لطمیه رئیسیه للیلة الوداع
{{ الوزن مرمل}}
((علی طور عمار الکناني مجنونك))
https://youtu.be/XnLA8U7Ybyo
هذا رابط الطور
ـــــــــــــــــــــــــــــــــــــ
{{باقلام نخبه }}
🩸من الخادمات  في رابطة دموع العقيله 🩸
  {{{بإشراف العلويه ام نور الميسانيه }}}
☆☆☆★☆☆☆★☆☆☆

هاللیله..یاریـت ما بیـها صـبح
هاللیله..بـاچـــر زلـمـنه تنـذبح
هاللیله..گلب الـفواطم ینجرح.. هاللیله
►✺┅●✥💠✥●┅✺◄

اللیله کون ابلا فجر.. اللیله چن کل العمر.. محزونه

اللیله اودع هیبتي.. وکل شبابي واخوتي.. ایعوفونه


حسین بس هاللیله الي..باچر ایظل بالخلي.. ایذبحونه

ینذبح وجه السمه.. وگلب امي فاطمه.. یفجعونه


یا زهراء..یمه تعالي الکربله
یازهراء.. ابنچ یودع العایله
یازهراء..گلب الفواطم ینجرح.. هاللیله

✍العلویه ام ضیغم المحنا
►✺┅●✥💠✥●┅✺◄
اه يايمه الطاهره      ماتشوفين الجره.. بحسيني

جثتـــه متوذره    وشفته ظل عالثره..یا عـيني

منظره يفت الگلب   اعليه يايمه صعب.. تدريني

ريت عميه بكربله    ولاشفت هذا البله.. الیاذيني


يايمه..ویاي احظري اللیله

يايمه..الحد الصبح ندعیله

يايمه.. وگلب الفواطم ينجرح...هلليله

✍العلويه ام نور الميسانيه
►✺┅●✥💠✥●┅✺◄

كلبي يايمه رجف ... ووداعهم كلش كلف .. يازهره

عيوني يمه مولحن ...نزلن حتى الجفن...بالعبره

من يوصي بعيلته ...لو يودع طفلته...بالحسره

شفت يمه ينتجي...وعينه تارسه بجي... بي كسره

خواني...للموت جنها محظره

خواني...يوصوني واني مره

خواني ...وكلب الفواطم ينجرح. هالليله

ام ✍️ علي الموسوي
►✺┅●✥💠✥●┅✺◄
ليله صعبه يم حسن،، حاوطتني هالمحن ،،لحگيلي

عيني ماتغفه اوتهل،، بس اصد اعله الأهل ،،كل ليلي

ودعت أهل الوفه ،،حزني ابد  مااوصفه ،،هد حيلي

حسره تسحن بالضلع ،، لخوتي من استمع ،،ياويلي


دنيانه،،مارحمت ابدا حالي

دنيانه،،،مني خذت كل غالي

دنيانه،،گلب الفواطم ينجرح،، هاليله

✍️ام محمد تقي الموسوي
►✺┅●✥💠✥●┅✺◄
اه يوداع الاهل .مر ابد
ماينحمل .شل حالي

ساعه يم حسين امر
وساعه للعباس افر 
للغالي

وللشباب اتباوعت
كمت اتعثر واعت
بذيالي

اقمار كلها تنفكد
لا صبر عندي بعد
للتالي

واطفالي ..ايتامي باچر تظل بالهیمه
اطفالي ..لا والي او لا خیمه
اطفالي ..وگلب الفواطم ينجرح

✍️ العلويــــه ام. مرتضى الموسوي
►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام 
لانجيز حذف الاسماء✋
🙏🏻نسالكم الدعاء

{{هوسات لیلة الوداع }}

{{باقلام نخبه }}
🩸من الخادمات  في رابطة دموع العقيله 🩸

{{{بإشراف العلويه ام نور الميسانيه }}}
☆☆☆★☆☆☆★☆☆☆★

اللیله حسین جمع عیلته کلها
ینادیهـم وداع ودمعته ایهلها

►✺┅●✥💠✥●┅✺◄

یزینب صاح یختي تعاي ودعیني

باچـر عــالـتــراب الحــار تلگیني

اوصیـچ ابوصـیه بیـها وافـیني

(( خلیها//اعیالي ابعینچ))

✍🏻ام ضیغم المحنا
►✺┅●✥💠✥●┅✺◄
امــانه عيالي عندج ها ياعلويــه

وعيــنج علرباب وسـكنه ورقـيه

ماريـدن ياخويه يبجن   عليـــه 

ياذيني // من اسمع ونهن

✍العلويه ام نور الميسانيه
►✺┅●✥💠✥●┅✺◄
اكعدي كبال عيني يانضر عيني

اريد اوصيج يحبيبه اسمعيني

باجر منذبح خويه تشوفيني

((لميلي عيالي//وحفظيها ))

✍🏻ام علي الموسوي
►✺┅●✥💠✥●┅✺◄

تحلي بالصبر عينج على الايتام

يظل گلبي عليج بطبتچ لشام

ربنا يريد بینه ايعلي الإسلام

((يرفعونه// راسي أعله ارماح))

✍🏻ام علي الجابريه ام ابيها
►✺┅●✥💠✥●┅✺◄
ماريدن تطيح ادموعهن يختي

وتدرين برقيه مدلله بنيتي

بهاي الوصيه أدري تلوعتي

سكتيها //لوتبچي عليه

✍️ام حيدر العبادي ناصريه

►✺┅●✥💠✥●┅✺◄

راسي يرفع وانتي تشوفينه

بعد عزج يزينب وين تلكينه

ايتام وضعن انتي التبارينه

ايتام الفرت// دوريها

   ✍ ام حيدر العباديه

►✺┅●✥💠✥●┅✺◄
لون اعله التـرب  باچــر تشوفيني

امسلــب بالعبــاء ريتـــچ تلفيــني

چن ادري ابغصب ياختي تعوفيني

{وتحديها// ارجاس اضعونچ}

✍️ام عـدنــان سياحي
►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام 
لانجيز حذف الاسماء✋
🙏🏻نسالكم الدعاء

فزاعیه للوداع
ــــــــــــــــــــــــــــ
اللیله اوداع ابو علي
           ما انام هاي اللیله
ــــــــــــــ🟢ـــــــــــــ
جمع عیــــــاله وینتحب
گلهـــــم تظلـــون ابغـرب
جسمي یظل اعله الترب
محـــــد یجیـه وایشیله

(( لعیالي// یازینب عینچ))
ـــــــــــــــ🟢ــــــــــــــ
صارت صریخه وضغبره
اعیـال ابو الیمه امحیره
باچـــــر تصـیر امــیسره
ورحـلـة سبیـها اطـویله

(( هد حیلي// یحسین اوداعك))
ـــــــــــــــ🟢ــــــــــــــ
زیـنب غـشه اعلیها وهـوت
صاحت عسه اختك لا بگت
اللـیـــله عــســاهـا لا گضت
بـــــاچـــر تضــــــیع العـیله

((ایعوفوني//باچر ولیاني))
ــــــــــــــــ🟢ــــــــــــــ
یحسـیـن گلـي ابحیرتي
باچر لمن تگضي اخوتي
ویحــل عذابي وسبیتي
ما یجـي حامي ادخیله

(( ایحامیها // خل یحضر بته ))
ـــــــــــــــ🟢ـــــــــــــــ
اعیــالك اذا صار السبي
خافـــن یسـلبـون العبي
بلکت یجي جدنه النبي
ومن هالاعادي اشکیله
(( مهضومه//یاجدي اعیالك))
ـــــــــــــــ🟢ـــــــــــــ
گل لامـي باچـر بالعجل
تحضرني بالهم والوجل
اشکیلها گلــبي اشحمل
ومن دم دمعنه انسیله
((انون اعلیه/ حسین انودعه))
ـــــــــــــــ🟢ــــــــــــــ
تمــــــ بعون الله ــــــت
بقلم شاعرة اهل البیت ع
العلویه ام ضیغم المحنا
🙏نسالکم الدعاء🙏
https://www.tg-me.com/omdegim

لطمیه  للوداع
{{الوزن میمر }}
((علی طور عذبني درب الشام))
https://youtu.be/FUgex13B0Vo
هذا رابط الطور☝
ـــــــــــــــــــــــــــــــــــ
{{باقلام نخبه }}
🩸من الخادمات  في رابطة دموع العقيله 🩸
{{{بااشراف العلويه ام نور الميسانيه }}}

https://www.tg-me.com/Kfeilzainp
☆☆☆★☆☆☆★☆☆☆★

لیلة وداع حسین
یا عینـي لتنامین

شمعة اخواني  وداعه عماني
►✺┅●✥💠✥●┅✺◄

یـا نــوم هــذا الـي یمـرچ یـاعـین

وباچر ترض الخیل بضلوع حسین

محتاره اجـیبنه الصبر گلي امنین

اعـیـالك یبو الیمه اودیهـا ویـن

ویانـه بـس  هاللیل
باچر یخویه ایشیل

وانته شریاني... وداعه عماني

✍🏻العلویه ام ضیغم المحنا
►✺┅●✥💠✥●┅✺◄

بـس انتـــه ويـــانه صفيـت الليـله

لاعندي اخو لاعندي ابن   واشكيله

وشلـــون باچــر مــن  تصـير المیله

وين انطي وجهي وين اخلي العیله

وتهجم عـلي كفار
ولا یبگه لي نـغـار

دهري رماني....وداعه عماني

✍العلويه ام نور الميسانيه
►✺┅●✥💠✥●┅✺◄
اشلون باجر لاخيم لاوالي

سياط وجمر بيهن تلوع اطفالي

من هسه نار موجره بدلالي

تمنيت كبلك يگطعون اوصالي

كبلك ردت موتي
وتشيله تابوتي

موت الخذاني ...وداعك عماني
✍🏻العلويه ام مرتضى الموسوي
►✺┅●✥💠✥●┅✺◄

يتـــمنـــه گلبــي لايطــر فجــر الـــيل
وبصبحــه باچر لا يـــهدمـــلي الحيل
عگب الولي دمعي من ادموم ايسيل
وحمولي بالغـربه  بعـــد اهلــي اتميل

ما. واحد.  الوياي
وشل دمع. عيناي

بعدك اعاني ....وداعه عماني

✍️ام عدنان سياحي
►✺┅●✥💠✥●┅✺◄

یاریت ماینطر فجر ویجینی

بوداعکم دهری تره ایبچینی

ادری ابذبحکم مایفل اونيني

وخلافکم های العده تسبینی

وامشی ابیسرللشام

علهزل وي ضلام

بعدك اعاني.    وداعك عماني

✍🏻المیرزه ام ليلي الخاقانی
►✺┅●✥💠✥●┅✺◄
يافجر عاشر لا تطر وتطلع

ماريد صبحك كلبي شو يتكطع

من هسة نار الفگد بيه اتلوع

شلون الموادع كلي وانه اتوادع


انحب ودموعي تسيل....
والغالي ناوي يشيل....

اصبر واتاني..... وداعه عماني

✍🏻ام زهراء خادمة خدام الحسين عليه السلام
►✺┅●✥💠✥●┅✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام 
لانجيز حذف الاسماء✋
🙏🏻نسالكم الدعاء

📘قناة العلويه ام ﺿيغم المحنا الموسوي📘:
{{فزاعیه للوداع}}

{{باقلام نخبه }}
🩸من الخادمات  في رابطة دموع العقيله 🩸

{{{بإشراف العلويه ام نور الميسانيه }}
☆☆☆★☆☆☆★☆☆☆★

طلعن بالگلب شیبات
    من حین التوادعنه

►✺●✥💠✥●✺◄
گلبي شــاب وتفـسر

من اوداع ابو الاکبر

والعــــباس المشکر

لیلة شـــــــوم لیلتنه
✍🏻ام ضیغم
►✺●✥💠✥●✺◄

ليلــة شـوم  هلليـــله

بيــها مـوادع   العيــله

وكلها المدمع تســيله

باجر نفكد   اخوتـنه

✍العلويه ام نور الميسانيه
►✺●✥💠✥●✺◄
باجر نفكد الطيبين

عباس البطل وحسين

صبي يادموع العين

باجر يوم فركتنه

  ✍ ام حيدر العباديه
►✺●✥💠✥●✺◄
اليوم موادع   الخوان

كلبي من القهرخلصان

باجر  تشتعل   نيران

عليهم نجري دمعتنه

✍️ام زهراءالفاطميه
►✺●✥💠✥●✺◄
ريــت الفجـــر مــايطلع

ولاشوف الشمس تلسع

بــاچــر عينــي دم تلمع

خــوفـي تطش جمعتنه

✍️ام عدنان سياحي
►✺●✥💠✥●✺◄

خوفي باجـــر الحسره

اشوف حسين عالغبره

تسحك خيلهم صـدره

يحرك شمر خيـــمتنه

أم صـــ✍️ــــادق المنصوري
►✺●✥💠✥●✺◄
تمت بعون الله تعالى باقلام
شاعرات اهل البیت عليهم السلام في رابطة دموع العقیله عليها السلام 
لانجيز حذف الاسماء✋
🙏🏻نسالكم الدعاء

https://www.tg-me.com/omdegim

حفيدي:: خادم الحسین علیه السلام
الرادود::(( محمد ضيغم المحنا))
🙏نسلکم الدعاء له بالتوفیق 🙏

انا لله وانا الیه راجعون
وسیعلم الذین ظلمو حق محمد وال محمد اي منقلب ینقلبون
ــــــــــــــــــــــــــــــــــ

لما هوی العباس ع صریعا نادی باعلی صوته::  ادرکني یا اخي.
فجاءه الحسین ع فرآه مقطوع الیدین،  مرضوض الجبین السهم نابت فی العین المخ سائل علی الکتفین.. نادی (( الان انکسر ظهري.. الان قلت حیلتي الآن شمت بیه عدوي)) 

️〰️〰️〰️〰️😭
محني الظهر من جاه الحسین
زخ المـطــر تتـسّـاچب العـین
یگله اشمـتـت بیـــه الملاعیـن
〰️〰️〰️〰️😭

حـاچـاه ومـنه الحیل مهدوم
حاچیني یا ضخـري یجيدوم
یاهو الیرد عن زیـنب الگــوم
〰️〰️〰️〰️😭

اشهالنومه نایم یاعضیدي
مگطوعه ایدك یبعد ایدي
ونــاوي تخلیني اوحـیدي
〰️〰️〰️〰️〰️😭

ظهري انکسر من وگعتك هاي
استوحـدوني وشمـتو اعداي
عبــــــــاس یومـك زاد بلواي
〰️〰️〰️〰️😭

فوضع الحسین یدیه تحت ظهره  اراد حمله الی المخیم فقال له العباس::  بالله علیك الا ما ترکتني في مکاني  فقال الحسین:: لماذا یااخي؟  فقال العباس:: لحالتین الاولی. نزل بي الموت الذي لا بد منه  والثانیه اني اوعدت سکینه بالماء واني لمستحن منها •

〰️〰️〰️〰️〰️😭

گله وحـگ حيرتك  بـــــیه

مـگـــدر اردن لـــــــــثــنیه

خجــلان من بـــت الزچیه

اشلون ارد مگطوعه ایدیه
〰️〰️〰️〰️〰️😭

خلني بمچاني یاضوه العین

مـگـــدر اردن للصـــواوین

تنـشدني سکنه الماي وین

〰️〰️〰️〰️〰️😭
عالنــــهر خلیــني یریـسان

اشلـــون ارد ابلایه ذرعان

زینب شگلها اهواي خجلان
〰️〰️〰️〰️〰️😭

عافه اعله النهر روحه وحبیبه

ورد مهــدوم لخـیـام الغـــریبه

دموعه من دمه عالخـد سچیبه

زینب شافـته وصاحت مصیبه

گالــت والگلــب شـاجـــر لهیبه

اظنــه وگـع  ضخـــرك یهـــیبه

چـــــا لیـش لیــنه مــا تجـیـبه

ذب خــــیمـته وگلهــا ابنحـیبه

یزینــب سبیـتچ صارت جریبه
〰️〰️〰️〰️😭
✍🏻ام ضیغم  المحنا
لا نجیز حذف اسم الشاعره
🙏نسالکم الدعاء🙏
https://www.tg-me.com/omdegim

جلوه للقاسم ع
ـــــــــــــــــــــــــــــــــ
ناده الحسین العیلته
ویلي وا ویلاه

جســام  علگن شمعته..
ویلي وا ویلاه

امنیتي اشوفن زفته..
ویلي وا ویلاه
ومن دم سچبها دمعته..ویلي وا ویلاه
ــــــــــ🔥ـــــــــــــ
گـــومي یــزینب عــمته
گعدي العروس ابخیمته
جـــیـبي السلاح ولامـته
ونصبـــــــي یرمــله کلته
ابــنــــچ اللیـله فرحـــته
تعبــــــچ اللـــــیله ثمـرته
جاســم یوفــــي ابرگبته
لامـــــه الحـــنینه الربته
الحـــومـــه یرمـله نادته
گـــرب وداعـه وفـرگتـه
لو طلع ما ظـــن رجعته
ترجــع الــچ بس جـثته
محروم عرسـه وفرحته
المــــن نصبـتن حـوفته
طفن اشمـوعه وبحسرته
صیحـن علـیه یا فجعته
ابیــوم عــــرسه مـوتته
حزنن اسکینه اعروسته
راح ابن عمـــها وفگدته
ــــــــــــــــــــــــــــــــــ
تـمــــ بعون الله ـــت
شاعرة اهل البیت ع
العلویه ام ضیغم المحنا
بتاريخ 17/ محرم/1445
لا اجیز حذف اسم الشاعره
🙏نسالکم الدعاء 🙏
https://www.tg-me.com/omdegim

حدیث وفاة شریفه علیها السلام

نقلا عن لسان خادم رجل طاعن بالسنه یقول توارثنا هذا الخبر ابا عن جد ولا وجود له بالکتب بل نقلا من ظهر الی ظهر  بتاریخ 14 /4/19968
ــــــــــــــــــــــــــــــــــــــ
یقول ان السیده شریفه بنت الحسن ع کانت طفله وهي یتیمة الحسن، ع اما انها کانت امها حامل بها او بعد ولادتها  استشهد ابیها الامام الحسن ع
وکانت ممراض یعني کثیرة المرض نحیله نحفیفه ضعیفه ومن کثر، نحولها وصغر، بنیتها کانت تبد بنت سبع، سنوات الا انها عمرها کان بحدود 10 او 9 سنوات  وکانت تسمی طبیبت العلویین لانها من کثر مرضها صارت تعرف بالطب والدواء فسموها طبیبة العلویین علیها السلام
ـــــــــــــــــــــــــــــ

لما رجعو بالسبایا لیلة الاربعین نوخو رحالهم فی هذا المکان المدفونه فیه شریفه ع
حتی یباتون اللیل ویواصلون مسیرهم الصبح

زینب سألت زین العابدین عمه علي کم لنا ونصل، الی کربلاء؟  فقال لها زین العابدین  غدا ان شاءالله  نصل کربلاء قبل آذان الظهر،

فلما سمعت ذلک شریفه ع اخذت بالصیاح والعویل عمه زینب، لا ارید ان اصل کربلاء واری ما جری علینا فيها

بقیت تصرخ والنساء والاطفال ضجت بالبکاء
حتی فاضت نفسها الزکیه بحضن عمتها زینب فغسلتها وکفنتها وزین العابدین حفر لها القبر بمساعدة النساء ودفنوها في مرقدها الحالي في مدینة الحله منطقة الطمازیه

وفي الصباح شدو رحالهم الی کربلآء ووصلو  کربلاء قبل اذا الظهر،

تگله:::
یاحسن خویه تعال لیه
ویاي، غسل هالابنیه
نص الدرب ماتت علیه
بدیرت غرب واني اجنبیه

ماتت شریفه من قهرها
عبرات متکسره بصدرها
من ضیمها وهضمة یسرها
ـــــــــــــــــ

ابوها الحسن یاهو الیگله
بتــــك دفـنــاها بالحـله
علیها الحزن بالنوح یحله
ـــــــــــــــــــــــــــــ

اویلاه شــریفه یا یتیمه
علیچ البچي والنوح اجیمه
گضیتي عمـرچ بالهظیمه
ـــــــــــــــــــــــــــ

تمنیت الحسن هسه یجینه
یغــسل ابـنیته الحــــنینه
ويشوفنه اشلون انسبینه
ـــــــــــــــــــــــــــــ

یاحسن ما تدري یمــسموم
بتك یخویه مـــــاتت الیوم
سلت من اهد ذبحة المظلوم
ـــــــــــــــــــــــ

ضیم الیسر یا حسن سلها
ذبح حسین واخوانه الکتلها
لیل انهار تبچي امصاب اهلها
ــــــــــــــــــــــــــــــــــ
✍🏻بقلم العلویه ام ضیغم المحنا
لا اجیز حذف الاسم✋
🙏نسالکم الدعاء🙏

نزله للاربعین
✍🏻العلویه ام ضیغم المحنا
ـــــــــــــــــــــــــــــــــــــــ
ردت من یسر الشام
زینـــب ویه الایـتام
ردت زینب
درت زینب
►✺●✥💠✥●✺◄

امن الیسر ردت تنادي. وین اخوتي وهیبتي

الیوم اجیت من الشماته. اشکي ضیمي وهضمتي

جیتکم ما باقي مني. غیر شوگي ودمعتي

مدري احیر براس اخيي. من اداري عیلتي

وبروحي اجبال آلام
ردت من یسر الشام

زینب ردت
زینب ردت
►✺●✥💠✥●✺◄

جایبه امن الیسر صوغه. لابو الیمه العافته

شایله راسه بحضنها. ترد راسه الجثته

ایعینها الله اشهل جماضه. راسه اخوها شالته

بالدرب کلما تحبه. اعلیها تسچب دمعته

ومدمعها ایهل سجام
ردت مــن یسر الشام

زینب ردت
زینب ردت
►✺●✥💠✥●✺◄

شایله الراس وتگله. یابعد روحي وهلي

من ارچبه علی جسمك. وترد ذاكه الاولي

حسین لا تبگه اعله نومك. ردني خویه المنزلي

تدري بس ایتام عندي. وحرم ما عدها ولي

تقبــــل زینب تنظام
ردت من یسر الشام

ردت زینب
ردت زینب
►✺●✥💠✥●✺◄

اتسولف اویاه عن یسرها. وضیمها وهم الگلب

وهو یسمعها ودموعه. من مصایبها تصب

نوبـه یسالها ویگلها. عندي یا زینب عتب

لیش خلیتي رقیه. ابنیتي بدیار الغرب

ظلت یـــــم الظـلام
ردت من یسر الشام

ردت زینب
ردت زینب
►✺●✥💠✥●✺◄

لا تناشدني تگله. الشام عذب حالتي

من تلگوني ابطبلهم. عید عدهم سبیتي

گعدونه بالخرابه. بیها تصرخ عیلتي

لا سگف لا باب بیها. وبیها ماتـت طفلتي

والشامت عینه اسهام
ردت مــــن یسر الشام

ردت زینب
ردت زینب
►✺●✥💠✥●✺◄

من وصل ظعن السبایه. فرن ابلهفه او ونین

رمله تصرخ وینه جاسم.
لیلی صاحت ابني وین

والرباب اتصیح اریدن. موتي یم گبر الجنین

وعالگبر مغشیه زینب. طاحت وتصرخ حسین

گلبي الملگاك احتام
ردت من یسر الشام

ردت زینب
ردت زینب
►✺●✥💠✥●✺◄
تمـــ بعون الله ـــت
✍🏻بقلم شاعرة اهل البیت ع
العلويه ام ضيغم المحنا
🤚لا نجبز حذف اسم الشاعره ولا التلاعب بالکلمات✋
🙏نسالکم الدعاء🙏

https://www.tg-me.com/omdegim

لطمیه للعباس علیه السلام
((الوزن دارمي))
ــــــــــــــــــــــــــــــ
های العطاشـه اصیح چاعمنه وینه

مو اخذ جوده وگال ساعه ویجینه
►✺●✥💠✥●✺◄

صـاحو یراعي الجـود وینك یرواي

عمي العطش چــتال الحگنه بالماي

ونه علی العـباس مشـدوهت الراي

شنهو الدهــاه للحـین مـا رد علـینه

اشرف علینه المـوت مو یدري بینه
►✺●✥💠✥●✺◄

صوب الشـريعه الحيد راح وتعنه

یروي ضـمانه ایرید یطفي جمرنه

اشعطله العـباس مـــا عــاود النه

عبد الله راح ایمـوت یجهر ونینه
►✺●✥💠✥●✺◄

یصرخ رضیع حسین شادهلي فکري

وامـه علیه اتلــــوع مــدمعها یجري

مــا عــاود العـبـاس حـیرني بامـري

یحـسین اخــوك ابساع گله انتهینه
►✺●✥💠✥●✺◄

حاچـاني یامظلـوم حالك فجعني

شنهو الجـره ردیت للخیمه محني

بس لا چ. فیلي طاح واتخله عني

گاللهه زیـدي النـوح گطـعو یمینه
►✺●✥💠✥●✺◄

طــاح الفـخر والزود خلاني وحدي

من شفته حیلي راح وانمرد چبدي

باچـــر شمـر لشـــام بعیـالي یحدي

استوحدوني الگوم من غفت عینه
►✺●✥💠✥●✺◄

گومي استعدي النوب گرب یسرچن

ظل عالشریعه الحید ذاك الکفلچن

من رجعته والماي گطعن املچن

صيحن هوى العباس يعني انسبينه
►✺●✥💠✥●✺◄
تمـــ بعون الله ـــت
بقلم شاعرة اهل البیت ع
العلويه ام ضيغم المحنا
🤚لا نجبز حذف اسم الشاعره ولا التلاعب بالکلمات✋
🙏نسالکم الدعاء🙏
https://www.tg-me.com/omdegim

لطمیه للحسین ع
نظم::العلویه ام ضیغم المحنا
ـــــــــــــــــــــــــــــــــــــــ

وگفت علی التل بت علي وتنادي یحسین

حـرگـو خیـمـنـه یالولي  گوم الملاعـین
►✺┅●✥💠✥●┅✺◄

عالتل تصیــح ام الحـزن وادمعه تجري

یحسـین حرگو خیمتي وانسلب خدري

فـرو ایتامـك بالخـلي ومحـتاره بامـري

منهو الیرد عني العده انطي الوجه وین
►✺┅●✥💠✥●┅✺◄

طـرت الحـومه امفـرفحه تصـرخ یوالي

بالهـیمـه فــرت عیـلـتك وانشــده بالـي

بیــن العـده وبیـن اللهـب بالعـدم حالي

دارت علینه اهل الرده وحاطتنه صوبین
►✺┅●✥💠✥●┅✺◄

شاطت لصوب النعرکه تنده یخونه

شافته نایـــم عالثره وشابح عیونه

ولن الشمر اگبل تربـــع علی امتونه

گلها ابعــدي خــل اذبحـه لا تگربین
►✺┅●✥💠✥●┅✺◄

گالــــت یخــــایب لا تـذبحه خله الیه

خلصـــــو هـلي کلهـم ذبح بالغاضـریه

لحساب جـده المصطفی وامه الزچیه

خـلـیه خیـمه العیلته وهاي النساوین
►✺┅●✥💠✥●┅✺◄

گلهـا اذبحــه مـن الگفـه سـا تنظـرینه

صاحت وذبـت روحـها اعلیه الحـزینه

من گبل اخـوي اذبحـني وخليه ولینه

ویلاه ضـربها بالرمح بـت السلاطین
►✺┅●✥💠✥●┅✺◄
تمـــ بعون الله ـــت
بقلم شاعرة اهل البیت ع
العلويه ام ضيغم المحنا
🤚لا نجبز حذف اسم الشاعره ولا التلاعب بالکلمات✋
🙏نسالکم الدعاء🙏
https://www.tg-me.com/omdegim

ليلة الوحشه
《مجرشه 》
~~~~
سكنه اورقيه هاي المسيه
فگدن الوالي

طلعن ابهل اليل ضجن بالاعويل
ايدورن الغالي

♡♡♡♡♡♡♡♡♡♡♡
الله من ليل اهدعش عالحرم من چل ليله

لاوالي عدها او لا خيم كلها دمعها اتسيله

باچر يروحن للسبي منهو الظعن يحديله

زينب لخوها اتعنته گوه جدمها اتشيله

عاينت جسمه غارگ ابدمه
ياويل حالي

✍الشاعر فالح العامري

♡♡♡♡♡♡♡♡♡♡

وصلت لعد جسم الولي وصاحت يعز خواتك

جسمك وذر يامهجتي وامغيره صفاتك

ياعمت عيني جيت الك.. من ضيعت بناتك

خویه رقیه وفاطمه ظلن تره برجاتك

صاحت ييمه.. بنت ابو اليمه

ضاعت تعالي

✍الشاعره ام ضيغم المحنه
♡♡♡♡♡♡♡♡♡♡

اتگله باچر یالولي لو حملو ظعنه

هم تگعد تباري الظعن لارض الوطن تزتنه

وگل لابو فاضل خل یجي والباري الحملنه

ليلة رعب عالعايله وعفتونه يا زلمنه

ليش النشامه اتعيف اليتامه
وتنسه الغوالي

✍الشاعره ام ضيغم المحنه
♡♡♡♡♡♡♡♡♡♡

صاحت يبويه ياعلي وهلت دمع عیناها

احرس ویاي العايله ما اگدر آنه ارعاها

لو طفله ضاعت یاعلي حاچیني وين الگاها

بتك يحيدر بالغرب محتاره بايتاماها

ليله رهیبه اکبر مصیبه
والدمع هالي
✍الشاعره ام ضيغم المحنه
♡♡♡♡♡♡♡♡♡♡♡

گللها يابويه انه وياچ احامي الأيتام

انه اباریلچ خدر وياچ امشي للشام

بيدي اگودن ناگتچ ‌عباس خليه اينام

ماقصر اوليدي الشهم قدم اچفوفه والهام

والوطن جدچ بيدي اردچ
واحمي اطفالي

✍الشاعر فالح العامري
♡♡♡♡♡♡♡♡♡♡
تمــــ بعون الله ـــــت
نسالکم الدعاء

و

لطمیه للعلیله ع
((علی طور خادم آنه))
ـــــــــــــــــــــــــــــــــــــــ
شالو هلي
شالو هلي
شالو هلي
بالفرگه عمیت بالفرگه عمیت
┉❈🔹(🔵)🔹 ❈┉

شالو احبابی ونسوني ضیعوني بحسرتي

انظر الدیران وحشه وتهل من دم دمعتي

اصرخ ابلوعه وحنیني والصده ایرد صرختي

وین شالو ما اجوني وآنه اصارع علتي
....
واشضل الي
واشضل الي
واشضل الي
بالفرگه عمیت.. بالفرگه عمیت
┉❈🔹(🔵)🔹 ❈┉

اشبگه عندي وراهم بس دمع عیني دمه

آیبويه حسین انادي واسال انجوم السمه

فرگتك تکتل یبویه آنه اعلیك امعلمه

بس صدی الدیران یبچي وانه بلوعه اکلمه
.........
دارك خلي
دارك خلي
دارك خلي
بالفرگه عمیت .. بالفرگه عمیت
┉❈🔹(🔵)🔹 ❈┉

دارکم ظلت خلیه...بیها وبگلبي جرح

ذكریات وصور تنعه.خاطري ویاهن سرح

اهنا گعدنه اهنا مشینه.. اهنا سمرنه لصبح

آیذیچ ایام اهلنه الراحت ما اظنها تصح
راح الولي
راح الولي
راح الولي
بالفرگه عمیت...بالفرگه عمیت
┉❈🔹(🔵)🔹 ❈┉

عالدرب عیني مشبحه.بلکي من عدکم خبر

وینکـم یعزاز گلبي. امن البعد گلبي انفطر

كربله مني خذتکم. بس بگت عندي الصور

ساکنه بروح وخیالي.وگبعـتـني بالقهر

مـا ينـجـلـي
مـا ينـجـلـي
مـا ينـجـلـي
بالفرگه عمیت بالفرگه عمیت
┉❈🔹(🔵)🔹 ❈┉
تمـــــ بحمد الله ـــــت
✍ بقلم العلويه ام ضيغم المحنا
غير مبري الذمة كل م̷ـــِْن يتلاعب في القصيدة او یغير اسم الشاعره
🙏نسالکم الدعاء🙏

https://www.tg-me.com/omdegim

لطميه للحسن ع
✍🏻بقلم العلويه ام ضيغم المحنا
من دبوان احزان الحسين ع الجزء السابع
ــــــــــــــــــــــــــــــ
ليش سموك يروحي ياحسن
►✺┅●✥💠✥●┅✺◄
ليش سموك يديوان الكرم

ريت گلبي گبل گلبك عدم

ريت ميته وابو محمد سلم
اعيوني الاثنين على افراگه عمن

►✺┅●✥💠✥●┅✺◄

ليش مسموم يروحي ومهجتي
اوياك اروحن مريدن دنيتي

النوح بعد غذاي وسلوتي
دمعي سچاب تره اعيوني صفن

►✺┅●✥💠✥●┅✺◄

ليش سموك د رد ليه الجواب

ٱنه اخيتك دليلي خويه ذاب
اشلون اهيدن وامل من العتاب
اتهدم الحيل يخويه لا تون

►✺┅●✥💠✥●┅✺◄

سلهم العين اخيي وما وعه
بالطشت هاي چبدته امگطعه
اهروش گلبي عليه امشلعه
اعيون اخيي على اوليده اشبحن

►✺┅●✥💠✥●┅✺◄

اعيونك تلوج يخويه وايست
تذب چبدك يخويه بالطشت
من شفتها تروح انه اعرفت
ٱيگلبي يبو الهم والمحن
►✺┅●✥💠✥●┅✺◄
تمـــ بعون الله ـــت
بقلم شاعرة اهل البیت ع
العلويه ام ضيغم المحنا
🤚لا نجبز حذف اسم الشاعره ولا التلاعب بالکلمات✋
🙏نسالکم الدعاء🙏

https://www.tg-me.com/omdegim

نعي للامام الحسن ع
بقلم العلويه ام ضيغم المحنا
من ديوان احزان الحسين ع الجزء السابع
ــــــــــــــــــــــــــــــــ
تون وعلیه اديـــــر عينك
گلي يا دوه يخفف ونينك
عليمن يخــــويه سامينك
••««((((😭))))»»••
يحسين تاچیله علی اهدای
وجيب الطبيب يعاين الداي
بلچن يفيده اعلاج رجواي

••««((((😭))))»»••

يحسين اسنده ابراضه وياه
وگعـــده اريد اسمع حچاياه
اضلوعي ارید اطحنهن ادواه

••««((((😭))))»»••

يحسين تاچــيله ابمــــروفه
سالم عساه وبخير اشـــوفه
عزیز الگلب مـــا نگدر نعوفه

••««((((😭))))»»••

عمت عينها التنسه وليـــها
اعيوني علی الوالي اعميها
عگبه حـــياتي شـلي بیها

••««((((😭))))»»••

يابو الكـرم يامنهل اعلوم
عليمن يبعد الروح مسموم
شلـها عليك اتسمك الگوم

••««((((😭))))»»••

يا بعد روحي الروح تفداك
للموت اريـــد الموت وباك
شنهو العمر ياحسن بعداك
••««((((😭))))»»••
في وصية الحسن بـولده القاسم ع
ــــــــــــــــــــــــــ
ون ولـــزم باثنين ايديه
ايگلي اوصيـــچ بوصيه
القاسم تره روحي يخيه

••««((((😭))))»»••

لـــو ظـل اخــيي بالمعاره
وحده وذبحوهم انصـاره
خليه القاسم يشن غاره
يدافع عن ابن امي وداره

••««((((😭))))»»••

من حسين اطلبلي ابنيه
تزفوها والقاسم سـويه
وسوو عرس بالغاضريه

••««((((😭))))»»••

هاي اعمامتي اخذيها ضميها
بيـــــوم الطـفـــوف اطلعيها
شكل الچـــــفـن لبني لبسيها

••««((((😭))))»»••

زفــــوه مـدلولي العطشان
خله ابچفن يگصد الميدان
صيحن وراه كلچن ينسوان

••««((((😭))))»»••

چنــــك صدگ رایح يمسموم
وعايف حسين الزمرت الگوم
يوم العزه والنــــوح هاليوم

••««((((😭))))»»••

تمـــ بعون الله ـــت
بقلم شاعرة اهل البیت ع
العلويه ام ضيغم المحنا
🤚لا نجبز حذف اسم الشاعره ولا التلاعب بالکلمات✋
🙏نسالکم الدعاء🙏

https://www.tg-me.com/omdegim

فزاعيه للهاشميات بنات الحسن ع
✍🏻بقلم العلويه ام ضيغم المحنا
ـــــــــــــــــــــــــــــــــــــ
اتصيح حسها ام هادي
ياهـــــــــــلا بــــزواري
💠💠💠💠💠
هــــلا بالــزاروني
ابجدي ايعــزوني
اکـرم اليـــنخوني
امن الله هاي اسراري
💠💠💠💠💠
باليـــــعــزوني هـلا
وهاي کلها امسجله
وتنــــذخـر کلها اله
وربي بیـــکم داري
💠💠💠💠💠
اتصيح يسمعها اليزور
شــوف شاراتي والنور
ينـترس گلبه ســـــرور
الـي وصـــل لــديــاري
💠💠💠💠💠
صوتها ام هادی یصیح
يا هـلا ابضيفي تصيح
بس تصل يـم الضـريح
اطيب مـــن انــــــواري
💠💠💠💠💠
صفي گلبك واستمع
صوت من گلبي نبـع
هلا بالجـــــاي وطلع
وهــاي کلـها انصاري
💠💠💠💠💠
داري تـوســــع لليزور
وگلبي بيها ینطي نور
مـــني ترجع بالسـرور
یـل وصـلت ادیـــــاري
💠💠💠💠💠

انـــت بس صفي الگلب
تلگه وصفه واحله طب
تشوف بانواري العجب
من الله هــاي اسـراري
💠💠💠💠💠
صيحو ويــاي ابحــزن
لیش مسمـوم الحـسن
اعليه انوح ودوم اون
مــــــــا تـهــــود نـاري
💠💠💠💠💠

نـار گلــــــبي لاهبه
علی يــوم المجتبي
من مصـابه امعذبه
دمعي من دم جاري
💠💠💠💠💠
((رباط هوسه))
((انون اعليه.. المردو چبده))
💠
(( انعازيها..اتزور ام هادي))
💠
((طلابه..یام هادي ابابچ))
💠
(( معروفه..بامراد العاجل))

(( اموصفيها.. للعله الکلفه))
💠💠💠💠💠
تمـــ بعون الله ـــت
بقلم شاعرة اهل البیت ع
العلويه ام ضيغم المحنا
🤚لا نجبز حذف اسم الشاعره ولا التلاعب بالکلمات✋
🙏نسالکم الدعاء🙏

https://www.tg-me.com/omdegim

نعي او لطمیه للسیده خدیجه ع
(( فایزي))
ــــــــــــــــــــــــــــــــــــــــــــــــــــــ
ونت خدیجه یاخـلگ ونــه شجیه
وتگول حانت فرگتي فرگه المـنیه
━━━━▣◤◢▣━━━━

تنظـر لعـد وجـه النبي واتقبل ایده

هلــت دمعــها ونادته ابونه شدیده

منك طلب یالمصطفی مولاي اریده

نـزلنـي بـیــدك. حفرتي وابچـي علـیه
━━━━▣◤◢▣━━━━

صدت علی الزهره وتهل من دم دمعها

تجــذب الـونه وبالگلـب زایــد وجـعها

ویلاه علی ابنیتي وعلی کسرت ضلعها

مـنـهــي التـراعیها عـگـب عــیني الیـه
━━━━▣◤◢▣━━━━

اسماء یمها وتسـمع الونه الحـزینه

مسحت دمعها وجاوبتها یا حنینه

ابنیتچ الزهره بعهـدتي وانه امینه

الحد یوم زفتـها انه ازفــها بـــدیه
━━━━▣◤◢▣━━━━

حضنت الزهره بالدمع واتگلها اودعچ

یبنیتي کل حزني علی من بعدي وضعچ

ویالوعتي ویا فجعتي کلها اعله ضلعچ

کـسـر الضـلـع هـــو الیوصلچ للمنیه
━━━━▣◤◢▣━━━━

ام المحنه البچــت امـلاك البچـاها

یوم الذي سمعت خبر مغــدور طه

جبریل نـاده یالنـبي اسـمـع نـداها

اسرع لها بلغــها مـن ربها التحیه
━━━━▣◤◢▣━━━━

ام المحنه البچــت امـلاك البچـاها

یوم الذي سمعت خبر مغــدور طه

جبریل ناده یالنــبي اسـمـع نـداها

اسرع لها بلغــها مـن ربها التحیه
━━━━▣◤◢▣━━━━

اسـرع لها وهــذا الخـبر عن ربها گلها

بالجـنه فــي اعلــی مقـــر شیدنه الها

لا ضــجـر بیه ولا صـخـب عالي نزلها

تسـتـاهل الي ناصرت ربها و نبیه
━━━━▣◤◢▣━━━━
تمـــ بحمد الله ـــت
✍ بقلم شاعرة اهل البیت ع
العلویه ام ضیغم المحنا🌹
لا اجیز حذف اسم الشاعره
ولا تغیر الکلمات
🙏نسالکم الدعاء🙏
https://www.tg-me.com/omdegim