بحنانك دللتني يبويه يبويه
تركتني ويتمتني يبويه يبويه


1
أنه زينب يبويه افتحلي عينك
قبل لتروح ضمني ابين أدينك
حنين أنت ولا يوصف حنينك
تفكر بيه والدم بجبينك

ضعت لمن عفتني يبويه يبويه
تركتني ويتمتني يبويه يبويه


2
تعال ارحمني بويه وشوف حالي
بعد جم يوم يتفرهد دلالي
لَوَن منك يصير البيت خالي
عليه تزدحم سود الليالي

وبعد منهو اليلمني يبويه يبويه
تركتني ويتمتني يبويه يبويه


3
جريمة تروح من عندي جريمة
عَلَي صعبة إذا كالو يتيمة
حياتي بلا أبو ما ألها قيمة
هضيمة تعوفني والله هضيمة

برحيلك عذبتني يبويه يبويه
تركتني ويتمتني يبويه يبويه


4
إذا عني أرحلت شيضل أليه
البشر والدنيا تتغير عليه
جبتها من الضلع هم واذية
واختمها بذبيح الغاضرية

المصايب لوعتني يبويه يبويه
تركتني ويتمتني يبويه يبويه


5
أنا بسابع سنة وأمي تركتني
وأنت بهجرك اليوم أفجعتني
وباجر كل هلي لو فاركتني
الشمر بالسوط يضربني أعله متني

يريتك لاشفتني يبويه يبويه
تركتني ويتمتني يبويه يبويه


6
بودعك ناظري لاوين أديره
حيرة وحيرتي بويه جبيرة
شلون أتيسّر وآنه الأميرة
غريبة بكربله ومالي عشيرة

النوايب شيبتي يبويه يبويه
تركتني ويتمتني يبويه يبويه


بغداد
امجد صاحب الشطري

https://www.tg-me.com/oydgh

ياهازم الأحزاب حيدر يحيدر
ياقالع الأبواب حيدر يحيدر
أنت علي من العلي


1
علي أنت الولي من البداية
شكول عليك يالمالك نهاية
يواضح بين قاموس البرايا
يآيه وأصبحت للدين راية

مثلك نحصل وين حيدر يحيدر
بس أنت أبو حسنين حيدر حيدر
أنت الولي من العلي


2
علي بكل موزمه تارك علامة
يسيف الموت ياشيخ الامامه
يفارس خيبر ومنفي الظلامه
وبنفس الوقت راعي اليتامه

ياقابض الأرواح حيدر يحيدر
حتى اليضربك صاح حيدر يحيدر
ماتنجلي من العلي


3
تبوك وخيبر وصفين وحنين
لو ما أنت منتصرن يبو حسين
يعرفونك علي ضارب بسيفين
بحيث إلي يجيك يصير نصين

وبضربتك ميزان حيدر يحيدر
تتخير الشجعان حيدر حيدر
شما تعتلي من العلي


4
نشوفك ياعلي بكل دور حاضر
منو مثلك عبر ماضي وحاضر
علي مافرطت بيك المصادر
أديان السماء بسمك تفاخر

ياعله التكوين حيدر يحيدر
كلشي أنذرت للدين حيدر يحيدر
شمعة هلي من العلي


5
علي لو ماوجـودك بالخليقة
جا كـل الوهـم أصبح حقيقة
محمـد من صرت أنت رفيقة
عرفت شلون أنت تشق طريقة

دين النبي الإسلام حيدر يحيدر
بسيفك يحيدر قام حيدر يحيدر
حبك إلي من العلي


6
يحيدر حكمتك جانت بصيرة
عرفت الناكر وبايع ضميره
الخلافة جانت بأيدك أسيره
خذوهم الوادم الماعدها غيره

أنت ولي الله حيدر يحيدر
غصباً على الأعداء حيدر يحيدر
واضح جلي من العلي


7
تظـل أنت ولينه ياصميده
وغيرك ياعلي لا مانريده
اليبضغك بالقيامة من يفيده
لو ما بالولاية مخلي أيده

يوم الحشر بحماك حيدر يحيدر
عالفطره حبيناك حيدر يحيدر
ياعاذلي من العلي


شطره
امجد صاحب الشطري

https://www.tg-me.com/oydgh

عشكي وغرامي

اداء ملا #محمد_بوجباره
كلمات #أمجد_الشطري

ميلاد الامام الحسن ع ١٤٤٥

https://youtu.be/QztGw6Coqc0?si=GKWDkvPNO7n-O0To

يلــي ردت مـــرادك أتعنـــه يــــم جوادك
اكصدله وأهمل دمعتك
من عنده اطلب حاجتك
واه جوادا


1
يالــرايد أمـراد واجر يم باب المـراد أنتظر
أنحب والطم عالصدر هــــو اليشـــــــــوفك

لو بيك إلف هم والـم بـــالك تفكـــر بالنـدم
يم الجواد ابن الهمـم أرفـــع جفــــوفــــــك

كلـه أنـه قلبـي حايـر بالحضرة دمعي شاجر
هــو اليقـــــدر حــالتك
من عنده اطلب حاجتك
واه جوادا


2

أبــن النجابــة مايــرد كــل الكصـدله ينسعد
مثلــه ابـــد ماينــوجد شبــــل الــــزجيـــــة

اقرأ الزيـارة بحضرتـه وأدي القنــوت بقبتـه
وحلفه بدمعته وغربته والكــــاظميـــــــــــــة


إبــلا ماتحـس يلمــك ومايبقى لحضـة همك
وأنت أعله قبره نظرتك
من عنده اطلـب حاجتك
واه جوادا




3

لا لا تحير بأي مــرض بهذا الأمر مالك غرض
جم واحـد بواحد نهض يــــــم الجــــــواديــــن

بلا وصفه وبـلايه أجـر تــأخذ عــلاج وتستقر
لا تحجـــز ولا تنتظـــر صلـــــــــي ركعيـــــن


بس كثـــر بصـــلاتك تتــوفق بحيـــاتـــــــك
هيــــه الوسيلــة بدنيتك
من عنده اطلـب حاجتك
واه جوادا



4

هـــذا الفضــل رده اله بفيض الدموع أتعنه له
ومشيله مشيت كربله ســاعــــة مصـــابـــــه

بشباجـه لو ســال الدمع ذكره بعلي وكسر الضلع
وحسيـن نحره المنكطـع وابجي أعلـــه بــــــابـــه



كلـــه الكمـــر تكطع وبــــرايتــــه تجمـــــع
لمـــن تطلـــع شهكتـــك
من عنده اطلـب حاجتك
واه جوادا



5

أيمـامــك أيطلـــب طلب يومه ومصابه لو قرب
تشيعه وتطفيله أللهلب تحضـــر تــــــــــواسيه

وبمجلسك تنصب حزن وتخلص المجلس تون
لحد ما تودعه وينـدفن أبجــي دمـــه أعليــــه


بمصابه عزي المهدي كلـه آنه باقي ابعهدي
صيح اسمه وشرح محنتك
من عنـــــده اطلـب حاجتك
واه جوادا



6

يـم قبـره انطيـه العهد خادمك آنـــه لـــــلأبد
ياسيدي وهــذا الوعد لســـاعــــة ممـــــاتي

هالخدمة من أب الابن طول الزمن خل تنعلن
كلمه أكتبتها أعله الجفن انتـــه حيـــــــــــــــاتي


ياسيـــدي وأميـــــري سلمـت إلك مصيـــري
يل وي عهـــودك ونيتـــك
من عنـــــده اطلـب حاجتك
واه جوادا

الشطره
امجـــد صــــاحب الشطـــــــري

https://www.tg-me.com/oydgh

علّي صوتك والدموع اجريها
بالجواد أم الحسن واسيها

1
الليلة كل العالم يصيح بوجل اويلاه
هذا ابن حامي الحمه نعشه أنحمل اويلاه
وين عنه فاطمة وخير العمل اويلاه

حين ناده من السلف ناعيها

2
الليلة صرخة كل موالي تعتلي اويلاه
هذا أبو الهادي صفه داره خلي اويلاه
هل الحزن بكلوبنه وماينجلي اويلاه

يامدامع للسبط توفيها

3
هذا امام الشيعة والينه السمح اويلاه
ليش ثلث أيام باقي عالسطح اويلاه
مصيبته ياناس جرحتنه جرح اويلاه

والمصيبة الله يعلم بيها

4
جبده من سم العده الليلة انفطر اويلاه
خلصاها سنينه بهموم وقهر اويلاه
تالي ماتالي قسى وياه الدهر اويلاه

والنوايب كثرة لو نحجيها



5
ياعذاب وياصبر يتحمله اويلاه
بقلبه عاشت كل مصايب كربله اويلاه
دمعته أعله حسين ظلت سايله اويلاه

ويبجي عالفكدت امس واليها

6
ياحسرته اليكضي كل عمره بحزن اويلاه
مرة ينعه ومرة لأحبابه يحن اويلاه
تالي بديار الغريبة يندفن اويلاه

هالمصيبة للخلك نرويها

شطره
امجد صاحب الشطري

https://www.tg-me.com/oydgh

ياشهر مصابي ياشهر عذابي
يامحرم يامحرم

1
يامحرم جيت إليه
جايب الهم والرزية
أنت ناوي أعله الأذية
راح تأخذ كلشي إليه
هو آنه شباقي بيه
وهسه اجتني الغاضرية

جيتك مصيبة ودمعتي غريبة
يامحرم يامحرم




2
يامحرم بيه حسرة
وبيه لوعة وبيه جمرة
حسين اخويه راح أخسره
راح اشوفن كطع نحره
الخيل تسحك فوك صدره
للمنية يسلم أمره

لو شمر أجاله ينظر العياله
يامحرم يامحرم







3
يامحرم لا تجيني
خاف أموتن من ونيني
من البواجي تروح عيني
لمن اكعد وي بنيني
للغوالي يحن حنيني
بالمدامع أوفي ديني

راحت الأماني هلالك من اجاني
يامحرم يامحرم







4
يامحرم هذا حالي
غير صبري مابكالي
باجر آنه بلايه والي
رأس خويه برمح عالي
يروح عِزي وكل دلالي
لو شمر بالصوط آجالي

لو ركض عليه يجرني من أديه
يامحرم يامحرم







5
آنه زينب والله حيرة
لمن أبقه بلا عشرة
بالله شوفي وين أديره
لو تركني أبو الغيرة
آنه أميرة وأبقه أميرة
حتى لو أمشي أسيرة

زينب العقيلة مصيبتي ثجيلة
يامحرم يامحرم







6
ريت هسه يحين موتي
ولا غريبة بدون أخوتي
ربي اقبلها دعوتي
ياحياتي وياسلوتي
بعد خدري وكل عزوتي
كلها تسمع هذا صوتي

فركة الحبايب تتركت المصايب
يامحرم يامحرم

شطره
امجد صاحب الشطري

https://www.tg-me.com/oydgh

ليلة 2 محرم

زاير مشتاق أروح الكربله
زاير مشبوحة عيني وهامله
زاير يايوم قبرك أوصله

1
أنا المشتاك حبيبي حسين أطوف عليك بالحضرة
ذبحني الشوك إلك ملهوف الفرج يايوم انتظره

ياروحي ودوه جروحي
ياحزني وسبب نوحي
يحسيني

عمري بدونك شيسوه
بعيني الدنيا مو حلوة
يحسيني

قلبي يابو علي محتاج إلك
قلبي كل يوم ظل يتخيلك
قلبي هجرك ولا يتحمله

2
أروح الوين يماي العين بس أنت إلي مأوى
بدونك راح حياتي أتضيع وروحي بيش تتروه

حسين أنت كحل عيني
من أعطش ترويني
ياروحي

ياموطن نبض قلبي
عيني لقبتك تربي
ياروحي

غالي حتى أغلى من روحي وهلي
غالي عمري إلك يابو علي
غالي وأنت العمر تستاهله
غالي

3
الهجر مرات يفت الروح شيصبرني على الفركه
غزاني الشيب وسنيني أتمر وأعد أيام للملكه

خوفي تخلص أيامي
وآنه بحسرة الضامي
ياعمري

قلبي الونه خانكته
ويـاك التقي يمته
ياعمري

روحي محتارة كل هذا الزمن
روحي تتمنى تكعد بالصحن
روحي يوم الفرج تتأمله
روحي

4
أكول شلون غيري يزور وآنه لهسه مازرتك
آنه عطشان اجيك ازحوف واكعد سيدي بجنتك

أرد أتخيل الذبحة
ورأسك من عِلّه برمحه
والحسرة

وأتخيل كسر ظهرك
وذاك إلي سحك صدرك
والحسرة

أبالي يحسين ذبحه منحرك
أبالي صبرك وكطعت خنصرك
أبالي سبي الحرم والعايله
أبالي

5
أنا منيتي جنت كطره أروي قلبك الضامي
أنا منتي جنت خيمة أفي الجسمك الدامي

ليش أنت بلا ناصر
وبصدرك الف حافر
حاجيني

ليش أنت بلا خيمة
وزينب ساكنه الهيمة
حاجيني

صعبة بالسيف حزوا ركبتك
صعبة بس العقيلة حضرتك
صعبة بذيج الخرابة مدللة
صعبة

6
آيا مذبوح آيا عطشان آيا مسلوب آيا حاير
بجاه إلي نذبح بيدك جعلني بهالسنة زاير

اقسملي يبو أرقية
احضر لأربعينية
مشاية

بهاي تفضل عليه
عبدك عاقد النية
مشاية

امشي والعلم بيدي شايله
امشي وقبرك بعيني اتخله
امشي تصيح المواكب ياهله

شطره
امجد صاحب الشطري

https://www.tg-me.com/oydgh

ليلة 2 محرم

بروحي أذن منحرك
كل حياتي أستشعرك
بيه جمرة عاشرك
وآه حسينا

1
ياسبب شوكي يابداية كل عشك
تدري من دونك قلبي يوكف مايدك
روحي جن خيمة وبغرامك تحترك
روحي جن خيمة

أنت علمت القلب من يذوب ومن يحب
شما حمل من الزمن يصبر وماينسحب

قلبك الضيّف سهم
مالبس ثوب الوهم
كل جرح بيك أبتسم
وآه حسينا

2
تنتهي الدنيا وأنت اشوفنك صبح
ماشفت مثلك جبل والوادم سفح
أنت لو غيرك عدل والرأس برمح
أنت لو غيرك

أنت لو ميت صدك عاشت الدنيا بوهم
وجان أسمك ينمحي ولايرف ذاك العلم

أنت بعدك مامتت
سيد العالم صرت
آنه من يمي صحت
وآه حسينا




3
الحب نعم غالي بس غرامك يختلف
حيرت كُلشي ومدري بيمن تنوصف
يجف مي زمزم بس حنينك مايجف
يجف مي زمزم

آنه ماشايف ضمة يجري بجفوفه نهر
ومره يتحول نده وينزل يبوسه المطر

روضك وحبك عذب
بكل كتر منك يصب
بيك الكه شما أحب
وآه حسينا




4
حسين هذا أنت ردت بإحساسي أخبرك
يمي كل لحضة ياحبيبي أتصورك
آنه مو ناسـي حتى يوم أتذكرك
آنه مو ناسي

ياحسين من المهد بدمعتي انطيتك وعد
لو أظل عظم وجلد والله ماعوفك أبد

حسين روحي بحاجتك
خلها دوم بخدمتك
رحمه الله رحمتك
وآه حسينا





5
قلبي يسبكني قبل ليلة مأتمك
واعتني بحزني وصفن شلون أخدمك
أسرح بنوحي بكل ليالي محرمك
أسرح بنوحي

لو أذان الطف عله روحي أحسها بكربله
مره يم زينب تون ومره يم العايله

بعد جم ليلة أنتظر
واخسف عليك الصدر
هاذي فرصه من العمر
وآه حسينا



6
شما كبر عمري والأيام أتقدمن
أحضر مصابك وأحمل الهم والمحن
ثوبي الأسود كون يتفصل جفن

ريت وآنه بمنبرك موتي يتقرّب إلي
ينختم عمري الكضه بخدمتك يابو علي


الموته رادها أنا
أنتظرها بكل سنة
موتتي بدربك هَنَه
وآه حسينا

شطره
امجد صاحب الشطري

https://www.tg-me.com/oydgh

ليلة 3 محرم

شلون انطاني قلبي أودعتهم
ضيعني زماني وضيعتهم
أريد أحباب قلبي بهل مسيه
لا عبد الله يمي ولا رقية
ما أصبر بعدهم

1
أهلي لمن ودعتهم والله دلالي أنعصر
سافروا للغاضرية ومارحم بيه السفر
كالو الأكبر يردلج أنتي ضلي أعله الأثر
لا علي الأكبر أجاني (ولا رجع منهم خبر)

مايدرون بيه آنه العليلة
غير حبابي ماعندي وسيله
لا أم لا بو ظلو إليه
لا عبد الله يمي ولا رقية
ما اصبر بعدهم

2
هاي أول مره بيتي يصير من عدهم خلي
للنجف صدت عيوني وصحت أحضر ياعلي
وحشه صار البيت وحشه ولا بقه واحد إلي
كل صبر بالروح ماظل (من بعد غيبة هلي)

آنه الماعرف كلمة الحيرة
ليش اليوم ماعندي عشيرة
كلهم سافروا للغاضرية
لا عبد الله يمي ولا رقية
ما اصبر بعدهم






3
عيني مشبوحة لدربهم ماخلص منها الدمع
من الصبح للمغربية أنحب وماكو نفع
هم بعد نرجع سويه ابيت واحد ننجمع
لو ظل كل يوم اتناني واصبر بهذا الوضع

وين حسين ابويه اليوم أريده
مامعقولة يتردني وحيدة
مشتاكه احضنه بثنين أديه
لا عبد الله يمي ولا رقية
ما اصبر بعدهم






4
طول عليه سفرهم والقلب حس بخطر
لن أجه بشر ابن حذلم جايب من هلي خبر
كتله سولفلي يعمي وين ابويه والكمر
البقه براسج يكلي (حسين محزوز النحر)

يمشي ويصرخ بدمعت حنينه
مات حسين يا أهل المدينة
آنه إلي صرت بعده ضحية
لا عبد الله يمي ولا رقية
ما اصبر بعدهم






5
ساعة الناده المنادي والله كل حيلي أنهدم
ظل يسولفلي عليهم كلي حركوها الخيم
كلي جاسم سال دمه وعلي كل صدره نهشم
وكلي عمج كطعو أديه وعينه طفوها بسهم

كتله حسين كلي انكطع رأسه
بالتربان جدم الخيل داسه
يعني الغالي نايم عالوطية
لا عبد الله يمي ولا رقية
ما اصبر بعدهم






6
تالي رد ليه ضعنهم بس حرم بالقافلة
حتى عبد الله ورقية ما أجو من كربله
طفله بالشام أدفنوها وطفل صابه حرملة
وآنه حال الضيم حالي (ياوضع أتحمله)

شلي بدنيني من بعد أخوتي
كون عليه كون يحين موتي
حكها الروح حنت للمنية
لا عبد الله يمي ولا رقية
ما اصبر بعدهم

شطره
امجد صاحب الشطري

https://www.tg-me.com/oydgh

ليلة 4 محرم

بعدك ماشفت الراحة يشهد ربي
عيني بدربك مشبوحة ويرجف قلبي
ذابت روحي وما ادري المن اربي
يبني الغالي

1
يوم السافر ضعنك يوليدي
اذكر يبني ضميتك بيدي
كتلك ياروحي وشمعة عيدي
فوك أولادي مرخوص أوريدي

يبني دهري ذبني يبني

يمي وحسيت عيونك بيهن غربة
كتلي راح أمشي بضعني وكتلك صعبة
قلبي بدونك مايكدر ارحم حبه
وارحم حالي


2
جانت نضراتك ماتسعدني
مره تضم صدري ومره تشمني
حسيت بقلبي ظل يوجعني
ناديت أسم الله أعله حسين ابني

روحي نوحي جروحي شتوحي

حادي ضعونك ظل حاير بيني وبينك
شاف جفوفي أعله جفوفك وعيني بعينك
يمي وذبحتني الفركه وكتلك وينك
يا آمالي





3
آنه أدري عليك طويلة السفرة
وأكثر عل عيله صعبة وخطرة
خوفي يمنعون أعليك الكطره
وعبد الله أوليدك منهو يعذره

ضامي دامي رامي ضامي

خطواتك بيهن حيرة وكسرة خاطر
آنه ادري الشاغل بالك يوم العاشر
باجر يوليدي بصدرك يسحك حافر
وتشغل بالي





4
من ذاك اليوم وآنه اتنطر
تفرحني بجيتك يابو الأكبر
بن حذلم جاني وكلي موذر
جسمه مكطعينه وبلا منحر

حاله شحاله وصاله كباله

كال الرمح بنص رأسه وسهم بجبده
وكل أضلاعه مهشميها ونايـم وحده
زينب مذهولة كباله تريد اتكعده
ودمع يلالي





5
كلي هضموها حسين عياله
وبحبل أنجرت كل أطفاله
وعباس الكافل بأصعب حاله
يم جسمه يمينه وحتى شماله

صرعة وتنعه البضعة تودعه

ولدّي وأهلي وكل ناسي لا متهمني
أكثـر واحـد هــو أنـت إلـي هاضمني
كبلك كون أمشي الموتي ولا تفجعني
وترد خالي






6
زينب من بعدك كالو ضاعت
ورقية بنيتك عكبك ماتت
والراية الخضرة أعله الشط طاحت
بجفوف عضيدك تخفك جانت

حيرة جبيرة بديره حيرة

كالو كل خيمة بطفكم ماخلوها
وزينب تركض من عدهم ويلحكوها
ناس بصوط يضربوها ويشتموها
بنت الوالي

شطره
امجد صاحب الشطري

https://www.tg-me.com/oydgh

ليلة 5 محرم

مسلم اليوم أنتصاره حيدري
عالقصر كاتب عبارة حيدري
بالكوفة. وضع أسمه للغالي. نطه دمه
حيدري

١
هذا من حيدر منهو اليكدر أيرده
شايل الراية وأسم الطاهرة بزنده
وحده بالكوفة وينه اليوصل الحده
ثابت بزوده ولا مره خِلَف وعده

بيده محفوظة الرسالة ياعلي
يهتف بساحة نزاله ياعلي
من حيدر خذه عزمه للغالي نطه دمه
حيدري


2
بكل وجه يصفن يعرف معدنه وسره
روحه للظالم لو روحه مع الزهرة
جنه أبو الحملة من يصعد على مهره
الما يجي بسيفه حتماً يذبحه بخزره

ناشر الراية أعله أيده رافضي
اليشرد يلوحه ويصيده رافضي
والهارب يجي يمه للغالي نطه دمه
حيدري







3
سيطر عليها وحده وزلزل الكوفة
خله بالعالم ريبه وبالزلم خوفه
منهو يتجاسر يحمل سطره جفوفه
كالبحر هايج كل الوادم تشوفه

حيدرية وفاطمية غيرته
من الثره لحد الثرية غيرته
للظالم حجه كلمة للغالي نطه دمه
حيدري







4
من أجه الطوعه كالتله يبو الغِيرة
نشمي أعرفنك يبني وطيب السيرة
أهجم عليها وخلي الوادم بحيرة
مسلم تبسم وارتفعت تعابيره

كلها يابنت النجابة أبشري
سيفي ينطيج الإجابة أبشري
ماينطي ولا رحمة للغالي نطه دمه
حيدري







5
كالوا هوايه وكالت طوعه محلوله
بيده وبعزمه يردم ذوله وي ذوله
مايرد مسلم بيده الراية محمولة
حالف بحيدر يلعب بالخصم جولة

مسلم يذل المراجل بالوغى
من ينادي يابو فاضل بالوغى
بالكوفه عله نجمه للغالي نطه دمه
حيدري







6
بالقصر جانت آخر لحظة من عمرة
كالو تبايع كلهم بالدمه العِشرة
كالوا نذبحك كلهم كون ألف مرة
آنه ماعوفن عهدي لآخر الكطره

شافو بدمه العقيدة وابتسم
حكمو بكطعه وريده وابتسم
وبموته نسه همه للغالي نطه دمه
حيدري


شطره
امجد صاحب الشطري

https://www.tg-me.com/oydgh

ليلة 6 محرم

بلغ سلام العرش والتحية
ينصرهم الله رجال القضية
لبسو درع وحرام عن وحده الإسلام

1
ذوله من حيدر حبهم من الذر
ياعشكهم ياعشكهم
صوتهم كبر والظلام انطر
من غضبهم من غضبهم

بيدهم رف العلم وكفو كبال الخيم
حسين أبو اليمه أبتسم
(هذا حبهم)
أبو فاضل ناده اله هي هاي المرجله
ذولة ثمرة كربله
(هذا حبهم)

ذوله الأشاوس بعشكهم عقيدة
كل واحد أقسم يقدم وريده
يامعشر الظلام عن وحده الإسلام



2
حلوة لمتهم هاي غيرتهم
حيدرية حيدرية
الشرف ميزتهم وهاي شيمتهم
فاطمية فاطمية

همه ميزان الوفه والعلم والمعرفة
بشوكهم أجمل صفه
(رافضيه)

شافو الدنيا وَهَم هوسو أهل الشيم
للحسين انطو قسم
(للمنية)

صاح ابن ظاهر نسوي العلينه
وي المناحر نكطع أدينه
ونطبقت الإحكام عن وحدة الإسلام



3
الشمر جن ناده أيها القادة
أسمعوني أسمعوني
أخذو كل غالي واتركو الوالي
طاوعوني طاوعوني

عابس بصوته سمع كله حبنا بي جزع
تالي للعسكر رجع
(ماوصلهم)

حسين هاذي عيلته منو اليوصل خيمته
اله نسحك هامته
(من يصلهم)

حسين بخيامه يشوف ويراقب
حس بالشماتة ترد لو تحارب
ماقبلت أهل الشام عن وحدة الإسلام



4
منهو يوصلهم والكمر عدهم
بالحريبة بالحريبة
حصِد يحصدهم ويكص شاربهم
مو عجيبة مو عجيبة

شراح يحصل ياترى بزعل ثاني حيدره
راح تصبح مجزرة
(كلشي حاصل)

عن يساره ويمنته شاف أهله وصحبته
جون صاح بغيرته
(يابو فاضل)

بالهجمة الأولى كتايب خذوها
وبثاني هجمة الثياب انزعوها
ليلة الشمر مانام عن وحدة الإسلام



5
كربله هاجت بالجثث ضاكت
كل أرضها
الزلم بالواقع ضلت أدافع
عن عرضها

كلب عابس محترك يصيح جنني العشك
بجفه يطبكهم طبك
(ما يسامح)

ونافع وقيس وهب دينهم عالشر وجب
وابن ظاهر ماتعب
( سيفه جارح)

أهل العقيدة بأديهم أمانه
وأهل المذلة تريد الخيانة
ونتشرت الإعلام عن وحدة الإسلام


6
لضحو بدمهم حسين خلدهم
بالنهاية
لهذا موقفهم الله كرمهم
بكل عناية

اليوم صار الهم أسم أعلى حتى من النجم
والله منهم والنعم
(هل المراجل)

وي ابو اليمه بقوا وبالطفوف استشهدوا
بالمذلة مارضوا
(الحكم عادل)

حسين الوفاهم تباها بصحبته
وخله كبرهم يصير بحضرته
ذوله إلي رفعو هام عن وحده الإسلام

شطره
امجــــد صاحــــب الشطــــــري

https://www.tg-me.com/oydgh

ليلة 7 محرم

يازينب من الفرات الخيمتج أبعث سلام
يازينب كطعوا أديه وعالنهر صار الختام
من دم وريدي ينكتب عذري
يـم الشريعة خاتمة عمري



1
آنه ذاك اليوم من خذت الوعد
شلت سيفي ورايتي وصحت المدد
الوصية تكفلتها من الأسد
طاحت جفوفي وبقيت أعله العهد

ماهمني كثره عدهم بالوغى وذيج السيوف
ماهمني عندي المهم نصره عضيدي بالطفوف
شما تسحك خيول العدة بصدري
يم الشريعة خاتمة عمري


2
من رحت من الخيم صوب النهر
خويه عالاطفال دلالي انفطر
منهو يروها إذا ظهري انكسر
حيرتي حيره يبت فارس مضر

ياروحي لو شفتي من أيدي هوه وطاح العلم
ياروحي كولي أبو الغِيرة فطر جبده السهم
ميطيب جرحي وينجبر كسري
يم الشريعة خاتمة عمري



3
أنتي من حشمتي ياغِيرة علي
كلتي أريد الماي كلت أدليلي
خيمت عالشاطي وأصبح كله إلي
ماشربته وبيدي جان أتخيلي

بجفوفي من غرفت غرفه عطش هزني الحنين
بجفوفي شلون اشربه وضاميه أطفال الحسين
آنه شغلته وماشغل فكري
يم الشريعة خاتمة عمري



4
مليت جودي من النهر وتوكلت
شفت آلاف الزلم وتبسمت
قاتلهم وبمنيتي آنه أعلمت
بذاك عامود الحديد اتصوبت

غدروني وتصوب الجود بسهم يم الفرات
غدروني وللجية جانت كل بناتي مناطرات
بهذا غدرهم ماجنت ادري
يم الشريعة خاتمة عمري


5
جفوفي طاحت لكن أبالي الحرم
ذكرت سكنه أبنيتي ونسيت الألم
شلون اشوفنكم وانه بعيني السهم
منين درب الخيمكه يهل الرحم

ياخويه مابيدي حيله والجفوف مكطعه
ياخويه ذبحوا كفيل العايله أعله المشرعة
هليلة بيه مارحم دهري
يم الشريعة خاتمة عمري



6
قرب موتي يالعقيلة وسلمت
وللحسين بهذا حالي توجهت
منج ومنه يخويه تعذرت
وأدري مقبول اعتذاري يالاخت

لحسيني منذوره روحي وبالمهد منطي ولاء
لحسيني والليلة وفيت العهد في كربله
يم قبره باجر يرتفع قبري
يم الشريعة خاتمة عمري

شطره
امجــد صاحــب الشطــري

https://www.tg-me.com/oydgh

ليلة 8 محرم

جرح فركاك شيبني جرح فركاك
أخذني وياك آه يبني أخذني وياك
أريد اقضي العمر يمك
اخذ روحي يبعد أمك

1
أنا الوليت أنا الداريت آنه إلي سهرت برباك
معقولة تروح أبعيد وتريد اتصبر بلياك
يجاسم والعمر شيفيد من نتفارك آنه وياك
تضيع سنيني والأيام يبني وبعد وين الكاك

لون تروح من أيدي لون تروح
تزيد أجروح يوليدي تزيد أجروح
أبد ماينوصف همك
أخذ روحي يبعد أمك



2
القلب من طبعة مايرتاح من ايفارك الأحباب
أمس راح الابو واليوم جبدك بالسهم ينصاب
حسبت حساب كل فركه لرحيلك ماحسبت حساب
بعد وكتك يماي العين تتركني وتسد الباب

ذخر دنياي هو أنت ذخر دنياي
رحت بهداي وبسكته رحت بهداي
خلص قلبي وخلص حلمك
أخذ روحي يبعد أمك



3
جنت كل يوم أصبح بيك وأمسي عيوني بطيوفك
يجاسم وتعرفني أحتار إذا فد يوم ماشوفك
لو بيدي يصح هليوم الزمك يبني ماعوفك
خوفي ماتردلي ردود وسيوف الخنه اطوفك

أفكر بيك بالمصرع أفكر بيك
دليلي عليك يتكطع دليلي عليك
قبل موتك صحت باسمك
أخذ روحي يبعد أمك




4
جان بنفسي ياجسام عريس آنه اشوفنك
احنيك والبسك ثوب يبني وبيدي ازفنك
لكن شاءت الأقدار يوم الطف أودعنك
رحت يوليدي مني بساع وقلبي ماشبع منك

ألابنها يروح من عدها ألابنها يروح
تعيش بنوح دنيتها تعيش بنوح
حلم عمري انتهى بهمك
أخذ روحي يبعد أمك




5
الماي أعله الرمل لو سال من الرمل شيلمه
هذا أنت طحت عالكاع وجسمك سابح بدمه
شيردك بعد والخيل كامت جرحك تلجمه
كل هذا الجره وتصيح فدوه لعين أبو اليمه

نذر لحسين كل عمرك نذر لحسين
بعد لاوين انتظرك بعد لاوين
أرخصت روحك لأجل عمك
أخذ روحي يبعد أمك




6
عفتني وماخذتني وياك بعدك منشده بالي
يغالي شلون أنام الليل وأنت مكطع كبالي
حلم عمري نذبح بالسيف وهو أنت الحلم مالي
مايحلى العمر بجفاك بس الونه تحلالي


بعد هيهات اشوفنك بعد هيهات
حملت آهات من حزنك حملت آهات
على الرمضه عفت جسمك
أخذ روحي يبعد أمك

شطره
امجد صاحب الشطري

https://www.tg-me.com/oydgh

ليلة 9 محرم

أنا موتٌ للفُجّار أنا بُركانٌ مِن نار
بيدي سيفُ الفُقار والكرار هو ديني

1
علي الأكبر أنا وحامل لوائي
أنا الجندي الحسيني والفدائي
لون مايكفي صوتي ارخص دمائي
لأجل دين الله مابيعن ولائي

ياعلي ياولي للأبد معتلي

وَهَب الله الجبار غضباً يا أهل العار
قد حان الاستنفار والقهار يحميني



2
خذت شمرت علي سيد المراجل
أهز الدنيا كلها من أقاتل
صحت في نينوى هل من مُنازل
غدت سكته وكلت وين الفطاحل

غيرتي شيمتي نخوتي بعزتي

أرى مابين الإغراب هرعٌ هربٌ ونقاب
فلهذا الاستحباب برز الشاب بيقيني



3
الشمر صد ليه وبعيني خزرته
سألني وجانت جفوفه بركبته
يكلي أنت النبي لو ياهو انته
ينسخه حيدره حتى بوكفته

حيدري بمظهري والنبي بناظري

أنا من بَدرٌ وحُنين أنا خيبر والحَسَنَيّن
ياترى أنت من أين فمنَ العين تكويني



4
برز واحد إلي وشد الحيازم
يكلي آنه الفحل بكر ابن غانم
كلتله آنه علي ابن الزهرة فاطم
لاشوفك ضربتي بهاي الملاحم

من النحر انطبر وانتشر هالخبر

فهنا حان الميعاد عجباً صاحَ ابن زياد
أعلياً هذا عاد ! فالأمجاد تغزيني



5
اجعلت طف كربله محبس بديه
منو اليكدر بعد يقرب إليه
أحاجي أهل الخنه وترد عليه
بعد مابينه حيل أعله المنية

محيرة محاصرة والذبح بالسره

غَرقت أرض المَيدان بجماجم والطوفان
يومَ المحشر قد حان والشجعان ترويني



6
خبر عاجل طلع والكل تذيعه
علي سد الهوى وسد الشريعة
عليهم ضاكت الدنيا الوسيعه
الشمر رد خايف يكود بقطيعه

صارمي فاطمي للحسين انتمي

فهنا وسطُ الهيجاء قرعَ السيفُ البيداء
لأبي لبيتُ نداء ومن الله تمكيني

شطره
امجــد صاحــب الشطـــري

https://www.tg-me.com/oydgh

ليلة 8 محرم

شبيها مكلوبه الأرض ويالسمه
علي الأكبر زعل لو حامي الحمه

1
عجت أرض الحومة واهتز الفله
وشردت امن الخوف أهل المرجلة
الدنيا مالت مدري مالت كربله

كلها صاحت هي هاي الخاتمة

2
نزل واحد صوته بالحق يعتلي
وينه اليكول آنه زلمه يدنه إلي
ناس كالت شنهو رد حيدر علي

مادروا لأكبر ظهر بالموزمه


3
من وصل صوب الشمر هذا الخبر
رجع للخيمة وبديه ضم النحر
شاف مو واحد على مد البصر

شاف جيش بأكمله وشوفه أنعمه


4
بالمعسكر من ترك موطئ قدم
رفعه سيفه وشخص واحد ماسلم
جاب ابن غانم هديه للخيم

رأسه للحسين وعمامه قدمه



5
حين كله بيمنته الجيش أنطوه
عالجماجم أذن ودك اللوه
ناده بعد السيف ضامي وماروه

يريد يملي الحومة طوفان الدمه


6
سيفه كراري حصد بيهم حصد
والمراجل منه ظلت تبتعد
للمخيم ماقبل لاكبر يرد

اله يكضيها الجيوش الآثمه



7
قاتل وذل الزلم وأهل البدع
والشمر بالخيمة باقي وماطلع
الهوى والماي عالجيش انكطع

لعب بيهم لعب ضنوه فاطمة

8
كال لو بالحومة اظلن وحدي
ماعوفن عهدي واترك والدي
آنه وي جدي الصميدة موعدي

بالشهادة العمر رايد اختمه

شطره
امجد صاحب الشطري

https://www.tg-me.com/oydgh

ليلة 10 محرم

آخر ليلة وياج باجر بين عداج
يازينب ضميني يازينب ودعيني

1
هليلة آخر ليلة يختي الحرة
يازينب بصدري مصايب كَثرة
باجر اخوج الخيل تهشم صدره
باجر يذبحونه عزيز الزهرة

عيالج تصبح وين من يروح حسين
يازينب حاجيني يازينب ودعيني



2
وكت الظهر باجر يسلوة حيدر
من الخيم خويه عجيب المنظر
جسمي سليب أعله الثرى بلا منحر
وضلوعي كلها من السحك تتكسر

ماترحمني الخيل تأخذ مني الحيل
يازينب شميني يازينب ودعيني



3
ماهمي موتي خويه يمج همي
ماريدج تشوفيني ضامي ومدمي
ماريد سكنه الطفلة توصل يمي
خافن تموت بيوم تنظر جسمي

خويه خذيها بعيد وخفيها أعله يزيد
يازينب سمعيني يازينب ودعيني



4
باجر يخوية أمرج صعب تفسيره
وحدّج بالحومة يزينب حيره
يم النهر مذبوح راعي الغيرة
أنتي محنتج يالحنينه اجبيره

مايحضر عباس مهشم منه الرأس
يازينب عذريني يازينب ودعيني



5
من الخيم باجر تفر العيله
وسوط الشمر يركض عليها بحيله
عيالي تنوح ودم دمعها تسيله
الله يعينج بين رملة وليله

مابين الرضعان مابين النسوان
يازينب ضي عيني يازينب ودعيني



6
باجر يزينب نار تسعر كبره
وخدرج يروح ولا عضيد أيحضره
خليني اخبرج لو مشيتي ميسره
اوصيج بعيالي البقت يالحره

من لوعات الشام بالج عالايتام
يازينب وافيني يازينب ودعيني

شطره
امجد صاحب الشطري

https://www.tg-me.com/oydgh

NOW ON #AlSaqi_Media YouTube channel
-
My Beloved Hussain
Mulla #Ali_AlZuhairi
_
الآن على قناة اليوتيوب ( الساقي ميديا )
محبوبي حسين
اداء : الرادود #علي_الزهيري
كلمات : امجد صاحب الشطري
هندسة صوتية وتوزيع : محمد مصباح
المكان : هيئة ام البنين | ديترويت
-
#الساقي_ميديا #علي_الزهيري #muharram
#محرم_١٤٤٦ #محرم

https://youtu.be/W2d_EWqZqio?si=b83DxlM_0JxO3HsR

جديد محرم 1446
قصيدة ( وينه وعدك )

🎙️ أداء الرادود
الملا علي المعراج

🖋️ كلمات الشاعر
أمجد الشطري

🎛️ الهندسة الصوتية
م. محمد الخنيزي

🎼 التوزيع الصوتي
سيد محمد الكاظمي

📝 مخطوطة
حسين مقيم

📝 مخطوطة المستهل
علي صالح

📝 ترجمة
حسن القطري

🎥 تصوير
عبدالمحسن آل رشيد

📸 التصوير الفوتوغرافي
عيسى الصراف

🎞️ مونتاج وتنفيذ
مهدي سعد مزرعة

🎬 إخراج
أحمد الصفار
Zone Studio

🚩 الرعاية الإعلامية
الحوراء ميديا

للمشاهدة Youtube 📽️
https://youtu.be/6mIInWieQuA? si=GcrMCByx4KH9BdTl

يم الحسن هَلّ عاشور واحزام اله شدينه

١
امحرم يزهرة اعله الجمر ننتظرة
نلبس الاسود لمن ايطر فجره
زلم المواكب تفتخر يالزهرة

هاي الخدامة بكل يوم هيبة وشرف تنطينه

٢
هذا الشعور بكل سنة يمر بينه
نعطش ويرجع مجلسج يروينه
ماردنه بس مرضاتج انتي اعلينه

وشكبره الحظه الينخاج وبمحنته تحضرينه

٣
بس الشريف اينول هاي الخدمة
يكله الفخر والرفعة وأعظم نعمه
وبدفترج يالزهرة ينضاف اسمه

وبكل حياته معلوم يافاطمة توفقينه


٤
نطلم صدرنه ونضرب اعله الهامة
واجب مقدس عدنا رفع قامه
وحسين احنا بكل وكت خدامه

والي يخدمه باخلاص بعيونج تشوفينه


٥
مادام عدنا محبتج والمنبر
نقسم بضلعج والله مانتغير
لاجل الشهيد حسين نفذي المنحر

واليفدي دمه لحسين بالحشر ماتنسينه

٦
هذا الشعار بدمنه لا منبعيه
شيعة علي ونتفاخر احنا شعية
كل محب من دم النحر توقيعه

هذا العهد ماننساه وياوليه اليعادينه

ناصرية
٢٩ ذوالحجة ١٤٤٥
امجد صاحب الشطري

https://www.tg-me.com/oydgh