سافر حبيبي - جمعه حامد
https://youtu.be/2nG2YcAIyrY


عنوان القصيدة : يا روحي


الرادود : #جمعة_حامد
الشاعر : #أمجد_الشطري

• حسينية خدام فاطمة الزهراء (ع)

| ليلة ٤ محرم الحرام - عام 1445 هـ - 2023 م |

________

مونتاج : محمد الطائي
مكساج : حسن مرهون

________

تصوير :
يونس سعيد
مصطفى سلامة


اضاءة
يوسف عادل
يوسف حلاوه

ديكور
عبدالله البلام
محمود علي

اخراج :
خادم الزهراء (ع)


إنتاج : حسينية خدام فاطمة الزهراء (ع)

بالطشت جابو حبيبي
ستقبلت رأسه بنحيني
آنه رقية اليتيمه يغالي

1
من نمت وسط الخرابه
وادم كبالي غرابُه
من حسرتي أتصب دمعتي
كمت أنادي وينه بابا

لن أجه واحد سطرني
أيدي مجروحة ويجرني
راحت معزتي وعزوتي ودلالي
آنه رقية اليتيمه يغالي


2
حين جابو رأسه إليه
كتله بويه آنه رقية
وين جسمك جاي أكلمك
ليش ساكت رد عليه؟

بويه هذا أنت عجيبة
شيبتك حمرة وخضيبه
افتحلي حضنك تره حضني خالي
آنه رقية اليتيمه يغالي


3
هـذا رأسه كعدت يمه
عالجرالي صرت أكلمه
شفافه حمرة بكصته طبره
حرت أبويه منين الزمه

خاف أبوسنه والجمة
والله مشاقة أشمه
طحت أعله رأسه ودمعتي تلالي
آنه رقية اليتيمه يغالي


4
منين اسوالف بالفجيعة
كلته بعدك ضعت ضيعه
حالة صعبة وديره غربة
وعمي جفينه كطيعة

من صحت عمي أجوني
من كلت وينه اضربوني
محد بدليلك يحن أعله حالي
آنه رقية اليتيمه يغالي



5
من طحت عالغبرة تدري
اكـو واحد رفس صدري
مارحمني وهم سطرني
وبسطرته كسر ظهري

جرني وآنه أبجي من أديه
ينادي هاي أصغر سبيه
بالخيل اجتني الظليمه حوالي
آنه رقية اليتيمه يغالي



6
هاي آخر ليلة عندي
ما أريدن أبقى وحدي
من أضمك من أشمك
الموادع راح يبدي

أمنتي يابويه بحياتي
تدنه يم راسك وفاتي
خليني يمك يشغالي بالي
آنه رقية اليتيمه يغالي


7
كل حياتي ماكو راحة
قلبي ذايب وي نياحة
روحي طلعت واستقرت
يم حبيبي ويم جراحه

تالي بالغربة ادفنوني
تالي كل أهلي تركوني
راح حياتي وضعت باليالي
آنه رقية اليتيمه يغالي


شطره
امجد صاحب الشطري

https://www.tg-me.com/oydgh

بويه أحاجيك ساكت شبيك!
روحي هليوم حنت عليك

1
بويه يارجواي كلمة أحجي وياي
خلي أسمعك
هذا أنت حسين لو اجذب العين
صعب وضعك

شفافك مفطرات عالوجن لجمات
ابجبهتك ضربات شحال ضلعك !

خنصرك ضاع يوم الوداع
هاي الأوجاع ادري تأذيك



2
يانضرعيناي جيب ليك الماي
أرد أشربك
نحرك الذبلان أدري بي عطشان
ضامي قلبك

صد عليه وشوف هالدمع مذروف
عشت عمري بخوف وآنه جنبك

بدونك شلون ضلمة العيون
ياضوه الكون يهزي طاريك


3
جم صباح الخير منها راح الخير
من عفتني
صعبة عني تروح هواي بيه جروح
المتني

انذبحت الأحلام ضعت بالأيام
بويه والظلام شيبتني

ولدج مات وماكو خيمات
حجي الشمات سهم يرميك



4
خلي أموت وياك شسوه أنه بلياك
هالمسيه
السوط لو بي روح يرحم المجروح
من الاذيه

السلب ترجيات اليهضم بنيات
يحقد بلا ذات وي رقية

بويه يحسين أشافت العين
ابتدي منين بيه لو بيك



5
خلي اشبكك حيل لايجينـــي الليل
أرد أشمك
اغفه وبلا صوت من يجيني الموت
آنه يمك

بالخرابة أهنا موتي أتمناه
راسك ويدماه بلايه جسمك

روحي وياك بكربله هناك
وجسمي بالشام هم يواسيك

بغداد
امجد صاحب الشطري

https://www.tg-me.com/oydgh

على شفافـك ضمه وعينـي دمـه أتلالـي
يخويـه شلـون أشـربـك والـرمـح عالـي

1
وكـت ما عـل الهـزل يبن أمي ركبونـي
نزلـت مــن الهـزيلـــة أفقـــد اضعونـي
يجرونــي بحبـــل نوبـــة ويضربونـي
وعلـى نحـرك يخـويـه صـدت عيونـي

عفتنـــي بحـيرتــي ومـحـــد إلـــي تالـي
يخويـه شلـون أشـربـك والـرمـح عالـي




2
مشينـه ومن مشينـه إحساسي ظل ينعـه
تـــذكـرت الأصـابــع مــن بـقــــن تسعـة
صحـت يحسيـن صـاح الشمـر شيرجعـه
اخــــوج آنــــه بــديـــه زينــــب مقطعـة

الشمـــر طـــول الـــدرب مـاراحــم بحالـي
يخويـه شلـون أشـربـك والـرمـح عالـي



3
يخويـه النـذل شربـت مــاي جـاب ألنـه
رحـــت اسقــــي رقيــــة وبيـــه تتهنـه
فتحـت الجربـه بيــدي وصاحــت بونـه
شـلون أشــرب وأبـويـــه منحـرم منـه

أشربــه المـــاي لمـــــن يرتـــوي الغالـي
يخويـه شلـون أشـربـك والـرمـح عالـي



4
علـى درب السبـي مـرة وكــف راسـك
كلت يمكــن حجــر مــن النــذل جاسـك
ركضت عليـك أبجـي وأنظـر إحساسـك
شفــت شهكــه نفــس ماهيـه بأنفاسـك

كلـت طفلـة اوكعـت شفــت الضعــن خالـي
يخويـه شلـون أشـربـك والـرمـح عالـي



5
الرمـاح اشـكــد ولـكــن رمحــك بعينـي
تصـدلــي بمنحـــرك وتكلــي أعذرينـي
أستحيـت حسيــن أكــلك متنـي ياذينـي
خـاف اشكــي ويجــــي الجـلاد يعمينـي

تـــراهــا أمتــــونــــي مــاتتـــراوه يغالـي
يخويـه شلـون أشـربـك والـرمـح عالـي



6
رقيـــة بالـــدرب راســك يصـــد ألهــا
ما أدري بنظــرتـــك خويـــه شتكلهــا
كلـــت لازم أروحــن يمهــا واسألهــا
شفــت دمعتهـا كلمــا تصفـن اتهلهــا

أثــاري الصفـنة سفــرة وخــابـــت أمالـي
يخويـه شلـون أشـربـك والـرمـح عالـي


7
علـى طـول الــدرب ماغمضــت عينــك
تراقــب محملــــي وضعني صـــواوينك
تعــال شكـد صحــت مـن ذبحــو سنينك
كافي أنضـرب وأصــرخ يخــي وينـــك

منـــو غيـــرك بعــــد يبـــن أمــي يحلالـي
يخويـه شلـون أشـربـك والـرمـح عالـي


شطرة
امجـــد صاحــب الشطـــري

https://www.tg-me.com/oydgh

حيدري - جمعه حامد
https://youtu.be/8CSIBRIAxdQ


عنوان القصيدة : حيدري


الرادود : #جمعه_حامد
الشاعر : #أمجد_الشطري

• حسينية خدام فاطمة الزهراء (ع)

| ليلة ٥ محرم الحرام - عام 1445 هـ - 2023 م |

________

مونتاج :محمد الطائي
مكساج : حسن مرهون

________

تصوير :
يونس سعيد
مصطفى سلامة


اضاءة
يوسف عادل
يوسف حلاوه

ديكور
عبدالله البلام
محمود علي

اخراج :
خادم الزهراء (ع)


إنتاج : حسينية خدام فاطمة الزهراء (ع)

شيبت الراس - جمعة حامد
https://youtu.be/grGrUtKxHIM


عنوان القصيدة : شيبت الراس


الرادود : #جمعه_حامد
الشاعر : #أمجد_الشطري

• حسينية خدام فاطمة الزهراء (ع)

| ليلة ٧ محرم الحرام - عام 1445 هـ - 2023 م |

________

مونتاج :محمد الطائي
مكساج : حسن مرهون

________

تصوير :
يونس سعيد
مصطفى سلامة


اضاءة
يوسف عادل
يوسف حلاوه

ديكور
عبدالله البلام
محمود علي

اخراج :
خادم الزهراء (ع)


إنتاج : حسينية خدام فاطمة الزهراء (ع)

#قريباً. #الى_كربلاء

الى كربلاء - جمعه حامد
https://youtu.be/r1Lnp9C77Ac


جديد قصيدة لزيارة الأربعين


الى كربلاء

اداء الرادود #جمعة_حامد

الشاعر #امجد_صاحب_الشطري

مونتاج وتنفيذ
سيد احمد البطاط

تصوير
يونس سعيد
مصطفى سلامة
عبدالله البلام

اضاءة
يوسف عادل
يوسف حلاوه

ديكور
محمود علي


التوزيع عقيل المنصوري

انتاج
حسينية خدام فاطمة الزهراء (ع) ١٤٤٥ هجرية

ليلة من العمر |
ليلة العاشر حوارٌ بين السيدة زينب ع والامام الحسين ع

اداء #الشيخ_حسن_خليفة
كلمات #أمجد_الشطري
-
القصيدة الكامله : https://youtu.be/Wk1fPzuU1Vc

آنه فاطمة الزهرة الحزينة
وينه الينحب أعله أوليدي وينه
صوتي من القبر صاح
راح أبني الحسن راح
هاي أعظم مصيبة



1
آنه فاطمة الليلة الحزن هدني
صوبني زماني بسهمه صوبني
صحت من ضيم قلبي بحسرتي ووَني
على أوليدي الحسن منهو اليساعدني

أبني بلا رحم سمو جبدته
وآنه من القبر جيت وحضرته
ناديت من الأرواح
راح أبني الحسن راح
هاي أعظم مصيبة




2
شسولف والزمن بيه ترك حسرة
من يوم الضلع والباب والعصره
حتى بقبري مامرتاحه هل مره
خبر موت الحسن بيه شعل جمرة

طبرت رأس أبو الحملة هضمتي
والليلة المصيبة شيبتني
ضلعي المنكسر صاح
راح أبني الحسن راح
هاي اعظم مصيبة



3
كريم أهل العبه كل ذنب ماعنده
بلا رحمة يعالم سمته جعده
بقه يعالج بداره ودمعته بخده
والسم ياوسف ظل ياكل بجبده

ينظر عن يمينه وعن شماله
راد حسين أخوه يمّه وحواله
من كثر الألم طاح
راح أبني الحسن راح
هاي اعظم مصيبة



4
على فراش المنية والاخو يمّه
وزينب كاعده بس تبجي وتشمه
تغير لون وجه ونحل كل جسمه
وهناه خلص نحبه أوليدي أبو اليمه

حسين يكله لا تمشي من أدينه
بعدك خويه منهو يحن علينه
هناه ناعي الحزن صاح
راح أبني الحسن راح
هاي أعظم مصيبة



5
بعد ماغسلوه راحوا يشيعونه
ويم قبر النبي انووا يدفنونه
بني سفيان اجو كلهم يمنعونه
حسافه والنعش بسهام يرمونه

أصحاب الغدر وأهل الخيانة
يم قبر النبي رفضوا دفانه
شيطيب هل الجراح
راح أبني الحسن راح
هاي أعظم مصيبة




6
أندفن مسموم أبني وحسرته بقلبه
من فعل الظلامه يشتكي الربه
إمام الشيعة قبره بلا صحن صعبة
يمته بعيني أشاهد للحسن قبة

باجر يطلع المهدي أعله ثاره
ويبني للحسن قبة ومنارة
وقلبي وقلبه يرتاح
راح أبني الحسن راح
هاي أعظم مصيبة

شطره
امجد صاحب الشطري

https://www.tg-me.com/oydgh

ســــلام ســــلام لحساسك وصبــرك
كـــــلام كـــــلام مايكفي عن عمــرك

1
سلمــت وعيـوني مصحوبــة بجرحــات
ياســـلام الله صحــــت يابـــو الكرمـــات
يالحســن فقــدك كســر قلـب السمـاوات
ليــش انـــت بــدون قبــــة ولا منــارات

حــرام حــرام تــألـــــم ابقبــــــــرك

2
جبــت عمــرك منهضـم مثــل الزجيـــة
انـــت مــن آل النبــــي رابـــع ضحيــة
مصيبتــــك بيهــــا تشـابــــه بـالرزيــة
ويلـــي مثــل الزهــرة هــم مالك بنيــه

عــذاب عــذاب منــه انكسـر ظهــرك
3

ليش وحشه إبلا ضوه ومطفية الأنوار
ليش قبرك يالحسن بـس كومـه أحجار
يمتـه أبــو صالـح يعـــود أيعمــر الدار
ولضـــريحــك نعتنـــي مشايـــــة زوار

نــزور نـــزور وتشوفنــه ابكتــــرك

4

أقــرب العالــم إلك مانصــــح ويــــاك
بيـك مافكــر عجيبــة شلـــون سمــاك
شنهو من وحشية عنـده اتلـوج خلاك
الله لاينطــــي الذبــــح جبــــدك وإذاك

شهيـد شهيـد مـن سلمــــت آمـــرك

5

نفــس تخطيــط الجريمــة والله صعبـة
بينــك وبيــن الحسيـــن اهويـه غربـة
نعشــك إسهــام الحقــد ظالـم يصـوبـه
بالنعـش انـت وعضيــدك وســط قلبـه

سهـام سهـام ماوصلـــن لصـــــدرك

6

غسلــــوك وشــالتــك أربـــع الحمـاميـل
بـس أبــو الأكبـــر ذبيــح ابغيــر تغسيـل
شفافــه ذبـلانــات نحـــره أيهــدم الحيـل
والصدر ويالترايب ساوته سحكته الخيل

تعــال تعــال شوف اشجــره بذخرك

7
ليــش يــانــاس الانحبهـــم مايضلــون
أهواي عدنه أحباب راحوا مايرجعـون
ياكريــم الضيـف ضيفـك دمـع العيــون
اظلـم الكـون برحيــلك ياضــوه الكـون

نمـوت نمـوت لكــن يضــل ذكــــرك

بغداد
امجــد صــاحب الشطــــري

https://www.tg-me.com/oydgh

راح الولد - جمعة حامد

https://youtu.be/sA0aLTC6yWU?si=71T5EPJHMlKG2-kb

عنوان القصيدة : راح الولد

الرادود : #جمعه_حامد
الشاعر : #أمجد_الشطري

• حسينية خدام فاطمة الزهراء (ع)

| ليلة ٨ محرم الحرام - عام 1445 هـ - 2023 م |

____

مونتاج :محمد الطائي
مكساج : حسن مرهون

____

تصوير :
يونس سعيد
مصطفى سلامة


اضاءة
يوسف عادل
يوسف حلاوه

ديكور
عبدالله البلام
محمود علي

اخراج :
خادم الزهراء (ع)


إنتاج : حسينية خدام فاطمة الزهراء (ع)

#بروحي
🎙️اداء🎙️
فــراس الأمير الكربلائي

🖋️كلمات والحان🖋️
أمجد صاحب الشطري

هندسة الصوت
صالح مقدم

اخراج
Saif Addan
مشاهدة العمل كامل

تم التصوير في موقع برنامج
(ذا شيعة ڤويس) لندن ١٤٤٤

👇🏽👇🏽👇🏽👇🏽
https://youtu.be/Zrd9JYuR37E?si=SY-veh27wkSDaGFO

صاحت مشاعرنا الولائية
موعدنا يوم الأربعينية


1
راية علي شيلوها يمشاية
وطف كربله تعنوها يمشاية
لزيارة لتفوتوها يمشاية
جلمة عهد وفوها يمشاية

هاي المسيرة تبقه شيعية
موعدنا يوم الأربعينية

2
صوت الكمر ناداكم يمشاية
كل الهلا وحياكم يمشاية
المهدي يمشي وياكم يمشاية
وأم الحسن ترعاكم يمشاية

تنادي الزجية بخالص النية
موعدنا يوم الأربعينية

3
الخطوة بأجر محسوبة يمشاية
تبقى وتظل مهيوبه يمشاية
كلمن كصد محبوبة يمشاية
مغفورة كل أذنوبه يمشاية

واجب عليك واجب عليه
موعدنا يوم الأربعينية

4
كلمن يجي بشواكه يمشاية
يم القبر نتلاكه يمشاية
زينب تجي أعله الناكه يمشاية
ونار القلب حراكه يمشاية

برؤوس الغوالي تمشي محنية
موعدنا يوم الأربعينية

5
كل موكب يحيكم يمشاية
عالموعد متانيكم يمشاية
وحسين يفخر بيكم يمشاية
طول السنة بطاريكم يمشاية

جمعتنا هالخدمة الحسينية
موعدنا يوم الأربعينية

6
أهل العراق تنادي يمشاية
من الجبل للوادي يمشاية
خدام لابن الهادي يمشاية
الكم فرشنه بلادي يمشاية

هاي الأرض بحسين محمية
موعدنا يوم الأربعينية

7
كل الطوائف قامت يمشاية
والدول كلها اشتاقت يمشاية
لحسين كصدت زارت يمشاية
والجنة نزلت طافت يمشاية

حفتهم الغِيرة العراقية
موعدنا يوم الأربعينية

8
يبقه العهد بدماكم يمشاية
للموت أحنا وياكم يمشاية
شكراً على مسعاكم يمشاية
وحسين ماينساكم يمشاية

كل عام نرفع جلمة قدسية
موعدنا يوم الأربعينية

شطره
5 صفر 1445
امجد صاحب الشطري

https://www.tg-me.com/oydgh

شد حيلك وكوم يزاير كربله

1
شد حيلك وتوكل للبقعة العظيمة
وأكصد صوب الجنة بإصرار وعزيمة
عطر حسين بمشيك راح يهب نسيمه
وشيخ أنصاره أيسجلك بجفوفه الكريمة

وأنت بالادين لوائك شايله
شد حيلك وكوم يزاير كربله

2
لتفوت هالفرصة هاي أعظم تجارة
عوف الدنيا وبالك تتركها الزيارة
كل هم ميظل عندك لو شفت المنارة
والما زار حسينه كل عمره خسارة

هاذي للأحرار رسالة عاجلة
شد حيلك وكوم يزاير كربله


3
ماظل شي للممشه هم روحك يزاير
البس ثوب الأسود خلك أنت حاضر
لأرض الطف عطشانه وملهوفة المشاعر
موعدنا وي زينب يم الكعبة باجر

زينب تناديك يراعي المرجله
شد حيلك وكوم يزاير كربله


4
درب حسين نوصفه وحِدة من العجايب
بالزحف المليوني تتلاكه المذاهب
هذا الموسم قرّب بيه الخدمة واجب
من هسه منشورة ومتحزمة المواكب

وترحب بصوت هلا وميت هلا
شد حيلك وكوم يزاير كربله


5
اقره بقول الصادق وأفهم شنهو كايل
بدرب الحسين الخطوة جم عمرة تعادل
أفضال شكد بيها ما يعقلها عاقل
بس صفيها النية ويبرالك بو فاضل

عباس أبو الزود يريدك توصله
شد حيلك وكوم يزاير كربله


6
راح تشوف بدربك أشكال المعاجز
الأعمى والأبكم والي بمشيه عاجز
يسولف وي حسينه ومرفوعة الحواجز
يمكن راح تشوفه يمشي وكلشي جائز

نظره من الحسين توصله للفلّه
شد حيلك وكوم يزاير كربله


7
من توصل يزاير للأرض الشريفة
تلكَه حسين هناكه فاتحلك مضيفه
تشرب مايه بصحنه وتشبع من رغيفه
وتعاهد يم كبره انك ماتعيفه

مشاي أجي ازحوف يَبن عقد الوله
شد حيلك وكوم يزاير كربله

شطره
23 محرم 1445
امجد صاحب الشطري

https://www.tg-me.com/oydgh

هلـــه بالزاير هلــه يلــه شــد القافلــة
ملتقانــه ابكربلـــه يــــم الحسيـــــــن

1
يالتزورون قــربـت أيـام المسيـرة والـزيـارة
يالتزورون درب أبو السجاد مآبي كل خسارة
يالتزورون يالهـــدفكم كــربلـه وذيج المنارة
يالتزورون المهدي وياكم مشه وكاتب شعاره
_________________________

كــــاتب بــدم النحـــــر أروع أدروس وعِبــر
اليمشي للحسين الضفر وفــــــه بالـــــديــــن




2
هلا بيهم تهيج الإحســاس وتهيج المشاعر
هلا بيهم أبـــو الموكب يصرخ تفضل يزاير
هلا بيهم لابــــرد لاحـــر يهمكـــم لا مخاطر
هلا بيهم هالتعب محروز عند الزهرة باجـر

هالتعب يسـوه العمر بـــي نجاة امن القبر
وفاطمة تنطي الأجر للـمحبيــــــــــــــــــن
3
هل ملايين هزت الكونين كله ورفعت الرأس
هل ملايين الله يحرسها وعلي والبطل عباس
هل ملايين بربعين حسين سحكت فوك الأرجاس
هل ملايين زارت الكعبة الشريفة ودقت الساس

والله دربك مــو كلف اجت للغـــــالي زحف
يلي روضك مايجف يــروي كـــل عيـــــن

4
نمشي زوار وعالجتف يتعله ويرفرف لوانه
نمشي زوار وعله باب السدرة باجر ملتقانه
نمشي زوار ونشبك الشباج ونــأدي الأمانة
نمشي زوار وعلى تل الزينبي ننصب عزانـه

وزينب أتعزي الخدم ونكصد الراعي العلم
انكله ياحامي الحـرم أخـــــــــذ جفيـــــــن
_____________________
5
لاتلومـون إحنـــا حبينـه وعشقنــه لاتلومون
لاتلومـون لو تشوفون العقل بحسين مجنون
لاتلومون لو زحفنه الكـربله ونواسي الضعون
لاتلومون شعدنه غير حسين هو نور العيون

خلـــه يسمع عاذلي حسين أغله من هلي
أقسم بشــارب علي بـــدربه مــــاشيــــن
6
درب الحسين عنـــه بالدم بالنحر نبقى ندافع
درب الحسين هو درب الآخــرة وللجنة تابع
درب الحسين يمتلك غِيرة وشرف عفة وتواضع
درب الحسين تقتــدي بيه المشايخ والمراجع

والذي يعوف الدرب أمره بالمحشر صعب
يحلم الجنـــــة يطب النـــاكـــــر الــــــدين

شطره
امجــــــد صــــــاحب الشطــــــــري

https://www.tg-me.com/oydgh

تاج الفخر

اداء #أمير_الكاظمي
كلمات #أمجد_الشطري

مركز الامام الخوئي لندن
٦ #محرم ١٤٤٤ هـ

https://youtu.be/ktG9LlstSkU?si=-ZHHNOWTM1HQh0FN

.
[ شد حيلك يا مشاي ]
------------
https://youtu.be/MAaH4Y_Boeg
------------
أداء الملا #محمد_بوجبارة
‎كلمات الشاعر #امجد_الشطري
------------
‎مخطوطة - حسين مقيم
‎مكساج - حسين نجم
‎مونتاج - حسن رضا
انتاج وتنفيذ - حسينية سيد الشهداء - الكويت
------------
الليالي الحسنية ليلة 7 - 1445 هـ - 2023 م
‎#حسينية_سيد_الشهداء - دولة الكويت
------------

جمعه حامد


عنوان القصيدة
انا موت للفجار

https://youtu.be/FXDp_RTlIp4?si=UQwDbFxd_ikcBLxe

الرادود : جمعه حامد
الشاعر : أمجد الشطري

• حسينية خدام فاطمة الزهراء (ع)

| ليلة ٩ محرم الحرام - عام 1445 هـ - 2023 م |

________

مونتاج :محمد الطائي
مكساج : حسن مرهون

________

تصوير :
يونس سعيد
مصطفى سلامة


اضاءة
يوسف عادل
يوسف حلاوه

ديكور
عبدالله البلام
محمود علي

اخراج :
خادم الزهراء (ع)


إنتاج : حسينية خدام فاطمة الزهراء (ع)

كلي ياناعي ليش مخسوف الكمر
كلي ياناعي جــاوب أنطينـي خبر
بالنعــش سيـد البشر لو ضلع أمي أنكسر
كلي ياناعي

1
كلي ياناعي الحزن وأرحم بحالي
آنه زينب حايره وانشده بالي
هذا ضلع أم الحسن طايح كبالي
لو على ظهر النعش سافر الغالي

أنظر بعيني نزلت تنوح السمه
أنظر بعيني تواسي أمي فاطمة
الليلة مفجوعة الصور لو ضلع أمي أنكسر
كلي ياناعي



2

آه يناعي النايبة ماتحاجيني
خيم بروحي الحزن وبيّن اونيني
مثل ماعينك بجت هم بجت عيني
منك أترجه الخبر كافي تاذيني

هاك أخذ روحي وكلي عن الفاجعة
هاك أخذ روحي حتى أروح اتوادعه
بالنبي حان القدر لو ضلع أمي أنكسر
كلي ياناعي



3

قلبي يخبرني أنه راح أبو الزهرة
اعرفته جدي المصطفى من نبع عطره
اسمعتك تنادي علي مات أبو العترة
أنت تتولى الدفن وتحفر قبره

هذا أبن عمك شلت بيدي جنازته
هذا أبن عمك أنت تحفر حفرته
قلبي عالهادي انفطر لو ضلع أمي أنكسر
كلي ياناعي



4

راح جدي ومايرد نايم بلّحده
واليسافر للأجل بعد شيرده
ادري من سد الجفن دمعته بخده
لان عاف أبنيته فاطمة بشدة

يدري من يرحل باب بيته يحترك
يدري من يرحل حتى محسن ينسحك
محد يزيل الخطر لو ضلع أمي أنكسر
كلي ياناعي



5

آه ياناعي مـن الألم أستمـع همي
من يهجون العِده ويرتجف جسمي
أمي باجر تنسطر عالوجن يمي
وآنه أصيح بعبرتـي لاتطك أمي

تبجي وتنادي فاطمة آنه أم الحسن
تبجي وتنادي أسمع يكلها وإن
هذا عرش الله أنعصر لو ضلع أمي أنكسر
كلي ياناعي


6

من يهشمون الضلع وأحمل أحزاني
راح أحير بكربله وجتلت إخواني
وآنه أصير الناعية هناك تلكاني
عندي يومية عزه بقلبي نيراني

تخلص سنيني وعيني ماتخلص دمع
تخلص سنيني على القبور أشعل شمع
عمري اكضي بس قهر لو ضلع أمي أنكسر
كلي ياناعي

شطره
أمجد صاحب الشطري

https://www.tg-me.com/oydgh