موضوع القصیده كانما السيده  زينب ع عند مصرع  الحسين ع
((الوزن تجلیبه))
ــــــــــــــــــــــــــــ
امشي اوياي واتوچه عله امتوني

نومك على ارض عاميلي اعيوني
✧►◄❖❁♦️◐❖►◄✧

اتچيلك يخويه  نروح لخيامك

كلها تنطرك بلخيمه ايتامك

تكتلني يبن امي  ضربته اسهامك

كون اتعود الي يلوالي ايامك

ذبحوني  بمكانه لاتخلوني

✍🏻زهره الكنامي
✧►◄❖❁♦️◐❖►◄✧

اتچيلك یروحي وتنظر احوالي

من شفتك امطبر انشده بالي

ضلت بالخيم نسوان يالوالي

بسیاط العده صارو يضربوني

✍🏻هدى المطر ام محمد
✧►◄❖❁♦️◐❖►◄✧

احط  ايدي على ضهرك واسند الگامه

واضمد جروح جسمك واشلع اسهامه

يخويه  لا  تخلي  بعدك   ايتامه

يبعد اهلي  يخوي وكافل ضعوني

✍️ ام حسين الحجيمي
✧►◄❖❁♦️◐❖►◄✧

اتچیلك یماي العین گوم اویاي

نایم عالرمال اشبیك یا رجواي

گوم اعیال بیتك لا ذره وافیاي

جیب احسین ابونه الکل ینخوني

✍🏻العلویه ام ضیغم المحنا
✧►◄❖❁♦️◐❖►◄✧

بناتك بالبراري ظلن بهیمه

لا والي ولا حارس ولا خیمه

گوم الحگ اعیالك لا یبو الشیمه

اتچیلك وگوم ویاي یعیوني

✍🏻ام ضیغم المحنا
✧►◄❖❁♦️◐❖►◄✧

ینایم عالرمل واضلوعه مهشومه

اگعد یا ابن امي اشتالي هالنوم

تخلیني غریبه واظل مهضومه

وتدري اعداك باچر سبي یمشوني

✍🏻ام ضیغم المحنا
✧►◄❖❁♦️◐❖►◄✧
✧►◄❖❁♦️◐❖►◄✧
بقلـ✍️ـم شاعرات اهل البیت ع
في رابطة دموع العقیله ع 
لانجيز حذف الاسماء✋
☘️نسالكم الدعا