مشبوهه مو كدام عينك مبينه تكسي وسياره خط لو الا اكعد اشرحلك يله تفهم وبعدين أنتِ شکوو ابويه أخويه واكف بطريقي وتحاسبني شو دوخر دفعته وشد ؏ ايدي ياربي صبرني هالبشريه عوف ايدي داكولك الكاميرات گبالك اذا شافك واحد من أخواني يسونك ممسحه بالشار؏ .

ـ صايره أدبسزز ولسانج طولان ينرادلج واحد يضبج ويربيج عدل لن الظاهر أنتِ ما مربايه

ـ مو تايهتلك اني

ـ تايهه واكبر تايهه

ـ الله ياخذك شگد مكروهه دفعته وانفتح الباب وطلع عصام ضل صافن عليه ويخوزر بي وگاله

عصام ـ هلا ابن الخال

أزهارـ مشيت عصبيه ومزعوجه عبرت عصام وهمس بصوت ناصي

عصام ـ خوما سوالج شيء

أزهار ـ لا شحده ليش يگدر دخلت للبيت وأمي صارت بوجهي والوجه يضحك طبختج وصلت يم الباب

وصال ـ انجبي واحترمي ابن خالج هذا

أزهار ـ خلاله خلت عيونه واحد ما يستحي لزمتني وتنفض بيه بعصبيه وخري عني بالاول سمعي بعدين احجي وضربي هم

ـ شسمع اعرفج لسانج متبري منج ربيتي ويه اخوانج شتطلعين شحجيتي شصخمتي وجهي من الله يكصف عمرج

ـ ابن أخوج ما يحترم ويغلط وتجاوز عليه شــــــــــنو يگولي ما مربايه وتايهه واكبر تايهه والله الا اكول لبابا عليه ولـ اخواني خل يشوف التايهه ما وراها أهل حقيرر
لزمتني من حجابي وتجر بشعري عوفينييي لخاطر الله

ـ شوفي ولج اذا تحجين كلمه وحده اعدمج انهيج ف جري عدل احسنلج الولد جاي علمود شغله يريد يتطوع بالجيش ويكون حياته ومستقبله لا جاي عليج ولا على جهرتج الزفره .

ـ دفعتني بكل قوتها وانضربت ومشت عليهم صعدت لغرفتي واعصابي فولت ࢪࢪاسي يريد ينفجر محد انطاه عين وجلبه وخلاه هيج يتجاوز ويتطاول عليه غير امي لا والله هو طبيعيته حيوان وهمجي ومتخلف عرضي عبالك جنت بملهى حقيرر

" غيرت ملابسسي وبقيت بالغرفه فتحت التلفون واصلني منه مسج گاتبلي

هشام ـ ازهار حاجيني أنتظرج

ازهار ـ أتصلت واجاني صوته تعبان بالكوه يحجي بقيت ساكته بس دموعي تجري

ـ سمعيني صوتج ميت والله

ـ هشام

ـ يا روح هشام أبويه أنتِ أذا رفضتيني وعفتيني بهل السهوله ف اني ما أعوفج واتخلى عن حبج

ـ يربي شجاوبه هاي هي هشام گلشي أنتهى بينا شوف حياتك من بعدي كلتها بغصه بذبح وتخنگ

ـ ليش عندي حياة من بعدج ليش الزين واليحبچ والنيته شريفه ما تريدينه

ـ هيج أحسن النا هشام

ـ شوفي ازهار ما اعوفج اموت وما اعوفج شفت أشياء بيج بالحلم ما تطلعلي أنت الله رزقني بيج بفضلج صارلي واهسس احب الحياة وأشتغل واني مرتاح ومطول خلكي ويه الناس اللي يجفصون بالبطن بكلامهم وجاي اجمع ربع ربع علمود أخذج واعيشج اميرة الاميرات من قصر أبوج لقصر بانيه الج بگلبي بنيته بتعب ومتاكد وواثق تصيرين حلالي وأرفع رأسج وأثبتلج أني حبيتج ووفيت بوعدي وتزوجتج ولو اعرف طول العمر اضل اعزب انتظرج ما اخذ غيرج

ـ هششام

ـ تهدئين ونحجي حبيبي متأكد مجبوره تحجين هالحجي ما تعبر عليه هاي السوالف يله ارتاحي حبيبتي أنتِ الي بكل الاحوال .

ـ جاااي اكلك ما اريدك شــــــــــنو ما تفهم أنتَ

ـ والحسين الشهيد أخذج والخلقج ما اعوفج

ـ شبيك أنت عاط بيه

ـ أحبــــج شــــــــــنو شبيه غصباً عـــلىٰ رأسج ورأس الخلفوج تبقين وياي ليش تذليني بحبج

ـ ما ذالتك والله بس جاي اكولك اني وياك ما نرهم لبعض طرقنا مسدوده وأهلي ما ينطونك مره

ـ شمدريج بأهلج ما ينطوني مره أجييت كعدت عـــلىٰ فراشكم كابلتهم ورفضوني هاااا

ـ لا

ـ لعد تحجين من كيفج ليش شــــــــــصاير وياج متكوليلي هذا قرار اجاج فجأه گلوب الناس لعبه عندج

ـ هششام روح الله يخليك بعدين شبسرعه حبيتني لهل الدرجه وتعلقت بيه

ـ عبالج الحب ينقاس بالأيام والشهور والسنين أحبج وأخليج معلكه كم سنه عـــلىٰ شــــــــــنو شوفي اني حبيتج والشاهد ما اضحك عليج ولا اتونس برأسج والله يأخذني اذا عندي هيج نيه وياج .

ـ بقيت ساكته وكلامه تخزن بعقلي وامي صاحت اسمي هشام لازم انزل يردوني

ـ ماشي حبيبي روحي ورجعيلي بعدين ابقى انتظرج

ـ لاتتنظرني روح اخاف عندك شغل

ـ لا كاعد أنتظرج شغليش هذا الاشتغله واني عايش صدمه عمري اجتني منج حتى واهسي طفه من الدنيا كلها

ـ ماشي نحجي بعدين

ـ الله وياج

216 views18:37