​️RASMIY MUNOSABAT

Ijtimoiy tarmoqlarda tarqalgan oʻqituvchilarga ommalashtirish sertifikatlari sotilayotganligi toʻgʻrisidagi xabarlar yuzasidan quyidagilarni maʼlum qilamiz.

Maktabgacha va maktab taʼlimi vazirining 2025-yil 17-martdagi tegishli buyrugʻi asosida oʻqituvchilarning ilgʻor ish tajribasini ommalashtirish tartibi tasdiqlangan.

Mazkur tartib asosida ilgʻor ish tajribalar (metodik qoʻllanma yoki metodik tavsiya) tuman (shahar), viloyat (Toshkent shahar va Qoraqalpogʻiston Respublikasi) va respublika miqyosida ommalashtirilishi belgilangan.

Hozirgi kunda tuman (shahar) va viloyat (Toshkent shahar, Qoraqalpogʻiston Respublikasi) miqyosida ommalashtirilgan ishlar boʻyicha sertifikatlar toʻliq rasmiylashtirilgan va uni ommalashtirish.uz platformasi orqali bepul yuklab olish imkoniyati yaratilgan.

Ijtimoiy tarmoqlarda tarqalgan xabar yuzasidan vazirlikning Korrupsiyaga qarshi kurashish va huquqiy-nazorat boshqarmasi tomonidan oʻrganish ishlari olib borilmoqda. Dastlabki maʼlumotlarga koʻra, Respublika taʼlim markazi xodimi tomonidan xizmat vazifasini suisteʼmol qilgan holda notoʻgʻri xatti-harakatlar amalga oshirilgan.

Hozirda ushbu holatga chek qoʻyilgan hamda kelgusida mazkur xodimning xatti-harakatlariga huquqiy baho berilishi taʼminlanadi.

Hurmatli pedagoglar!

Shu kabi holatlarga duch kelganingizda, vazirlikning Ishonch telefon (71-202-09-09, 1006)lariga qoʻngʻiroq qilishingizni soʻraymiz.

Eslatma: ommalashtirish sertifikatlari faqat Respublika Muvofiqlashtiruvchi kengashi tomonidan beriladi hamda ommalashtirish.uz platformasi orqali talabgorning shaxsiy kabinetiga yuboriladi.

© A. Avloniy nomidagi pedagogik mahorat milliy instituti

➡️ MOLIYACHI BOT Oylik hisoblash uchun yangi telegramm bot.

👉 @attestatsiya_toifatestbot ga kirib repititsion attestatsiya testlarini ishlab ko‘ring!

«O'QITUVCHI» - kanaliga obuna bo'ling! 👇👇👇

@oqituvchi_ga
https://www.tg-me.com/joinchat-T7PoUfVbP1eh3Fg_