"ከሙታን ተነሥቶ ሲኦልን ረግጦ በሞቱ ሞትን ደመሰሰው” (መጽሐፈ ኪዳን)

እንኳን ለብርሃነ ትንሳኤው በሰላም አደረሰን!

የተጻፈው ቢነበብ፣
የተነበበው ቢተረጉም፣
በተተረጎመው ምግባር ቢሠራ፣

የዚህ ኹሉ የሃይማኖት ፍጻሜው "ትንሳኤ" ነው። ትንሳኤ ከሌለ፣ሃይማኖት ኹሉ ከንቱ ነው።

የሃይማኖት የመጨረሻ ዋጋው በትንሳኤ ማክበሩ እንጂ በምድር ማቀማጠሉ( መቀማጠሉ )አይደለም።

ሰው የተፈጠረው ለትንሳኤ ነው፤
የሚኖረውም ለትንሣኤ ነው፤
የሚጽናናውም በትንሣኤ ነው።

ጌታችንም፦
ሥጋውን የበላውን፣ደሙን የጠጣውን ሰው፣
ሰለሚሰጠው ዋጋ ሲናገር
        'እሾመዋለኁ፣
           እሸልመዋለኁ፣
             ጤና እሰጠዋለኁ፣
               ሀብት አድለዋለኁ፣
                 ...'አላለም‼️

ይልቁንም
"ሥጋዬን የሚበላ፣ደሜን የሚጠጣ፣የዘለዓለም ሕይወት አለው፤እኔም በመጨረሻ ቀን አነሣዋለኁ" ነው ያለው፤

ሌሎች የማያስፈልጉን ኾነው ሳይኾን፣እነዚያ {ሹመት፣ጤና፣...} የፍጡርነት ዋጋ እንጂ፣የሃይማኖት ዋጋ ስላልኾኑ ነው፤ የሃይማኖት ዋጋ በክብር መነሣት ነውና።

የሃይማኖት ዋጋው ትንሳኤ ነው፤

ሃይማኖት ለጤና፣
  ሃይማኖት ለፈውስ፣
    ሃይማኖት ለሹመት፣
      ሃይማኖት ለመብል...
የሚል መርሕ ያላቸው፣ የአነ ሰዱቃውያን ዘመዶች ናቸው።

ዓላማው ትንሣኤ የኾነ ሰው "ምንም የማይገታው ክርስትና" ይሉሃል ርሱ ነው።

( ጸያሔ ፍኖት-መንገድ ጠራጊ፤በአባ ገ/ኪዳን፤ገጽ ፻፶፰/፫፻፶፬/158/354፤ ፳፻፲፩/2011 ዓ.ም.)

ትንሣኤ ልቡናን ገንዘብ የምናደርግበት በዓለ ትንሣኤ ይሁንልን🙏