بس ليلة وحده وتنتهي العِشرة مصيبة
بالمكبـرة بيـدي ادفـن الزهـرة مصيبة
من أحمل جنازتها فوك متوني
خلوني أموت ويالضلع خلوني


1
راحت الزهرة وراحت العِشرة الطويلة من أديه
راحت الزهرة او وين الكالي بعد مثل الزجية

الدنيا ماتسوه بعدها كون تطلع روحي
كافي اخلّص سنين عمري بين حزني ونوحي
آنه ادري بعد فاطم ماتطيب جروحي
(ماتطيب جروحي)

هي حياتي وروحي وآمالي الحنينه
من عدها باجر منزلي خالي الحنينه
عن حالي من هالحظة لتنشدوني
خلوني أموت ويالضلع خلوني


2

شلون أفاركها وبيدي أجفنها وارد أحفر قبرها
شلون أفاركها كون يخلص عمري كله ولاعمرها

كون أنا المكسور ضلعي وخدي أحمر دامي
ولا اشوفن جنة الله امدده جدامي
يازمن مني خذتها وخذت كل أحلامي
(خذت كل أحلامي)

طيحتها والله هدمت حيلي يروحي
وين اليساعدني ويتجيلي يروحي
بكسرة ضلعها يابشر أذوني
خلوني أموت ويالضلع خلوني



3

مو ضلع واحد ضلوع فاطم كلها بالباب كسروها
مو ضلع واحد عيونها من شدة الضربة عموها

بت رسول الله محمد هيج سوو بيها
واحد يكَسّر ضلعها واحد يسب بيها
غير ذاك الاجه بسوطه يضرب أعله يديها
(يضرب اعله يديها)

خلوها فاطم حايره بداري هضيمه
وآنه عليها ماطفت ناري هضيمه
لوله الوصية بالوغى يعرفوني
خلوني أموت ويالضلع خلوني


4

ياجرح يشفه وكسر فاطم أصعب من الدنيا كلها
ياجرح يشفه آه يروحي الماصبر واحد مثلها

آنه كلبي ضاك صبره من جفوه أحبابه
فاطمة كتاب الله عندي ومزكوه أكتابه
ياجرح تردونه يشفه وحسرتي لهابه
(حسرتي لهابه)

أيدي أعله ظهري ودمعتي بعيني بعدها
محد يعوض فرحة سنيني بعدها
المن بعد تربي وتشوف عيوني
خلوني أموت ويالضلع خلوني


5

اليفكد أحبابه بعد شله بدنيته وشله بحياته
اليفكد أحبابه مثلي خلي الليلة يتمنى وفاته

ياحسافة الكلبه أبيض بالغدر يتجازه
وياحسرته البل مكابر ودعاها إعزازه
همه أصحاب المحنه صدك الهم عازه
(صدك الهم عازه)

عكب الزجية ماردت عمري يدنيا
كل ليلة أنوح وحسرتي بصدري يدنيا
بالغربة والحيره هلي عافوني
خلوني أموت ويالضلع خلوني

شطره
امجد صاحب الشطري

https://www.tg-me.com/oydgh

فاطمة الزهرة ضلعج مننساه
نحلف بكسرة ضلعج مننساه


1
يم حسن تدرينه يسري حبج بينه
لخدمتج وفينه يشهد الله علينه

بكل رواية أنادي نهتف من الوادي
أنتي بنت الهادي بكل وكت تلكينه

وحك أبو العتره ضلعج مننساه
نحلف بكسرة ضلعج مننساه


2
بثوب الأسود جينه وبالعزه التمينه
بكل الم نادينه مصيبتج تاذينه

كل محب بأحزانه سجّل اسمه ويانه
بخدمتج وصانه حيدر وهادينه

خالدة الذكرى ضلعج مننساه
نحلف بكسرة ضلعج مننساه


3
العصرة ماننساها اللطمه عشنه وياها
روحج وفحواها جم نذل آذاها

من نطينه احجايه عن وعي وعن غايه
أنتي أقدس آية والله بيج تباها

من بعد أمره ضلعج مننساه
نحلف بكسرة ضلعج مننساه


4
الروح ألج نفديها العين ألج نعميها
مصيبتج نحيها ومانساوم بيها

بهل القضية أنواصل عالضلع منجامل
خل نفهّم العاذل فاطمة وماضيها

واضحة الفكرة ضلعج مننساه
نحلف بكسرة ضلعج مننساه


5
حكج الما ضايع عنه كلنا أندافع
هذا أمر الواقع والإمام أيتابع

أحنا ابد منسامح وللظلم منصافح
عدنا موقف واضح المهدي باجر طالع

نهتف بكتره ضلعج مننساه
نحلف بكسرة ضلعج مننساه


6
لو ظهر مهدينه بقبرج يدلينه
ويأخذ بأيدينه وغيرتنه تروينه

والضريح أنزوره أنطوف كلنا بنوره
أنادي يامقهورة وياج ماوفينه

بقلب جمرة ضلعج مننساه
نحلف بكسرة ضلعج مننساه


بغداد
امجد صاحب الشطري

https://www.tg-me.com/oydgh

بعيوني عبره وبخدي سطره
وضلع التكسّر مايشفه كسرة
آنه الوديعـة فاطمـة آنه الوديعة
زينب عفتها ميتمه يوم الفجعية



1
بقلبي سوالف موت وبصدري ضيم هواي
ابدي الحجي من وين ياناس ضاع الراي
عن الضلع والباب لو عن هظم دنياي
ماكملت عشرين ودمعي أنخلط بدماي

سنيني العشتها بحسرة أختمتها
وثمنطعش عام ماكملتها
آنه إلي بيه ضاكت الدنيا الوسيعة
زينب عفتها ميتمه يوم الفجعية



2
جنت آنه وسط البيت وندك عليه الباب
فز قلبي واحتاريت مو دكت الأحباب
فتحته وشوفن سوط وعيون ناس أغراب
هنا ياعلي ناديت خفت الضلع ينصاب

وحدي لكوني وحيل ادفعوني
كسرولي ضلعي تالي ارفسوني
يعرفوني آنه بت نبي وضيعوني ضيعة !
زينب عفتها ميتمه يوم الفجعية


3
أندفعت عليه الباب وصبحت بين آمرين
لو محسن يسكطو لو ينكسر ضلعين
وثنينهن ياناس صارن بنفس الحين
او مو بس ضلع وجنين فوكاها سطره عين

أيد لجنيني وأيد أعله عيني
ومابين الأنذال انظر بنيني
أقبلت أموت بمحنتي ولاخصمي أطيعة
زينب عفتها ميتمه يوم الفجعية


4
عصرني النذل ياحيف وبيه سده البسمار
وقنفذ أجاني بسوط وبمتني خله آثار
ناديت أنا الزهراء وبابي شبو نار
ماظلي شي ياناس من هجموا أعله الدار

كلشي خسرته والهم جرعته
تاليها بــ آه بيتي هجرته
ليلة مصابي مؤلمه وكلش فضيعة
زينب عفتها ميتمه يوم الفجعية


5
أبالي ابد ماجان كلشي من أيديه أيروح
طفلي وحياتي وبيت وحسرة قلب مذبوح
بداري عفت أطفال بين الدمع والنوح
باجر تصير أيتام وحيدر علي مجروح

منهو اليعينه الفاكد حنينه
وي دمع الأيتام نوحه ونينه
حيدر عليه ماسكت نوحه يشيعه
زينب عفتها ميتمه يـوم الفجعية


6
الكسرولي ضلعي اليوم باجر تعيد الدور
يسحكون صدر حسين وخيل أعله جسمه أتدور
زينب تشوفه أوحيد ومنه الظهر مكسور
لا ناصر ولا معين ومن الكفه منحور

هاي الرزية بالغاضريه
جثه خضيبه وعيله سبيه
يادمعة سيلي وكتبي قصة رضيعة
زينب عفتها ميتمه يـوم الفجعية

بغداد
امجد صاحب الشطري

https://www.tg-me.com/oydgh

.

*جديد 1446هـ*
*صدى المآتم*

•الرادود الحسيني
*ملا محمد بوجبارة*

•الرادود الحسيني
*ملا دانيال بوجبارة*

•كلمات الشاعر
*أمجد الشطري*

*|🔻|*
https://youtu.be/W_xQAvJyUfU?si=17aOc9X0KYmJpUEo
*|🔺|*

*عزاء بضعة النور 4*

*طلباً لرضا مولاتنا الزهراء عليها السلام شاركنا الأجر بإعادة النشر*

للمدينة أبعث سلامي
لفاطمة شوكي وغرامي
آنه خادم آنه خادم آنه خادم للزجية

1
روحي حنتّ والقلب مطّر حنينه
وشتهيت أشتم عطر من المدينة
كالوا الليلة تتطل شمعة نبينه
صحت ماتتعوض الفرصة الثمينة

شايل الوردة باديه
ألها أقدمها هديه
آنه خادم آنه خادم آنه خادم للزجية



2
بالمدينة من نزل وأشرق ضواها
عم على الأرض سر محتواها
ربنا من فوك العرش بيها يتباها
والحواري لاذت بحبها ومناها

الزهرة تفاحة الجنة
وياها هليلة انجمعنه
آنه خادم آنه خادم آنه خادم للزجية



3
فاطمة بيها أنوضع سر الخليقة
والمجد هي الذي شقت طريقة
الجوري منها يرتوي ويأخذ رحيقه
والمحب يتغذه حبها بكل دقيقة

هي تسبيحه صلاتي
بيها أحقق أمنياتي
آنه خادم آنه خادم آنه خادم للزجية


4
من فضلها ومن كرمها ومن عطاها
نلكه فاطم قمة والخير بسماها
ربنا لأجل الزهرة هل الدنيا بناها
ومن لطفها او نوها أرضه دحاها

من سراج الكوثريه
ضوت أفلاك البرية
آنه خادم آنه خادم آنه خادم للزجية


5
فاطمة الكل البشر هي الوسيلة
فاطمة وما ألها بالعالم مثيلة
أم حسن وحسين والحرة العقيلة
بذكر اسمها تنمحي أهموم الثجيلة

من أسوالف عن دراية
منها شفت آنه العناية
آنه خادم آنه خادم آنه خادم للزجية


6
آنه خادم من كلت واجب عليه
شيسوه عمر سنيني من غير الزجية
بالولادة الليلة اقدملها تحية
واقسم أبقه بخدمتي ليوم المنية

خدمتي هي نجاتي
ألها أقدم كل حياتي
آنه خادم آنه خادم آنه خادم للزجية

بغداد
امجد صاحب الشطري

https://www.tg-me.com/oydgh

هليلة هليلة أنهني فاطمة
والمصطفى الهادي وحماي الحمه

1
من قلبنا للنبي هنينه
للوصي راعـي الشدد وفينه
الليلة عيد الزهرة عاد علينه
ياهلا وكل الهلا نادينه

ويانه فرحانه أملاك السمه
والمصطفى الهادي وحماي الحمه

2
الليلة فاطم نورت دنيانه
وناده جبريل الملك آذانه
بالمدينة استقبلوا الريحانة
جنة الفردوس جت ويانه

بيها العرش باها هاي العالمة
والمصطفى الهادي وحماي الحمه

3
بالفرح يوم الفرح نتلاكه
وكل محب للزهرة يهدي أشواكه
الليلة كل شيعة علي مشتاكه
هذا حبنه ومانريد افراكه

والليلة دعوانه خدمة فاطمة
والمصطفى الهادي وحماي الحمه

4
من الجنان انقطفت التفاحة
والقلب بالحب نشر أفراحه
بالسمه جبريل رف أجناحه
من بزغ نور الشرف مصباحه

قبل الخلق فاطم هي متممه
والمصطفى الهادي وحماي الحمه

5
بيها مابين الخلك نتباها
بالشدايد كل وكت ننخاها
فاطمة الزهراء ماننساها
نعيش وياها ونموت وياها

والله العمر كله ألها نقدمه
والمصطفى الهادي وحماي الحمه

6
هاذي فاطم بيمن انجازها
شما خدمنا والله مانوفيها
رابح الجنة التقرب ليها
وخاب كلمن ماتمسك بيها

محلاها وياها حسن الخاتمة
والمصطفى الهادي وحماي الحمه

بغداد
امجد صاحب الشطري

https://www.tg-me.com/oydgh

يازهراء يازهراء يازهراء يازهراء


1
كلماتي من عشك مولاتي
اعترف عن شوكي وغرامي
من روحي وصفت غاياتي
والقلــــب مفـتــــون بهيامي

فاطم حبها بيه قافل عالقضية
ماعوف الزجية هذا آخر كلامي

يازهراء يازهراء يازهراء يازهراء


2
دلالي فاطمي للتالي
وافتخر للموت بهويتي
إيماني بالمهد يحلالي
لــلأبــد ماتــرك قضيتي

تفكري النهائي للزهرة ولائي
معروف بوفائي ويظل عالي صيتي

يازهراء يازهراء يازهراء يازهراء



3
بعيوني هل اسم وجنوني
منيتي ياصـومـي وصلاتي
سألوني فاطمي عرفوني
ونكشـــف للســائــل ثباتي

شيعي وبيدي راية من الزهرة العناية
مخصومة النهاية للزهرة حياتي

يازهراء يازهراء يازهراء يازهراء


4
بإحساسي فاطمة وبأنفاسي
مـا أحـب بـــس حـب الزجية
بت طه كل هلي وكل ناسي
مـــاتــرد لـــو مــديــت أدية

مو بس خيري منها خير الدنيا منها
عاجز شحجي عنها هالزهرة الوفية

يازهراء يازهراء يازهراء يازهراء


5
مو بيدي هالعشك مو بيدي
بالمـهـد عـالفطــرة هــويته
لــوليـدي علـمـت لـــوليدي
عـن صـدق للـزهـرة فديته

من جدي وعودي لوليدي عهودي
ماانكر ووعودي وعمري مانسيته

يازهراء يازهراء يازهراء يازهراء

لبنان
امجد صاحب الشطري

https://www.tg-me.com/oydgh

يااباالحسن ياابالحسن مدد مدد ياابالحسن

1
علي يروحيه نبيه علي هو أنت السفينة
هواي مثلك دوينه بس شبهيك مالكينه

الليلة عيدك حل علينه والورد شلناه بدينه
أنت أبو الروح الحنينه للمحب كلبك مدينة

يااباالحسن ياابالحسن مدد مدد ياابالحسن

2
الليلة غمرتنا السعادة وكل كلب صاح بوداده
ياهلا بهاي الولادة ياعلي وذكرك عبادة

بقوه وإصرار وارداه بس إلك تحلى السيادة
أنت قائد على القادة ياعلي وسيد السادة

يااباالحسن ياابالحسن مدد مدد ياابالحسن

3
ياشمس رب البرية بيك دنيتنا زهيه
كل ملك هاي المسيه حاير شنطي هديه

الناس ملتمه سويه والمشاعر حيدريه
أنت ياحامي الحمية صرت للعاشك هوية

يااباالحسن ياابالحسن مدد مدد ياابالحسن

4
البيت شرفته بوجودك وصار بي موقع خلودك
من اجل كعبة صمودك ياعلي انشق أعله مودك

نطيت بي لله عهودك وماخنت ساعة بوعودك
الدين حاميته بجهودك من كدر يوصل حدودك

يااباالحسن ياابالحسن مدد مدد ياابالحسن

5
كالو محبتك خسارة وكلنه نرضه بهالخسارة
مادور حبك تجارة والمحب بيك افتخاره

منهو مثلك حامي جاره وبيده يطعم للفقاره
وساجد بليله ونهاره وبيته ماوى للحيارى

يااباالحسن ياابالحسن مدد مدد ياابالحسن

6
حبك الما ردنه غِيرة ماكطع ويانه خيره
كل شخص يحجي بضميره ياعلي أفضالك جثيره

وياك نعرف ماكو حيره باجر الحبك تجيره
تعزله عن نار السعيره وبالحشر أنت نصيرة

يااباالحسن ياابالحسن مدد مدد ياابالحسن

شطره
امجد صاحب الشطري

https://www.tg-me.com/oydgh

علي مولايه مولايه علي
صاحب الراية مولايه علي

1
ياعلي من المهد حبيتك
ياعلي ومن الرحم وليتك
ياعلي وبقلبي صاير بيتك
وبوسط عيني علي ضميتك

اسمك الآية مولايه علي


2
ياعلي أسمك عسل بلساني
ياعلي وحبك جره بشرياني
ياميري وماكو غيرك ثاني
منهو غيرك للنجم علاني

أنت لي غاية مولايه علي


3
ياعلي بدونك تموت أنفاسي
ياحياتي ومنيتـي واحساسي
أنت روحي وكل هلي وكل ناسي
بين كل الكون رافع راسي

روحي وفايه مولايه علي

4
ياعلي بيك شكثر لاموني
مادرو حبك رسخ بجنوني
عن محبتك رادو يغيروني
شافو حروفك كحل بعيوني

أنت رجوايه مولايه علي


5
ياعلي أسمك نزل بالسورة
وبيك كل الكون نوّر نوره
ياعلي والباري خط دستوره
وصاح طه شيعتك منصورة

دكت الثايه مولايه علي

6
اليوم قانونك صدر تشريعه
وبحضور المصطفى وتوقيعه
ياعلي المابايعك بالبيعة
هذا مامحسوب من الشيعة

تاج الولاية مولايه علي

شطره
امجد صاحب الشطري

https://www.tg-me.com/oydgh

علي حيدر يكرار علي حيدر


1
أهلاً ياولينه نورك هل علينه
بميلادك اجينه ياسوه نبينه

ياسر المعاني غيرك ماكو ثاني
من قلبي ولساني قدمت التهاني

علي حيدر يكرار علي حيدر

2
يامحلى البشائر بيها أحنا نفاخر
طيبّت المشاعر وأنت ويانه حاضر

عيدك ربنا عاده فَرحّنا بوداده
هاي أجمل ولادة لمتنه بسعادة

علي حيدر يكرار علي حيدر


3
يافحل المراجل ياسيد الفضائل
زينهّ المحافل بشموع وهلاهل

ياحبنا وسندنا يالعشت بكلبنا
بحبك معتقدنا جنة وأحلى جنة

علي حيدر يكرار علي حيدر

4
مفخرة البرية وسّر الله ونبيه
أنت أجمل هدية ياحامي الحمية

ضيك طر هلاله سبحانه وتعاله
خالق هالجلالة من نوره وكماله

علي حيدر يكرار علي حيدر

5
كل أحنا عبيدك كل عاشك يريدك
يهتف أيدي بأيدك ويرتل نشيدك

يانور الهدايا بيدك تعله راية
أنت من البداية عنوان الولاية

علي حيدر يكرار علي حيدر

6
هالواقع نذيعه حبك مانبيعه
غيرك مانطيعه شيعة ونبقه شيعة

محد يملى حبنا ياسيره عشكنا
عالموقف بعدنا وبأسمك شهدنا

علي حيدر يكرار علي حيدر

شطره
امجد صاحب الشطري

https://www.tg-me.com/oydgh

يـاغريـب الكـاظميـة الكـاظميـة
ليلة وداعك مصيبة أعله البريه
أحنا المعزين يابو الجوادين


1
عادت علينه الليالي الموسوية
وللمصاب أتحضرت أهل الحمية
المواكب ناحت ونصب عزيه
الليلة أصعب ليلة بأرض الكاظمية

يامدرك الحيارى
دم الدمع تجاره
والقبة والمنارة
ناحن سوية

ياقلب يصبر يغالي بهل المصيبة
والحضرلك منه تسمع بس نحيبه
ندري الدمع دين يابو الجوادين



2

الليلة وي زوارك تنوح الحزينة
وعتنت ياسيدي من المدينة
أنت جسمك عالجسر باقي بانينه
ويلي ثلث أيام ماواحد يعينه

ويلي علّى مصابك
ضاع بسجن شبابك
وتحملت عذابك
والله هضمية

كل حياتك خلصتها بلايه راحة
تالي عمرك يكضي صبرك وي جراحة
وموتك أجه الحين يابو الجوادين



3

كل سنة من القبة يتبدل لوانه
وبالصحن يابو الرضا نبدي عزانه
والله ماننسى ابد هاي الأمانة
أن شاء الله تجمعنا والمهدي معانة

من يحضر بونينه
وبدمعته الحنينة
أينادي جدي وينه
بالكاظمية

جنازتك يحضنها ويشيعها بيده
وخلفه من ذاك الجسر تنحب عبيده
وصوت الملايين يابو الجوادين



4

أنت عمرك بالسجن كله كضيته
والسلاسل بيدك ودمعك جريته
من حديد الجامعة ظهرك حنيته
والفرج تنتظره وبموتك لكيته

والله يموسى حيره
أنت بلا عشيرة
وادم بلايه غِيرة
يارحمة الله

ضنهم بموتك طفت ثورة ظماير
مادروا قبتين إلك وأربع مناير
خل نتظر العين يابو الجوادين



5

كل عذاب الدنيا بجروحك حملته
وضيم أشد من ضيم شفته وهم جرعته
غربتك هم تشبه حسين وغربته
لجن ماتشبه مصابة ولاذبحته

حسينك بلا مناصر
حسينك بصدره حافر
حسينك يموسى حاير
حزو وتينه

أنت شالوك بنعش ذيج الظهيرة
بس أبو اليمه أنجمع جسمه بحصيرة
دلاله نصين يابو الجوادين


6

بعد ياهم ياحزن عنك نكوله
وأنت موتك ابكه للزهرة ورسوله
إلي سَمّك ماملك ذرة رجولة
من بعد موته عقاب الله ينوله

يابو الرضا عجيبة
بينه ترك مصيبة
يالجثتك غريبة
بجسر الرصافة

يا أمام الرافضة مصابك فجعنا
يابو طلبة وروحتك ذبحت قلبنا
لتظنه ناسين يابو الجوادين

بغداد
امجد صاحب الشطري

https://www.tg-me.com/oydgh

هونك بالله يالجناز هذا الشايلنه منين
جنازة موسى ابن جعفر عليها الناس ملتمين


1
آنه الزهرة يالجناز آنه أم الحزن والنوح
جيت من المدينـة اليوم جيت بلا جسد بس روح
كالولي أبو الطيبات جسمه أعله الجسر مطروح

أمشي وأعثر بممشاي أدوّر أبني بدموع العين


2
على جسر الرصافة هناك شفت جنازة المسموم
ناديته بقلب مكسور كوم اكعدلي يامظلوم
آنه ادري اليجيله الموت كل أهله عليه تحوم

بس موسى غريب يموت وأحبابه وهله بعيدين


3
ياحيف وألف ياحيف بطاموره الولي يسمووه
وبذاك السجن ويلاه وحَدّه بحيرته يخلوه
لمن غمضاها العين تالي من السجن شالوه

مسموم الجبد ياناس منه مرضرضه الرجلين


4
ثلت أيام ظل مطروح والسلسلة بجفينه
كلّها تصيح هذا منين مانعرف عناوينه
لن ناعي المصيبة يصيح الكاظم هذا والينه

صاح أعله الجنازة وناح ماحضروا هله الطيبين


5
يوم الشالوا التابوت جن أنشال دلالي
كمت اصرخ يهل جناز ريض وارحم بحالي
هذا أوليدي أخذني وياه وخلي جثته كبالي

أريد أشبع بواجي عليّه وعفر بالدمة الخدين


6
حماميل أربعة حملوا وحضروا خيره أصحابة
ومن ذاك الجسر شيعوا ونار الحزن لهابه
غريب الكاظم المسموم واويلي على مصابة

هذا صوت المحبين ظل يعله بدمع وونين


7
وليدي باللحد دفنوا مو مثل البكه حيران
ذاك الظل على التربان عاري بخطه الميدان
لا ناصر اله ولمعين وزينب حايره برضعان

مصاب حسين ابو السجاد مثله ماتشوف العين

بغداد
امجد صاحب الشطري

https://www.tg-me.com/oydgh

يابو الرضا وويلاه يابو الرضا وويلاه


1
ياموسى لحضات الهجر للساعة تجرح بينه
نار المصيبـة بكل وكـت يبو الرضا تجوينه
خلينه ننعه مصيبتك طول الدهر خلينه

حد مايهل راعي الفرج وبسيفه يطلب ثارة
يابو الرضا وويلاه يابو الرضا وويلاه


2
أنت أمام الرافضة الماعشت يوم براحة
خلصت عمرك بالسجن وحملت كل جراحه
قلبك حمل وشكد صبر تالي انكطع سباحه

ومن هالرزية الراتبه لليوم تسعر ناره
يابو الرضا وويلاه يابو الرضا وويلاه


3
عشرين عام أتعذبت كل عام يحمل حسرة
كل لحظة من عمرك سنة تنحسب يبن الزهرة
ضيم وجفه وهم وحزن حيره ومصاب وعبره

من ذني يابن فاطمة روحك صفت محتارة
يابو الرضا وويلاه يابو الرضا وويلاه


4
الله يصبـرك سيـدي هليلة والله يعينك
الجامعة بنص ركبتك والسلسلة بجفينك
مره تواسي روحيتك مره تواسي حسينك

تذكر مصيبة عمتك ودم الدمع يتجاره
يابو الرضا وويلاه يابو الرضا وويلاه


5
ياراهب آل المصطفى مصابك تصدر دوره
انت حجبت أهل الفتن ماحجبتك طاموره
ونطقت باسم المرتضى وطبقت كل دستوره

وحكمت بالحق سيدي بس غدرك فجاره
يابو الرضا وويلاه يابو الرضا وويلاه


6
ياموسى من حان الفرج تدري الفرج بي موتك
سمو جبدتك ياوسـف وصـار الجسر تابوتك
هارون من بعدك هلك وظل عالي يصدح صوتك

وقبرك تعله ويالنجم ومزاحمه زواره
يابو الرضا وويلاه يابو الرضا وويلاه


7
كل عام أحنا وكل سنة نذكر مصابك دايم
والجمرة ماتطفى ابـد تبقـه لظهور القائم
عاهدنا واليوم العهد أنجدده يالكاظم

للموت عنك مانزل دينك تره أحنا أنصاره

شطره
امجد صاحب الشطري

https://www.tg-me.com/oydgh

فرحة هاشمية بهجة حيدريه
ميلاد الأطايب نور من الزجيه

1
بالحسين نبتدي أعياد الشهر ويرف لوانه
بالحسين تفرح الدنيا وكمر يضوي بسمانه
بالحسين الله من سابع سمه يقبل دعانه
بالحسين الشدايد تنكضي ويفلح رجانه

مكتـوبـة بقلبنا شبل الزهرة أملنا
غيرة ماكو عدنا للعاشك هوية

2
بوفاضل ثاني نور نشوفه من ظهر الصميده
بوفاضل بالمهد يكفل خدر والراية بيده
بوفاضل نكله هاي الليلة أيامك سعيدة
بوفاضل ونهدي اله باقة قصائد مو قصيدة

عباس بوفائه معروف بولائه
تشهد كربلائه بوالنفس الابيه

3
يسجاد نهتف بفرحة ونزف أحلى البشاير
يسجاد خمسه من شعبان أنت ويانه حاضر
يسجاد يالحروفك سكنت بكل المشاعر
يسجاد بينه شوك وشوكنا من طيب خاطر

يلسان العقيدة يانهج الصميدة
يافرحة جديدة ياسور وحمية

4
يالاكبر ياعشكنا الأولـي ويابهجـه الدين
يالاكبر ليلة الحـادي عشـر تتكحل العين
يالاكبر نورك بنور النبي وماشفنه وجهين
يالاكبر ياعلي ومنك نعِم ياشبل الحسين

من طه محمـد نورك جنه فرقد
بسمانه توقد رحمة للبرية

5
بوصالح نور من رب السمة نازل علينه
بوصالح ليلة الخامس عشر يحضر ولينه
بوصالح حاشه لا ميرد طلب يأخذ بدينه
بوصالح هو علم المصطفى وللحق مدينة

وفاي بوعوده مايخلف عهوده
والليلة بوجوده فرحة مهدوية

بغداد
امجد صاحب الشطري

https://www.tg-me.com/oydgh

صلوات صلوات على محمد وعلي

1
هذا شهر الفرح هل هلاله
والمحب مقبولة بي أعماله
هالشهر ماتنوصف أفضاله
والخِدَم بي عن صدق هنياله

والخادم واضح برهانه

صلوات صلوات علي محمد وعلي

2
هالشهر شهر العشك ياساده
بي أبو اليمه يحل ميلاده
ومن بعد عيده فرح أولاده
وألف هنيالة اليحصل أمراده

افرح ياشيعي بهل ليلة

صلوات صلوات على محمد وعلي

3
مولد الأقمار جنة علينه
حسين وي عباس وي مهدينه
للنبي وحيدر علي هنينه
وللزجية فاطمة وفينه

وبالمحشر باجر توفينه

صلوات صلوات على محمد وعلي

4
بالسمه مرسومة أجمل صورة
كل إمام الليلة يصنع دوره
حسين أول من يضَع دستوره
وشعيته أبخته تظل منصورة

وحسين اليرفع خدامه
صلوات صلوات على محمد وعلي


5
هالشهر معروف من عنوانه
مانسينه وهو ماينسانه
ندعي ربنا يقبل بدعوانه
هالسنة المهدي نشوفه ويانه

والراية بجفه معليها

صلوات صلوات على محمد وعلي

6
عالوعد طول الدهر ظلينه
ومن عشكنا والله ماملينه
بكل شرف من القلب نادينه
غير حبه حسين مايروينه

وحسين بدربه اتربينه

صلوات صلوات على محمد وعلي

شطره
امجد صاحب الشطري

https://www.tg-me.com/oydgh

كربله ساكنة بروحي كربله بلسم جروحي
كربله حبها يكفيني


1
أرض الوفه بروحي مايوم أملها
كل البشر حتماً تعرف فضلها
هي مثل مكة واضح أصلها
أشرف ارض ألنه ربنا جعلها

كربله شهكة أنفاسي كربله بيها عباسي
كربله دنيتي وديني


2
عن البقع كلها ربنا اصطفاها
أجمل أرض عدنا أحنا فداها
هو أبو اليمه الشّرف ثراها
لو ما دمه المنحر ماشع ضواها

كربله جنة الخادم كربله ثورة عالظالم
كربله كحلت عيني


3
جنة وألف جنة ماتوصل ألها
والباري ماخالق وحده مثلها
كل الخدم بيها يلتم شملها
وبليلة الجمعة نتعنه ألها

كربله مأوى كل حاير كربله كعبة الزاير
كربله هي تحويني

4
من تختنك روحي ازحف واجيها
وأنسى التعب كله امن ادخل عليها
أرض المجد دايم تفكري بيها
أفرح من تضمني وتمدلي أديها

كربله تسري بعروكي كربله بسملة شوكي
كربله حبها يرويني

5
يعجز أنا لساني شما أحجي عنها
ولا مرة عالزاير يغمض جفنها
شكد وادم بغربة محرومة منها
مشتاقة هليلة أترد الوطنها

كربله موطن الضايع كربله للمحب جامع
كربله سيرة سنيني

6
ادعي من الباري وسيد البرية
وحيدر أبو الحملة وزهرة الزجية
ارض الفخر هايه يحفظوها إليه
لنها لكُل عاشك أقدس هوية

كربله افتخر بيها كربله مااجازيها
كربله غِيرة تنطيني

شطره
امجد صاحب الشطري


https://www.tg-me.com/oydgh

مدد مدد يامهدينه
مدد مدد ياولينه

1
يوم الولادة سيدي بخلاص نادينه
دربك درب حيدر علي كل أحنا ماشينه
مادام كل لحضه مدد يالمهدي تنطينه
وياك نبقى للأبد مايوم زلينه

مدد مدد حبك بينه
مدد مدد ياولينه


2
ياغِيره الله بكل عزم تنتظرك الراية
جيت وفرحنا بجيتك يالجيتك غاية
عندك زلم يوم الشدد يالمهدي وفاية
ماتخلف وياك الوعد من أول حجايه

مدد مدد ماوفينه
مدد مدد ياولينه


3
ياشوك حبنا المايجف يارحمة الباري
هاشمي وأصلك من علي بالشده كراري
آنه العشكتك عن صدق من ساعة صياري
والليلة آنه بمولدك تتكحل أنضاري

مدد مدد العيدك جينه
مدد مدد ياولينه

4
عيدك يمر بكل سنة ونضّوي إلك شمعة
يالمهدي وبهذا العشك صوت الوفه نرفعه
دعوانه يابن فاطمة في ليلة الجمعة
يايوم يتلاكن سوه عيدك ويالطلعه

مدد مدد وترد لينه
مدد مدد ياولينه


5
يالمهدي عن طه النبي أقوال نرويها
دولة علي بعون العلي أنت إلي تبنيها
من تنملي جور وظلم بيدك تصفيها
ياسيدي قصد وعدل هالدنيا تمليها

مدد مدد ياحامينه
مدد مدد ياولينه

6
باجر ترد من غيبتك ياضنوه الهادي
هذا الإمام المنتظر العالم أينادي
تزور الحسين بكربله وتروح للوداي
وصوت المنادي يعتلي وينه الذي يعادي

مدد مدد نسطر عينه
مدد مدد ياولينه

بغداد
امجد صاحب الشطري

https://www.tg-me.com/oydgh

السلام عليك يامهدي ياحجة الله

1
سلمت وعليك روحي هايمه
من بعد ماسلمـت أهل السمه
اليوم ضيف علينا يابن فاطمة

وكل محب ياسيدي صاح بفخر
السلام عليك يامهدي ياحجة الله


2
هذا نورك سيدي علينا نزل
بيه غيرة فاطمة وخير العمل
يابو صالح أنت مفتاح الأمل

شما تدور أيام ويمر الدهر
السلام عليك يامهدي ياحجة الله

3
كل قلب بشواكه وأفراحه هتف
ياهلا وكل الهلا بتاج الشرف
أنت هسه بكربله لو بالنجف

يابوصالح وين صار المستقر
السلام عليك يامهدي ياحجة الله

4
نعم بالمولد زهت جنة عدن
وضوه كل الكون إلك يبن الحسن
لكن أنت مادرينه بيا وطن

ماكو منك لا رسالة ولا خبر
السلام عليك يامهدي ياحجة الله

5
هاي صار سنين نترقب تجي
بكثر دمعات النظر عدنا حجي
ليلة الجمعة الك نبجي بجي

نريد نحضه بشوفتك يالمنتظر
السلام عليك يامهدي ياحجة الله

6
كافي من الغيبة كافي من الصبر
هاي دنيا موحشه وجنها قبر
بس هظم وفراك خلصنه العمر

سيدي وجروح وهموم وقهر
السلام عليك يامهدي ياحجة الله

7
علينه تصعب يابو صالح غيبتك
خاف نمشي ومانشاهد هبيتك
والله يالمهدي تره احنه بحاجتك

من مغيبك منكسر منه الظهر
السلام عليك يامهدي ياحجة الله

8
يمتى ترجع ألنه وتبرد المهج
عالوعد نتنطرك يبن الحجج
كل مسه ومصباح ندعو بالفرج

يمته نورك سيدي يكحل النظر
السلام عليك يامهدي ياحجة الله

بغداد
امجد صاحب الشطري

https://www.tg-me.com/oydgh

يالمنتظر يالمنتظر يالمنتظر مدد مدد يالمنتظر

1
بعيد ميلادك اجينه عالوعد كلنه التقينه
شوك إلك يمهدي بينه يا أبو الروح الحنينه

للمحب أنت السفينة ياوكت تظهر علينه
بأنتظارك ياولينه كربله وأرض المدينة

يالمنتظر يالمنتظر يالمنتظر مدد مدد يالمنتظر

2
الدنيا هليلة زهيه بطلتك يابو الحمية
أي وحك ربنا ونبيه أنت للعاشك هوية

يمته نتلاكه سوية وتأخذ بثار الزجية
ونفرح كبال الدعية باليالي المهدويه

يالمنتظر يالمنتظر يالمنتظر مدد مدد يالمنتظر

3
كل محب هذا نشيده سيدي أيامك سعيدة
بلايه شك يبن الصميده أسمك أجمل من قصيدة

العاش حبك مدلك أيده يدري هو أنت العقيدة
وأنت عندك مو بعيدة الشيعي تنطي اليريده

يالمنتظر يالمنتظر يالمنتظر مدد مدد يالمنتظر

4
سيدي محلى جمالك ومحله فحواك وخصالك
حايره الناس بكمالك من علي شايل وصالك

الشوك بأفراحه آجالك وعن فرح قلبه حجالك
هو ماشايف خيالك وليلة الجمعة دعالك

يالمنتظر يالمنتظر يالمنتظر مدد مدد يالمنتظر


5
يمته يتحقق حلمنا سيدي وبيدك تلمنا
تدري مو خلص عمرنا وشيّب الرأس وقلبنا

يوم عيد إلي تمرنا وتحمل بجفك علمنا
كافي نصبر مو تعبنا أظهر وفرّح قلبنا

يالمنتظر يالمنتظر يالمنتظر مدد مدد يالمنتظر

6
أنت تدري البعُد جارح والفكر بالغيبة سارح
وياك خلينه نصارح عيونه بدربك تشابح

الدمع كل يوم سايح والأمر يالمهدي واضح
أنريد بعيونك نصابح يمته ترجع يابو صالح

يالمنتظر يالمنتظر يالمنتظر مدد مدد يالمنتظر

شطره
امجد صاحب الشطري

https://www.tg-me.com/oydgh

الآن على قناة اليوتيوب
‏‌ ‌‎| #فرحة_حيدرية l
| 1446هـ - 2025م |

أداء |
#دانيال_بوجبارة
#محمد_الباذر
#عماد_المجحد

كلمات | #أمجد_صاحب_الشطري

التوزيع | #محمد_عليق
الهندسة الصوتية | #حسن_مرهون

مونتاج | #ياسر_المهناء
اشراف عام | #مصطفى_الطرفي

‏
[https://youtu.be/fu5B9R3xB8Y ]