قصيده ثگيله الى فقد الاحبــــــــــاب
ومهداه الى موالاتي العليله (ع)




طفولي شوف اعيوني، من راحو وخلوني
ضليت اناطر بالباب
هلبت يجوني الغياب
من راحو وخلوني،،،،،،،،،، من راحو وخلوني
🖊🖊🖊🖊



طفولي شوف اعيوني وانه انتضرهم ضليت
ليلي ونهاري بالدمع من نوحي ابد مامليت
يرجع يرد ذاك الوكت نكعد سوه بنص البيت
عافوني شنهو الاسباب
هلبت يجوني الغياب
من راحو وخلوني        ومن  راحو وخلوني
🖊🖊🖊🖊




يرجع يرد ذاك الوكت نكعد سويه ويـــــــــــــــاهم
احبابي بنص الگلب ياناس ماانساهم
هسه انه ضيعت العرف گلولي وين الكاهم

من القهر راسي شاب
هلبت يجوني الغياب
من راحو وخلوني           من راحو وخلوني


🖊🖊🖊🖊



سديت بابي من العتب ماي وتبده احبابي
حته الفرح مامر علي ماوصل عتبت بابي
وضحولي شنو الي جره وكلولي شنهو سبابي
غياب وهجر بس اعتاب
هلبت يجوني الغياب
من راحو وخلوني.       من راحو وخلوني




🖊🖊🖊🖊

يابيت لاتعبت علي من اسئلك اهلك وين
بس انه وبطرك تعب وين اخوتي منومين
اوجوهم جنها گمر وسفه تنام على طين

فوگ الاهل صار تراب
هلبت يجوني الغياب
من راحو وخلوني.       من راحو وخلوني

:
:🖊🖊🖊🖊
:
:
:
:
:
:
:
:
:
:
:
تـــــمـت والحمـــــدللـــه
✍الشــــاعره ام حـــوراء الاسدی

واسالکم الدعاء🌷🌷🌷
شرعا"لایجوز حذف اسم خادمةاهل البیت علیـــــــهـم الســــــلامـــ
========================
. قناة الشاعرة ام حوراء
🌹🌟قصائد🌟🌹
الشاعرة✒ ام حوراء الاسدي
غیر مبری الذمه من یمسح اسم الشاعرة 🌹
https://www.tg-me.com/omhaoraai2017